#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ


#جديد_استشهاد_فاطمة_الزهراء_ع



يا زهراء يا زهراء


من حسن البخت والحظ وفقني الله بالخدمه
وانه بمجلسج اركض طالب منج الرحمه
شمحلاته وعلي البيدج تكودينه انتي للقمه
معناها وعلي يكبر بجالج حب ابو اليمه


اليتعب في سبيل الحب يحظه ويحصل مراده
شلون اليتعب ويخلص عمره بخدمة الساده
ناتج خدمته واضح خادم اسمه عالقاده
واولادج يا ام حسين تصبح كلهم اسياده


عند اهل الكرم والجود اليكرم يشبع وزايد
وانتو الي تكرمونه مو حي الله اي واحد
البسد نعمتج يكعد من هالدنيا اشرايد
الشايف خيرج وجودج ما يطلب بعد زايد



ابنادم من يموت نكول الله يرحمه بس انتي
انكلج يام حسين ارحمينه يمولاتي
ليلي الي يمر دونج ما خله بحساباتي
مو شغلة شعر واسراف بس هاي انه جلماتي


يالزهره وعلي امنيتي بهالمجلس تشوفينه
وغايتنه وعلي كلنه بس انتي التوفيقنه
كون بكل سنه وكل عام انخدمج تخلينه
ومثل لم النمل انتي بالمجلس تلمينه



احمد الميالي

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/joinchat/Dw92Dj9pmspR5uHfACGjlA
▪️كروب الالحان رقم 2
https://tttttt.me/joinchat/Dw92DkJZ4tvb4YIzJWBWrg

#قصائد_وفاة_السيدة_زينب_ع
#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.c
🌹ألَا بِذكر زَينَب تُفجعُ القُلوب..💔
ــــــــــــــــــــــــــــــــــــــــــــــــــــــــ


#جديد_وفاة_مولاتي_العقيله_زينب_ع


شيعوها والنعش بي ريحة اخيام
ونفس ذيج اللوعه لمن طبت الشام

نفس لوعتها وحزنها... بينت لحظة دفنها


****

تضحك الناس.. لكطع الانفاس
زينب البنعش هاي وماكو واحد من اهلها

عادة الموت... يرتفع صوت
يكبر كبال الجنازه ليش غربة تكبرلها

العدها اقمار اربعه وضي الشمس
تندفن وسفه غريبه بلايه حس
الجانت يسمونها ام كلب الحنين
تضحك الغربه بجنازتها امس


كون مرتاحه لونها... بينت لحظه دفنها

******

المات يعتاز... ادفنه العزاز
عينه مشبوحه وتلالي تبقى صوب اعزازه

زينب شلون... ادير العيون
من تحس متون غربه بيها تحدي جنازه


الغربه ما فكرت  تسمع صوتها
وحيده ظلت ليش لحظة موتها
يا هضيمتها وكلبها اعله الفراك
موش اهله الشيعوا تابوتها

الدمعه من ذكرت ظعنها... بينت لحظه دفنها


***

الكلبه مشلوع... يدور ادموع
ظلت لوحدها زينب محد اليبجي عليها

دمعة احزان... وفكد الاخوان
وراحت ام عون الحنينه وللكبر محد يجيها

اليموت اعله الكبر نشعله شمعه
وينذكر بالفاتحه كل ليله جمعه
لجن زينب محد الها يا حرام
كل اهله بكربله يا ناس صرعه

الوحشه من طبكت جفنها... بينت لحظه دفنها

***

هواي الجروح... ومحد ينوح
ياخلك الميته زينب والبقى من عدها الاحساس

بأذني فارش... الحجي الخادش
من سمعت الشام تصرخ عن اخيته وينه عباس


اتجمعت بالشام كل ذيج الغرب
وبالسن اتشاركوا نفس الحرب
اتباشروا واحد يكَل للثاني
ماتت البيها كبل نشبع ضرب

البشر طبعت لسنها... بينت لحظه دفنها


***


العدها خوان... كبال دفان
كوه تنهاب بدفنها وما تظل تكسر الخاطر

لجن بهاي... الحجي هواي
خلصوا زينب اهله كلهم بعملة العاشر

الجانت تلوذ بظهر حامي واخو
هسه كام عليها يضحك كل عدو
زينب الجانت تفزع بالزلم
هسه يمها ما بقى واحد كفو

الخوه من سافروا عنها... بينت لحظة دفنها


***


احمد الميالي

▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
▪️كروب الالحان رقم 1
https://tttttt.me/+seH5Q_Y3xPw2NzIy
▪️كروب الالحان رقم 2
https://tttttt.me/+eAjWA-W1XTk5MmYy