#قصائد_العليلة

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤 غيبتك ياحسين طويله
وفاطمه بنتك عليله🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁



#كعده

يادار أهلي إو عافوني === يادار شوفيها إعيوني
ما تغمــُضها الأجفان === راحوا عنــّي الوليان
ــــــــــــــــ
ودّعوني إو دمعتي مافارگت عيني إو حزينه
والگلب ينزف غــِدَه من شاف حــَضــْروها الضعينه
همــّي جارح واني أشوف إحسين ما خذ كــُل بنينه
بس آني ظلــّيت إبحزن == لا واحـــــد إعليــّه يحن
تركوني بهمومـــــي أون == تجري دمعاتي الحنينه
يادار آني إبحسراتـي === يادار سمعي الآهاتي
ما تنزاح الأحـــــزان === راحوا عنــّي الوليان
ـــــ
ودّعــَنــّي كـُل خواتي إو لوعتي إبگلبي خفيــّه
والضعن سار إو مشه واني تمنــّيت المنيــّه
من بعدهم ما يــِلــِذ العيش ما تحلــَه المسيــّه
أحبابي عنــّي أبعــــدوا == للغيبه حَضـْروا مـَهـّدوا
وإجروح عنـــدي ولــّدوا == من مشــــــوا للغاضريــّه
يادار آني المظلومــــــه === يادار وحدي إو مهمومه
وأحچــي ويــّه الحيطان === راحـــــوا عنــّي الوليان
ــــ
من تمـُر إطيوف الحسين إبخيالي تسري ناري
أذكر أيــّامه إو يحن گلبي النزيفه إدموم جاري
وأذكر العباس عمـّي الچــان نوره يضوي داري
عبد الله أذكر سلوتي == وإتذوب بالهم مهجتي
ما تــِهـْدَه تجري عبرتي == والألــــــــــم للدوم ساري
يادار بالهم عينينــي === يادار ذكريه إحسيني
لاواحد منهم بـــــان === راحوا عنــّي الوليان
ــــــ
آه ياليل الحزن طــوّل ظلامك ما رحمني
واني بالامي إو وحدتي والزمن منهم حرمني
وأنتظر يوم اليجيني الأكبر إو زوده يضمني
ياخذني إخوي الوالدي == واني أشوفه مگصدي
آليـــت من بعده أرتدي == ثـوب الأحزان السگمني
يادار إبچـي إو واسينــي === يادار إحچـي إو ناجيني
وإروي گلبي العطشـــان === راحوا عنــّي الوليان
ــــــــ
والأمل ضاع إو بعد ماشوف عمتي الهاشميــّه
والليالي من تمـُر وحشه تصير إبكــُل مسيــّه
لا إبو عندي الأزوره إو لا إخو اليسأل عليـــّه
وحدي غريبه إبديرتي == ياربــّي إكشف محنتي
خلــّيني أشوفه ضنوتي == والدي إحسين الشفيــّه
يادار جارت أيــّامي === يـــادار كثرت آلامي
وأتنطـــّر عالبيبــــــان === راحوا عنــّي الوليان
ــــ
المــُصيبــــــــــــه
ــــــــــــــــــــــــــــــــــــــــــــــ
فاطمه هاي العليله هاذي محنتها الأليمه
ذوّبت روح العقيله من مشت عنها العليمه
ظلــّت الطفله إبألمها دايم المأتم تقيمه
طفلــه وحيده إو ساهـره
نار إبگلبها ساجـــــــــره
وإبدار أبوها دايـــــــــره
وإبهمها تبچـي إو حايره
دنيه إو عليها جايــــــره
تنتظر يرجع أبوها والأهل إلها العليله
ـــــــــــــــــ
مع تحيات شاعر اهل البيت / جابر النجفي



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار


🖤الشاعر محمد هادي العقابي🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁



#كعده للعليله ع


روحي مالومه وهلي بعدو عليه
واليضل ابلا ابو يشبع اذيه
والعليله المثلي تنطي الوجه وين
لااخو اليمهه ولا والد حنين
يجري دمعي عالمشو لرض الغرب
.........................

بويه هاي الدنيه صارت بعدك بعيني مضلمه
يالخذت وياك كلشي تعلمت عطرك اشمه
شنهي وضعك ارد اسمعك بويه منك ردت كلمه

عالدرب انطر ماامل
ورده بطريقك انشتل
راح اذبل عيوني تهل
ارجعلي كلبي لا تلجمه

شوفتك بيهه الشفه وصحه وسلامه
بويه تدري اعليك انه مثل الحمامه
عله العافوهه كلبهه يضل حزين
وانه بيه ثنينهن حزن وونين
يجري دمعي عالمشو لرض الغرب
..............................

يمته اسمع خبر مفرح والدج رد الدياره
حته ذيج الساعه يمك ينعدل ضهري نكساره
ترد يمته كلشي سكته وصار ليلي وي نهاره

والجفن لو لحظه  نطبك
بهاي  اختلف عن الخلك
وياهم ابوهم مفترك
وكلبي انه ما تطفه ناره

ناري شيطفيهه وانته بعيد عني
ضحكتك وسوالفك كلساع اجني
واذكر اللمه وعليك مجمعين
سوالفك كلهه ترافه وكلهه لين
يجري دمعي عالمشو لرض الغرب
.............................

بويه كلي شكد تطول بالسفر لو ماكو رجعه
حته جفن العين لحضه مااخله يعوف دمعه
اليفكد الاب يبقه ينحب عمره يكضي هذا وضعه

النسيان رحمه اعله البشر
بس انته نسيانك خطر
وياك يبقه  المستقر
كون صوتك هسه اسمعه

رقت احجاياتك الهسه بذاني
بويه كل لحضه الك زايد حناني
يالخذت وياك كل الطيبين
هسه مثلي وهم علّي متلهفين
يجري دمعي عالمشو لرض الغرب
..............................

مارحمني الدمع بويه ورحي تنشد عن خبركم
بيا مكان ابيتك انضر صارت كبالي صوركم
ولو سهت عيني بمنامي برئيتي انتم شفتكم

بخيامكم ينعه الحزن
والحرم مكسوره وتون
خبرني بويه ارد اطمإن
 بالشفته هذا وصار  عدكم

هيج اشوفن لو غفت عيني بمنامي 
والضعن يابويه كله بلوعه ضامي
وشفت واحد شايل الجود بحنين
هذا عباس واظن ماعنده اديّن
يجري دمعي عالمشو لرض الغرب
...........................
شفت بغيابك عجايب والكلب ماشاف راحه
بويه بيدك شفت شايل طير ويرفرف جناحه
لا تكلي عبد هذا والسهم بالنحر لاحه

لتزيد الام الكلب
شلون المكمط ينضرب
شحالك وهل موقف صعب
بويه حاجيني بصراحه

راح اضل بحيرتي وافكاري يمكم
وحته ريح الهاب انشده عن خبركم
سلمت  امري  وامركم للمعيّن
ودعي ياربي تردهم سالميّن
يجري دمعي عالمشو لرض الغرب



خادمكم محمد هادي العقابي



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_المشايه_والاربعين

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁




#كعده

يالساكــــــــــن إبــــــأرض الـــــــــــزود == جيتــــــــــك حزينــــــــه
خـــــــل ينهــــــض إويــــــــاك الجــــود == جيــــــــت إبضعينــــــــه
لتضن نسيتك === مهمومه جيتك
جيت إبضعينه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
خويــــــه ياروحـــــــي إو أمـــــــل دنيــــــــاي جيتـــــــك ياولينـــــــه
أربعيــــــــن إمـــــــن الليالــــــي نــــــــورك اليزهــــــي إمفارﮔينـــــه
بالظـــــــلام العايلـــــــــه ظلــــــــت بعـــــــد عزنـــــــه إنولينـــــــــــه
أخذوني عنّك بالغصــــُــب == ﮔلبي نزف دمعي يصُب
ضعني سره يمشي الدرُب == نبتعد عنّك غدينـــــــــه 
روحي ﺑﮔـت بالآلام == يمّــــك يغالـــــي
ﮔلبي نساها الأحلام == وأحلف يوالـــي
لا مـــا جفيتــــــــك === مهمومه جيتك
جيت إبضعينه
ــــــــــــــــــــــــــــــــــــــــــــــــــ ــ
خويــــــه جيتــــــــك من بعد ضيـــــــم الأســــــــر يبــــــن الزﭼيـــــه
إنهـــــــض إو أرويلك الصـــــــار إو جــــــــره يابــــــــو الحميّــــــــه
صاحـــــوا إبكوفــــــان شوفــــــوا هذا ضعـــــــــن الخارجيّــــــــــــــه
يحسين راكبهم جهل == زرعوه أرباب الدجل
ما بيهم إبدن أي أمل == مارعوا سيد البريّــه
واني صحــت ياظلام == جدنـــــــــه نبيكــــــم
حيدر علي الماينضام == هُــــــوّ وليكــــــــــم
آنــــــي وفيتــــــــــك == مهمومــــــــه جيتك
جيت إبضعينه
ــــــــــــــــــــــــــــــــــــــــــــــــــ ـــــ
مـــــن شفـــــت أهل الغـــــدر ﯾﺑﭼــــون ﮔلبــــــي صـــــار مجمــــــــر
خويـــــه يحسيــــــن إنطلق صوتــــــي إبشوارع كوفـــــة الشـــــــــر
وإبألــــــم ناديت دم طــــــه النبي إنتـــــــم ذبحتـــــــوا إبجـــــور منكر
إنتم ذبحتـــــوا فاطمـــه == ﺗﺑﭼــي غدت حتى السمه
وإبكربله سيل الدمــــــه == إعتلــــــه الأمجاد وإزهر
ناصرتوا جور الشيطـان == هــــــــاي الرزيـــــــــــه
خويه نسوه الأحســـــان == نصـــــروا أميّـــــــــــــه
تنهــــــــض يريتــــــــك === مهمومــــــــــــه جيتك
جيت إبضعينه
ــــــــــــــــــــــــــــــــــــــــــــــــــ ــــــــ
خويــــــه يحسيــــــن الرزيّــــــه إبمجلــــــس الطاغــــــي شفتهـــــــا
نــــــــار شعلــــــــت بيّــــــه ياخويـــــــه إو ﺑﮔـــــــت ما فارﮔتهــــــــا
لكــــــن بزودي صحــــــت وأهـــــــــــــــداف للثـــــــوره أعلنتهـــــــا
وإيزيد بان إو إنفضح == خط ثورتك خويه وضح
والباغي أبدن ما نجح == والمسيره وضّحتهــــــا
واليــــوم إجيتك يانور == للغاضريّــــــــــــــــــــه
وإﺑﮔلبي ناري إتفـــور == حــــــــــد المنيّــــــــــه
بُمّــــي نخيتــــــــــــك === مهمومــــــــــه جيتك
جيت إبضعينه
ــــــــــــــــــــــــــــــــــــــــــــــــــ ــــــ
خويــــــه يحسيــــــن الضعــــــن يمّـــــــك وصل إنهــــــض يوالــــــي
خلّــــــي آنــــــي إوياك نمشي للكفلنـــــي إيشـــــــــــوف حالـــــــــــي
رايـــــــده العبــــــاس ينهــــــض وأدري آنـــــــــــي إبزوده عالــــــي
أشرح إله أفعال النذل == خلي الدمــــع منّه يهــــــل
وأشكر إلهي وأبتهــل == وأرجع الطيبه إوياي والي
يرفع لواءه المهيـوب == يســــــــــري إبضعنّــــــــه
حتماً أخوي المحبوب == شايـــــــــف إلمنـــــــــــــه
تسمــــــــع دريتــــك === مهمومــــــــه جيتــــــــك
جيت إبضعينه
ــــــــــــــــــــــــــــــــــــــــــــــــــ ــــــــــ
المُصيبـــــــــــــــــــه
ياعلـــــــــي بويـــــــه إجيـــــــت الأخوتــــــــي بعـــــد المصايــــــــب
ياولينــــــه آنــــــي أريدك تحضـــــــــــــر إويـــــــاي إمن أعاتـــــــب
وأنصـــــــب المأتــــــم يبويه إبكربلــــــه إو دلالـــــــــي لاهـــــــــــب
شاركني بويه إبحسرتي = ماتهده أبدن عبرتي = إسمعها تفجع ونّتي 
أﺑﭼــي ونادي إخوتي = نهضوا إلي ياضونتي = محّد يردني الديرتي
محّــــد يردنــــــــي يبويـــــــه إو ما نهضلــــــــي إحسيــــــــــن غايب
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
مع تحيات شاعر اهل البيت / جابر النجفي


✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_استشهاد_الامام_العسكري_ع_8_ربيع الاول

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁




#كعده

طور ايام ايام

ظـــــلاّم --- ظـــلاّم === هاي الزمـره ظلاّم
چبد الحسن سـَمّوها === بنت النبي فجعوها
هاي الزمـره ظلاّم
ــــــــــــــــــــــــــــــــــــــــ
هاي زمره إو حامله الأحقاد وإغتالت ولينه
والحزن عم الوسيعه وإنلچــم گلبه نبينه
فاطمه الزهره تنوح إو تلعن أرباب الضغينه
سامرّه غطــّاها الحــــزن == والمنتظر يبچــي إو يون
والدين للزاكي يحن == يلعن الزمره اللعينه
هيهات --- هيهات === ما ننساها هيهــات
ملــــــّة كفر آذوها === بنت النبي فجعوها
هاي الزمـره ظلاّم
ـ
يا محمد عترتك ما أنصفوها الناصبيــّه
بين سم إو بين إرهاب إو قتل يابو الحميه
شرّدوهم من وطنهم وإنجرح گلب الزچيــّه
صبروا على ضيم الدهر == نالــــــــوا مجدهم والظفر
واليبغض العتره إندحر == تنتهي كـُل جاهليــــــــّه
مولاي --- مــولاي === ما حـِشـْموها مولاي
عتره إبغدر ظلموها === بنت النبي فجعوهــا
هاي الزمـره ظلاّم
ـــــ
ياعلي ما أنصفوا إولادك إو دمهم تـِطـَشــّر
والحسن حادي عشر كوكب گضه بالسم تــحـَيــّر
من بني العباس لاح الضيم والآهات تكبر
وينك يجدّي ياعلــــــي == نادى الحسن هذا الولي
ما بين شرهم أنولي == والگلــــب نيرانه تسعر
حسرات --- حسـرات === ما أقساها حسرات
روحي إبحقد جرحوها === بنت النبي فجعوها
هاي الزمـره ظلاّم
ـــــ
رادوا إيطـَفـّون أنوار الجلاله إبهذا غيهم
ظنـــّوا إبسم الحسن أهل الهـُدى ينزاح ضيهم
ما دروا نوره إرتقى بــِبــْنــَه اليريد الثار منهم
لازم يجينـــــــه المنتظر == وإبطلعته يشفي النظر
وإيزيل كـُل هذا الخطر == فنهـــــم إيصمدون فنهم
أرجاس --- أرجاس === هاي الملـّه أرجاس
نار الكـُره شعلوهــا === بنت النبي فجعوها
هاي الزمـره ظلاّم
ــــــ
ننتظر يوم الفرج ياربــّي عجــّل من ظهوره
نرتوي من رأفته إو نمشي على أنوار نوره
لازم إنزيل النواصب كل موالي إيشوف دوره
مـَيـْظل وهابي إو ينتهــي == وإيشع ضوه المهدي البهي
والكون بالحب يزدهي == يحمي كل مظلوم سوره
ربــــّاه --- ربــــّاه === وين المهدي ربــّاه
أمـّه الأشم عـَذبوها === بنت النبي فجعوها
هاي الزمـره ظلاّم
ـــ
المـُصيبــــــــــــه
ــــــــــــــــــــــــــــــــــــــــــــــــــ ـــــــــــــ
بالدموع اليوم شــَيــْعوه الحسن نال المكارم
نادوا ياموعود هذا العسكري مسموم غانم
والوهابيــّه إجونه اليوم إرهاب إو جرايم
نرفـــــع عزانــــه الفاطمه
خلــّيهــــــا تسمعنه للسمه
ريت النواصـــــب بالعـِمَه
أجـْرَوا على الأرض الدِمَه
هذا الهـُدى صابه الظــِمَـه
ننتظر نورك يحاميهـــــــــا الشريعــــــه
ــــــــــــــــــــــــــــــــــــــــــــــــــ ـــــــــــــــــــــــــ
مع تحيات شاعر أهل البيت / جابر النجفي


✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_استشهاد_الامام_العسكري_ع_8_ربيع الاول

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁





#كعده


هاليله سامره دمعهه ادموم تبجي الامام العسكر المسموم

نذكر مصابه بالم * ونعزي مهدي الامم

*

العسكري نبع الكرامه واطهر الناس بزمانه 

من علي الهادي صفاته وارث اعلومه وحنانه 

اتحصن بنور العقيـــــده ولاذت بركنه الديانه 

الحادي عشر هالمرتبه * والهادي بعده نصبه * ترتيب ربنه مرتبه

حدد بحكمه مكانه

بعصمه وكرامه وبالعلم موصوف بغيره وشجاعه وبالكرم معروف

نذكر مصابه بالم ونعزي مهدي الامم

**************

حكمة الباري العظيمه جمعته اونرجس سويه

هيه من عيسه نسله وهو من ســـــــــيد البريه

هذا سر نهج الامامه فســـــــــره حامي الحميه

بارينه هاذي ايته * بيهم زرعهه الغايته * منهم اليرفع رايته

يمحي ركن الجاهليه

بالعسكري وبصلبه البشاره منه الامام الياخذ بثاره

نذكر مصابه بألم * ونعزي مهدي الامم
********

بالمحن خلص حياته وارث احزانه ونحيبه

دومه صابر عالمصايب والگلب يسعر لهيبه

عاشر احزانه وهمومه عانه چم لوعه ومصيبه

هذا ابن خير البشر * بهيبته وبصبره اشتهر * علمه بزغ نوره ظهــر

وعيشته بديره غريبه

بعلمه تصده وحارب الظلام يامه صبر واتحمـــــــل الالام

نذكر مصابه بألم ونعزي مهدي الامم

******

عد بني العباس خصلــه غيره ماعدهه وشهامه

سارو بنهج الرذيله وحاربو نهــــــــــج الامامه

عادو انوار الهدايه والحــــــقد عدهم علامــــه

ذاكه الخليفه المعتمد * عشعش بنص گلبه الحسد * ملعون يبقه للابد

ويخسر بيوم القيامه

عاش بزمانه العسكري مظلوم خلص حياته بالحزن وهموم

نذكر مصابه بالم *ونعزي مهدي الامم

************

خافت الظلام منه وحاربوه بكل ظلمــــــهم

چي بزغ نور العقيده خافو ايطيــــح اسمهم

بالحقد طعنو مهجته وبالغدر قدموله سمهم

والمهدي طالت لوعته * صله عليه بدمعته * بغيبته بلغ شيعته

ولو ظهر يرفع علمهم

بساعة ظهوره ياخذ الثارات وبحكمه يرفع للعدل رايات

نذكر مصابه بالم *ونعزي مهدي الامم

******

عادت احقاد النواصب بالدمه كامت تتاجر

عالقبور الطيبه هجمو وبالغدر گطعو مناحر 

فجرو الگبه الشريفه چي غريــبه بلا مناصر 

شيعتنه هبت بالغضب * نادت يثارات الگُُبب * فرت قزم هاي العرب

انصبت اعليهم مخاطر

بالغدر وسفه فجرو گبره والمهدي صابر منتظر لأمره

نذكر مصابه بالم **ونعزي مهدي الامم

ابو لقاء البهادلي

✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_استشهاد_الامام_الهادي/(21/3/2018)

#مہؤسہسہهہ_مہنہبہريہونہ_للآلحہآنہ_آلحسـينهہ

▁▁▁▁▁▁▁▁▁▁▁▁▁▁▁▁▁▁▁▁▁▁▁▁


#كعده

إبسامره الهادي إينـــــادي --- وينك ياراعي الجود
يابويه أحبابك گصدوني --- وإيريدونك موجود
يردونك تحضر مأتمهــــم === وإتزيل إبزودك كل همهم
وينك ياراعي الجود
ــــــــــــــــــــــــــــ
طال يوليدي إنتظاري وين راياتك يوالي
يا أمل كل الخلايق حالك المهموم حالي
لمته أشوفك ياأمير الناس ياراعي المعالي
يمـّي تجي إو رافع علم == وأنسه همومي إو كـُل ألم
وإتزيل كل مجرم ظـَلـَم == تنتهـــي إو تگضي الليالي
وإتنوّر ليلــــــــــــــــي إبأنوارك --- وإيروح إو يمشي الليل
وأستقبل ويـّاك أنصــــــــــــارك --- وإتطش أنوار إو هيل
وإنتَ أنصارك تـِتـْقدمّهم === وإتزيل إبزودك كل همهم
وينك ياراعي الجود
ــ
ياحبيبي إو نور عيني ياأبو الأمجاد كلها
طالت الغيبه يبويه إو كل رزيه إتريد حلها
وإنتَ حلاّل المشاكل من تجي وإتشوف أهلها
وإتزور سامرّه إو تهل == والخيــــــر بالدنيه يحل
ميزان للحگ ينعدل == إنتَ للأمـّه أملها
والحگ يصبح هـُوّ الغالب --- وإتعيش الناس إبخير
وإيغور المجرم والناصب --- وإيموت أهل التكفير
وإتنادي أحبابك وإتلمهم === وإتزيل إبزودك كل همهم
وينك ياراعي الجود
ــ
من نجيع السم نزف گلبي إو شفت أحقاد مـُرّه
ناصبيــّه جرّعوني كل ألم مذموم شرّه
وإنتَ يوليدي التجي إو كل حاقد إبسيفك تـُجرّه
كل باطل إو شر ينتهي == نورك يغطـّينه البهي
نختار كل شي نشتهي == يطلع الحاقد لــــَبـَرّه
تاخذ ثار إحسين إو ثاري --- إو ثارات الطيبين
نيرانك تطفيها إو نـــــــــــــاري --- وإتقيم إلحگ والدين
وإتحب عشـّاگك وإتشمهم === وإتزيل إبزودك كل همهم
ـــــــ
أمـّك الزهراء يبني إمسح دمعها الصار نازف
ويــّه زوّاري إجتني إبلهفة المظلومه عارف
شاركتهم بالعزاء إو بالنحيب إو بالمواقف
مجروح من عدها الجفن == تبچـي إو تناديني إو تون
ريت إبــْتـُربتك أندفن == بلكت الرسمك أصادف
يبني إحضر ويـّاها الزهره --- وإبسامره إبهل يوم
أدري إبنيرانك مستعـــــــــره --- تنظر يبني إو مهموم
ياريت الزوّار إتأمهم === وإتزيل إبزودك كل همهم
وينك ياراعي الجود
ـ
يا أمان الكون كـُلـّه إو ماسك الدنيه الوسيعه
إظهر إو شوف الموالي من فجيعه للفجيعه
هاي أمك فاطمه إبهمها تناديك الشفيعه
يوليدي إسمع حسرتــــي
ظلــّيت أون وإبحيرتــــي
مهمومه تجري دمعتـــــي
نشفـّها يبني عبرتـــــــي
أولادي راحوا عترتـــــي
إظهر ييمـّه الشيعتـــــــي
وإطفيها ناري إو جمرتي
يا أبو الهـَدّات إنهضلي يحاميها الشريعه
ـــــــــــــــــــــــــــ
مع تحيات شاعر اهل البيت / جابر النجفي




⚫️مؤسسة منبريون للالحان رقم 1
@ahmed_alziwar1

⚫️مؤسسة منبريون لنشر القصائد 2
@ahmed_alziwar2

⚫️مؤسسة منبريون للمقامات3
@ahmed_alziwar3

⚫️مؤسسة منبريون للنعي4
@ahmed_alziwar5

⚫️اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ

❇️ قصائد استشهاد #سيدة_نساء_العالمين مولاتنا #فاطمة #الزهراء عليها السلام

#كعده


أيُ خطبٍ هشَّمَ الصدرَ الحزينْ * فعلى ما يَرتمي رأسُ الحسينْ
الچان يروي حسين من حبه وحنانه * لو يصيبه بغدر بسمار الخيانه
فعلى ما يرتمي رأسُ الحسينْ
----------
آه يا نار الاحزان البل گلب ظلت مسعره
وذوبت احشاي بلهبهه وتركت ابكل گلب جمره
وغدت تتصاعد بصدري بلوعته وصارت تصهره
بالضلع آلامي زادت من ضلع فاطمه الزهره
يا غائراً صدرَ الطَّهورِ أما ترى
قد عادَ قلبُ الدينِ ينزفُ أبْحُرا
والوحيُ يُخفِقُ قادِمَيهِ مُعفَّرا
قُلْ للمغيَّبِ تَحتَ أطباقِ الثَرى
إنْ كنتَ تسمعُ صرختي ونِدائِيا
قد هوى العرشُ على مَهوى الضلوعْ * وغدا الكونُ دماءً ودموعْ
كسِر ضلعِ الطاهرة صوَّب كيانه * لو يصيبه بغدر بسمار الخيانه
فعلى ما يرتمي رأس الحسين
------------
الكون من دم يهل دمعه وروحه غابت عن وعيهه
بيوم جار اعلى الوديعه الطاغي وتجاسر عليهه
بل غدر صوّب ضلعهه وطاح محسن بين اديهه
وحسّـت بقسوة دهرهه من عگب فرگة وليهه
غابَ الامينُ فكُلُّ عَبدٍ أنكَدِ
يَنهى ويأمُرُ ما يَشاءُ ويَعتدي
وحشا البتولِ بلهفةٍ وتردُدِ
قد كنتُ ذاتَ حِمًى بظِلِ مُحمدِ
لا أخشَى مِن ضَيمٍ وكانَ حِمًى لِيا
أيُّها السالبُ للطُهرِ حِمى * قد تركتَ الارضَ من دونِ سَمَا
افجعِت گلب الطُهُر يا سالب أمانه * لو يصيبه بغدر بسمار الخيانه
فعلى ما يرتمي رأسُ الحسين
----------
غاب سيد الرسل واضحت تعاني آلام الرزية
جمر نار افراگ ابوهه ولوعته وجور الرعية
تنظر لحملات حيدر امچتفه بگيد الوصية
والهه من كثر المصايب لاحت ارسوم المنية
شنَّتْ على تلك الحزينةِ شنَّها
زُمَرُ الضَلالِ فلم يُراعوا سِنَّها
تُومي شَجاً والدمعُ خيَّبَ ظنَّها
صُبَّتْ عَليَّ مَصائبٌ لو أنَّها
صُبَّتْ على الأيامِ صِرنَ لياليا
حمَلَتْ من دهرِها ما لا يُطاقْ * وسَقاها كأسُهُ مُرَّ المَذاقْ
والتهب دلالهه بجمرة احزانه * لو يصيبه بغدر بسمار الخيانه
فعلى ما يرتمي رأسُ الحسين
-------------
والتهب گلب الوديعة ومن مرار الصبر عانت
عاشت ابدار الاحزان وهل الاحزان عليهه بانت
ذايبه بنار المصيبه فگدت البحماه چانت
وحين حضرتهه المنيه والاجل ساعاته حانت
ناحَ الحَمامُ بحَيرةٍ وتوجُسِ
ولهُ الكَمائمُ في رؤىً وتفرُسِ
بِلِسانِ فاطمةٍ لكلِ الأنفسِ
فلأجعلنَّ الحزنَ بعدَكَ مُؤنسِي
ولأجعلنَّ الدمعَ فيكَ وِشاحِيا
بعدَ ذاكَ الهمِّ والحزنِ الطويلْ * شدَّتْ الزهراءُ للموتِ الرحيلْ
ارتاح گلب البضعه من لوعة زمانه * لو يصيبه بغدر بسمار الخيانه
فعلى ما يرتمي رأسُ الحسين
-------------
الفصيح للشاعر #زهير_الكاظمي
الشعبي للشاعر #عقيل_الكاظمي / بغداد

مدونتي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi