#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭
مِن دِيره لدِيره يسلبونه .. وعباس مغمضات عيونه
شلون ايّام .. بكوفه وشام .. وعباس مغمضات عيونه
„„„ „„„ „„„ „„„ „„„ „„„ „„„ „„„
للسبي اطلعنه وعالهزل ودّعنه الاجساد
ردت انزل من الناگه لاچن علي السجاد
ناده عليه لا يعمه وعِلته تزداد
گَلّي ارحمي بحالي   لَوَن انزلتي    منو اللِي يرَكبچ
عَمّه ودعي الغالي  اعله ظهر الناگه  استعدّي لدربچ

بكيف الحادي امشينه ورايه .. ولا مَحمل ظَل ولا رايه
نِسَه وايتام .. بكوفه وشام .. وعبّاس مغمضات عيونه
„„„ „„„ „„„ „„„ „„„ „„„ „„„ „„„
طبينه للكوفه يويلي ويصعب الحال
نسوانهم تتصدق اعلينه يكفّال
وصحنه حرام الصدَقه متحِل على الآل
واعله روس اخواني  درتهه عيوني  وصحت ترضوهه
بت علي وهاي آني   اسيره بديره    هلي حِكموهه

وهِند الچانت تخدم عدنه .. تتسيد واحنه تفرهدنه
شگد آلام .. بكوفه وشام .. وعباس مغمضات عيونه
„„„ „„„ „„„ „„„ „„„ „„„ „„„ „„„
بثوب السبي ادخلنه عله ابن زياد اَسره
ومن سأل عني جاوبه السجاد حسره
وآمرهم الطاغي علي يگطعون نحره
بجمرتي حاچيته  شعِفت يا ظالم   گضو ولياني
انچان ذبحه انويته  سِوه تذبحنه   ابن اخوي وآني

وكمت استر وجهي بچفيني .. بديوان اجناب موگفيني
بنُص ظِلّام .. بكوفه وشام .. وعباس مغمضات عيونه
„„„ „„„ „„„ „„„ „„„ „„„ „„„ „„„
مِن الهِزِل طاحت سكينه بليله ظلمه
وابعَد ضعنّه وعالركض ما بيهه هِمّه
وطَر الارض رمح الحمَل راس ابو اليمه
الراس خاف اعليهه   وثبت بالغبره   الى ان صعدت
ثاري چف حاديهه  دفعها وطاحت  وبچت وانضهدت

تبچي وبِسياط يسكتوهه .. ومن تنخه حسين يشتموهه
دهري شضام .. بكوفه وشام .. وعباس مغمضات عيونه
„„„ „„„ „„„ „„„ „„„ „„„ „„„ „„„
برايات حمره وروس اخوتي ادخلنه للشام
اعيال الرسول بنُص خرابه اعيونهه اتنام
وبقصور وعروش اللي چانت گبل خدام
ومن حلمهه ارقيّه  اكعدت مذعوره  ابوهه تريده
جاهه بس يا جيّه  بطشت بس راسه   وتحب بوريده

والشافت منحر واليهه .. من حگهه الموت يحل بيهه
ما تنلام .. بكوفه وشام .. وعباس مغمضات عيونه
„„„ „„„ „„„ „„„ „„„ „„„ „„„ „„„



ياسر حسن
محرم ¹⁴⁴⁶

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭

آه يا عقيلة   بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
آه اعلَه من هامَت بنص الهيمه
وسِمعت فَرس يصهِل بكِتر الخيمه
يصيح (الظليمه) (العطش) والله اهضيمه
شگربه النهر بس صار بُعد الغيمه

حسينچ تركته   برمل نايم
آه يا عقيلة   بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
آه اعله من صاحت هَلي لِحگوني
حرگو خيامي اعليّه واتولّوني
وصاحت ينار اعله الفواطم هُوني
(يانار برداً وسلاماً كوني)

برداً على ايتام  علي وفاطم
آه يا عقيلة   بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
آه عالتدوّر مِسَت وسط الحومه
حسين ولِگتّه منغسِل بدمومه
وگالتله اجيتك والطرق ملزومه
اگعد يخويه طولّيت النومه

البجسمه ما صح   كِتِر سالم
آه يا عقيلة   بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
آه عالصُفت فوگ الهزل مچتوفه
ونِشدت نروح المَن وهِي مخطوفه
جِفلت لَمَن گالولهه للكوفه
اتصدّع گلبهه وانكسر من خوفه

بالكوفه تعرف   شني الوادم
آه يا عقيلة   بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
من وگفت بمجلس ابن مرجانه
وكِل الشماته انجمعت بديوانه
لحاميهه صاحو زينبك بِحمانه
اهنانه اطّلع الآه كِلهه اهنانه

واشعر سبيهه   بدمع ساجم
آه يا عقيلة     بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
تكبر الآه وتعتلي صرخاتي
صدري يضيگ وتِتسع عبراتي
ويطول نوحي وتگصر حچاياتي
من دِخلت اعله ابن الدعي مولاتي

دخلت اسيره   بقصر ظالم
آه يا عقيلة   بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈
الآه اعله زينب ما مشت عن بالي
من عاودت لاوطانهه بلا والي
من طبّت الدار ودمعهه يلالي
والدار من العايزتهم خالي

وحشه ومظلمه   وحزن دايم
آه يا عقيلة   بني هاشم
≈≈≈ ≈≈≈ ≈≈≈ ≈≈≈ ≈≈≈ ≈≈≈

ياسر حسن
رجب الأصب ¹⁴⁴⁶
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭
((شمس الحبيبه))


شَمسّ الحبيبه   غابت مصيبه
بنعش النوايب    زينب غريبه

بنعش الگصب آه    ولامن اخو ويا
متــون الـــغرايب    شــــالنه وَيلاه

     زينب غدت مجروحه
     مـــن الغرب مذبوحه
     ماتـــت بّهَــــمّ الـغربه
     وبـــس العليل بنوحه

زينب .. عاشـت يتيمه
زينب .. ماتت هظيمه
                   
"""""""""""""""""""""""""""""""""""''''''''''

سار النعش حيل      واتخيلت خيل
مثل امها وتصيح      طلعوني بليل

بسكته النعش سار    وجروحه تذكار
مـــابيها هالنــــوب    لمشامر احجار

         خوف السـبي وياها
         جرح الهزل مگفاها
         مثل الشمع دمعـتها
         نار الدمـــــع چواها

زينب.. ام الچــــفلها
زينب.. بس ماحملها
                      
"""""""""""""""""""""""""""""""""""''''''''''

لو نامت الـناس      عين الغرب فاس
نعش ام الخدور     يشيـعها الاحساس

حتى الدرب مات     يوم النعـش فات
چم دمعه وجروح     شگد بيها لوعات

              عيــون العدو رمايه
              وجـــه الصبر دمايه
              جرح السبي يازينب
              لا هـــــاشم ولا رايه

زينب .. جرح النوايب  
زينب .. ام المصـايب
                        
"""""""""""""""""""""""""""""""""""''''''''''

الماينجرح ليش   ماشايف الجيش
من هـــــدو بنار   وما واحد يعيش

المالاطم بشوگ     مايدري بالسوگ
مايعرف السوط      وماشايف النوگ

          جـــرح الگـلب ياويله
          من السبي انهد حيله
          جرحي صبغته بلوني
          وبحزني اظل اشكيله

زينب.. هي العقيله  
زينب.. صبر العليله
                       
"""""""""""""""""""""""""""""""""""''''''''''

البخدوده دمعات    بعيونه جمرات
وبراسه الضــعون    وشگد يتيـمات

المايدري شيگول    خدر الله مشيول
نعش بسلف فات    راعــــــيه مكتول

        حسرةّ سبـــي كتلتها
        وحسرة عبي ضاگتها
        وسوط وحــبل وياها
        وجلمةّ شتم سمعـتها

زينب .. محـد وراها 
زينب .. غربه بثراها

عبد زينب
محمد الأبراهيمي

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭

((أنه أسويت))


أنه أسويت ... أنه أسويت
خاطر بالغرب ضليت
ميته يالگمر ياخوي
واريدنك تجي ولاجيت ولامريت أنه أسويت ...
رتك وي اليشيعون
تصيح اعليه خويه ام عون
شو ماجيت
ياعباس
خويه الغيرتك حنيت
چنت بجربتك عباس
آنه الماي وتبديت
   أنه أسويت ...
ميته وتفتر عيوني
بعيوني شكثر فريت
وحشه جنازتي يحسين
الناس تصيح هاي منين
يبو الاكبر تجي تمنيت
رسايل بالدمع وديت
مكاتيبي اجلك وانت شو ماجيت
باللحضه الاخيره الوجهك اتمنيت
الچفك يالحنين أهواي أنه اشتاگيت
ميخالف اموتن ياعزيز الروح
بس بيا جرح رديت
غربه وشوگ البروحي شكثر وديت
أنه اسويت ...
طبو بالنعش بالسوگ
وحجار وشماته والنعش مطگوگ
ورد بيه الوكت للنوگ
ورد بيه النفس مخنوگ
وخذاني الحيف والياحيف
وهم رديت شفت السوگ
اي يحسين
وداعة خوتك ونيت أنه أسويت
أتاني وبالنعش تانيت
الوادم تضحك ومليت
وآنه بالچفن تانيت
عندي خوان خوش خوان
عفتهم عالثره عريان يم عريان
عفتهم بالذره عطشان يم عطشان
عفتهم بس مناحر والجرح لهفان
عفتهم
روس اهل البيت
فوگ ارماحهم
ياريت أنه تعليت
أنه أسويت ...
من الشام أنه مليت
من الغربه أنه مليت
ضلمه وبالنعش مريت ... أنه اسويت
علي السجاد بيه احتار
ميته
وآنه اصيح النار
ميته
وانضرب بحجار
ميته وآنه اصيح ازغار
لحد يضرب اهل البيت
ميته وهيچ أنه احتاريت .. أنه اسويت
ميته
وآنه اصيح أخيام
ميته وانه اصيح ايتام
اوووف الشام
بلوه الشام ...
حسره الشام ..
غربه الشام
موت الشام ... وبتالي الجرح ضليت
انه أسويت ...

عبد زينب
محمد الابراهيمي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭
((ميته ورضيت))


ميته ورضيـــت بقسمتي
لا ولد عمي ولـَ اخــــوتي .. يشيعوني
بهاي السنه گلبي اشجنه
زواري شو ماكــــو السنه .. يزوروني

يَـم بـــــابي شو ماكو اليندبون
شو ماسمعت الّـ يمه يـَ ام عون
والــــــوادم اليمي نفـــس ذيچ
بس الشماته وبس يضحـــكون

تعالولي
الدمع يحرگ بصيوانه
تعالولي
الحزن يخنگ بكتمانه

يوليدات روحي وين حـدكم
يماهديتو بـــابي المـايـهدكم
تعالولي وأثركم فوگ خدكم

مشتاگه الدمعكم ...

"""""""""""""""""""""""""""""""""""''''''''''

ميته وحزن گلبي اندهش
بالغـــــــربه مذبوح النعش .. ويشماتي
ضلـــــمه ويشيعوني غرب
وشطوله بالـــموت الدرب .. بحسراتي

يركضون بيه ومــوش خوان
كلهم غرب ومتـــون فشلان
خلصان گلبي بغـــربةّ الشام
هوه آنه ميته وگلبي خلصان

يزواري
هذا الباب شـــال إيده
يزواري
المسافه بروحي بعيده

هذا البـاب متعـود عليكم
ماناسيهن وحــافظ اديكم
يهل الزود كل الغيره بيكم

مشتاگه الدمعكم ...

"""""""""""""""""""""""""""""""""""''''''''''

ميته وجمر شو چني احس
وحتى العطش حر الشمس .. يخواني
هندس مثل ليل اهــدعش
وياصوت اسمعنه العطــش .. يچـواني

يحفرون گبري وضيم تعبي
وصار النضر لخــواني يرّبيّ
هلبت ابو النــوماس عباس
شو ما اجه والشوگ يّـــدّبي

يبو الغيره
اختك رايـده متونك
يبو الغيره
كون النضره لعيونك

هايَحنان هاشـم ويـن هاشم
عمتكم وحيـــده ويـن جاسم
والاكبر وين ذاك ابن الاكارم

مشتاگه الدمعكم ...

"""""""""""""""""""""""""""""""""""''''''''''

ميته وضحـــكم يعـتلي
يَم گبــري اليبغض علي .. ياويلي
حزن الامس عاد الحزن
اسمع ضحك وين اليون .. وبليلي

متعوده بس يم بابي زوار
وعيــون بيها دمـوع تندار
بس ذولي مو زوار شمات
ذولي نفسهم حـرگو الدار

يهل گلبي
اريدن موكب الخدمه
يهل گلبي
وين الــــــزاد والنعمه

وين الليل ذاك الچـــان هيبه
وين القطعه ذيـچ المو غريبه
لا هسه صرت كلـــش غريبه

مشتاگه الدمعكم ...

عبد زينب
محمد الابراهيمي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭

((ركضنه من المخيم))


ركضنه من المخيم
چــــــه بينه تــهدم
أصيح وگلبي غَيـمْ .. يخويه الحگ

بس شفــتك رميه
بنص جيوش أميه
وخيل الاعـــوجيه .. اجت تسحگ

ماصـارت يسحگونه
حلال الله يطشرونه
وهوه يدير بعيــونه .. على الخدر على الخدر

اسمعه يصيح علويه
يزينب لحگي أعـليه
وأنه مشدوها برقيه .. وبالخدر وبالخدر

أريـــد أدنــــه ما اگــدر
اشوف الخنصر وأعــثر
وگلبي من الصياح انطر .. ياخويه ياخويه

آه آه آه ... يبن امي          
                """""""""""""""""""""""""""""""""""'''''''''''

ياخويه انچـوينه
يبن امي انــولينه
تعال الحگ علينه .. بعد روحي

ياروحي ومهجتي
بس عاين دمعـتي
ملهوفه بحســرتي .. يمذبوحي

يريت حوافر بصدري
شبيها الخيل ماتـدري
كسرن بالسحگ عمري .. من سحگن من سحگن

شفتهن من اجـــن عــشره
وأخـــوي أموسد الغــــبره
سمعت الصوت من صدره .. من سحگن

تقسملي وحــــگ جدي
ذاب من العطش چبدي
وآنه أميـــه مـــــاعندي  .. ياخويه ياخويه

آه آه آه ... يبن امي        
                """""""""""""""""""""""""""""""""""'''''''''''

ركضنه وگلت اجيلك
مـــــن النار اشتكيلك
حسين اصرخ دخيلك .. تعال ألنه

على الـتله وگفنه
ياريت احنه متنه
جرحك ماله ضنه .. أسمعت ونه

مامتعـــوده لــــونــيـــنك
عطش ويطيح من عينك
متغير صحـــــت وينـــك .. متغير متغير

اخوي أرسومه متغيره
ضهره طابـــگ بصدره
ومثــــلم غــــده نحره .. متغير متغير

أخوي انخطفت ألـوانه
أخوي ويابس ألســـانه
شسوي حسين حيرانه .. ياخويه ياخويه

آه آه آه ... يبن امي
                               """""""""""""""""""""""""""""""""""'''''''''''

السبي مو للأميره
يوادم والله حيره
وأنه زينب چبيره .. حبل بيدي

الهزل ياخويه شده
ضعن كـــله أصعده
العليل انمرد چبـده .. أعله تنهيدي

صَعدتْ اعله الهزل گوه
وعـــفت حسـين يتلوه
چا هوه العشـــگ بلوه .. سبه العيله سبه العيله

الضعن يحسين مجنونك
سابـــــينه دفــــو عيونك
مچتفنه سحــر لــــــونك .. سبه العيله سبه العيله

سارت بــــالوهــد نوگي
وعفت حسين معشوگي
برگبتي والحبل طــوگي .. ياخويه ياخويه

آه آه آه ... يبن امي                       
                """""""""""""""""""""""""""""""""""'''''''''''

نمشي وضعني سكته
الحـــــاير من صفنته
المچوي مـــن دمعته .. ويتلوه

يتــلــــوه بــحـــبــاله
وما بطـــــل ســـؤاله
بحرگه السوط أجاله .. وشسوه

هيچ الشــام وجــروحه
غديت بحرگه مذبوحه
والدمعات مسفـــوحـه .. على الوجنه

الغـربه تنــضر أعلــينه
وأحنه مچتفه أديـــنه
بسوط وضربو سكينه .. على الوجنه

هلاهل مگبل ويانه
أسم الشـــــام أذانه
يخويه وين منوانه .. ياخويه ياخويه

آه آه آه ... يبن امي

عبد زينب
محمد الابراهيمي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭


((بعيد الشام))


ردنه أنشيع اهناك .. بعيده الشام
جـــــنازةّ ام الايتام .. بعيده الشام

ردنه نـــروح لجنـــــازةّ العلويه
بعدهي ام الخدر ياناس مسبيه
ونســـد الـــدرب محد يوصلنه
ودرب الشــام سدوها سواجيه

ويــن نروح .. مــــا واحد يدلينه
كلها جروح .. ضلت عمةْ سكينه
يـــالمذبوح .. گــلبي صار بونينه

بعيد الشام ...
                           
"""""""""""""""""""""""""""""""""""''''''''''

غربه وســدو البوب .. بعيد الشام
يزينب خنگةّ غروب .. بعيد الشام

بعيد الـشام يازينب ترى بعيده
الله يساعدچ من بتي بالبــيده
لا خيمه وعساچر هـم بلا غيره
نكرها الشام بس لعيونچ نريده

غربه وموت .. زينـــب ماتت بغربه
نعش يفوت .. علي السجاد ياگلبه
والتـــــابوت .. حــــاير صاير بدربه

بعيد الشام ...
                         
"""""""""""""""""""""""""""""""""""''''''''''

غريب النعش ياناس .. بعيد الشام
يريت چفوف عباس .. بعيد الشام

كون أمتون ابو فاضل التحملها
كون حســــــين هوه ألي ينزلها
غريبه ام الخدر وأخوتها بعيده
كون أخوانها وجـــــاسم يكلمها

لــو جسام .. يـــــاعمه يناديها
والايـــــتام .. تلزم كتر رجليها
هذا الشام .. ماخـله عمر بيها

بعيد الشام ...
                        
"""""""""""""""""""""""""""""""""""''''''''''

أنذبحنه بغير ذباح ... بعيد الشام
يمته نروح نرتاح ... بعيد الشام

ردنه نروح بس كسرو خواطرنه
وچفوف الزمن زينب التسطرنه
ردنه أنشـــــيع أجنازةْ عـــزيزتنه
المدامع يالعزيزه صارت أتجرنه

راح الحيل .. يــــــا زينب يمهيوبه
بينه الخيل .. سحگت نار مشبوبه
هذا اللــيل .. والارواح مصــــيوبه

بعيد الشام ...
                              
"""""""""""""""""""""""""""""""""""''''''''''

نعش مو أهله يحدون .. بعيد الشام
ولا صرخات يمّ عـــون .. بعيد الشام

بالتابوت زينب تضحك الديره
ميته والشماته صــاحو إيسيره
علي السجــــاد دمعاته يچونه
ياحيرةّ غريب وعمـــته بحيره

بالعثـــرات .. شـــايل عمته بچتفه
بالحسرات .. ظل إيصيـح ياوسفه
والشــمات .. مـــــاعدهم ابد عفه

بعيد الشام ...

عبد زينب
محمد الابراهيمي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭
((ماتجيني))
               
ماتجيني      ماتجيني
يابو الفضل جابو چفن
وانه غريبه بهـل الوطن
ماتجيني     ماتجيني
  
"""""""""""""""""""""""""""""""""""''''''''''

الماعندة اخو يظل منكسر ظهره بمصيبه
من يوصل بعيــــنه الاجــل يطـلب حبيبه
تابــــوتي أبـلايه مـــــتن هـــــــاي الغريبه

خـويه .. تســـمع  كلامي
غــربه .. ومامش عمامي
احضر .. مو كلبي ضامي

ماي عيني    ماي عيني
رتك تجيني ويه الحسن
وانه غريبه بهــل الوطن
ماتجيني         ماتجيني

"""""""""""""""""""""""""""""""""""''''''''''

عزريل من يمي گعد گتله انتضرني
هلبت ابو فاضل يرد يمـــي ويمرني
ارد ابچي اگباله ملح دمعي عصرني
   
دمعي .. ينــزل سبايه
يجـري .. احمـر دمايه
صارت .. هايه النهايه           
 
بس حنيني   بس حنيني
شيبنـــــــــي دلالي ويحن 
وانه غريبه بهل الــــوطن
ماتجيني         ماتجيني

"""""""""""""""""""""""""""""""""""''''''''''

المخنوگ ذكرى بداخله وچلمةّ حبايب
بس انه مخنوگةّ عمر يگضي بمـصايب
شربو خيالي من النضر احضر يغـــايب
       
وينك .. زينب سبوها
ميــته .. وماشيعــوها
تدري .. سبو ابــــوها

مو ونيني     مو نيني
ياخويه ميته وهـم اون
وانه غريبه بهل الوطن
ماتجيني      ماتجيني

"""""""""""""""""""""""""""""""""""''''''''''

العطشان جربه بصفنته وصرخه بضميره 
يالــداگلي خيمةّ عشــگ وفارش حصيره
خويه اطلع بنــص الغــرب كلش چبــيره

اركض .. وسوط الاجالي
امشـي .. وانته اعله بالي
اســـهر .. ســــــود اليالي
        
یاونيني        یاونيني
خمسين عمري وبس محن
وآنـــــــه غريبه بهل الوطن
ما تجيني      ماتجيني

"""""""""""""""""""""""""""""""""""''''''''''

الحگ تره صرت بنعش لحگ عليه
عباس خـــــــويه مروتك ارجـع اليه
ترظاها  اظــــل الوحدي آنه ورقيه
    
غــربه .. واهلي بعيده
حسره .. ابقه وحــيده
واللـه .. عبـاس اريده
 
ياسنيني      ياسنيني
حتى المــدامع صيحن
وانه غريبه بهل الوطن
ماتجيني      ماتجيني

عبد زينب
محمد الأبراهيمي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭

((تسافر دمعتي))


تسـافر دمعـتي ســاعـات وأيام
وأنه زينب بعدهي علتيّ الشام
بـهـيـده وصـار وني
ترى الشام الذبحني
علِتي الشام .. علِتي الشام
                 
"""""""""""""""""""""""""""""""""""''''''''''

يَبسـت ورگةّ ايــامي
ولــن عزريل گدامي
گـــــتله منين تاخـذ روحي وتروح

أذا من جدمي مو سهله
أنه دست الجـــمر كــله
وأذا من عيني شفت حسين مذبوح

تـانيني يمـــلك المـــوت لَــــمه
يجيني الـكافل وبچفوفي ألزمه
وهَلبت مــــــا أشوف بزنده دمه
وأشبگنه أعله روحي وأرد أشمه

عـــاين يا ملك شــوف المصيبه
اخذني وروح فــكني من غريبه
القصر كلش جرحني
ترى الـــشام الذبحني
علِتي الشام .. علِتي الشام
              
"""""""""""""""""""""""""""""""""""''''''''''

عــــــالقبله يخلوني
بس مشتاگه يدروني
گبل لا موت هلبت نضره لحسين

گبل لاتخلص انفاسي
يگعد كون يَـــم راسي
وكـــون بچفه يمسح دمعةّ العين

يملك الموت لاتـحتار حيره
آنه البل حـــبل آنه  الأسيره
أخذني ومحد ينادي الاميره
سبيه وهاي الحچايه چبيره

چبيره الشامت ينادي سبيه
وآنه اخت الهواشم هاشميه
المصايب من خذني
ترى الشـام الذبحني
علِتي الشام .. علِتي الشام
               
"""""""""""""""""""""""""""""""""""''''''''''

بــده عزريل يّدَنه
وآنه بروحي الونه
بخيالي أرسم ضعنه الصار طشار

أحسه من يمد إيده
وآنه صفـنتي بعيده
فـــــــز لَمن گلتله أشســوت النار

النار بجرحي تمشي وسوط أجانه
يقـــــابض روحــــي كلش عذبانه
شما نركض تــــرى يركض ورانــه
بنص نـــــار المخــــيم طبــــــبانه

احترگنه والعليل وشفته مچوي
يگلي عمه زينـب چــــــا شسوي
الخيل بهــاي أجني
ترى الشام الذبحني
علِتي الشام .. علِتي الشام
              
"""""""""""""""""""""""""""""""""""''''''''''

دمعتي حايره بســكته
الموت الما أجه بوكته
يريتك جاي من شفت الحوافر

من جانه المهر خالي
ونركض آنه وعــيالي
كون أهـــــناك جاي بيوم عاشر

كون بيوم عـــاشر ويّ اخوتي
لَمن وشل أعله حسين صوتي
من شفت النحر وآنـــه أبلوتي
يريتك جاي يامن انـــته موتي

تمنيتك بصف حسين ياموت
وعالغبره وأظـل بدون تابوت
ولا شامت يصــدني
ترى الشام الذبحني
علِتي الشام .. علِتي الشام
                
"""""""""""""""""""""""""""""""""""''''''''''

ترفرف روحـي بعيوني
وحسيت أنخطف لوني
ومن چــفوفي طلعت بيها چويات

بچت روحي على سنيني
على حسين وتـــــواسيني
وعلى درب السبي وجرح السبيات

اگل للــــروح روحي هاي هيه
شبعتي من الشماته من السبيه
بس ياروح خــل نمشي الرقيه
هلبــــــت تسكت ونگعد سويه

يروحي وما بعد لخواني جيه
فلــــت وأنتهت بــــالغاضريه
لچمني الطف لچمني
ترى الشــــام الذبحني
علِتي الشام .. علِتي الشام
 
عبد زينب
محمد الابراهيمي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭
في وفاة السيدة زينب (ع)

يا علي .. خَلّي دمعك دم يِصُب
يا علي .. زينبك شِبْعَت ضَرُب
يا علي .. او ماتت ابديرةْ غُرُب

&&&&&

يا علي لو تنظر الها .. اهواي متغيِّر شِكِلْها

امن اليسر و اجروح طفها .. إنتي مَن يمكن تكِلْها

شافت امصايب عظيمه .. الهذا شَيَّب حتى ظِلْها

عاشت او ماتت غريبه .. او عالنهر ذبحَوا أمَلْها

يا علي .. بنتك ابحضن الأجل
يا علي .. لا أهلها او لا أمل
يا علي .. او ماتت ابديرةْ غُرُب

&&&&&

يا علي باوع مَتِنْها .. امن الضرب يتفايض ابدم

او لو تِشِم زينب جِلِدْها .. بيْه تِشِم حَرْكـ المخيم

كعبه للأحزان صارت .. او كل ركن منها تهدَّم

لآخر الأنفاس تصرخ .. آه يا شهر الـ (محرم)

يا علي .. ابجفها آثار الحَبِل
يا علي .. اتكلك اشسوَّى النذِل
يا علي .. او ماتت ابديرةْ غُرُب

&&&&&

يا بو زينب خل اخبرك .. من غبت ظلت تنوحك

بس تموت او مَنْتَه يمها .. اشلون كلي او هيه روحك

من تشاهدها ابجِفَنْها .. اجروحْها تحضن جروحك

او من تِقَبِّلْها ابمَتِنْها .. سوط يا حيدر يلوحك

يا علي .. بنتك امضَيْعه ضُوه
يا علي .. والحزن إلها هَوَه
يا علي .. او ماتت ابديرةْ غُرُب

&&&&&

زينبك شبعت مصايب .. او شبعت امن الدنيه حيره

الجانت ابجالك أميره .. امجَتِّفه صارت و اسيره

شافت ابن امها اعله رمحه .. او عينْها اتمنَّت ضريره

او طايح ابلا اجفوف شافت .. عالنهر بدر العشيره

يا علي .. من بعد ذاكه الخِدُر
يا علي .. تمشي بدروب اليِسُر
يا علي .. او ماتت ابديرةْ غُرُب

&&&&&

ماتت اوياها المدامع .. والعتب والهم سويه

بالنعش زينب نحيله .. نَحِّلَتْها الغاضريه

جيش اميه من ينادي .. اعليها يصرخ يا سبيه

اهنانه كومي اهنانه كعدي .. إليزيد انتي هديه

يا علي .. صار ايشَتِّمْها زَجِر
يا علي .. طكها بالسوط الشِّمِر
يا علي .. او ماتت ابديرةْ غُرُب

&&&&&

خادم زينب (ع) : إبراهيم الدريس
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭

في ذكرى وفاة السيدة زينب (ع)

يا زينب يا زينب يا زينب
&&&&&

هالليله يا ناس
غمُّضت عين الشاهدت إخوتها عالگاع
لفظت الأنفاس
ذيچ اللي شافت بالخيول امهشَّمه أضلاع
ينعاها الاحساس
او تبچي عليها من دمه هالليله الأوجاع

مهظومه .. إخت الحسن و احسين
مهظومه .. هالليله غمضت عين

يا زينب يا زينب يا زينب
&&&&&

عاشگةِ الحسين
وگَّف گلبها يا وسافه الحارگ اخيام
وين الأهل وين ؟!
محَّد حضر للي بقت تتنفَّس آلام
مرسومه بالعين
صورةْ نحر ينزف دمه و امترَّس اسهام

مرسومه .. ابعين العقيله اضلوع
مرسومه .. صورةْ نحر مگطوع

يا زينب يا زينب يا زينب
&&&&&

مجروحه الخيام
عاللي مشت ويَّه الغرب حسره او سبيه
مكسوره الأيام
كسرةْ أبو اليمه على فرگةْ أخيَّه
عـ الهيه بالشام
ماتت غريبه امدوهنه او تصرخ يدَيَّه

وحَّدها .. ماتت بلا أخوان
وحَّدها .. وينه گمر عدنان ؟!

يا زينب يا زينب يا زينب
&&&&&

إجروحها اهواي
هذا الدهر يا ناس أبد لا ما رحمها
من تذكر الماي
تذكرهِنِ اشفافِ الأخو او يكبر ألمها
أم الحزن هاي
إلطشَّر الخيل ابتراب الطف حلمها

عالغبره .. مطشِّره الأحلام
عالغبره .. شافت غصص و آلام

يا زينب يا زينب يا زينب
&&&&&

بالك يدفَّان
لا تلچم امتون العقيله الهاشميه
امتون أم الأحزان
شبعت ضرب يا ويلي منِّ اسياط أُميه
ما يمها وليان
ولياها سحگتها سحگ خيل أعوجيه

يا دفَّان .. بالك تأذِّيها
يا دفَّان .. متورمه ايديها

يا زينب يا زينب يا زينب
&&&&&

ماتت يهالناس
ذيچ اللي شتموا بالسبي أمها و أبوها
دلالها انداس
يوم الذي وسط المجالس وگِّفوها
بـ اطبول .. الأرجاس
من دخلت الشام العقيله استقبلوها

بت حيدر .. جرحتها أرض الشام
بت حيدر .. ضربوها هالظلام

يا زينب يا زينب يا زينب
&&&&&

ابنص مجلس ايزيد
شافت يزيد الحره ينكت ثغر الحسين
مچتوفةِ الإيد
صاحت يبن سُفيان شُلَّت منك ايمين
ابحسره او تناهيد
سوَّت عزه ابمجلس يزيد اعله المُطاعين

مجروحه .. من سافروا العزاز
مجروحه .. و الها الدمع جنَّاز

يا زينب يا زينب يا زينب
&&&&&

إبراهيم الدريس
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭
في وفاة السيدة زينب (ع)

زينب آنه اوباخِر انفاس
كلي وينك خويه عباس ؟!

إذا ما تِعْتِنِيني .. تره اتزَاعِلْها عيني

خويه عباس

& & & & &

يا كفيلي أرْد اسِألك وين لِوْعود ؟!
إنته ما دكّيت صدرك يا أبو الزود ؟!
عوف موضوع العَمَد هم عوفِ لِزْنود
آنه اريدك يَمِّي باخِر لحظه موجود

ما أريدَن لا هَوَا اوماي
يَمِّي بس تحضَر يوفّاي

كُرَب يا خويه حِيني .. تره اتزَاعِلْها عيني

خويه عباس

& & & & &

كَبُل متموت الإخِت لِخْوان يلفون
اوهاي لمَّتْهُم تِكَحْل اَجفانِ لِعْيون
آنه من دون الخَوَات اللي يموتون
يَمِّي ماكو اخوان واعليَّه ينوحون

وحدي اَعَالِج خويه بالموت
او(وين عباس ؟!) اعتِله الصوت

يأجْمَل شِي ابسِنيني .. تره اتزَاعِلْها عيني

خويه عباس

& & & & &

إنته تدري اشكد يخويه اكليبي مهظوم
اومن طُفوفِ الغاضريه اشكد حِوى اهموم
اعليك صدر احسين ذاكَ الشِفْتَه مهشوم
لَيَّه يا بدْرِ الهِواشم تحضَر اليوم

فرِّح اكليبي ابحُضورك
زورْنِي حته آنه ازورك

يخويه ارحَم حَنيني .. تره اتزَاعِلْها عيني

خويه عباس

& & & & &

نارِ لِبْكلبي أشد من نار لِخْيام
اومن غِبِت عني اعله صدري غافْيه اسهام
الْكلبي كتله انته تِجِي اومن كتله ما نام
حِلِم هالجَيه عليْه لا تحكُم اعدام

كافي لا لَتْعذّب الروح
يكفي بيها امن الطفِ اجروح

رِدِت تسمع وِنيني .. تره اتزَاعِلْها عيني

خويه عباس

& & & & &

خويه اريدك من يوافيها اختك البين
تِسْبِلِ اجفوفي اوتغمّض مني هالعين
وابلِحِد كبري انته نَزِّل جِثْتي بِوْنين
رَغُم ما يَسراك مكطوعه وِلِيمين

واعله كبري هِيلِ لِتْراب
اترابي هاي المَرّه لِي احْجاب

تِوافي اختك يَقيني .. تره اتزَاعِلْها عيني

خويه عباس

& & & & &

يا بو فاضل هاي آخر كلمه وَيَّاك
اشلون لِخْولّه عِفِتْني اوآنه بِحْماك ؟!
لِعْبَت اعله امتوني خويه اسياطْ لِعْداك
اوركِّبوني اعله الهِزِل يا خويه بعداك

وكِّفوني ابنِص دُواوين
وينك انته او وينِ لِحْسين ؟!

سِأل دلالي ويني ؟! .. تره اتزَاعِلْها عيني

خويه عباس

& & & & &

خادم زينب (ع) : إبراهيم الدريس
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭
في وفاة السيدة زينب (ع)

آنه يا ناس .. إلعقيله
نعشي هاليوم .. مِن يشيله ؟!

ليش اِخوتي ما يِحِضْرون ؟!
زحمه غربه اللي يشيعون

نعشي هاليوم .. مِن يشيله ؟!

&&&&&

بالغربه أنه او شَب بالحزن صدري
هالليله انحُفَر برض الهظُم كبري
نعشي يا عَجَب بين الغُرُب يسري
معقوله إخوتي ابموتي ما تدري !

إيدي عباس .. ما سِبَلْها
اجنازِتي احسين .. ما حِمَلْها

حسرتي ظلت بِلِعْيون
زحمه غربه اللي يشيعون

نعشي هاليوم .. مِن يشيله ؟!

&&&&&

آخر صفحه بالهم تنطوي الليله
أموت او نعشي مَحَّد مِن هَلِي ايشيله
تُرابي اعليه صارت غربه لِتْهِيْله
ما جَن عندي لا خُوَّان او لا عيله

يا حرامات .. عمري يذبَل
او لا حِظَه الشوف .. بالتِّكفَّل

اعزازي جسمي ردْتِ ايدِفنون
زحمه غربه اللي يشيعون

نعشي هاليوم .. مِن يشيله ؟!

&&&&&

اليشاهدني يكولن هايه مو زينب
غياب أحبابي عني امن الأجل أصعب
مو شَعري أحس حته النَّفَس شَيَّب
أظلِّ اليا وكت ناكةْ ألم أركب ؟!

منِّ لدموع .. عيني مَلَّت
بسِّ لضلوع .. جمره هَلَّت

حته ظِلِّي ناده محزون
زحمه غربه اللي يشيعون

نعشي هاليوم .. مِن يشيله ؟!

&&&&&

متت يا ناس مرات آنه مو مَرَّه
أول موت إجاني ابعصرةِ الزهره
ثاني موت من جَرَّوا عَلِي الزُّمره
و الثالث مِنِ احسين اِسْحِكَوا صدره

او هم إجه الموت .. خَبْرُوا عباس
من غِده الطُّول .. فُرجه للناس

خدري راح البيْه يِحِلْفون
زحمه غربه اللي يشيعون

نعشي هاليوم .. مِن يشيله ؟!

&&&&&

مثل طير آنه تايِه و انذِبح جَنِّي
او تِبْيَض عين أَلِف يعكوب من حزني
جم مره على اعيوني الشمر طكني ؟!
او منَّ أركُض صُبَح بالسوط يِتْبَعْني

مني لِيْدين .. والله وِرْمَن
او همِّ لِعْيُون .. اِبْطَكَّه عِمْيَن

السوط زركه خَلَّه لمتون
زحمه غربه اللي يشيعون

نعشي هاليوم .. مِن يشيله ؟!

&&&&&

أنه حُرمه او دِليلي منترِس طعنات
او بعد عزها صُفَت وسط الخرابه اتبات
تمنّيت الكلب يم النَّهَر لُو مات
وَ لا بالشام آنه وحدي أجُر حسرات

ابكربله اهناك .. ردْته موتي
تِحله لجروح .. يمِّ اِخُوْتي

الفارِكَوا ضَيْ دوم اينوحون
زحمه غربه اللي يشيعون

نعشي هاليوم .. مِن يشيله ؟!

&&&&&

خادم زينب (ع) : إبراهيم الدريس
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭
في وفاة السيدة زينب (ع)

ما مِثِل زينب مَرَه
عالشَّرَف مِتْصَدِّره

&&&&&

توكف الدنيه اِحتِراماً لو يمُر طاريها   
والحياه لو ما العقيله كلي شمحلِّيها ؟!
إلشمِس تطلُب إِذِنْها تطلَع اتخلِّيها
و الزمن ما كِدر سوطه زينب ايلاويها

تبكه بس بت حيدره
عالشَّرَف مِتْصَدِّره

&&&&&

لُو قِرينه اكتاب عُمرِج نلكه كل صفحاته 
بالمجد تِزهي او نِشِمَّن عِطرِج ابطَيَّاته
إنتي قُرآن العَفاف او خدرِج أغله آياته
او صوتِج انتي خَلَّه خَصْمِج بس يجُر خيباته

يبكه صوتِج جوهره
عالشَّرَف مِتْصَدِّره

&&&&&

يالعقيله ما تهمني ناس اِلِي ايشتموني
آنه مجنونِج وَ أباهي كل بَشَر بِجْنوني
كلمه عندي الليله زينب ويه اِلِي اِيْعِذْلوني
جيبُوا مثْل الحُرَّه تالي يا خَلَكـ لُوموني

حُبِّج أعظَم مفخره
عالشَّرَف مِتْصَدِّره

&&&&&

امن البدايه احروف زينب نوِّرت أيامي
آنه أظل خادم خَدَمْها هذي أغله أحلامي
حته أصيحَن مَدَد زينب صرْت أحبَّ آلامي
او لُو ما إخت احسين جا ظل هذا كلبي ظامي

هيه نَهْرَ الله او جِره
عالشَّرَف مِتْصَدِّره

&&&&&

المجلسِج زينب إجينه بالدمِع وَفَّايه
ياللي جفِّج رَحْمَةَ الله او بالكرم عَطَّايه
بسمِج ايصيحَن أَسِمْعه هالفُرات او مايه
(رايتِج بيدَيَّه تبكه او ماتِكَع هالرايه)

وَحَكـ سَبْعِ الكنطره 
عالشَّرَف مِتْصَدِّره

&&&&&

ابمجلسِج كلنه يزينب شِلْنه إحنه ايدينه
عالوَجِه نهمِل دَمِعْنه او نندعي الـ بارينه
عَجِّلِ اللهُمَّ عَجِّلْ في فَرَج مهدينه
تدري يا رب إنته تدري الـ شوفِته حَنّينه

هذا أمَل كلِّ الوَرَه
عالشَّرَف مِتْصَدِّره

&&&&&

خادم زينب (ع) : إبراهيم الدريس
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭
في وفاة السيدة زينب (ع)

يرفعة راسي .. سِكَنْتِي احساسي
تصيح أنفاسي .. مدد يا زينب

&&&&&

يمن نوَّرتي دربي .. او سِكَنْتي هذا كلبي
وَقِفْ خليته حبي .. إلِج يا بت محمد

يزينب بعتقادي .. تلزمي لي الأيادي
الشلتها وآنه اَنادي .. الحوايج كلها باليد

يبنت الهادي .. أريد امرادي
ينادي افادي .. مدد يا زينب

&&&&&

أدوِّر عن شفائي .. منِ اجروحي او بَلائي
البشر وِصْفوا دوائي .. أو دلّوني اعله كبرِج

أعرفِج إنتي رحمه .. او حروفِج أحلى نسمه
امن أجيب الظامي إسمه .. إلي يفزع لي خِدْرِج

ابوجوه اَحبابِج .. مَيِنْسَد بابِج
أبد واترابِج .. مدد يا زينب

&&&&&

إذا ضاكت عليه .. يبت حامي الحميه
دموعي اتظل جِريه .. وَكِلّج ها يحُرَّه

بعد ما عندي غيرِج .. أنا عبدِج واَسيرِج
واذا يشملني خيرِج .. فلا اتمُر بيَّه حسره

لطُمها اضلوعي .. يسكّن روعي
أخِط بدموعي .. مدد يا زينب

&&&&&

خدِمْتِج عندي غايه .. يمن إسمِج هدايه
أضحِّي لِج دِمايه .. وِ لِج أهدي مناحر

بدونِج شنهي دنيه .. إلي حزنِج هويه
او مصاب الغاضريه .. رِسَم خط الشعائر

أظل يا زينب .. أوِن لِج و اَنحَب
محبتِج مذهب .. مدد يا زينب

&&&&&

حشا ما لحظه ناسي .. اللي شفتي امن المآسي
نِعالِج فوكـ راسي .. يَلِمْشَرْفه العوالم

إذا عندك عداله .. او تدوِّر عن بَسَاله
المجد حِطّ ابِّداله .. عقيلة آل هاشم

أبد ما اَعوفِج .. دليلي ايطوفِج
وَرَتْلِ احروفِج .. مدد يا زينب

&&&&&

خادم زينب (ع) : إبراهيم الدريس
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭

لوفاة العقيلة زينب عليها السلام وزن  (المثلث )

أرد أعزي صاحب الطلعه البهيه
ومثله أنحب بالليالي الزينبيه
★★★★★
على الحال الچان بالكلفات راهي
وبيت چان ابلمة الاحباب زاهي
هذا نوحي  ونوحي  للشافت دواهي
ودارها بعد الاهل ضلت خليه
★★★★★
على الشافت شده تلفي بعد شده
وابن امها شافته بالحومه وحده
لاگمر واصحاب مامش گوم عنده
شتذكر شتنساه من الغاضريه
★★★★★
أرد أعزي الحجه اخفف من نحيبه
الحبيب أفراگه بالدنيا مصيبه
الگوم ترميها بحجر  تمشي غريبه
وعنها اهل الشام گالوا خارجيه
★★★★★
مالها ثاني مصايبها العقيله
وليله تنعد من هظمها بألف ليله
بالحرم من بعد كافلها كفيله
ايعينها الله على الجره بنت الزچيه
★★★★★
صارت الايام سوده من النوايب
لاعمدها   ولاولدها   ولاحبايب
ولاگمرها بعازته واليوم غايب
صعبه مايحضرها واحد بالمنيه

الشاعر حسن لعيبي الحريشاوي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭
على لحن ملا كرار ابو غنيم القديمة..
اخذ يا طير دمعة عين✍️




ألف مـرة يدفنوني      ولايحسين يسبوني
*
أتمنـــى تشوف جروحي المشيبة
حتى المو بشــر هم ينكسر كَلبة
بلايــة أحباب تكتل يا هلي الغربة
ضيم الفركَة خوية يعَرفة المجربة
تعمن كون يعيـوني    ولايحسين يسبوني
*  
العدهه الخدر چــان بهيئة القران  
والما شاف ظلهه بيـوم أي أنسان
التطلع للسبي وياهـه بس عدوان
ودهه تموت خوية ولا تطب ديوان
بلا خيمة يخلـوني     ولايحسين يسبوني
*
الچانت وي أهلهـــه تشبه النسمة
المثل عباس عدهه ومثل أبواليمة
تاليهه الشــمر بت فاطمــة تكلمة
مــو حكَـهه وجههَ زينب تلطـمة
راح شكَد يبچـــوني     ولايحسين يسبوني
*
الچان يهابهه كــل الأنس والجِن
وعلـي ما يدخللهه ألـه يستأذن
الفاكَد كل اخوتــه كَلبة هـم يعن؟
حتى من تموت تظل عليك تــون
يوميــة يشيعوني     ولايحسين يسبوني
*
يبن أمي لون تدري شجرة علينة
من يــوم الرحت للشـــام مسبية
أموت من القــهر يحسين يوميــة
من تصدلي راح تكَـــول مو هيــة  
أخوتي ما يعرفوني     ولايحسين يسبوني
*
بس الله يخويــة بحالتـــي يدري  
خَلص نوحي اونيني والبچي وصبري
شمالة الموت بالطف ما أخذ عمري
لله بهاالمصايب سلــمت أمـــــري
ميته كون تلكَونـــي     ولايحسين يسبوني
*
اليتنفس مصـــايب حكَه من يجــزع
وروحه من الحزن ومن القهر تطلع
من دون البــشر كَلب أختـــك ملوع
وياك الزمــن يحسين هـــم يرجــع
وكل غِيابي يلفوني     ولايحسين يسبوني
*
على چتاف السباية الســـوط يتلوة
أحاچي الشمر يحسين ويرد كَــوة
من رحتو ولهسه شفت چم بلــوة
ترد هيهات ذيـچ أيامنه الحــلوة
وياهم ليش عفتوني    ولايحسين يسبوني
*
دم مو دمعة كَامت تجري من عيني
شلون انســاك يحسين شينسيني
بعد هذا الدهــر مدري شيراويني
وي عبــاس كون اندفنن سنينــي
وزوارك يزوروني     ولايحسين يسبوني
*
حيدر حسين الكَرعاوي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭

على لحن  الرادود وطن النجفي...


رحنه بضعينه✍️




آيالليــالــــي       ماظلي غالــــي
ذبحولي كل الخــوان    حتى الرضيع العطشان
هم ما بكَالــي      ما ظلــي غـالي
****
آيالليـــالي شكــــثر بچيـــتيني
من ظلع أمي وابــد ما عفتيني
بلايــة حزن ما يـــوم خليتيني
حتى امنَنامن تبچي منــچ عيني
شخلـــه زماني       ألمـــن أتاني
ماظل على زينب حال    مسبـــية ويه الچتال
ويلي على حالــي       ما ظلــي غـالي
****
اللـــــه من العـــاشر ومن يومة
لتَّل المصايب من رحت للــحومة
          چم غالي شفـته مسلبات اهدومة
للــيوم زينب بت علــــي مظلومة
أنعة النشـــامة        ليوم القيـــامة
كل ساعة وآحـد مذبوح     ما ماتت شلون الروح
ظل بيتي خالي        ما ظلــي غـالي
****
هـا يالليالي ما كفـــاچ الشــفته
مذبوح بالطف چم مُحمد عفــته
حتى السهر من القـــهر شيبته
حامي الحمة ما يدري سلبو بته
هاي الســـبية        بنت الزچـــية
شايفهه بس جبرائيل      شوف الدهر من يميل
چم سوط اجالــي       ما ظلــــي غـالي
****
هاي الوحي شكَد يستحي من جدهه
هاي الأمس ست أخوة چانو عدهه
والموت يرجف من أســـم وآلـــدهه
بطف كربلـــــة بين الزلم وحـــدهه
واحد يســـبها        اواحد ضـــربها
الحارس خدرها العباس    تتفرج عليـــها الناس
ما عندي وآلــي         ما ظلــي غـالي
****
لا ياللـــيالي ما نصفتي ويــانه
أنتــي مثل دنيـــاي هم خَــــوانه
مو راح يوكَف كَلبي من أحزانه
فجعــو مُحمد وأنســـبت نسوانه
ذني السبـــاية       كل وحده آيـــة
الچنهن سوَر مَسبيات       طلعن كَبــال الشمات
محد يبــــالي      ما ظلــي غـالي
****
لا هـــم ولا همين حتـــى أتحمل
ولا طالعة من الباب وتكَول أندل
ما اكَـــدر أتذكـــر ولا أتخـــــيل
كَبال الجيوش تروح زينب للـتَل
الماكو بخـــدرهه       شيب عمـــرهه
كَلب الشمس هم مالون      ما شاهدت زينب يوم
تدري بـــدلاي       ما ظلــــي غـالي
****
لا يالليـــالي ما نمـــت كل ليـــلة
شيغمض عيونه الحزن هد حيلــة
كَمت أحچي وي كَلبي شكثر واشكيلة
يا ويلــــي من هذا القـــهر ياويلــة
إل الله يحبــــهه        شلعو كَلـــبهه
يا دهري بيـــه شخليت     من لوعتـــي ما مَليت
تدري شجـــرالي       ما ظلـــــي غـالي
****
عباس مو مالت سبــي ما يدري
مَل الصبر يا بالفضل من صبري
بلوعة ومصيبة وآه خلص عمري
حتى امنموتن راح انوح بكَبــري
وابقــــه غريبة       زينب مصـــيبة
يعوفوني خاف الزوار     يهدون كَبــــري الكفار
يهجــروني تالــي        ما ظلــــي غـالي
****
حيدر حسين الكَرعاوي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

 #قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭



لامتـكـفي الگـبور ..  تدفن حزن عاشور
يزينب يزينب

***

يالمــن حزنچ اونــچ خـجل يعـقوب
يم حيل الرچيچ ويـم صــبر متعوب
لون گلبچ حديد امن الطفوف يذوب
يخت الذي راسـه عالــرمح مـصلوب
 
شلون ام گلب مكسور .. تــدفن حزن عاشور
يزينب يزينب

***

يالشلتــي المصــيبه الابــد ماتنشال
ثگيله ولوهــت تهــدل امتون اجبال
حزنــچ يعــجز ايــشــيله الـف رجال
خصوصا من ندهتي وما اجه الكفال
 
صعبه الخيها منحور .. تــدفن حزن عاشور
يزينب يزينب

***

الباب ابمــوتچ انسد بس فتح بيبان
يالمـوتچ قضــيه مـــو كـــلام السان
غفت عيناچ بــس حزنچ بقه سهران
على الضل عالتراب مســلب وعريان
 
هيه الشافت انحور .. تدفن حزن عاشور
يزينب يزينب

***

كــل الشيعــو جــثـــمانچ ايصـــيحون
دفنــچ مو ســهل يحــظر كــفيلچ كون
يالشفتي المـــصاب الماتــشوفه اعيون
ابراس احسين شفتي الوادم ايهوسون
 
والدمعاتها اتفور؟ .. تدفن حزن عاشور
يزينب يزينب

***

المثلـچ بيه حزن اهله يدفنوه وين
يمخجله يـزينب دمــعتچ كل عين
اهل الشام بيـــچ اشــسوو وتبچين
هلگد مابچيتي بچــه راس احسين
 
گلب الگاع مفطور .. تدفن حزن عاشور
يزينب يزينب
***
حيدر تركي الكربلائي
 ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهادة_السيدة_زينب_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

"هَلْ أَتى‏ عَلَى الْإِنْسانِ" مثلما مرَّ علىٰ زينب؟😭
‌‏ــــــــــــــــــــــــــــــــ😭
شوط كربلائي
.
.
.

يا اكبر جــرح بعـــيون .. تــاريــخ الانســـانـــــيه
يستر الدنيــا والمثلـــچ .. جريمه تروح مســــبيه
 
-------------
 
انتــي اول عـــبايه اتــروح .. فــوگ النوگ مگيوده
وانتي اعظم ستر عالگــاع .. ابزمـان العفه مفگوده
وانتي اول اسيره انشوف ..على حشمتها محسوده
الحراير من يــشوفنچ
يزينب شــو يحسدنچ
كعبه اعله الهزل چنچ

ســـتار الكعبه يازينــــب .. مـــنـچ ماخـــذ اشويه
 
…………
 
على الناگه ركبتــــي اجروح .. لا واحـــد ولاعــشره
الزغير البيـــهــن اتــــصــور .. ست اشهر اظن عمره
سافرتي اعله سچت موت .. ويلي اشطولها السفره
چن شجـــره وبلا ســباح
من كل صوب عج ورياح
واخوتـــچ روسهـم برماح
صبـــر ايوب يــم صـــبرچ .. طلـــع لا شي يـعلويه

 
………… .
 
من چان السكوت بــروح .. بالديـــون صرتي السان
نطقتي من سكت كلشي ..بوكت بيه كثرة الخرسان
يحسچة حيدر ونعمــين ..البلاغه البيـــچ چن قران
السانــه الرايد ايمده
اگبالچ يجرء اشحده
تنطيه طينـته ابخده
السانچ ابشط امن السيف .. تربيتـــچ حسـيـــــــنيه

 
………… ..
 
القصرهم من دخلتـــيله .. چــانو همه منتصرين
سليتي السوالف سيف .. وسكتو سكتت الميتين
والديون راســا صـــار .. چن ساحة حرب صفين
وطب حيدر علي بسيفه
وگــام يلگــــط ابــــكيفه
يعرفوه من يـرد حـــيفه
خلستــــي ايزيد ديـوانه .. ابنبـــــره كــربلائيه

 
……………
 
زينب چان وصفچ ماي .. وصـــعبه الـماي يتوصف
اجيتي ومحد ايعرفچ ..وطلعتي امگيده امن الطف
الكل حاجه اكو تعريف .. وبــــس ســـترچ ميتعرف
الشالچ ماي بعـيونه
عليه ظعنچ يمرونه
يبو فاضــل ينادونه
الچانت بيـــك مهـــيوبه .. اديــهـــا بحبـــل مدميه

 
……… .
 
شمس واچم گمر شفتي .. فــــوگ الگـاع بعيونچ
الله يسـاعدچ يم عون .. حچي الوادم ايسمعونچ
هدل من السياط الحيل .. اشگد ماشايله امتونچ
يعيــــنچ الله يازيـــنب
النار ابداخـلــــچ تلـهب
الحملتيه لو جبل يتعب
ثگل الگيد وعيــــالچ .. مــنها صرتي محــنيه
-------
حيدر تركي الكربلائي
 
 ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA