أنتي وفقيني أنتي حزميني
يم الابنـين للاربعيــن

--------
كل حواسي اوروحي تنتظر هلــخدمه
كـــون وي خـــدامــه واخدم ابكل لمه
كلشي بيــه ايحـــبه وحق دمعت امه
ادعـــي للمــشايـه والراد يخدم حزمه

ومدد انتي النه وكلنه انتي امنه
يم الابنين للاربعين

---------

الكل حواسي ادعيلي والعــزم شديلي
ولو يوشـــل حــيلي منچ اطلـب حيلي
ابوكتي كله ارد اخدم بالنــهـار اوليـــلي
اوكون اتعب خادم هلسـنه اتسجليلي

ولوغفت عيني انتي گــعديني
يم الابنين للاربعين

---------

الفـــــرط ابهلنــــعمه ادري بي متـــعافي
انطيني كلشي ومامل ومـااگولـــن كافي
امجدي انتي انطيني وادري ابد ماوافي
ابعالــــم المــشــايــه رايد اخـدم حــافي

واخدم وما مل عشگي يستاهل
يم الابنين للاربعين

-----------

ادعي چنـت الربي والدمع چــان ايصـب
ربي تدري ابشوگي بالگلـــب نــار ايشــب
شوگ اشم اتــرابه من اكنس انه الموكب
ابكل دقيقه ابفييه درس ينطيــني ابحـب

هوه دللنــي وهــوه ادبني
يم الابنين للاربعين

------------

ابدرب عشگ الخدمه الجــاي لبن الزهره
أنسان احس ابروحي فقط هــاي الفتره
رحمـــته علـــذنوبي اعلى من كل عثره
مذنــــب ورازقــــني ابگلبي حبه اشكبره

أبدمعي واونيني وخدمتي ديني
يم الابنين للاربعين

--------------

بحق چف اوليدچ الشال بيـده الرايه
كثري هاااي ايامي وخل تصير اهوايه
حتـى من انــوزع احنه عدنه اقرايه
وقـف خالقنـه الله الخــدمه المشاايه

وزادنه انوزعه ابلطمه وي دمعه
يم الابنين للاربعين


الخادم علي الحميداوي الكربلائي

سُئِل الإمام السجاد عليه ٱلسلام عن أشَدِ المصائب فقال ؛ الشام الشام الشام💔

-
-
جــواب مْـن الإمـام لكـل بشَــر يسـأل
اليِطــب للشــام لو عــاد الذبح يقبــل

المـا عنــده مـره يعبـر عليــهه الطيـر
مِـن تعبـــر بســوگـ بنـص زلِــم ينْــذل😞

من تنخــاك طفــله وانت بيــن احبـال
تتمـــنى الحيــــاة گبــــور تتحـــوّل🍂

من تسْمَــع صياح ، تحيــر وين تـروح
لحد ما تلگــه طفلــه بْــراس تتــوسّـل💔

مشينه وكلشي واگف عنده صار عيون
وْشِفِــت اول ورد مِـن النظــر يذبَــــل🥀

تِچَـلّب بالرمــح لو بچَــت بت حسيــن
طبــع بالبت لبـوهه تــروح من تزعــل😞

طفح صوت المناحه ونشف ريج الماي
وْ بِــده لون المْـــروّه مْـن الأرض يرحل🌎

صعد راس الرمح والضحك ترس الگاع
وعــلى النوگـ الفواطم يقْــرن المقتَـل

طبِّيــــــنه وْ لگيــنه الانتــظار اشكـــال
يتبــاهه اليِطِــگـ راس بحجـــر اول

وچهبنه اعله القصر والقصر ساحة موت🏛
وحـوافر گمْت احس حتى الهــوا تبــدل

بچيت من الهضم من شفت ناخت نوگـ
ونِـزل ضعـــن الرســاله بحيــرته مبــلل

وبديت اجمع احبال اليبسن اعله چفوف
واعَــدْل ظهــورهن من طــوية المنجـل

عبــرنه هــواي والينطــرنه هم هــواي
نرحَـــل مِــن عَــذاب وللأشَـــد نرحَــــل

المســـافة ابيــن باب القصر والديــوان
بيهه اشگـــد ســوالف تنحچــي وتذبل

بيهه الراگـ بيّــن ، نشَــف وجــه المــاي
بيــهه حسيــن مالَــو ، راســه مــا ميّـٰل

بيــهه اشچَـم طفل يتمــنى فــزعة راس
بيـــهه النــاگه طاحت هيّــه والمحمَـل

الما يفــهم العِــزَّه بعيـٌنه طبْـت الشــام
سهلـــه ، وشِـــدة الفــوگـ الهِزل تنحَــل

هذا ابســط شرح ممكن لطبْـت الشــام
جـــواب مْن الإمــام لكِــل بشَــر يسـأل

على گاطع البهادلي

زيد ابو طلبه اليوم اليندبه ياخذ امراده
**************
زيد فاتح بابه للناس الحياره
رايته ترفرف هله فوك المناره
جني اسمعه يكول حي الله الغياره
يصيح يازواري مقبوله الزياره
اهلن ايكلكم بيده سجلكم بدفتره اجداده
**************
خلي بستشهاده دمعاتك صريحه
نفس عطر حسين تشتمه بظريحه
اليوم هوه يداوي الكلوب الجريحه
يا ابو يحيى حاجتي اكظيهه صيحه
تنقضي بسرعه يقدر الدمعه عاليه امجاده
**************
الشاف روحه آمن الوكت يا ناس متعوب
والي تفتر عكسه دوم الدنيه مكلوب
خلي يرفع ايده كون ابوكت الغروب
بحظرت المظلوم زيد المات مصلوب
ارفع اجفوفك ربك يشوفك ينطي لعباده
**************
كله شنهي اليوجعك هوه اليداويك
مدله ايدك شوف زيد شراح ينطيك
زيد من توكع ابشده مايخليك
كله متعوف اليخدمك والله ادريك
ميه بالميه الطلبه مكظيه وكثر ازياده
**************
شكد براهين بحظرته شكد براهين
جم كرامه صارت وشفناهه بالعين
يبقه اسمه الثائر اشما مرت اسنين
حته مظلوميته تشبه جده الحسين
الناس مشايه شايله الرايه يم ابو الساده
**************
الخادم الصدكي تره زيد الينظره
وين ما يمشي ملك ويسهل امره
الجايه بنيت دغش الله يهطره
الوفقاك لخدمته يوميه اشكره
بخدمته واظح يبين الناجح اتبع ارشاده
**************
تمت علاء الزيدي

لو اموتن لو اموتن هيه وحده من الثنين
بويه خليت التراجي صيتهن يوصل لوين
ــــــــــــــــــــــــــــــــــــــ
من حسبو لاطفال كالو هايه لا منعدهه
التضل ابلا ابو بالدنيه بالله شعدهه
واني جيت ابجي يبويه بنيتك ومتردهه
عذبتني اذني يبويه تجري دم بس شدهه

علخيم فرهود صاحو اني صحت اخذو ثواب
مو عله لاطفال انعد اني انعد علشياب
ــــــــــــــــــــــــــــــــــــــ
انته تدري توني امشي بس ركضت من الخوف
من وكفت الدنيه ضلمه كلبي احسنه يشوف
الموته كلهم عرف والله وكمت امشي عل سيوف
وحايره وضليت الم بلطف اصابع وجفوف

من طحت ركضو علينه ركضت اخناث ولو
بخيمتك طبو يبويه وصوت عالي هلهلو
ــــــــــــــــــــــــــــــــــــــ
بويه واحد وصه واحد طكهه حيل وتكوه
الطكه توجع واستحي ابجي ادموعي خرن كوه
بنتك اني وحيل زحمه ايشوفني المايسوه
انه مال ابجنه اطيحن مو اطيح ابلوه

الهوه يشمونه زحمه وعمي ينحط بكبر
شو مثل عباس ماكو ولشمر مثله شكثر
ــــــــــــــــــــــــــــــــــــــ
بويه بين الخيل اركض وحيلي غادي اوشاله
بالحرب صاحولي بسمي تعرفه ياهو الكاله
نفسه ذاك الداس صدرك وصاح انه جتاله
هذا ابوج حسين دسته وشوفي ياهو بحاله

ماحجيت وكوه امشي خاويه من الضمه
بحضن متني بويه والسياط محزمه
ـــــــــــــــــــــــــــــــــــــ
النار تصعد دمي ينزل خايفه ومتجويه
من النزف كل دمي خلص قطره دم مابيه
حيل كبرانه ومحدبه موش ذيج رقيه
صرت جن الزهره امك ورايده عوجيه

مره انه اتوجه بيه ومره ياخذه العليل
ومره انطيه اللزينب من ننام ودنيه لليل

سيد علي القصاب

قصيدة هاي أم عون
---------------------------------------------------
چفهه مشدود بحبل
والجرح عين وتهل
والأطفال أعله الهزل

تون تون تون

حيهم ياأبو صالح
حيهم ياأبو صالح
------------------------------------------------------
تون والنوگ هم تبچي البچيهه
زينب صم جمر باقي بنعيهه
وتوگع والجروح أطتهه أديهه
لحد ماكلشي ضل يبچي عليهه

ياگلب ضل منشلع
ذايب شلون الشمع
والألم بي منجمع

تون تون تون

حيل أمنيله الطايح
حيهم يا أبوصالح
-------------------------------------------------------
شدت حيلهه بكلمة علي أوياي
تحاچي براس أخوهه البرمح واي
خويه ألف أنعم ألله ونشكر الماي
لو مابده روحه وللخيم جاي

لوبقى بجودك ترى
ما أروح أميسره
وأنت سبع الگنطره

تون تون تون

وماضل الدمع طافح
حيهم ياأبو صالح
-------------------------------------------------------
مثل حال الرمح من تمشي وياك
تشوفك ميت أنت أوحزنك أذاك
سهم بالعين والدم غطه عيناك
الدمعه التنهضم ماتلتم أبهاك

ما شكتلك ياگمر
عاشت بصفنت نهر
وگفت وكلشي إنكسر

تون تون تون


وتخنگ كلمة الرايح
حيهم يا أبو صالح
-------------------------------------------------------
تمشي وعالسبي تسولفلك أعيون
وزراگ السمه خيم فوگ الأمتون
أستحه وكل ساع گام أتبدل بلون
السبي ماذلهه زينب هيه أم عون

ضلت أبعلو السمه
بعد أمهه فاطمه
ولابو حامي الحمه

تون تون تون

وتشگف روحهه الطايح
حيهم يا أبو صالح
-------------------------------------------------------
يبو صالح دمعتك چنهه فانوس
وعلى ياجدم طاحت والحچي أيدوس
ويم ياجرح ونك باقي محبوس
وغيابك ماي چنه وكلشي مدروس

كل سنه أويل العايله
بالسبي من كربله
أجروح تمشي أمهدله

تون تون تون

يمالح والجرح مالح
حيهم يا أبو صالح
-------------------------------------------------------
خادم أهل البيت،،ع،،
أبوحسين السرگودي...🕊🕊🕊

يزينب مايردون..يزينب حضري الامتون
انا لله وانا اليه راجعون
.....
ابوفاضل لبوصالح سلم الرايه
علي جنه وسال دمه علامصلايه
طاح مايه بس وجهكم ماوكع مايه
روحي حتى انروح باجر احنه مشايه

لقد صاح حادي الاضعون..يزينب حضري الامتون
انا لله وانا اليه راجعون
.......
بالسهم كافل رقيه ينذبح لازم
قمر بالكاروك يضوي جن قمر هاشم
الله شاء الشمعه تطفه ابمقتل القاسم
حتى تتكامل خريطة دولة القائم

تشوفه يمته الاعيون..يزينب حضري الامتون
انا لله وانا اليه راجعون
.......
اتحملّي عثرة الناكه حتى مانعثر
ابرحمتج شملي عبيدج يابخت حيدر
تكصر الدنيه وعزاء احسينكم يكبر
مثل ماسويتي تل الزينبي منبر

نسوي بالمجلس افنون..يزينب حضري الامتون
انا لله وانا اليه راجعون
.......
راحت ايام الغوالي وذيجه لمهتم
وطبع بالخوان ماينسون خوتهم
وحدج ابهاي الصحاري ياعقيلتهم
مايجون العالنهر ملفوفه رايتهم

والاحباب مايضلون..يزينب حضري الامتون
.....
ويه نحر احسين يالمذبوحه عافيتج
بيت الأحزان وخرابه هايه تاليتج
واكفه ابسوك النخاسه وي أهل بيتج
وانته زينب واصل السابع فلك صيتج

والاسياط عميه اعيون..يزينب حضري الامتون
انا لله وانا اليه راجعون
.......
طابه ابديوان اميه وانتي علويه
والحبل بيدج يزينب يعني مسبيه
مو طريقج هذا يالروحج حسينيه
لمّي عائلتج وارجعي الدنيه مكضيه

للاوطان ردي يام عون ..يزينب حضري الامتون
انا لله وانا اليه راجعون


محمد الجماسي

بعاشور وصفر .. صوّبني القدر
جرحين الگلب .. چبدك والنحر

ــــــــــــــ ✾ ✾ ✾ ـــــــــــــــ

الزمان.. ابلا امان.. وبس حزن يبرالي
ابهالحياة.. للممات.. ودّعت چم غالي
گلبي ذاب.. راسي شاب.. حالي يبچي الحالي
وين اروح.. والجروح.. عاشت ابدلالي

عِشره ويه الدمع .. من ذاك الضلع
يجري وعالجفن.. ظل طابع أثر

ــــــــــــــ ✾ ✾ ✾ ـــــــــــــــ

امن الغياب.. والعذاب.. وشفرته الذبّاحه
يالحنين.. ابهالسنين.. ما شفت كل راحه
بچبدي نار.. وگلبي صار.. للمواجع ساحه
لو شكيت.. لو بچيت.. ينگطع سبّاحه

وآنه امن الحزن .. بالسكته أون
وظهري المنحي .. شچم مره انكسر

ــــــــــــــ ✾ ✾ ✾ ـــــــــــــــ

ابعيني ليل.. وماكو حيل.. وارتچي اعله احزاني
بگلبي موت.. وهذا صوت.. بالهمس حاچاني
مُجتباچ.. فارگاچ.. ابلا جمر چواني
السم خذاه.. صيحي آه.. آه يبويه الثاني

صحت من الألم.. ودلالي انهدم
وآنه ابصيحتي .. فطّرت الصخر

ــــــــــــــ ✾ ✾ ✾ ـــــــــــــــ

بالوداع.. عمري ضاع.. وليلي ودّع حلمك
واللئام.. بالسهام.. صوبوني بجسمك
شيعوك.. وادفنوك.. ونبضي مات بدمك
من أصيح.. والله أطيح.. وروحي تطلع يمك

وصوبني الزمن.. بيومك يالحسن
كل عين بجرف.. وادموعي النهر

ــــــــــــــ ✾ ✾ ✾ ـــــــــــــــ

للسليب.. والغريب.. ولسحاب همومه
دمعي سال.. بگد رمال.. كربلاء والحومه
يَمّه اجيت.. وانحنيت.. اتخضّبت بدمومه
ابعيني اشوف.. السيوف.. امغيّرات ارسومه

ولن شمر الخنا.. يم نحره اعتنه
وسّط خنجره.. ودلالي انفجر

ــــــــــــــ ✾ ✾ ✾ ـــــــــــــــ

بكربلاء.. بالعراء.. والسمر مشهوره
طبّروه.. گطّعوه.. ودمه غيّب نوره
وللشهيد.. ما تهيد.. چبدتي المجموره
وكل نهار.. بعيني صار.. صوره من عاشوره

شهرين الفگد.. سيفين بچبد
ما خلّن كتر.. سالم ما انطبر

ــــــــــــــ ✾ ✾ ✾ ـــــــــــــــ

✍ الشاعر
أحمد هادي الشمري

رايتي عزتي بيها خطيت الوفه
لهفتي ودمعتي اجتمعن بدربك صفه
مشايه وفايه جينالك مشايه
1
دنيتي بظهري عفتها وتجهت الگبتك
شوفت اهلي ذكره صارت انا اريدن شوفتك
برايتي عشگك كتبته وبللتها بدمعتك
بيها راسملك مناره بأذني تقره ازيارتك

وللصلاه سيدي اترتل حروفك قصر
تنسه منك حرف وتذكر اصبع منبتر
مشايه وفايه جينالك مشايه
2
مقتلك بالرايه اسمعه ودربك ايخظر نحر
شما ثگل جدمي بطريقك بالي يتفرع صور
فكري ياخذني الطفوفك ونته محني اعله الگمر
والتمس موقف بطوله إلعطش لابس نهر

من گصدت الگمر شافك الماي وعطش
عينك اتصب نهر عل كفل اخته انفرش
مشايه وفايه جينالك مشايه
3
من اهيم بعالم الطف يجمد بصدري الهوه
وتنكسر بضلوعي عبره وينحني فوگي اللوه
ونثر دموعي شريعه ونايم بنصها ضوه
ورسم اخيال المطهم شلون من طحتو سوه

من حظنت الترب منظرك للحره صد
وفهمت نظرتك اتگلها ما ميت بعد
مشايه وفايه جينالك مشايه
4
فاظت جروحك منابر ومنحرك لم السنين
شايل بعينك مواكب كلها تصرخ ياحسين
كربلائك كعبه صارت والثمن دم الجبين
سجدة الدنيه اعله بابك يا امام الثائرين

شما يطول الزمن تكبر عيونك سمه
وكل محرم صرت تنتفظ قطرة دمه
مشايه وفايه جينالك مشايه
5
بصدري يمشي الشوگ احسه وخطوة العاشگ الم
من يطر غروب طفك ينگلب ليلي خيم
وستمع ونّة يتامه وعالجمر يمشي جدم
وچني بعيون العقيله المح بصدرك سهم

ويه ليل المشي تبدي سالوفة غرب
مثل زينب الك هيچ اريد امشي الدرب
مشايه وفايه جينالك مشايه
6
عندي قصه اويه المسيره دروبك اطويها بدمع
بكل يقين اويه العقيله يم ظريحك اجتمع
انا اوزع لطم صدري وصفن بكسر الضلع
وهيه من هم الليالي توزع بصحنك شمع

والكسر خاطري من ابو فاضل حظر
بلايه چفين اجه يحظن اخته ما گدر
مشايه وفايه جينالك مشايه
****
الشاعر اياد الديراوي

من بابك بـدت. الدنيا اتكونت
ياجنة عــــــدن. زوارك مشت
ثوبنــــــي جرح. بي منك ذبح
انته الخـــاطري. شالوك برمح
حسين. على بابك نـــــزدحم

ياعشگ الخـدم. گـلبك والخيم
فاتحهن مضيف. يمعزب السهم
يا اجـــمل حزن. لبســني وطن
خليني استــــلذ. كلما بيك اجن
حسين. على بابك نـــــزدحم

طگ گـــلبي الك. دوم اشـتاگلك
لاتسألني ليـــش. انه ارد اسـألك
شمســــوي انه. وعقلي امسودنه
مو بس عالوجه. روحي امطينه
حسين. على بابك نـــــزدحم

عايش كربــــــــــله. حبك منزله
اقرالك غـــــــــــزل. الله امحلله
نارك وجّــرت. وضلوعي انچوت
احســبني عبد. بالمجلس صرت
حسين. على بابك نـــــزدحم

منك ســـــــــــيدي. عـــمري يبتدي
ليليه الگــــــــــلب. ينــــعالك حدي
عطشان اشعجب. وانته اشگد عذب
الميت والعـــــــدل. من مايك شرب
حسين. على بابك نـــــزدحم

عاشرتك طــــــــفل. امنـيتي انشتل
كون بحــــــــضرتك. مـشدود بحبل
يمراية عــــــــــــلي. يمك ينـــجلي
لو طگــــني الوكت. تتبــــــسم الي
حسين. على بابك نـــــزدحم

*شاكر الصيمري*

لسان حال الزهراء ع مع النبي الاعظم صل ع

كون العتب مايجوي كلبك
ليش اكسرت كلب اليحبك
كلبي اذا يبجي من الونين
يابويه جا شتسولف العين
رحيلك غربه
ــــــــــــــــــــــــــــــــــــــ
مراسيل الهجر وصلت.. وتّغير وجهك ولونك
يبو كلب اليحب الناس.. يا اول نده شلونك
ميت كل غصن بلكاع. من رادو يدفنونك
يشوك الله الجبير اليوم. الله اشتاك لعيونك

عمرك كضه علناس نوحك
بوجه اليتامه تلكه روحك
لو سألو بفكدك مشه وين
يابو جا شتسولف العين
بغيابك صعبه
ــــــــــــــــــــــــــــــــــــــ
اليفكد الوالده معروف ... ماتسكت بواچيه
و ميتلي نبي ياناس. چان مخّيم اعليه
الوالد من يريد يروح . تكسر خاطره ابنيه
دورني تره بجفاك. غير الدمعه مابيه

حزني وذا محد وصلله
انته اعله موتك يحزن الله
مومال اعيشن بعدك سنين
يابو جا شتسولف العين
وكفتك كعبه
ــــــــــــــــــــــــــــــــــــــ
الكاع الانته مو بيها. بيها مايضلي امچان
مثل البيت اذا مابي دعاء وسالفت قران
الموت معزب داري وموتك علملامح بان
من كد البواچي اعليك.. ماكفاني بيت احزان

مابين بيتي الطبته النار
وفراكك الماينجرع حار
وصواب كلبي الصوبه بين
يابوجاشتسولف العين
ــــــــــــــــــــــــــــــــــــــ
انه اول مره بلكون.. اعله موتتها تضل تدعي
وراك الدنيا صارت ليل.. ونكع شيلتي دمعي
اضل امساهره ونعاك. لحد ماينطفي شمعي
عشت وياك اخذني وياك. بعدك ينكسر ضلعي

احتار لو دفعوا عليّ باب
ايدي اعله ضلعي لوعلحجاب
والمحسن المشايف حسين
يابويه جا شتسولف العين
اعله باب العتبه
ــــــــــــــــــــــــــــــــــــــ
اخر سالفه من تموت وكل هذا الحجي انلمه
يحْنيّن يوجه الخير .. صارت روحتك لجمه
تحب تسمعني من انخاك بويه ومحلى هلجلمه
منكلك والدي المهيوب .... ترد تندهني يايمه

من سكتتك كلبي لجمني
نظرات عينك ودعني
رافكني لاتتركني للبين
يابو جا شتسولف العين

الخادم علي مخيلف

خطاب وحال مولاتي زينب عندما وصلت الى المدينه..

يا اهل المدينه..
ردينه وضعنه ابلايه عباس...
يا اهل المدينه..
اتيتمنه امنهد ما ذبحو الياس...

شمحلات المدينه ابطول الحسين..
تضوي ابنورة جانت نور العيون..
يالعبالكم رد شيخ الا طياف..
شيخ الطايفه غربهه الاضعون..
يا اهل المدينه حسين مذبوح..
ضل ابكربله مسحوكه اله امتون..

حسين... حسين....
ــــــــــــــــــــ ــــــــــــــــــــ ــــــــــــــــــــ
يا غربة وطنه...
اتغربنه ابوطن بي رحمت الله
يا غربة وطنه...
َدمع الغربة فوك خدودي صله

يهل يثرب كبل هم شفتو طولي
يــل حته خيــالي مــا لمحتـــو
الما شفتوهه شافت غربة الشام
وضعن ال الله حتى ما عرفتو
عمت عين الوكت ماخذلي عباس
ابأخر عمري يا صوتي السمعتو

حسين.... حسين
ــــــــــــــــــــ ــــــــــــــــــــ ــــــــــــــــــــ
يا دار الحبايب...
شمحلاتج كبل كل اهلي وياج
يا دار الحبايب...
شمحلات العصر لحسين لو جاج

يــا دار الغــوالــي عتبت البــاب
تكســر كلبي مـــا ودي اطبهــه
لا خير اعله بيت امفاركه حسين
ومن دون الكمر يا بيتي غربة
اولا تلعب رقية بغرفتي شلون
اخلاف امناغة هم عبدالله صعبة

حسين..... حسين
ــــــــــــــــــــ ــــــــــــــــــــ ــــــــــــــــــــ
ياعيني ودمعهه...
الما نشفت على الصار بخدرنه
ياعيني ودمعهه...
وشتت عيلـــت الغالي زمنـــه

عمري ابلاية اخوتي وردة وتموت
وحشه ادياري ما خلت علي حيل
اليل ايمرني يرسم صورة حسين
وعالحيطان اثر ضحكاته وتشيل
ويرسم بابي راية بصفهه عباس
ويــرسم لمــت الجانن مداليـــل
  
حسين      حسين
ــــــــــــــــــــ ــــــــــــــــــــ ــــــــــــــــــــ
والشيب دليلي...
ام عبدالله تفتر غرفه غرفه
والشيب دليلي....
اتنادي يالولد شبعانه لهفـه

تفتــر وبأاديهــه اكماط الوليــد
ودللول الولد تخنكهه واطيــح
تنهض وبأديهه طاست المــاي
عبــد يمه جبتلك اشرب اتصيح
ومن طاري السهم تشهك بالف اخ
ويا شهكت ابنهه الترست الريح

حسين      حسين
ــــــــــــــــــــ ــــــــــــــــــــ ــــــــــــــــــــ
(يا زهراء)
✍️عباس أديب المالكي

استشهاد الرسول الاعظم
....
بدمعة البتول نبكيك يارسول
فما لنا سواك ياليتنا معاك
ــــــــــــــــــــــــــــــــــــــ
رب العرش يالمصطفى رادك اله جوره
وبنورك الطاهر تجي وتمازجه بنوره
ماميت انته لاوحك من تمم السوره
بسرائك الثاني رحت للخالق اتزوره

فرحت ياحبيب الى السماء تجيب
خلاقك حباك ياليتنا معاك
ــــــــــــــــــــــــــــــــــــــ
بدمع ام اوبوهه فاطمه جينه ونهل دمعه
نبجي وعلى غيابك نون ونواسي البضعه
وحزنت ملائكة السمه ونذهلت الوسعه
وامة محمد بالهظم عالهادي منفجعه

تسيل بالدموع تذوب كالشموع
والناعي اذ نعاك. ياليتنا معاك
ــــــــــــــــــــــــــــــــــــــ
موكل دمع من ينبجي ينزل حزن منه
بس انته فكدك يختلف محنه باثر محنه
يابو الوديعه الطاهره مانخفي واقعنه
اصحابك الضد عترتك هذا الوكت ضدنه

تذبح النساء وتسفك الدماء
اذ يسفكوا دماك ياليتنا معاك
ــــــــــــــــــــــــــــــــــــــ
ياكلب يحمل غيبتك وبيا صبر نصبر
حتى الصخر لو ودعك مايحمل اويفطر
ماتنطق انته عن هوه الا العلي يامر
واقرب صحابه الندعوا كالوا كبر يهجر

ماذا على الضنون بموتك نكون
لايسمعوا نداك. ياليتنا معاك
ــــــــــــــــــــــــــــــــــــــ
باخر نفس لمن رحت ونختمت اسنينك
بحضن الاجل ولعترتك تذرف دمع عينك
وتكله اعرف ياعلي مايبطل اونينك
والامه ضدك تنكلب محد علي يعينك

يافارس الحروب بهمك تذوب
فتكثر عداك. ياليتنا معاك
ــــــــــــــــــــــــــــــــــــــ
خلوا علي ابوحده ومشوا يمك يبو الزهره
وتشاوروا اهل البغي بالسلطه والامره
وحيدر على جثتك يون ويحاور العبره
كون ابدا المصطفى واتـوسد ابكبره

فماله بديل للنوح والعويل
ياسيدي ابتداك. ياليتنا معاك

علي السعيدي

ياجِفِن گـــــال انتهت
الدمعه لا توها ابتدت
اوحيده زينب عوّدت
الدار الحسين
ـــــــــــــــــ ـــــــــــــــــ
الگلبه بي زينب تظل نبضاته حسرات
بصفحة ايامه ابد ماتلگه ضحكات
العنده غيره من گبل يوم السبي مات
وعمره مو ايام ظل ايحسبه دمعات
بس الاسود لبْستـه
وخده عاشر دمعته
حسره تطلع جِلْمته وتدمع العين
ــــــــــــــــــ ــــــــــــــــــ
لو صدك زينبي اتشوفك دوم منهوب
والدليل حسينها الماظل عليه ثوب
ولو تربطك صله بزينب كون مصيوب
كل شخص محروگ گلبه اعليها محسوب
الزينبي ايحب الدمع
واسمه دوم المنفجع
ايگول ابن كسر الضلع
الينشده منين
ــــــــــــــــــــ ــــــــــــــــــــ
الذبّحو ولياها يمها وفگدت الراي
طاحت الرايه وتدوّر ظلت افياي
مثل امها اتصيح وينه اليبجي وياي
ومدري شنهو يطيح منها بشوفة الماي
ادموع بس جنهن جمر
منهن الخــــــــد منحفر
ســوّن اليجــــــرن حُمر بخدها نهرين
ــــــــــــــــــــ
زينب اتگول اليظل من غير خوان
مثل حال الشمعه حاله بليل الاحزان
تخلص ايامه دمع وبگلبه نيران
اجروح تفتحله تظل فتحة البيبان
والفگد اهله ســــــوه
يطيح من نسمة هوه
چلمته كلما هــــــــوه يخْوِتي وين
ــــــــــــــــــــ
العلي براسه شلون يمشي امدنگ الراس
جانت ام الخدر زينب گالت الناس
كلشي متغيّر بزينب حتى الانفاس
يصعد وينزل نفسها حسين عباس
الليل اذا چـل تنلجــم
اتشيله وايطيح الهدم
امتانيه اخوتـــها حِلم وبيها نارين
ــــــــــــــــــــ ــــــــــــــــــــ



علي محسن الزيادي

الزهره ضلعك و اِكْسروْا ضلعينها ..
اْو نور عينك تالي بچَّـوْا عينها ..

اشْـتنفع الويلات و الدّمْـع الذَّروف
و انته بـدْر الله لچَن غالك خُسوف
اتوصّي بالثِقْلين يا ريتك تشوف
الاُمّـه تالي اشسوَّت ابـثـقْـلينها ..

اِنگلبت الاُمّـه علىٰ خير العمل
و اللي آمن بالله رَد يعبِد هُـبَـل
هاذا و إنته بعدك اعله الـمُغتَسل
او صُحبتك يالهادي خانت دينها ..

آهـ من يوم الغبِت يوم الثنين
و العرَب يالمصطفىٰ اتطلبك اِبدَيْـن
اِنْچان منّك طلبوْا ابّـدُر او حُنـيـن
بالضلع ردّوْا بدُر و احنينها ..

بالحطب و النار هـالاُمّـه اشتِفَـت
إجوْا و الطاغي عله الزهره اِلتِفَـت
لاچن البضعه وره الباب اِختفت
حيث لا ساتر الـبينه او بينها ..

اشلون حُرمه او تگدر ابهذا الوضِع
ترِد بالچفّين باب اليندفِـع
كسروْا الباب او فزَع كل الجَّـمِـع
بالسّياط او ورّموْا متنينها ..

ابدال لـيْـعظمون للزهره الأجر
اْو يسألون امن الله يلهمها الصبر
إجوْا واسوْا بنتك ابكسر الصدر
اْو غصُب نِحلتها او سُقوط اِجنينها ..

من تجيلك باجر ابهذا الكسُر
خلها تحجيلك يبوها اعله الأمُر
إسأل امْن الزهره ليش ابهالعُمر
ماتت او ما كمّلت عشرينها ..

اْو ظل جليس الدّار حمّاي الحمّه
عگب ما عن عينه غابت فاطمه
ريت يوگع عالأرض بُرْج السّمه
اْو لا حسنها اينوح يَـم احسينها ..


ميرزا عادل أشكناني

حبيبي ضامي..الريجي غبش.. رغم العطش.. رواني*
حبيبي ضامي..جرح الضمه.. ضل يلچمه .. وهواني*
وعيونه.........شمحلاها
رغم الدم.......غطاها
حبيبي ضامي
......................
حبيبي منطيني خيمات ونحر*
عطشته وعشگه فزع يمي نهر*
هويته وجرحه يضل بيهّ خظر*

حسين اول عشگ عذري.. رغم ابعيني ما شفته**
شما اشوفن نهر يجري.. نورس اركض الشفته**
ما سامع عطش شبعان.. وبيده ايشرّب الدنيه**
مو حگي من اهيمن بيه.. شلون الخيل دايسته**

انه ادري طايح..طيحت ترف.. گلبه يرف.. عليّه*
انه ادري طايح..يزخّ العشگ.. من ينسحگ.. هديه*
بجروحي..........اتباها
رغم الدم...........غطاها
حبيبي ضامي
......................
أريده والگاه جرح يصرخ هله*
حياتي تارسهه من عشگه حله*
حنانه يلمس كياني ابكربله*

يتلگه اليجي ابصدره.. وينسه الحافر الداسه**
يچوي وما برد سهمه.. ليش اختنگت انفاسه**
هل من ناصر اشگد صاح.. وطينة خلقي لبّتله**
عبدالله يفرفح ليش.. ويفتر عالرمح راسه**

تصرخ جروحي..جيتك نحر.. شابع قهر.. حبيبي*
تصرخ جروحي..أنه الاحب.. يچوي الگلب.. لهيبي*
خطواتي...........دلاها
رغم الدم...........غطاها
حبيبي ضامي
......................
دعائه ربي تعطشني بعد*
رضيعي جبته ألاهي من المهد*
يربي ولا تعطش احبابي ابد*

هوه المثله وين الگاه.. اعليه اعيونه بس تدمع**
حتى اليگطع الخنصر.. گله اگطع لَمن تشبع**
طايح والعطش أذاه.. وعني ايسولف الربه**
ونحره مفتره للموت.. وضعنه عالهزل يطلع**

اعليه خايف..ناسي الصبع.. لا انوجع.. دليله*
اعليه خايف..رغم الجرح.. رغم الذبح.. اجيله*
واسهامه..........ينساها
رغم الدم.........غطاها
حبيبي ضامي
.....................
لكون اشهگ اذا اسمع خيم*
واموت مّن اسمع ابركضت حرم*
احير شلون الضوه ايلوحه سهم*

هوه المنطي نحره امراد.. واصبي عينه للنبله**
وطايحله گمر عالگاع.. وركضت أخته مو سهله**
حسين المنطي عبدالله.. بيش الوادم اتجازيه**
بيا هيئه وأزوره شلون.. كون ازحوف ازحفله**

منطيني روحه..طفله وطفل.. فوگ الهزل.. سبايه*
منطيني روحه..اهله مشو.. واتغربو.. ضمايه*
واخيامه.........انطاها
رغم الدم........غطاها
حبيبي ضامي
......................
سلامآ على الجروح الما شفت*
غرامآ على الخيام الما طفت*
غريبآ طاح وخواته اتسلبت*

مولاي الدمع شيفيد.. واختك عالهزل تمشي**
وادموعك تسيل اعيون.. لمّن سلّبو كلشي**
حبيتك واضل اهواك.. وابچي ودمعي ما كافي**
شيّبني الضعن يحسين.. شيّب بالجفن رمشي**

اقبل دموعي..خليني احس.. لهب الشمس.. اريده*
اقبل دموعي..لجل المشت.. واتغربت.. وحيده*
عيشني..........الاذاها
رغم الدم........غطاها
حبيبي ضامي



علاء المياحي
الفاتحه لروح والدي

نســألُ الله البُــكاء ... كل عُمرنه كربلاء

نرفع بأسمك عزاء ... يارسول الله مدد
_________________
يارسول الــــباري يا تاج انبــيائه
صَفَـــر أعـــلن سيدي عن أنتهائه
حسين خِلصَت أربعينيتَه وعزائه
صحنه لا هــيهات نِـنسَه كربلائه

الحمد لله و الشِكُر ... بخدمتَه انطانه عُمُر
والـشكُر رَمز الوفاء ... يارسول الله مـــدد
________________
انوَدِع الشَــهرين بالصَيحه الأصيله
أحنَه غير حسين ما عِدنه وســـيله
بروحنــه يبقه صَفَــــر شَهر العقيله
الخدمه أُمنَه انعوفهه لا مُـستحيله

نِـشـتريها بأي ثَــمَن ... خِدمةْ احسينك وَطن
رِزق من رب السماء ... يارسول الله مدد
______________
بـ علي نقسِم يالگلتلَه أحله كلمه
أنه وانته ( أَبـَوىٰ هَـــذهِ الأُمــــه )
نِترُك الدنيــه و لا نترك الخـِدمَـه
ألحــياة انشوفها بحب أبو اليّمه

بالحَيا بس هالثِنــين ... لو حُسين و لو حُسين
كلشي من دونه هَباء ... يا رسول الله مدد
_____________
عاشگين وشاهد الحُب دمعة الـــعين
و بعـِشِــگ إبـــنـك تِسَــمينَه مَجانيـن
وين نلگه يارسـول الله شَــــرف وين
الشَرَف شِفنا كِلّه كِلّه بخدمَة  حسين

والـيـحرُمهه انوصَف ... هذه ماعِنده شرف
وانته تاج الشُــــرفاء ... يارسول الله مدد
______________
التـرضَه عَنّه بخـــدمته ( حازَ سُرورا )
نُطفَه چان بخَـلقَه بالــذَرْ ( كـانَ نُورا )
لذَّتْ الحُبْ تِبنِي ( في الحَشرِ قُصورا)
( فازَ بالـلــذّاتِ مَن كــــانَ جَـسُـــورا )

والجَسَاره اعله العِـده ... الشـيعه تبقه واحده
نهدي لحسين الدمـاء ... يارسول الله مدد
______________
يارسول الله اليــحبكُم عِنـــدَك أجرَه
بالحـــــشُر لـَـقــبوه يا خــادم الزهره
برايته العبــاس يمــسَح فوگ صَدره
يصير يم قصر الحسين هناك قَـصره

فاطـمه تِـــشفَع إله ... بيه ريحَـــةْ كــربله
عَبد مسلوب الرداء ... يارسول الله مدد


الشاعر حاتم صبري الكاظمي

اعظم الله لنا ولكم الاجر بأستشهاد خير خلق الله وحبيبه الرسول محمد صلوات الله وسلامه عليه

خادمكم علي محسن الزيادي
يامدرك الثار
https://tttttt.me/yazehraa

شــــوط كــربلائي

يـامـهـدي الك بــــروح. غيبه هدمت بختي
مثل عطشان رايد ماي. عليك مفطره شفتي
****
عشت يعگوب هيج وياك. يـايوسـف بواچينه
يوسف غاب موش هواي. يمك ظاعت سنينه
قحط بل روح يل موعود. خلصنــه يـمـهدينه

كـل جمعه تمر ويـاك
صـدك ابــد مـاننساك
متنه بس بقينه وياك
نـتـنــطـر يـرف الواك. ///////وترف بروح عافيتي
""""""""'""""""
مـرعــلـيـنـه يـل غــايـب. نريد نشوفك ونحچي
نسولف عل سبي والطف. بحظورك نلطم ونبچي
نريد نشوف صـورة راس. فـوگ ارمـاح متوچـي

دمــه يـفـور مـن راسـه
الرمح من منحره باسه
جـدك يـانــذل جــاسـه
يشـرف الكـون بمداسه.//////لان عيشلي لطميتي
""''''''""""""""
الـلـه يساعدك مـولاي. وانته تشوف ذاك الليل
بس نسوان والاطفال. فرت من اجتهه الخيل
زيــنـب اه يـازيـنــب. تـركظ عمتك بلا حيل

كفو من بت علي صارت
مـحـامي والـغـرب دارت
مـثـل عـبـاس مـحـتارت
عـلي ويـه الظعن سـارت. ////لجن مسبيه برقيتي
""""'''''''''''''""'
زينب عمتك يـاحـيف. تـبـچـي والـدمع همال
مجتوفات يل غـايـب. طاحـن ويه گيد حبال
عطشانات مامش ماي. الجمر ساكن بقه الدلال

الـنـوگـ بـلامـحـامـل لـيش
نـسـوان وتـماشي الجيش
التراچي نباعت ويه البيش
لاهان اعله روحي العيش /////جفت والله ساجيتي
""""''''''"""""
يل باچي بكثر الحسين. دمعك لونه احمر صار
حگك مـن تشوف النار. چوت وين ماكو زغار
لجن مشتاك نسمع كون. هـاذه اليوم يوم الثار

جـنـدوك هـايـه مـنـتظره
عاشت حسره وي حسره
شتعل گلبي مثل جـمـره
الــدنـيـه خـلافـكـم مـره. //////وكلت بطراف خاچيتي

(حسين الگرغولي)