У гэтыя хвіліны каля штаба затрымліваюць Марыю Калеснікаву.

UPD: Затрымалі, прычына невядомая, вязуць у Цэнтральны РУУС.

UPD: "Затрымалі на выхадзе са штаба, калі селі ў машыну і пачалі выязджаць з паркоўкі, дарогу перакрыў серабрысты бус, любзі з яго прадставіліся супрацоўнікамі міліцыі і сілай забралі з сабой Калеснікаву", — сведкі.

Калеснікаву выпусцілі: супрацоўнікі "пераблыталі" яе (з кім — невядома), падвезлі да месца вячэры і выбачыліся.

Сайт NN.by (як і многія іншыя навінавыя рэсурсы) перастаў адкрывацца з тэрыторыі Беларусі. Таму ўсе аператыўныя навіны мы цяпер ставім у тлгрм-канал "Нашай Нівы" https://xn--r1a.website/nashaniva

Падпіска!

Усё цікавае, што бачыце, скідайце ў мой @harbatbot або ў ніўскі @NashaNivaBot


P.S. Тэлеграм пакуль працуе нармальна, калі ўдасца падключыцца да талковага проскі. Спіс тут, перашліце сябрам.

Вынікі сумленнага падліку галасоў. Копія пратакола з участка нумар 26 у Копішчы пад Мінскам. Ціханоўская тут набрала 2341, Лукашэнка 132 галасы.

Момант растрэлу журналістаў каля Кароны, невядомы скот прастраліў калена журналістцы Нашай Нівы.

Дабраўся да інтэрнэта, пару думак аб смерці дэманстранта на Пушкінскай, як гэта найхутчэй гэта магло б быць і што за "выбуховую прыладу" ён мог кідаць у бок сілавікоў:

Я назіраў за зачысткай Пушкінскай, там ўжываліся светлашумавыя гранаты. Іх, здаецца, ёсць два віды: тыя, што зараджаюцца ў помпавыя ружжы, і тыя, што кідаюцца рукамі (здаецца, такія ўнутры яшчэ з гумовай карцеч’ю). Другія кідалі, калі адлегласць між дэманстрантамі і сілавікамі была кароткай, першыя - ад сотні метраў. На Пушкінскай стралялі пераважна з ружжаў.

Думаю, што было так: граната выляцела з ружжа, упала на асфальт, дэманстрант (прыняўшы яе за газавую або не, не ведаю) паспрабаваў "вярнуць" назад, у гэты момант яна ірванула ў яго ў руках, побач з важнымі органамі.

Такія лісты сёння пайшлі па ўсіх раёнах сталіцы.

Машына галоўнага рэдактара "Нашай Нівы" стаіць кінутая, адкрытая і пустая ў адным з раёнаў сталіцы, мы яе знайшлі.

Сувязь з Ягорам Марціновічам адсутнічае другія суткі, яго месцазнаходжанне невядомае.

Калеснікава на Пушкінскай з кветкамі.

Які кашмар! У раёне Юбілейнай (афіцыйна - збіла машына) траўмаваны чалавек, ДАІшнік, яго збіла машына. Сведкі сцвярджаюць, што чулі тры стрэлы - магчыма, гэта былі стрэлы ўслед. Вакол яго спецназ, ён не мог падняцца, цяпер на месцы рэанімацыя.

Удакладнена, пазіцыя МУС: "Гэтага чалавека, супрацоўніка ДАІ, збіла машына, мы яе ўжо ўстанавілі, людзі дастаўлены для разбіральніцтва", - Чамаданава.

"Стрэлы былі падчас пераследу таго, хто збіў", - Чамаданава.

Нешта незразумелае адбываецца ў гэтыя хвіліны ў выпраўленчай калоніі #2 у Бабруйску.

Сведкі паведамляюць пра гукі масавых беспарадкаў на тэрыторыі калоніі, людзі крычаць у тым ліку "Ухадзі". Чуваць браханне сабак, лязгат металу. Да тэрыторыі калоніі пад’язджаюць міліцэйскія машыны. Мы не ведаем, колькі зняволеных прымаюць у гэтым удзел, агулам у калоні могуць адбываць пакаранне некалькі тысяч чалавек. МУС пакуль нічога не каментуе і ўдакладняе інфармацыю.

АЎДЫЯЗАПІС: КРЫКІ І СТОГНЫ ВЯЗНЯЎ НА АКРЭСЦІНА СЁННЯ ЎНАЧЫ. Даслаў Нашай Ніве валанцёр, які там дзяжурыў.

"Расійскія транспартныя самалёты ў Болбасава" - фэйк.

Інфармацыя ад некалькіх не звязаных між сабой крыніц са Следчага Камітэта, людзі канстатуюць, што нешта адбываецца:

"Учора кіраўніцтва даводзіла, што заявы на міліцыю рэгістраваць як звычайныя скаргі, а не паведамленні аб злачынствах.

Сёння пад абед пазіцыя змянілася на тое, што пры наяўнасці абгрунтаваных пытанняў аб законнасці затрыманняў і ўжывання сілы праводзіць праверкі ў дачыненні да міліцыі ў рамках Крымінальна-працэсуальнага кодэкса".

Удакладненне да рэдакцыйнага меркавання: Першай сур’езнай памылкай сталі гадавыя сакрэтныя перамовы пра паглыбленую інтэграцыю з Расіяй. Праз іх ён перастаў успрымацца як гарант незалежнасці, на чым ён адносна спакойна прайшоў у 2015 годзе.

Тое, што было пасля стала проста катастрофай.
Па гэта важна памятаць, бо незалежнасць стала рэальнай каштоўнасцю беларусаў.

Трэцяя і фатальная памылка рэжыму — гэта што ён загадаў страляць у дэманстрантаў — каментар Нашай Нівы

Першая страшная памылка была, калі паказалі сваю некампетэнтнасць з каранавірусам.
Другая камічная памылка была, калі ў вялікай фанабэрыі сваёй драздоўскай недаацанілі Ціханоўскую. "Вы посмотрите, какая харизма", куражылася прэзідэнцкая прэс-служба.
А трэцяй, крывавай, памылкай стала, што рашылі пастраляць у дэманстрантаў. Што, "гэтыя свядомыя" захацелі галаву падняць? Ну то мы ім пакажам, каб яшчэ 10 гадоў дрыжэлі на сваім Бангалоры.
Кадры, калі страляюць у людзей - у людзей страляюць, у Мінску! - у Каменнай Горцы, у Малінаўцы, ва Уруччы, на Кальварыйскай, ды па ўсім горадзе, выбіраюць журналістачку самую прыгожую, тоненькую, 25-гадовую і страляюць у яе з моста, шакавалі людзей. Магчыма, яны думалі, што пры адключаным інтэрнэце гэтага ніхто не пабачыць, але недаацанілі Тэлеграм.
Яшчэ могуць быць розныя павароты — але пасля гэтай страляніны Мінск яны страцілі.

Гэта быў каментар Нашай Нівы