ماتت حـسـيـن كـوم امـن الكبر روحلـهه
ماتت اجفوف ماعنـدي يخـويه أحـملهه
وروح كل لم الخدر .... جفوف ماكو ويعتذر
عذري عباس عذري عباس
___________________
من نحرك اتشـيله الرمح
وانـسه شـكو ابالـك ذبح
اللـيله ياعـضمـه الـجرح .... خيتنه ماتت

من تمـشي كللـهه ابـالم
خجـلان راعـي هالـعلم
ما عنـده جفـين وسهم ..... بعيونه نامت

منهه مستحي وخجلان جف ماكواليشيع ام عون
تمنيت الجفـوف اتعـود بيدي وأغمظلهه اعـيون

بيدي امـسـح تـراب البـاقي اثـر بالعيـنـين
بيدي واحسب اصياط الي غفت بالمتنين
واكلهه يا بعد العمر .... اجفوف ماكو ويعتذر
عذري عباس عذري عباس
__________________
احـسين يا راعـي الشـيم
من شـرعبـت ذيج الخيم
الحـيل مـن اخـتي انهـدم .... بالهيمه طرت

خلّص كلـب زيـنب نبـض
وخلـك الجـدم ماينـتهض
هادمهه مت عيني الركـض .... بالعبره غطت

جبيره زينب اعله الطك مصـيبتهه تشيب الراس
المثلهه زينب ابخمـسين ابحجر متهد عليهه الناس

تركض الماطلعت الخيط الشمس ياوسفه
تركض كلـهه ركـضت اعـله زيـنـب كـلـفـه
وبجدامهه كوه تجر ..... اجفوف ماكو ويعتذر
عذري عباس عذري عباس
___________________
الهـاظمـهه تـدري لـلابـد
شيـبه وتـراجـي والـمـهد
تلـه وي خـنصـر والـجـلد .... كلهه تركضين

تـدري الجبـير امن الكبر
تـصـيـر خــطـواتـه شـبـر
شلون يمشي اعله الجمر .... العمره خمسين

حرام اب زينب ايصيح الماصايم ولا صله
وتـدور زيـنب ابهل ناس ماكـو بالوجوه الله

ماكو منهل الله واحد يرحم المهضومه
ماكو حيل اللي تكدر بيه تـهج بالحـومه
الصوط مايعرف كبرُ.... اجفوف ماكو ويعتذر
عذري عباس عذري عباس
____________________

بالطف يالحسين الصرح
حـته الـهـوه صـايـر وكـح
وكـام ابــعـبـايـتـهـه يـلـح .... ويكطع انياط

كل عـين اجت ليهه تجن
عاكـول وامـحـاوط كـطن
لو تـبقه بالـخيـمه الجفن .... ينسد بالصياط

المـسـافه الـخيـمه للـتله شيب كلشي اب زينب
ومثل كاتـل يعيش ابخوف امنخياله يضل يرعب

صاحت عـالـتله وينـك خـويه لحـك لـيه
صاحت صـياطهم جن غيـمه زخـت بيه
شافت انجوم الضهر ....اجفوف ماكو ويعتذر
عذري عباس عذري عباس
_____________________
الماشـافت اخـيوط الضوه
رجفت مثل ورگـه اب هوه
مـن صـاحـو اعلـيهه سـوه .... منتظرتج شام

بـاجـر الـج مـو مـثل امـس
روس ابرمح تحجي ابهمس
والـنـاكـه هـزلـه والـشمـس .... ابوجهج اتنام

اليصـعد ناكه بـيده احبال امـحـير يبـقه بركـاده
وجبيرة هاشم اعله النوك هوايه صعبه عالساده

راحت لحك يخويه اعليهه خل تعذرني
راحت كلهه ابـوفاضل هالـحجي حملني
وكلهه وحيات الستر...اجفوف ماكو ويعتذر
عذري عباس عذري عباس
_____________________

سجاد الكعبي

حجاب العرش



خل نسولف عن صبرهه
وعن مصايبهه ابعمرهه

خل نسولف شنهو زينب شنهو مضمون الحجاب
شلون يعني عفت الله تصعد التل التراب
-------------------------------------------------------
هيه زينب
نسخه من امهه الجليله
اشلون ركبوهه ابهزيله. ياعجيبه
من سبوهه
يعني حيدر جان مسبي
يعني طه متنه مدمي. امن المصيبه

مامذلوله من طبت هذاك السوگ
على ابساط ادخلت شبه لهم ع النوگ
مبعوثه ابرسالت دم توصلهه
لذالك الخدر طالع يرد احگوگ

هيه هيه الباس جفهه
تنسبي حيدر عرفهه

كون ينزل بيهه مصحف نقره عنوانه السبي
وبمواضيعه ندور اشلون حرگوهه العبي
-----------------------------------------------------------
هيه بتمن
بيت زقو العلم زقى
ياقدر بالخدر رفقى. هاي زينب
العلموهه
فاطمه السهرت عليهه
والبصيره من علي ه. بيهه تعجب

شرف قرأن يسبوهه كفر ولحاد
شعجب رب السمه ماقرب الميعاد
اوتاد السمه ع الرمح مذبوحين
واختهم تمشي اسيره وي اشر لعباد

عالمه ابعلم المنايا
وتدري تمشي اويل سبايا

قد سقاها العلم طه والشجاعه من علي
هيه من بيتا مقدس قد خدم فيه الوحي
------------------------------------------------------------
عن خدرهه
ربنا سوه الشرف كله
گله كن زينب سجدله صارت ام عون
عن سترهه
هوه ضلهه جان حيدر
والكواكب يمهه تفتر. امن الينضرون


من عفه وصبر ربنا خلق زينب
وگال احدودي هاي اولحد ايگرب
اشباه الزلم عبرت حدود الله
من خلوو اميره اعله الهزل ترجب


ينعقل تطلع اسيره
العاشت ايام الاميره

مرج البحرين فيها التقى وصار الخدر
آية التطهير تشهد انها اصل الطهر
-----------------------------------------------------
من مثلهه
شافت الغالي قتيلا
مارأيت إلا جميلا. كل حجيهه
ياصبرهه
للذبح خوهه تجبل
هيه تدعي ربنا اقبل. وي بجيهه

منو الشافت اخوهه اتوسد التربان
وهيه اتنادي ربي اتقبل القربان
كون امن انسبيتي ينفخ اسرافيل
وينهي كلشي يمشي بالانس والجان

هيه مو للسبي جايه
اتثبت الدين العبايه

قد خرج الخدر كله ايواجهه الفسق اللعين
وبصمودج ها يزينب انتصر دم الحسين
------------------------------------------------------
هيه ثوره
كلمه عد سلطان جائر
هدمت اعروش ومنابر. للضوالم
هيه مراءه
دخلت ابهيبة ابوهه
للقصر لمن خذوهه. ويه الفواطم

ربيبة حيدر اوطبت على الديوان
خطبت خطبه خلتهه الزلم نسوان
نقصهه السيف ونسميهه ابو الحمله
اهواي ام اعيون مايرعبه جم اهدان

فسرت آية محرم
شحرت اخبار المخيم

كلمه للطاغوت گالت اصبر ايامك عدد
يعني تعلم بالخفايا عالمه من المهد
------------------------------------------------------
علي سليم الحسناوي

طاحت امن الناكه عمتي وغمضت العين
بالمجان البيه تعلك راس الحسين
عمتي --- ضجو اعليهه راحت
عمتي --- جوه الشجره ماتت
===========================
===========================

السبي الاول == اخذهه الحيل بس هانت عليهه
السبي الثاني == سلاسل موش احبال اعله اديهه

كلشي غربه وكلشي يوجع وحته عين الناس توجع
هناكه عمتي بسبي الاول بقت كل اشويه توكع

الماله اخو بالغربه يبقه ايعيش كسره
الماله اخو بلايه خيال ايعيش عمره
شوغات == شوغه شوغه عاشت
عمتي == جوه الشجره ماتت

===========================
===========================

الكسر ضهري == الناكه اتريد حيل لليصعدلهه
وعلي اهوايه== طاحت عمتي كل ما رچبتلهه

صوت وكعت عمتي زينب چنهه صوت اضلوع الحسين
من لفنه ابضهر عاشر وزعت جسمه اعله صوبين

هيجي صوت الوكعه صارت بيهه زينب
هيه وكعت وانه منهه ضهري حدب
حدبه == بضهري انه صارت
عمتي == جوه الشجره ماتت

===========================
===========================

ما كتلهه == الحافر والسهم والرمح واخيام
ألكتلهه== الناكه والخرابه وطبت الشام

الشام كلهه التفتت الهه واعليهه كالو منهي هايه
وين اضمهه واشيضمهه وهيه نيشان السبايه

كول رت انه اضمهه وين اضمهه
ابكل مكان اعيون ادور واتخمهه
هضمه ==النساء اعليهه شاخت
عمتي == جوه الشجره ماتت

===========================
===========================

الهضمني == ابعبايتهه حرك من فتنه عالسوك
لچن لا == انعم الله اعله الرماد الغطه الحروك

اويا تعبهه اويا خجلهه من وكفنه صار الاضياع
الشال بيده الماي اشوفه كبال عمتي ايبدي عالكاع

امنين اجيب الحيل ذيج الساعه وافزع
الكطره من عالكاع توكع روحي تطلع
اعليل== شفتهه كبالي شاغت
عمتي == جوه الشجره ماتت
===========================
===========================

التوجع اكثر == اباب الساعه ناس اتحشم ابناس
ذيجه زينب .== عثروهه ابرمح اكبال عباس

هايه كلهه بيهه صارت والمصيبه ابعيني اشوفن
المرض ماخذ حيلي مني عالفزعه ما اكدر اكومن

شلون افزع والفزع بايكته علتي
وانه كل درب السبي تفزعلي عمتي
شالت...ام الفزعه شالت
عمتي...جوه الشجره ماتت

===========================
===========================
سجاد الكعبي

السلام عليكِ ياحزن السماء


باخر لحضه من عمري بين الميته ولعدله
ولن حسين اخويه الجاي ورد بيه الحزن كله

يسألني شو متغيره *وجوابي دمع العين
مو عاداتج يازينب *لحسينج متگومين
------------------------------------------------
يحوم الموت يم گلبي ويدور روحي بكتاري
ابأخر رمشه من الشوف شفت حسين بنضاري
فز كلشي يريد يموت بيه وشلهبت ناري
انعادت قصتي ويه الطف اهنانه وهاجت افكاري


انعادت قصتي ويه الطف وكلهن هاجن اعليه
اهات السبي ولنوگ وصياط الغفن بيه


لاتتعجب الحالي اعله الموت ايهون الحال
لوتدري ياعين اختك اشسوه اوياي الجمال
---------------------------------------------------
گتله يارفيج الروح اسمع خل اسولفهن
وطش امعثرات البين وسوالف گلبي اطلعهن
الماصارت گبل صارت خواتك بالسبي كلهن
وانه الماطلعلي اخيال اسيره امجتفه اولهن


احجي امن السبي لو من شفته اتربع بصدرك
لو من العطش ولنار لو من ضل يحز نحرك

من ياصوب انه احجيهن * اهوايه ويهدن حيل
احجيلك ضيم الخيمه ** لو من داسوك بخيل
----------------------------------------------------
طلعت امن الخيم انه جبل بس صرت ادور تل
انذبح خدري بحرگ خيمه گمت ابحيلي اتوسل
من حرگ الخيم هجيت غريبه اوكلشي مااندل
بحيره ولنوايه اشمور. وين انطي الوجه وسأل


من تل المنايه صوت. ناديتك يوالينه
فز لختك ولتنه الناس رد بينه لهالينه

اذكر ناديتك حيهم * اسمع بس صوت اونين
جم مره اتگوم وتوگع* متروس اجروح حسين
----------------------------------------------------
وهاك امن السبي اخبار گتله وستمع ضيمه
ربيبات العرش اسراب يتيمه اتلوذ بيتيمه
يطشرنه ويلمنه البين عزيزات ابعَرض هيمه
مثل سِرب الگطه يحدون بينه اهنا يبو الشيمه


احجاب السمه احنه ولحادي حده بينه
مخلوق الستر النه ميلوگ السبي اعلينه

من ديره الديره نمشي * وعيون الناس ارماح
ولشاعل نار ابگلبي ** يحدينه جف ذباح

----------------------------------------------------
گتله احجيلك اعله السوگ لو خلي الحجي امدستر
احجي اشلون من طبيت وبيه الناگه تتعثر
اشلون الحادي جاتفني وبسوگ الغدر يفتر
وانه امطر خجل يحسين وعله الخوه اتحسر


بوجوه الخلگ دوريت گطرت غيره ماحلصت
متعوده اعله ضل عباس روحي اعله الگمر ونت

يا گلبي العاشر خوه*** تالي يحدوني اجناب
انه المعروفه ابخدري*** هيجي مجتوفه انجاب
---------------------------------------------------
لشام الحجي يوگف تخنگ كل محاجينه
تدري الوادم ابطبته فرحانه تلاگينه
شي دگت طبل يحسين خوارج شي تنادينه
وحنه اهل الاصل ولدين هيجي خويه تالينه


خويه الحزت ابروحي وعادت كريلا بينه
من اي السبايه ذول كلهه اتأشر اعلينه

نكرتنه الوادم خويه*** اولا جنه اهل القرأن
نكرونه ونكرو جدنا*** وهاجت بيه الاحزان
--------------------------------------------------------
علي سليم الحسناوي

الوادم الشبعانه من ماعونها
تالي ماتالي وسف يسبونها
*********
هاي بت الشبع الوادم خبز
هاي بت الذچره للخايف حرز
تشوف شمر برأس ابو اليمه يحز
ومو دموع ادموم تجري عيونها
******
شلون زينب توگف بذاك المچان
حيره ودولبها دولاب الزمان
بت أمان الله وسفه بلا أمان
أهله الهزيله امچتفه يشوفونها
******
اعله الهزيله حايره وتجري الدمع
بحسره وبلوعه تون ماتنسمع
خل يجي العباس ينظر هالوضع
وخل يشوف الخوف خاطف لونها
*******
شلون بت المرتضى بين الزلم
حرمه محتاره بيتاماها تلم
وراحت اويه أهل الرده لديرة شتم
ولا أهلها وياها ويخلصونها
********
شلون زينب تمشي وي وادم غرب
شلون زينب خلصت ذاك الدرب
عينها اعله الروس والمدمع يصب
وگامو أشكال الحچي يسمعونها
*********
گامو ايسمعونها الما ينحچي
وهيه حرمه ومالها غير البچي
حيل ماعدها وعليمن تنتچي
بسوط لمن تنهض يضربونها
***********
بسوطهم ضربو عقيلة حيدره
وهيه نار احزانها متوجره
تنخه والتنخاه نايم عالثره
ولا أهلها اگراب ويجيبونها
**********
لا أهلها إليمها لايمها الچفيل
وماوياها بالضعن غير العليل
اشما تميل الناگه وياها تميل
ولون طاحت وين اليرچبونها
***********
خادم الحسين ع
سيد غالب الرضوي الكربلائي