🌹دەنـگـوو دێوەزناوی🌹

‍ یاگێنە وانامۆ؛
خاستەرا بەنرختەرین و گەورەتەرین مەنبەعێ کە هەر تاکێ بتاوۆ پەنەش بیاوۆ ٭وێش٭ بۆ.
حەرچی فرەتەر پێسنە بۆ هەرچنڎ کە تاکەکێ سەرچەمەو وێباوڕی وێشانە بێزاوە، ئانڎەیچ وەشبەختتەر و وەشحاڵتەرێنێ.
چی حەقیقەتە گەورەنە ئێ واتەو ئەرەستوویه پیویۆ: ((وەشبەختی مڵکوو کەسانێوەن کە سەروو پاو وێشاوە مەمدرانێ)).
چی ویەرەنە فرەتەر جە هەر زەمانێوەتەری و پاو ئانەی کە ئینایمێ دەورەو تێکنۆلۆژی و ئێرتباتاتیەنە، میاومێ پی باوڕیە؛ ئانە کە مافوو وێما و مڵکوو گلێرگەیمانە، گرینگتەرا. چوون بنەمایێ قووڵ جە ویەردێوە پەڕ جە زانشتی و خۆدکەفایی و ئارۆیێ لیپانلیپ جە تەوانایی و پتانسیڵیما هەن کە لازما جەخدش سەر کەرمێ و پێسە شانازیێ کەشفش کەرمێ و بشناسمێش و بشناسنمش. چوون مۆحکەمتەر و هەمیشەییتەر جە گرد چێوین.
ئینەیچ سەرچەمێوە واقعی و ماندگارا.
گەرکمانە ئینەی عەرز کەرمێ: با باۆڕما بە ویەردەیما بۆ و مایێ شانازی ئارۆیما بزانمێش.
با باوڕێ وەش کەرمێ کە ئارۆ چراوێوەنە پەی دماڕۆی.
ئینەیچ هێمەتێ جەمعیش گەرەکا کە بە بێ پاڵپەشتی یۆترینی شکڵ نمەگێرۆ و نمەلۆ ڕاوە.
هایان گەرەکشا ئا چراوێ بۆ و پاڵپەشتیچش ئینا دڵوو ئا تاکانە کە متاومێ واچمێ؛ دەسچنێ تەبێعەتی و خێلقەتوو خوای گەورەی و ساحیب دەسەڵاتینێ.
ئا ئازیزێ کە ورکەشا پارێزنای و پەرە پەنە دای زوان و فەرهەنگی دەوڵەمەنڎوو وەڵاتی ڕەنگینیمانە.
ڕێکەوتوو 1400/9/1ی ک.ڕ. دەسەو ڕاوەبەراو هایانی بیێ بە مێمانوو شاروو برایی و وەشەویسی شاری ئازیزوو کامیارانی سەربەرزی.
دما بە دماو دەسوەشی و سپاسی بێ ئەوپەڕینیما پەی ئا ئازیزا کە چی دیدارەنە ئەرکشا کێشا و نەقشێ ڕەنگین و دیارشا بی، لازمش مزانمێ مزانی ئانەی دەیمێ؛ شۆرای فەرهەنگیەو هایانی، کامیارانەنە مەرزیارە تا بتاوۆ بە دڵسۆزی و وێباوڕی یاریدەرەو هەنگامەو هایانی بۆ و کۆڵەکێوە بۆ پەی ئی وەزیفەیە، کە ئێمە شانازیش مزانمێ پێسە خزمەتێ بە وەڵاتیما قۆڵێما پەی هۆر ماڵان.
✍دەسەو ڕاوەبەراو هایان.
@HayanApp

1.13K viewsپیکری, 08:02