عود بخور وارضى بعيشتي وياك ،
بفطر بيتك معلكني واعطرك

القدر مرات يلعب دور وجبير
اذا حلمي لطف راح ابقى انطرك

وبعد ما تسوه نضيع من العمر ...

بيا عقل تجمع سوى ثلج و جمر
وبعد منجامل على احساب السنين
كافي .
صحنه اشكد حلو ع الطعمه مرّ '
وبعد ما عدنا النضمه ونستحيله
لا تسويلي فضل وتضملي سرّ

أني متحملك لخاطر كلمة شوف
ترى المثلك ساكيه بكف ينعبر
وما عبرتك خاف اطين اجدامي بيك
واعذرني كشاخ وتجي وكت العصر ،

القصيدة للشاعر مروان العَنزي....

چا ذاك التعب والشوگ ماغزر.

لمحتلك الف مره وانت تعرف غايتي وما طاوعتني !

وسولفتلك سالفة عاشك خجول ...
انت تعرف هو أنه وماعرفته
وخجلتني!

وسولفتلي أعلى الحرب
والدم
والضحايا
وكلمة المحتاجها ما سمعتني

وكلشي كتلي
وكلمة الميت علية
عاندت روحك عليها وعاندتني

وبينن كلهن عليك
وانتفض وجهك بوجهي
وصيحتني
وضيعتني وهسه من طاحن سنيني
اذكرتني

حرت ما بين آلم روحي
وألم روحي

عبالك اهتم بعد ؟
هو اني شلت التعب
من طاح تچيته
واگدر ادوسك ترا
مثل اليدوس التتن
من تختنك ريته!
وبكل حيل بيه گمت
ودخانك شكد صعب
وعناد شميته!
انطيت بيه بوكت نخلة انه صاير الك
هزوني حد التعب ومچلب بعثكك
بس انت شاري الغرب
وسلالهم غرتك وانطيتهم خدك .

ضُحـى العَـطية

أنتهى بلحظة العشك والشوك والهمسة
مثل جنح الفراشة الينتهي بلمسة ،

غني محسن

من شفتك تغير موعد النوم
بديت أسهر وأحن وأشتاك
وابرد
واغار
وترجف ايدي
وابجي
واحتار
واشوفك وارتبك
وابنيك
وأنهد !

شكد خطيه
الروح
لو جانت حنينة.

يا محبوب عيني ومي سواجيها

أكثر من تعب وجهي
شبينلك،