#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ
#محرم  ١٤٤٥
#توبة #الحر #الرياحي
.
.
يحسين اذنوبي  ..  وي كل اعيوبي
                ... دگن بابك...
اللوعه بروحي  ..  وطيب اجروحي
            ..  بشم اعتابك..
آنه الحر وبگلبي عبره
هل من توبه يبن الزهره
.
ـــــــــــــــ ❁ ❁ ❁ ـــــــــــــــــ
.
طلعت اليوم من داري
           وهاتف بذني ظل يقره
يحر الجنه تنتظرك
              ولابد بيها الك نظره
شلون الجنه ادخلها
            وگاصد اهظم العتره
لحرب ابن النبي رايح
          على الغبره نحز نحره
.
الجيش الكافر  ..  بالحومه حاضر
          .. لجل دموعه..
والحرگ خيامه..  ولسلب ايتامه
      .. وسحگ اضلوعه..
وآنه وياهم ذنبي شكبره
هل من توبه يبن الزهره
.
ــــــــــــــــ ❁ ❁ ❁ ـــــــــــــــــ
.
من ابو الاحرار شتذكر
                غير الرحمه والنخوه
اجيت بجيشي حاوطته
                ودعاني بمايه اتروه
آنه المذنب الاكبر
             جيشي بزينب اشسوه
منعت حسين  مايرجع
            وعطش بالغبره وتلوه
.
ارعبت اعياله  ..  وروعت اطفاله
        ..  وشفت ازغاره..
تنظر عباسه..  اختنگت انفاسه
        ... وشبت ناره...
لمن صدلي بعينه جمره
هل من توبه يبن الزهره
.
ـــــــــــــــ ❁ ❁ ❁ ـــــــــــــــــ
.
وزع بن سعد جيشه
               لذبح حسين يتحظر
شمر گاعد يحد بالسيف
               يگله حصّتي المنحر
گله طشت اجروحه
               بسهم ورماح يتعفر
حضرناله عشر اخيول
         تطحنه وعظمه يتكسر
.
ظل گلبي يخذف..  وجدامي ترجف
       .. ونشد عيني..
روحي ملهوفه..  بين اهل الكوفه
      .. ماكو حسيني..
گلبي الفاگد منهو يصبره
هل من توبه يبن الزهره
.
ـــــــــــــــ ❁ ❁ ❁ ـــــــــــــــــ
.
احس اختنگت انفاسي
             شهگت ودمعتي ونت
اجيتك شايل اذنوبي
             جروحي منها تتفتت
گبل ما اوصل  اعتابك
             چنت يحسين اتلفت
گصدتك وانت باب الله
             كريم وطاهر المنبت
.
أسطر بعيوني  ..  شلون يجندوني
           ...  اهدم صبرك..
ابنيتك ترجع ..  وانه الي امنع
          .. وگطع دربك..
  ذهلت اطفالك هاالقفره
هل من توبه يبن الزهره
.
ـــــــــــــــ ❁ ❁ ❁ ـــــــــــــــــ
.
شفت انصاره يفدونه
               درع صارو على بابه
حبيب ومسلم ونافع
               وسعيد يقبل اعتابه
وهب من ودع اعياله
           هجم والدمعه سچابه
وعابس من برز للموت
                 طر للنايبه اثيابه
.
جدام اعيونه..  بالدم يفدونه.. 
         .. وزينب تنظر
شفته اتلگاهم..  يمسح بدماهم
          .. وانه اتحظر..
هذا اليوم الچنت انتظره
هل من توبه يبن الزهره
.
ـــــــــــــــ ❁ ❁ ❁ ـــــــــــــــــ
.
هجمت وياهلا بالموت
            بحب احسيني اتسلح
التراب بكربله عطشان
             وينابيع الدمه تطفح
سيفي من يمر عالروس
           خرز ظل بيهن ايسبح
ورمح الي طعن بچلاي
              زيد شوگي للمذبح
.
شفت ابن البضعه.. متغير وضعه
          .. بآخر نضره .
راسي بخضابه..  شده بعصابه
      ...  وظلت ذكره..
والياخذها لا ميعذره
هل من توبه يبن الزهره
.
ـــــــــــــــ ❁ ❁ ❁ ـــــــــــــــــ
.
منك اعتذر يحسين
            بجسمي سالم المنحر
راسي محد احتزه
           وراسك عالرمح يفتر
عشيره عندي فزعتلي
        وانت اعله الثره مطشر
أنه ولادي يشيعوني
             وعليلك يمك اتيسر
.
آنه بنياتي..  رفن راياتي
    .. وما ضربوهن..
وانت ابنياتك.. تركن خيماتك
  .. من سلبوهن..
بعبد الله الما يسلم نحره
هل من توبه يبن الزهره
.
ـــــــــــــــ ❁ ❁ ❁ ـــــــــــــــــ
.
نصيحه وللرساله دموع
                  وي آلامي مملوحه
اليحس عنده ذنوب كبار
                 باله يفرط ابروحه
خل يگصد لابو الاحرار
               تره بيبانه مفتوحه
بعزائه مره من يحضر
          بنظره يطيب جروحه
.
يغفرله ذنوبه.. ويخفيله عيوبه
.. ويدخل بيته.. 
أيفك اقيوده.. بثياب السوده
.. يرفع صيته..
وبالخدمه يبارك كل عمره
هل من توبه يبن الزهره
.

حسن الموالي الفاطمي



الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك

#قصائد_العليلة_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏يا عليلة ترا الشمر ما يرحم.. عليل!!

‏‌ #فاطمة_العليلة⁩
  .      🏴
ــــــــــــــــــــــــــــــــــــــــــــــــــــــــ
#قصائد_منبريه
#محرم_١٤٤٥
ليلة فاطمه العليله (ع)
اساسيه

جرح العمر فكَد الاحباب
ماضل صبر يالهوه الهاب
جيب من عدهم خبر
والله مو راح النظر
ماضل صبر ماضل صبر
..............
كل مسيه اكعد واعاتب بلكي يا أهلي تعودون
ابجاه كلمن عنده ادعي جاه يحبابي تردون
خاطر الله العنده خاطر كَلبي عدكم لاتموتون
كل هوه ياخذ عتابي ما أضنكم ما تسمعون
يدري الهوه شهكتي موت
وانتم دوه جرحي اله صوت
خجل من دمعي المطر
والله مو راح النظر
ماضل صبر ماضل صبر
..............
موجرح واحد واطيبه كَد عدد خطواتي بالبيت
رايحه البابه ورجوعي جن جمر اسحك تجويت
جن احس ابروحي ديره من البواجي ابلا توابيت
المثلي كون ابحظن ابوهه مو على فراكَه تربيت
وي الاهل يحله الوكت
هسه الاجل دمعي يكت
اثنينه ابنفس الخطر
والله مو راح النظر
ماضل صبر ماضل صبر
..............
بكل صلاه دمعي ودعائي ربي يامن خالق الروح
ربي ما تاخذهه مني والله مو مليت الجروح
لشوكت وي صبري اعاني طير جني ابعشه مذبوح
من الزغر واني العليله والتمامه حملي مطروح
ياما حجي وي النسيم
اشبع بجي وجسمي سقيم
والنِفَس بيه احتظر
والله مو راح النظر
ماضل صبر ماضل صبر
.............
كَلبي نار من المصايب وانتظر طارشهم هواي
مثل ضامي ابكاع صحره من السمه يتنطر الماي
عتبة الباب الهضمتي شما اجيهه تبجي وياي
تنسحن روحي الفكَدهم بالبواجي اطحن اجلاي
واذرف دمه لا مو دمع
هالمظلمه تذوب الشمع
دمي عالوجنه عبر
والله مو راح النظر
ماضل صبر ماضل صبر
.............
بلكت يعودون وارجع كل وكت وياهم اكعد
هوه اذا مو يمي هُمه نارهُم بفادي تمرد
كل فرد من عدهم اشتم عطره كَبله يمي يكَصد
لو اخذهم موت مني بكل جزء من روحي يرقد
ريح العِلل هجر الاهل
كون الاجل صار ابعَجَل
لاشمسهم لاقمر
والله مو راح النظر
ماضل صبر ماضل صبر

الشاعر
ياسر العارضي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_انصار الحسين_ع_محرم_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏الله اختار السبعين
انصار بحب حسين
  .      🏴
ــــــــــــــــــــــــــــــــــــــــــــــــــــــــ
#قصائد_منبريه
#محرم_١٤٤٥
نزال في ليلة الانصار

فزعو لبو اليمه احزام             انصاره ذوله وخدام
واسسو معنه الخدامه
واسسو معنه الخدامه
.........
حلوه وترد الروح يا هالهيبه
الهم أساس الخدمه اهل الطيبه
خلو عدوهم بالقتال ابريبه
كَد ما حجو بالموعضه العجيبه
بالحجي يفلشون أصنام         انصاره ذوله وخدام
واسسو معنه الخدامه
واسسو معنه الخدامه
.........
غيرتهم ونهضتهم الوفايه
والكل حمل بالطف اجو كّفايه
بدمهم اجو للمعتقد شرايه
ودكو على إصدور الاعادي الثايه
ضرغام يتبع ضرغام             انصاره ذوله وخدام
واسسو معنه الخدامه
واسسو معنه الخدامه
.........
أي كثره مو دوم اعله حق تلكَاهه
إله   ابقضيه  وتفتهم معناههه
انصار الحسين  الهدف لماهه
ربنه لأجل طف  كربله رباهه
دمهم حفظ للأسلام       انصاره ذوله وخدام
واسسو معنه الخدامه
واسسو معنه الخدامه
.........
اول مواكب خدمه همه انجمعت
وقرايه همه بكل زمان انسمعت
وي خدمة حسين ابزمان  انمنعت
بذاك الوكت كوه الحكومه انجرعت
واتحملو هالالام      انصاره ذوله وخدام
واسسو معنه الخدامه
واسسو معنه الخدامه
.........
طاحو بدور اعله الارض مطروحه
كل منهم ايفدي الحسين ابروحه
صاير دمعهم عالرمش مرجوحه
بسيف الاعادي اركابهم مذبوحه
منهم فلا بالاحلام         انصاره ذوله وخدام
واسسو معنه الخدامه
واسسو معنه الخدامه

الشاعر
ياسر العارضي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi

#قصائد_للسبي__١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴  ‏
چـانـت بالـخـدر والـهـيـبـه مـصـيـونه
هــاي الـرخـصلـهـه الـكـافـل اعـيـونـه 💔😔
  .      🏴
ــــــــــــــــــــــــــــــــــــــــــــــــــــــــ
#قصائد_منبريه
#محرم_١٤٤٥
#السبي

ليش زينبكم سبيه ياغريب الغاضريه
......................
زينب اويه الغربه راحت لليسر
اتمنت ابها الحاله يخلص هالعمر
تلالي دمعته اعله خدهه من الهجر
وبالكَلب ما ينطفي حر الجمر
وانت طايح عالوطيه ياغريب الغاضريه
..............
عينهه من البجي حمره اصبحت
صابره الحره وابد ماعاتبت
من الطفوله اعله المصيبه اتعلمت
ومن كثر هاي المصايب شيبت
سيدي هاي الابيه ياغريب الغاضريه
.........
ياحسين الحره مهضومة كَلب
صعبه والله المجلس الظالم تطب
بعد ما كَطعو وريدك بالحرب
صارت ابموقف يبو الاكبر صعب
صارت المسؤوله هيه ياغريب الغاضريه
..................
بعد ماغاب الكَمر عنهه ومضه
شافت ابصدرك خيول اترضرضه
والسهم هذا الذي ابجبدك مضه
صاب جن كَلب الامير المرتضه
وهيه تحمل يارزيه ياغريب الغاضريه
...............
يا أبو السجاد زينب تنسبي؟!!!
اي ولكن ما يجرون العبي
امحجبات وذني احفاد النبي
وهنه عيلة حيدره ذاك الابي
هيبه بعيون ال اميه ياغريب الغاضريه

الشاعر
ياسر العارضي


▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://tttttt.me/+EYMpn6BKE-IxYmZi