قلبیمین تئل‌لری سازا کؤکله‌نیب
آزادلیق منیم‌چون آزا کؤکله‌نیب
دئییرلر گؤزللیک یازا کؤکله‌نیب
گؤره‌سن او یازی گؤره‌جک ائلیم؟!

جلیل تایماز مییانالی
@Axaaq

Güzeller içinden
Ses:Kenan Doğulu
@Axaaq

بیر پارچا بولوددو یولومون اوسته
کؤوره‌لردی آنام، دولاردی آنام
ایشیقی سوزالمیش بیر فانیس کیمی
آسیلیب قاپیدا قالاردی آنام
من گئجیکنده

یاشا چئوریلردی بوتون وارلیغی
وارلیغی دئینده یعنی کی دردی
گؤزونون یاشینی بئله سَپردی
نه اولوب آی آنا اؤلمه‌میشم کی!
اوزومدن گؤزومدن دوتوب اؤپردی
باغرینین باشینا منی تَپردی
آی آنا مشهددن گلمه‌میشم کی!

گلیشیم ائله بیل یاز گلیشی‌دی
دارتینیب او قیشدان چیخان آغاجدی
عؤمرومون شاختالی، بورانلی واختی
اوزونده تبسسوم تومورجوقلاری
دئیردین ایندیجه گول آچاجاقدی

گولنده همیشه پَسدن گولردی
نه زیله چیخاردی آنام، نه بمه
بئله‌جه قالمیشدی اونون یادیندا
اونون اینامیندا، اعتیقادیندا
قادینلار اوجادان گولمزمیش دئمه

آنام اؤز ایچینده جوشوب داشاردی
غفلتن باخیشی آغیرلاشاردی
باخیشی آداما شیلله کیمی ایدی
سؤزلر اوره‌یینه تئر توخوناردی
کلمه‌لر آتیلان گولله‌ کیمی ایدی

نئجه تئز سوووشدو، اؤتدو او ایللر
ایللرین قاتیندا ایتدی او ایللر

پاییزیم موغانا خوش قاییتمیسان
یئنه‌می اللری بوش قاییتمیسان؟!
نییه گتیرمه‌دین آنامی پاییز؟!
آنامی، او یورقون، او سولغون سونامی پاییز؟!

بیزه اوزاقلاردان قوش گتیریرسن
سورویوب آرخانجا قیش گتیریرسن
نییه گتیرمه‌دین آنامی پاییز؟!
بوراخدین داغلاردا دونامی پاییز؟!

ایلاهی! غریبه قوشدو او ایللر
منیم سئوینجیمی، سعادتیمی
آلیب دیمدییینه اوچدو او ایللر

توحید نامور-آدلیم
@Axaaq

Ah beni beni
Ses:Sezan Aksu
@Axaaq

چنلی گئدیشین کؤنلومو یاخمیش بیلیسن هئچ؟!
غم گؤزلوگونو گوزگومه تاخمیش بیلیسن هئچ؟!

سندن سورا قالمیش نه اینانجیم ، نه‌ده شککیم
کؤنلومده داها شعری بوراخمیش بیلیسن هئچ؟!

ییغدیم بیر اوووج موشتولوغو دار کوچه‌نیزدن
سپدیم گؤیه اولدوز کیمی آخمیش بیلیسن هئچ؟!

آچ قوللارینی نیسگیلیمه ماهنی جالانسین
حسرتده منیم سئوگیمی قاخمیش بیلیسن هئچ؟!

یول چکدی گؤزوم یوللارینا گیزلیجه مین یول
آخ پنجره‌سیندن سنه باخمیش بیلیسن هئچ؟!

باغلاندی قارانلیقدا اومود یوللاریم آمما
چاخماق کیمی"تایماز" یئنه چاخمیش بیلیسن هئچ؟!

جلیل تایماز مییانالی
@Axaaq

Çakmak Çakmak
Ses:Sibel Can & Tarkan
@Axaaq

مین دفعه پئیوات ویر، مین دفعه جالا
کؤک اؤز جیرلیغیندا جیر قالاجاقدیر
آلچاغی اوجالتسان دا اوجا داغ قدر
یئری گلن کیمی آلچالاجاقدیر

آتی آت ائیله‌مز قیزیلدان یئهر
ایلان دا گؤتورر توپراقدان زهَر
خارابا قالسا دا کیچیک بیر شهَر
یئنه شهَر اولوب اوجالاجاقدیر

برلیانت اولسا دا قارغا یوواسی
آدی کی قارغادیر نه‌دیر معناسی؟!
میداندا تک قالسا دا لاچین بالاسی
یئنه لاچین کیمی ووروشاجاقدیر

"صفر" اینسان کیمی سئودین اینسانی
بس سنین ازل‌کی گونلرین هانی؟!
زامان الینده‌کی اؤز کامانینی
هئی چالیب هئی چالیب هئی چالاجاقدیر

علی صفر اوغلو
@Axaaq

Daha Gidecek yolumuz var
Ses:Leman Sam
@Axaaq

گئتمه دؤز، صبر ائله بیر دم سورا گئت
قوی سینیخ کؤنلومه مرحم سورا گئت

بیر ایاق ساخلا گولوم سؤیله نه‌دید تعجیلین
سنی تانری بو قدر ائیله‌مه چم خم سورا گئت

بیر کره کج باخیشینلا جانیما بیر اود سال
حیاتی من سَفیله ائیله جهننم سورا گئت

سن اولارکن قوروموشدور گؤزومون قان یاشی
گل بو ذیحجه‌نی سن ائتمه محرّم سورا گئت

مین کره سن منی قورتاردین اؤلومدن گؤزلیم!
اؤلورم بیر داها عیسی کیمی وئر دم سورا گئت

منه بسدیر او آلا گؤزلریوین خاطیره‌سی
باس منی باغرینا ای لبلری زمزم سورا گئت

"انباز"ین قوردوغو کاشانه‌نی ویران ائله‌دین
شَنلیگی ائتمه‌گینن شاعیره ماتم سورا گئت

علیرضا انباز-اهر
@Axaaq

Canimdan can iste
Ses:Tudanya
@Axaaq

ایلقاریندان دؤنمه گئری
سؤزلرینده دوز اول بشر
دوست ائوینه خایین اولما
گؤزلرینده دوز اول بشر

بنیزینین اولسون نورو
آی‌دان آری، گوندن دورو
منلیگینی اؤزون قورو
ایزلرینده دوز اول بشر

فیتنه سالیب آرا قاتما
یامان گونده دوستو آتما
"سخاوت"ی پولا ساتما
دوزلریله دوز اول بشر

سخاوت قاسم‌زاده-سخا
@Axaaq

Adana köprü başi
Ses:Murat Kurşun
@Axaaq

اونودساق

بولبولون دوشرمی بیر گون یادینا
کپنک یانارمی شمعین اودونا
داغلاری کیم یارار شیرین آدینا
عشوه‌نی اونودساق، نازی اونودساق

ایتیردیک آلقیشی، تاپیلدی قارغیش
بولبولون یئرینه بانلادی بایقوش
ایستی یای قالاجاق، بورانلی بیر قیش
پاییزی اونودساق، یازی اونودساق

ساپی اؤزوموزدن بالتالاریق‌سا
کیمسه‌یه قارشی‌ییق، کیمه یاریق‌سا
ائله دایاناریق نئجه واریق‌سا
طاماهی اونودساق، آزی اونودساق

من "سید جلیل"م آی شئه‌لی نرگیز
یاللی‌نین آدینا یاد اولموشوق بیز
بو ائلدن نه قالار دومانلی تبریز
زورنانی اونودساق، سازی اونودساق

میر جلیل حسینی-سید
@Axaaq

Ürəyimdir
Ses:Arzu Qarabağli
@Axaaq

گون غروب ائتدی بیابانی بو کاشانه‌لری
گؤرورم غم بورویوب غملی نواخانه‌لری

سر-سر باد خزان اسدی گولوستانیمیزا
سؤندوروب شمعی یئنه قالدی بو پروانه‌لری

باغبان خار مغیلانه دوزوب ایللردیر
یارالی اللر ایله بسله‌دی دردانه‌لری

بئله گولزاری‌ده آشفته دوشن بولبول‌لر
نوبهار ایله قیلیب ترک بو ویرانه‌لری

شوق ایله عطرین آلاردیم دولانیب باغ ایچره
آختاریب هاردا گزیم باغلی بو مئیخانه‌لری

ساقیا موشکول عشقی دئمه گؤردوم
دوح سینه‌م ده‌دیر عشقین دولو پیمانه‌لری

دوشگون آغلار ائله بیل آزری‌بایجان آغلار
ائل پریشان دولانار موشک دوتان شانه‌لری

دادمانین غمینه سنده "بیابانی" دایان
باشقا هر صؤحبت اولا بوشلا بو افسانه‌لری

فرمان عبدالله وند-بیابانی
@Axaaq

Reyhani
İfa:Hasan çuha
@Axaaq

بیرینین بار وئریر گویا سؤیودو
بولوددان تایاسی، یاغیشدان سودو
دی گل بو اوردئنلی*، شؤهرتلی بوتو
ییخسام اؤلدوررلر، ییخماسام اؤللم

قولاقلار اویویور بیر خوش یالاندا
وعد وئرن ده بیلیر، وعدی آلان دا
بو سؤز اویونوندا ناچار قالاندا
دینسم اؤلدوررلر، دینمه‌سم اؤللم

عاغیل کسه-کسه، گؤز گؤره-گؤره
ها بو دَییرمانی فیرلات بوش یئره!
بو اؤتور-اؤتوره، قایتار-گتیره
گولسم اؤلدوررلر، گولمه‌سم اؤللم

دونن حارام آلیب الیمدن اؤزو
بو گون بایراق ائدیر حالالی، دوزو
دیلیمین اوجوندا کؤز اولان سؤزو
دئسم اؤلدوررلر، دئمه‌سم اؤللم

غریبه جله‌دیر سنین بو جله‌ن
هم دن‌ سپَن دوشور، هم دنه گلن
کیم قدیر بیلمزدیر، کیم قدیر بیلن؟
بیلسم اؤلدوررلر، بیلمه‌سم اؤللم

بیر سیرّ اسیری‌یم، بیر سؤز دوستاغی
آغ سالیب گؤزومه یالانین آغی
آچیم‌می صاندیغی، تؤکوم پامبیغی؟
آچسام اؤلدوررلر، آچماسام اؤللم

موسی یعقوب
*مئدال، نیشان (Orden)
@SheirOcagi
@Axaaq

ائشیتسم گلیرسن، چیخارام یولا
بوتون یوللار بویو گوللر اَکه‌رم
ایکیمیز بیر قلب‌ده یاشایاق دئیه
سنه قلبیم بویدا بیر ائو تیکه‌رم

خلیل ریضا اولو تورک
@Axaaq

Vaziyetler
Ses:Sila
@Axaaq

بیر اینسان اوزولمک یئرینه عاقیللانمایی ترجیح ائتدیگی زامان، اوندان قورخون.
چونکو دئدیکلری سؤزلر جان آلا بیلر.

فردریش نیچه
@Axaaq