اتغيرتا لي درجةة اني بقيت اعفص الخطوط البين السراميك وما بتفرق معاي 🌝♥️

صباح الخير للمنعزلين لمستمعي الموسيقى لمحبي القهوة والسجائر للمنكسرة قلوبهم لسهارى الامس للمشتاقين للمظلومين للمجروحين للعاطلين للفاشلين للفقراء لبائعي الورود لعمال النظافة للبائسين المكتئبين لفاقدي الامل للايتام للارامل والمطلقات لمن يفكرون باللاشيء بكل وقت،صباح الخير للجميع ♥🌸...

صباح الخير لتلك الوردة المسكينة..
التي اعتقدت ان الحمار سيشمها فاكلها🥺

اتوقعت اي حاجه ف الدنيا 🐸💔🎶
لكن اشوف زول بشرب الشاي
ب طعميه 😹🐸💔
دي ابليس زااتو ما فكر فيها ...

‏أصعب حاجة ترجع البيت و تلقى مرتك مافي و لا جمبك في السرير و الحاجة دي بتتكرر يومي من يوم ولادتي..

‏أنواع البت السودانية السمحة.
ثريد:

١
‏-السمحة الوحيدة بين صحباتها دي دايما موضع تفاخرالشلة و صاحبة الاتنشن و دايماً قاشرين بيها مشكلتها تكمن في انو قايلة صحباتها بغيروا منها و انها بتمشي تقابض قي الناس الما شغالة بيها و عادي ممكن تموت اذا في واحد معجب بصديقتها الأقل منها جمالاً .

٢
‏-العمرها عايشة وسط ناس سمحة و شايفة روحها عادية و لمو فيها اولاد كلب ملوا ليها راسها انتي رهيبة انتي درعة..دي أكعب الأنواع و اكثر الشخصيات ضعفاً.. تدريجياً حتقلب شوفوني انا حلوة و حتلقاها لافة في كل مكان بحثاً عن الاتنشن و اثباتاً لنظرية جمالها.

٣
‏السمحة الموهومة: دي اذا عضتها نملة حتقول ليك اساساً عمتي كاتباني عشان بتها رجليها الاتنين شمال و دايماً خاتة روحها موضع الممسوسة و المحسودة و هي ما حد درا عنها و غالباً الأفكار دي بكونوا ناس البيت و البيئة المحيطة هم الزارعنها فيها "النوع دا تختوهوا"

٤
‏السمحة العاملة فيها متواضعة دي اكتر وحدة راسها فاضي و مهمتها في الحياة انها تكون طالعة حلوة.. ممكن تقيف قدامك ساعة عشان تقول ليها انتي حلوة و ترد عليك هيهيهي بتبالغ انا عادية و هي بتكون طايرة من الفرح.. عادي ممكن تخش في حالة نفسية اذا مر يوم و ماف زول شكرها.

٥
‏-السمحة الكبري اكتر انسانة مظلومة اجتماعياً كل الناس بتصاحبها و تبدى تتعلق فيهم و تجي تكتشف انها مجرد كبري لصحبتها الاسمح منها..غالباً حتفقد ثقتها في الناس و في جمالها و تصبح معقدة اجتماعياً.

٦
‏-السمحة الوهمية: قايلة كل الناس مكسرة فيها و مخها شمال طوالي اذا واحد قال ليها ازيك معناها هو بحبها و ميت فيها و دي سهلة التصنيف بتتعرف من أول سلامين.

٧
‏-السمحة العاملة فيها واقعة ليها دي بتمتلك رزمانة من أرقام الأولاد لا يملكها البلولة بتاع الرصيد و من ولد لي ولد تقول حزام بنطلون بتفقد هيبتها و احترام الناس ليها و نادراً ما تلقاها ماشة مع بت.

١٠
‏-السمحة الخجولة و دي زي كاس العالم بتشوفها كل 4 سنة مرة عفوية وجميلة و بشوشة و مهذبة البكون نصيبها دي امو بتكون جارة ليو سبحة♥♥.

٩
‏-السمحة البراية دي مزيج من الوهمية و الملوا ليها راسها حتلقى كلامها كلوا فلان في عيد ميلادي جاب لي سلسله جبال..فلان عاين لي بزاوية 45 لمدة 3 ثواني واضح اني كسرتوا.. بتاع الترحال ابا يشيل القروش عشان ما عندو فكة لكن هو عندو بس عشان مكسر فيني *النوع دا مفروض يترجم في ميدان عام*

٨
‏السمحة اللتخة:دي محرم الاعجاب بيها لأنك -حتندم.. طاشة و في عالم تاني بتكون داير توصل ليها اعجابك و هي همها في اقلام الرصاص الضاعت منها.

‏يبدو أنو صحبات حبيبتك شر لا بد منه،بس إنت و حظك في النوع الما بيتدخل في علاقتكم و في نوع واااي من زرارة قميصو التالتة دي شكلو بيخونك،خليهو..

اتطاقشت مع بت في الجامعة من غير ما أقصد💢
عاينت لي ، وضحكت😹 قلت ليها طيب وينها الكتب الحنلمها؟ 😂😂😂💔

أغلبية البضحكو كتيير ...ديل الأمورهم جايطة من جوة 🙂♥️🌿

يقال من كثرة صلاتهم على النبي يحقق الله امانيهم دون دعاء 💙!