#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤 الشاعرة ام رائد زوين 🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#للعباس ع

دليني دليني عباس دليني
درب الشريعه منين ياخويه حاجيني

📿❈━━━❁°•°❁━━━❈♡🕊

اباب الخيم واكفت واتصيح ياعباس
اجان حي بعدك اوماخمدت النفاس
ادركني يبو الغيره اتولتني الارجاس
بيا كتر طايح كلي يضي عيني

📿❈━━━❁°•°❁━━━❈♡🕊

عباس دليني درب الشريعه منين
خليني اصل يمك وادور الجفين
بلكن تكوم اوياي واتكلي شتردين
شتردين يازينب يختي تحشميني

📿❈━━━❁°•°❁━━━❈♡🕊

بلكن يبو الغيره اتكوم اوترد واياي
ياهيبتي اوعزي ماريد خويه الماي
اريدك ترد عني الكال زينب هاي
عباس مانه اختك واحدي تخليني

📿❈━━━❁°•°❁━━━❈♡🕊

انت الكلت عباس بشاربي زينب
ترضه يخويه شلون انهضم واتسلب
وافوك الهزل عباس امجتفه اركب
ماني اجيت اوياك وانت التباريني.

الشاعره ام رائد زوين



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤لشاعر السيد حيدر البوحمادي 🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#للعباس

                                    الشاعــر/  سيد حيدرالبوحمادي

نظــرت اوداع بعيــونك هايـــه  ـــــــ  خـويه جــن ماتـرجــــــع ويــه الرأيــــه

كَلبـــــي مجـــــروح :::::::  خــويــه لاتـــروح ــــــ  تبقـــه اريـــد ويـايــــــه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

خويه وينك يالكَلت × انا لجلج دللــــــــــــــــت × جاي تتركني وحسبت حسابي

تدري خدري ابين اديك ×عيني بس تنظرعليك × انجان ماترجع يطيح احجابي

رايتك تـدري الخـدر× الزينبــك انتـــه الصبــر × ياقنــوتي وركَعتـي بمحـرابــي

في عليِ كلش ضخين × خويـه يالطبعــك حنيــن × يالي ماتكَـدر تفـــارك بــابي

            تــريـــدني انســـــاك   ×××   وروحـــي ويـــــــــــــاك

@ نطينــي خــويه حجــايه ــــــ  تبقـــه اريـــد ويــايـــه @

//////////////////////////////////////////////////////////////////////////////////

خويه يلجمني الكَلب × خوفي بيك الانشعب × الكَبلك الـراحــو جثث كــَدامـي

وانــا مليــت الاطـم × ليش كل لحظه انصدم × ملــت اجفـوفي تـدكَ بهــامــي

وبعــد مابيــه جرح × تـريـد بيـك الانــذبــح × اتـريـد اشيع يمـك انته احلامي

شوف دمعاتي الجرت × خدودي حزن تفطرت × وهل يتامه ظامي صبر ظامي

@ شلــي بالمــاي × ابقــه ويـــاي @

لوعثــرت تصيـرالي تجايـه ـــ تبقــه اريــد ويايــه





يالمعــدل محملـي × ونتــه اعـرفـك كافلـي × ياهــو يكفلنــي اذا تبعـــد عليــــه

ابقـه خـويه بدمـع × ومـوتتي مـوت الشمـع × ابقـه للهــم والمصايب والاذيــه

اعله بختك ياشهم × ياهــو لضعـوني يلـــم × لــوعلي هجمــت ارذال ال اميــه

وين ادير ابنظرتي × وياهو يسمع شكوتي × كــون تسألني عليـك انتــه رقيــه

         حــــــالــي يــاحــــال  ×××   ويــــــــه الاطفـــــــــال

       شرد اكَلهم كَلبي تيه رأيه  ـــــــــــ  تبقـه خويــه ويايـه

////////////////////////////////////////////////////////////////////////////////////////

خويه يالرتك ذخر × بيك مرهــون الخــدر × شلــون لولاسامح الله ومـاتجينــي

ابقه وحده محيره × هايسبع الكَنطره × شلون لو خصمـك سطرلي خويه عيني

وخيلهم لوهـدعليِ× وانه مشـدوده ادي × شلــون بالايتــام لـوتسمـع ونينـــــي

حافيه امشي اعله الحجر× وين الكَالك اثر× ترضه اصرخ صرخت اعتاب بحنيني

           خــــــــــويــــه عبــــــاس ×××  تسمــــــع النـــــــــــــاس

          عداك ياهـي تصيح زينب هايه ـــــــــــ تبقــه اريـــد ويـايــه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ويــن بعـــدك نتجــــه × والمـن انـديـرالوجه × خويـه بعـدك كون حركَوه خيمنه

ثوب طفلــه لولهــب × تقبــل انزيــد العتـب × ياهــو اليطفيــه من مـاتت زلمنــه

جفي ياسوط اليصد × خاف يغتـاض الورد × لو سمعنه انوح من صرخت المنــه

نمشي صوب المشرعه × وصوت ناعيكم نعه × وبــدل ميعـزينه ناعيكــم يذمنــه  

          يسبنـــــه وشلــــــــــون  ×××  خـــويـــه تــرضــــــــــون

          شلـون لـوطفلــه اجـت شجايــه ـــــــ تبقــــه اريــد ويـايــه

///////////////////////////////////////////////////////////////////////////////////////////







خويه ابقه ابوحدي × منين بعدك ابتدي × درب موحش لو مشيت وليل اجــانـي

وانه عندي بس عباه × الياطفل تصبح غطاه × تصيرحصت كل طفل يدفه ثواني

شلون وي حر الظهر× منيلي مجعت صبر × والهوه لو مر على جسمي جوانــي

جـم طفــل يعثـرالم × دم يصـب لنه نصـدم × يلوج من جرحه الدرب كلــه يعانـي

           ويــــــــــن مـــــــــــاروح  ×××  تنـــــــزف اجــــــروح   

    بروحي خوتنــه اظــل شرايــه ــــــــــــ  تبقــى خــويــه ويـايــه

ــــــــــــــــــــــــــــــــــــــــــــــــــــــــــــــــــــــــــــــــــــــ

                                       



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤لشاعر السيد حيدر البوحمادي 🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁



#للعباس

الشاعر / سيد حيدر البوحمادي

عبــاس وينـــك زينبـــك راحـت سبيـــــه

عبــاس وينـــك ماتـــت بغـربــه رقيـــــه

للزند رد الجفــــوف  ـــــــــــــــــــ  لاوي كـــل هـــاي السيــــــوف

عبــــــــاس وينـــــــــــــك

///////////////////////////////////////////////////////////////////////

يـالجبتهـه × ودللـتهــه × وينـك اعلـه ام الخــدر ضـربوا متنهــه

بلامحامي × جـدم دامـي × حافيه اعله الشوك تمشي وي ضعنهه

نوك هزل × ابلايه محمل × اليا يتيمه اختك اتسولف عن حزنهـه

كَوم ليهه × حـل أديهـــه × الــدللتهــه حبــال تالـــي الـربطنهــــه

عبــاس وينــك والخــدر جــان بزمانـــك

عبــاس وينــك زينـب تحــــن لحنـانــــك

مـن الالم ماظـل تشـوف  ــــــــــــــــــ  لاوي كــل هــاي السيـــوف

//////////////////////////////////////////////////////////////////////////





شتموهـه × ولــوعـــوهـه × بالعبــايه اتلــم يتـامــــه الغاضريـــــه

بلاخيمهه × طفلــه يمهــه × ويــن عمي تصيـــح هــل طفله رقيـه

خل يجيني × يشوف عيني × سطــره فوكَاهـــه بحبـل شـدوا أديـه

يجرني واعثر× الله واكبـــر× نـار بـذيـالـي تشـب طفيهـــه اليـــــه

عبــاس وينـــك نــار بالثـــوب احـركَتنـي

عبــاس وينـــك خيلــهم هـــل طاردتنــــي

انتــه مغزل همه صــوف  ـــــــــــــــــــــ  لاوي كل هاي السيـــوف

ـــــــــــــــــــــــــــــــــــــ

شنسه منـك × وانتـه حظنــك × جـــان يحظنــه دفـوا جاهســه وينــك

خدي سطروا × طولي نظروا × والتفـت بس غربه يمي وماكو عينـك

رد خيمنــه × الــي تلمنــــه × يـالــي نـاصـب خيمتــي انتـــه بيمينـــك

بالخرابـــــه × والتـــرابــــه × اذري فــوك وجــوهنــه بعــازت حنينــك

عبـاس وينــك وشمـــــس حـــركَت وجهنــــه

عبـاس وينــك شوف جم سطره اعله خـدنـــه

جرحـي بجفوفــك تــروف  ـــــــــــــــــــــ  لاوي كل هــاي السيـــــــوف

عبــــــــــــاس وينـــــــــــــــــك

///////////////////////////////////////////////////////////////////////////////////


انتـه تــدري× خــويه خـدري × راح بيـــه اشمتـت نــاس الغـريبـــــه

هي هــايـه × البــالــعبــايــه × بت علي وشافوني مكسوره وسليبـــه

خـل نذلهـه × ابـــاهلهـــــه × راس اخوهه حسين برمــاح النـجيبــــه

وخل نذبحه × فوك َجرحـه ×  ذاك عبــدالله الطفـــل جثتـــه خضيبـــه

عبــاس وينـــك وطريــــق بـلانهايــــــــــه

عبــاس وينــــك رادوا طيـــح العبـايـــــــه

خويـه كَضـهه بالجفـــوف  ـــــــــــــــــــــــ  لاوي كــل هـــاي السيــــوف

عبـــــــــــاس وينـــــــــــــــــك

///////////////////////////////////////////////////////////////////////////////////


بهـل اليتامــه × اجــم علامـــه × سيــاط دخـــان الخيـــم يتحملـونـــــه

آه يـاعمـــــه × هنـانــه لجمــه × كَلي للجيش انتي بس لاتضربــونــه

اطفال كلنــه × كــافي صحنــه × الله يارحـم انتـوا شــوامـاتــرحمونــه

ذوله جدهم × البــاس خـدهــم × طـه روحــه حسيـن راسـه تكَطعـونـه

عبــــاس وينـــك كَطعــــوا اوداج الشـفيـــــــــــه

عبـــاس وينــــك والجســـد فـــــوكَ الــوطيــــــه

دارات اعليـــه الالـــوف  ــــــــــــــــــــــــ  لاوي كـــــل هــاي السيـــوف

عبـــــــــــــاس وينــــــــــــــــك


ويـاك اجينـه × شــومشينــه × وي عمــــر وشمـــر ماتـرضــه هايــــه

صوتي سمعوا × بيه تشفوا ×  امشــي انـــه ام الخـــدر بين السرايـــه

هنـا هظمنــي × من سـألني × ويـــن جــثث كافلـــج بيــن الضحــايــــه

صحته اخويه × يبن ابويــه × كَــــوم ياعبـــاس مـــوهـايــه النهايـــــه

عبـــاس وينـك بــس صحت فـــز النحــر بيـــك

عبـــاس وينــك جافلـــي خـويــه انــا احاجيــــك

عالضعـــن ردتــــك تطـــوف ــــــــــــــــــــــ  لاوي كــل هـــاي السيــــوف

عبــــــــــــاس  وينــــــــــــــــــــك

///////////////////////////////////////////////////////////////////////////////////\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤لشاعر السيد حيدر البوحمادي 🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁



#للعباس



                                                                                الشاعر/ سيد حيدر البوحمادي

خويه زينب * الفِواطم ما عِفِتْــــــهَ ابْلا حِمايَه

خويه زينب * اوياجْ لَجْلْ السِتِرْ رِحْتْ انه عَبايَه

راسي راحْ اوْياجْ يِبْرَه اويَه الضِعينَه

ما رِدِتْ طِفْلَه تِكَلِــــــجْ عَمي وينَه

ــــــــــــــــــــــــــــــــــــــــــــــــــــــــــــــــــ

زينب يتربات الخدر * وياج عهدي امن الزغر

عاهدت ابوي اتكفلج * و كَتله آنه أفديها العمر

دكَيت بالزود الصدر * إله انه مصباح الفجر

ما اعوفهه اقسم بالظلع * حد ما ينزلوني القبر

واعدتهه * خادم انه الهه و لا اعوف الخدامه

واعدتهه * امدلله وياي و اتــــرد بالسلامه

هذا عهدي اوياهه و الله اليدري بينه

ما ردت طفله تكَلــــــج عمي وينه

ــــــــــــــــــــــــــــــــــــــــــــــــــــــــــــــــــ






من حركَوْ اخيام الحرم * حيلج أحس بيه انهدم

لا والي يمج لا أخو * و عيني انه طفاها السهم

مو بيه جن بيج الألم * من طاح جفي اويه العلم

دمعاتج الهلت عَلَيْ * أذاني يا خويه الندم

اشلون اعوفج * و انه اشوفن دمعتج جمره اعله خدج

اشلون اعوفج * ايتام تبقه اهواي اعرف خويه عندج

ايهون ذبحي و لا يصيحون انولينه

ما ردت طفله تكَلــــــج عمي وينه

ــــــــــــــــــــــــــــــــــــــــــــــــــــــــــــــــــ










النوك الهزيله حيرتي * هلت عليكم دمعتي

ذباحي شدج بالحبل * اتمنيت ردت يمنتي

ابعينج اعتاب لغيرتي * مهظومه عافوني اخوتي

وين الدلال البيه جنت * الظيم شيب هامتي

و انه أنحب * من عتبتي اعليه زيدتي ونيني

و انه أنحب * لمن كلتي ويـــــــن كفالي يجيني

اعليج سالت دمعتي آه يالحنينه

ما ردت طفله تكَلــــــج عمي وينه

ــــــــــــــــــــــــــــــــــــــــــــــــــــــــــــــــــ










من ركبوج انت ابزجر * و بمتونج ايطكَ الشمر

انكسر ظهري لموقفج * و منج ردت خويه العذر

من درتي عينج عالنهر * انكَطع مرتين النحر

عباس عاين عالخدر * ترضاها إختك تنسطر

من نظرتج * ابجفج احبـــــــال و يشتمونج يحره

من نظرتج * عالجمر مشوج أحس ابنحري جمره

راسي فوك الرمح بس عالي ونينه

ما ردت طفله تكَلــــــج عمي وينه

ــــــــــــــــــــــــــــــــــــــــــــــــــــــــــــــــــ











اتونين خويه امن العذاب * و امن السبي و ذاك المصاب

هينه الف وصله أظل * و لا شفت غطاج التراب

يالشفتي جم نحر و خظاب * حرمله قلبي هو صاب

الألم وجهج غيره * من شفتي غابت هالشباب

خويه خويه * هالمصايب و المحن و الله اهظمني

خويه خويه * ألمني ألمنـــــــــــــــــــي ألمني

لمن صحتي يا كَمر إلحك علينه

ما ردت طفله تكَلج عمي وينه

ــــــــــــــــــــــــــــــــــــــــــــــــــــــــــــــــــ











خويه المآسي المرتج * و البجي ذاك و ونتج

ابنص قلبي تركتلي أثر * امن الشمس غيرت صورتج

بعد الدلال لغربتج * امن الزهره جانت ريحتج

ارماد الخيم هسه أشم * و الحبل طوكَ ركَبتج

جرحي ينزف * ويه كل كَطرت دمه منج شفتهه

جرحي ينزف * الهظمني امدلله مـــا رجعتهه

صحتي يا عباس خويه امكَيدينه

ما ردت طفله تكَلـــج عمي وينه

ــــــــــــــــــــــــــــــــــــــــــــــــــــــــــــــــــ



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤لشاعر السيد حيدر البوحمادي 🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁



#للعباس

                                                       الشاعـر/ سيد حيدر البوحمادي


الرماح بصدرك اشكَد غافيه  ×××  ماتت بعينك ياخويه العافيه

@ منحني البيـرغ عليــك  ـــــــــ  صـدك مكَطـوعــه اديــك @

مـاتت بعينـــك اشــوف العافيـــه

"""""""""""""""""""""""""""""""""""""""""""""

يالي كافل خدري وينك هاتعال اعله الخدر

بخدي ذكرى البوسة امي ترضه عالخد نسطر

يسبني وانا الخدري ايه اترتلت ماكو عذر

رايتك جانت حجابي شلون تقبل تنكسر

صدك عينك خويه كَالو طافيـه ×××  يلي جنت اعرف بنيتك صافيــه

@ مرنــي يامــاي اشتهيـــك  ــــــــــ  صــدك مكَطـوعـــه اديــك @

""""""""""""""""""""""""""""""""""""""""""""






صحت وينك ياكفيلي التل يون الونتي

خيامنه احتركت علينه ماتشوف امصيبتي

خويه دخان المخيم حجب عنك ريحتي

وبتراب اطفي العبايه النار حركَت هيبتي

انا بحساسك احسـن دافيـه  ×××  هسه فوك الجمر اركض حافيــه

@ كَـوم يلي حجابـي بيـــك  ــــــــــ  صــدك مكَطـوعـــه اديـــك @

""""""""""""""""""""""""""""""""""""""     سياطهم بمتوني اثرهن ترضه عباس انضرب

عاليتامه اركض وطيحآ منظر ايتامك صعب

خويه جم طفله شفتهه بسياط التنصلب

وخيلهم تسحكَ عيالك منظر يموت الكَلب

نظرتك لجروحـي جانت كافيــه  ×××  مـدلي ايدك ياطبيبي الشافيــه

@ بينــه ادري مــروعيــك  ــــــــــ  صــدك مكَطـــوعـــه اديـــك @

""""""""""""""""""""""""""""""""""""""""""""




عالنهرعيني تراقب وانا مشدوده اديه

اعثر يكَومني صبري شلون لو طاحت رقيه

انا ذبحتني الشماته تصيح ناخذنه سبيه

وديني وصاني بحجابي وغربه لنكشفت عليه

وي خيالــي انه بس متصافيــه  ××× ونظــرة الخـوه اليه وافيـــه

@ يالتجيني وانـــه اجيــك  ــــــــــ  صـــدك مكَطــوعــه اديــــك @

"""""""""""""""""""""""""""""""""""""""""""""

بكلمه الخويه الكَتلهه راح احلفك ردلي

خويه مو ايدك ابيدي هو خلاهن علي

نور عيني يالصرتلي ونعم منك كافلي

جيت وياك انه اميره بهزل شدوا محملي

بتــاج لمتكــم جنت متعافيــه  ××× مثـل اخـوتي ما يصح اي نافيـــه

@ تشتـرينـــي واشتـريــــك  ــــــــــ  صـــدك مكَطـوعـــه اديــك @

""""""""""""""""""""""""""""""""""""""""""""





مرروني اعله الشريعه شفت بعيونــك سهم

ورايتك بجفوف غيرك تنزف الرايه الـم

صحت جيتك انه زينب هايشال العلم

خويه اريدك ترعى ضعني راحله الديره وهم

جفوفك من الزند جن متجافيه ××× خويه لو فوك الشريعه طافيه

بسيوف اموذريك ــــــــــــــــ صدك مكطوعه اديك

ـــــــــــــــــــــــــــــــــــــــــــــــــــــــــــــــــــــــــــــــــــــــــ


التمسكم الدعاء



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤لشاعر السيد حيدر البوحمادي 🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁



#للعباس

الشاعر / سيد حيدر البوحمادي


متغير اطباع الكمر ـــ يوميه يطلع عالنهر ـــ شو هسه غافي اعله الجرف

معقوله طايح عباس

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بالكلمه عباس انعرف × هل كلمه ميزان الشرف × كض شاربه وبيه حلف

  واعدني ميموت الضوه

ياخويه عطفج التمس × كلي اعله بختج ياشمس × ويه النفس انتي احس

  لو نبتعد مات الهوه

روحين احنه افد جسد × لو خيمه انتي انه الوتد × يالجفج الهزلي المهد

   مانفترك نرجع سوه

يالبيج بختي وعزتي × بخدرج الف اعمامتي × يا اغله من ارويحتي

   بيج انتي ممشاي ابغوه

@ بالخوه دكالي الصدر @ طش النجم يمي شذر @

شو هسه غافي اعله الجرف @ معقوله طايح عباس

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

(لا) جنهه اذيجه رايته × واشتم بعدني ريحته × مغطي الشمس بمروته

   من رايته اطول عباس

بصوله جنه والدي × فوك الزلم يحدي حدي × (لا) ماتركني ابوحدي

 ادريبه ملك الاحساس

لو غضب تكصرله الزلم × يذبح ابكل عين الحلم ×( لا) يضلم ولا ينظلم

  بشده جفه نبراس

راعي الشهامه والابه × كافل ويعرف منصبه × كلمة الخوه تعجبه

   ما مثله واحد بناس

@ هارون من موسئ الي @ بيه خدري ظل عالي وعلي

شو هسه غافي اعله عالجرف @ معقوله طايح عباس

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مبخوته اذيج الرضعته × تلوليله هيه ابرايته × بفرض الاخوه وصته

   جنه علي الطاهه الامين

ها ياكحل عين السمه × يا ابن أمي فاطمه × من نظرته الوالي افهمه

  كلي انتي نبض الخافقين

راضع وفه من الصغر × من شيمته مايعتذر × لو عالجساره اشكد جسر

   من حيدر او أم البنين

الباسه علي من يمنته × يعرف صموده ونخوته × كل الهواشم ذمته

   بوجوده مهيوب الحسين

@ نعم الخو ادري كلف @ بلسم اجروحي ينوصف

شو هسه غافي اعله الجرف @ معقوله طايح عباس


نيشان عدي من الاخو × لو بعد بالخيمه دفو × وجه الشمس بعده حلو

   يعني الاخوه بعده بخير

صوت الشماته ما عله × اسمعهه بذني البسمله × وقرانه احنه انرتله

   نقره الحمد والتكوير

لــو زلزلـت زلزالهـا × واخـرجـت اثقالهـا × الانــسان قــال مــالـهـا

 لو طاح كاع الله اتغير

اي بعده اخوي ويه الزلم × يطشرهم وجفه يلم × شفت انه جيش الينهزم

 جنه على راسه الطير

@ عباس سجيل الحرب @ يظرب ابد ما ينظرب

شو هسه غافي اعله الجرف @ معقوله طايح عباس

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

هسه انه حسيت ابالم × من بعد عن عيني العلم × كلبي احس هوه نلجم

 ناديت ها ياستار

ناديت ياربي الصبر × من عندك نريد الستر × برد دليلي البيه جمر

  دمعي نزل عالخد حار

يا واهب وما تنوهب × فكد الاخو كلش صعب × سالم ترده من الحرب

  تترقبه هواي انظار

ايدي ارفعتهه ادعي اله × ربي الجليل انه اسئله × ها يارفيع المنزله

   رده بجاه المختار

@ شفت العجاجه تكاثرت @ للهجمه خيل اتحضرت

شوهسه خافي اعله الجرف @ معقوله طايح عباس


بالخيم جم سهم اليمر × وسمع صراخ من الشمر × عباس كلت انه انتظر

 مارد بقيت انه ابعجب

من فوك تل الزينبي × خليت اديه بحاجبي × باوعت ماكو الطالبي

كاعد كلت مره التعب

شفت انه رايت كافلي × يحركهه بيده عاذلي × وناكه ذبت محملي

                        وسيف من جفه انسلب

مر راسه مرفوع ابرمح × بعينه سهم لا موجرح × مسبيه كلت من الصبح

                       بجي الثكاله جن كرب

@ شدو اديه بالحبل @ جم طفله يمي تنكتل

شو هسه غافي اعله الجرف @ معقوله طايح عباس

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 التمسكم الدعاء



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤الشاعر حسين الفيصل 🖤


▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#للعباس ع

حـــــــــــامي الشريعه شطلب من حسينه

بس صوله وحده ارخصني يا ابو سكينه

****************************


يا ابو رقيــــه لامرك انا متاني خليني احد سيفي بركَب عدواني

يا خويه تلهب ما طفت نيراني خلــــي اراوي الجيش حيدر ثاني

جيش اميه المـــــــــــــــــوت بيني وبينه

بس صوله وحده ارخصني يا ابو سكينه

****************************


متاني امرك سيدي ابن الزهــره بس كَلي صول العسكر اكسر ظهره

انزل غضب والجيش احير امره من دمهم الطف كَاعه تصبح حمـره

انا ابو فاضل ســــــــــــــــيفي ما ناسينه

بس صوله وحده ارخصني يا ابو سكينه

****************************


اسمعها صاحت حين طلكَت بيه لا ما نسيت شكَالت البدويه

ابني نولد ليبجي جيش اميـــــه تضل بحميته مدللة العلويه

حسين خويه الجيش طلعت عينـــــــــــــه

بس صوله وحده ارخصني يا ابو سكينه

****************************


كثر العساكر والعدد ما يعني الطف امسحه بزلم لو تامرني

سبع الشريعـــة حيدر يلقبني بسيفي من اشطر ابد ما اثني

خلي اندم كلمــــــــــــــــــــــــن ندك بينه

بس صوله وحده ارخصني يا ابو سكينه

****************************


تقوم القيامة وسيفي يحكم بيها لو تقبل افزع كـــربلاء اكَيها

بس كلمتك للمــــــوت ما اثنيها مو للحرب للماي كَاصد ليها

فدوى لجلك هل عمــــــــــــــــــر وسنينه

بس صوله وحده ارخصني يا ابو سكينه

****************************










                                                                                                         ✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#للعباس


عباس..یبوالغیره اعله بختڪ
انــه المظلومــه اختڪ
یالفارگتني
عباس..تجینی لو اجیلڪ
ڪسر ظهـری رحیلڪ
یالفارگتني

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
احلفڪ یا چفیلي ابخوَّة حسینڪ
گـوم و طلّع السهم المُـرَد عینڪ
مـا اقبـل عـذر لتـراوي چفّینڪ
ارید ابیسرتڪ تـنهضلي ویمینڪ

عباس..گــوم و رِد علیّه
ترضــا امشي سبیّــه
وانته ڪفلتني
عباس..ارید بروحی اشیلڪ
ڪسـر ظهـری رحیلڪ
یالفارگتني

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
اشلون اتصوّرڪ عالمشـرعـه امـوذّر
و نایـم یالچفیـل و منّي تتعـذّر
و آنه اودیعـه عندڪ یا بطل حیدر
ترجعلي اوعدتنـي و ڪافي تتأخـّر

عباس..یالظهری حنیتـه
وعدڪ مــا وفیتــه
یالواعدتني
عباس..بس ارجع دخیلڪ
ڪسر ظهـری رحیلڪ
یالفارگتني

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
امن اجانی حسین و طیـّح خیمِتڪ بیده
گلت طاح الڪفلنی و گطعوا اوریـده
یعباس ارجـع المای احنـه مَانـریده
یا نِعـم الأخـو الما یترڪ عضیـده

عباس..العیله بانتظارڪ
مــاریـد اعتـذارڪ
رد یالعفتني
عباس..عفت خـدّرخلیلڪ
ڪسر ظهـری رحیلڪ
یالفارگتني

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
طحت و انداس خدری ابطیحة ازنودڪ
و طاحت رایتڪ محنیـّه یم جودڪ
أنه الأمـّني بیدڪ حیدره عودڪ
مـاتنهض یڪافل تـوفي بوعودڪ

عباس..نتـأمـّل یبـوالجـود
تــرد اعلینــه وتعــود
یالحیّرتني
عباس..عطاشه ونشتڪیلڪ
ڪسر ظهـری رحیلڪ
یالفارگتني

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
اعـذرني یالچفیـل ایجرحڪ اعتابي
ومـا ترضـا امن اگلّڪ سلبوا احجابي
الحرگ باب الزچیـه رد حـرگ بابي
ومـن نـار المخیـّـم تسعــر اثیابي

عباس..رحت واحنه انسبینه
یحمـّای الظعینــه
ریتڪ شفتني
عباس ..یتصدّع دلیلڪ
ڪسر ظهری رحیلڪ
یالفارگتني

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
بقلم الرّادود یعقوب البوغبیـش



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهر_محرم_الحرام_١٤٤٤_هـ
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

🏴عٌلَى أّلَدِنِيِّأّ أّلَعٌفِّهِ مَنِ بِعٌدِ آلآمـآمـين🥀
😭 مَنِ بِعٌدِ عٌبِأَّّس خَوِيِّ وِأّبِنِ أّمَيِّ أّلَحٌَّسيِّنِ💔
ـــــــــــــــــــــــــــــــــــــــــــــ

#للعباس ع



يا حامل الجود ويراعي اللوه
يالمارويت الماي بيك ارتوه
. . . . . . . . . . . . . . . . . . . .

يل يمنتك بالحرب ما تلتوي
يالماد جفك بالنهر يرتوي
يا بعد اختك يا شهم يا قوي
رد ليه خل للوطن نرجع سوه
. . . . . . . . . . . . . . . . . . . .

ما ريد من دونك ارد للوطن
بفكرة رحيلك احس كلبي انسحن
عويناتي لو ما شاهدنك عمن
رد لا تطول عالنهر يا ضوه
. . . . . . . . . . . . . . . . . . . .

ساعة انتظر ما رجع منك خبر
لا رد جواب الصوتي من النهر
اسمع حسين ايصيح ضهري انكسر
گلبي انعصر واعليك ضلعي التوه
. . . . . . . . . . . . . . . . . . . . . .

شاطت الروح و للحسين اركضت
واباب صيواني بحيائي اعثرت
امكابر گمت بس اعله وجهي طحت
واعليك احس بالنار گلبي انچوه
. . . . . . . . . . . . . . . . . . . . . .

بخيمتك من شفت ابو الاكبر گعد
ومن حرگته بچفوفه هد العمر
مجروحة بس لحسين صرت السند
ادري انته عند حسين مثل الهوه
. . . . . . . . . . . . . . . . . . . . .

لكن سؤالي الك يا كافلي
من بعد الحسين انه منهو الي
لمن ارد منهو اليشد محملي
و ابقى انه لا حول وبلا قوة
. . . . . . . . . . . . . . . . . . . .

بالباري اشد عزمي و احشم الصبر
وانته اعله شاطي الماي عندك عذر
بس الهظيمه يصيح بيه الشمر
و سوطه اعله متني يا كفيلي التوه
. . . . . . . . . . . . . . . . . . . . . . .

بس يا هوانه الدهر بيه شعمل
وانه الاميره وبنت خير العمل
خلاني تتفرج عليه الملل
الهظمي ومصابي وهمي ما مش دوه
. . . . . . . . . . . . . . . . . .
خادم اهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____


ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد_شهر_محرم_الحرام_١٤٤٤_هـ
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c

🏴عٌلَى أّلَدِنِيِّأّ أّلَعٌفِّهِ مَنِ بِعٌدِ آلآمـآمـين🥀
😭 مَنِ بِعٌدِ عٌبِأَّّس خَوِيِّ وِأّبِنِ أّمَيِّ أّلَحٌَّسيِّنِ💔
ـــــــــــــــــــــــــــــــــــــــــــــ

#للعباس ع


زينب انه وناديت يا حامل راية حيدر
جيب الماي العبد الله بضماه اگليبه تفطر
جود . سيف . راية الك
جيب . ماي . طفلك هلك
. . . . . . . . . . . . . . . . . . . . . . .
روح
جيب الماي امن اجروفك
لا تنطي الشاطي اجفوفك
هاك
روحي و گلبي و چفيني
للنبلة قدم عيني ... خوية عود
ماي
جيبة لمنحر عبد الله
خافن ترويه النبلة
شوف
من گد ما ضامي اتلوه
و كليبة ابعطش اتجوه ... خوية عود


غارت يا خوية عيونه وانه من الهم حشمتك
ادري تقدملي عيونك ادريبك مترد اختك

. . . . . . . . . . . . . . . . . . . . . . .

شيل
جودك حطة اعله امتونك
صيح و خل يسمعونك
خوف
بثه اعله اگلوب العسكر
خل عن دربك تتطشر ... من تصول
فوت
للشاطي احتل اجروفة
والعسكر كسر سيوفة
نار
تسعر من ضربة سيفك
وانت تسيرها بكيفك ... من تصول

ضربة سيفك ادريها مقرونة بضربة حيدر
هذا الطف يبن الانزع جدد موقف من خيبر

. . . . . . . . . . . . . . . . . . . . .

صول
واحوي الطف ابچفينك
و ارعبها بخزرت عينك
جيش
بجدامك اسحگة و بيده
و ساوي بتراب البيده . . شما يزيد
كون
ما تترك منهم واحد
الموت و سيفك متواعد
حيل
بچف ايدك هز الراية
ميهمني الشاطي و مايه . . شما يزيد

عباس اقسم بعيونك الماي اعله اختك ما يصعب
لكن حال الطف هذا امن الباري اعلينه اترتب

. . . . . . . . . . . . . . . . . . . . . .

ماي
لو اطلب من الباري
نهرين اتطگ بكتاري
حسين
والدمعة بطارف عينه
وللباري يمد چفينه . . بالدعاء
چان
ربك خلة الطف زمزم
نروي وخصمك تشرب دم
چان
روجاته تغرك اعدانه
خالقنة و كلشي انطانة . . بالدعاء

لنصر الدين اتطوعنه و قربان اتقدم ضامي
حسين ايقدم دم نحره وانة يحرگون اخيامي

. . . . . . . . . . . . . . . . . . . . . .

روح
راح اتبعك نظراتي
واعليك اتطوف اهاتي
وياك
كلشي يروح وما يرجع
وصوتي يصيح وما تسمع . . يا كفيل
عين
تتبع خطوات اثارك
عين اتراقب بتارك
وين
يوگع حتة اندل چفك
واتمدد خوية بحتفك . . يا كفيل

كون اوصل يم الشاطي و انعي الگطعة چفينك
وبچف همي وحسراتي اسحب سهم اللي بعينك

. . . . . . . . . . . . . . . . . . . . . . .

خادم اهل البيت عليهم السلام
عمار العيساوي الكربلائي





#لك_الفداء_سيدي_اباعبدالله
#خدر_الفواطم_لنشر_القصائد_الحسينيه

____


ـــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA