International Excellence Scholarship Program dasturiga ariza topshirish bo'yicha bepul ochiq dars

Hozirda International Excellence Scholarship Program (IES) — barcha yo'nalish va bosqich talabalari uchun Germaniyada almashinuv dasturiga arizalar qabul qilinmoqda.

Ko'p sonli nomzodlarga yordam berish maqsadida ushbu dasturga ariza topshirish bo'yicha ko'rsatma berish uchun 2 kunlik bepul ochiq dars o'tkazishga qaror qildik.

Ochiq dars 2 kun davom etadi va quyidagilar o’rgatiladi:
1-kunda: 2023-yil 6-iyun, soat 22:00 da
— Dastur haqida ma'lumot
— CV tayyorlash

2-kunda: 2023-yil 7-iyun, soat 22:00 da.
— Ariza shaklini to'ldirish
— Transkript tayyorlash
— 2 ta savolga javob yozish

❗️Shunday qilib, 1-dars o'tkazilish vaqti bugun 2023-yil 6-iyun, soat 22:00 da.

ESLATMA: dastur ishtirokchilari uchun 3 xil grant mavjud:
1. To'liq grant: Dasturda qatnashish bilan bog'liq deyarli barcha xarajat qoplanadi, faqat yo'l xarajati qoplanmaydi.
2. Qisman grant plus: Yo'l va sug'urta xarajatlaridan boshqa xarajatlar qoplanadi.
3. Qisman grant: Yo'l, sug'urta va turar joy xarajati qoplanmaydi.

👉 Dastur haqida batafsil BU YERDAN ma'lumot olishingiz mumkin.

@grantlar_namuna

Kecha IES - International Excellence Program dasturiga ariza topshirish bo'yicha ochiq dars tashkil etgan edik.

Bugun 1-ochiq darsning video lavhasini e'tiboringizga havola etmoqchimiz. Dars davomida IES dasturi bo'yicha qisqa ma'lumot hamda CV yaratish bo'yicha ko'rsatmalar berildi.

Dars bo'yicha berilgan kerakli havolalar:

👉 Europass CV sayti: https://europa.eu/europass/en/create-europass-cv

👉 CV tayyorlash bo'yicha Grantlar.uz jamoasi tomonidan tayyorlangan to'liq ma'lumot: https://grantlar.uz/blog/cv-nima-qanday-qayerda-tayyorlayman-korinishi-qanaqa-boladi/

👉 Transkript tayyorlash bo'yicha BU YERDA ma'lumot olishingiz mumkin.

MUHIM: IES dasturi uchun transkript original tilda, hech qanday tarjimalarsiz taqdim etilishi lozim.

ESLATMA: 2-ochiq dars bugun, 2023-yil 7-iyun, soat 22:00 da bo'lib o'tadi

@grantlar_namuna

Xanns Zaydel jamg'armasining O'zbekistondagi vakolatxonasida haq to'lanadigan amaliyot

Nufuzli Xanns Zaydel jamg'armasining O'zbekistondagi vakolatxonasi bitiruvchi kurs talabalarini amaliyot o'tashga taklif qilmoqda.

Kimlar uchun:
— Bakalavriat yoki magistratura bosqichi bitiruvchi yoki yaqinda bitirgan talaba(lar)i ariza topshirishi mumkin;
— Nemis tilini bilish kamida B2 darajada bilishi kerak;
— Yozishmalar uchun rus va o‘zbek tillarini yetarlicha bilishi lozim;
— MS Office dasturidan (umumiy ofis dasturlari, ijtimoiy tarmoqlar va h.k.) foydalana olishi kerak;
— Yangi narsalarni o'rganishga qiziqishi va g'ayratli bo'lishi lozim

Amaliyotchi vazifalari:
— Oylik hisobotlarni (hujjatlarni) tayyorlash va skanerlashda yordam berish;
— Hujjatlarni o‘zbek yoki rus tilidan nemis tiliga va nemis tilidan o‘zbek yoki rus tiliga tarjima qilish;
— Bitiruvchilarning ma’lumotlar bazasini yaratish va yangilash;
— Idoraviy hujjatlarni rasmiylashtirish va ish yuritish;
— O‘zbekistonlik abituriyentlar uchun Germaniyadagi stipendiyalar bo‘yicha ma’lumotlar papkasini tayyorlash;
— Xanns Zaydel jamg‘armasining O‘zbekistondagi vakolatxonasining ijtimoiy tarmoqlarda axborot kanalini yuritish;
— Vakolatxonaning turli tadbirlarini tashkil etishda yordam berish.

Amaliyot 6 oy davom etadi va bu muddat davomida amaliyot uchun haq to'lanadi.

Ariza topshirish:
Nemis tilida tayyorlangan CV — rezyumelar "Praktikant" mavzusi ostida Dustov-J@hss.de elektron pochta orqali qabul qilinadi.

Ariza topshirish so'nggi sanasi: 2023-yil 12-iyun

@grantlar_namuna

Kecha International Excellence Scholarship dasturi uchun tashkil etilgan ochiq darsning 2-qismi bo’lib o’tdi.

Bugun ushbu darsning video lavhasini e’tiboringizga havola etmoqchimiz.

Dars davomida quyidagilar bo’yicha ko’rsatmalar berildi:
— Ariza shaklini to’ldirish
— Transkript tayyorlash
— 2 muhim savolga javob yozish

ESLATMA: dasturga arizalar 2023-yil 30-iyungacha qabul qilinadi.

@grantlar_namuna

Global Youth Summit: 18-24 yoshlilar uchun Janubiy Koreyada xarajatlari qoplanuvchi 8 kunlik sammit; joy – 140 ta!

Sammit 2023-yil 19-26-iyul kunlari Seul shahrida boʻlib oʻtadi (ingliz tilida).

Sammitga jami 140 nafar ishtirokchi (Janubiy Koreyadan 20 nafar, boshqa davlatlardan 120 nafar) qabul qilinadi.

Sammitning asosiy mavzusi: Harmony of Global Youths Towards a Sustainable Future.

Imtiyozlar:
– Qatnashish bepul
– Bepul turar joy va oziq-ovqat taʼminlanadi
– Ichki transport va sugʻurta xarajatlari qoplanadi
– Xalqaro safar uchun 300 dollar mablagʻ beriladi
– Turli suvenirlar va maxsus sertifikat beriladi

Arizalar 2023-yil 12-iyun 19:59 gacha qabul qilinadi.

Batafsil👇
https://grantlar.uz/global-youth-summit-janubiy-koreyada-xarajatlari-qoplanuvchi-sammit/

@grantlar

Yoshlar Yelkani: Yevropa Ittifoqi ko'magida yosh yetakchilar uchun 1 haftalik trening

“Yoshlar yeklani” loyihasi yosh yetakchilar, ko‘ngillilar, pedagoglar va fuqarolik jamiyati vakillari uchun uch bosqichli ikki yillik ta’lim dasturini o‘z ichiga oluvchi katta loyiha hisoblanadi.

Dastur maqsadi:
— Yoshlarning inson huquqlari, atrof-muhit va tanqidiy fikrlash borasidagi ta’lim sohasidagi vakolatlarini oshirish.
— O‘zbekistonda yoshlar bilan ishlash tajribasini o‘rtoqlashish va Yevropa tajribasiga ega trenerlardan norasmiy ta’lim amaliyoti va usullarini o‘zlashtirish.
— O‘zbekistonning turli hududlarida fuqarolik tashkilotlari bilan hamkorlik qilishga tayyor bo‘lgan norasmiy ta’lim bo‘yicha malakali trenerlar va fasilitatorlar hamjamiyatini yaratish.

Aynan shu dastur bo'yicha 2023-yil 5-12-avgust kunlari Toshkent viloyati, Bo'stonliq tumanida 1 haftalik trening mashg'ulotlari tashkil etilmoqda.

Ishtirok etish uchun talablar:
— 18-27 yosh bo'lishi;
— Inson huquqlariga qiziqishi;
— Atrof-muhitga befarq bo'lmaslik;
— Muloqot qilish, yetakchilik va moslashuvchanlik ko‘nikmalariga ega bo'lish.

👉 Arizalar 2023-yil 20-iyunga qadar qabul qilinadi. Ishtirok etish uchun BU YERDAGI ariza shaklini to'ldiring.

ESLATMA: dastur to'liq rus tilida olib boriladi, shu boisdan ishtirokchilar rus tilini yetarlicha bilishlari kerak.

@grantlar_namuna

IES almashinuv dasturi boʻyicha toʻliq qoʻllanma

Germaniyada 1 semestr oʻqish va amaliyot oʻtash imkonini beruvchi IES dasturi boʻyicha toʻliq qoʻllanma shakllandi.

Dastur tarkibi:

👉 Dastur talablari, imkoniyatlari, hujjat topshirish jarayoni haqida batafsil ma'lumot

👉 Dastur g'olibi bilan ovozli suhbat

👉 Dastur g'olibi bilan matnli suhbat

Ariza topshirish jarayoni haqida video darslar:

👉 1-DARS

👉 2-DARS

Arizalar 2023-yil 30-iyungacha qabul qilinadi.

P.S. IESda ishtirokchilar uchun 3 xil grant mavjud:
1. To'liq grant: Dasturda qatnashish bilan bog'liq deyarli barcha xarajat qoplanadi, faqat yo'l xarajati qoplanmaydi.
2. Qisman grant plus: Yo'l va sug'urta xarajatlaridan boshqa xarajatlar qoplanadi.
3. Qisman grant: Yo'l, sug'urta va turar joy xarajati qoplanmaydi.

@grantlar_namuna

Reimagine ACT logo: Toshkentagi Amerika markazi tomonidan logolar tanlovi

AQSh Mustaqillik kunini nishonlash munosabati bilan Toshkentdagi Amerika markazi "Reimagine ACT logo" onlayn tanlovini e'lon qildi.

G‘olib deb topilgan logo dizayn bir hafta davomida barcha ijtimoiy media kanallarida profil rasmi sifatida qo‘llaniladi.

Logo uchun talablar:
— Qo'lda chizilgan, grafik dizaynlashtirilgan, raqamli tasvirlangan, yasalgan va boshqa formatdagi ishlar qabul qilinadi.
— Logo amaldagi ACT logotipining muhim elementlarini oʻz ichiga olishi, yuqori sifatli boʻlishi va 4-iyul mavzularini ijodiy ifodalashi kerak.
— Ishtirokchilar o’z ishining asl muallifi bo’lishi kerak. Tanlov ishtiroklari har bir ijodiy elementning mualliflik huquqi uchun to'liq javobgar hisoblanadi.

Talnovda ishtirok etish uchun quyidagilarni amalga oshiring:
— Barcha fayllarni bittaga joylang (compress).
— Google Drive jildini yarating va u yerga faylni yuklang.
— Google Drive havolasini Tashkent-ACT@state.gov manziliga “Reimagine the ACT Logo Contest” mavzusi bilan yuboring.

Ariza topshirishning oxirgi muddati: 2023-yil 26-iyun, dushanba

@grantlar_namuna

Hujjatlarni tayyorlashda yordam xizmati!

@grantlar_namuna loyihasi chet eldagi turli grant dasturlariga ariza topshirishda hujjatlarni tayyorlashda yordam va tekshirish xizmatini taklif qiladi.

Xizmatdan kim foydalanishi mumkin?
– Bakalavriat bosqichida oʻqish uchun ariza topshiruvchilar
– Hozirda bakalavriat bosqichida oʻqiydigan va turli almashinuv dasturlari, yozgi/kuzgi maktablar, konferensiyalar, forumlar ham shu kabi boshqa dasturlarga ariza topshiruvchilar

Xizmat nimadan iborat?
1-turdagi xizmat: Motivatsiya xati, Personal Statement, tavsiyanoma, CV va shu kabi boshqa hujjatlarni tayyorlashda yordam.
2-turdagi xizmat: Tayyorlangan hujjatlarni tekshirib, ularga feedback berish (kamchiliklarini va kuchli jihatlarini koʻrsatish, kamchiliklarni qanday tuzatish boʻyicha koʻrsatmalar berish, tuzatilgandan keyin yana tekshirib berish).

Xizmatni kim koʻrsatadi?
– Xizmatlar AQSHda bakalavriatni toʻliq grant asosida oʻqiyotgan va grantlarga ariza topshirishda katta tajribaga ega mutaxassis tomonidan koʻrsatiladi.

Xizmat pullimi?
– Ha, xizmat pulli. Xizmat narxlarini bilish va xizmatdan foydalanish uchun quyidagi bot orqali murojaat qilishingiz mumkin: @pathto_success1

❗️MUHIM: Magistraturaga topshirmoqchi boʻlganlar yoki magistraturada oʻqiyotganlarga bunday xizmat zarur boʻlsa, yuqoridagi botga emas, @GN_work hisobiga murojaat qilishi kerak.

@grantlar_namuna

#Natija 31

NSP granti javoblar chiqdi – 69 nafar oʻzbekistonlik gʻolibdan 61 nafari bizning kurs va/yoki xizmatdan foydalangan!

Slovakiyada 2 semestrgacha oʻqish/tadqiqot olib borish imkonini beruvchi Slovakiya Milliy stipendiya dasturining (NSP) natijalari eʼlon qilindi.

Bu safargi qabulda jami 69 nafar oʻzbekistonlik nomzod ushbu grantni qoʻlga kiritgan. Shulardan 61 nafari @grantlar_namuna loyihasi tomonidan tashkil qilingan maxsus kurs va/yoki hujjatlarni tekshirish xizmatidan foydalangan!

Kategoriyalar kesimida oʻzbekistonlik gʻoliblar soni:
– A kategoriya: 74 ta gʻolibdan 63 tasi oʻzbekistonlik
– B kategoriya: 22 ta gʻolibdan 4 tasi oʻzbekistonlik
– C kategoriya: 84 ta gʻolibdan 2 tasi oʻzbekistonlik

Gʻoliblarni tabriklaymiz!

@grantlar_namuna

#Natija 32

Kanalimiz kuzatuvchilaridan 2 nafari JACAFA stipendiyasini qo'lga kiritdi!

Shokhrukh Rustamov — Toshkentdagi INHA universitetida bakalavriatning 2-kurs talabasi.

Shavkat Omonov – Toshkent davlat yuridik universitetida bakalavriatning 2-kurs talabasi.

Shokhruh va Shavkat bu yili JACAFA (2023-2025) stipendiyasini qoʻlga kiritdi.

Shokhruh va Shavkat bu dasturga ariza topshirishda kanalimizdagi maʼlumot va manbalardan ham foydalangan.

Stipendiya imkoniyatlari:
– 2 yilgacha 110 AQSH dollar oylik stipendiya
– Markaziy Osiyoda tashkil etiladigan tadbirlarda qatnashish imkoni
– Yaponiyaga bepul sayohat qilish imkoni
– Kichik loyihalar uchun 10 000 dollargacha grant yutish imkoni

Shokhruh va Shavkatni ushbu muvaffaqiyat bilan tabriklaymiz va kelgusi ishlarida zafar tilab qolamiz.

@grantlar_namuna

Kanadada oʻqiymizmi?

Kanada – oʻqish uchun koʻpchilik orzu qiladigan davlatlardan biridir.

Baxtga qarshi, Kanada aksariyat xorijlik talabalar, jumladan, oʻzbekistonliklar uchun ham u qadar koʻp toʻliq grantlarni taklif qilmaydi.

Lekin Kanadada oʻqish uchun oʻzbek talabalar ham ariza topshirishi mumkin boʻlgan va ayrim toʻliq grantlar mavjud, albatta. Bunday grantlar bakalavriat, magistratura va PhD bosqichida oʻqish uchun taklif qilinadi.

Bugun shunday toʻliq grantlarni eʼtiboringizga havola qilamiz.

Demak:

1. Lester B. Pearson International Scholarship. Bu grant dunyoda nufuzi boʻyicha 18-oʻrinda turuvchi Toronto universiteti tomonidan taklif qilinadi.

Asosiy jihatlar:
– Bakalavriatda oʻqish uchun beriladi
– Oʻqish va yashashga oid barcha xarajatlar qoplanadi
– Grantlar soni 37 ta
– Qabul 2023-yil sentabr oyida boshlanadi va 2023-yil 30-noyabrgacha davom etadi

2. McCall MacBain Scholarships. Bu grant dunyoda nufuzi boʻyicha 31-oʻrinda turuvchi McGill universiteti tomonidan taklif qilinadi.

Asosiy jihatlar:
– Magistraturada oʻqish uchun beriladi
– 10 ta toʻliq va 40 ta qisman grant ajratiladi. Toʻliq grantda oʻqish va yashashga oid barcha xarajatlar qoplanadi
– Qabul 2023-yil 24-avgustgacha davom etadi

3. Vanier Canada Graduate Scholarship Bu grant Kanadaning bir qancha universitetlarida PhD (doktorantura) bosqichida oʻqish uchun ajratiladi.

Asosiy jihatlar:
– Bu grant yiliga oʻrtacha 166 nafar nomzodga beriladi
– Yiliga 50 ming dollar stipendiya beriladi

Qabul 2023-yil 1-noyabrgacha davom etadi.

Taʼkidlash joizki, yuqoridagi grantlarning barchasida raqobat ancha kuchli. Lekin oʻzbek talabalari orasida ham bu grantlarni qoʻlga kiritishga munosib nomzodlar borligiga shubha qilmaymiz.

@grantlar_namuna

Kanadada o'qish: afzalliklar, xarajatlar va ishlash imkoniyati haqida

Bugun kun mavzusini Kanadaga bagʻishlaymiz va Kanada taʼlim haqida tayyorlagan postimizni takroran joylaymiz.

Kanada — xalqaro talabalarga ta'lim olish uchun eng yaxshi mamlakatlardan biri. Turmush darajasi yuqori bo'lgan bu davlatda inson huquqlari ustuvorligi va jamiyat tinchligi alohida e'tirofga loyiq.

Kanada ta'lim olishning bir necha afzalliklari mavjud:

1. Sifatli ta'lim. Kanada ta'lim sifati bo'yicha U.S. News & World Report, 2022 ma'lumotiga ko'ra, dunyoda 4-o'rinda turibdi. Bu esa Kanadada ta'lim sifati qay darajada yuqori ekanlini ko'rsatadi.

2. TOP universitetlar. Kanadada bir ko'pgina nufuzli oliygohlar mavjud. Masalan, jami 7 ta universitet Times Higher Education 2023 reytingi bo'yicha (2023-yil) TOP-200 talikka kiradi:

- University of Toronto — THE reytingi TOP-18.

- University of British Columbia — THE reytingi TOP-40

- McGill University — THE reytingi TOP-46

- McMaster University — THE reytingi TOP-85

- University of Montreal — THE reytingi TOP-111

- University of Alberta — THE reytingi TOP-118

- University of Ottawa - THE reytini TOP-137.

3. Nisbatan arzon kontrakt to'lovi. Kanada universitetlarining kontrakt to'lovlari Buyuk Britaniya va AQSH universitetlariga qaraganda nisbatan arzonroq. Jumladan:

— Baklavriat uchun kontrakt to'lovi yiliga o'rtacha 21 875 AQSH dollari
— Magistratura uchun kontrakt to'lovi yiliga o'rtacha 15 764 AQSH dollari

4. Ishlab qolish imkoniyati. O'qishni tamomlagandan so'ng xalqaro talabalar 3 yilgacha Kanadada ishchi viza orqali qolish mumkin. Agar talaba bu muddatdan keyin ham Kanadada qolishni xohlasa, ishchi vizasini tiklash uchun yana ariza berishi mumiin.

Statistikaga ko'ra, o'qishni tugatgandan so'ng ish bilan ta'minlangan xalqaro talabalarning 60 foizi 10 yil ichida muhojir sifatida Kanadada qolgan.

5. Ishlash imkoniyati. Xalqaro talabalarga o'qish vaqtida yarim stavka, ya'ni haftasiga 20 soatgacha ishlashga ruxsat beriladi. Eng kam ish haqi esa hududga qarab soatiga 8-15 AQSH dollarini tashkil qiladi. Bu xalqaro talabalarga ish tajribasiga ega bo'lish va xarajatlarini ma'lum darajada qoplash imkoniyatini beradi.

Xarajatlar. Kanadada bir oylik yashash narxi yashash joyi va turmush tarziga qarab farq qilishi mumkin. O'rtacha talaba oyiga ijara, oziq-ovqat, transport va boshqa xarajatlarni hiosbga olganda 700-1200 AQSh dollargacha sarflashi mumkin (albatta, bu qay daraja pul ishlatishingizga bog'liq).

Qolaversa, aholining ingliz va fransuz tillarida erkin so'zlasha olishi, xalqaro talabalar va Kanada fuqarolarining teng huquqliligi, davlatning xavfsizligi va irqiy kamsitishlardan holiligi Kanadada o'qish uchun yaxshi sabab bo'la oladi.

@grantlar_namuna