Bojxona qoʻmitasining Tadbirkorlar faoliyatini qoʻllab-quvvatlash boshqarmasi boshligʻi I.Pardaev “Chuqursoy” TIF bojxona postida tashqi iqtisodiy faoliyat qatnashchilari bilan ochiq muloqot oʻtkazdi

Uchrashuvda tadbirkorlarga “bojxona hududida qayta ishlash” rejimi imkoniyatlari yuzasidan batafsil maʼlumotlar berilib, ularni qiziqtirgan savollarga kerakli javob qaytarildi. Xususan, mazkur rejim orqali tovar qiymatini kamaytirish, mahsulotlarning tashqi bozordagi raqobatbardoshligini oshirish, ayrim bojxona toʻlovlaridan ozod etilish imkoniyatlari mavjudligi tushuntirildi.

Shuningdek, kooperatsiya asosida mahsulotlarni chuqurroq qayta ishlash uchun yaratilgan qulayliklar, birinchi mahalliy ishlab chiqaruvchidan ikkinchi ishlab chiqaruvchiga tovarlarni hisob-faktura asosida realizatsiya qilish mexanizmi boʻyicha ham batafsil izohlar berildi.

Taʼkidlanganidek, ushbu imkoniyatlar tadbirkorlik faoliyati samaradorligini oshirish, ishlab chiqarish xarajatlarini kamaytirish hamda foyda hajmini koʻpaytirishga xizmat qiladi.

Farg'onada aholi va qishloq xoʻjaligini roʻyxatga olish ishlari qizg'in davom etmoqda

Oʻzbekiston Respublikasi Prezidentining 2025-yil 19-sentabrdagi PF–173-son Farmoniga muvofiq 2025-yil 15-yanvardan Fargʻonada aholi va qishloq xoʻjaligini roʻyxatga olish ishlari tizimli ravishda amalga oshirilmoqda. Mazkur jarayon aholining ijtimoiy-iqtisodiy holati, demografik koʻrsatkichlari hamda qishloq xoʻjaligi resurslari haqida aniq va ishonchli maʼlumotlarni shakllantirishga xizmat qiladi.

Ushbu jarayonlarning borishi hamda hududlarda tashkil etilgan shtablar faoliyatini oʻrganish maqsadida Bojxona qoʻmitasi raisi oʻrinbosari O.Ibragimov boshchiligidagi ishchi guruh tomonidan Toshloq tumanidagi “Axshak” mahallasida hamda tuman hokimligida tashkil etilgan shtabda, shuningdek Quva tumanidagi mahallalarda roʻyxatga olish jarayonlarining borishi, shtablar faoliyati oʻrganilib, tadbirlarning sifatli oʻtkazilishini taʼminlash boʻyicha amalga oshirilayotgan ishlar bilan yaqindan tanishildi.

Shuningdek, ro‘yxatga olish natijalarining haqqoniy va ishonchli bo‘lishi bevosita ma’lumotlarni yig‘ish hamda tizimga kiritish jarayonining sifatiga bog‘liqligi tushuntirildi. Fuqarolarga savolnomalarni to‘ldirishda amaliy ko‘mak berish, yuzaga kelayotgan savollarga tezkor javob qaytarish hamda texnik muammolarni o‘z vaqtida bartaraf etish bo‘yicha tavsiyalar berildi.

Bundan tashqari, ro‘yxatga olish ishlari sust kechayotgan hamda ma’lumotlar kiritilishida muammolar kuzatilayotgan ayrim mahallalarda ishlarni jadallashtirish yuzasidan aniq topshiriqlar belgilandi. Mas’ul shaxslarga mavjud kamchiliklarni qisqa muddatda bartaraf etish, xonadonma-xonadon tushuntirish ishlarini kuchaytirish, targ‘ibot tadbirlarini faollashtirish hamda jarayon ustidan doimiy monitoring olib borish vazifalari yuklatildi.