الظلام استاطن بروحي وصباحك غاب
أفز لو مر ضوى بعيني
يتراوالي الفجــر سرداب

أدنّگ واحلم اسمع صوت بي تغريد
أرفع راسي الگه اغراب

مشيت وي السراب بلهفة المعتاز
وآنه ادري العطش چذاب

آنه وياك ليش امننتلاگه افراگ ؟
آنه وياك ليش نضل إثم وحساب !؟

زاعلت الشعــر سنتين
أريد استوعب النوّاب

لـ #حسام_سباهي
(العراق)

@alshoara

الظلام استاطن بروحي وصباحك غاب
أفز لو مر ضوى بعيني
يتراوالي الفجــر سرداب

أدنّگ واحلم اسمع صوت بي تغريد
أرفع راسي الگه اغراب

مشيت وي السراب بلهفة المعتاز
وآنه ادري العطش چذاب

آنه وياك ليش امننتلاگه افراگ ؟
آنه وياك ليش نضل إثم وحساب !؟

زاعلت الشعــر سنتين
أريد استوعب النوّاب

لـ #حسام_سباهي
(العراق)
@alshoara

ضُم چلمتك خلهم يتانونــهه
هيبة الورده بسوالف لونهــه ؛

وحته لو ضمّو عشگهم من وراك
الناس يفضحهه الحچي البعيونهه؛

سوله بالخنجر تحبّه يحب گفاك !
هواي مثلك لازم يطعنــونهه ؛

العاش واضح ينقرى بكيف الزغار
الغامضه اسوالفهم يهابــونهه ؛

فرهدوك المالهم چيله إعله طير
القصيده المالحه يكرهونهـــه؛

منيلهم مثلك هلا وغبشة صهيل
ملوحتك بس ربعك ايعرفونهه ؛

غِيب حته الليل ينتظرك جديد
النجمه فشله بكل ظهر يلگونهـه؛

الشجره يطلع صوتهه بوكت الربيع
بغير موسم ناسنه ايحرگونهه؛

لاتحط روحك ستر للماله باب
العميه مايرهم كحل لعيونهه؛

إفتخر بسمك حرف غيرك رخيص
السالفه المومالتك يحچونهــه ؛

اليطفه بوّل سالفه ينام بجفاك
العشره تثبت بس عله اليبنونهه ؛

ينثني الماعنده زلمه يكض گفاه
الحمل يغله اعله الرخيصه امتونهه؛

اليثگل بچذبه اعله ولفه ايضل خفيف
الوادم يشوّر ملح ماعونهه؛

طيح من تسمع خبر شايل صديج
الدلّه طلع صيتهه اليچفونهه؛

الصيت للملگه العرب كشختهه ضيف
الظلمه بس العوز حافظ لونهه؛

الديره من تخلص وفه اتحب البعيد
العين من تعثر جفنهه يخونهه؛

الصيف من يزغر عطش ذاكرله بير
الذكريات تعيش اذا يبچونهه؛

#حسام سباهي المالكي
(العراق)
@alshoara