نەواچی من پیر ئوفتادەی دڵ ڕێش
ئیسە چەنی مەیل ئازیزانم چێش

تا یاران نیگای نیهانیشان بۆ
پیران مشیۆ تاف جوانیشان بۆ

#مەولەوی

@divaznav

دیدەم وە دیدەت شای شیرین چەمان
فیراقت قامەت کەردەن وە کەمان

مەزاق یەند تاڵی دووری تۆ چەشتەن
هووناوەکەی چەم سەرزەمین ڕەشتەن

سەر پەیکانەکەت بڕیەن ڕشتەی دڵ
وە ناسۆر کەفتەن دایم مدۆ چڵ

سەمتووری سینەم وە زایەڵەی بەرز
مەژەنۆ نەوای دووریت وە سەد تەرز

بڵێسەی کوورەی دەروون گرتەن تاو
نە بۆتەی خەمدا دەروون کەرد وە ئاو

گلاراوەکەی جە تۆ جیامەن
وەخت لواکەی ئەوە نامامەن

پووشەکەی هەستیم ، گیا کەی پای چەم
وای نیستی و فەنا پەردش پەی عەدەم

ماموسا #مەولەوی


🌹 دەنـــــــــگـوو دێــــــــــوەزناوی🌹
          💜💜  @divaznav   💜💜