У Беларусь сёння мае прыбыць кіраўніцтва расійскага ФСБ. Абазнаныя кажуць, што два дні таму чакаўся прылёт самога Бортнікава (дырэктар ФСБ), але тады той не прыляцеў і ці ёсць ён сёння на борце — пытанне. Як і пытанне, з чым ляцяць у Мінск гэтыя эмісары Крамля.

Думаю, вы чулі, што ў Беларусі не друкуюць нумары "Камсамольскай праўды" і "Народнай Волі" па прычынах "паломкі" тэхнікі ў Доме друку?

Аказваецца, стрэлачка павярнулася немач адолела і тэхніку прыватнікаў: паводле гарадскіх плётак, з праблемай "паломкі абсталявання" сустрэлася і канцалярыя аднаго вядомага вам міністра, калі шукала выканаўцаў, каб надрукаваць эксклюзіўную паштоўку-віншаванне Лукашэнкі з хуткім ДН.

Ну і тэкст - песня, само сабой.

⚡️⚡️⚡️

Улады Беларусі заблакавалі сайт «Нашай Нівы»

Сайт «Нашай Нівы» NN.by заблакаваны ў Беларусі. Інфармацыйнае паведамленне з падобным зместам ўбачылі абаненты некаторых беларускіх інтэрнэт-правайдараў, у прыватнасці, А1.

Паведамляецца, што «доступ да інфармацыйнага рэсурсу абмежаваны на падставе рашэння міністэрства інфармацыі Рэспублікі Беларусь, прынятага ў адпаведнасці з законам Рэспублікі Беларусь «Аб сродках масавай інфармацыі».

Нягледзячы на блакаванне сайта, рэдакцыя працягне працаваць для вас.

Просім усіх калег распаўсюдзіць інфармацыю пра тое, што ад гэтага моманту Наша Ніва, найстарэйшае беларускае выданне, працуе ў Тэлеграме: @nashaniva

ЦІ ПАДАСЦЁ ВЫ ІМ РУКУ?, — свежы нумар газеты "На страже" спрабуе ў астракізм і кляйміць супрацоўнікаў, што сыходзяць са службы пасля падзей 9-12 жніўня.

"Ці можна зразумець і патлумачыць здраду інтарэсам службы людзьмі ў пагонах? Тымі, хто дрыжачым голасам зачытваў словы прысягі, абяцаючы старэйшым таварышам і родным не дрогнуць пры любых цяжкасцях, а калегам — што б ні здарылася, прыкрыць іх спіны. Выходзіць, усё ж такі зламаліся, або ад пачатку не былі гатовы да выпрабаванняў на цвёрдасць, сілу характара і перакананняў".

Памятаеце зарубу ў лівійскім пасольстве з барыкадамі і невядомымі ціхарамі? Для @nashaniva удакладніў абставіны.

Вядома, што ў пасла і першага дарадцы каардынальна разыходзяцца палітычныя погляды: першы падтрымлівае фельдмаршала Хафтара, другі — Трыпалі.

Але прычына канфліктаў не ў гэтым, прычына ў грошах: сотні тысяч долараў ляжаць на рахунку пасольства ў адным з беларускіх банкаў.

Гэтымі сродкамі нельга скарыстацца, яны на паўзе, пакуль не будуць урэгуляваныя ўсе юрыдычныя дэталі.

Грошы пераводзілі для работы пасольства яшчэ, здаецца, да пачатку вайны ў Лівіі.

Таму дыпработнікі і ваююць між сабой ужо доўгі час. Адзін наняў сабе ў ахову байцоў
расійскай ЧВК, другі — беларусаў. Бывала, што дзве гэтыя аховы былі ў будынку адначасова, для штурмаў пасольства і зрынання пасла першым дарадцам прыцягваюцца тутэйшыя студэнты з "сяброўскіх" Лівіі краін.

Па інфармацыі канала, супраць члена прэзідыума Каардынацыйнай рады, медыятара Ліліі Уласавай заведзена крымінальная справа па ч.2 арт. 243 (сыход ад падаткаў).

Па справе праходяць яшчэ два чалавекі: яе сын Барыс Уласаў (сузаснавальнік Мерлінтура), а таксама Святлана Нагорная — гендырэктар Мерлінтура.

Памер "нанесенай шкоды" ≈614 тысяч рублёў.

Я думаю, Раўкова прызначылі вінаватым у тым, што ён не разгледзеў шахматную камбінацыю Украіны з вагнераўцамі і знялі, каб зрабіць прыемна рускім, рэабілітавацца перад імі за гэты правал у дзень прыезду Мішусціна.

Агулам растаноўка фігур нагадвае пачатак 2000х, калі таксама стаяла задача "Захаваць сістэму".

Усе асноўныя камандныя высоты занятыя спецслужбістамі: АП, Рада бяспекі. Курс ясны.


https://xn--r1a.website/nashaniva/13264

Здаецца, першы (вядомы нам) апраўдальны прысуд па 23.34 "за нязначнасцю здарэння": суддзя — Аляксей Крапачоў, падсудны — жыхар Сенніцы Максім Вол, сведкі абвінавачання — два супрацоўнікі міліцыі, месца падзеі — ІЧУ Мінскага РУУС, дата — 07.09. Дэталі неўзабаве ў @nashaniva

UPD: Паважаныя юрысты, якія пішуць у @harbatbot! Так, мы разумеем, што "за нязначнасцю здарэння" — гэта дэ-юрэ не апраўдальны прысуд, а "спыненне вытворчасці". Але прапаную разглядаць рашэнне як апраўдальнае, бо яно не абвінаваўчае 🙂

Сёння 40 дзён па застрэленым падчас масавых пратэстаў у Брэсце Генадзю Шутаве. Дагэтуль невядома, што дакладна там адбылося, Шутаў ужо нічога не раскажа.

Але крыніцы канала @harbatsevich з гэтай нагоды праз @harbatbot падзяліліся вытрымкай з матэрыялаў праверкі па факце здарэння (праводзіцца брэсцкім СК). З прыведзенага тэксту не варта рабіць высновы, але можна зразумець, як сітуацыя бачыцца сілавікам — вось тлумачэнні аднаго з іх:

"После того, как данные двое лиц [маецца на ўвазе Шутаў з таварышам] подошли к нам, я услышал, как второй мужчина сказал: "Всех засняли?".

В ответ на это мы с Б. обернулись в сторону указанных мужчин. После этого первый мужчина нанес Б. один удар металлической трубой в область головы слева. От полученного удара Б. потерялся в пространстве и пошатнулся, но на землю не падал.

После этого я успел подхватить Б. под руки и сделать 3 шага назад. Далее я и Б. начали извлекать оружие из сумок, которые у нас были при себе. После того, как мы извлекли оружие, Б. крикнул "Стой, стрелять буду!".

В ответ на это первый мужчина бросил в меня металлическую трубу, и она попала мне в правую руку. После этого Б. произвел один предупредительный выстрел вверх в воздух и еще раз крикнул "Стой, стрелять буду!".

Далее первый мужчина начал убегать в сторону дома №334 по ул. Московской в г. Бресте, а я начал его преследовать с целью последующего задержания. Пробежав примерно 5 метров, я услышал крик Б. "Стреляю!".

Я повернулся в сторону Б. и увидел, что второй мужчина пытался взять руками Б. за ноги и был наклонен вперед. Б. в это время отступал назад и был наклонен назад.

Из такого положения раздался выстрел и выстрел произвел Б.

После этого я продолжил преследование первого мужчины. Дистанция между нами была примерно 20 метров, и я крикнул "Стой, стрелять буду!", после чего произвел один предупредительный выстрел в воздух и продолжил преследование.

На мои действия первый мужчина не реагировал и продолжал убегать. Я пробежал за ним еще примерно 10 метров, и я снова крикнул "Стой, стрелять буду!", после чего произвел еще один предупредительный выстрел вверх в воздух, но мужчина также не отреагировал.

Я продолжил преследование, но увидел, что первый мужчина скрылся в группе людей примерно из 20 человек. Я остановился и направился назад к Б. Прибежав к Б. я увидел, что последний оказывает первую медицинскую помощь пострадавшему мужчине с использованием индивидуального перевязочного пакета.

Далее я позвонил сотруднику ОМОН Антону и сообщил ему о необходимости вызвать скорую медицинскую помощь. Во время того, пока мы оказывали медицинскую помощь пострадавшему, к нам подошли Л. и сотрудник ОМОН Антон. Через некоторое время на место происшествия прибыла бригада скорой помощи, которую я встретил и в последующем пострадавший с нашей помощью был госпитализирован. После случившегося я и Б. сдали свое табельное оружие и оставшиеся боеприпасы Л.".

У дачыненні да згаданага ў тлумачэннях кампан'ёна Шутава заведзена крымінальная справа па арт. 293 КК РБ, ён затрыманы.

На гэтым жалобным фота з чорнай стужкай, у кветках, — не забіты фашыстамі Раман Бандарэнка, не. На гэтым фота — Вы, Ваш брат, Ваш сын, Ваш муж і Ваш бацька. Гэта нам усім праламілі галаву.

Першае: Румас на волі ў адной з заходніх краін — паехаў на Дзень народзінаў сына ў Лондан і не вярнуўся.

Другое: Банкіраў з дзяржаўных банкаў сапраўды кашмараць, кажуць, кашмарыць ДФР — учора некаторыя не вярнуліся з допытаў, у т.л. і блізкі сябра Румаса Генадзь Сысоеў, з якім яны разам ішлі ўсю дарогу. Румас бегаў па кабінетах і даваў асабістыя гарантыі, калі Сысоева з крымінальнай справай знялі з пасады кіраўніка Белінвестбанка.

Трэцяе: За што кашмараць? За даўнюю гісторыю з Тураўскім малочным заводам, які сябры-камерсанты пабудавалі ў чыстым полі за ільготныя дзяржаўныя бабкі Белаграпрамбанка, пазначыўшы тэрмін акупляльнасці 7 год — акурат у 2020-м. А там страты і ніякай надзеі на прыбытак.

У дэталях апісаў тут: https://nn.by/?c=ar&i=267731

Ілюстрацыя фінансавага стану гэтага самага Тураўскага малаказавода, які ўзводзілі на ільготныя дзяржаўныя бабкі ў інтарэсах і па праекце колішняга таварыша Румаса Ігара Чарняўскага (ён там сузаснавальнік): 54,2 млн непакрытых стратаў, 317,1 млн абавязкаў па крэдытах і лізінгу.

Імаверна, частка запісаных у крэдыты грошай могуць быць грашыма акцыянераў у выглядзе займаў. Гэта такі хітрык, які робіць выплату падаткаў трошкі прыемней.

Але, хай нават так, усё адно карціна такая, што надзеі на самаакупляльнасць завода амаль няма.

Становіцца вядома пра цэлую кампанію па арышце дзярж. функцыянераў: дырэктар мінскага ГУМа, дырэктар САК «Алімпійскі», даходзяць чуткі пра крымінальныя справы ў «БелМИС», СГЦ «Заходні», а таксама «хабарная справа» сяброў пракурора г. Віцебска ды шмат каго яшчэ.

Напамін усім тым у сістэме, хто думаў, што можна працягваць жыць у 2019-м, калі навокал 1937. Але не мае значэння, колькі подпісаў вы «сабралі» за вылучэнне таго самага кандыдата — калі вельмі трэба, то ахвяруюць і вамі.

Гэта варта трактаваць так, што пры адсутнасці іншых спосабаў вярнуць рэйтынг вырашылі пускаць кроў ужо пад выглядам барацьбы з карупцыяй. У 94-м жа пракаціла, можа і цяпер пракоціць? Псіхалагічная пастка.

Імаверна, вішанкай новай кампаніі меў стаць Румас. Пры тым, што ўсе блізкія з ім кажуць, што ў чалавека абсалютна не было палітычных амбіцый, пераемнікам Лукашэнкі яго бачылі хіба што фантазёры, у рэальнасці ён марыў атрымаць Белгазпрамбанк і займацца тым, чым умее. Ды й сюжэт з Тураўскім заводам не новы — яго яшчэ вясной 2020-га раскручваў Анфімаў, але тады на самым высокім узроўні сказалі Румаса не чапаць, а цяпер успомнілі. Чаму? Логіка раскручвання рэпрэсій менавіта такая — ужо не абавязкова быць «палітычным».

У краіне, якой кіруюць органы бяспекі, заўтра могуць паўстаць пытанні і да іншых, «нейтральных»: «А чаму рыбай займаецца гэты, а не мы? А чаму нафтай займаецца той, а не мы? Гэта ж мы выратавалі любімую». А пасадзіць цяпер можна любога.

Назіраем.

Напісаў некалькі высноваў з г.зв. УНС:

— НЭПу канец — у прыватным бізнесе вышэйшае кіраўніцтва пабачыла палітычную небяспеку. У бізнес-колах цяпер вядуць размовы «як бы не празяваць момант і паспець выехаць». Капіталы і мазгі будуць уцякаць, бо ўзмацняецца і цісне «атмосфера преднационализации», як сказаў адзін з суразмоўцаў.

— Былі думкі, што пачнецца гандаль палітвязнямі, замест гэтага пачаўся гандаль суверынітэтам — анансавана адмова ад імкнення да нейтралітэту да яшчэ большай залежнасці ад Расіі.

— Радыкалізавалася і рыторыка адносна «ўнутраных ворагаў». На Сходзе гэтым разам давалі слова ў тым ліку адкравенна беснаватай публіцы. У краіне, якая за часы Незалежнасці не ведала ўнутраных канфліктаў, нагнятаецца штучны падзел па ўкраінскім узоры.

Цалкам па спасылцы: https://nn.by/?c=ar&i=268277

Удакладненне фразы з тэкста на сайце: «Сэнс пытанняў з боку органаў пакуль незразумелы, знаёмыя Кірэйкава кажуць, што фармальна «нешта налічылі», нефармальна існуюць чуткі пра палітычную прычыну арышта».

Імаверна, палітычны складнік ужо зразумелы: кажуць, Кірэйкава западозрылі ў актыўнай падтрымцы бастуючых шахцёраў. Што звязвае яго з Салігорскам дакладна не ведаю, але нешта звязвае — свой першы гіпермаркет ён адкрываў менавіта там.

Цяжка тут падабраць небанальныя аргументы для тых, хто ўжо ладзіць гэты пагром. Але ў Green’е працуюць 4500 чалавек. І іх «выразаць»? Колькасна гэта траціна МТЗ, разам з сем’ямі ≈15 тысяч. Выставіць на вуліцу і пакрыўдзіць столькі чалавек адным махам — гэта моцны тэмп. І выразны сігнал тым, хто пры грошах, але спадзяваўся неяк пераседзець.

Але ніякай карысці ў гэтым пагроме нават для цяперашняй дзяржавы не будзе, страты з усіх бакоў. Нельга сцерці ўсіх у нуль, з нуля жыць не будзеш.


https://nn.by/?c=ar&i=268259