#کربلایی جهان سلیمانی #حسینیه اسراءکربلا ملارد #تصویربردار_استریو_فاطمیه_کرج_۰۹۳۵۴۷۸۸۶۷۶_جعفری
https://www.instagram.com/reel/Cip57fuqfYg/?igshid=ZjE0ZGRhNjQ=

به مناسبت هفتمین روزشهادت امام حسین(ع)
یدی گوندی باجیون حالی پریشاندی حسین
یدی گوندی دولانور کوفه نی گریاندی حسین
یدی گوندی سنی مقتلده گوروب یاندیم حسین
نیزه اوخ داش وورانون لشکر عدواندی حسین
یدی گوندی باشیوی شمرلعین کسدی سنون
نیزه یه خولی ووروب کوفه ده مهماندی حسین
یدی گوندی  سویولوب عترت طاهایارالی
گوشواره آلونوب چوخلی قولاخ قاندی حسین
یدی گوندی سنی ئولدوردی اخا کوفه لیلر
امرائدوب شمرلعین خیمه لرین یاندی حسین
یدی گوندی یانورام شبه پیمبر بالاوا
اکبره آغلویورام ظلمیله دوغراندی حسین
یدی گوندی اوخ آتوب حرمله دیلسیز بالاوا
سودوئروب اوچ پراوخی اصغرین اوخلاندی حسین
یدی گوندی داغلوب چوللره عطشان بالالار
ریسمانیله اوگون   اللری باغلاندی حسین
یدی گوندی سنه بوکوفه ده حسرتدی باجون
آغلوری اوخشویوری منزلی زنداندی حسین
یدی گوندی سویولان پیکریوه اوخشویورام
اون نفرله داغیلوب جسمیوی، عریاندی حسین
یدی گوندی داغیلوب قربان اَتی مثلِ بدن
گوئیا پخش اولونان چوللره قرباندی حسین
یدی گوندی بالالار سویلوری هارادا باباموز
قمچی دگدی باشیما قولاریمایاندی،حسین
یدی گونی یارالار قانی آخوب فتلگهه
باجون ئولسون یارالی،غسلون ائدن قاندی حسین
یدی گوندی یانورام اوغلوما قارداشلاریما
باجون ئولسون یاراوی،جسمیده بی ساندی حسین
یدی گوندی دوشوری،یادیمه علقم یانورام
دوشوب عباسی یره جسمیده پیکاندی حسین
یدی گونی سالونوب نخلیده صاق وصولونی
باش سئنوب مشکی دوشوب یوخدی سو،نالاندی حسین
یدی گونوی منیله صاحبیموزآغلویوری
آنام اوغلی،یازوری،الده چوخ عنواندی،حسین

کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676

🏴حسین ثارالله ثارالله اباعبدالله

✍شعراز ؛ علی عبدی🏴

🎼در آهنگ(این بانگ آزادی )

دلده گنه شورِ کرب و بلا واردی
ششگوشه قبرینده بوی خدا واردی

عاشقلرین دویماز صفالی بارگاهیندن
سن بیل آنان زهرا بیزی سالما نگاهیندن

حسین ثارالله ثارالله اباعبدالله
حسین ثارالله ثارالله ابا عبدالله

🏴🏴🏴🏴🏴
ماهِ محرمده جوشه گلر قانلار
بیدار اولار دلدن وجدانلی انسانلار

اَهل بصیرت درس آلار حقگو شعاریندن
اِیلر حمایت انقلاب پایداریندن

حسین ثارالله ثارالله اباعبدالله
حسین ثارالله ثارالله ابا عبدالله

🏴🏴🏴🏴🏴
مهدی گئیوب قاره بو آی سنه آغلار
ایوای حسنیم وای سسلر سینه داغلار

گویده ویرار باشه ملکلر دیده ی گریان
عالم سنون یتمیش ایکی سربازیوه قربان

حسین ثارالله ثارالله اباعبدالله
حسین ثارالله ثارالله ابا عبدالله
🏴🏴🏴🏴🏴

عشقین بیزه اولدی سرمایه ی دنیا
بو عشقیوی وئرمک دنیایه یا مولا

مجنون کیمی دیوانه یوک دیوانه ثارالله
سن شمعی سن عاشقلرین پروانه ثارالله

حسین ثارالله ثارالله اباعبدالله
حسین ثارالله ثارالله ابا عبدالله

🏴🏴🏴🏴🏴
اَل چکمروق مولا قاره لوالردن
بیز دویماروق هرگز بزم عزالردن

هرکیم بو قاره پرچمه اولسا پناهنده
محشرگونی اوتدان قالار اعضاسی ایمنده

حسین ثارالله ثارالله اباعبدالله
حسین ثارالله ثارالله ابا عبدالله

🏴🏴🏴🏴🏴
سن جانیوی وئردین راز و نیاز اوسته
اَمرِ به معروف و دین و نماز اوسته

تا جدیوین دینی قالا دنیاده پاینده
الله سنی مخلوقه اِیلوبدی نماینده

حسین ثارالله ثارالله اباعبدالله
حسین ثارالله ثارالله ابا عبدالله

🏴🏴🏴🏴🏴
قانلی بیابانه دوشدون آت اوستن سن
اَبزار جنگیله دورین آلوب دشمن

گویلرده ناگه باشلادی بیر قاره یِل اَسدی
شمرِ جنارتگر سنون دالدان باشین کسدی

حسین ثارالله ثارالله اباعبدالله
حسین ثارالله ثارالله ابا عبدالله

کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676

زبانحال حضرت امام حسین دربالین حضرت ابوالفضل علیهم السلام


استادهادی اردبیلی

سبک:الهی دفن ائدیم نجه

سپهرغصه ده باتان شکسته ماهیم آچ گوزون
گوزومده تاراولوب جهان ایاپناهیم آچ گوزون
حسینه سس وئروفالی قارداش
داریخدی سینم یارالی قارداش

اؤیاره لردگیدی کاش منیم بوقلب زاریمه
آخیدی باشیمون قانی قانون کیمی عذاریمه
آخان گوزون دوشن قولون عمودیلن سینان باشون
بوکوبله قدیمی منیم سالوبلا اود قراریمه
بوداغلی سینم چکورشراره
گوزآچ حسینه ائله نظاره

میان نخلزاریدن سویاگوره یولون دوشوب
کشیده سرولرکیمی تبردگوب خولون دوشوب
گوزوم دوشنده جسموه باشون کیمی بلیم سینوب
نه حاله پیکرون قالوب گوزاوخلانوب قولون دوشوب
ساییلمیاندی سینونده یاره
سمادی جسمون یارون ستاره

نه تک ئولوبدی قارداشیم ئورک یانورعزالیام
نه تک بوعرصه گاهیده آدامسیزام بلالیام
هرعضووه دگوب یارامنیمده قلبیمه دگوب
سنان ئورک یاراگوروب ئوزون کیمی یارالیام
شکسته نی تک ئورک سیزیلدار
گوزه گورونمزئورک یارام وار

اولوب ایشیم بوگون منیم شکسته قلبی داغلاماق
ئورک قانین یارون کیمی سولان جماله باغلاماق
ئولنده اکبرآغلادیم ولی بوحاله قالمادیم
گولورقشون من آغلورام نه سختیمش تک آغلاماق
غریب اولانلاربونی بیلرمیش
تک آغلیاندا عدو گولرمیش

لباس عشقی قلبیدن بوگون سویوب گئدنمورم
ئوپوب یارادگن گوزون گنه دویوب گئدنمورم
عبانی سرمیشم یره یوخومدی بیرنفرکمک
یارالیسان آپارماسام سنی قویوب گئدنمورم
بوخسته پیکرگئدورمنیله
عزالی روحیم قالورسنیله

غرض دوروب دوشوب یولاحسین آتانمادی قدم
سرشگی آخدی صورته بوسوزلری ائدوب رقم
گئدوم خیامه باش چکوم گوزتلیوربالالاریم
اوکی کسیلدی چاره سی علاج سیزقالان منم
حسینی ایله دعا ابوالفضل
ئورگی اولسون رها ابوالفضل

بیرآزگئدورگنه دورورسرشگی صورته آخور
بلاوغصه رعدتک یارالی قلبینه شاخور
خیامه ساری قصدائدوب ایاقی گلمیورگئده
بلینده اللری دونورکنارعلقمه باخور
دیوردمادم جان آی یارالی
فلک گورائتدی سنی هارالی

نه باعث اولدی گئتمدون بوچولده ایلدون وطن
قوم اوسته پیکرون قویوب نجه گئدوم خیامه من
سوروشسالارسوسوزلاریم سوجامی اده خیمه ده
سنون بوحاله قالماقون نجه حسین ائدرعلن
بیرآیری چاره یوخ ایندی قارداش
خیامه گئتمک چتیندی قارداش
کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676

حضرت زینب سلام الله علیها

سبک : خدایا عاشقان را با غم عشق آشنا کن (افتخاری)

غفاری اردبیلی

حسین جان شامه گَل غیرتلی پرچمدارون ئولدی
یوبانسون کربلاده باغریقان بیمارون ئولدی

سنه دلبستیم من
وصالون مستیم من
ئوزون گلسون گورَرسن
حسین جان خسته یم من

نگاریم حسین وقاریم حسین بهشتین تاجداری
سنون عشقووی یانان قلبیده آپارّام یادگاری

منه هر بزم الفت یا حسین زندانه اوخشار
اوشاقلیق خاطراتین صحبت ایللّر خانملار
منیم اما اوشاقلیق خاطراتیم غم فزادی
ننه ام ئولدی سیزه اولدوم اوشاقلیقدان پرستار

سالوب غملر حصاره
دوشوب قلبیم فشاره
حیات جاوداندی
سنی گورسم دوباره

چاغیر قاسمی گوزل اکبری گتیر دیداره قارداش
دئنن اصغره آلوبدی بی بون سنه گهواره قارداش

نقدری ووردی دشمن قوللاریمدان تازیانه
که بلکه یالوارام بیر یول سپاه ظالمانه
دئدیم باش اگمرم مین یول اگر باشیم کسیلسه
عزادار وفادارم شهید قهرمانه

کفیل انقلابم
وکیل آفتابم
منه زینب دیَللر
علمدار حجابم

آنام فاطمه وئروب درسیمی حجابیم سنگریمدی
اسیر اولمارام ستمگرلره شجاعت خنجریمدی

کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676

✔️حضرت ابوالفضل العباس علیه السلام ....


کمکسیزم یالقزام دورانمورام قولسوزام

چوخ جفا،چکمیشم،زینیدن،دوشموشم

یوخدی قولاریم تنده گل

گلدی فاطمه سنده گل



گلیبدی بالینیمه حسین آنان فاطمه

اورکده قان آغلیور منیم بو احوالیمه

اخا منه ال یتور ایشیم تاپوب خاتمه

دوت منی؛دامنه؛ گولمسون؛دشمنیم

دوشموشم عجب غمده گل

گلدی فاطمه سنده گل



ورولا دنیاده چون چتیندی هر یاره دن

بو درده یوخدور دوا ال اوزموشم چاره دن

سو یوخ اخا قارداشون خجیلدی بو باره دن

مشکیمه ؛دیدی اوخ ؛ شرمسار؛ ایتدی چوخ

ایش قالوب خداونده گل

گلدی فاطمه سنده گل



گوزومده قان موج ائدوب گوره نمورم یولاری

بو سرو بالا قدین بدنده یوخ خولاری

گلنده گورسن اگر یره دوشن قولاری

چوخ باخوب؛ آغلاما؛ سینوی: داغلاما

لبلرونده بیر خنده گل

گلدی فاطمه سنده گل



آچلدی بازار عشق حسین بو سودایه گل

باشیم اوجالسون منیم حضور زهرایه گل

من سنه؛ عاشقم؛ گل اگر؛ لایقم

ای شه برازنده گل

گلدی فاطمه سنده گل

نوکر اولدی شرمنده گل

گلدی فاطمه سنده گل

کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676

#کمکسیزم_یالقزام

کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676

زبانحال حضرت زینب(س)

در مصیبت جا ماندن حضرت رقیه(س)
در راه شام -

(گئتمه دایان ساربان _ گوزیاشیم اولدی روان)


در آهنگ (میگذرد کاروان)



گئتمه دایان  ساربان _ گوزیاشیم اولدی روان

یولدا رقیه‌ام  قالوب _  زینب اولوب باغریقان

بوردا  گرک  من  قالام  _  دردینی  جانه آلام

قلبی سینیق‌دور دایان صبر ائله گلسین بالام


بالامی یولدا ترک  ائتمَرم

رقیه‌ام   گلمسه   گئتمَرم


ای     کاروان            ای       ساربان

قالدی   بالام             گئتمه    دایان


عَمه‌سینی  ترک  ائدوب  کامینه  گویا چاتوب

یاره‌لی‌یورقدن‌دوشوب‌قوش‌کیمی حتماً‌یاتوب

بیر نچه گوندی  اونی قارداشی گوزدن  آتوب

شاید     اَیاقلارینا     خار    مغیلان     باتوب


قلبیمی قان  ائتمه ساربان

قالدی بالام گئتمه ساربان


ای     کاروان            ای       ساربان

قالدی   بالام             گئتمه    دایان


رحم ائله وار اوچ یاشی یوخدی اونون بیرکسی

ایندی اونی  زَهره  چاک  ایلدی  چُول ناله‌سی

قورخولی‌وحشتلی ‌چول ‌هی دولانیر یئل‌سَسی

ایندی  ئولَر  قورخودان  فاطمه      ریحانه‌سی


قارداشیم حسینون جانیدور

زهرانین   غملی  ریحانیدور


ای     کاروان            ای       ساربان

قالدی   بالام             گئتمه    دایان




داده  کیمی  یولاسان تابشور  اونی وورماسین

چوخ‌یُوروب‌آغلاتماسین وَقرینی سیندیرماسین

آت دوشونه سالماسین رشته‌ی غم  قیرماسین

یاسلیدی گویولون  آلوب قلبینی یاندیرماسین


کینه‌سین یولدا بولدورمسین

آللها     خاطر   ئولدورمسین


ای     کاروان            ای       ساربان

قالدی   بالام             گئتمه    دایان
کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676

احوالات راه شام (افتادن از ناقه)

 به سبک# علی اصغر مه انور

مهارِ ناقه می ساخلا ، اماندور ساربان گیتمه
قالان وار خردا قیزلاردان دایان دور ساربان گیتمه
 
اماندور ساربان گیتمه
 
اگر چه لشگرِ شامه اسیرم بی هوادارم
اوزوم اوز خطّ سیرمدن ازل گوندن خبردارم
حسینمدن صورا آخر بو جَمعه من پرستارم
بیریندن بی خبر قالسام گراندور ساربان گیتمه
 
ز بس قارداش فراقینده غم و درد و ملالیم وار
نه بیر اوز فکریمی قیلّام بو باشدا مین خیالیم وار
جگر داغلی ، قولوم باغلی ، بولن یوخدور نه حالیم وار
او حالیم اشکِ دیدمدن عیاندور ساربان گیتمه
 
بو عالمسوز آهمله هامی افلاکی یاندورّام
یغوب بی کسلری باشه بو صحرانی دولاندورّام
حسینی سسلرم باشین جدا اوسته دایاندورّام
بالامی تاپماسام گیتمم اینان دور ساربان گیتمه
 
یتیشسه مین بیله محنت گینه منده دوزوم واردی
نِدیم بیر اهلِ دل یوخدی اورکده چوخ سوزوم واردی
گجه گوندوز دگل بی جا منیم آغلار گوزوم واردی
یوزه مین سِرّی وار اشکیم رواندور ساربان گیتمه
 
یانار قلبون ، حسینون سن او سولموش نوگُلین گورسن
سرشکِ چشمینه باخسان اونون سوزِ دلین گورسن
دانشدیرام اگر تاپسام اونون شیرین دلین گورسن
بولورسن کیم نجه شیرین زباندور ساربان گیتمه
 
هوای طُرّهء اکبر ایدوب آشفته لیلانی
خیال ایلر یانار دائم او گیسوی پریشانی
اگر بو قصّه نی بولسه پوزار مجموعِ دنیانی
بو قیز قارداشی اکبردن نشاندور ساربان گیتمه
 
حسینیم آخر عمرونده که تجدیدِ وصال ایتدی
منِ مظلومیه بیر بیر عیالین تاپشوروب گیتدی
ویروب لب تشنه جان گر چه اوزی مقصودینه یتدی
او تاپشورماقدا مقصد بو زماندور ساربان گیتمه
 
بودور قورخوم گوزوم یاشی او قدری دلنشین اولسون
که پای ناقهء لیلا بو چولده گِل نشین اولسون
دایانسون کاروان مجنون هامی محمل نشین اولسون
دیسون هر دسته بیر دفعه دایان دور ساربان گیتمه
 
او گون گیچدی که بو گون تک واریدی شهرتِ زینب
هامی دنیانی دوتموشدی جلال و شوکتِ زینب
آغاردی زلفِ مشکینیم ، پوزولدی صورتِ زینب
بو قدّیم بارِ محنتدن کماندور ساربان گیتمه
 
سرشکِ چشمنی یوزدن اونون کیم بیرده پاک ایلر؟
آناسی بولسه بو حالی یقینا" سینه چاک ایلر
بالام یالقوز قالوب چولده اوزین ایمدی هلاک ایلر
ایشی مدّتدی شیوندور فغاندور ساربان گیتمه
 
بو مظلومه قیزی (صافی) سالوب یاده فغان ایله
دگل معلوم آدی اولسون غمین ذکر و بیان ایله
زیارت ایسته سن ایسته ، حسینی امتحان ایله
نه شیرین لفظدور نه خوش بیاندور ساربان گیتمه
 
کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676

عرض ایتدی حسین چوخدی سوزوم حیفدی اما.
سوز پاره لنر بو یارالی لبلر النده.
سیل گوزلریمی قوی دانشاق گوز گوزه قارداش.
نه حاله قالوب گور بو گوزوم لشگر النده.
یوخ آیری غمیم خیمه لروندن نگرانم.
قطع اولدی امیدیم کسیلن اللر النده.
بیر منظره گوردوم من اوزوم خیمه ده قارداش.
یاندیم نجه عود یانار مجمر النده.
اولسمده بو نسگل اورگیمدن چخا هیهات.
قالمشدی ربابون یاخاسی اصغر الینده

مرحوم استاد منزوی.


🆔 کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676

السلام عليك يا جبل الصبر

بهار عشقون عجب باصفادي يازينب
صفالي منظره سي جانفزادي يازينب

سنون مقدس آدوندا رموز خلقت وار
اودور بو آد بيزه مشكل گشادي يازينب

طبيب درد زمانسان ، نجيب دامانون
دوا گزنلره دارالشفادي يازينب

اوعطريكي نفسوندن نفس نفس اوجالار
منيم عقيده مه عطر خدادي يازينب

سنون يوزونده كي نور آفتاب نوري دگل
او نور ، نورِ رخ انبيادي يازينب

گداي درگهون اولماق ياراشماز هركسه چون
سنون قاپوندا ملك لر گدادي يازينب

کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676

او حسینی که دیوب لای لای اونا روح الامین
او حسینی که اونون گلمیه جک مثلی یقین
حیف اونون منزلتین آنلامادی قوم لعین
ائتدیلر صفحه دنیانی اونا کنج قفس
دئدی هل ناصر ینصرنی ولی گلمدی سس
گوز قباقینده اونون دوغرادیلار اکبرینی
الی اوستونده اونون اوخلادیلار اصغرینی
پایمال ایلدیلر قاسم خوش منظرینی
زینیدن سالدیلا قولسوز اوجا سرلشکرینی
زینبون دوغرادیلار خنجریلن اللرینی
سالدیلار تپراقا زهرا بالاسین خصم زمان
یارا دگمیشدی او قدری یوخودی دلده توان
مقتله شمر گلوب ایلدی ئوز ظلمین عیان
گلشن فاطمیه باد مخالف اسیلوب، سر شاه شهدا ظلمیله دالدان کسیلوب
روبرو مختاريلن تا رزمه دوردى حرمله/چوخ جسارتله او بى شرم و حيا گلدى دله/يوز دوتوبدى حرمله مختاره بو نوعى ديدى/قوى سنى آگه ايديم بير ماجرادن صبر ايله/هيچ بيلورسن کربلاده اصغرى ويرديم نيه/وار دليلى سالمشام من قلبيلرده زلزله/سعدين اوغلى او زمانى کى منه امر ايلدى/وير حسينون اللرى اوسته او طفلى تا ئوله/سويلديم سعد اوغلونا، سويله گوروم علت نه دور/نه گناه اوسته ويرم،روشن دگول بو مسئله/ سعدين اوغلى سسلدى آماده قيل اوچ پر اوخى/قويما دوشسون نسليميز آينده ده سن مشکله/بو بالانون رگلرينده مرتضانون قانى وار/ويرمه فرصت،وير اونى بلکه بو قلبيم دينجله/سانما سن بير طفليدور جنگ عالمين درک ايلمور/إئلرين حتمأ بيلر بيز سالموشوق چولدن چوله/قالسا زنده بو بالا بير گون جوان اولسا اگر/ذوالفقار حيدرى قهريله گر آلسا اله/ آل سفيانين يقينأ نامهء قتلين يازار/هر کس اولسا نسليميزده تک به تک قبرين قازار

کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676

عقلیمے آلدے الیمنڹ فاطمه ریحانسے

شمعیدورعشقیم منیم منده اونوݧ پروانسے

ایسٺورم جاݧ یا رقیه سسلننده جاݧ ورم

نیلیم اولدوم بو اوچ یاشدا قیزیڹ دیوانسے

کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676

نوحه زبانحال خانم زینب کوچ ازکوفه
باآهنگ : آچ گوزلریوی قارداشیم

وای الده ئولن قارداشیم
گوزدن آخوری قانیاشیم
قارداش بوکولوبدورقدیم
غمدن آغاروبدورباشیم

سنله باجون شامه رواندور
چکموش مصیبت باغریقاندور

یانام باشون نوک جداده
جسمون قالوبدورکربلاده(۲)

بوکوفه ده چوخ آغلادیم
غمدن سینه می داغلادیم
مجلسده دوگولدی باشون
قانیاش ئوزیمه باغلادیم

گئتدیم اخا بزم زیاده
اولدی غمیم اوردا زیاده

قانلوباشون نوک جداده
جسمون قالوبدورکربلاده

باشون دوگولنده قارداش
گوزدن من آخوددیم قانیاش
قول باغلی دوروب اولادین
یاندیم دوگولنده اول باش

ابن زیادیاندیردی یاخدی
ووردی آغاج قان تازه اخدی(۲)

قانلوباشون نوک جداده
جسمون قالوبدورکربلاده

قارداش دئمه سن دینجللم
آهیمله داشی من دللم
شامه گئدرم ئولسمده
باشون دالیسنجان گللم

سنله گلم آرام جانم
بوکوفه دن شامه روانم

قانلوباشون نوک جداده
جسمون قالوبدورکربلاده

قول باغلو اسیردشمن
غصمده ئوزون شاهدسن
قیزلاردوگولنده قارداش
ال قمچیلره وئردیم من

قمچی دگوب ردین سالوبدی
دشمن باجون صبرین آلوبدی

قانلوباشون نوک جداده
جسمون قالوبدورکربلاده(۲)

اولموش باجیوی آواره
یوخ دردینه اولسون چاره
مهمان ائده جاقدورراهب
سنله گئدیرم درباره

چوخ یرلری سنله دولانام
من باشلاراباخدوقجا یانام

قانلو باشون نوک جداده
جسمون قالوبدور کربلاده(۲)

صاحب یانورایلورافغان
قارداش سنه جانی قربان
دعوت ایله بیرده شامه
ائتسون اورقیین مهمان

قوی باشینا نوکردی منت
شام ودمشقه ایله دعوت

کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676
🏴السلام علیک یا اباعبدالله الحسین(ع)

حسین امام من است و من غلام حسین

هزار جان گرامی فدای نام حسین

‍ ‍ روضه راه شام


شهدا باشی کسیلدی ورولوب نیزه لره

اسرا دوشدی یولا دلده فغان چولرده

کوفه دروازه سینه قافله آخشام چاتدی

یاتدی قیزلار گجه نی اشک فشان چولرده

ای قلم کوفه نی رد اول دیمه صبح اولدی نلر

یاز گوروم قالدی رقیه نه زمان چولرده

کاروان سرعتیلن باشلادی یول شامه طرف

دوش نسوانه دوشوب بار گران چولرده

سعی ایدور زینب کبری بالالار اینجیمیه

ساربان تند گیدور ویرمور امان چولرده

ام کلثوم گوزی قولسوز ابوالفضلی گزیر

هی دیور یوخ باجیوی یاده سالان چولرده

یتجاخ هرمنزله وقتی که یاتور توز تپراق

باخوری بیر بیره قیزلار نگران چولرده

هرکس ایستور یاتا فورا اوجالور بانگ رهیل

یول اوزاقدی تلسور شمر و سنان چولرده

حرمله غملی ربابین گوزونه گورسنمیر

گیزلدیب تیرو کمانین اوخ آتان چولرده

تند یلر که اسور دیسگینور اصغر آناسی

آختارور اوغلونی دلده ضربان چولرده

غم مسافرلری عریان دوه لر اوسته گیدور

یوخ رقیه تلینه شانه وران چولرده

غرق ایدوب لیلینی ئوز دردی خیال عالمینه

باخور اکبر باشینا وقت اذان چولرده

دیور ای آهو باخشلی بالا آچ بیر گوزوی

سنه خاطر قالوب آواره آنون چولرده

ایستوری فاطمه بیر نامه یازا صغرایه

نیلسون یازسادا یوخ نامه رسان چولرده

یوز دوتوب یثربه سسلور باجی جان خوش حالوا

گر گلیدون دیری قالمازدون اینان چولرده

قاسمین داغی سریه اورگیندن چخمور

اوخشور آهسته اونی سینه زنان چولرده

کیم ئولور اوستونه فورا قالانور تپراقلار

لااقل قبرینه قویمولا نشان چولرده

هانسی راویدی الینده اولا آمار دقیق

کیم بولور کیمدی ئولن کیمدی قالان چولرده

او ایتن قبریلری بیرگونی مهدی تاپاجاخ

گوزی یاشلی گزور العاندا همان چولرده

بیر شیرین دل بالانی لیک ایتیره بولمدیلر

اونا خاطر گورونوب معجز عیان چولرده

او گجه یولدا بلا قافله سی لنگ اولدی

اوجالوب همهمه سندی خفقان چولرده

نیزده دوردی حسین باشی باخدی پشت سره

(گوردولر امام حسینین  یارالی باشی حرکت المیر واغردلار امام سجاد آقانی ، آقا سن بولرسن باخدی باباسینین قان دولان گوزلرینه بولمورم نه اشاره آلدی باباسینان یوزون دولاندردی عمه سینه ، عمه قیزلاری سایبسان؟ بیر بیر بالالاری چاغردی خانم زینب ایکی الی وردی باشنا رقیم چولده قالب)


سبک بانوای کربلایی حسن نعمتی اردبیلی
👇👇

🎼سبک نوحه فوق 👆👆
🎤#بانوای_حاج_علی_سیفی_افشار

سلام اولا او قیزا خیمه لر یانان ساعت

اولوبدو اکبر آلان گوشواره سی غارت



سلام اولا یوزونه گوزیاشی آخان بالیا

دگنده سیلی دونوب علقمه باخان بالیا

سلام اولا هامونون مشکلون آچان بالیا

ایاق یالن باش آچوخ چوللره قاچان بالیا



سلام اولا او قیزا قلبین إتیلر یاره

گجاودن یخیلیب چولده قالدی آواره



سلام اولا اوقیزا یوللار اوسته آغلاردی

ایاقلارین یاره سین معجرینن باغلاردی



سلام اولا اوقیزا دوندو گوزلری ابره

خرابه یئرده ئولوب عمه سی قویدی قبره

غارت اولدی صبر اویم غارتده هاردیدون بابا

خیملر تاراج اولان حالتده هاردیدون بابا 

اونداکی نصفی یانان چادورده سسلیدوق سنی 

عمه ام ائیلوردی نوا خلوته هاردیددن بابا 

ناقدن شامین یولوندا ساربان یخدی منی 

قالدیم او صحرایه پروحشته هاردیدون بابا

آغلیاندا من سنه دشمن بابا گولدی منه 

یاندی قلبیم آتش محنده هاردیدون بابا

کاش اولیدوک گورمیدوق هیچ بیر یزید مجلسین

قالمادی طاقت دل عطرتده هاردیدون بابا

قوی دیم بیر سوز منی اوردا کنیز استیوردیلر 

کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676

تلّین اوستن قتلگاهه باشدا اللر گلمیشم
تاپمیوب قیزلاروه بیر قاره معجر گلمیشم
گه دوشوب گه دورمیشام یولدا محقر گلمیشم
جسموی داشلارین آتدان گلمیشم اخراج ائدم
قلبیمی درد و مصیبت تیرینه آماج ائدم

آغزینی آچمیش یارالاردان حسین بوس ایلرم
اوپدوگیجه سس چکوب فریاد افسوس ایلرم

بو مصیبت سیندیرار اعظم داشی٬ محکم داغی
چکمه لر پامال ائدوب باشدان باشا صولنان ساغی
سینوون اوسته حسین جان نقش اولوب آت دیرناغی
بو غریبه منظری گورجک باجون بیحال اولوب
بو درین گودالیده سینون حسین گودال اولوب

جسمووین وضعیّتی بحرانلیدی٬ محنتلیدی
سن اؤزون رأفتلی گولسن٬ قاتلون جرأتلیدی
یاره لر قانلی بدنده یاحسین حکمتلیدی
دست خلقت ٬ پرده ی حکمت ٬ گونه ابر ایلیوب
سینووی خنجر قازوبدور اصغره قبر ایلیوب

کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676

سبک_می_گذرد_کاروان … ای بوغازین اوچ پر اوخ …
.
.
حاج روح الله رمضانی
.
.
گئتمه دایان ساربان
قافله دن وارقالان
قورخولی چولده قالوب
دختر شیرین زبان
.
واریری ناله عرشه سالام
ناقه دن دوشدی نازلی بالام
آغلارام آغلارام آغلارام(۲)
.
.
.
قلبیمی غملر آلوب
غصه لی حاله سالوب
بیلمورم هاردا منیم
نازلی رقیم قالوب
.
باخورام یولارا ناگران
اولموشام غصه دن باغری قان
آغلارام آغلارام آغلارام (۲)
.
.
.
یاندی دل مضطریم
قان اولوب اشک تریم
دوشدی گوزومدن اوزاق
فاطمیه بنذریم
.
اولونجه اونی ترک ائتمرم
گلمسه رقیه گئتمرم
آغلارام آغلارام آغلارام(۲)
.
.
.
غملیدی یولداشلاری
عمه سی ؛ قارداشلاری
آغلادوری غصه سی
نیزه دکی باشلاری
.
دایانوب نیزه ده نورعین
گئتمیور شامه رأس حسین
آغلارام آغلارام آغلارام(۲)
.
.
.
.
#راه_شام
#گئتمه_دایان_ساربان
#رمضانی_خاکی
#ترکی

کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676

به مناسبت هفتمین روزشهادت امام حسین(ع)
یدی گوندی باجیون حالی پریشاندی حسین
یدی گوندی دولانور کوفه نی گریاندی حسین
یدی گوندی سنی مقتلده گوروب یاندیم حسین
نیزه اوخ داش وورانون لشکر عدواندی حسین
یدی گوندی باشیوی شمرلعین کسدی سنون
نیزه یه خولی ووروب کوفه ده مهماندی حسین
یدی گوندی  سویولوب عترت طاهایارالی
گوشواره آلونوب چوخلی قولاخ قاندی حسین
یدی گوندی سنی ئولدوردی اخا کوفه لیلر
امرائدوب شمرلعین خیمه لرین یاندی حسین
یدی گوندی یانورام شبه پیمبر بالاوا
اکبره آغلویورام ظلمیله دوغراندی حسین
یدی گوندی اوخ آتوب حرمله دیلسیز بالاوا
سودوئروب اوچ پراوخی اصغرین اوخلاندی حسین
یدی گوندی داغلوب چوللره عطشان بالالار
ریسمانیله اوگون   اللری باغلاندی حسین
یدی گوندی سنه بوکوفه ده حسرتدی باجون
آغلوری اوخشویوری منزلی زنداندی حسین
یدی گوندی سویولان پیکریوه اوخشویورام
اون نفرله داغیلوب جسمیوی، عریاندی حسین
یدی گوندی داغیلوب قربان اَتی مثلِ بدن
گوئیا پخش اولونان چوللره قرباندی حسین
یدی گوندی بالالار سویلوری هارادا باباموز
قمچی دگدی باشیما قولاریمایاندی،حسین
یدی گونی یارالار قانی آخوب فتلگهه
باجون ئولسون یارالی،غسلون ائدن قاندی حسین
یدی گوندی یانورام اوغلوما قارداشلاریما
باجون ئولسون یاراوی،جسمیده بی ساندی حسین
یدی گوندی دوشوری،یادیمه علقم یانورام
دوشوب عباسی یره جسمیده پیکاندی حسین
یدی گونی سالونوب نخلیده صاق وصولونی
باش سئنوب مشکی دوشوب یوخدی سو،نالاندی حسین
یدی گونوی منیله صاحبیموزآغلویوری
آنام اوغلی،یازوری،الده چوخ عنواندی،حسین

✍ باالتماس دعا-حاج عباسعلی دهقان(صاحب)۱۴۰۲/۵/۱۱

کانال غملی نوحه لر👇
@gamliinohalar
۞« اشعار ناب فاطمیه کرج »۞👇👇
@fatemiyehkaraj09354788676