والصبح اذا اسفر
بياعين انظر الحيدر
شيبه مخضب وممدود
عسن كون الصبح لاطر
ــــــــــــــــــــ
عله اذان الفجر گلبي يحن يوميه يخفگ
لجن هذا الفجر گلبي احس بضلوعي يحرگ
امان الله علي ابيتي الجفن مايرضه يطبگ
رحت بالمصحف ارد اقره وهوه الاشتمه يخنگ
خفت من ليلي اذا عسعس
ولگيت الصبح يتنفس
شفت حيدر قلق مهموم
صحت بويه عسن ماشر
ــــــــــــــــــــ
علامات اشكثر صارت وابوي اعليه عينه
يگلي الصبر يبنيتي وكسر گلبي بونينه
خفت من ودعيته وراح وداع المايجينه
صحت ترجعلي بويه وگال ارجع يالحنينه
اسكت اعيوني گلبي ايون
واتاني المرتضى ايأذّن
اذن والونين ارتاح
بس دمعي جره وكبر
ــــــــــــــــــــ
توني ارد انوي واهتزيت من صوت الوحي الصاح
اركان الهدى انهدمت عرش الله وعلي طاح
ركضت وكضني بس الباب وگلبي اويه الحسن راح
لحظات وعمود البيت مايل من بعد لاح
شفته وصحت معقوله
علي ولده يتجوله
بجه اعليه واهو مخضوب
واسكتي بجفه ليه اشر
ــــــــــــــــــــ
بجيت وگلت كون امي ويانه وتشوفك
عمت عيني انلجم گتله تجينه وماتعوفك
اريد اعيوني تغفه ارجوك عليهن خل جفوفك
بلكي افتحهن والكاك تستقبل ضيوفك
اگل لعيوني صدگتي
حقيقه لو حلم شفتي
السماء السابعه تنلاح
ياهو اعله السمه اتجسر
ــــــــــــــــــــ
طير ابلا غصن جني احوم مكدره اعليه
ابوي مصوب وحيره گلت شنهو اليداويه
اديّه لو عباة امي صوتي ادري يبجيه
كبل وجه الصبح ميته يريت ولا اصد ليه
البت دمعتها تحرگها
ابوها من يفارگها
بعدني بفركة امي اجروح
علي يفارگني مااكدر
ــــــــــــــــــــ


علي محسن الزيادي

امن اسمعك تون گلبي ايون لونك
وسف لون العصابه اصبح لونك
يبويه اعله السفر ناوي لونك
گل للعيد جا لايمر بيه
ــــــــــــــــــ
دمعي من حچه بعيني ولالاه
لا گتله اعله خدها انزل ولالاه
صحت احاه مافادت ولا الاه
سكته اعيونك ايصبن عليه
ــــــــــ

خادمكم علي محسن الزيادي
واسألكم الدعاء

يا حيدر اخذ روحي         لا تتركني بجروحي

ولدي الاربعه افديها         لو تسلم يواليها

--------------------------------------------

ابوداعك يا علي ودعت انه المبسم

واحس الريح وكفت ما بعد اشتم

يــم راسـك كعدت ورايـــده اتكلم

اسكتت من شاهد جرحك يفور ابدم

اسكت والدمع يحجي        اصبر والكلب يبجي

وعيني لمن اجريها        لو تسلم يواليها

--------------------------------------------

كَرب وكت الصلاة ومن يأذّن لي

يا حيدر يروحي وهيبتي وخلّي

ابصلاة الليل منهو وياي اليصلي

استوحش اخلافك حته من ضلّي

وحشه الدنيه بغيابك         ابلهفه امن اشتم اثيابك

اثياب اللي اشم بيها        لو تسلم يواليها

--------------------------------------------

احس صوتك يدور ابكل ركن بالبيت

وبانـفـاسـك اسـبّــح انــه لــو صليـت

يـحـيــدر ام بنينك بسمك اتـسـمـيـت

وافــرش دربــك اعيوني اذا ظليت

لو سالم ترد ليه        ايهوّد كل جرح بيه

ليك العشره اضويها        لو تسلم يواليها

--------------------------------------------

اخـذ اولادي الاربع فدوه لعيونك

وكَبل لا كَلهم ادري همه يفدونك

وصـيــت الـولـد لمن يـغـسـلـونك

بهـيـده عالجـرح خافـن يلجمونك

جرحك منشعب بالسم        ما يكطع نزيف الدم

روحي الروحك انطيها            لو تسلم يواليها

--------------------------------------------

من دارك اذا شال النعش واسره

احس روحي ابخريف واصبحت شجره

عمري ابلا ربيعك يصبح ابصحره

وتيبس ياعلي اغصانيّ الخضره

شجره ومن يروّيني        اخلافك قاحله اسنيني

بس شوفك يرويها        لو تسلم يواليها

--------------------------------------------

تمنيت الاجل ياحيدر ايجيني

ولا شوف الجرالك يا علي بعيني

كل لحظة وداع الموت يلفيني

وجم مره الوداع ايمرني بسنيني

صرت الموتي اتمنه        ويمك ياعلي اتعنه

جروحي انته التداويها        لو تسلم يواليها

--------------------------------------------

لمن يجد صعوبة بالحن اطلبه من
@moatmed2

الشال خيبر بالحرب فوك الجتف
عله الچتف مشيول رد من النزف
ــــــــــــــــــــــــــــــــــــــ
من طلعته وگلبي اله ضل يلچم
المشه ابطوله راد ويخط بالجدم
الخضره جانت هسه ردت كلهه دم
ورجع حيدر لونه كلش مختلف
ــــــــــــــــــــــــــــــــــــــ
امخضب ابدمه اجة خير العمل
انكسر كلشي ابروحي من شفت الجبل
و علي ما جنه علي ابكد ماذبل
وانهدمت اركان الهدى الناعي هتف
ــــــــــــــــــــــــــــــــــــــ
بگلبي جرح اصوابه ابد ما ينجبر
من عمود ابيوتنه رد منكسر
وابطبرته كل ولده مكسورة ضهر
وردلي بايد حيله ابو حيل الكلف
ــــــــــــــــــــــــــــــــــــــ
رجف جف الرجف بس وكت الصلا
ويانحيب ايليق بي وانصب عزاء
ريت اموت ابجيته لا مو بكاء
جي علم هاشم رجع بس مايرف
ــــــــــــــــــــــــــــــــــــــ
كرب ليه ابشوفته گلبي انمرد
وطب لداره شمعت البيت وكعد
وكلف جرحه وابد ماينفعله شد
وشفت طبرت راسه ابد ما تنوصف
ــــــــــــــــــــــــــــــــــــــ
يبو عين الما غفت عن الايتام
هاي عيني اشلون بفراگك تنام
اعزاز تاخذ دوم من عندي الايام
وراح تمشي وجرح فاطم ما نشف
ــــــــــــــــــــــــــــــــــــــ
يل تطفي شموع لو نطلع ابليل
كفو من اخوي ياحامي الدخيل
لجن بويه ياهو وي خدري الكفيل
وخدري اعز شي للهواشم منعرف

علي الحميداوي

نعي

دور الاحباب ظلمه اوحشه ظلت دور الاحباب
منصاب منصاب ابفگدك علي بويه الگلب منصاب
ابدمع سچاب المحرابك نصد ابدمع سچاب
هلگلب ذاب من احرورة الونخ هلگلب ذاب

اجمعينه اجمعينه علي اولادك يتامه اجمعينه
اتگابلينه اتگابلينه ابنحيب الفاگدين اتگابلينه
تجينه تجينه ليمه يلرحت عنه تجينه
علينه علينه يبو الايتام من يمسح علينه

اهلنه اهلنه ابيتك بويه ملتمين اهلنه
ونه على ونه گضينه الوكت ونه على ونه
صحنه صحنه ابهظمنه وصوت عالي عليك صحنه
المحنه المحنه ظلت خاليه دار المحنه

علي وين شجاوب على يسئلوني علي وين
ام الحسين مشه الصبرنه بفرااگ ام الحسين
كسرين كسرين لمن راح ظل بالگلب كسرين
تهمل العين على كل اخو تنضر يهمل العين


علي لحميداوي

اليشعُر بمأساته •• لـ يكثر بطعناته
والي يحبه ومن صدگ خـ يراجع احساباته

•••••••••••••••••••


يهـ لناس • المهدي آخـر بياض ابدنيا سووده
يهـ لناس • نسينه اعهود اليوافي ابعـــــهوده
حرامات • نعوف الـ الله خالقــــنه اعلــموده


ابو الديره الچبير اهـــــــواي ناســينه
وعلي هـــو الوحـــيد الايگ اعـــليـــنه
اونتــــغير بگيــــنه ابهـــــبت الـــريـح
يجنه وعنه نمــــشي مادري اشبــــينه

والعايِشِين ابخيره • مانهتم لتأخيره
البيض وجهنه بنعمته • عنه وجهنه انديره

••••••••••••••••••••••••••


افـه شلون • نكسر خاطـر الـ يــجبر خَــــواطرنه
افــه شلون • نِبَچيّ اعيـون الـ يكحـل نواضــرنه
حرامات • بضهر صاحب امرنا نحط خناجرنه


اليمسـح بيـده فوگ اجروحنا وتــــبرد
والـرازقنـه دمعــــه وثـــوب الـ اســـــود
والمعلـمنه نحچي عله الخـيم والبـاب
حرام ابوجــــهه باااااب اگلوبــنه إنـْسَد


لِيحِبنَـه ومـــدارينَه • دَيرَت وَجِه مِنطِينه
ليش الذكرنه ابدعوته نزلنه دمعت عينه ؟!؟!


•••••••••••••••••••••••••

الـ يعيـــش • كـل ايام عــمره ابـلوعـة الــعـاشــر
الـ يعيـــش • مفرع يدعي النه ابـدمعته مساهر
حرامات •• فوك ضلوعه نسحگ سحگـت الحافر


الـ ايحبنه الحنـين الطــــيب الخـير
اليحس بجروح گلبه ودمعـته اتحير
اليسير عليـــــنه شهگه يم غرگاااان
فوگ اجروحه ليـش ابخنجر انـسير


ومانشعر بحسراته ؟؟ •• الـ ينسبن عماته
لازم نموت من البچي لو نشعر بآهااااته

••••••••••••••••••••••••••••

اليحب كون •• يسافر كل صباح وياخذه احساسه
اليحب كـــون • من يهـــجر حبيبه اتعاتبه انفاسه
حرامات • النحبه نزيد جرحه وشيب البراسه


الـ اللهـــم عـجل حـيل مـو هــــيه
يـ كون اليدعي بيـهاااا يخلــص النيه
هو الجرحه كوفه وكربلا وشااااام
اشـ عاااايز حتى نجــــرح گلبه ليليه

اليشعر ابمحبوبه • خل يلتفت لذنوبه
اليكتبله احبك سيدي •• خل يفتهم مكتوبه

••••••••••••••••••••••••••••

اذا صـااااار • ونفس بينه ووظهر مهدينا بالكوفه
اذا صــاااار • وبمسجد السـهله وصارت انشوفـه
حراماااات • يمكن هم غريب ابطلعته انعوفـــه

يوكف عله المسجد واحنه نمشيله
و يعاتبنه ابدمعته اشراح نحــچيله
ليش الهجر بيه ؟ غير احنه احــباب
وشنهي اعذارنه وعن ياهي نبچـيله

من ننظر لشيباته •• نعرف وجع آهاته
لو عاتبانه عله المضى • شنجاوب اعتاباته ؟؟؟



••••••••••••••

الحمد لله

خالد عبدالسادة البديري

الماشافك حزن مايكدر يكمل اوياك
والماشالك عشك ماتهوه جدمه امشاك
وانته حسين حزني وعشكي وي طرواك
وما ارهم اله اعيش وياك
اريد وياك ....


كون الله يبعدني اعله كلشي ايغازل الضحكه
واضل ممنون دوم لحزنك اليكبر..
وشما يكبر حزن گلبك يَكون ازغر
اريد ازغر واحبك ها يبو الاكبر
ويگولون الحبك ابزغره ماينساك
اريد وياك...وحق انته اريد وياك

عساني بظيم لو اسهو واحب غيرك
حرام العايش ابفضلك يضم خيرك
يبو خيري وحلالي ودنيتي ومنواي
واشحلاتي من اصيحن ياعشك اهواك...
اريد وياك...

ماشفتك ثواب وحاجه يامولاي
يمن ترهم عطش حيل اكبر امن الماي
ويمن ترهم سبيل ايشرّب الرواي؟؟؟
انته الماي شفتك..
بس شفت اعله شفتك من الفطور اهواي
وانه كل همي اريد اضماك
اريد وياك...

اعله كل خيمه احترك گلبي وفزع گلبك
وشفت كلمن عطش لاحه ابهنه ايشربك
يا شني سرك؟؟؟
وصرت للناس عِبره وعَبر وانته امركز ابحربك
وماجانت ابالك تريد اتبجي اليحبك
لجن لاحه الهظم كلمن گعد بحذاك...
اريد وياك ..

من يومك لحد اليوم
وغربتك تنقذ المحتار
شحلاتك ياوطن وشبيك
حتى اتصير ابرد نار؟؟
الماعاش ابغربتك ماعرف شنهي ابطفوفك صار
وانه ارد ارسي بوسط مرفاك
اريد وياك ...
وحرام اعله اليحبك مايحب ينعاك
وانه بكلي اريد انعاك
اريد وياك.....

علي قيس الوريد

بده ليل انتضارك والدمع گوطر
على خدود الدروب اتگطع اتوذر
أمس چنت بضريحك جايب أميَه
يساجيني التعب وأتنفسك منحر
انكطع بيه الدرب والچلمه منسيه
وتعدت ّبيه چم جمعه بوجه اصفر


شلون ارتاح .... يسابيني
عمري راح ... وسنيني

يالماغز ملحك بينه
مرت ايام متانينه
بينه الصوچ ونسكت احسن
خجلانين وضيم سكينه

يابو علي يابو علي
***
أعله يا يعگوب أذبن صبري وأتأمل
وشلتّ الليالي والصبر وشل
مليت وأناطر والعمر يركض
ورَكض بيه المشيب الحالتي يندل
يا أول فياي اعله الگلب مزروع
المازاك تفگده وتنشد المحمل

وين نروح .... ونشوفك
كل الخير ... . بچفوفك

يا بستان الزاهي بلونه
مذبوح وفرحانه عيونه
صاعد فوگ ارماح الدنيا
عالي حسين وميلوحونه

يابو علي يابو علي
****
فراگك ضياعني وتَيهت بيه
بيبان المجالس تبچي ليليه
لا دمعةّ عشگ لا صفنةّ أمحبين
وحشه ولا سمعنه ماكو لطميه
بعدهي اعله الهزل من مجلس المجلس
بعدهي ام الخدر ياناس مسبيه

فوگ النوگ ... محتاره
وبيا سوگ .... وحجاره

بحجار اتلگتها الديره
ياحيرةّ زينب ياحيره
تشگف عن ياهي وعن ياهي
عن چبيره عن زغيره

يابو علي يابو علي
********
شريچ الروح يلي مايسد داره
محبينك بدونك والله محتاره
رادو شوفتك والدنيا خلي تروح
محتاجين منك سيدي زياره
يعنوان الوفه ياچسوةّ العريان
يبو باب الوسيع الينطي خطاره

وين ألگاك .... يالضامي
رت وياك ..... أيامي

أيامي بغيرك مو حلوه
والعيشه بغيرك ماتسوه
يالتسوه الدنيا ومابيها
يابو العيله ويابو الخوه

يابو علي يابو علي
***
هضيمه زيارتك بس بالحلم صارت
وأفزن والگه روحي من الحزن حارت
وشيطن بالمرار وبالجرح بويه
تعده چم شهر والروح مازارت
لا عباس زرته ولا زرت چفين
مدري بيا طريج رويحتي سارت

يمته نزور ... وأشكيلك
يبن النور .... ودخيلك


ودخيلك يالگاطع گلبي
ودخيلك مو تايه دربي
متعود كل ليلة جمعه
عالحب يحسين ومتربي



عبد زينب
محمد الابراهيمي

إذا الله قســملي و زرتــــك إردود
راح أبتــدي ويـــاك مـــن البدايه

أريد أدخـل الصحنك جاهل زغير
بحيــث أنـــزل إبّابك بايه .. بايه

مثل ماچـنت أجيك ويه امي مولاي
تگضــني أمي وأكض طرف العبايه

من أول ما فتْحَـت إعيوني عالضيم
من أول ما فطَنْـــت إعلــه السبايا

أرِدّ أحسب خيامك بيها چم خيط
خصوص الطيّحتها ويه ابو الرايه

أرد بــأول ســطر بالمقتل أنعـاك
لحّد ضــربت عصـــيهم عالثَنَايا

أردّن مـــن جديد إبفطرتي أقراك
چبـــير إنتــه إشيحطّك بالروّايه

إذا إسمــك بقــــى چا. ذاتك شلون ؟
متــت بــس باقي (إلى ما لا نهايه)

المنبــر والرمـــح مثل النقيضين
عــلى نيْــة النِجَـرْها ومشّـه رايه

المنــبر وهــوه سـاكت ترسه قرآن
الرمـــح شــالك لچن ما حافظ آيه

ولا أذيتــني إشـــگد آنــه مـاذيك
إتعــبّر . چـــي مشاريعك هــدايه

حسـين من الصفر راح أبدي ويـاك
أجيلـــك وإنتـــه أعلـــم بالنـوايا

إبطَبْتي إعليك سجّل خادم إجـديد
واريــدن فقـــط منـك بس عنايـه

وإمسح شكو زياره.. وخدمه.. ودموع
إذا بـ الفــات إليّــه ويـــاك غــايه

آنه العيـــد يثــبت عنـدي بثنين
خِدِمْتَـــك والثـــبات إعلـه الولايه

#ياحسين_بأنامل
المبدع_الخادم_مهدي_التقي

ماچان اعله بالي
  تبعدنه اللــيالي
ومازورك يغـالي
حسين حبيبي

كل عام اجيــــلك سيدي
ودموعي تسبـگ موعدي
يا اول واخـــــــــر عشگ
منك حيــــــــــاتي تبتدي
كلشي بعمري مـــاريد
عندي شوفـــتك عيد
هيه العــــشره تعويد
حسين حبيبي


يم بابك ايذوب المـــــحب
هيچ اليحب لــــو ما يحب
ماعلمتنه اعـــــــــله الجفه
اعذرني لـــــــو انه السبب
حيل امقصـر اوياك
ماعيشــــــــن بلياك
كون الساني ينساك
حسين حبيبي


كـــــــل نعمة الله بكربله
وجروحـــــك اتوزع هله
محــــــد يحس ابنعمتك
بـــــــس المشه بهالقافله
بيك امــسودن اهواي
واقبل عشگي مـولاي
يا اعذب امـــن الماي
حسين حبيبي


مشتاگه عيـــــني الگبتك
كحل عيــــوني بشوفتك
وشعندي غيرك ياحسين
عايش ع الله ورحــمتك
يگطع گلــــبي الفراگ
يحسين الصدر ضاگ
للشـــــــــباچ مشتاگ
حسين حبيبي


تحرمني من بابك صدگ
ياســـيد الحب والعشگ
يالعودتني امـــــن الزغر
بس بابك اچفـوفي تدگ
ياهو المثلك حـسين
يستاهل بچي العين
امســــوينه مجانين
حسين حبيبي

عبدهم
شاكر الصيمري

نار الليالي.......حرگت خيالي
شدهتلي بالي....... حسين
صفنه بدمعتي..وكسره بعبرتي
وتكبر محنتي ..... حسين

شما يكبر الحب بالگلب تكبر معاناتي
وتبعد مسافاتي
وتكثر سؤالاتي

ومن تغمض عيون الجرح تتكسر ضنوني
ياخالق عيوني
تستاهل جنوني

جَننيّ بالحب بالدمع
وأرسملي بالصفنه ضلع
حتى افتهم معنى العشگ
لو گلبي احسه ينصدع

حبك وجودي ومطلعي..يابو علي ويابن علي
*
ياروحي جودي .... بالحب وجودي
وحبك قيودي ....... حسين
ثوب السوادي ..... لابس فؤادي
وگلبي الينادي ...... حسين

لو ما دمعتك سيدي ما أعرف الدمعه
ولا اشتعل شمعه
وكل الزمن بدعه

لو ما ودادك بالعشگ گلبي اختلف رايه
ولا أمشي مشايه
ولا احضر قرايه

وآنه برحمتك صرتّ ابي
ولمآني تيهآن السبي
ومكشفه اسرار الذنب
وفزعتلي زينب بالعبي

زينب قضيه بداخلي..يابو علي ويابن علي
***
زينب قضيتي .... عمري ومنيتي
ومجلسها بيتي ..... حسين
حيره أعله حيره .... وروحي كسيره
معقوله أسيره ..... حسين

معقوله تمشي ميسره ومچَتفه إيديها
چا وين حاميها
خليّ يمر بيها

الخطوه من دونك غرب يا موطن العيله
ياهوّه تشكيله
ركبوها بهزيله

ياغايةّ الحب غايتك
ياصولتك يا رايتك
الحگ يبو فاضل ركض
حَلّ الشتات بعيلتك

والعيله تصرخ ياهلي..يابو علي ويابن علي
****
تصرخ سكينه .... عمي انسبينه
بويه أنولينه ...... حسين
حرگو خيمنه .... طشو حرمنه
ياهو اليلمنه ......حسين

جمر المخيم مو ندى يوگع على الورده
ياحيلي ويهده
والنعمه تتبده

ولمتني چفوف العطش ويارگضتي بهمه
وأصرخ أجوّ عمه
ياعمه أجوّ لمه

جمر الخيم يا مكثره
من خيمتي الحد منحره
المامنچوي من الخيم
سوط الملامه سومره

يابويه أگعد يالولي .. يابو علي ويابن علي
****
دم بوريده .... نصرخ نريده
آنه وحميده .... حسين
بويه سبيه .... اختي رقيه
ومچتوفه أديه ...... حسين

أمسى المسه وأحنه بغرب بالسكته ضلينه
مذبوحه أهالينه
شوگك يعت بينه

وحشه ونخاف من الهوى والمدمع يلالي
مامستقر حالي
مذبوحه أشوالي

صارت دمعتي سايله
مچويه تبچي العايله
ومن الصبح جابو هزل
يالوعتي من كربله

راح اليگلي ادللي .. يابو علي ويابن علي





عبد زينب
محمد الابراهيمي
الفاتحه
لوالدتي وفقكم الله لكل خدمه للحسين

جاي اشوف اكلوبكم خل تطمأن
يالتحنولي عليكم هم أحن
...
آنه ابوالسجاد ماتنسدلي بوب
لاكن أشكو امن التجاوز والذنوب
امتحناكم واكثركم رسوب
ويعتبر هذا المنع كرصة إذن
....
الينوي للعباس وايحنيله باب
كبل مايطلع يلبس اخته حجاب
انه تضربني بسهم عين الشباب
وفوك حزني اتجمل بكلبي حزن
...
المايصلي ابيتهم فرض الصبح
هذا جاي ايجدد ابنحري الذبح
كثرو بالقرأن مارايد مدح
وللدعاء مو للشعر خلو اللحن
....
آنه اريد انصار وفاية عهد
رايد النوعيه مارايد عدد
الزعّل امه اشلون يتوفق بعد
النار مشتعله وضمايركم كطن
....
الباس ايد امه وابوه ماعوفه
ولليتامه اتبرع ابمصروفه
آنه والحضره نروح نطوفه
ومو فقط زاير احسبنه أبن
...
زورني ابكلبك وموبس بالجسم
لاتضل عايش خيالات وحلم
الانسان أخلاقه مو شهره وأسم
الاخلاق اتعلي قدرك والشان
....
كل كلب لوصار يحمل كربلاء
بالارض ماتبقه ذره امن الوباء
وانه هم مشتاق وامتاني اللقاء
والزيارتكم يخدامي أحن...

هذا ماافاض به سيد الشهداء ع
على عبده الفاني..

محمد الجماسي

يسبحلك عشگ گلبي
يمالك بالهوى حبي
وأتعنه بأحاسيسي
وأبلل بالعشگ دربي

سؤالات الفكر تدمع
شني يحسين مانرجع
ونقيم العزه بحبك
يامن للعشگ مطلع

مشت ايامي وأتذكر
أجيلك زاير المنحر
وأتوسد على العتبه
وأسولف وي علي الاكبر

من ... دمعتي الماتجف .. احبنك
مولاي انته العرف ... أزورنك
بضواك وأرتشف .. أشمنك

يبو اليمه ... يبو اليمه
****
أحبك ياشذى الرحمه
يبو الزوار والخدمه
يبو المشايه والموكب
معزب سيدي بهدمه

دفعت الخنصر الحالي
ودفعت الخيمه لمثالي
وديوانك بگد گلبك
يالموزع شكو غالي

چريم وما يعرفونك
الحوافر رسمن عيونك
وبالك للحرم يركض
ويركض للخيم لونك

لا ... شجون وتوصفه ... تعابيري
كلامي وأختفه .... بتقاديري
يوجه المصطفى ... بتصاويري

يبو اليمه .... يبو اليمه
***
على دروبك تمر عيني
وتردلي تگلي وديني
أريد اشبع كحل منه
أريد أباب أبو سنيني

على دروبك ألف دمعه
تبللّ ليلةّ الجمعه
قهر يتسامر بحالي
وأضل بغربتي أنعه

خلونه أبحر غربه
وحيتان الدرب تربه
من دربك يردونه
صعبه ويا ألف صعبه

آه ..باقي يجري الدمع..على الوجنه
ودموعي تنسمع ... تجر (ونه)
يابو حچيّ السنع .. أعرفنه

يبو اليمه .... يبو اليمه
**
هضيمه الچنت أشمنه
من بعيد أزورنه
اخيط بالجرح بيدي
وأصيح بصوت أريدنه

بعدهي كربله بدمها
وزينب حايره بهمها
العيله تركض بهيمه
وزينب تركض تلمها

الخيل هواي شدهتهن
بعرض الگاع طشتهن
أزغار ومحد يحامي
الخيمه بنار چوتهن

يا ... حسرتي ولهفتي ... لعيالك
دمعتي ولطمتي ... لوصالك
طايح يا ونتي ... من شالك

يبو اليمه ... يبو اليمه
**
طايح والدمع فيض
بسنابك سيدي منرض
الحافر عالسمه يسحگ
وعيون العرش تغمض

رماد الخيمه يشكيلك
اجاك وصار يرويلك
يگلك فرهدو ضلي
وأجيت بشيبي أتچيلك

بعينك شاهدت كلشي
تفكر للخيم تمشي
بس تفكيرك مسلب
متوذر الشي بالشي

يلم ... دمعته البالدرب ... مسفوحه
وحسرته البالگلب.. مذبوحه
وشجونه البالترب ... ياروحه

يبو اليمه .... يبو اليمه



عبد زينب
محمد الابراهيمي
الفاتحه لوالدتي وممنونكم خدام مولاي الحسين

اخواني خلي ننشر هذا الهاشتاگ نصرة لسادتنا

ميمر

ضنهم يهدمون اگبور اوينسه المحب ساداته
-----------------------------------------------------
ماننسه اهل بيت النبيُ المختار
قصت عشگنه من دخل ذاك الغار
من گله ربه الزهره كفئ الكرار

بينه انزرع هذه الشوگ من جوز من عاداته
----------------------------------------------------
اشتمحون من صيت الحسن وفعاله
هوه الكرم ليهه اعتنه ماجاله
لسه مضيفه عامر اويه ادلاله

لسه يرحب بالضيف وشمحله ياگعداته
-------------------------------------------------
زين العباد اشلون ننسه امصابه
صاحب السجده المايطيب اصوابه
كضه. لياليه. يون لحبابه

السجاد ربك سماه اويستأنس ابسجداته
---------------------------------------------------
شنسولف اعله الباقر اوجيدومه
سماه جده باقر امن اعلومه
إلشاف عماته اركضن بالحومه

باقر علوم اهل الدين ماننسه كل لوعاته
----------------------------------------------------
انسولف اعله الصادق ونتحسر
مدرسة ال المصطفى ولمنبر
منه عرفنه الي انبساً والخدر

يشرح قضايه اهل الطف وثبتهن ابدمعاته
----------------------------------------------------
ماننسه ذيج الصابره المنتضره
الگضت عمرهه اتنوح لبن الزهره
مو اربعه گالت اضحي ابعشره

ضحت ابكلشي ام عباس ياگلبج وحسراته
--------------------------------------------------
اهل البقيع احزان ماننساهه
اگبور وسط الروح شيدناهه
يضهر المهدي باجر اويبناهه

مرقد جبير ايسوي ونتبرك ابركعاته
------------------------------------------------
علي سليم الحسناوي

يازينب



خل نسولف عن صبرهه
وعن مصايبهه ابعمرهه

خل نسولف شنهو زينب شنهو مضمون الحجاب
شلون يعني عفت الله تصعد التل التراب
-------------------------------------------------------
هيه زينب
نسخه من امهه الجليله
اشلون ركبوهه ابهزيله. ياعجيبه
من سبوهه
يعني حيدر جان مسبي
يعني طه متنه مدمي. امن المصيبه

مامذلوله من طبت هذاك السوگ
على ابساط ادخلت شبه لهم ع النوگ
مبعوثه ابرسالت دم توصلهه
لذالك الخدر طالع يرد احگوگ

هيه هيه الباس جفهه
تنسبي حيدر عرفهه

كون ينزل بيهه مصحف نقره عنوانه السبي
وبمواضيعه ندور اشلون حرگوهه العبي
-----------------------------------------------------------
هيه بتمن
بيت زقو العلم زقى
ياقدر بالخدر رفقى. هاي زينب
العلموهه
فاطمه السهرت عليهه
والبصيره من علي ه. بيهه تعجب

شرف قرأن يسبوهه كفر ولحاد
شعجب رب السمه ماقرب الميعاد
اوتاد السمه ع الرمح مذبوحين
واختهم تمشي اسيره وي اشر لعباد

عالمه ابعلم المنايا
وتدري تمشي اويل سبايا

قد سقاها العلم طه والشجاعه من علي
هيه من بيتا مقدس قد خدم فيه الوحي
------------------------------------------------------------
عن خدرهه
ربنا سوه الشرف كله
گله كن زينب سجدله صارت ام عون
عن سترهه
هوه ضلهه جان حيدر
والكواكب يمهه تفتر. امن الينضرون


من عفه وصبر ربنا خلق زينب
وگال احدودي هاي اولحد ايگرب
اشباه الزلم عبرت حدود الله
من خلوو اميره اعله الهزل ترجب


ينعقل تطلع اسيره
العاشت ايام الاميره

مرج البحرين فيها التقى وصار الخدر
آية التطهير تشهد انها اصل الطهر
-----------------------------------------------------
من مثلهه
شافت الغالي قتيلا
مارأيت إلا جميلا. كل حجيهه
ياصبرهه
للذبح خوهه تجبل
هيه تدعي ربنا اقبل. وي بجيهه

منو الشافت اخوهه اتوسد التربان
وهيه اتنادي ربي اتقبل القربان
كون امن انسبيتي ينفخ اسرافيل
وينهي كلشي يمشي بالانس والجان

هيه مو للسبي جايه
اتثبت الدين العبايه

قد خرج الخدر كله ايواجهه الفسق اللعين
وبصمودج ها يزينب انتصر دم الحسين
------------------------------------------------------
هيه ثوره
كلمه عد سلطان جائر
هدمت اعروش ومنابر. للضوالم
هيه مراءه
دخلت ابهيبة ابوهه
للقصر لمن خذوهه. ويه الفواطم

ربيبة حيدر اوطبت على الديوان
خطبت خطبه خلتهه الزلم نسوان
نقصهه السيف ونسميهه ابو الحمله
اهواي ام اعيون مايرعبه جم اهدان

فسرت آية محرم
شحرت اخبار المخيم

كلمه للطاغوت گالت اصبر ايامك عدد
يعني تعلم بالخفايا عالمه من المهد
------------------------------------------------------
علي سليم الحسناوي

امحزمه تحوم .فاطمه اليوم .والدموع اتصب دمه
تنظــــــر كبور .. لاربع بدور .. بالبقيـــــع امهدمــــه
ماظل نظر عدهه
الله يساعدهــــــه
ــــــــــــــــــــــــــــــــــــــ
اجت لارض البقيع اليـوم
الزجيه وتجري دمعتهـــــه
وسمع حته النبي ابكبره
وغده ايون ويــــــه ونتهــه
اشافت فاطمه من ابعيـــد
اعله خدهه ايديهه لطمتهه
مراقـــــد اربعــــــة اولاد
الحجر صايــــر علامتهــــه

تبجي واطوف .. وتفرك جفوف .. الزهره محنية ظهر
حفنة تـــراب .. كبـــور الاطياب .. وسفه سواهه الدهر
هدّم مراقدهه
الله يساعدهه
ــــــــــــــــــــــــــــــــــــــ
لكبر الصــــادق اتعنـــــــت
وتحاجيه والكلب شاجـر
هم عدكم صحـــن مفتــوح
وتضيفون اليجي زايــــر
وخدم بيديهه عودة ريـش
اشتطلبه ايجاوبك حاضر
ومواكب منك ايطلعـــــون
وتطب لمرقــــد البــــــاقر

اللي ايتعناك .. يلكه شبــاك .. ايلزمه لو كلبه احترك
اليطلب مراد .. يبن الاجواد .. بيمن ايشــــــد العلك
احبابك اسعدهه
الله يساعدهه
ــــــــــــــــــــــــــــــــــــــ
تحس بالنايبه الزهـــــره
ابهضم لو زارت المنحــور
تطوف ويه اليطوفــــونه
وتحس راس اليطب ايزور
لجن وحشه البقيع اليوم
بس الزهــــــــره بيهه ادور
مامش خدمــــه لارايـات
لا ريحــــة طبـخ وانذور

يمّه تـدرون .. مــــن يهدمـون .. آنه اشاهد واستمع
يمّه سباح .. من الكلب طاح .. وكل كبر يكسر ضلع
وناري اشيبردهه
الله يساعدهه
ــــــــــــــــــــــــــــــــــــــ
مــــــن سمعــوا ونين امهم
كامــــوا عدهه والتمـوا
ما طلبـــوا كبـــــر بنيـان
ومراقــد لاجن اشطلبوا
عــــــزاء رادو ينصبونـــه
لنواعيهه اشكثر حنـــوا
على حسين وخوات حسين
ولاخوته العلترب لاجو

حسهه مبحوح .. تبجي وتنوح .. لكربله ودرب السبي
علمداليــــــل .. ويا مشــي الليل .. واليرافكهــه اجنبي
وزينب لوحدهه
الله يساعدهه
ــــــــــــــــــــــــــــــــــــــ
حضر مجلسهم الهــــادي
يكلهم والدموع اتسيـــــــل
سمعت ام الحسن صاحت
وتردد آه يمشــــي الليــــل
لابوهه اندارت الزهــــره
تكله ارخصني اصيحن حيل
وانوحن والطم عيونـــي
على ابني اللي تدوسه الخيل

آه يالايتـــــــام .. وطبّة الشــــــــام .. والخرايب والهزل
تشوف العيون .. بت علي شلون .. بالدواوين ابحبـــل
ترضاهه ياجدهه
الله يساعدهه
ــــــــــــــــــــــــــــــــــــــ
انه شما ازورن اولادي
شحـــم كلبـي يذوبونه
يحملوني حنان وشـوك
لابو اليمـــــه يرسلونـــه
وسلام لحضرة العباس
وسـلام اعلـه اليزورونـه
وسلام لخيمكة زينـــب
ودمع بيــــــدي يودونــــه

مايهيـدون .. مني يردون ..وصله من ثوب الرضيع
بيهه يلكون ..من يشمون .. منحر حسين الكطيــع
هذا الاشد وادهه
الله يساعدهه

احمد الهلباوی

جا غير متعلمين يمك نلتم
وبفي حضرتك گاعدين بلا هم
..................
جا غير متعلمين يمك كل عيد
نحجيلك وتنطينه كلشي النريد
صبحت هسه ازيارتك من ابعيد
وفوگ العلينه صار قاطين الهم
....................
يحسين گلبنه الصور والهم طخ
الحدر الگصار وعشنه خنگت برزخ
شتريد اكلك والگلب هل صبخ
مد ايدك ورجع خضار البالدم
.....................
نتمنه جنه بالعطش بينه يفوت
صارت عطشنه زيارتك يالبمخوت
واحدنه صبح كون هلفترة يموت
وبلكت يخلونه بعبيرك نشتم
.......................
هنياله طير الفوگ گبتك مرتاح
اتذريه هويت صحنك بلا مرواح
يمسيك بالخير ويرد بالمصباح
ومن حگه طير الفارگك لو يغتم
.........................
بين بشكله البوم وبصوته افراگ
كلهذا ماواصل عشر من نشتاگ
نتصورك ماي ومشينالك راگ
ونتفطر بفرگاك حيل او ننذم
..........................
سبحه الطريج وخيطه كلسا ملضوم
وبهل السوالف بين الماملچوم
بهاي اذني السامعهم نضل للدوم
باول احجايه گالوا التل اسلم
..............................

الاقل شرفاً
كرار اللامي

اريد اندم
واطشر روحي يمك مستحه والتم

على ايام العشتهه عليك ما ملچوم اريد اندم

على ايام العشتهه وياك ما مهتم

اريداً احرگ حرگ گلبي الك بالهم

يعشگ اصباي
انه مشتاگ وانه ابضحكتي ابچي عليك

انه مشتاگ
اطلع ماعرف لي وين والگه الجدم رايح ليك

انه مشتاگ

ابچي ابابك امدنك وما اعرف ابيش احچيك

اتعبت من كلشي بعدني

واريد العينك اتردني

ابدونك اذا البس كون اضل عريان
يلمبسني ثوبك لا تنزعني

امقصر ما وگف گلبي
ولا محترگ دمة الحرگه الصيوان

مامعذور مابي شي
گلب الگضه عمره يحب گلب عطشان

عطشني وبعد حب الك رويني
اليحب ينكتل لمن يسكت المحبوب حاچيني

انه مشاگ منك چلمه حتلو لوم
انه مشتاگ انذرلك عمر ملچوم

اذا رحمتك ماغطت گلب مهموم
چا ياهو اليلفيني

اذا باب الكرم ماينطي ميت روح
چا ياباب يحييني

مذله وفشله
دونك كل عطيه اتصير
واريداً فقط چفك دوم ينطيني

يبست وياك شجره بنص جزيره اتراب
واريد ابدمعة الحب انته تسگيني

علي الحميداوي الكربلائي