یاهو

سلام اولااوشاهه کی صحن وسراسی وار

جدی کیمین اوگنبدی اوسته لواسی وار

مروه نه دورصفاندی،عالم بونی بیلیر

مین لرصفایه باش،حرم باصفاسی وار

زمزم هارا؟ندورچاتا معناده بویئره

مین زمزمین برابری سقاخاناسی وار

معلومیدورجلالتی،اوستونده دی آدی

هرنه گتیرسه زائری الده،رضاسی وار

الحق خدا،به جاآدینی انتخاب ائدیب

یعنی رضا،هرایشده رضای خداسی وار

سسله گله اوکس که طبیب ائیلییب جواب

هردردیوه دئیون بورضانین دواسی وار

هرکس اورک الیله یاپیشساآلارگئده ر

والله بونون سخاوت بی انتهاسی وار

هرعاشقی که کربوبلاگویلونه دوشوب

مشهدده ده رضاآقامین کربلاسی وار

هرقدرمن دئسم گئنه آزدی جلالتی

حاتم کیمی،درینده هزاران گداسی وار

"هاتف"گلیب همیشه کیمی بوشدی اللری

اماگینه رضایه اورگده وفاسی وار

#هاتف_حضرتی
🏴🏴🏴🏴

🌹🌹🌹🌹🌹🌹🌹🌹🌹

امام رضا ع

یاهو

مالکِ مُلکِ قِدم_ای یَمِ جود و کرم

دیلده آدون آقاجان_باشدا وار شوق حرم


هر نه ناز ائیلسون ائیله،من آقا مشتری ام

عمریدور بو قاپونون سائلِ در به دری ام

دئمورم نوکریوم،یوخدی لیاقت منده

سائلم درگهه،نوکرلریوین نوکری ام


یا غَریبَ الغُربا****یا مُعینَ الضُعَفا

صاحبِ جود و سخا****ای آقا اوغلی آقا




ای کرامتده کمال_سائلین گویلونی آل

اولموشام شکر خدا_مست مینایِ وصال


ییغیشیب باشوا عالم هامی محتاجِ کرم

رشک جنت دی دئسم دوزدی سراپای حرم

زمزمه طعنه دی سقاخاناسی درگهیوین

عالمه سایه سالیب لطفیویله یاشیل عَلم


یا غَریبَ الغُربا****یا مُعینَ الضُعَفا

صاحبِ جود و سخا****ای آقا اوغلی آقا


غرق دریای غمم_سائلِ محتشمم

وئرمرَم اوزگیه دل_من اسیرِ حرمم

سن گل فاطمه سن گلشنیوه خارم من

افتخارم یوخ آقا درگهوزه عارم من

سن رئوف هامی عالم سن آقا ائیله کرم

هر نه اولسام دا سنه ایلده عزادارام من


یا غَریبَ الغُربا****یا مُعینَ الضُعَفا

صاحبِ جود و سخا****ای آقا اوغلی آقا

ای شهنشاهِ وفا_ای علی موسی الرضا

دیلده وار سن بیلیسن_حسرت کربوبلا

#هاتفِ عشقیوم ای شانیده دریای سخا

بیوفا اولسام اگر سنده آقا چوخدی وفا

منیده قوش بو گلن زائریوه گویلومی آل

امضالا جمعیله باهم منه ده کربوبلا

#هاتف_حضرتی
#امام_رضا_ع
آهنگ_شهریاریم سان آقا

یاهو

آقا گلمیشم که اورک اودوندا غمیله منده یانام گئدم

یوزی قاره بنده  گلیب دی رنگِ صفائیله بویانام گئدم

ائله حسرتم که حریمیوه،ساتاشاندا گوز آخا گوزیاشیم

نظر ائت هوایِ صفائیله،دولا بلکه عشقیویله باشیم

بئله که خمارِ فراقیوام،ائله مست ائله که داشیب آشیم

بودی نیتیم نظر ائیله سون،مِیِ وصلیله قالانام گئدم

نه اَلیمده  تحفه واریم  سیزه،نه ده که گلایه یه وار اوزوم

اورگیم ائله غمیله دولوب،سیزه که گواهیدی دل سوزوم

سیخیلیر اورک باشی دردیله،داهی قلبیده غمه یوخ دوزوم

ائله دیلده جامِ تحملیم،قالانیب گرک جالانام گئدم

حرمون وصالینه آگهم،که گوزومده یوخدی لیاقتی

ولی سن امامِ رئوفی سن،منه وئر اقلی بو رخصتی

باجوا قسم وئریرم آقا،کرم ائیله بیرده بو فرصتی

نئچه لحظه بابِ رضاده اَل،سینه ده دوروب دایانام گئدم

بو قَدَر یولی دئمه گلمیشم،که وئرم حضوریزه زحمتی

نه نیاز امامِ رئوفه که،آچا بنده صحبتِ محنتی

سویورم که آئینه تک سینام،چوخادام سینیغیمدا محبتی

اورگینده آئینه سین یاریب،حرمونده پارچالانام گئدم

اوزوین نَقدری مصیبتون،اولا یاد ائدیب سینه داغلارام

باجیوین فراقی،بالون جوادیوه باش قراسینی باغلارام

ولی هامیدان چوخ آقا، آنان کوچه ماجراسینه آغلارام

یئری وار او قدری یانام بو درد و مصیبته تالانام گئدم

سنون عشقون اورک ائوین،ائلییبدی منجلی گلمیشم

بیلریم ارادتیوی دئیب،اودی منده یا علی گلمیشم

لال اولام اگر کرمونده شکیم اولا آقا، ولی گلمشیم

گینه ایلده کی کرم و سخاوتیوی گوروب اینانام گئدم

منِ لا ابالیَ باخماسون،منی کیم ساییب کیم حساب ائدر

بو قاپوزدان آیری قاپی اگر،گئده هر گدانی جواب ائدر

سیزه تای منیم بو قَدَر گناهیمه کیم دوزَر آقا تاب ائدر؟

گینه یوز دوتوب قاپیوا گلیب،نئچه گونده دالدالانام گئدم

آدیوی دییب یولا چیخمیشام،که دیارِ عشقیوه یول سالام

یوزی قاره غملی مسافرم،قاپی دالدا اولما رضا قالام

گلیرم رواقیوه یوز قویوب،چاغیریب آدون قاداوی آلام

مین امید و دردیله گلمیشم،باشوا سنون دولانام گئدم

چوخی بارگاهیوی گورماقا،بیلیرم که حسرته یاندیلار

آدیوی دئییب گوزونون یاشین اَلییب دی فرقته یاندیلار

چوخی #هاتفون کیمی دیلده یاد ائلییب بو محنته یاندیلار

دئدی واردی لذت حرمده یاد ائلیه م آتاملا آنام گئدم

#هاتف_حضرتی
#شاه_حسین
#امام_رضا_ع

یاهو

چوخی صبر ائدیر غم فرقته،گله بو ولایته یا رضا

سنون عشقیویله گلیر هامی بو دیار غربته یا رضا

سنون عشقون اولماسا کیم دوزَر بو قَدر مسافت و زحمته

فقط عشق دور که ائده بیلر چویوره بو زحمتی رحمته

ییغیشیر محب لرون اودور بئله جمعی صحنِ محبته

هره بیر زبانیله صف چکیب،دایانیبدی صحبته یا رضا

بیری گیزلی درده یانیر بیری،گورونور سوزونده،مریضی وار

بیری سَسیز ائیله توکور گوزون یاشینی که شمع کیمی یانار

بیری اَل آچیب اوجادان دییر،بیلیرم رضا بیزه ده باخار

نیه که هامی تانییب سنی،کرمونله رأفته یا رضا

دئمیرم یوخومدی منیمده دیلده نوا و درد و مصیبتیم

سنه که گواهی دی دیل سوزی نه نیازی عرض اولا محنتیم

دییرم که قویما سونه سیزه اورگیمده نارِ محبتیم

دوشرم وگرنه بو نوعیله شررِ ذلالته یا رضا

باشیمی قوشِیدیم اولیدی کاش،دولانان باشوندا کی قوشلارا

یوزی قاره لر کیمی قاتمیشام اوزومی ولی اَلی بوشلارا

آقا من مریضِ فراقیوام،منی یازِ حسابِ نوخوشلارا

چاغیر ایلده منده گلیم آقا،بو گوزل ضیافته یا رضا

اورگیمده قویما که سیل غصه فراقیویله آشیب داشا

بیلیسن که فرقتیوین غمی چویورر بو اشکیمی قان یاشا

مین امیدیله دوزوروم نقدری غم اولسادا ایلی باش باشا

اورگیمده بیر بونا دلخوشام،کرمونله دعوته یا رضا

نه اولار آقا منه ده باخیب سینه می شراریله داغلیام

غمیویله گوز یاشینی قاتیب قانیلا عذاریمه باغلیام

ائله گویلوم ایستیری صحنیده چاغیرام ابالحسن آغلیام

دئمه که رضا اولاسان یانام بئله دیلده حسرته یا رضا

#هاتف_حضرتی
#امام_رضا_ع

یاهو

اَلده خنجر گلمیشم اربابیمه قان ورمگه

آغ کفن اگنیمده یعنی حاضرم جان ورمگه

گوز یاشیم غمدن دولی قان،دیل دولی احساسیدی

دیلده ذکریم شوریله لبیک یا عباسیدی

ایستیرم دیلده چاتام بو وِردیله تئز مطلبه

اَلده خنجر ائیلورم حتما توسل زینبه

یاد ائدنده دردینی غمدن اولور قلبیم کباب

سَسلورم آغلار گوزیله جان سنه قربان رباب

نه صودی اولدی نه سو،عالمده دوشدی دیللره

خیمه سینده یالواریردی سینه اوسته اصغره

چاره یوخ جز دردینه گیزلین سَسیله آغلاسین

چاره سیز قالمیش اولوب مجبور اَلینی باغلاسین

باغلی اَل حتما آچار هر نوعی اولسا مشکلی

قویمیوب یانسین غمیله دهریده هئچ بیر دیلی

#هاتف_حضرتی
#ورد_قمه_زنی