#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


ندبة الامام المهدي عليه السلام

يمته صوتك يعتلي
وتظهر براية علي
تاخذ بثار الحُسين وثار عباس
..............

بالسلام عليك نبدي  سيدي يبن الحسن
انشالله بخير وسلامه  ندعي بدموع وشجَن
چم محرم مر علينه  الف عام امن الزمن
يمته للثارات تظهر  يالعليهن مؤتمَن

يمته ياتاج الزلم
من عدّوك تنتقم
تظهر بسيرة مُحمّد تحكم الناس
................

هذا عاشور المصايب  هيّجالك چم جرح
يابوصالح وانت گلبك. بي الف طعنت رمح
اكبر واعظم جروحك  يوم عاشر ينفتح
جدك يسفكون دمه  گبال زينب ينذبح

وهيه ما الهه احد
تنتظر المن بعد
حسين بخيول ال امية صدره ينداس
.................
حان وكت الثار يومه  انهض واعلن حرب
لسّه نحر حسين دامي  بالگبر دمه يصب
سهم ابن كاهل تشوفه  نابت بلب الگلب
ضامي من ذبحوه يمهدي  ونچوه بذاري الترب

بالصبر لا تكتفي
اخذ ثارك يالوفي
بأي مصاب مصاب گلبك حاشه ينقاس
...................

عمك العباس طايح. تدري بي يم النهر
من وگع وچفوفه طاحن  ظهر الحسين انكسر
عالشريعه الراية ظلت  تنتظر منك خبر
تاخذ بثار ابوفاضل  من تجي يالمنتظر

هذا ابن حامي الحمه
سوّه بالطف ملحمه
من علي وارث خصاله ما يطخ راس
.........

اعظم واصعب مصيبه. اذّتك يبن النبي
من خذوا زينب سبيه  آه ياجرح السبي
من بعد عباس وسفه. يحدي بيها الاجنبي
گوم گص راس السّباها  وفني حكم الناصبي

اظهر بسيف النصر
اشفي گلب ام الصبر
انت بس تشفي گلبهه عدها احساس
..........

نندعيلك بالمجالس  وانت حاضر تستمع
عجّل اللهم عجّل. للامام المنفجع
ثار ابواليمّه يمهدي سيدي وثار الضلع
ياوكت بيهن تطالب  نسأل بفيض الدمع

كلها تطلع شيعتك
من تشاهد رايتك
نتتظر ساعة ظهورك لاخر انفاس

سيد زيد الفحام
_

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


لسان حال كل خادم للزهراء عليها السلام

ما رايد مدح عالخدمه لا شُهره
بس رايد رضاتچ عني يالزهره
...........

يهنياله اليصفي النية بالخدمه
المهم گلب الموالي مو مهم اسمه
اليخلُص بالعمل يعله بعلو النجمه
ويهنياله التوفّق فاطمه تنظره
..........

اذا بيّه الغرور اتلبّس ابديني
دخليج فاطمه مولاتي نبهيني
بغروري وكبريائي لا تعوفيني
سماحچ والكريم يسامح الفقره
...........

اذا لا سامح الله وما قبلتيني
وين انطي الوجه مولاتي حاچيني
امامي المهدي يطردني ويجافيني
يضيگ بعيني هذا العالم بأسره
...........

اذا شفتيني مرّه تكبّرت بسمج
حلمج فاطمه مولاتي بس حلمج
للمجلس اجيتج أعتذر يمّج
التوبه التوبه عفوج عني هالمرّه
.............

اذا ما استحق خادم تسمّيني
خادم للخَدَم مولاتي حسبيني
اكنس بالمجالس عاد خليني
لو صفّط نعِل خدامج بعبره
.............

عله مصابج جبت عمري أون ونعه
الليالي الفاطميّة شهود والدمعه
اموت بلا مجالس والله يالبضعه
اريد ارضيج وجبر ضلعج وكسره
.............

اواسيج بمناحه ودمعه سچابه
المجلس لو اجيته اوكف ابابه
اصيح بصوت آ يحسين ومصابه
ومثل ما يقره ناعيّچ اظل اقره
.............

ادري بكل حُسيّنية ألچ لوعه
عله حسين الذبيح الكسرو ضلوعه
يهنياله التواسي دعوعج دموعه
ويوسّم باللطم يافاطمه صدره

#سيد_زيد_الفحام
__

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


ثالث مره أحسب بالهزايل -- قـليله ماتكفي ودمعي سايل
أحسبـيهن قـليلات -- وهـواي اليتيمات
----------------------------------------------------------
1= من قبل ساعه أتحضرو - للكــوفه نطــــلع قــررو - طلعــت سبايه
غير أنتهت هيه الحرب - وعالرمح الحسين أنصلب - ماكـــو نهايه
شبيها الناس من نبجي يضحكون
أهلــنه أتـــــذبحوا منه شيريدون
بهذني النوك بينه ويــــن يردون
-----------------------------------
أحـنه شنمتـلك غـير البواجي -- أهل ماعدنه وأخذوها التراجي
شيصعـد الغريبات -- وهــواي اليتيمات








2= هالـنوك ماتـكـفي سوه -- نصعـد عليهن والهوه -- يوكعـنه منهن
شنصير عالناكه شكــثر -- شتشيل خمسه عالضهر-- ويســيل دمهن
أذا نــصعـــد أسـيره بصف أسيره
زيـــن شلــون بـــيج أنــته جبيره
أمن أتــطيحين محد عـنده غيره
-----
هــاي الــنوك حــيرني أمرها -- أختارو وين الأزغير ضهرها
نشبع منها طيحات ** وهــــواي اليتيمات
******
3= سبعين أسيره أحنه تره -- ومن الشمس ماكو ذره -- كلنه عطاشه
والماي ضل فـوك النهر -- صرنه سمه وبـــلا كمر – كلـشي تلاشه
سفره بلا أهـــل مو سفـره موته
الجان أخرس علينه رفع صوته
السوك بلا أهل ب لله شيفـوته
------
ماتـنحمل لـــو كالو جبيره -- أخـــت عباس جبناها أسيره
علينه يباوع الفات -- وهواي اليتيمات


4= يا مـثـكل وجــوه الغــرب - تلاكـينه باجر بالدرب - وأحنه علاوي
أحنه أبطبعــــنه نستحي - من الطفل والملـتحي - والحادي ناوي
أيــفــرج بالسبي الــوادم علـينه
ويــسحب بينه بالسوك مـــن أدينه
وكــل ساعه يدخلــــــــنه بمدينه
*
أذا سألــــوه يــكللهم خــــوارج -- جبانهم أبنوك بلا هـــوادج
أبوهم بالحرب مات -- وهــــواي اليتيمات
*****
5= بالشام نسمع بس سمع - ندخلها ويصب الدمع - وروس الغوالي
تـدخل نحر لا زم نحر - وأحنه تعبنه من السهر - وتعـــــب الليالي
نطــب للقـــصر بتـــراب الخرابه
ويــزيد يشوفــــنه وينفـــض ثيابه
برقــيه يصيح لـتكــولـــــين بابه
------
حسينح عالرمح علـكـنه راسه -- وصدره بكربله حافرنه داسه
ماخلينه خـيمات -- وهواي اليتيمات
** عبد الجليل المالكي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


يحسين البشر - بالعـين شفناهم
بعــد النايحه - يدفنون موتاهم
وأحنه يا نهـيـــبتـنه -- ما مدفــون ميـتــــنه
-------------------------------------------------------------
1= ضلوعك جن ورك سدره - أشمال أيمـــين مطــشره
يبن أمي التسحكه الخيل - أتــضيع صدره من ضهره
جا حته الشجر يحسين يستر روحه بالوركه
من الدم بــــيمن نغطيك حته تراب ما نلكه
نايم مستحي وعــــريان شابك عـالرمح شبكه
*** نايــم عالوجه - وسهام يرمونك
فوك التوجعك - كامو يسحكونك
يامصعب مصيبتنه - مــــــــا مدفون ميـــتنه







2= الــمـــشوا كلهم زواتـــيـــته -- ويطـــيح ومحــــترك بيته
الرمح هم يوجـــعه لو طاح -- يبن أمي أبـــوسط ريته
بحمولي جنت أنخاك هسه حمولي وحمولك
ودولي حـــبل ونياك وأنته أخــيول ودولك
كبل لا تحترك الخيام وكعـت من وكع طولك
*** بأول طيحتك -- الأنياك حضروها
وحبال الخيم -- بالنار كطـــعوها
ماتنحجي قصتـــنه -- ما مدفون ميتــــنه
****
3= أبكثر ما راحن ورجعــن - الخــيول بصدرك أنــزرعـــن
زرعهم خـــــــضر بلا ماي - الحوافــــر كــــوه ينــشلعـن
صدرك صاير من الدوس جن مرايه مكسوره
بالطف ياسهم مضموم بجسـمك هم أخذ دوره
مكدوره الحبل بالأيـد الفركه الماهي مكدوره
*** يبن أمي الضعـن - الـــــيروح وياهـم
كسرة بــــــــيرغ - يكسرونه ممشاهم
شينشفها دمعتـنه - مامدفون ميـــتــــنه


4= جــسد زغـــران أرد مـــنه - ألك من كــــــل جرح ونه
المصيبه أشتاكلك بس خاف - من أكض صدرك ألجمـنه
برغم ما خبصة الدخان أستورح ألم جرحك
قبل لا ألك يتقـدم ذبحني الكاصد يذبحك
يالموزع الهوه عالـناس تاليها الهـوه يلفحك
** بضلوعــك كـعـــد -- وضلوع مسحوكه
وعــــيونك تصد -- خــــيمات محروكه
بعدك شني ضلتنه -- مـــــا مدفون ميتنه
***
5= رمــح يعـزم رمـــح صوبك - وره ما سلـــــبوا ثـــــوبك
نار أعله الكــطن طاحت - شحجـــيت وي الله محبوبك
عـبرت المستحه والخوف وعاتـبتـك لجن سكته
كـتـلك وجعـت أختك هاي لو كـبرت وراها أنته
بس أربع أصابع راح الخــامس وين ما شفته
*** ذبحو خنصرك -- يحسين شمسوي
خويه فــركتك -- نيران وأتـجـوي
من بعده يضيعتـنه -- ما مدفون ميـــــتنه
** الخادم عبد الجليل المالكي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

سفـره بلا أهــل -- محســـوبه مـــوته
عليك السلـــبك -- يرتــــــــفع صوته
للغــربه بضعنه -- رحـــــنه بلا أهلنه

***
1= تعـبر ديره - بس الحيره - تـشــيب راسك وكلبك
تسد بعينك - بس ألوينك - تصيح بروحك تشيبك
عالناكه رحنه -- ينزف جرحنه -- وليل الـمصايب - جلجل ضلامه
مشدوده أدينه -- وفتحو بجينه -- نسوه وغـرايب - هــاي العلامه
ذباح أبــونه -- والسلــــبونه -- والعـــــــــذبونه - نمشي بكلامه
**
خـذانه بالحـبل -- مشدوده أديــنه
يـــــتبسم أذا -- يـــسمع بجينه
والخطـــوات ونه -- رحنه بلا أهلنه





2= حادي الناكه -- من يتلاكه -- ناس بدربه يخــبرهم
هاي أخوتها -- ذبحـــــناها -- ويشوفــونه يجبرهم
ذول الخوارج - وبلا هـوادج - فوك الهــــزيال - جـــبنه حرمهم
مشدوده أديهم - أتفرجو عليهم - عـــندي سبايه - وبكـيفي أمرهم
اليكعـد أضربه - للـناكه أسحبه - عاشـو عطاشه - ويلهب جمرهم
**
هـــاي الحرمه -- قيمتها جبــيره
جانــــت زينب -- وصارت أسيره
ويلي ياوضعنه -- رحـنه بلا أهلنه










3= روس أخوتنه - مــن ماشتـنه - ينزف عالــرمح دمها
من يـضربوها - تبجي أطفالي - وسكينه تعاتب بعمها
تـكـله يـــعــمي - محروكه جدمي - ويوجعـني متـني - والناكه هـزله
لا أكـــدر أبجي - لا أكــدر أحجي - وكـــــبالي راسك - ب لله شكله
أحتركت عباتي - ومن نايـــباتي - والغــربه وجهي - غـــير صفاته
****
من كد الهضم -- راسك بجالي
يالغالي وبــعد -- ماضلي غالي
ماينشف دمعنه -- رحنه بلا أهلنه










4= تعـبت عـمتي - أتجمع بينه - ومن كد التعب طاحت
تـــوكع طفله - وتــصعدها - ويــنك ياكمر صاحت
تصرخ يخويه - مو عــــذبوني - لمن عـفــتـني - وأنه جبــــيره
تنزف جروحي - بعـــدك يروحي - جنت الأمـــيره - صرت الأسيره
أفـتحلي عينك - طحت بوسـطهم - والحادي خويه - ماعنده غـــيره
*
أتسمم جلمة الشامت - ثـكـــيله
وسفرتنه يبو فاضل - طـــويله
شيردنه الوطنه -- رحنه بلا أهلنه










5= باجر نوصل - شام الدمعه - وشــــــمات أيتــلكـونه
وأحنه بحيره - وأهـل الديره - كلمن فــــــاتح عيونه
بسوك الشماته - ندخــــل سبايه - وتمطر عـلـينه -- هموم الشام
هذا يــــتشمت - ذاك يـــتـــبسم - وحجي الشماته -- جنه أسـهام
ندخل قصرهم - نسمع ضحكهم - شنسوي خويه -- وأحنه أيــتام
***
مـــن يسألوني -- ماهــمه أخـــوتج
بالج يـــنسمع -- بالقــصر صوتج
ضل طايح حملنه -- رحــــنه بلا أهلنه
محسوبه موته
***
عبد الجليل المالكي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


أحنه قال الراوي نسمعها ونصيح
وأنته يالمهدي شفــــت جدك ذبيح
كلبك أشــعـــاش أنكسار -- صار خيمه بنصها نار
-------------------------------------------------------
1= يقول الراوي نسمعها - وشفـتها أنته بلا راوي
وبـين الشاف والسامع - حزن ماعـمره متساوي
سمعنه أمخيم ومنهوب - وعــينك شافـــــته داوي
يالموجود قـــــبل أدم - وجـــرحه وكلبه متخاوي
------
أحنه نسمع وأنته شاهدت الزغار
ركضت بهــــيمه وبديها مجلبه نار
غــطه الوجوه الغـــــبار -- صار خيمه بنصها نار







2= ماحاضر طفوف حسين - بس موجــود يالـمهدي
كل ما ينطعن الحسين - أويلي تصــــــيح ياجدي
بشـــــفاف التريد الماي - عـــــــمرك ماي متبدي
من تطلع رقـيه تصيح - رقــيه للخـــــــــيم ردي
****
قـبل لا يمشــن للحسين الرماح
يطيحن بكلبك يــــبو صالح جراح
كلبك جروحه شعار -- صار خيمه بنصها نار
**
3= اليجــروها بحــبل للــنوك - وأديــــها بــنار مجويه
حقها لو تـرسها الشيب - ومن تـــــــموت يوميه
يهاشم مـــــا نقـل راوي - عــــــدكم حرمه مسبيه
بس زينب مشـــت للشام - فوك الـــــــــناكه محنيه
*
عاده عـدكم يـنجتـل يــوكع شهـيد
لجن مو عاده ســـبو زينب عبيد
ورده ذبلت بالـقــــفار - صار خيمه بنصها نار


4= أحنه من البجي مدنكين - ودمعك تجري نهرانه
من رد الــــمهر مكسور - ودم حســــين بعنانه
وكتها عــيونك الحلوات - أبدم لــو ماي غركانه
الحزنك دورت عـــنوان - بس ويـن ألكه عنوانه
*
ب لله شيفيد البجي وي اليموت
لا يرجعه وصورته كــبالك تفوت
اليصبح الحزنه مزار -- صار خيمه بنصها نار
*****
5= تـشابـــيه أحـنه شفـناها - الكمر كطعــوها جفينه
ركضنه عالكطع الجفوف - ومن حركـتـــنه هدينه
يالشفت السهم من طاح - يالمهدي أبــوسط عينه
شحالك من شفت عباس - كاسر خاطــــــر سكينه
*
شلون من عـبد الله مات بلايه ماي
شلون من شفت الحسين بدمه جاي
الينتحب ليل ونهار -- صار خيمه بنصها نار
*** عبد الجليل المالكي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


يحسيــن أتسودن حكي
ماطاح أسمك من حلكي
حبيتـك راي -- تارس دنـياي
--------------------------------------------------
1= أول ما أفتح عـيوني -- الصبحيه أنته توافيني
لطفك يسألني شلونك -- ولو بردان يغــــطيني
وكت المغرب تفكدني -- شلون أحوالك تـنشدني
ياصاحب ماكو مـنك -- صاحب زين وماهـــدني
---------
أهلي أيملوني وأنته
لازم كلبي وماعـفته
ياعشكك ماي -- تارس دنــياي







2= من أوكع بالعوز تكلي - بجـيوبك مـال أمخلي
تارس أيدي بـوكفاتك - محد غـيرك واكـفـلي
ياصاحب كلبي وكلـبي - بس أنـــته بنصه وربي
تستاهـــل والله وأكثر - دمعات عيوني وتـعـبي
-------
سبحه وفرتـني جفوفك
بيك أمجلب ما عـوفك
أسمك مـولاي -- تارس دنياي
****
3= من غـيرك ياجامعنه -- نصير حجايه بلا معنه
والحلوه بكلــبك طـيب -- من نسولف يسمـعنه
من نلـتم أنه وربــعي -- نتوسل ب لله وندعي
يارب وفقــنه نـخدمه -- ونلطم الحسين ونـنعي
------
بينه الخدمتكم واهس
نوكفلك وكفت عـابس
ياهاي وهاي -- تارس دنياي




4= لو حسيت الحب بارد -- تـلكاني الحضنك شارد
أترس روحي بشباجك -- عـوذه من عيون الحاسد
أحضن شباجـــك فاير -- أرجع من عـــندك صاير
توني وكاروكي ترابك -- لا حــــــزنان ولا حاير
------
بصحنك أنساهم أهلي
ومنك أرجع متعـــلي
شكرا مولاي -- تارس دنياي
******
5= الله يابـــــــو الحنـيه -- عـمرك مــاكاطع بيه
أنخاك أبوين الصعـبه -- أرجـع منــك مكضيه
يحسين وحات عيونك -- ميت محسـوب بدونك
الحلوه بحبك سواني -- يابو الاكبر مجنونك
-------
مولاي من أيدك الأيدك
كل ذره بجسمي تـريدك -- دايم يفياي -- تارس دنياي

6= مالاكي جروحك لكوه - ولا حاضي بحبك حضوه
من فضلك كثر خـيرك - خليت الخــــــادم يسوه
أسمك خضر باللسـاني - والله مرتــــــــب سواني
فدواتك يبن الــــزهره - الوالد وأمــــــي وخـواني
-------
يادين وحب وسجده
ياماي وعطر الورده
يالرايح جاي -- تارس دنياي
***
عبد الجليل المالكي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

مايهموني لو يذبحوني
شلون اعوفك ياحسين .....شلون اعوفك
***
شلون اعوفك ياحبيبي شلون اعوفن دمعتي
بيك عايشها حياتي انت عزي وهيبتي
والله مااسوة بدونك لحظة اعيش بدنيتي

غايتي وديني شمعة سنيني
شلون اعوفك ياحسين
***
سنين ربتني المجالس حسين باقي عالعهد
والله مااخلف طريقة امي غذتني بمهد
بيك وصتني الحبيبة يمه ابو اليمة السند

امي وصتني بعشكة غذتني
شلون اعوفك ياحسين
***
انت مالكها شعوري ومالك احساس الضمير
سيدي خليني يمك خادمك عبدك اصير
انت ياباب الشفاعة إلك سلمت المصير

خادمك ادعي بحركَتي ودمعي
شلون اعوفك ياحسين
**
الله خالقها لوجودك دنية مو مالت عشك
خادمك ادم خدمتي بجمرتك خلني احترك
الصدك حبك نشوفة وغير حبك مو صدك

ياهوه انفاسي عايش احساسي
شلون اعوفك ياحسين
***
ذبح ماهمني ومخاطر والله ماعوف الحسين
شنو دمي يغلة يمك وانت ابو كلب الحنين
هيج يحسين واموتن وانت تغمضليّ العين

بحضرت حسيني موتي يلفيني
شلون اعوفك ياحسين
****
افتخر عبدك اصيرن ومن صنف هاي الخدم
بخيرك مفضل عليه هواي ماتحصه النعم
بس هوى حبك اتبعه الجابني من العدم

ياملك روحي بلسم جروحي
شلون اعوفك ياحسين

خادم الحسين / علي موفق القزاز


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


راسه نزله يارمح
تعبان ابوي من الذبح
يارمح وارحم حالي
نزلي راس الغالي....يارمح
————————————
بالله اسألك يارمح وانته تعرف حالتي
الليل ساهر ماغفه وي غربتي ودمعتي
الجان تارس هالعمر هجره تارس صفنتي
راح إمن ايدي الابو و بعيني ظلمة دنيتي
ليش وجه كل دم
شوفته صارت عدم
مني خذت آمالي
نزلي راس الغالي....يارمح
———————————-
يتعب اشوفن منحره يرتاح خله بحضني
ياذيه ادري لو علم من السوط ينزف متني
من شيبه امسحها الدمه رغم الحبال تعتني
من دمعي اقطرله ردت واروي شفايف ذني
شفاف ابوي مفطره
كسر ظهري منظره
نزف دم دلالي
نزلي راس الغالي...يارمح
———————————-
يابويه انظر جبهتك باقي اثر ذاك الحجر
لمن احضنك بي شفت اثنعش طبره عالنحر
المن عفتني بيا جرح زماني شبعني قهر
بنيتك انه و ياراحتك متعب عيوني السهر
افياي اسويله ردت
ياويلي يتلوه شفت
راس الحنين اكبالي
نزلي راس الغالي...يارمح
———————————
هل فاجعة بيهن تمر كلمن اجت تشكيلة
هاي الفواطم حايره بعازة ابو هالعيلة
هضموها تدري بنيتك فاض الدمع مسيله
اني رقية الغالية ضيم اليسر ارويله
مني خذوا ترجيتي
وناكة هزيلة ناكتي
حادي الضعن جتالي
نزلي راس الغالي....يارمح
——————————-
عمتي العقيلة حايره تعاتب اشوف بعمي
اعتاب الاخو وبلا زعل وتگله ريتك يمي
مدللنه كل يومك جنت وجان الاميره اسمي
دار الوكت رحنه بسبي وعكبك تغيّر رسمي
اكعد تكله ياكمر
بالغربه ودانه القدر
انت المحامي الوالي
نزلي راس الغالي....يارمح
——————————
عطشان يارمح الابو تلهب جمر لهاته
يقشعر جلده ياوسف من ينظر إبنياته
مايحتمل انا انولي يغمض شفت نظراته
من اشكف اسياط الزجر عالي صده وناته
خليته عاري عالثره
فاجعني والله هالجره
ذبح الابو يبرالي
نزلي راس الغالي....يارمح

تمت

علي موفق القزاز

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


مرسوم هاشمي ،، عباس بن علي حماي الخدر ،، حماي الخدر

-------------------------------------------

من المدينه وللنهر
بعد السبي وبعد السفر
وكت الحرب وكت الخطر
عباس حامي ويبقى حامي

لو حتى سحگو جثته
ولو اخته ميت شافته
هم يرجع اترف رايته
يصبح نهر لو چان ضامي

عباس وحيدر شخصيته
والفارس نعرف تاليته
چا غير العفيه امربيته
صارتله اعگاله وخاچيته

يطبر وام عون اتسميله



------------------------------------

يا طوله المحلي الحرب
فولاذ شايل مو گلب
ما ينعرف فوگ الحُجب
محد يعرف اسرار دوره

تكليف من حيدر علي
يعني الامر من العلي
صار الختم بيد الولي
وحست آميه بهل خطوره

صاحو بس هذا السواهه
وادم علوادم خلاهه
لمهه وطشرهه ولماهه
بعباس الحومه شمحلاهه

زامط خاله من صار الطف

--------------------------------------

بچفوفه سيف الواقعه
هم خافظه وهم رافعه
بيها العساكر سامعه
طب للقتال وبيده رايه

ما تنحسب موتى شكثر
نيشان خلى بكل شبر
اذا جاء كفال الخدر
والسوره تكمل آيه آيه

صاحو وين الميت وينه ؟
حتى الصاحي امغمض عينه
عباس أمبيد رجلينه
شماله الخيال امگبلينه

من صاحو هد عم سكينه

----------------------------------------


قابض على نحور الزلم
لم الحرب لم الهِدم
شبيهه العساكر تنثلم ؟
گالو صَحَت ظلمه سمانه ؟


گالو زَعل گالو عُبر
صار الركض مدة شهر
هذا الحصل بالمختصر
واحد يگل للثاني اجانه

الما يركض ميت والثاني
ضم روحه ويصرخ مو آني
هسه انه لهاي شجاباني
الله اليستر ها شافاني ؟

ما تگضي بچلمة موش آنه

---------------------------------------


دگ الزلم دگ أگهوه
حرم على الريه الهوى
شبيهه البشر شردو سوى
ها جاهم العباس جاهم

هيچ انكتب حان الاجل
سيف القدر للطف وصل
هذا الجرى وهذا الحصل
خله الرمل يصبح غطاهم

هذا ابن المرهب عدوانه
خله ايضم راسه ابن فلانه
ما تنفع فزعه وعوانه
كثرو لهلوادم دفانه

يذبج والجربه اعله متونه


كلمات الخادم / رعد الفريجي
ثوابها الى روح والدتي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__محرم_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


حسين حسين حسين
--------------------------

شحچي وكلشي خانگني هذا الليل اذانــي
اختك هايبعد اختك همـــك غير الوانـــــــي
اودعك واني من دونك احلف والله مو اني
يحسين الفجر يحسين مدري لوين وداني

ناس وخيل ،، ماظل حيل ،، باچر ياخذ انفاسي
بلوه حسين ،، نركض وين ،، فوگ الرمله عباسي

حسين حسين حسين
-----------------------

ارد اوگف على حيلي وما شــــالني رجليه
باچر انته تحت الخيل واختك انـــــا مسبيه
جسمك بيه قيامه جروح بالالف وتسعميه
راسك علرمح مرفوع واني بصطره معميه

تلهب نار ،، تبچي زغار ،، وانته بلا نفس خويه
اصد مذبوح ،، وانته الروح ،، واصيحن يا علي بويه

حسين حسين حسين

،،،،،،،،،،،،،،،،،،،،،،

اگلك وينك الحگلي ســــــاكت يـــــا ضوه يعيوني
يلنايم دليلي يصيح وين اخــــــواني عافــــــــوني
اوصل يمك بيا حال لا زيــــــــــــــــــنب ولا لوني
لا تنشدني خويه ارجوك ضربو وجهي وامتوني

شامت گال ،، ماكو ارجال ،، ظلو برحمة چفوفي
يا زهراء ،، يمه احاه ،، اندبچ يم حسن شوفي


حسين حسين حسين
----------------------------------

وين الخنصر المگطوع يلنايم على الغبـــــــره
بيك اچم ضلع مكسور هيچ تشوفك الزهـــــره
انته بصدرك القرءان چا ليش انخسف صـدره
هذا الحافر الملعون گلــــــــوله شسحگ حدره

ساحگ نور ،، دمعي ايفور ،، من شفت الولي ونحره
آخ شلون ،، عميه عيون ،، وسفه وطشرو صدره

حسين حسين حسين

،،،،،،،،،،،،،،،،،،


اختكم هــــــــــــــا تسمعونــــــي يلجبتوني وياكم
لا راس بجسد موجــــــود لا جربه ولا الــــــواكم
عبد الله الطفل جسام الاكبر ما لگيــــــــــــــــناكم
ودوني اعلى شاطي الموت كافل خدري ما جاكم

ها عباس ،، هاي الناس ،، درب الشام ما يرحم
كون تشوف ،، كون چفوف ،، ما تحصل بعد نحلم

حسين حسين حسين


للخادم  / رعـــد الفريــــجي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السبي_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


صرخ كلبي يخويه حسين من تل
الغيور شلون أحجي وياك من تل
كون تشوف خويه الشمر من تل
التراجي من أذن بنتك رقيــــــــه
* * *
العيون أسهام ياخويه ورامن
حرايركم واجن صوبي ورامن
يلوذن بيـــه بس آنــــه ورامن
ألوذ وبس شماته تحيط بيــــه
* * *
أدري بيــــج مارحتـــي لياويد
أو وحكج عين لو ضلت لياويد
جا يختــــي تسمعينــــــه لياويد
أمن أكلبه الشام فوك الغاضريه
* * *

سلام المشعل

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السبي_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


جفي مجوي بجمر....... وفوگة حبل اليسر
واخشن من الحبل..... آه يضيم الهجر
............. ............. .............
فز ضمير الحبل لمن جتف ايدي
طفله بس الخوف ضل يمشي بوريدي
والعطش عابر لهاتي من بجيتك
صايمه وفوگ الرمح محطوط عيدي

الخوف حط باله ويه كلبي واني طفله
بويه بلكي الحبل من ايدي تحله
بين متني وسوطهم جلمة يبويه
واحنه كل تلاثه نصعد فوگ هزله

الجانت مدلله........ تصعد بهازله
ال بويه تكسر گلب...... آه يضيم الهجر
........... ................ ..............
بويه ترجياتي بالسوگ اعرضوهن
وانلجمت هواي من غيري اشتروهن
محرگات وبيهن دموم من اذاني
بويه گلتلهم الي وما رجعوهن

لبسن بنياتهم وانه بحسرتي
الحبل بيدي وما كدرت امسح دمعتي
مدلله وما لاكت اعليه الخطيه
من المهابه لسبي وداني وكتي

شايطه من الضرب...... ما بقالي گلب
أشد من العطش..... آه يضيم الهجر
........... ............. .............
الليل ظلمه وموحشه حيل الخرابه
مو امان اشلون انام اعله الترابه
مفطره والخوف من كل النواحي
بلا سگف تگعد بنات اهل المهابه

طفله ما يصلح انام بغير حضنك
غير ابوي وجايه اطلب رأي منك
دني رمحك خلي اشبگه بلكت اغفه
الموت اشوه ولا اضل مبتعده عنك

من منامي افز ......... مسوية ثوبك حرز
عطر ما ينشبگ..... آه يضيم الهجر
........... ............ ...............
الهضم جازي عيوني يا حلو الرفاگة
بالشموس الحاره توكف الناگه
النوگ بدت مستحاها من وصلتك
مشت حيل وما رضت بويه انتلاگه

الشوگ وازني ورحت يمك يغالي
ردت اشبكك لجن منعني حبالي
الهاضمتني من درت عيني اعله راسك
رماد تنور اعله نحرك شده بالي

زودت حسرتي...... من بجت عمتي
وانكسر خاطري........ آه يضيم الهجر
........... ............. ...............
مرتضى عامر الشمري

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السبي_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

ابني.... ميت عطش
ابني.... بلايه نعش
ابني..... بشمس هدعش
ياهو يطالب بدنه....... وذبحوا كل ولد عمه
حسين يا يمه
....................................................
بضهرية الوداع رد مهر الحسين
وحسين ما رد والضعن متروس لجمه
حار الرمل جان ومغطي نحره
بخت ال هاشم ع الترب مهدور دمه
ومن صار الغروب لموا غنايم
وحسين ع الغبره بقه محد يلمه


يا وسفه ابو رقيه..... ما شارب اميه
يا حلال الله يعطشونه الغرب 
يذبحونه جدامي... عمت عيني ضل ضامي
ما بيه اشوفه منذبح فوگ الترب

ضامي.... من الصبح
ضامي.... وكله جرح
ضامي.... متاني رمح
سلبو منه العمامه..... وضل مفرع الهامه
................................................................
ارد اعتب الخيل  وانشدها بالحال
اشكدها كاع الله شعجب فوك ابني تسحك
الما عنده شيمه يسلب بالثياب
وبكربلا ما مش كصص بالفشله تعرك
واليكطع ارحام يكطع ابصبعه
وطَلابة الحگ ع الترب من ياخذ الحك


واليوكع بشده.....خوانه التسنده
شحال الاخوته ع الثره كلها صفت
تهضمني سالفته.... صاب الحجر كصته
يبقه ثلاثه اعله الترب مرمي البخت

عاري.... انحز منحره
عاري.....فوك الثره
عاري.....ما مش ذره
تسحك صدره خياله....... وهو يعاين اعياله
.......................................................................
جا غير مذبوح شعدهم يسحكوه
ومن اثر شمرات الحجر محفور خده
وتكربت ليه... وحاولت اشيله
ومنين ما اشيله يكع ماي وتبده
مو بس شفافه مفطور كلبه
الله يعينه من العطش ملجوم جبده

ابني واعرفنه....... ما ينشبع منه
وحيلي انهدم لمن شفت ابني يون
ارد اشبك وليدي... بس هذي مو بيدي
ما ضل مجان بصدره من كد  الطعن

ويلي..... يكوم ويكع
ويلي..... كلبه انشلع
ويلي.... راسه انكطع
ما ضل بي كتر سالم..... بجسمه تفرهد الوادم
....................................................................
من صار الغروب.... يم جسم الحسين
زينب لفت مدولبه وكامت تحاجي
الحظ والبخت ليش ع الغبره مطروح  
رادت تشبكة وما لكت سالم كتر بي
فوگ الشمس هاي... مسلوب الثياب
وكلشي احترك وي الخيم بيمن تغطي

ما مش غطه يلوحه.... ومكشفه جروحه
عاري ضل الجان امس ساتر هله 
سكنه اكربت منه...... بويه اكطع الونه
كالتله ترضه تنجوي المدلله

وادم....... ابلا شيم
وادم... ترمي سهم
وادم...... تحرگ خيم
والد مثله ما شفنه.... بحضنه يندفن ابنه
...............................................................
ابني واعرفه مو مالت اتراب
شجاب التراب بكربلا وبات اعله شفته
شيصبره كلبه اهونله لو مات
ولا يسمع ابين الغرب من طلعت اخته
جدام سكنه داسوا بصدره
بلا ذمه ذبحوا واضحكوا بعناد بنته

عد العرب فشله...... الشيخ وسبوا اهله
شبعت هضم من كربلا نوب السبي
الما ينلمح ضلها.... يسلبون محملها
ومكشوفه تصعد ع الهزل بنت النبي

زينب..... تكسر كلب 
زينب.... بين الغرب
زينب.... متيهه الدرب
حرمة مذبحه اخوتها...... بيش اداوي علتها
......................................................................
مرتضى عامر الشمري


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السبي_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


فَــچ الدهــر بـيـه تَـعــب ملاّچ
يروحي لو صِحيب العمر ملاّچ
إلچ بالطف يروحي هناك ملاچ

حِنـيته بكبر خيـمة رقيه

حاتم صبري الكاظمي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السبي_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



أنه خرِّيج المجـــــــالس...خادم للحسين
أسمي بالجنـسيّٙه عابس...خادم للحسين
     بالعشگ فاطمي ... كربلائي دمي
                  (خادم للحسين)
                   ...................
طالب وسُــود الـــــــملابس مٙـلبٙسي
جامــــــــعة عترة محــــمد مجلسي
وأبو فـــــاضل بالعــــــشگ مُدٙرسي
وبهويةْ الـــــــخدمه أسمي العابسي

خٙـتِم بيها من الزچيّه ... خادم للحسين
خٙرِّجتني الغـــاضريّه ... خادم للحسين
       لكربله أنتمي ... كربلائي دمي
                 (خادم للحسين)
                    ..................
عٙلِّمٙتني ومٙـــيّزٙتنــــــي من الأٙنـــام
حسين نور وكلشي من دونه ظٙلام
كل حسيني واجب يأدي الســــلام
انطتني أول درس زينب بالخــيام

هيّه سٙـوّٙت دمع عيني ... خادم للحسين
هيّه ســمـّٙتني حسيني ... خادم للحسين
      هالأسم عالٙمِي ... كربلائي دٙمِي
               (خادم للحسين)
                 ..................
الخدمه أمي و مجـلس الزهره أبــي
(خادم حـــــسين) اشحلاته مٙنصبي
العفّه درسي الثاني من درب السبي
عٙــــــــلّمٙتني ( كيـــفٙ تُصبِحْ زينبي )

مخلص أو لا مو ريائي ... خادم للحسين
هذه طبعْ الكـــــربلائي ... خادم للحسين
        رُتبتي بمأتمي ... كربلائي دٙمِي
                (خادم للحسين)
                  ..................
درس ثالث بالمــــــجالس مــن أدور
أبتِعـــــــــــد عن التـــكبُّر و الـــغرور
عٙـــلّٙمت روحـــي على مرّ الـــــدهور
بيت فُقره بمجــــلسٙه يسوّٙه القصور

بهالحياة أنه سـروري ... خادم للحسين
الحمد لله چان دوري ... خادم للحسين
      مأٙصّٙل وأٙدٙمِي ... كربلائي دٙمِي
              (خادم للحسين)
              .....................
درس رابع عندي تابع لـ الضــــمير
هالمجالس ما تحب غير الـــــفقير
لليجيك من الــــــسوالف صير بير
العاش بالدنيـــه فقير ايموت أمير

المات ويه حسين عايِش ... خادم للحسين
(مٙلـــك) هذه لا تــنـاقِش ... خادم للحسين
       ياعقول افْهٙمِي ... كربلائي دٙمِي
                  (خادم للحسين)
                 ..................
درس خامس علّمت عقلي و فــهٙم
دفتري أخلاصي وأعمـــــالي القلم
ألـ يعوف الخـدمه يشــــعر بالنـدم
المو نظيف ايرفضٙه شٙـــيّال العلم

خلّي گلـــبك دوم صـافي ... خادم للحسين
اليرضه عنّه حسين كافي ... خادم للحسين
        مخالِط العلگُمي ... كربلائي دمي
                    (خادم للحسين)

الشاعر حاتم صبري الكاظمي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السبي_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


قالَ لنا الرضا ... حــديــثَ عاشــقين
إن كنت باكيـاً ... فابكِ علىٰ الحُسينْ
____
هذه اني واحد محترگ ... مُنـذُ زمــن تكويني
محد گــدر يطــــفيني لا ... بس كـربله اطفيني
انسان انه و فرض البچي ... يا هالخلگ نُص ديني
أثقل عمل عند البشر ... دمعة بچي اعله حسيني

تُحشرُ ضاحكاً ... و غـــيركَ الحزين
إن كنت باكياً ... فابكِ علىٰ الحُسينْ
____
يروي بالمُستدرك خبر ... الله يخاطب موسى 1
عن البچي بعاشـور اله ... مـرتبـه ما مقيوسه
ما مِن عَبد يجري دمع ... اعله الذي الخيل دوسه
الجـــنّه تنـــادي يا هلا ... حسين اعله خده يبوسه

و أَجــرُكَ علىٰ ... نَـبــيـِّـكَ الأمــيــن
إن كنت باكياً ... فابكِ علىٰ الحُسينْ
____
الله يرحـــم دمعتك ... الصادق يگول لمَسمَع 2
گله عالحسين شچنت ... گله يمــولاي اجــزَع
من اشرب الماي انظره ... بالماي جسـمه مگَطَـع
گله يمَســــمع بالگـــبر ... حسين الك باچر يشفَع

لا تَــبــكِ فانــياً ... خُـذ عِبرةَ السنين
إن كنــت باكياً ... فابكِ علىٰ الحُسينْ
__
بجامع الاحاديث انروه ... للباكي شأن و رفعه 3
من عين مؤمن لو بچه ... تطـفي جهنم دمعه
ذاك الذي بكثر السحگ ... للخيم وَصلوا ضلعه
وابنه علي وكت الدفن ... بالگوه جسمه ايجمعه

أغــدِقْ مَحاجِــراً ... و كُنْ لها أمــين
إن كنت باكياً ... فابكِ علىٰ الحُسينْ
___
هوه الحسين بيا وكت ... يا ناس عاف احبابه
والله ما أخــــجـــل إذا ... أوگف اجــدي ابابه
امجدي رحمته ونعمته ... ارد ابچي دوم امصابه
ألبسله أسود بالعــمر ... المسلوبه منه اثيابه

إنْ ما بَكَتْ لهُ ... ما حاجـتي لـ عَيـنْ
إن كنت باكياً .. فابكِ علىٰ الحُسينْ
___
اليبچي صـدك للمعرفه ... أو حته لو يتبـاچه
اعله حسين باچر بالگبر ... بذنوبه ما يتحاچه
بدشداشته السود نشــم ... بيها عطـر شباچه
الملاچه الحسين انهتف ... و النعم من ملاچه

تفـــوزُ جَــنــةً ... ليــسَ لَهــــا قــرينْ
إن كنت باكياً ... فابكِ علىٰ الحُسينْ

1 - كتاب : مستدرك الوسائل و ايضا في مجمع البحرين
2 - كتاب : كامل الزيارات صفحه 203 الراوي مسمع ابن كردين
3 - جامع احاديث الشيعه ج 12 ص 553

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السبي_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

روحي ... بنوحي ... أمك وجيت بدفنتك يبني
___
أمك و ادور اعليــــك ... و بضلــع موجـوع
عطشان بس مو ماي ... هاك اشرب دموع
أسأل علـــيك الـگاع ... والگـــلب مفـجوع
ما شفتـي واحد طاح ... مهــشــوم الضلوع

روحي ... بنوحي ... أمك وجيت بدفنتك يبني
___
ولكــــربله من جـيت ... مكسوره ضــلعين
بالگـــوه ادور اعليك ... جسـمك وگع وين
بگبري وســمعت بأه ... من السمَه ونـــين
فوگ الرمـح مرفوع ... ظل راس الحسين

روحي ... بنوحي ... أمك وجيت بدفنتك يبني
__
روحي اعله گاع النوح ... شـاهِدَت وضعك
متــــــــگطـع و يا ريت ... أگـــــدر أجمـعك
من نحــــرك المذبوح ... تون يمّه اسمعك
روحـي بركضــتي ليك ... عَـــثّرهه اصبعك

روحي ... بنوحي ... أمك وجيت بدفنتك يبني
__
تارِس ييمـــه الـــگــاع ... بالدم أنـــُـــظرَك
ويـه ابنك السجـــــاد ... حَضـَرِت گبــــرك
مرّه ابــچي مرّه بأيد ... أمـــسح ابنـحرَك
لو أجــــمع من الگاع ... كل عَظُم صـدرك

روحي ... بنوحي ... أمك وجيت بدفنتك يبني
__
بمنــــــظرك يا مـذبوح ... صـــابتني حــــيره
مــــتوســـده ويـــّاك ... كل العَـــــشــــــيره
أمشي وأشيل ضـلوع ... امهشمه و كسيره
ما حاسبه يحســـين ... تشِيـــلَك حَـــصيره

روحي ... بنوحي ... أمك وجيت بدفنتك يبني
__
و بــجـمر نار الروح ... ألـطم عله الـــراس
من حضني صرت اليوم ... بالخيــل تنداس
رحت و شفت عالماي... جــــــــثّه بلا راس
أعرفته الـ بلا چفــين ... هذه ابني عـــباس

روحي ... بنوحي ... أمك وجيت بدفنتك يبني
_
يا جــــرح ماله ضــــماد ... يالصعبه اَشِلّك
ارجعت وشفت يحسين ... مدفونه أهــلك
روحــــي ادفنت ويـــاه ... بهالحاله اگــلّك
عالصــــــدر من خلـيت ... عبد الله طفلك

روحي ... بنوحي ... أمك وجيت بدفنتك يبني
__



الشاعر حاتم صبري الكاظمي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السبي_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

محرررم 1447هـ ( وكأني بالزهراء لم تترك بنات الرسالة في تلك الخرابة )

ياخرابة اضيوفچ الليلة
سكنة زينب رمله وي ليلى
فاگدات املوعات . ضاميات امتربات . گالن اهنانه انبات
الليلة الليلة

ياخرابة تدرين . الجاياتچ امنين . من جرح إسمه حسين . من اهل عطشانين . من مخيم محروگ
من وطن كله اجروح . من اخو ضل مذبوح . من جسد مابي روح . بس دمه منه ايفوح . بالحوافر مسحوگ

منهو يتلگى بناتي ابيا هلا ابيا مرحبا
منهو يتلگى العليل وماي بلكي ايشربه
هذي زينب ياخرابة عاينيها امتربه
حتى شيلتها ابدماء حسين اخوها امخضبه

ياخرابة هَوني اعليهن
بردي گاعچ لاتچويهن
بالحبل مچتوفات . امن الجمر مختنگات . گالن اهنانه انبات
الليلة . الليلة
_____
وحدة فگدت خوان . وحدة فگدت رضعان . هذي فگدت عرسان . أحلى من الشبان . هايه فگدت أطفال
طفلة عافت مچتول . والد وشنهو اتگول . طفلة شافت لخيول . تسحگ وحيل اتجول . وتنظر اعله الچتال

عذبوهن عطشوهن نوموهن بالفله
وجيت وياهن سبية عالهزل من كربله
ياخرابة الزهرة آنه وجيت اشوف العايله
والكسرني بنتي زينب ياخرابة امدللـه

امدللاتي هذي حالتهن
عالهزيلة وتجري دمعتهن
امن المشي متعوبات . ابلا حمه وعطشانات . گالن اهنانه انبات
الليلة الليلة
_____
الگاعدة يم الباب . وثوبها كله اتراب . هذي فگدت أحباب . والكفلها ماجاب . ابجودة لطفاله الماي
لطمت اشگد عالراس . صاحت اشگد عباس . ركضت ابين الناس . عالذي ابخيل انداس . وصاحت حسين اهواي

هذي زينب ياخرابة بالچ اعليها ترى
عَطري اترابچ عليها حرمة هذي امخدره
واشكبرها بالخرابة اتنام من عدنه مره
هذي زينب بنت ابوها بت علي لمعتبره

هذا حال التفگد اخوتها
بالخرايب تالي نومتها
كل بناتي احنينات . امن الفگد مهضومات . گالن اهنانه انبات
الليلة . الليلة
_____
الشاعلة بس شمعات . وتبچي واتذب حسرات . اوحيدها القاسم مات . زفته بالدمعات . وصوتها اعليه مبحوح
الواگفة وتبچي ابعيد . فاگدة اهناك اوليد . لاكبر وچنه العيد . إلها مد بس الإيد . يم ابوه ظل مطروح

هذي رمله وهذي ليلى ياخرابة اتعذبن
اثنينهن فگدن ولدهن بالطفوف وشيبن
سوى ينزفون باچر زفة وحدة حسبن
گعدن اهنا بالخرابة والولدهن عاتبن

هذا حال الوالدة الفگدت
كسرت حسين الأخو انكسرت
عالولد ملچومات . فارگنه ابلحظات . گالن اهنانه انبات
الليلة الليلة
____
الطفلة هذي امن ايام . اعليها حرگوا لخيام . اتريد ابوها امن اتنام . اتشوفه بس بالأحلام . وتگعد اتصيح حسين
وهذي منتظرة اوعود . عمها يحظر بالجود . ودها للطف اتعود . اتگول بلكت موجود . وانظره طايح وين

هذي سكنة وي رقية اتلوعن من الزغر
طلعن امن الخيمة دورن عن الحسين الظهر
وحدة متعودة اعله ابوها تگعد ابحضنه او تسر
وحدة ليهسه ابأملها ماي عمها تنتظر

يتموهن منهو ظل عدهن
ابلايه عم ابلايه والدهن
ضلن ابلا خيمات . تعبن امن الطيحات . گالن اهنانه انبات
الليلة الليلة
____
الترسم ابمهد ازغير . وصاحت اصباح الخير . أمه عبدالله اتصير . كل صبح هي اتدير . الكربله اتسلم اعليه
فگدت اجمل ريحان . عمره ست اشهر چان . شالته بالأحظان . إبني صاحت عطشان . حسين منهو اليرويه

امن الرضيع اگماط باقي ذكرى ضل عند الرباب
اتحضنه ليليه وتقبله ماتعودت عالغياب
الچان بحضاني تنادي صار بحضان التراب
آه ياعبدالله تصرخ يمى ماتسمع جواب

ماتبطل الونه عالناگه
للدللول امه مشتاگه
هي والعلويات . للطفل مشتاگات . گالن اهنانه انبات
الليلة الليلة

حيدر الحلفي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__السبي_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


( ألم اللقاء في يوم عاشوراء بين الحُسين والزهراء بعد طول الفراق )

من اسنين فارگتك . ويبني اليوم اسمعتك
يمى اتصيح لحگيلي . وجيت اركاض واشبگتك
ملهوفة الشوفك جيتك . بس امگطعيك الگيتك
يمى حسين . يمى حسين

من غبت عنك . أحلف ابإبنك
ماحضرت الواحد او لا صيحت
يمى بس انته . صوتك اسمعته
وجيتك اركض وآنه عمري مركضت

مو صحتلي وگلت يمى هالأجيتك ماتگوم
چنت مشتاگة اللقائك يمى بس مو هيچي يوم
وين زينب والكفلها ليش باقي ابلا هدوم
ليش وحدك يبني طايح اعليك بس آنه الأحوم

بيك انفاس لا گلي . زينب وين أشرلي
اخيامك وين دليني . بالإحساس بينلي
أللزم چفك أمنيتك . بس امگطعيك الگيتك
يمى حسين . يمى حسين
__
جيتك اتلوه . يبني بالگوه
الكربله تدري اوصلت بآخر نفس
اتگلي لحگيلي . يمى هد حيلي
إلشمر گد ماذبح راسي او رفس

اهنا وگف گلبي او إجيتك يالحبيب اشبگ عليك
ليك مديت ايدي تنهض يمى لكن وين اديك
ذبحتك ماكو مثلها الذابحك شمسوي بيك
حمرة شيباتك ييمى ليش هيچي امگطعيك

صدرك هذ لو ضهرك . اهواي ارماح شو حدرك
والطعنات لبجسمك . وصلت ليش حد نحرك
مشتاگ الحضني ادريتك . بس امگطعيك الگيتك
يمى حسين . يمى حسين
_
جسمك انظرله . مختفي كله
صدرك امغطينه برماد الخيم
والشمر أنظر . صدرك امكسر
وچنها يمك راكضة اهواي الحرم

يبني چم مره اعله جسمك خيل تلفيك وتروح
الخيل من روحك يروحي طَلّعت يوليدي روح
خيل تسحگ خيل تگلب جسمك وتچويه جروح
حتى عطرك راح يبني هسه بس دمك يفوح

كل اعضاك متكسرة . ابصدرك هاي چم حفرة
كلشي البيك ظل يخلص . حتى ادماك بس گطرة
لو رايد نبضي انطيتك . بس امگطعيك الگيتك
يمى حسين . يمى حسين
__
ردت اشيلنك . ابحضني اخلنك
يبني بس شلون وانته اتطشرت
بيش المنك . وين اضمنك
اتطيح من اچفوف ادي كلما شلت

صدرك إمن اگفاك وينه عذبوني العذبوك
يمى لسهام اعله طولك چم سهم گلي رموك
قبل ميذبحوك گلي شربة اميه نطوك ?
يبني چنك متت ضامي وحتى محبس سلبوك

مو ذبحوك ماكافي . ليش اهنا اتظل غافي
ابهالـشموس يوليدي . ابلايه اهدوم او حافي
ابثوب امك چا غطيتك . بس امگطعيك الگيتك
يمى حسين . يمى حسين
____
إكعد او إحچي . لشوكت أبچي
تعبتني وفدوه الك يمى التعب
وينه عبدالله . يولدي اسم الله
لاتگلي مات ضامي او ماشرب

ذاكى چنه اگماط إبنك يمى چا عبدالله وين
وذيچ من ابعيد طفلة اتصيح وينك ياحُسين
وينه جاسم وين الاكبر وينه عباس الحنين
هيچي تتلگوني يمى من بعد ذيچ السنين

زينب ليش مو يمك . كون اوياي واتلمك
إنته ابعيد لو هيه . گول إحسين بعد امك
اليم اختك چا وديتك . بس امگطعيك الگيتك
يمى حسين . يمى حسين

حيدر الحلفي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA