#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



قصيدة في ذكر الخدمه ومصائب العشره الأولى من محرم الحرام


هـاي الشعــائـر نفتخر بيها
يحسين كل عاشور نحييها
نبقـه بخدمتك
نروي مصيبتك
يحسين كل عاشور نحييها
....................

خدامك نظل يبن النبي ونحيي الشعائر
بسمك سيدي ظل يعتلي صوت المنابر
نحضر مجلسك نجري الدمع تبچي المشاعر
لوما خدمتك يابو علي ميته الضماير
خدامك احنه وشوف خدامك
ياسيـــدي وماننسـه ايّـامـك
وفّـق شيعتك
نروي مصيبتك
يحسين كل عاشور نحييها
..................

ظعنك من طلع من سافرت تارك عليله
ظلّت بس تون تجري الدمع من دم تسيله
وامّ الأربعــــــه ام الـگـمــر هــاي الجليله
لجـلك قـدّمـت اربــع ولِــد تشعــر قليله
ام البنين وفاطمة يبچن
ظلّن ينطرن جيّتك ظلّن
طالت سفـرتك
نروي مصيبتك
يحسين كل عاشور نحييها
....................

يحسين وبعد نذكر جرح جاسم والأكبر
شبه المصطفى لمـن وگـع جسمه وتوذّر
وجاسم چالبدر وجهة نخضب دمّه وتعفّر
الله يسـاعــدك ياسيّـــدي گلبك تـفـطّـر
اجمل شبــاب ثنين تنظرهم
فوگ التراب مگطّعه جثثهم
نـزلـت دمعتك
نروي مصيبتك
يحسين كل عاشور نحييها
....................

اصعب كل جرح جرح الاخو لمّـن فگدتّـه
عباس الـوفـي عالمشـرعـه بياحاله شفته
چفوفه مگطّعه ينزف دمه وعالغبره عفته
ظهرك منكسر حيلك وگـع لمـن تركـتـه
وحدك بقيـت بلا اخـو وحدك
وجيش آل اميّة مجتمع ضدك
انـت وعيلتك
نروي مصيبتك
يحسين كل عاشور نحييها
..................

وعظم فاجعه لمن طحت فوگ الوطيه
عليك تجمّعت يبن النبي كل آل اميه
وبصدرك گعد شمر الخنه شـرّ البـريـه
يگطع منحرك ياسيّــدي بذيچ المسيه
حـز نحـرك وشـال الرمــح راسك
يحسين ضامي وخلصت انفاسك
ظلّت جثّتـك
نروي مصيبتك
يحسين كل عاشور نحييها
..................

والاعظم وشد ياسيّــدي زينب ولوها
هجموا عالخيم وتفرهدت نار اشعلوها
ايتــام وحـرم لمـن متـت هـم سلّبوها
تقبل عالهزل زينب سبي بعدك خذوها
يحسين زينب تدري چتفوها
مسبيّـه لرض الشـام ودّوها
يـامـا نـدبـتـك
نروي مصيبتك
يحسين كل عاشور نحييها

سيد زيد الفحام
_________________________


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



رافضه يسمّونه فنهم يلاگــونه
*
احنه ترباتك يحـيدر ولد راعي المرجله
احنه تربية المجالس والزّچـيّه الفاضله
مانطخ الهام والله اعلــينه تشـهد كربله
ياهله ابموت الكرامه انصيح ياميّة هله
شيعتك يدرونه فنهم يلاگــونه
*
عالسّـواتر فــرد وگفه وگفــــوا الوفّايه
ياعلي وبچف حشــــدنه ماتطيح الرّايه
ماتهدها چفـــوف ادينه راية العز هايّه
بيها ريحة چف يمينك دومـــها امعلّايه
والحشد ياعونه فنهم يلاگــونه
ياعلي هذا عراقك والتّحرسه اجنودك
وگُبّتك مركز قياده كلها تحچي بزودك
امنين ماجيلك بدايه ماكو حد لحدودك
علــي يمتعّب الدّنيا من يلاوي زنودك
الحــرب كونه فنهم يلاگونه
*
من أثر يوم السّــــقيفه الضّدتك لسّاعه
ياعلي اتدّوّر كراسـي بالحُــــكم طمّاعه
اعلينه لوصارت دواعش دنية الخدّاعه
ياعلي منعـوف حُــبّك يلّي حُــبك طاعه
خلهم ايسمعونه فنهم يلاگــونه
*
كلها خل تســمع ندانه بس علي والينه
غيره منبايع وحگّـــه يشهد الله اعلينه
علي للمُختار صهره علي حارس دينه
علي باب الجنّه بيده وعلي سر تكوينه
كلهم يعرفونه فنهم يلاگــونه
*
علي قطب الكون چفّـــــــه لويريد يمـــــيله
ولهذا انصيح كلـــنّه علي حامي ادخــــيله
علي شمس الله وضُحاها علي صُبحه وليله
علي آياته العظــــــيمه ومُحكَـــــمه وتأويله
وين اليدانونه فنهم يلاگونه
*
الشّاعر / أبو سجّاد الجعفري
8 صفر 1439هـ



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



عالفطره حبّيناك وبدمنه بايعناك
يحسين هاك اخذ العهد آخره ودنيه وياك
*
كل مُحــب من حقّه يجن لو بَعَد محـــبوبه
ومن حقّه لوشـوفه يرك ويضــــيّع دروبه
ادخيلك يسلطان العشگ ياأجـــمل اعذوبه
لومنته دنيانه عــــــــدم مودنيه محسوبه
بالدّم الك ماضين عشّـاگك السّبعين
للموت مانخلف وعد آخره ودنيه وياك
*
شتسـوه الحياة بلا مُحب يالماكو أعـز منّك
لهل الأرض وأهل السّمه كعبة عشگ چنّك
سيوف الضّلاله مشرّعه وللحــرب يردنّك
أنصـــارك ولانفـــــترگ للمـوت أبد عنّك
ياقبلة الأحرار يامشعل الثّوار
بالدّم كتبنالك عهد أخره ودنيه وياك
*
من گبل آدم هالعـــــهد واحنه برحاب الذّر
خطّته گلوب العاشــگه أنصار أبو الأكـــبر
لو ألف مرّه نموت الك لو وذر نتـــــــوذّر
مانزل عــــن دربك أبد مالحظه نتغــــــيير
ربّ الجــلاله اختار من خلقه الك أنصار
بعالم الميثاق وشَهَد آخره ودنيه وياك
*
بعـالم جنونك چم مُحب ذاب وتملّـــــــــكته
طلّگـــــلك الدّنيه وإجه بلهفة گلب شـــفته
بديوان الأنصار انكتب ناصـــــــرك دوّنته
ومركز قيادات العشگ بالطّف صرت انته
يغلى وأعز محبوب ذوّب هواك گلوب
عدها الممات أصبح شهد آخره ودنيه وياك
*
من دگّت أجراس الحرب والحومه طَبّوها
بذيچ البســاله استبسلوا والموت راووها
غَطّت ســـــماء المعركه راية الرّفّـــــوها
أنصـــارك الكلهُم وفــــه والعلـيه ركبوها
وهوّسوا هوسة موت رغُم أنف كل طاغوت
لا مانطخ الهام أبد آخـره ودنيه وياك
*
الهُم الجــــــــنّه اتزّيّنت واستبشرت بيهُم
ياهلا بأنصار الوفــــــه گامت تحــــــييهُم
افترشـت رياحين الورد واســتقبلت ليهُم
دعوتها تسبيحة عشگ عجّل يوالــــــيهُم
ياسيد أهل الشـــوگ من عاشگ المعشوگ
دعوة مُحب بس انته ود آخره ودنيه وياك
***
الشّاعر
أبو سجّاد الجعفري
17 ذو القعدة 1439هـ



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



قصيدة مقدمة مجلس للخدام


خـادم منبـرك يحسيـن سجـلني
امشّي عليك امك فاطمه اقبلني


اقبلني بخدمتك سيدي يحسين
تهيّـأت لخـدمتـك ياامــام الدين
ملابس سود حضّرت ودموع العين
عليـك بداعـة امـك لا تفشّـلنـي


شهر عاشور اجاني وحضّرت روحي
انوح ابمجلسك ما ينگطع نوحي
جروحك ياحسين احسبهن جروحي
دعيت الله بخدمتك دوم يجعلني


دعيت الله اظل بمجلسك خادم
يحسيـن واوزّع مـــاي للـوادم
مو دايم عمرنه يروح مو دايم
وخاف ذنوبي عن مسعاك تخذلني


تخذلني الذنوب وخايف اتأخّر
اريد اگضي حياتي بخدمة المنبر
وكون بكل عزاء ابمحلسك احضر
حبي لمجلسك يحسين يحملني


دخيلك سيــدي وفقّنـي ليليّـه
اجي واحضر وشارك بالحسينيه
صفّيت لخدمتك سيدي النيّــه
وي باقي الخدم يحسين تشملني


گبل لا موتي يحضر رايد اُمنيتي
اصبح خادمك وتفاخر بصيتي
تربيتي بخدمتك آنه تربيتي
دنيه وآخره يحسين تكفلني

خادم الإمام الحسين عليه السلام
سيد زيد الفحام
_______________________



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



سيد علي الموسوي
الله يحفظكم ينــــــور اعيونـــي
ابكل مصاب وكل عزه اتواسوني
أدعي من الگاكم **** الله لا ينساكــــم
ينور اعيوني...ينور اعيوني
ـــــــــــــــــــــــــــــــــــــــــــــــــ
أنتظركــــــم بالمجالــــس يامواليــــــن
خطوه خطوه امنين اجيتو امسجله دين
أرد اگلكم وآني أعرف ماامقصريـــــن
والله تجبر خاطري الدمعه علـه حسين
كل مصيبه هوناهه امصابـــــه
ضهري محني عالسليبه اثيابه
روحي تنعه اوياكم...الله لاينساكــــــم
ينور اعيوني...ينور اعيوني
ـــــــــــــــــــــــــــــــــــــــــــــــــ
آنه وامي نگعد اباب العزيـــــــــه
اني اعاين ليهه واتعاين عليـــــــه
لو قره الناعي نضل ننحب سويـه
انموت لو صار النعي عالهاشميه
لمن اسمع بيهه وسط الحومه
أرد اگوم وحيلي مابي گومـــه
وابچي ويه ابچاكم...الله لاينساكــــــم
ينور اعيوني...ينور اعيوني
ـــــــــــــــــــــــــــــــــــــــــــــــــ

دمعة اليبچي تضل عينـي عليهــــه
ابعمتي زينب دمعته اتذكرني بيهـه
من وگع عباس كافلهه او وليهـــــه
اتصيح خويه وهو مايگدر يجيهــه
أيست من چلمة الياخويه
گامت اتون ياعلي يابويه
والجــرح ناداكم...الله لاينساكــــــم
ينور اعيوني...ينور اعيوني

ـــــــــــــــــــــــــــــــــــــــــــــــــ

من اشاهدلي طفل بالمجلس اينـــــوح
هذا اگول اشعرفه ابعبدالله مذبــــــوح
الصاح زينب ياغريبه ايهد الاجـروح
اليقره عالتل والمخيم ياخذ الــــــروح
ياهو گلكم ماكو شيب ابراسي
شيبت لمن وگـــع عباســــــي
وآني غاد اتناكم...الله لاينساكــــــــم
ينور اعيوني...ينور اعيوني

ـــــــــــــــــــــــــــــــــــــــــــــــــ





اشلون اعوفه المانسه حسين وبناته
هذا چان المجلس أغله من حياتـــه
والله ماأنسه جهــوده وتضحياتـــــه
والبچه اعله حسين مايبچي ابمماته
بالخدامه جدي رافع هامه
والزچيه تشفع الخدامــــه
علي يتلگاكــم...الله لاينساكــــــــم
ينور اعيوني...ينور اعيوني

سيد علي الموسوي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



سيد علي الموسوي
بالمجالس...عوابس...إلچ وفايــــه
يالزچيه...وهويه...خدمتچ هايه
يازهراء...يازهراء...يافاطمه

ــــــــــــــــــــــــــــــــــــــــــ

حيدريه اعلينـــــه...يشهد الكـــــــون
نفخر اتسمينـــــــه...رافضيـــــــــون
مو مــــره لا ألف گلناهــه
والصرخه هذه عليناهــه
يالزهـــــره بالعشگ نتباهه
فاطميون
واليلومون...يزهراء...فلا فهمونـــه
حگهم الناس...مجانين...إذا سمونه
يازهراء...يازهراء...يافاطمه

ــــــــــــــــــــــــــــــــــــــــــ

مانعيش ابدونــــچ...وانتـــــي تدريــــن
عايشين ابخيــــرچ...ياضـــــوه العيــن
متنافــــــس كل محب تلگينـــه
چــــم عابس بالعشگ نادينـه
واللابـــــس أسود اتحبينــــــه
يـــم الحسيـن
وحگ زينب...تأمرين...فقط حشمينـه
عله گولـــة...أهلنـــــه...جسر تلگينه
يازهراء...يازهراء...يافاطمه
ــــــــــــــــــــــــــــــــــــــــــ
خدمتچ محلاهـــــه...مامثلهـــــــــه
نظره منچ تســــوه...الدنيه كلهـــــه
يانعمــه يا أجل إنسانــــــه
يارحمه كل وكت ترعانه
بالخدمه جبنه كل دنيانــه
ومانملهـــه
ياسوالف...مضايـــــف...بخت واحچايه
ابعالم الذر....والاصلاب...عگدنه الرايه
يازهراء....يازهراء...يافاطمه

ــــــــــــــــــــــــــــــــــــــــــ
مايهمنه اللايــــــــم....واليضـــــدون
وبعشكنه الـــــوادم....مايفهمـــــــون
وعيونـــچ خلهم ايضدونه
أحبابـــچ فاطمه ايعرفونه
عن حبچ والله ميغيرونه
لو يموتون
خادمچ غاد...يـــــزهراء....خدمته اسلاحه
إحنه أحباب....بالاحساب....سهمنه الراحه
يازهراء....يازهراء....يافاطمه
ــــــــــــــــــــــــــــــــــــــــــ
يالوديعــــه امحـــــرم...بالگلـب نار
فاطمه واحبابــــــــــچ...كلهم انصار
بالغايب تنكشف هالغمّـه
مهدينه يجلي هم الامـــه
نترجه وندعي أللهـــــمَ
عجل الثار
واحسينا...يزهـراء....تصير اقرايه
والمواكب...إلچ يوم....تجي مشايه
يازهراء....يازهراء....يافاطمه
***
سيد علي الموسوي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



خادم واجيت الحضرتك بعتابك أتوسّل جاي
رايد امــرادي خــدمتك عزّة مماتي ودنياي
بكل دمعه من أيتامك تحسبني من خدّامك
*
دوّريت أيّام عمـــري من الصِّـــبه حد المشيب
مالگيت بگلــــبي غــيرك ياأعـز وأغلى حبيب
هيچ عالفطره عشـگتك عشــگ مامنّه عجيب
مالك حساسي وكياني منّي أحس دومك قريب
هيهات عنّك أفــــترگ يالسّاكن اصبي العين
مثلك فلاشايف عشگ جنّني حُــــبّك يحسين
ذاب الگلب بهيامك تحسبني من خدّامك
بعتابك أتوسّل جاي
نوّخ ابّابك رجـــــائي او يم عطائك بيّه جه
حسين والكلمن گصدلك أدري هَمّه اتفرّجه
أمواج دنيانه وعواصف بيها ماواحـد نجه
بس البحُــــــبّك تمسّـــــك فاز ياباب الرّجه
نوح بسفينه الرّاســـيه من كُلِّ زوجين اثنين
وحسين سُفنه الجاريه البر الأمان ابكل حين
يادهـر طول أعوامك تحسبني من خدّامك
*
باب عرش الباري بابك والك بالطافــــه عهد
حسين سلطان الشّفاعـه حسين مفتاح الشّدد
اخـتار الك من بين خَلقه والك كل خَلقه وِجَـد
ياشــــهيد أمّـــــــة نبيّه الك ربّ العـــــزّه وَد
كلشي الله يحسين انطه لك
وأصبحت سلطان الكـــون
ليك الشّفاعه والهلك لَوْقُلتَ كُن يعني يكون
تأشيره من ابهامك تحسبني من خدّامك
*
كلّي تقصــــــير بحياتي وأبد ماعـــندي عمل
ينفع بعــــالم نشـوري ويحضــر بذاك المحل
غير حُــبّك يابو الأكــبر مسكني ومهد الأجل
ودمعـتي وهاي المجالس الها ربّ العزّه جل
يوم الورود مـروّتك كل خادم تحضره هناك
ماعدنه غير محبّتك كل گلب عاشـگ ناداك
رادودك ولطّامـــك تحسبني من خدّامك
اعليك بالكسروا ضلعها وخدها ذاك المنسُطر
ويه الخَـــــدم تقبلنّي خــــادم منّي لا لا تعتذُر
باچــــر الخــــدّام كلـــها عيونها بجاهك تسُر
سائل ورايد خــدمتك بيها كون اگضـي العُمر
يارحمة الله الواسعه عليك بچفوف العباس
شان اليخدمك ترفعه وتعــزّه مابين النّاس
فدوه التّراب اجدامك تحسـبني من خدّامك
بعتابك أتوسّل جاي
*

الشّاعر
أبو سجّاد الجعفري

ربيع 2/ 1439هـ



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



روحي بحضرتك حضرتك حضرتك
مالي بس خـدمتك خـدمتك خـدمتك
*
حسين يا أوّل عشـگ بيه أحسّن من صـدگ
دوم من گلـبي قــريب ويّه كل دگّـــــه التّدگ
معلّگه روحـي بهواك ما أشوفن بس ضواك
ماكو أعـز منّك حبيب غالي يالگلـبي شتهاك
من صدر أمّي الحنون حُبّك ارضـعته بجنون
منها وي صافي الحليب ريت خادملك أكون
وضمني بخيمـتك خيمـتك خيمتك
مالي بس خدمتك خدمتك خدمتك
*
قابل بحبّك أســــــير ياحبيب الكل فقــــــير
يلّي ماعندي سـواك سيدي ونعمَ الأمـــــير
خصّـك الرّب الودود وخلق لجلك هالوجود
للعــــــلل بلسم ثراك عَذب ياعطـر الورود
گُبّتك باب الرّجـــــاء يسـتجاب الها الدعاء
أمّن الدّاعــي بدُعاك ياحبيب أهل السّــماء
أقسـم بغُــربتك غُــربتك غُــربتك
مالي بس خدمتك خدمتك خدمتك
*
بالحــوائج من أجيك گبل لا أقســم علــيك
بزينب وچف الكفـيل بالعطــــاء اتمد اديك
واسمع تناديني هاك اخـــذ يالزّاير رضاك
تعـــتذر خافن قلـــيل وانته مغنيني بعــطاك
وعله شبّاچك أطوف أمسح الخد والچفوف
يعجز السـاني الكليل شكرك وانته العطوف
ياضُخـر شـيعتك شـيعتك شـيعتك
مالي بس خدمتك خدمتك خدمتك
*
ياحُسين اشگد چبير صحنك مشـبّعني خير
حتى لطيور الحــمام سُفرتك يبن البشــــير
صوت من خلف الضّريح چنّه من نحر الذّبيح
للإمام المُســـــــتظام ماد چف ايده الجريح
يدعو ربَّ العالمـــين شـــــافعاً للمُــــذنبين
أدخلــــوها بســـــلام يامُحـــبين الحُســـين
جَنّته بروضتك روضتك روضتك
مالي بس خدمتك خدمتك خدمتك
***
ياثره الضّــــمّك تراه بيك ربّك قَدّســــــــاه
مهوه أصـبح للقلوب وعله كلهن فضّـــلاه
تراب طفّــــچ كربلاء وصار عنوان الولاء
ولكِ مِنْ كُلِّ صَـــوب تهفو شــــــوقاً للِّقاء
جَنّةُ المــــأوى تراچ للحبيب الله اصطفاچ
كربله بهــواچ أذوب وأندفــن ريت بثراچ
بيها أشــم ريحتك ريحتك ريحتك
مالي بس خدمتك خدمتك خدمتك
( الشّاعر // أبو سجّاد الجعفري // 29 رمضان 1439هـ)



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



قصيدة شور في الخدمة الحسينية


حُسين آه. حُسين آه
............

خدامك يبوالسجاد نبقه بكل زمن وياك
احنه بمجلسك نرتاح لمن نلطم وننعاك
الله لخدمتك يحسين خالقنه ونظل نهواك
عنك ننفصل هيهات دنيه وآخره بحماك
حُسين آه. حُسين آه
...............

يامحله العلاقه وياك بس انت الحبيب وبس
تجري ويانه مجره الدم بعطرك احنه نتنفس
عشنه الواقعه بحبنه بكل جرح التحسّه انحس
يحسين المحب لولاك دنيه وآخره يفلس
حُسين آه. حُسين آه
..............

خلّينه عله حُبنه وياك لا تبعدنه خلّينه
بدفتر خدمتك يحسين سجّل كل اسامينه
لخاطر طفلك المذبوح خل نظراتك علينه
خلّصنه العمر يحسين بدمعتنه وبواچينه
حُسين آه. حُسين آه
................

من نذكر ذبح نحرك نطبر سيدي الهامات
كل طبره حُسين نصيح حدما تنتهي المأسات
دمنه شما جره يحسين منّوافي الك هيهات
راسك عالرمح شالوه جسمك داسته الغارات
حُسين آه. حُسين آه
..............

صدرك بالخيول انداس ياريحانه الزهره
شما نلطم بعد ونزيد منّعوّض الم كسره
وچبدك بالسهم مصيوب ننحب لمن نذكره
سلبوك العده الاجراس جسمك ظل عله الغبره
حُسين آه. حُسين آه
..................

لو ندمي الصدور عليك نبقه مقصّرين اهواي
احنه براحه نشرب ماي وانت الماشربت الماي
ضامي وتنذبح يحسين شلون انرد وفانه بهاي
اعذرنه يبوالسجاد لخاطر فاطمة مولاي
حُسين آه حُسين آه

خادم الإمام الحسين عليه السلام
سيد زيد الفحام
_________________________



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



خالقني ربي لحضرتك
تاج اعله راسي خدمتك
حسين حسين حسين
##############
بعالم الذر و اعلنت ولائي
و قررت ترخص الك دمائي

يحسين قبل التكوين
سويت الك لطمية
و اقريت باللسان الحال
عن زينب المسبية
ما بين رحم و الاصلاب
چانت الي احسينيه
عن طفلتك قاري هناك
متسلبة الترچية

بمجلس عزائك مستمِر
يا من الك فدوة العمر
حسين حسين حسين
####################
طفل احبي و احضر ابعزائك
امي رضعتني مصيبة كربلائك

تاخذني امي اصغيرون
لمن تروح اقرايه
عالفطرة الطم مولاي
وي لطمة الملاية
و بالدمعة ازگي الرضعان
و اشكي الفرات و مايه
و انحب واحس الاملاك
تنحب سوه ويايه

من صغري عاشك مأتمك
يا ريت اصيرن خادمك
حسين حسين حسين
##################
لشاطي حبك لملمت نوارس
والِدي رباني عالمجالس

من والِدي اعرفت اشلون
المجلس اشد احزامه
بالفزعة ويه الرادود
ماخربط اللطامة
و علمّني ضَرب الزنجيل
و شلون اگض القامة
و ابصبح اول عاشور
لازم ادگ الهامة

و علمّني فلسفة الدمة
بطبراتي اواسي فاطمة
حسين حسين حسين
###################
و من كُبَر عمري وبده شبابي
زادت اوجاعي و كثَر عذابي

اسمعت ناعي ينعاك
و عن الطفوف اتكلَم
بالخيل يصرخ داسوك
و كل عظم بيك اتهشَم
چن روحي چوتها النار
و الحيل مني اتهدَم
من گال راسك مرفوع
و من نحرك يخر الدَم

شما اسمع بطاري الرمح
من هضمي لاجلك انذبح
حسين حسين حسين
####################
عالگمر مستشعر بونينك
و اعله عبدالله عشت حنينك

و لعلي الاكبر مولاي
وياك احس باللوعة
و لجاسم و عرس النوح
بعيوني اضوي اشموعة
بسبي الحرم و الاطفال
روحي غدت مفزوعة
و الگلب من درب الشام
دگاته ما مسموعة

لو اسمع ابونة طفل
مثل الخيم نار اشتعل
حسين حسين حسين
####################
و يالعليلة كل وگت اتاني
و مثل ام الاربعة اعاني

يا يوسف احلامي شلون
شَيَب گلب يعگوبك
ابيض صبح فص عيناي
و لا جتني ريحة ثوبك
وين انتظر شخصك وين
تاهن عليه ادروبك
سايم عليك الزهراء
لا تگطع ابمحبوبك

بحبك ضعن گلبي رِسه
و انت الهوى الاتنفسه
حسين حسين حسين
##################
علي حسين الكناني



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



قصيدة في الخدمة الحسينية


صوت من وحي المنابر بالشعائر نلتزم
بـيـك آمنّـه ورضينــه وعتلينه عالأمم
بهالمبادئ ننتصر. وبخدمتك نفتخر
ياحُسين. ياحُسين
.................

ياحبيب الله ورسوله خامس اصحاب الكساء
احنـه خـدامـك بقينه ولـتـزمنــه بهـالــــــولاء
علّمتنـه عله المبـــادئ ياحُسيـن بـكـــربـــــلاء
ماكو عند البـاري اعله من مـقـــام الشـهــــداء
الله خصّك بالشـهـادة والسيادة ياحُسين
وحنه شيعتكم نودكم وبنهجكم سائرين
بالخدامه نستمر. وبخدمتك نفتخر
ياحُسين. ياحُسين
..................

انـت قــائــدنـه وامـلنـه سيّـدي وحنـه الخَدَم
الله خـالقـنـه لخـدمّتـك احنه من دونك عـدم
اي وحـگ ربَّ الـجـــلاله نقسـم بـهــذا القسـم
مانـعــوفـك الله يـشـهــد بالمـجـــالـس نلـتـزم
هاي اصوات العوابس بالمجـالس نادتك
بيك يحسين التزمنه وهذا دمنه فدوتك
ماكو بينه اليعتذر وبخدمتك نفتخر
ياحُسين. ياحُسين
..................

شگد تـعـذّبـنـه بخـدمّـتك في سبيلك ياحُسين
والله مـا وفّـيـنـــه لـجـلك نشعر احنه مقصّرين
خـدمـتـك اشـرف وسيـله هيّ دنيـه وهيّ ديـن
وعدنه تسـوه الدنيـه كلـها مـنّ نجـي بالأربعيـن
شوف خدامك عشگهم مايردهم اي خطر
ليـك تـتعنّـه ابمشـيــها ياوليـــها في صَفر
لخاطرك مو للأجر. وبخدمتك نفتخر
ياحُسين. ياحُسين
...................

خــادمـك انـت التـرفـعـه يصبح بجـالك اميـر
بنيتـه وبـأخــلاصـه يمّـك يرتفع قدره ويصير
وبـاچــر بيــوم القيـــامـه لا يخـاف ولا يحيـر
انت للجـنّـة الـتّــدخــله وينجه من نار السعير
غير شخـصـك مانبايع مانـتـابع مانريـد
خدمتك هيّ الوسيله والفضيله ياشهيد
مانعوفك للحشر. وبخدمتك نفتخر
ياحُسين. ياحُسين
.....................

كل وكت نحيي المجالس بالمـــدامــع واللـطـم
راسـك عله الرمــح عـالـي صدرك بخيل انهشم
سـيّـدي ومانـنســه زينــب حرگـوا عليها الخيم
وعالشـريعـه من بوفـاضل طاحن چفوف وعلم
دوم نبچي ومانسينـه ياولينـه مصيبتك
شوگ نتعنّـه ونطوفك ماتعوفك شيعتك
ولفـرجـكـم ننتظـر. وبخدمتك نفتخر
ياحُسين. ياحُسين

خادم الإمام الحسين عليه السلام
سيد زيد الفحام
________________________


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



"عاشگ مصيبه"

ياحُسين ابن علي. ... ياحُسين ابن علي
****
ياحسـين والك الله خالق الكون اعله مودك
عبدك وبن عبدك انه شنهي حالي بلاوجودك

تايه بدنيا الفناء. كلي اخطاء وذنوب
ونته دربك ياحسين هوّه خلاني اتوب
المجلسك لمن اروح. تنجلي عني الكروب
نورك ايشگ الظلام. ويخترق كل الحجوب
ياسراج الله المنير
امتيم ابحبك اسير
انه مجنون بهواك
يابعد روحي وهلي
ياحُسين ابن علي

*****
كل نبي انته جعلته. ينحب ويبچي عليك
وكل ملك يمك تعنه. بنيـنوى يقـبل اديـك

حته عرش الله يصيح. ياحسين وياغريب
واعتنه ليك الرسول يمسح الشيب الخضيب
فاطمه تون وتنوح. اعله جسمك السليب
واليحبك ياحُسين. يگضي كل عمره نحيب

الك اصحاب السماء
نـزلـو ونصـبو عزاء
گعدو اگبال الخيام
والصراخ اليعتلي
ياحُسين ابن علي
*********
نزلت الاملاك كلها. تلطم ابلايه شعور
شالو ارماد المخيم. وغبّرو بيها الشعور

مريم اوياها المسيح . موسى ينعاك بشجون
فاتحه نصبو عليك. ابمصرعك يـتلاطــمـون
فطرس اگباله الامين وباللــطــم يتـگــابلــون
موسى ينعه والخيليل وبالـنـعــي يـتنـــاوبـون

يوسف ايسل السهام
بصدر الحسين الامام
عشره داسنه الخيول
وهشمن صدر الولي
ياحُسين ابن علي
---------------------
آه يل صدرك تهشم. ياريته انداس صدري
آه يل نحرك تگطع. ريت هذا ايكون نحري

يلـي مـسلـوب الـرداء. كون اصيرلك ثياب
ونفرش حدرك حصير. ولاتنام اعله التراب
وانگلب شط الـفـرات ولليتامه اصبح شراب
الضامي بالصحره يشوف المـاي لاچـنه سراب

بيـدي اشـدنهـا الـحبال
احبي كون اعله الرمال
وخلي يكتلني ضماي
ونار چبدي تنغلي
ياحُسين ابن علي
---------------------
ابقى انصب لك عزيه. مايهمني حچي الناس
الناس خل تحچي عليه اليحچي ماعنده احساس

انته محبوب السماء. انته الاول والاخير
جودك ينگط عطاء. واگـف ابابك فقـير
عبدك ومالي سواك. نضـره منك ياامير
تدري اتنفس هواك. اشـهگ بلايـه زفير

ابقى اشمك ياهواي
يانبض گلبي وضواي
انه احبك من زمان
انته عشقي الازلي.
ياحُسين ابن علي
************
شهر المحرم اجانه. ابداري راح انصب خيام
ريت احرگهن عليه. وكون هذا مو حرام

چني عايش بالطفوف. هيج احسّن ياشهيد
بعاشرك يحسين اشوف. الشمر حز الوريد
للخيـم رايد تـروح. تـرجع الزيـنـب تريد
تخاف من حرگ الخيام. تشوف زينب العبيد

وتالي حرگوها الخيام
ونـتـه عالـغـبـره تـنام
وتشوف زينب الناس
حرمه وبلايه ولي
ياحُسين ابن علي
**
الشاعرعمار الدراجي
اسالكم الدعاء والفاتحه ع روح والدي
حسن الحاج رشيد الدراجي



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ




قصيدة في ذكر الخدمة الحسينية


سيّدي مـروّتك ياحُسين المدد
هايم بخدمتك. ما اريــد ابتعد
.......................

خادمك يحسين وتشرف اخدمك
والــدك حيـدر عـلي والزهره امك
جــدك المخـتــــار والطيّــار عمّـك
ياحـلات سنيني من اگضيـها يمك

عايش بجنّـتـك ياحبيب الصمد
هايـم بخدمتك. ما اريــد ابتعـد
...................

آنـه عبـدك سيّـدي ما عندي غيرك
عايش سنين العمر كلها عله خيرك
ياحُسين وماشـفـت واحــد نظيرك
طيّب وگلبك سـمـح تـرحـم اسيرك

عاشگ محبّـتـك يانسيم الورد
هايـم بخـدمتـك. ما اريد ابتعد
......................

احـله أيــام العـمـر عُمر المجــالـس
كـل محــرّم انـت تـزرع بيّه واهس
تگلّي صير بخدمتك مجنون عابس
حته تعرف سر عشگنه وبي تنافس

خادم لشيعتك. هذا مني عهد
هايم بخدمتك. ما اريـد ابتعد
....................

سيـدي يحسيـن وفّقني لخـدمّتك
من زغر سنّي همت بيك وعشگتك
أمي رضعتنـي ابمحبّـتـــها محبتك
وگـالـت لخـدمـت ابو الأكبر نذرتك

من ترف رايتك للعَـزَه استعد
هايـم بخدمتك. ما اريد ابتعد
.....................

نظره منك تكفي يالغالي عليّه
اقسم عليك بجرح بنّتك رقيه
لا تضيّـع خــادمـك ألـزم اديّـه
يمي اريدك تحضر بيوم المنيّه

عِشرتي وعِشرتك. احله من الشّهد
هـايـم بـخـدمتـك. ما اريــد ابتـعـد
......................

الدنيه لو ما خدمتك شنسوي بيها
احله ما بيـها المجالس من نجيـها
نلگه بيـها الزهـره ونشـارك بچيـها
امّـك تسـجّـل اسـامينــه بـأديـــها

نبچي لمصيبتك. سيدي بكل بلد
هـايم بخـدمتك. ما اريــد ابتعـد

لحن القصيدة ملا باسم الكربلائي
ياصبرنه ابتعد. ماتت الوالده

سيد زيد الفحام
____________________________


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



الج خادم يسموني يزينب
من اذكرج تهمل عيوني يزينب
يرد الساني الطف عنواني وبوجداني هاي الخدمه
ــــــــــــــــــــــــــــــــــــ
الج عمري نذرته ورخّصيته
ودرب هالخدمه بسنيني شريته
يهل دمعي اذ اسمج ردديتهه
يزينب والدمع لجلج جريته
ابد ما انسه مأساتج يزينب
دمعتي اتواسي دمعاتج يزينب
هاي احزاني الطف عنواني وبوجداني هاي الخدمه
ــــــــــــــــــــــــــــــــــ
شرف لو خادم اتسميني هالناس
لان هل خدمه بيهه رفعة الراس
اذا عباس خله عيونه حراس
علخدرج جا صبح قدوتنه عباس
يدك صيوانج ابأيده يزينب
اخي حسين وعضيده يزينب
سر راواني الطف عنواني وبوجداني هاي الخدمه
ــــــــــــــــــــــــــــ
الملائك تفتخر لو تخدمج يوم
على الخدمه شكر ضل تسجد اتكوم
اذن جا حكي ادعي وكلبي مهظوم
انه من الخدمه ماضل لحضه محروم
شرف للي يخد مونج يزينب
رمز للحك يعرفونج يزينب
نور ايماني الطف عنواني وبوجداني هاي الخدمه
ـــــــــــــــــــــــــــــ
على جناح الكلب صبح ومسيه
يزينب آنه الج ناصب عزيه
اذكرنج يبت حيدر سبيه
واهيم ابمحنتج بالغاضريه
ايتراوالي الطفل يندب يزينب
واحير بمحنتج شكتب يزينب
تحير اوزاني الطف عنواني وبوجداني هاي الخدمه
ـــــــــــــــــــــــــــــ


انه من اكتب قصيده وبيهه دمعه
صور تطلعلي اشوفن بيهه شمعه
نحيب من المخيم جنّي اسمعه
اخت يم الاخو وكفت تودعه
يكلهه حسين اودعنج يزينب
على اعيالي اامننج يزينب
وكل رضعاني الطف عنواني وبوجداني هاي الخدمه
ــــــــــــــــــــــــــــــــــــــــــــ
الشاعر /// محمد حسن ضيغم



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



بسمه تعالى 1

المستهل :-
* أًظل خادم لبو السجاد لآخر لحظه من عمـــري
*غير الخدمه آنه اوياي باﭽــــــر شاخذ الگبــري
يدگ گلبي واسمعــه ايصيـح ... آه يحسين ومصابه
0 اوتكتب دمعتي امن اتطيح ... آه يحسين ومصابـه
ــــــــــــــــــــــــــــــــــــــــــــــــــــــــــــــــــــــــــ

مابين الحياه والمــــــوت صرخــــة فاگــــده او دمـعـــــــه
وداع او نعرف اليمشــون مـا بـيـهم بعـــــــــد رجــعـــــــــه
بس ندري المـوالي اهـنـاك دمعــــه او خدمتـــه اتنفعـــــــــه
أنـه الـواليــت ابــو السجـاد او صـوتي ابكـل عـزا ايسـمعـــه

*يعيش ابروحي هذا الصوت--آه يحسين ومصابــه
*أردد بيــه أظل للمــوت--آه يحسين ومصابـه
0على صدري أثر ﭽفيــــن كتبن يا علي ابصدري
0غير الخدمه آنـــــه اويـــاي باﭽرشاخـــــذ الگبـــري

ــــــــــــــــــــــــــــــــــــــــــــــــــــــــــــــــــــــــــ

1. باݘرعالســـــراط النـاس تــوگف كلها منتظـره
او كل واحد شفيعه اهناك ما بين الملا أيــدوره
نفرض ما اشوف احسين أندب فاطمـــه الحـره
ما معقوله رب الكـــــون يكسر خاطر الزهـــره

*أنادي ابعاليات الريـــــح -- آه يحسين ومصابه
*اشلون أعبر بلا تصريح -- آه يحسين ومصابه
0 حايـر والذنوب اثگــــال أحس بيها اكسرت ظهري
0 غيـــر الخدمـه آنه اوياي باﭽرشاخــــــــذ الگبري



أناطر يمتـــــه حادي البيــن بيـــــــه للنجف يحــــــــدي
ساعه او يرجـــــــع الجنــاز وانزل حفــــرتي الوحــــدي
أنه او وحشـــة لحـد شبرين ذليـــل او دمعتـــي اتنــــدي
قلق واعرف وراي احسـاب اوغيــرالخدمـــه ماعنـــدي
*أذكــر صرختي ابعـــاشور -- آه يحسين ومصابه
*واصيحن ويه نفخ الصور -- آه يحسين ومصابه
0 يبواليمه اعتمادي اعليك وانتــه ابحالتي تـــــدري
-غير الخدمه آنـــه اويـاي باﭽــــرشاخـذالگبـــري
ــــــــــــــــــــــــــــــــــــــــــــــــــــــــــــــــــــــــــ
كلنه انتاني داعي الموت واكـيد انلبي هالدعـــــــوه
او لابد ماتضمنه الگاع اوكل طول اللحـد خطــــوه
حقيقـه اومنها متأكـدين الدنيه اشما غدت حلـــوه
نـعرف بيها ابـد متــدوم لݘـن عنـده البشـر قســـوه
*يظل عدنه الأمل بحسين -- آه يحسين ومصابه
*شعار الشيعه يوم الدين -- آه يحسين ومصابـه
0 وينك ياشفيـــع الناس شوف ادموعنه التذري
0 غير الخدمه آنه اوياي باﭽــر شاخذ الگبــري
ـــــــــــــــــــــــــــــــــــــــــــــــــــــــــــــــــــــــــــــــــ
أمل عدنه يبو الأحـــــرار ذيݘالساعه تحضرنه
تعلم بينه مظلوميــــــــن او تعرف كل سرايرنه
بالمحشر علينه احكــــام او غيرك من يحـررنه
و نشيد الشيعه حتى اهناك يحسيــن ابضمايرنــه
*دخيلك نصرخ امن ابعيد -- آه يحسين ومصابه
*أمان اوصك براءه انريد -- آه يحسين ومصابه
0 الموالي اللي تعلگ بيك ينادي او دمعته تجري
0 غير الخدمه آنه اويـاي باﭽـرشاخذ الگبـــــري


خادم اهل البيت (ع )
ابو حيدر المجراوي
1437 هجرية


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



فاطمة العليلة (عليها السلام)

شـلــون أخــذﭺ يـمــدلــلـه
والمــوت تــارس كـربـلـه....ومـتـانـيـنـي
والـنـار مـشـتـهـيـه اخـيــام
والهـوه محـزمـيـنـه اسهـام....ومـتـانـيـنـي

مـا يسـتـمـع..صـوت الدمــع..بس اﻠﮔـبـل لا يهـمـل يشـوفـه
بعـيـنـﭻ آلـم..بـــس انـكــتــم..البـنـيــه يـم والـدها معــروفـه
تسـكـت تسـولـف يفـتهـم مـﮔـصـدهـا
ويدري بمشاعـرها شتضم وشعـدهـا
وﮔﻠبـﭻ حـﭽـه.. وﮔبلـﭻ بـﭽـه..وفوﮔ الجفون اتبده كل خوفـه

شـمـيـنـي خل اشـتــم هـوه
ويبنيتي ما يرضى الضـوه..ايـمـر بعـيـني
ولا حيل الي ايحرك اجدام
والهـوه محـزمـيـنـه سهـام....ومـتـانـيـنـي
ــــــــــــــــــــــــــ1ـــــــــــــــــــــــــــ

ابعـيـد الدرب..يـﭽـوي وصعب..ترفه وعلـيـلـه شــلـون تمشيـنه
والطــف دمه..ونــــار وضـمـه..ولا حـيـل اليـعــيـنـﭻ تحـمليـنه
وهــو البحـيـلـه وشـاف حـال الاكـبـر
يـنـظـر لـﮔـﻠـبـه ايطـيـح يـمـه امـوذر
وحالـﭻ كلف..وﮔـلـبـﭻ تــــرف..وتحتضر روحـﭻ من تشوفيـنه

وعـنـﭻ أخـــافــن الـتـهــي
والمـوت بالطـف يـشتـهـي....اليضوي اسنيني
وكل البـقــه بعمــري أيـام
والهـوه محـزمـيـنـه سهـام....ومــتـــانـــيـــنـي
ــــــــــــــــــــــــــــــ2ـــــــــــــــــــــــــــــ

ودعــي الأهــل..وشـوفـي الآجـل..مثـل الحمام امخـيـم اعليـهـم
وشـبـعـي النظر..ﮔـبــل الـقـــــدر..اتحني بعطرهم من تودعيهم
ودعــيـهـم امــوادع الـما بـي رجـعـه
وهـي شـيـردهـا مـن تـذوب الشـمعـه
وحــتــى اليــرد..بـعـــد الـبُـعــــد..كـثـر المـواجـع ما تعرفـيهم

وعبـد الـلـه يبـنـيـتي السهـم
يـرتـوي بنحـره ويــروه دم....ويحاﭽـيـنـي
بعـيــونــه ذيــــــــﭻ الآلام
والهـوه محـزمـيـنـه سـهـام....ومـتـانـيـنـي
ــــــــــــــــــــــــــــــ3ـــــــــــــــــــــــــــــ

اتعنّي بصمت..وحضـنـة اخــت..تحضـن اختـهـا المـا تـرد لـيـهـا
وخـلـي الوفـه..والـعـــــاطــفـــه..مـن عـنـدﭺ ايـتَــرّفـن تراﭽـيـهـا
ولـمــن يـجـروهــن تـخــف لـوعـتـهـن
ازغـيره اخـتـﭻ وهنه شكبـر شوغتـهـن
اتـضــم الإذن..لــو عـالـمـتــــن..لــو عـالـعــبـايــه تخـلـي ايـديهـا

مـذبــوح بـس ﮔﻠـبـي شعــر
اسمـعـهــا وانـه ابــلا نـحـر....شتحاﭽينـي
يا بـويـه ﭽـﺎ صـرنـه ايـتام
والهـوه محـزمـيـنـه سـهـام....ومـتـانـيـنـي
ـــــــــــــــــــــــــــــ4ــــــــــــــــــــــــــــــ

عـمـﭻ بـعــد..يوفــي الـوعــد..بس النـهـر مـا يـوفـي ويخـونــه
يــوﮔـع نـعـم..بـس العـــــلـــم..عــالـي يظـل اشـمـا يـنــزلـونـه
وبالخـيــم زيـنـب بـس درت كـافـلـهـا
طـايـح لـمـن حـسـت الخـوف احتلـهـا
وسكنه ارتمت..وبيه انتخــت..رِد بـويـــه عـمـي ولا يغدرونـه

وﭽـنـت انه يـم المـشـرعـه
وشفت الـﭽـفـوف مـﮔطعـه....وبينه وبيني
حــال العـمــود الـبـالــهـام
والهـوه محـزمـيـنـه سهـام....ومـتـانـيـنـي
ـــــــــــــــــــــــــــــ5ــــــــــــــــــــــــــــــ

هـذا الضـعــن..يـرد للـوطــن..يبنـيـتـي بـس مـا ينوصف حالـه
حـيـره وقـهـر..شحـاله النِـظر..يمـشـي بحـمـاية سـيــف ﭽـتالـه
لا عـــمـتـﭻ تـعـرفـيـنـهـا ولا سـكـنـه
ومـامــش سـوالـف تبـقـى غير الونّـه
وصوت الحزن..لكـلـمـن يـحـن..للمــا يــرد يخـنـﮔ شـكـو ابالـه

وهـوَ شـيــرجـع المنـذبــح
يــبـنـيتي ويطــول الشـرح....بس ودعيني
مـن عـنـدﭺ اغـلى الاسلام
والهـوه محـزمـيـنـه سهـام....ومـتـانـيـنـي
ـــــــــــــــــــــــــــــ6ــــــــــــــــــــــــــــــ


أحمد البصراوي العبادي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



يالراد يوسف.       ردلي حبيبي انتظر
يالراد يوسف.       مابقه عندي صبر

خلص صبرنه.        بالونه عشنه

يالراد يوسف.    يالراد يوسف
🔴 🔴 🔴 🔴 🔴 🔴 🔴 🔴 🔴 🔴
ربي كل عام احنه نخدم بالمجالس
نخدم ابن الزهره عدنه هواي واهس 
كلنه نتسابگ نريد انصير عابس
مدرستنه حسين هيه ام المدارس

ياللهي.     شبان وسط الگبر
ياالهي.      وصغار اي بالعمر

ونه اعله ونه.    احنه واهلنه

يالراد يوسف        يالراد يوسف
🔴 🔴 🔴 🔴 🔴 🔴 🔴 🔴 🔴 🔴
هواي عدنه اعزاز نعجز من ذكرهم
راحو ومابقت يمنه بس صورهم
بالمجالس لو دخلنه نشم عطرهم
نذكر ادموع البچوهه ودك صدرهم

ياغوالي.        نلتقي بيوم الحشر
ياغوالي.        مجلس ويه المنتظر

والزهره يمنه.      تسجل اسمنه

يالراد يوسف.     يالراد يوسف
🔴 🔴 🔴 🔴 🔴 🔴 🔴 🔴 🔴 🔴
هل محرم والنحبهم مو قريبين
الكلب بفراك الغوالي صار نصين
الله ياخذهم لان شبان طيبين
ليش نحزن والنودهم يم الحسين

ياحسرتي.   شافو هناك الكمر
ياحسرتي.   وانه اعاين بس صور

ويزيد همنه.    ويكثر حزنه

يالراد يوسف.     يالراد يوسف
🔴 🔴 🔴 🔴 🔴 🔴 🔴 🔴 🔴 🔴
كل نوايبنه تره يم زينب اتهون
شافت انواع المصايب زينب ام عون
مو دمع تبچي اعله هلهه تبچي العيون
تبچي اي تعرف  بهلهه مايردون

مايرجعون.      وليانهه قدمو عذر
مايرجعون.      والخدر ضل بخطر

منهه صبرنه.      ويهيد آلمنه

يالراد يوسف.     يالراد يوسف
🔴 🔴 🔴 🔴 🔴 🔴 🔴 🔴 🔴 🔴
زينب الحره العقيله شافت خيول ونحر
شافت ابصدره الحسين مكوم اسهام وحجر
ركضت وكربت يمه وشككت اي بالنضر
رغم شافته بوضوح وجانت الدنيا ضهر

والمصيبه.         يسروهن بالعصر
والمصيبه.         تولو العيله سطر

نادن يبونه.       رقيه وسُكينه

يالراد يوسف.     يالراد يوسف
🔴 🔴 🔴 🔴 🔴 🔴 🔴 🔴 🔴 🔴
محمد_حسين_البيضاني



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



اركضلك ركض مجنون وشمر روحي عالشباك
صرت يعگوب من شفتك وتمنيت انام احذاك
كاتلني العشگ يحسين شيصبرني أبفرگاك
اموت وينعصر گلبي اذا جابو الي طرواك

يمخليني احبك حيل
ماجاي افتهمها الخيل
ليش توزع ابجسمك
نجوم وطشت اعالليل
🔴 🔴 🔴 🔴 🔴 🔴 🔴 🔴 🔴 🔴 🔴
من اوصل ضريحك كون الطم امي وصتني
منزغري ولفظت اسمك وهيه تگلي عفيه ابني
ابوي البيه كل الخير عله أهل البيت درسني
ماعلمني دار ودور شنهو حسين علمني

علموني الصلى كلها
وعمالي فلا ملها
هيج حسين جان يريد
شروط الله نطبقها
🔴 🔴 🔴 🔴 🔴 🔴 🔴 🔴 🔴 🔴 🔴
آه ياحسرت الي مات ما لحگ تره يخدم 
الطم بالمجالس حيل وأبجي حتى ماتندم
اسم الله اتكوله الزهراء لو شافت ابخادم دم
يقهرني الحظر لحسين وشيقروله ما يهتم

الطم خل عله عيوني
وطبر راسي بجنوني
خلي الي حجو يحجون
لبعابس يحرجوني
🔴 🔴 🔴 🔴 🔴 🔴 🔴 🔴 🔴 🔴 🔴
احبنك يبو الأكبر تعاملنه بصفات الله
حتى السيف كد ميغار فوگ اعله النحر صلله
لعمه مايتيهك دوم طريقه بعطرك اندله
لعنة الله اعله شمر ايزيد نحر حسين من حزله

الله ايعينها زينب
ذاك اليوم من تنحب
صاحت ياخو زين وين
ماتلفيني موش اندب
🔴 🔴 🔴 🔴 🔴 🔴 🔴 🔴 🔴 🔴 🔴
محمد حسين البيضاني


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



الج خادم يسموني يزينب
من اذكرج تهمل عيوني يزينب
يرد الساني الطف عنواني وبوجداني هاي الخدمه
ــــــــــــــــــــــــــــــــــــ
الج عمري نذرته ورخّصيته
ودرب هالخدمه بسنيني شريته
يهل دمعي اذ اسمج ردديتهه
يزينب والدمع لجلج جريته
ابد ما انسه مأساتج يزينب
دمعتي اتواسي دمعاتج يزينب
هاي احزاني الطف عنواني وبوجداني هاي الخدمه
ــــــــــــــــــــــــــــــــــ
شرف لو خادم اتسميني هالناس
لان هل خدمه بيهه رفعة الراس
اذا عباس خله عيونه حراس
علخدرج جا صبح قدوتنه عباس
يدك صيوانج ابأيده يزينب
اخي حسين وعضيده يزينب
سر راواني الطف عنواني وبوجداني هاي الخدمه
ــــــــــــــــــــــــــــ
الملائك تفتخر لو تخدمج يوم
على الخدمه شكر ضل تسجد اتكوم
اذن جا حكي ادعي وكلبي مهظوم
انه من الخدمه ماضل لحضه محروم
شرف للي يخد مونج يزينب
رمز للحك يعرفونج يزينب
نور ايماني الطف عنواني وبوجداني هاي الخدمه
ـــــــــــــــــــــــــــــ
على جناح الكلب صبح ومسيه
يزينب آنه الج ناصب عزيه
اذكرنج يبت حيدر سبيه
واهيم ابمحنتج بالغاضريه
ايتراوالي الطفل يندب يزينب
واحير بمحنتج شكتب يزينب
تحير اوزاني الطف عنواني وبوجداني هاي الخدمه
ـــــــــــــــــــــــــــــ


انه من اكتب قصيده وبيهه دمعه
صور تطلعلي اشوفن بيهه شمعه
نحيب من المخيم جنّي اسمعه
اخت يم الاخو وكفت تودعه
يكلهه حسين اودعنج يزينب
على اعيالي اامننج يزينب
وكل رضعاني الطف عنواني وبوجداني هاي الخدمه
ــــــــــــــــــــــــــــــــــــــــــــ
الشاعر /// محمد حسن ضيغم



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الخدام_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ



الى من جاءوا بأصواتنا ثم سرقونا نقول ;
=========
يالصِـعَـدتوا اﭼتـَافنا اولِـحتُوا البعـيد
جيتـُوا باسم حسـين واتـبَعـتوا يَـزيـد
جِـزنه مِنكُـم
ولا نـﮔِــلكم
يـُوم مَـلـﮔـاكُم حِـزن والفَـرﮔـه عِــيد
*
حسـين مُـو صَــوّرني اوَزّع بالثَـواب
وآنـه بـَـايع مَـبدأي ابرِخـص التِــراب
حسين ﮔـُول وفِعـل مو بس انتِـسَـاب
ولُو رِدِت خَـطـّـه تِـمِـد للفـقرَه إيـد
يالصِـعَـدتوا اﭼتــافنا اولِـحتوا البعــيد
*
حسين مُـو موكِـب حِـمَــايات وحَـرَس
واسِـــم رَنـّان وبالالقـــاب انـتِــرَس
حسين عاشِـﮒ صِحبِته حتَّـه الفَـرَس
لأن رقـَّـه ابـﮔلـــبَه مو قَســوَة حَــديد
يالصِـعَـدتوا اﭼتــافنا اولِـحتوا البعــيد
*
مُـترَفِــين وحَالكُــم حَـال المِلُــــوك
تشـــترُون الذِمَــم بـاورَاق وصِكـُوك
حَقّـي لو ثَـارَت أنا عِــندي الشِـكُـوك
إنتـم امن احفَــاد هــارون الرشــــيد
يالصِـعَـدتوا اﭼتـافنا اولِـحتوا البعــيد
*
صِرتوا أطـيَب ناس من رِدتُـوا الشَعب
يمشــي للصَــندوﮒ والكُــم ينتـِخب
ولمّـــن اوصَــلتوا لِعَــبتوا بي لعـِب
شما خِلَـص شُوط ابتِـدَه شُوط الجديد
يالصِـعَـدتوا اﭼتــافنا اولِـحتوا البعـيد
*
الخَـلَل مُو من عدكــم ومِـنه بِــدَه
وهــذا واقـِـع حَــال كِـــلنا انـأيــِّـده
البعَـــض سَــــوّاكم إلــــه اويعـبِــده
لمّــن ابأنظـَـــاركم صِــــرنه عَـبــيد
يالصِـعَـدتوا اﭼتـافنا اولِـحتوا البعــيد
*
إحنه مانِعــتب على المَـاعنـدَه ديــن
الـتِـبَـع شَرق وغَـرب باهـوَاءه سِـنين
العَتب عَ الـّي ﭼَـفه تِلطم عالحُسين
وللحَـرام اتصـيــح لَه هَـل مِــن مَـزيد
يالصِـعَـدتوا اﭼتـافنا اولِـحتوا البعــيد
***
النـاس مَـلّت منكم وكلشـي انكِشَـف
وصِـبِـع صَـوّت أمس هاليوم اخـتِلَـف
وعَلى خَدكُـم باﭼـر اتشُـوفونه كَـــف
يصفـَـع الوَجــه المُــنافـق والعَـــنيد
يالصِـعَـدتوا اﭼتـافنا اولِـحتوا البعــيد
============
لقمان لعيبي البدران



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA