Напісаў на НН, што такое "ПрыватЛізінг".

https://nn.by/?c=ar&i=255159

Поўны тэкст пад пэйволам, але вось вытрымкі:

— Праз прадпрымальніцкі імпэт Віктара Бабарыкі на пачатку 2000-х Белгазпрамбанк пачаў займацца не зусім уласцівымі яму справамі: растэрміноўкамі, страхоўкай, калектарствам новых даўгоў.

— Справа была прыбытковай, але прыляцела пстрычка з Масквы, маўляў: мы баімся, што беларускія кантралёры расцэняць страхоўку і растэрміноўкі як парушэнне профільнага заканадаўства, засяродзьцеся на выключна банкаўскіх аперацыях — крэдытах і рахунках.

— Зрэшты, перад Белгазпрамбанкам ніколі не стаяла задача зарабіць усімі сіламі як мага болей — банк заўсёды лічыўся кансерватыўным праз палітыку заснавальнікаў, якія меркавалі, што больш важна не страціць, чым зарабіць. 

— У выніку таму калектыву, які ўжо склаўся, не было куды падзецца, ім заставалася сысці з банка і заняцца тым жа самым, але ўжо ў самастойных юрыдычных асобах.

— Так, адразу пасля развалу профільных аддзелаў банка і ўзніклі «Агенцтва гандлю ў растэрміноўку», якое потым і стала «ПрыватЛізінгам», юрыдычныя калектары «Прававы дыялог», а таксама атрымаў страхавую ліцэнзію «Кентаўр".

— Узаемнапранікненні акцыянераў кампаній, звязаных з былымі газпрамбанкаўцамі, выглядаюць лагічна: буйныя дзеячы бізнэсу кажуць, што існуе практыка «мяняцца» акцыянерамі пры сур'ёзных абаротах, каб застрахавацца ад неспадзяванак з боку партнёраў.

— Вядома, што цяпер кампанія ў бязрадаснай сітуацыі: рахункі заблакаваныя, а адпаведныя ведамствы гуляюць з запытамі аб размарозцы ў пінг-понг.
Чым гэта пагражае?

— Натуральна, невыкананнем дамоў і ўцёкамі персаналу, што ўжо і адбываецца. Нават тым супрацоўнікам, што ў дэкрэце, кампанія не можа выплаціць грошы: а ёсць выпадкі, калі абое бацькоў працуюць у «ПрыватЛізінгу». 

— Але ёсць яшчэ адна невідавочная рэч, якая можа мець глабальныя наступствы для фінансавага рынку.

Сэнс у справаздачнасці ва Упраўленне крэдытнага рэгістра Нацбанка па плацяжах ад кліентаў.

З гэтай базы іншыя банкі і кампаніі потым чэрпаюць інфармацыю аб крэдытнай гісторыі патэнцыйных кліентаў

Калі ў цябе некалькі сотняў тысяч кліентаў-даўжнікоў — а гэта якраз выпадак «Прыватлізінга», — то, натуральна, працэс аўтаматызаваны.

Гэтую паслугу платна аказвае ЗАТ «Банкаўска-фінансавая тэлесетка», якая, здаецца, ужо пачала абслугоўваць «ПрыватЛізінг» у штрафным рэжыме, бо тэрмін падпіскі сканчаецца.

Калі Упраўленне крэдытнага рэгістра Нацбанка не атрымае інфармацыю па своечасова ўнесеных плацяжах кліентаў «Прыватлізінга», то яны не адлюструюць звесткі ў крэдытнай гісторыі. Тады дзяржава стане лічыць сітуацыю «пратэрміноўкай плацяжа», і ўжо ў верасні каля 300 тысяч беларусаў могуць сутыкнуцца з праблемамі з крэдытнай гісторыяй, калі звернуцца ў нейкі банк.

Паглядзіце, як сустракалі Ціханоўскую, Цапкала і Калеснікаву ў Наваполацку

Відэа: @harbatsevich

Катануўся па Віцебшчыне з аб’яднаным штабам.

Рэфлексіі тут: https://nn.by/?c=ar&i=255912

Па інфармацыі канала, толькі што стралялі ў начальніка міжраённага аддзела Брэсцкага ДАІ, прама ў кабінеце, як чалавек пранёс зброю невядома. Пісталет, папярэдне, траўматычны і самаробны.

Кажуць, міліцыянера прыкрыў калега. Удакладняем.

Спраба адбылася ў МРЭА — там уваход свабодны, у тым ліку і ў кабінеты кіраўніцтва.

У @harbatbot пытаюцца, што я думаю пра затрыманых вагнераўцаў. А я думаю так:

— Ці можна верыць, што на тэрыторыі Беларусі знаходзяцца баевікі з расійскіх ЧВК?

— Так. Тут даўно прахадны двор для наёмнікаў. Нават тыя грамадзяне Беларусі, якія ўдзельнічалі ў сірыйскіх і ўкраінскіх канфліктах, а потым вярнуліся дадому, спакойна тут пражываюць і да адказнасці нашымі органамі не прыцягваюцца.

— Ці можна верыць у тое, што людзі, паказаныя па дзярж. ТБ, рыхтавалі правакацыі/тэракты/узброеныя выступленні?

— Не. Тое, што нам паказалі, пра гэта ніяк не сведчыць.

Калектыўнае засяленне ў гатэль і санаторый, камуфляж на крэпкіх мужыках — гэта, наадварот, кажа пра тое, што яны тут нічога не баяліся, адчувалі сябе спакойна і не шыфраваліся.

Гэта цалкам накладаецца на апраўданні рускіх, якія ўжо пачалі выдаваць схемы і сцвярджаць, што Беларусь выкарыстоўвалася як перавалачная база для байцоў, якія транзітам ляцелі ў гарачыя пункты. Сцвярджаецца таксама, што беларускі бок быў у курсе гэтай лагістыкі.

— Навошта гэта ўсё робіцца?

— 170 "бадзяжных" баявікоў, атрымліваецца, усё яшчэ знаходзяцца на тэрыторыі краіны. Я думаю, што гэта можа стаць падставай для ўвядзення надзвычайнага становішча, каб адкласці няўдалыя для гэтай улады выбары. Гэта з практычнага.

Інфармацыйна, я думаю, іх будуць прывязваць да Ціханоўскага, які нядаўна, са спрыяння карысных ідыётаў, таксама трапіў у базу "Міратворца". Можа таксама ў кагосьці ўдасца выбіць прызнанні ў супрацоўніцтве з Ціханоўскай, каб потым Ярмошына зачытала аналаг "ліста з КДК" і апраўдала яе зняцце.

Рызыкоўная стратэгія, Расію дзёргаюць за вусы.

Вывучаем у закрытым чаце канала бязрадасную справаздачу КДК аб заробках у магілёўскай вобласці. Вось файлам. Інвайт у чат праз @harbatbot

Каму лянотна чытаць, то вось адразу высновы.

Запланаваны на 3 жніўня зварот Лукашэнкі да Парламента, мяркуючы па ўсім, не адбудзецца — удзельнікі сустрэчы паведамляюць пра перанос.

Нехта кажа пра адкладанне на няпэўны тэрмін, нехта — пра перанос на аўторак "у сувязі з дапрацоўкай тэкста паслання".

"Предстоят значительные физические и психологические нагрузки", — фаловеры канала праз @harbatbot падзяліліся перадвыбарчым відэазваротам Юрыя Караева да міліцыі.

Відэа чамусьці не апублікавана афіцыйна, але актыўна шэрыцца паміж работнікаў МУС. Слухаем.

Катануўся з аб'яднаным штабам другі раз, па захадзе краіны. Тэкст з уражаннямі і кулуарамі тут.

Назіраем за развіццём сітуацыі з канцэртам на Бангалоры ў падтрымку ❤️✊✌️, які ўлады вырашылі перакрыць "святкаваннем" "дня" неіснуючых "чыгуначных войскаў".

Штаб падаваў скаргу, але адказу не было, мітынг вырашылі не пераносіць. І вось пад канец дня праз @harbatbot пераслалі свежанькі адказ уладаў, што "масавае мерапрыемства немагчымае". Штаб, кажуць, яшчэ не ў курсе.

З розных бакоў далятае інфармацыя пра верагоднае ўвядзенне з заўтрашняга дня рэжыму надзвычайнага становішча.

Што стане нагодай, невядома, але кажуць, што імаверная прычына можа быць у пагрозе рускіх вызваліць сваіх сілай — цяпер вагнераўцаў раскідалі па розных СІЗА і ўзмоцнена ахоўваюць.

Буду рады памыліцца!

У гэтыя хвіліны каля штаба затрымліваюць Марыю Калеснікаву.

UPD: Затрымалі, прычына невядомая, вязуць у Цэнтральны РУУС.

UPD: "Затрымалі на выхадзе са штаба, калі селі ў машыну і пачалі выязджаць з паркоўкі, дарогу перакрыў серабрысты бус, любзі з яго прадставіліся супрацоўнікамі міліцыі і сілай забралі з сабой Калеснікаву", — сведкі.

Калеснікаву выпусцілі: супрацоўнікі "пераблыталі" яе (з кім — невядома), падвезлі да месца вячэры і выбачыліся.

Сайт NN.by (як і многія іншыя навінавыя рэсурсы) перастаў адкрывацца з тэрыторыі Беларусі. Таму ўсе аператыўныя навіны мы цяпер ставім у тлгрм-канал "Нашай Нівы" https://xn--r1a.website/nashaniva

Падпіска!

Усё цікавае, што бачыце, скідайце ў мой @harbatbot або ў ніўскі @NashaNivaBot


P.S. Тэлеграм пакуль працуе нармальна, калі ўдасца падключыцца да талковага проскі. Спіс тут, перашліце сябрам.

Вынікі сумленнага падліку галасоў. Копія пратакола з участка нумар 26 у Копішчы пад Мінскам. Ціханоўская тут набрала 2341, Лукашэнка 132 галасы.

Момант растрэлу журналістаў каля Кароны, невядомы скот прастраліў калена журналістцы Нашай Нівы.

Дабраўся да інтэрнэта, пару думак аб смерці дэманстранта на Пушкінскай, як гэта найхутчэй гэта магло б быць і што за "выбуховую прыладу" ён мог кідаць у бок сілавікоў:

Я назіраў за зачысткай Пушкінскай, там ўжываліся светлашумавыя гранаты. Іх, здаецца, ёсць два віды: тыя, што зараджаюцца ў помпавыя ружжы, і тыя, што кідаюцца рукамі (здаецца, такія ўнутры яшчэ з гумовай карцеч’ю). Другія кідалі, калі адлегласць між дэманстрантамі і сілавікамі была кароткай, першыя - ад сотні метраў. На Пушкінскай стралялі пераважна з ружжаў.

Думаю, што было так: граната выляцела з ружжа, упала на асфальт, дэманстрант (прыняўшы яе за газавую або не, не ведаю) паспрабаваў "вярнуць" назад, у гэты момант яна ірванула ў яго ў руках, побач з важнымі органамі.