من روائع الدارمي
.
.
خلاني وكتي وياك گصبة بوسط ريح
لا تثبت اعله الگاع لا تعرف تطيح
#عريان_السيد_خلف
.
خل شغلك اللاهيك شي ابده من شي
بآخر نفس ظليت بس كضني ارد حي
#عطا_السعيدي

.
جرب صديجك يوم غثه بحچاياك
شوفه بوجه زعلان شيسوي وياك
#بدر_لطيف_الدغاري
.
حط يمنته بيمناي مد يسرته يبوگ
ليش انه ملحي يصير ماصخ بالحلوگ
#سمير_صبيح
.
من كثر ما وديت للمگبرة احباب
بچفوفي طگ عاگول من هيل التراب
#سعد_الجنابي
.
چنت اشتري العيلات بس من وره اعضاي
گمت اشتري الحاجوز لو عالوا وياي
#غزوان_الغالبي
.
اتمنه نوبة الگاك صدفة بطريجي
من زفتك لليوم وانه اعله ريجي
#حسام_الحمزاوي
.
كل دمعة وسط العين چانت عزيزة
من دمعي هسه الگاع صارت نزيزة
#بكر_مدلل
.
بالك اغاتي تگول للموش اغاتك
خافن يزل ويصير شص بلهاتك
#حسين_الثويني
.
تعبوا لأن جواي ظلوا يحفرون
وانه ادعي يطلع ماي خاطر يشربون
#علي_البديري
.
گمت احسب بدگات گلبي الحريصة
شو الگه كل مصباح بيهن نگيصة
#ابراهيم_الكوفي
.
چنت انطعن بسيوف ينعوجن ابتوت
بس هسه صدري الخيط بي مگبل يفوت
#حسين_السيد_نور
.
اظفر شلعته وراح چانولي ربعي
رد طلع گلت ارتاح گصيت اصبعي
#احمد_ابو_العز
.
رفت لحد ما طاح لجلك رمشها
مر بيه عيني بطيف ما اعرف اغشها
#احمد_المطوري
.
فد موته ليش اتگول يمسوي دنياي
بل ساعه اموت الاف من ذكر اهواي
#علي_المطوري

تره آنه زغير
بس باگن ملامح وجهي المرايات
صبغت بشعري الأسود جم گفه مرايه
بعدهه براسي دوخت هزة الكاروك
وبعدني أدخل ركض لبيوت الولايه
وبعدني أركض لبوي مدمع وزعلان
من ايغثني جاهل مره بحجايه

#احمد_المطوري
(العراق)
@alshoara

#احمد_المطوري

انه بخير بس موزين

انه اشتاگيت مدري المن
ناس اهواي بس محد

بيهم مالكيت انسان
يسمع جرحي لو غرد

انه مابيه اعيش اسبوع
جبروني وعشت هلگد

العايش وحده ما غلطان
لو سمّه الثنين احد

@alshoara

اخفاف اعله الكلب ماعدنا رسميات
ما ماشينه واحد ما ارتاحلنه


#احمد_المطوري
(العراق)
@alshoara

انت يالما تدري عتبة بابي وين

و انا ادري ابيا جفن طيفك يبات



#احمد_المطوري
(الـعراق)
@alshoara

انت يالما تدري عتبة بابي وين

و انا ادري ابيا جفن طيفك يبات



#احمد_المطوري
(الـعراق)
@alshoara

صار عندي ادمان اذا ما اموت #اضوج

#احمد المطوري
(العراق)
@alshoara