#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

عَظَم اللهُ لك الأجرَ حُسين *********** دِمـــوعنه تُبقـــه لأجِلكُم هامله
بعيد كَبر الحسن ما نوصل إله
إنقيــــم جينه مَأتمه في كربله
(ها هُنا إلمأتَمُ بين الحَرَمين )
عَظَم اللهُ لك الأجرَ حُسين ***********
إنتـــه مرتين إنكِسَــــر مِنك ظَهَر
بالحَسَن مــــره ومره إعله النَهَر
يعني أَول كسره في سابِع صُفر
(وله يَنزُفُ دَمعُ إلمُقلتَين)
عَظَم اللهُ لك الأجرَ حُسين *********** هــــــــاي شيعة حيدره إلمَكنونه
إتشيـــل نَعــش الحَسَن وِيشَيعونه
مــو سِهام النـــــــاس مايِرمونه
وَرِد فـــوك النَعــــش وينِثرونه
(وعلى نَعشِهِ عِطرَ الياسَمين)
عَظَم اللهُ لك الأجرَ حُسين *********** يَم ضِريحــــــك جينه نَعشه إنطَوِفه (نطوف به)
مَدمع الشيعه إلمُصابـــــــه مــا خِفه
حــارت إلكِتاب نَعشـــــــه إتوصِفه
إتصيح هذا إلنعِش لأبن إلمُصطفى
(وَنَطُوفُ بِه مَقطوعَ إليَدين)
عَظَم اللهُ لك الأجرَ حُسين ***********
يــــم ضَريحَك جينه وِإلمَدمَع دِمه
نِدري لاشَك حِضَر حَماي الحِمه
طـــه جَده حضَر وأُمـــه فاطِمه
إلكربله زينب إجت بس بِضِمه
(فَبَدى إلجَمعُ يوآسي البُضعَتين)
عَظَم اللهُ لك الأجرَ حُسين ***********
إمــــرءه جَتـــــي وَرآها كُمَر شاب
رَملـــــه وِإلقاسم إجوإبهل إلمُصاب
حِضرَت إويــــاها سَكينه وِإلرَباب
وإلعَليله وِإلمَرَض مِن عِدها طاب
(وبُكاها قَد عَلا صوتٌ حَزين)
عَظَم اللهُ لك الأجرَ حُسين ***********
مَنظــــــر بِكربله سَر إلناظرين
صوت من إمرءه يِتعاله بِحنين
إستَقبِلتها الزَهره بالنوح وَأَنين
يــاهلا إبجيتِج علينه أُم البَنين
(أَين نَعشُ الحَسن يازَهرآءُ أين)
عَظَم اللهُ لك الأجرَ حُسين *********** ليش كُل الدنيــه على الظالِـــــم سِكوت
بالسُبـــــات إلمُسلمِيــــــــــن إو بالقِنوت
عِلـــه صــوت إلشيعه ما يِعلاها صوت
إيعيش صـوت إلحسن والطاغي يِموت
(يَسمَعُ الصَوتَ جِميعُ إلعالمِين )
عَظَم اللهُ لك الأجرَ حُسين ***********
خادم الحسين
حاتم ماشاءالله الكاظمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ميمر للامام الحسن ع
للمُجتبى بِكَلبي إجروح
هِلي الدَمِع يَعيوني
*********
ثالث جَـــــرح هاليله إبكَلب إلمُختار
إلمُجتبـــــــى أَول أَولاد الكــــــرار
أَول بِكِـــــر للزَهـــــره اُم إلأطهار
لِمصابه هاي إلليله تِجري إلأعبار
وآجب أَبجيله إمن إدموم
بالدِمه أَدمي إجفوني
********
هذا الذي عَجـب الناس إبصَبره
بس الكَلُب يِسعَـر لَهيب وَجَمره
كُل هَمه جان إلدين إبن الزَهره
من حقي أَبجيلــه دِمه مو عَبره
حِزن إلمُصايِب تِزدآد
لو أبجي ويلوموني
********
شَيَـــب دِليله مِـن كَبُل شيـــب الراس
عَجـــب إبصَبره إلمُجتبـى كُل الناس
صَبــر الحسن فاق إو تِعده إلمِقياس
لو جِزع مِن صَبره يِصَبر إلعباس
سَيفك مو وَكته عباس
ياروحي ونور إعيوني
********
يَعقوب مِن الحَسَـــن حِزنه إبذآته
فُكَـــدآن يوسِــــف جان كُل آهاته
والحَسن مو لاجله جِرَت عَبرآته
لحسين وآهــــب جان كِل دَمعاته
ويه الدمِع تِجري إهموم
هالوآقِع مو بِظنوني
*********
بِلحظات موته يِجتِمِع وي أَهله
يازينب دَمعِــــج هذا مو مَحَله
سَم إبدِليلـــي عالتِشوفي سَهله
مَيعــادل لَحظه وَكَفِتِج عالتله
بِأذني جَن صوت إتصيحين
يَحسين إكَعد سِلبوني
**** إخفي الدمِــــع عن زينَبك وِهمومك
فَكَــــد أَلأخوه يِذبـــــح ذبِح مالومَك
يَحسين يومـــي مــــــا يِشابِه يومَك
إيسِلبون رَغم الذَبِح خويه إهدومك
إنته بِشَمِس وآنه إفياي
ياخويه من سَموني
********
راح أَبتِعِد خويـه إو تِظِل إبوَحدك
لاجَن كِفيل إلضَعَــن هـو إيسِندك
عالمَشرعـه يولــوه شِيظل عِندك
إنكِسَر ظَهري إتكِله خويه بَعدك
خويه ياعباس الكَوم
بَعدك تَره يولوني
*******
هاي الوِصيه بِكربله عَهدي إهناك
لو رِحت خويــه إخذ إلقاسِم وَياك
لَترده لــــــو راد الحَرُب وِتعَناك
لا يِنكِســـــر كَلبك عليه أَترجاك
حال الاكبر فيض إدماه
القاسم يِمَثل إضنوني
******* واللـه لو عِنـــدي وِلِـد بالميه
اَقسِم قَسَــم والقَسَم نِذر إعليه
كُلهُـــــم أَسَلِمهُـــم إلك بِيدَيه
والتَوصيه يِفدوك تِدري بيه
إيصِيون ميه وَسبعين
بَانصارك إيوآفوني
********
خادم الحسين
حاتم ماشاءالله الكاظمي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

عينك افتحها وضوه اترس عيني
يالحســــــــن مو طبعك اتبجيني
ــــــــــــــــــــ
صد لخوك اتطيب كون اتسمِمت
لليفرّگنـــــه اشـــــوفك سلمت
شوف حالي شلون اطيح اشماگمت
گوم واعدل ظهري لاتحنيني
ــــــــــــــــــــ
گوم يمعوضني عن حامي الحمه
اشوصّتك بحسين تذكـــر فاطمه
حيل اريدك موش حيلي اتهدمـه
ناوي تمشي وحاير اتخليني
ــــــــــــــــــــ
روحي تدري اشگد جروح اتحمّلَت
وهاي نار البـــاب بيّـــــه اتحولت
طحت واعليّه الجروح استفحلت
من اظل الوحّدي توليني
ــــــــــــــــــــ
گوم بس جفك يسد مجره الدمع
باب هجرك عالصدر لا ينـــــــدفع
ترضه يكسر مني مثـل امي الضلع
وغير وجهك محد يداويني
ــــــــــــــــــــ
گوم عمري ابلا وجودك ماحله
شلون ساكت گلي يالتمطر هله
گوم سولفلي بسفرتــي الكربله
كون نمشي ويمنتك بيميني
ــــــــــــــــــــ
بيش احلفك حتى تگعد يالحسن
بعلي بأمي بدمعي موگلبي انسحن
اعليك زينب خويه فتْح الغمّضَن
كافي ساكت اكعد وحاجيني
ــــــــــــــــــــ
مايكومك ونّي وادموعي التصب
خاف غفله وزينب اعلينه تطب
مات اگلها شلون ماعندي گلب
تاه رايي براي بس دليني
ــــــــــــــــــــ
جنّي وحدي وحشّميتك ماتصول
راح عطشان انذبح خويه اشتگول
بكيفك اتعنت ترض صدري الخيول
تظل نايم تفزع وتحميني
ــــــــــــــــــــ

علي محسن الزيادي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

نعي لسان حال سيد الشهداء ع مع الامام الحسن المجتبى ع


يخويه اعيوني ذابت مثل جبدك
فاگد ام وابو وهالراح افگدك
المن ظال گلي حسين بعدك
مثل حال اليتيم الفاگد امه
ــــــــــــــــــــ
صح عنده اخوه والعباس وياه
بس من يمشي اخيك يكظ مگفاه
عليه يبجي الصخر لمن يصيح اه
ليش الدهر من فيك يحرمه
ــــــــــــــــــــ
شبگ عالقاسم وگلك يذخري
ظهر ابنك كسرته مثل ظهري
يزفه امنيته ابوه كل ولد تدري
وانه امن الموت ابنك وين اضمه
ــــــــــــــــــــ
عليك ادموعي خل تاكل بخدي
ردتك للطفوف امن اظل وحدي
اذا ذبحوني بختك شمر يحدي
حگي اعليك اذا وجهي الطمه
ــــــــــــــــــــ

علي محسن الزيادي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيده للأمام الحسن بن علي عليه السلام



لا تعيش بهم    بيه   لا   تهتم
فكر  بيومك     يومك الاعظم


ينتظرني الموت واكف واني ما مهتمله
اهتمامي بحال كلبك والمصيبه سهله
رحمة الله و انته يمي اتديرني عله القبله
انته ياهوه اليوجهك والهواشم قتله

تسند بروحك       وتشبك اجروحك
وتختفي رسومك    والبحر يلتم


لا تهم وضعي اني اسهل انته وضعك اصعب
اهون السم من اشوفك تبجي انه اتعذب
خير من الله وثيابي عليه ما تتسلب
عيسى ابن مريم تصير وعالعوالي تصلب

ساعه ما ينزل     راسك يرتل
تسلب هدومك   وتنستر بالدم


خويه دهري الخان بيه وما اعيش الطفك
الدنيه ما دامتلي اصيرن مسند اسند جتفك
وانته اكرم مني قطعا بالكرم ما وصفك
من يجيك السيف جايع تنطي خنصر جفك

من كثر نزفك    محد يعرفك
تصبح اعلومك  بس عطر ينشم


لا جرح مجروح ونزف بس احس بلجمه
والفض انفاسي وخيالي كربلاء برسمه
خلتي يسدها ابني جاسم واني كايل لمه
خل يشوف الحسن بالطف ابنه ينصر عمه

فدوته وليدي      وسالم عضيدي
مثل ابو دومك    لا م يتيتم


لا تون اعليك زينب  قطعتها الجبدي
اصعب من السم عليه خويه لمن تحدي
الحمدلله عله اخوتي بموتي موش الوحدي
اشحالك وزينب تجي وتاشرلها ردي

حرمه وتشوفك     وعالستر خوفك
 هناك مقسومك      كلشي يتهشم



اعيوني اغمظها بامان وراسي يمك بارد
 موتي باحظانك يغالي سهل والله شاهد
اشحالك او وين اليكرهك من طحت متواجد
والمصيبه الكبرى تلكه الشمر يمك كاعد


يقتحم صدرك     يلعب بنحرك
 وتكثر همومك    بحرك المخيم




✍الخادم حسين الخزعلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ياهو كال انسه الحسن
بروحي بانيله صحن
والبقيع وداعة امه من يمر طاريهه
الفاتحه لأم البنين وللحسن اهديهه
بروحي بانيله صحن
●●●●●●●●●●●●●●●

انقسم كلبي اثنين ياضي عيني
نص الك والثاني لجل حسيني

الدمع لجلك وللنايم عله الغبره
قطره لأجل ابوسكينه والك قطره

الحمد لله والشكر
حتى دمعاتي التدر
بالتساوي يبو محمد الكم اذرف بيهه
الفاتحه لأم البنين وللحسن أهديهه
بروحي بانيله صحن
●●●●●●●●●●●●●●●

شكد احب حروف اسمك
ودوم الهج بيهه
ولون عندي إبنين عشره
مجتبى مسميهه

يبن كوثر علي فاطمنه العفيفه
اتمنه كل ابنيه اسميهه شريفه

هذا واقع شعر
صارن عيوني حمر
ياغريب إمن البواجي اعليك يمبجيهه
الفاتحه لأم البنين وللحسن اهديهه
بروحي بانيله صحن
●●●●●●●●●●●●●●●

ما نسيت آلام جبدك
والطشت واحزانه
الله لا ينطيهه أميه
والجمل وفلانه

همه الي إمنعوا دفنك
يم طه وكثر ونك
ونعشك جم سهم صابه
وجبدك دامي بخضابه

ابدال تشييع او ورد
اسهامهم كامت تهد
عالنعش وعيون اخيك الكافل اتصدليهه
الفاتحه لأم البنين وللحسن اهديهه
بروحي بانيله صحن
●●●●●●●●●●●●●●●

آنه سويت الك حضره
يا طبيب جروحي
كبرك تراب وحجاره
وكبر ثاني بروحي


شكثر صعبه .. مسه الغربه
يمر عالمحد بكربه...بقربه..


بس حمامات الغرب
اتسوي مجلس عالترب
تصفك جناح الهضيمه اعليك يا واليهه
الفاتحه ﻷم البنين وللحسن اهديهه
بروحي بانيله صحن
●●●●●●●●●●●●●●●

التمس نظرة حنانك
ها يشيخ الساده
العبد وين ايروح كلي
غير بس لسياده

حلفتك بزينبكم ورقيه
وصي الكبر لا ينطبك عليه
ويوم الحشر اريدك
إتدخلني جنتي بيدك
كلهم بجه ادموم ولطم عليه


الجَنة الخِدام اريد
ينحشر ويه العبيد
ما نساني ولا نسيته وهالربح تاليهه
الفاتحه ﻷم البنين وللحسن اهديهه
بروحي بانيله صحن
●●●●●●●●●●●●●●●
علي الابراهيمي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

منهاج محرم 1442هــ
للإمام الحسن المجتبى (عليه السلام)
لسان حال السيدة أم سلمة (عليها السلام)

لـيــلـة وفــاتــك ﭽـﺎنــو هــواي
والـلـيـلـة بـس قــارورة ويــاي
يمـك إنـثَـوْب إدمـوع وضلـوع
ومـحـد يـفـكــر ﭽــﺎن بـالمـاي

يولـيـدي هـاي أنـه الإجـيـت أم سـلـمـه
يالتـدري بـيـه إعـلـه الجـروح إمعلـمـه
بس تخـتـلـف هاللـيـلـه..قاروره وانـت وعـيـلـه..واثـﮔـيـله يم اثـﮔـيـله
وسهام أحس بصفاحي..وسمك نـﮔـع باجراحي..ومحد يـﮔلي ارتاحي

ومن يـوم عاشـر لـسه شـارتـاح
وأنـه ادعـي اريد لنحـري ذبـاح
عطـشـان احس ليهسه الحسـيـن
ومـحـد يـفــكــر ﭽــﺎن بـالمـاي
ـــــــــــــــــــــــــــــــــــــــــــ1ـــــــــــــــــــــــــــــــــــــــــــــــ

ﮔـبـرك ﮔـبـل ﭽـﺎن الحسـيـن ايشبـعـه شـم
ومـن عـنده ظـلـت عـدنه بـس قـاروره دم
واولـيـدي هالقـاروره..ﮔـدما إلـك مـقهـوره..بالدم أحـس احـروره
وحـسـين من ﮔـد همه..ﭽﻲ ﮔبرك وما شمه..يطـلـع دمـع من دمه

وحسـين لاجلـك هـسه موجـوع
بـس عود يـﮔـدر يلطم اضـلوع
قــبـل الحـوافـــر نـلـطــم هـنــا
ومـحـد يـفـكــر ﭽــﺎن بـالمـاي
ــــــــــــــــــــــــــــــــــــــــــــ2ــــــــــــــــــــــــــــــــــــــــــــــ

كـل عـام ﭽـف زيـنـب نـجـي بـﭽـف الـﮔـمـر
وﭽـف بالحبـل شـو هسه أحس ﭽـف عالنهـر
والليـله اجيت بخوفي..يمـك أذبـن شـوفـي.. ﭽـﻲ سالـمات ﭽـفوفـي
وﭽـفـوفـي مـا اذبنهـا..لـلـطـم أحـتـاجـنـهـا..وزينـب تجـي يواسـنهـا

ابـلايه الحسـيـن اشيـنفـع الشـوف
وامـلاﮔـﻪ زيـنـب رايــد اﭽـفـوف
وألـطـم لحـدمـا تـوﮔـع اضـلــوع
ومـحــد يــفــكــر ﭽــﺎن بـالـمـاي
ــــــــــــــــــــــــــــــــــــــــــــــ3ــــــــــــــــــــــــــــــــــــــــــــ

ﭽـم وﮔـعـه جـاسـم يـوﮔـع هـنـا كـل سـنـه
بـالطـف وﮔــع والـوﮔـعـه كـلـفـه امـبـيـنَـه
وما تـسأل ادري شلونـه..هـو وجـمال عـيونـه..لحسيـن خيـذبحـونـه
تفـديـه بـروح وجـاسم..بس خاف ما ظل سالم..وعالرمله بالحر نايم

خـافـنّـه بالطـف نـحـره مـذبـوح
والرمـل يـشـبـﮔ طـبـعه الجروح
والـزمـن دار وﭽَـنَـه عـطـشــان
ومـحــد يــفــكــر ﭽــﺎن بـالمـاي
ــــــــــــــــــــــــــــــــــــــــــــ4ــــــــــــــــــــــــــــــــــــــــــــــ

الـﭽـﺎنــت ابعــتـمـة لـيـل إلـك إلا وتـمـر
مـا بـيـن حـر الشـمـس هـسه وحـر شمـر
والشـمـس ما تاذيـها..وابنيتي أشعـر بيها..ضحـك الشمر ماذيها
المـدلـلـه النـرعـاهـا..هـيـﭻ الزمن خلاها..ذباح أخـوهـا ويـاهـا

بهـودج تجـيـك هـنانـه كـل عـام
مـﭽـتوفـه صـارت تمـشي للشام
وعطـشانه تصرخ يمها الاطفال
ومــحــد يـفــكــر ﭽــﺎن بـالمـاي
ـــــــــــــــــــــــــــــــــــــــــــ5ـــــــــــــــــــــــــــــــــــــــــــــــ

عـود أنـه اجيـت أبـﭽﻲ لمـصابـك يالحـسـن
بـس زحـمه اخـوك حسيـن ما حَصَل ﭽـفـن
يالتدري كلشي الصاير..صدر الحسين الطاهر..شـﮔـد رضه يبني الحافر
يـمـك ﮔـعـد بالجـنــه..طمـنـي سـولــف عــنـه..الاسهـام هم يـاذنـه

بشـرنـي جـسم حسـيـن ينـشـاف
طـابـت بعـدها جـروحه الآلاف
ورَد جـوده بـيـده هـناك عبـاس
ومـحـد يـفـكــر ﭽــﺎن بـالمـاي
ـــــــــــــــــــــــــــــــــــــــــــ6ـــــــــــــــــــــــــــــــــــــــــــــــ


أحمد البصراوي العبادي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يبن امي الغالي فجعونــه
من سمو چبــدك سمونــه
**
ياابو محمــد انـــت الطيبه
وبـيرغ انت وبيـك الهيبه
ضوّت بيكــم مكـه وطيبـه
حبكــم بلســم ويشربونـه
**
ماسمــو چبدك يالغالـــــي
سمــو چبد الهادي الوالي
ياضــي عيوني ودلالــــي
وبَّسّّمك رادوا يسبونـــــه
**
يسبونـه رادوا بغيابــــــــك
واحنــه يالغالــي احبابــك
شوف حســين احتار ابابك
بسَّمــك أذوه واذونـــــــه
**
زينب آنـــه أوأمي البضعه
مانشفت من عيني الدمعه
گلبـي بفرگاكــم لتفجعـــــه
ومـــن كثــر ابچانـه ملّونه
**
تدري حسين وتدري بگلبه
هو يحــبك وانت تحبــــــه
ياخويـه خوتكـم صحبــــه
هالخـوه اعليهه ايحسدونه
*
ليبش اتفجعه خويه بچبدك
ريتـه بگلبي صاير سمــــك
ولاشوف حسين يطخ يمـك
راســه ويچــي ويلومونــه
*
عاين عباس ولوعاتـــــــه
بگليبه ظلن چلماتــــــــــه
يبن أمي طاحـن دمعاتـــه
حرگــن وجناتـه وعيونــه
**
يبن امي وتشوف اعيالـــك
كلهه تنحـب خويه اگبالـك
آنـه ادري أتأذه دلالــــــــك
وروحك ياخويه مسحونه
**
ياخويــه دمك من شفتـه
لگليبـي واللــه هشمتــــه
الله ايعينــك واتحملتـــه
بأحقــــاد الدنيه ويرمونه

نسالكم الدعاء
خادم الحسين ع
الحاج ابو اياد البيجاوي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يبومحمد يمظلــوم = يبو محمد يمسمــوم
عليّ صعبه فرگـاك = يمـن روحي فدايــاك
وبگليبي تزيد اهمــوم

يبو محمد الك چانـــت=مضايـف للعرب وضيوف
تتعاگــب على فضلــك=والمبســــم يلــم آلـــــوف
يريت المصطفى يحضر=وبعينـه عـــزانه يشــوف
وامي الفاضلـه الزهره= وابوي المرتضى معروف
من بطنك يبعد الروح=تنــزف والدمــه مسفـوح
وگـع چبدك = اشبقه عندك
وبگليبي تزيد اهموم

يبن أمي نـــزل چبـدك=ماشفتـه أنــه بعينــــــــي
لن حســـين والعبـاس=خافـــــوا ماتحاچينــــــي
ولو شفت الطشت يمك=أمــوت بساع تدرينــــي
لچـن حسيت يبن أمـي= گليبــي چنّـه ياذينــــي
شفت صورة جسد دامي=وذبلــت سلوة ايامــي
حرت بأمـري = وصحت مــدري
وبگليبي تزيد اهموم

ذكرت وگامت الافكار=تــدور وتمشي جـــدامـي
من زغرك يحبونــــك=ابــوي اوأمـي وأعمامــي
مسموم الحسن گالـوا=وحسين اليظل دامــــي
ظلت بالگلـب نـيران=وأفــز بنومـي واحلامــي
ولن ساعة صفرحلت=وبــت الاشعث علي حطت
سگت سِمّه = ونـزف دمـه
وبگليبي تزيد اهموم

وصتني الزچيه أمــك =يزينــب والدمـع يهمـــل
باچـر لو حسن ينعـــه =روحـه وچبدتــه تنــــزل
يخت حسين لتقصرين=لـــورادالعمـــريذبــــــــل
وصـيتي ليچ يازينـــب=مااريــد الدمــع يبطـــل
تنصبــيـن العـزه لجلـه =وتحشمين العرب واهله
تشوفه الناس ابـو النومـاس
وبگليبي تزيد اهموم
****
ياروح اتحمــل خويـه =كـل هذا الهظم والنــوح
على المسموم ابومحمد=وچبده داميّ ومطـروح
ومن حسين يوم الطف=على التربان ظل مذبوح
ومسبـــــــيه ارد اردود=والسجـاد متنـــه اجروح
واطفـال وحـرم ويـــأي=عطشانـه وتريــد المـأي
عشت دنياي الم بلـــــواي
وبگليبي تزيد اهمـوم

نسألكم الدعاء
خادم الحسين ع
الحاج ابو اياد البيجاوي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


استشهاد الإمام الحسن ع...... صفر 1442

صاح الگلب صوت ريّض يهالموت
اترك شملنه ابلمته الغالي ذبح فاتحته

┈┉━ ❀ ❀ ❥ ❃❃ ❥ ❀ ❀ ━┅┄

ياموت احلفك بالنبي جرح الگلب لتلچمه
المليان ضيم من الوكت لتزيد ضيمه وهمه
الطاريه يداوي المنجرح والمنوجد بس رحمه
ارجوك عنّه تبتعد لتجيب طاري الأسمه

الچنت اگعد وياه ايهد حيلي فرگاه
المملوحه كل سالفته الغالي ذبح فاتحته

┈┉━ ❀ ❀ ❥ ❃❃ ❥ ❀ ❀ ━┅┄

ياموت انشدك عالأخت دون الأخو اشحالتها
يهدى گلبها ابفرگته لو عشره وي دمعتها
بفراگه مفجوعه تضل تدمي الگلب ونّتها
لو صاحت آه يا خويه ما تبرد بعد حسرتها

يستاهل اعليه دمعي ابدّيه
التحلف الناس ابّخته الغالي ذبح فاتحته

┈┉━ ❀ ❀ ❥ ❃❃ ❥ ❀ ❀ ━┅┄

الديوانه عامر بالهلا وايفوح عطر ادلاله
من السم يلوع بهالمسا وياذي اليحبهم حاله
الچانوا يگلوله الشرد من سيفه الف هنياله
الما ثابت اگباله ابحرب وسفه صبح چتاله

يهدى الگلب بيش بفراگه ماعيش
اغلى البشر فارگته الغالي ذبح فاتحته

┈┉━ ❀ ❀ ❥ ❃❃ ❥ ❀ ❀ ━┅┄

الما عنده بالدنيا اخو ياهو اللي يسند ظهره
ما يرحم ابحاله الوكت وايامه تصبح مره
مكسور يبقى من الدهر والظيم يترس صدره
عالحسره يغفى من الهجر يبقى ويفز عالحسره

الساكن بلعيون نتذكره اشلون
ابطيب و وفه عاشرته الغالي ذبح فاتحته

┈┉━ ❀ ❀ ❥ ❃❃ ❥ ❀ ❀ ━┅┄

اشمحلاها لمتنه سوى والگعده ذيچ الحلوه
ما ادري الي من يا كتر جاب الدهر هالبلوه
انفارگ الطيبه خوّته ولا ما تهون الخوه
يازمن ما عندك رحم ما بقت بيك مروه

من بعدك الروح ما تركت النوح
صبح ومسا وياي انته الغالي ذبح فاتحته

┈┉━ ❀ ❀ ❥ ❃ ❀ ❃ ❥ ❀ ❀ ━┅┄

✍️الخادم فراس موحان الساعدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

استشهاد الامام الحسن ع…


اليوم زينب ضـــــاله اتون ابحزن
تلطم اعله الراس لمصاب الحسن
حسين وياهه أنجوه
اتكَابلو ونو ســــــوه
*
اليــوم بت حيــدر تنـــادي والمدامع هامله
يالحسن فكَدك فجعني اشلون بلله اتحمله
ماردت تتركنــه هســه رتك الطف كـــربله
ابسيفك اتـــرد العساكر مــن تمــر بالعايله
اشلون لوباچــــر سمعت ابونتي
واكَفه اعله التل وحـشم بخوتي
هم تجينـي النينوه
اتكَابلـو ونو ســـوه
***
من عمت عيني يخويه ابطشت تقذف جبدتك
ريتهه اخذتنـــي المنيه ولاأشوفن حالتك
يبومحمد ارد أحلفك بالحسـين وخــوتك
رد لخيتك صير ضلهه لاتفـــــاركَ وردتك
واللــه يالمسموم عذبنــــي الهجر
فاركَيت احباب كَلبي امن الــزغر
كَوه اشم نسمة هـوه
اتكَابلـــو ونـو ســوه
****
والحسين اشلون حاله عـذبه أهـــواي الهجـر
ودع اسنيـن الأخوه حســـرته اتفت الصخـر
هوه چــم لوعه تلوع ظهره چـم مره انكسـر
مره عالمسموم محني ومره محني اعله الكَمر
كَلبه شال أمصايب ابعد النجم
خلص أسنينه معـانات وألـــــم
بيه ماضلت قـوه
اتكَابلو ونو سوه
*
اصعب الحظــات واللــه لحظة اوداع الأخو
ظلت الأمــــــلاك تلطم من بجــــو وتوادعو
فاطمه وحيدر وبوهـــه العالم الدنيه ارجعو
بالأرض نصبو عزيــــــه عالحسن كلهم نعـو
ويلي عالمسمـوم نادت فاطمــه
ظلـت اتهل المدامـــــع من دمه
چنت لجروحي دوه
اتكَابلو ونــوه سـوه
**
يالجنت بيــرق لخوتك فــوكَنه اترف مرتفع
اتعــودت وياك اكَعــــد مو اون وهمل دمــع
بعــد هــم ترجع يخـــــويه لوبعــد ماننجمع
يالحســن يانور عينـي كَلبي لجلك منفجــع
مودع الله اوروح بس اخذ الكَلب
الأن مايحمل يظل بعــدك صعـب
نار بغــيابـك دوه
اتكَابلو ونو سـوه
***

الخادم
كامل السعيدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يعمري الراح ويچبدي الطاح اخوي حسين عذبني
يگلبي الصاح عليه وناح يمي والظهر محني
اخوي حسين عذبني
****
شفت لوعـات هدّتــني شفـت آلام ماتُذكـــّــر
عشت آهات للزهـــــره وضلع منهه بقه مكسّر
وبچاهه ايزيد عالهادي سلهه والگلـب منطـــر
وشفت لحظات موتتهه شبگتنه وجمر يسعــر
تكظهه الآه گظت ويـــلاه منظر والله هدّمني
يزيد ونيـن عليّ وحسين يمـي والظهرمحني
اخوي حسين عذبني
****
يشاركني بجميع الهـم واعوفــه شلون ماادري
اشوفه محنّي اگبالـي يشيـل هموم كل دهـري
گطـّع مهجتي وچبدي هِـدَم حيلي وگظه صبري
ودموعـه فلاچلــــت على خدوده بقت تجــري
يدير الراس علـى العباس ويعاينلي ويخازرني
تصب العين علي كل حين يمي والظهر محنـي
اخوي حسين عذبني
***
يگلي ياشريچ الـروح ياخويه الدهـر غــــــدار
عساني لاعشت بعدك ولاشفت الجره والصـار
شفت چبدك يبو محمد شفته والدليل احتـــــار
ريت الصوبك صابـــه وبچبـده يريته انـــــدار
يبو الطيبــات ألـم وآهـات نعيش وغير مانجني
اشوفه شلون وأنه المحزون يمي والظهر محني
اخوي حسين عذبني
***
نظــــر چبــــدي اذبنـــه يشهگ دمعتــه ايذبهــه
گتلـه يابعـــد عينـــــأي ونيران الگلــــب شبهــه
تبچــي ياابو السجـــاد وانــت عازتـــي تسدهه
چـا باچـر دگلي شلون طــف بكربلــه ادهــــــه
تشوف الخيل تحومك بليل من عدهه كثر ونـي
وتظـل اعيال تشوف اهوال يمي والظهرمحني
اخوي حسين عذبني
***
بعــد چبدي يبو محمـد فـديتــك عمري والاولاد
ياخويـه أنـه خلافــــك واللــه مــــاحلالــــي زاد
اخوي ومحزمـي أنـت وانــت اتضيف الوفــــاد
كريم البيت ياخويــه من بعدك هوت الاوتـــاد
اتلگــه الضيف تشيل السيف احبك حيل تعرفني
اسف يالزيـن ينور العيـــن يمي والظهرمحني
اخوي حسين عذبني
***
يخويــه حسين مانسـه ولاتنســه جمـيع النــاس
تحط راسي وسط حضنك ويمي حاضرالعبـّـــاس
ويواسنك على مصابـي تشيل جنازتي اعله الراس
لكــن كربلــه تشهـــــد چتلــك والصــدر ينـــداس
أو محد ليك يشوف شبيك يخويه اشلون علمني
تظـل لاراس ولاالعبـّـــاس يمي والظهرمحنــــي
اخوي حسين عذبني
***
نسألكم الدعاء
خادم الحسين ع
الحاج ابو إياد البيجاوي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

شوط كربلائي للامام الحسن عليه السلام





مسموم الحسن مسموم=وبگـبره انـدفن مظلــوم
*
يبن امي ويبن عــودي=نهر من الكرم والجــود
يبو محمد صدگ ترجـع=ولــدارك تـــــرد اردود
خطارك يبو الشيمــه= كــل ساعــه عليه اتعـود
لچن جدامي اشوفنه=نعشك بيدي اضمنه = گظيت بآه وبونه
جدامي الطشـت وچبـود=من بطنك تــذب ادموم
*
ياخويه تجـي الوفــاد=ولعــد ضيفــك تقــدملــه
زادك والشــرب تنطيـه=وتكـــرمــه ويـرد لهلـــــه
چنت هيبه يبعد الروح=واحلــه من الگمـر واحله
تسامح والعفو عندك=من جدك خذت واهلك = جودك للخلگ نحرك
وجازوك بظلم خويـــه=وبت اشعث علـيك اتحوم
*
ياخويه بعد شحچــــي=مهيوبــه چـنت بحمــــاك
احبن طلعت رسـومـك=وياعمــــري الگظيته وياك
واخوي حسين والعباس=كلنــه ننــظــر لعينــــاك
وصوابك يبو محمد = سمك للچبد مرعد = عسه چبدي بداله اشتد
وتنهض ماتشوف الموت=وعسه عمري گظيته اليوم
*
يبو محمد عفاهه الروح=من بيعدك يبو الشيمـه
مثل نسمة وتمر تفـــوح=ريحك من تمر هيــــــبه
ضاگت دنيتي بليـــاك=بجالك ماشفــت غيمـــــــه
نصبولك شرك للموت=من بيتك سمعنه الصوت= ينعه ايحضر التابوت
ولن جعده اوضعت سمك=واخلافك جنيت هموم

عشت ياخويه دنياتــك=مظلوم اوشفـــت آلام
مـن گومـك يبعد اختـك=وكلهـه تندعي الاسلام
گبلك غــدروابحـــــــيدر=لاتفــرح يبو الايتـــام
گوم وبايعوا چذبه = عليك تشاودا غربه = وكلهه ترتجي الرتبه
لچن بعدك ينور العــين=يشربون الندم واللـــــوم

يبو محمد بعد موتـــك =نعشك بالسهم صابــــوا
ماقبلوا تنـــام ويـــــاه= جــدك بالغــدر عابـــــوا
عباس البطل اغضـب = يگظيهم لون عافــــوا
بس حسين ياخويه = يگلهم كلهه مرويه = وهاي الدنيه مگظيه
وهناك العتــاب ايصر =والظالم يـــرد محتـــوم
***
نسالكم الدعاء
خادم الحسين ع
الحاج ابو إياد البيجاوي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

استشهاد الامام الحسن ع

يابو صالح .. للحسن دم تجري عينك
يابو صالح .. بالمصاب الله اليعينك
يابو صالح .. هالشهر عالي ونينك
""""""""
عندك ابهذا الشهر محنة چبيره
استشهد بسابع صُفر بدر العشيره
حيره والله ابهالشهر يالمهدي حيره
هاذي ايام الحسن واخته الاسيره
گلي المن .. دمعك الغالي تسيله
گلي المن .. للحسن لو للعقيله
گلي المن .. سيدي فايض حنينك
"""""""
تعزّي جدك لو رحت لارض المدينه
صوت تسمع بالدرب يبچي بونينه
صوت زينب هذا دتسكّت سكينه
هايه ردتنه تگلك من سبينه
تبچي زينب .. ذوله بس احنه تگلك
تبچي زينب .. ما بقه واحد من اهلك
تبچي زينب .. شگد صحت يا عمه وينك
"""""""
يساعدك الله ويعينك يابو صالح
حيرة جدمك وين يمشي ووين رايح
بالمدينة المجتبه ايناديك طايح
وزينب المسبيه ردت بالنوايح
حيرة والله .. هنانه محنه هناكه محنه
حيرة والله .. صعبة لو تنخاك سكنه
حيرة والله .. ولو اجت لزمت ايدينك
"""""""""
صوت ويه الريح يبعثلك سلامه
لا تجي ظل حارس لضعن الامامه
مو مهم چبدي المهم ذوله اليتامه
ابقه وياهم تجوني بالسلامه
لا تجيني .. ابقه وي زينب يمهدي
لا تجيني .. مو مهم مسموم چبدي
لا تجيني .. بكل سبيهم ناطرينك
"""""""
إمشي وي عمتك يبو صالح سويه
وبايدك انته تمسح ادموع السبيه
طفلة ما رجعت تره ويه البقيه
بالخرابة ميتة واندفنت رقيه
تريد ابوهه .. صاحت الطفلة بحزنهه
تريد ابوهه .. ماتت وراسه بحضنهه
تريد ابوهه .. بويه حزوا لك وتينك
"""""""""
انته ويه العايلة جدك تگصده
وللحسن مأتم يبو صالح تعقده
وگبره بايدك انته لِتعمره وتشيّده
غصباً اعله آل اميه واعله جعده
بيدك انته .. جنة تبني له يغايب
بيدك انته .. توزع المي عالمواكب
بيدك انته .. تشيّد الحضرة بيمينك

انيس الخفاجي الكربلائي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

اللهم عجل لوليك الفرج
@@@
سبط طه الاولِ .. وأبن صنو المرسلِ
حسنٌ أبن علي .. وأبن زهراء البتولْ
هو للفوز ضمانْ .. ومن النار أمانْ
سَمهُ غَدرُ الزمانْ .. بيد الدهر الجهول
...
وبسمٍ قاتلٍ للعلى جرحٌ عرج
اللهم عجل لوليك الفرج
@@@
زلزلوا عرش الجلال .. لقتيلٍ بغتيال
وله تبكي الجبال .. حيث تنعاه السما
ذا إمام أبن إمام .. اي عذرٍ للآم
شيعوه بالسهام .. وامتلى النعش دما
...
قل لمن تبغلت هو من بيت الحجج
اللهم عجل لوليك الفرج
@@@
أبن مظلومٍ ظلم .. وبه الكبد خُذم
وكذا القبر هدم .. في ثرىً من البقيع
قبره عن جدهِ .. قد نأى في لحدهِ
طاب من في خده .. جاري الدمع فجيع
...
فقده جرح بدى نازفًا حزن المهج
اللهم عجل لوليك الفرج
@@@
علي احمد الحمود
٢١-٩-٢٠٢٠
شهادة الحسن المجتبى ع


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

أبوذيات في حق الأمام المظلوم الأمام الحسن عليه السلام …

الزمان اعله الحسن نادم عضيده

على أللّي من فقد جوده عضيده

صاح احسين وناح اعله عضيده

ياخويه بعـدك الدنيا خليـّه
@@

نناشد يالحسن من برّه كبّرك

ومظـلوم بسـماها طـيـبه كبرك

مع رشق النعش مهدوم گبرك

وممنوع الزياره أبن الزجيه
@@

لسان حال النبي في شهادة الحسن المجتبى عليه السلام ..

أنس لا مو أنس هُمّا بلَسْهام

على نعشك سُدى ترمي بلسهام

كل من گامت أبضدك بلسهام

خصومي بالحشر وعداء ليه

علي الأحسائي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

شكثر مرت محن====بمولانا الحسن
برحيل المصطفى====الى هذا الزمن
=÷=÷=÷=÷=÷=÷=÷=÷=÷=÷=÷=÷=
تحملت كل المآسي والملامه
للحفاظ اعله النبوه والامامه
ونته منبع للأصاله و الكرامه
يا مؤسس ثورة حسين وقيامه

جرح داخل جرح؛؛؛؛،،؛مقامك والصلح
التحسبه ناصرك؛؛؛؛؛؛؛غده يشكك علن
=÷=÷=÷=÷=÷=÷=÷=÷=÷=÷=÷=÷=
ضالم التاريخ يروي بكل صلافه
تنازل ابن المرتضى عن الخلافه
ياهظيمه الصدگوها ويا حسافه
تناقلوها اهل الفتن واهل الخرافه

خبر يتبع خبر؛؛؛؛؛ابن فارس مضر
تنازل للظلم؛؛؛؛؛؛؛قبل وقع إذن
=÷=÷=÷=÷=÷=÷=÷=÷=÷=÷=÷=÷=
رغم قلة ناصرك يبن الزچيه
لكن القيت الحجج ضد آل أميه
وثبتت كل المعالم للقضيه
وأجلت يوم الحسم للغاضريه

كأنك ماغبت؛؛؛؛؛؛؛؛؛؛لأن تكاتبت
بكتابك حاربت؛؛؛الضلاله والفتن
=÷=÷=÷=÷=÷=÷=÷=÷=÷=÷=÷=÷=
ياحبيب المصطفى ورابع كساءه
وياعمود الباري بي رافع سماءه
يلي لعنان السمه يوصل دعائه
بالاحسان تقابل الشر والاساءه

الاجه سبك وجد؛؛؛؛نبي بذاك الجسد
درى لاحمد ولد؛؛؛؛؛؛ كريم ومؤتمن
=÷=÷=÷=÷=÷=÷=÷=÷=÷=÷=÷=÷=
تشبه انفاس النبي وتمشي مشيته
لو يشوفك حاتم يعزل ثنيته
ومن ابوك المرتضى ماخذ حميته
حتى بالضربات موزونه ومميته

اليذمك ماعرف؛؛؛؛ولاحقك نصف
يريحانه نبي؛؛؛؛؛؛؛؛ولفاطمه وطن
=÷=÷=÷=÷=÷=÷=÷=÷=÷=÷=÷=÷=
سيدي مسموم وتودع أمانه؟
كتاب لبنك گتله وتفتحه بمكانه
من تشوف حسين محتار بزمانه
يبني يالقاسم اريدك انت انه

أريدنك حذر؛؛؛؛؛؛تحامي عالخدر
ابد ما تنعذر؛؛؛؛؛؛؛؛؛اذا راح الضعن
=÷=÷=÷=÷=÷=÷=÷=÷=÷=÷=÷=÷=
خادم الحسن ع
جهاد البصيراوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

نزله ولائيه في ذكراى أستشهاد مولانه الحسن المجتبى عليه السلام ...


كَلْنا لك يالمجتبى أحنا شـيعتك
مانذكْرَك أحنا بس في أمصيبتك
&&&

بكل وگت لازم نعيش بعالمك
لازم أنسافر نشـوف اليالمـك
غالي أعـليـنا ياوالـي ماتـمـك
ونته تدري أكـثر بيها الحبتك
&&&

ترفض أگلوب المحـبين الهجر
أعـلـه ذكـرك دوم يالوالـي تـمـر
بكل وگت تلهب على حالك جمر
وماتهـون ألا تزايد شوفتـك
&&&

دنيتك دنيه النبـي وحيدر علي
مثل أخـوك حسين أنته مبـتلي
ظـالمــيـنـك آل أمــيـه يالـولـي
ظالميك ونرفض أحنا الظلمتك
&&&

نلطلم أعله حالك ونبچي وننوح
وننزف أعله جرحك النازف جروح
نرثي ونعـقـد مجـالس لك تفـوح
وهم تحس ناقص وفاها العزتك
&&&

كَلْنـا لك روح ومـعـزّه ونتـماء
وتشهد أعلينا في هذا الخُصماء
مانمـل أزيارتك حـاشا أوفـيـاء
وهم بعد نرجع نريـد أزيارتـك
&&&

بينا جرحك يالحسن لن مابرى
باگي ينزف في ضـمـايـرنه ترى
باگي ينزف لك دما من ماجرى
ومايجـف لمـن يشـاهـد قـبّـتـك
&&&

لمّن الموعود يغتص من عداك
لمّـن العـاداك يعـرف مـن وراك
تالي يشفى من ألم جرحه الهواك
لو شهد نجلك يبـيـد العـادتـك


علي الأحسائي
صفر ١٤٣٨هـ


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

سبط الرسول .. روح البتول
فوگ النعش مرسوم
سم وگبر مهدوم
روح البتول
@@@
هالنجيب ابن النجيب ابن النجابه
من بعد جده ابتدت قصة عذابه
شاف امه واگعه ابدمها اعله بابه
وشاف حيدر من دمه راسه خضابه
شعانه من الجاحده سيد شبابه
والله مظلوم الحسن حتى ابمصابه

...
روح اوي روح .. وجرح ابجروح
عاش ابگلب مهموم
سم وگبر مهدوم
روح البتول
@@@
من بعد حيدر حلت ليه القياده
واول المعروف اصبح من جهاده
وللاسف خذلوه حتى في مراده
وعالغدر هَم الحسن زادوا زياده
طعنوا فخذه وانكروا حكمه ورشاده
وانثنت للشام تاليها الوساده
...
المولى الحسن .. واجه فتن
عاش وگضه مالوم
سم وگبر مهدوم
روح البتول
@@@

ومن غدر جعده الولي شبر تسمم
ومن أذى سمها جبل صبره تهدم
عالمرض يلوي بلضى حره وتألم
وبالطشت شافوا گطع چبده تخذم

ابرغم جسمه الذي بالسم تورم
لو اجت زينب كظم جرحه وتبسم
...
رغم الألم .. ليها ابتسم
واخته العقيله تحوم
سم وگبر مهدوم
روح البتول
@@@
سكنة انفاسه والى الجبله تمدد
وروحه فاضت للثريه او وجه ورّد
والحسين ابصفه يبچي ودمعه ينهد
والگبر ناوين لحده ابصف محمد
لاچن الركبت جملها ابحقد لسود
منعته ابسبعين رميه ابنعشه تنعد
...
نبل وسهام .. تصيب الامام
حتى المصيبه ادوم
سم وگبر مهدوم
روح البتول
@@@

للبقيع ابنعشه تالي صار گبره
ودارت الايام حتى اتعود حسره
هدم الگبه ومنع نبنيها حضره
والظلم عاد وتجدد بيه شره


او وجر ابگلب الموالي شلون جمره
متى ياوعد الالهي يجينه نصره
...
مصاب او فجيع .. هدم البقيع
ابلحده الحسن مظلوم
سم وگبر مهدوم
روح البتول
@@@
بربعين حسين تمشيله البريه
اتزور بالرايات متروسه الثريه
وگبته ابگلب السمه شمس ومضيه
ويلي لاچن بالبقيع اشگد رزيه
بس ترايب والهوى ينوح الوطيه
لطيبه يمته نعتني برايه عليه
...
يمته يصير .. موكب كبيره
نحلم يصير ابيوم
سم وگبر مهدوم
روح البتول
@@@
علي احمد الحمود
١٩-٩-٢٠٢٠
شهادة الحسن المجتبى ع


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_شهادة_الامام_الحسن_المجتبى

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

في ذكراى أستشهاد الأمام الحسن المجتبى عليه السلام ...


حرگت أگليبي بصنعها العادتك
ليش عندي تندفن بس منعـتك

ياعظمها حرگتي
ألحسن ريحانتي

ليش عندي تندفن بس منعتك
@@

الحسن سبطي وغرّت عيلتي
الحـسـن نجلي ومهجت بضعتي
الحـسـن منّي وليـدي بسمـتي
ليش دفـنك يمـي تمـنع أمّتي

يابغضها الأسرتي يبني العـده
أشگد عليكم هالأعادي حاقده

في طعنكم طعنّتي
الحـسن ريحانتي

ليش عندي تندفن بس منعتك
@@

هذا وانه يمها تجرء تعـتدي
وين أجل ليهم وصاتي هالعدي
غير بيكم في الوصيّه تغـتدي
يمي تجرء ترمي نعشك يولدي

ترمي نعشك بالسهام الطاغيه
قبري رميت في صنعها الباغيه

هذا يمها وتعتدتي
الحـسـن ريحـانتي

ليش عندي تندفن بس منعتك
@@

العادتك يبني ترى الله عادته
الرميـتـك يبني نبيـها رمـيـتـه
حرمته الهادي الأعادي حـرمته
من حـفيدة المجـتبى ريحانته

أشكثر والله شفت لك ولهّتي
أبتعـديها أخطفتها فرحـتي

ليش تاذي أسرتي
الحسن ريحانتي

ليش عندي تندفن بس منعتك

@@

آنه أصدّگ مارأتني في العهد
شايلك ويّه الحسين أعله الزند
اليا كتر من دونكم ماأبتعـد
الاّ ويّاكـم عـيالي عالوعـد

غير حث الناس بيكم في الخطب
أولادي أحـبابي عـزاز أعله القلب

هالشمايل ضنوتي
الحسن ريحانتي

ليش عندي تندفن بس منعتك
@@

أعتب أعليمن على أعباد الوثن
لا قلب عدها ولا أحساسن يحن
همها دنياها فقط من هو الحسن
آه ياويلي عليك أبهالمحـن

حاشا ماقالو نجل خير البشر
للمناصب صغيو أرباب الكفر

مادرو أبذريّتي
الحسن ريحانتي

ليش عندي تندفن بس منعتك
@@

آنه عارف هالبشر مايتركوك
حتى في قبرك وليدي يلحگوك
عالمنابر والمجالس يشـتموك
عانه جدّك منّهم چم وانه بوك

أرجع وأنشد ضميري أبهالوضع
بالسـهام النازفه ويّـه المـنع

يمتى تعرف أمتي
الحسن ريحانتي

ليش عندي تندفن بس منعتك

ــــ ــــ ــــ ــــ ـــــ ــــ
تمت بحمدالله
علي الأحسائي
٧ صفر ١٤٣٩هـ


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA