#قصائد_السيدة_رقية_ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴 شبكت راس ابوها رقية من عذبوها 💔
ــــــــــــــــــــــــــــــــــــــــــــــــــــــــ


وما يحاچيها
حچت وي راس ابوها وما يحاچيها 
@@@
على اتراب الخرابه ما هنى النوم 
ورقيه من حلمها اتنوح واتگوم 
شكثر شوگ ألأبوها سوه مالوم 
نست منه متنها وخدها ملطوم
… 
ورضت ايديها
وگيود احنت ظهرها ورضت ايديها  
@@@
على باب الخرابه تجي واتروح 
وخنگ حتى نفسها كثرة النوح 
تنادي عمه وينه روح كل روح
اخاف اسم الله بويه طاح مذبوح
…
تلطم اعليها
وعقيلة آل هاشم تلطم اعليها 
@@@
ولنه جابوا ليها مغطى بالطاس 
على صينيه حمره ابلون لنحاس 
وتهب ريحة ابوها وتشهگ أنفاس 
ولنه الجايبينه بالطشت راس
…
راس واليها 
طشت وبوسطه صاير راس واليها
@@@
ابصغيره أچفوف طبت ضمته زين 
وعلى عيون التحبه خلت العين 
وبدت تحچي وتكلمه وين ما وين 
عفت بنتك رقيه بويه يحسين 
…
ضمت ايديها 
صغيره ونحر ابوها ضمت ايدها 
@@@
تگله شلون گلي هاي لجراح
ومنو اجبينك يبويه بالحجر لاح
اظن راسك يغالي رفعته ارماح 
ومن ازراگ اعله خدك للارض طاح
…
الغالي اعليها 
وتعد اجروح وجهه الغالي اعليها 
@@@
اشوفن باجي نحرك هلّي مگطوع 
انفرم لحمه اوتينه ابرمح مرفوع 
يبويه ليش راسك منه منزوع 
لسلخ هامك ذبحني بگلب مفجوع
…
راسك اشبيها 
بثر لرماح فتحه راسك اشبيها
@@@
يخد الباسه طه شلون محروگ 
واظن ابسهم حلگك بويه مخنوگ
ثناياگ الكسيره تحت لو فوگ 
ابعصات ايزيد ثغرك ضنتي مطگوگ
…
الوجنه خديها 
ابتراب او دم عفيره الوجنه خديها
@@@
هنياله اليضمك والله مبخوت 
يهل كتره ابجبينك بان مفتوت 
اظم راسك وناغي واكتم الصوت 
وتلولي اعله نحرك بويه للموت 
…
اسأل اشبيها 
بنتك بس تضمك  اسأل اشبيها
@@@
علي أحمد الحمود 
١-٨-٢٠٢٤
شهادة رقية ع 

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_السيدة_رقية_ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


🏴 شبكت راس ابوها رقية من عذبوها 💔
ــــــــــــــــــــــــــــــــــــــــــــــــــــــــ



أدور عن هواك / محرم 1446 

لسان حال مولاتي رقيه (ع) تكلم ابيها الامام الحسين ( ع) عند لقائها معه في قبرها 


أنكت ابريتي وْأَدور عن هواك
بويه من بنتك أمس ياهو الخَذاك
ياحُسين ياحُسين  

بالگبر لافيني تبقه لو تروح 
بويه اگعد واسمع اشبيّه جروح 
چان بالطف صوت الي يمك انوح
وبِيّه عاشت ظلمه من طفو ضواك 

بويه بالطف صار حالي چل هشيم 
وتسعر النيران مامش كل نعيم 
ديرة الدخان تخنگ كل نسيم
وانه نسمه وصوتي دخن من نعاك

تيّهِيتَكْ من سَحِگْهُم عالصدر
وْگمت ادوْرك أيّسِتْ بيّه تمر 
صار عگبك ثوب للگاع الجمر 
وجدمي گد عثرات زينب دوّراك

چني الزهراء من طگهه الظلوم
من غبت حد موتي مابيّه أگوم 
حيل المفارگ جفن ماضاگ نوم 
وحيلي حبل اخيام زينب من وراك 

تدري لليشتاگ ما يرتاح بال
وگام دمعي بيّه يچوي چ الرمال
وضاع نومي مثل ما ضاع الدلال 
وبالخرابه سرفنت جفني البچاك

ابطيفك اتوضى الجفن والنيّه موت
وْكَبّر ابمحراب راسك دمعه صوت
وابتدى ابسورة نحر سَلّم سكوت
ومات يمك شوگ من ميت لگاك



خادم الزهراء (ع) 
سيد حامد النعيمي 
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA