#قصائد_ااسيدة_رقيه_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

نعي للسيدة رقية عليها السلام جديد

ماتت بالغرب وسفة رقية
فوكَ الراس والدمع جرية
اخذني وياك لاتبعد علية
ماتت وعله راسة انگطع ونها
==================
بالمغيسل الميت غسلة واجب
وتلتم كل هلة وكل الگرايب
والمغسل يغسلة وچفنة زاهب
وبت حسين وسفة اتخاف منها
===================
شافتها التغسلها الحزينة
جسمها اسود كثر ما ضاربينة
خافت لا مرض بيها الحنينة
اشو لبعيد راحت غاد عنها
==================
مريضة البت اظننها خطية
چا انه شلون اغسلها بدية
يزينب ما تحاچيني شوية
ماتت من مرضها اليوم چنها
==================

جواب السيدة زينب عليها السلام
=====≠==========
هاي آثار طگات وعظمهه
من كعب الرمح ازركَ جسمهه
وطكَ السوط اذاها وهظمهه
وآثار الحبل وآثار دمهه
================≠=
چي چانت عزيزة الكل ولوها
فلا رحموا زغر سنها ورعوها
ليل انهار بس تبچي اعله ابوها
جابوا بالطشت راسة افجعوها
نادتت وين أهلنا وما اجوها
===================
طكَ بالسوط درب الشام كلة
وفوكَ مصابها بالروح علة
باتت بالخرايب موش سهلة
بت عز ودلال انوب ذلة
وياهم يموت الماتوا اهلة
=================
أسألكم الدعاء رائد الاسدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_ااسيدة_رقيه_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


على لسان مولاتي رقيه ع
****

اجاني بطيف نشد عن حالي
كلتله هواي مجانك خالي
*
خلص حيلي بسهر ليلي و سبي و حيره
اليسر تدري كسر ظهري و انه زغيره
تعبت من المشي و للشام طبيت
جم ولايه عكب حسين فريت
على حجار الخرابه راسي خليت
صحت حسين وينك بويه و غفيت

كبل لا نام ذكرت الغالي
كلتله هواي مجانك خالي
*
الضوه لعفته بحلم شفته و سأل عني
بدمع جاري على اخباري يناشدني
تشابكنه و سألني بحالج شلون
من فوگ الرمح و ادعيلج تهون
كلتله بخير مادامك بالضعون
كال شيوجعج راويته المتون

بضعن زينب منو اليبرالي
كلتله هواي مجانك خالي

اجه بدمعه مثل وضعه بظهر عاشر
تشابكنه و بدت ونه بكسر خاطر
من ضمني عرفت شسوت الخيل
ما ظل بي ضلع ما منكسر حيل
لون الشيب احمر و الدمه يسيل
من شيباته اشمن ريحة الهيل

شفت حاله وشغلي بالي
كلتله هواي مجانك خالي
*
و ابو اليمه كعدت يمه و اسولفله
كلتله الحگ لحرم تنطگ فلا سهله
خلص حيل الضعن من هالمسافات
كلي شلون تمشي الكلها جويات
اصيحن بويه كلها تصيح شمات
اسكتي يا سبيه والدج مات

و اشوفنه برمحهم عالي
كلتله هواي مجانك خالي
*
خلص طيفي ورحل ضيفي و كبر نوحي
لهجر جارح يمن رايح اخذ روحي
صحيت من الحلم حاجيته بونين
ما متعوده اعوفك يا ضوه العين
أسال عمتي زينب والدي وين
و جابولي الشماته راس الحسين

بطشت راسه اشوفه كبالي
كلتله هواي مجانك خالي
***


الاقل محمد علي الخفاجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_ااسيدة_رقيه_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


گـعّدوهـن عـالترابـه
ودخّـلـوهـن للخرابه

وره زيـنـب والسبايه تـفـتـر الناس
وأشد من الحبل چلمة وينه عباس

              *---------------*----------------*

وجوهن مثل الخرايب .. طـافـيه
حَرَم .. من ليل هدعش مـا غافيه
اتـعـنـتـلـهـن طوعه تركض حافيه
تـسـتـحـي تـگـلـهن مِسيةْ العافيه

طوعه تدري بهالفجيعه
عـافـيـتـهـن عـالـشريعه

چف دواهن گطّعتهه سيوف الارجاس

              *---------------*----------------*

طـوعــه سـألـت زيـنـب .. بحنيّه
ويـن راحـت زيـنـب الـعـلــويــــه !
بـدارهـا يـامـا ادرسـت يــومــيــه
تـگـلـهـا آنـه .. تـگـلـهـا لا مـو هيه

تگلها يا طوعه .. چبيره
بـنـص نهار افگد عشيره

راسه فوگ الرمح وينه اليرفع الراس

              *---------------*----------------*

طـلـع ضعن الحرم من باب القصر
وبقت طفله زغيره مدري شتنتظر
طـوعـه امشي تگلها ليشوفچ زجر
تـگـلـهـا مـن مـسـلـم اشم هنا عطر

عـطـر يشبه بوسة ايده
فراگه شمسوي بحميده

مو تراب وماي .. چفه ماي واحساس

              *---------------*----------------*

بناگه عرجه وبالـحـبـل مـچـتوفـه
الشمس حرگتهه وعيون الـكـوفـه
راس اخوهه بوسط رمحه تشوفه
يـلـتـفـت .. چـنـه يِـدَور اچـفـوفـه

كـلـمـة الشامت تـجرحـه
ويهتز الراس اعله رمحه

وره النبله من يخزره تضيگ الانفاس

              *---------------*----------------*

مدللة حيدر .. شـمـر هـاظـمـهـه
گـبـال راس الـكـافـل ايـشـتّمـهـه
شكثر ما ضعفت ويـنـزف دمـهـه
ما اتمَيْز الحـبـل مـن مـعـصـمـهـه

هـالـزمـان اشسوّه بيها
من الحبل يبست اديها

الما يجيس الهوه ظلها بسوط تنجاس

              *---------------*----------------*

بلا اخوها .. الترس طـفـه ملوحه
نذبحت وعاشت نـزف لـجـروحـه
شلون عاشت مو گلت .. مذبوحه ؟
روحـه طلعت .. بـيها طبّت روحه

الشامت يـشـاور العاذل
هاي زينب .. ابو فاضل ؟

ساعة تدمع .. ساعة تسطر .. ساعة حَرَّاس

              *---------------*----------------*

✍احمد هادي الشمري

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_ااسيدة_رقيه_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


نزله

بچفوفي مات الحبل
واكسرت ظهر الهزل
شارة علي وابنيته
........................
اخيط بالحچي اخياط*
وحتى ابگعدتي ازماط*
اغربل والگط الگاط*
زينب هيبة امي**
اسجل الشام بسمي**
الاخزره امن الرعب شاط*
علي اعله اظهورهم خاط*

الشام طابو الي
كاتبهه بسمي علي
شارت علي وبنيته
.......................
الشام احتازني وجيت*
اوزع ستر ضليت*
روس هواي طشيت*
گمر بچفوف يمطر**
شارة خده تسطر**
عباتي ستر كل بيت*
بخت حسين رديت*

كاسرته اكبر خشم
خورست حچي الزلم
شارة علي وابنيته
...................
ادري الناس صلفه*
ولكن انه عفّه*
نظرهم بيدي الفه*
حچيت وكلهه سكتت**
ريج الناس جفت**
هذول ابلايه عرفه*
ورطو وانه كلفه*

وصلو اليزيد الخبر
هالجتكم اخت الگمر
شارة علي وابنيته
.........................
مالح كل حچينه*
الله كشخ بينه*
الستر الشام جينه*
وافزعنه عليهه**
نسه اتملكنه بيهه**
نغطيهه ابعبينه*
قضيتكم بيدينه*

اشموس جبنه وضوه
كل رمح بيهه انجوه
شارة علي وابنيته
...........................
اجينه مو نساوين*
عدنه هنا قوانين*
كلهه ابكيف الحسين*
اول شي اذلكم**
وانتو ابنص قصركم**
نطينه اشگد قرابين*
لله واحنه راضين*

حتمآ أميره أنّصب
هنا عالشوارب غصب
شارة علي وابنيته
.........................
انتو بهاي وبهاي*
سمعو اشجايبه وياي*
اخبط بيكم راي*
كل عام الزياره**
تسويهه الغياره**
العالم كله مشاي*
بثوابه ايوزع الماي*

وانتم زوال ونهي
دولتنه هم تبتدي
شارة علي وابنيته




علاء المياحي
الفاتحه لروح والدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_ااسيدة_رقيه_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

اه يبويه _نمنا احنا بالخرابه
اه يبويه _رحنا ديره بس غرابه
اه يبويه _اه من دهري ومصابه _اه يبويه
..........................................................
لو شفتنا واحنه بويه بالخرايب
والله ظهرك ينكسر من المصايب
نكعد ونغفه يبويه عالترايب
ليش بويه انته عفتنا بالنوايب
وانادي _بويه وينك ماتجيني
وانادي _بالغرب ماتغفه عيني
وانادي_ والدي طول غيابه
....................................................
جنت بويه انته النور ابحياتي
ظلمه عكبك دنيتي وانطر مماتي
الشمر يضربنا يبويه انه وخواتي
ارد اخبرك بالشمس حركت عباتي
والله حيره _دنيتي انه من بعدك
والله حيره_ شلون تمشي بليل بنتك
والله حيره _ جرح الفاكد احبابه
.....................................................
بعد بويه موقف ويصعب عليه
امشي انه بويه ومجتوفه اديه
بعد بويه لو شفت اختي رقيه
طفله ماتحمل ابد بويه اذيه
تسئل اعليك _تكعد وتغفه وتذكرك
تسئل اعليك _الجانت اتنام اعله صدرك
تسئل اعليك شو اتأخر وينه بابه
.................................................
لو شفتنا بويه واحنا ع المحامل
الظعن يمشي للغرب وابلايا كافل
بويه مجتوفات ادينا بالسلاسل
صحت وينك اه يعمي يابو فاضل
الضعن وحده _يمشي بويه ابلا حمايه
الظعن وحده _ مااشوفن ترف رايه
الظعن وحده _سهم عينه قلبي صابه
........................................................
حصل موقف بويه وانه بي ذكرتك
شلون نايم انته بويه وعايف اختك
من ضربها ببو فاضل انه ردتك
اه يعمي وينك انته اني صحتك
ارد اخبرك _اختك وراحت سبيه
ارد اخبرك _ مشت وابلايه حميه
ارد اخبرك _الشمر يحدي وصحابه """""""""""""""""""""""""""""""""""""""""""""""""""""""""
الشاعر عباس النجفي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_ااسيدة_رقيه_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


اه يبويه _نمنا احنا بالغربه
اه يبويه _رحنا ديره بس غربه
اه يبويه _اه من دهري ومصابه _اه يبويه
..........................................................
لو شفتنا واحنه بويه بالخرايب
والله ظهرك ينكسر من المصايب
نكعد ونغفه يبويه عالترايب
ليش بويه انته عفتنا بالنوايب
وانادي _بويه وينك ماتجيني
وانادي _بالغرب ماتغفه عيني
وانادي_ والدي طول غيابه
....................................................
جنت بويه انته النور ابحياتي
ظلمه عكبك دنيتي وانطر مماتي
الشمر يضربنا يبويه انه وخواتي
ارد اخبرك بالشمس حركت عباتي
والله حيره _دنيتي انه من بعدك
والله حيره_ شلون تمشي بليل بنتك
والله حيره _ جرح الفاكد احبابه
.....................................................
بعد بويه موقف ويصعب عليه
امشي انه بويه ومجتوفه اديه
بعد بويه لو شفت اختي رقيه
طفله ماتحمل ابد بويه اذيه
تسئل اعليك _تكعد وتغفه وتذكرك
تسئل اعليك _الجانت اتنام اعله صدرك
تسئل اعليك شو اتأخر وينه بابه
.................................................
لو شفتنا بويه واحنا ع المحامل
الظعن يمشي للغرب وابلايا كافل
بويه مجتوفات ادينا بالسلاسل
صحت وينك اه يعمي يابو فاضل
الضعن وحده _يمشي بويه ابلا حمايه
الظعن وحده _ مااشوفن ترف رايه
الظعن وحده _سهم عينه قلبي صابه
........................................................
حصل موقف بويه وانه بي ذكرتك
شلون نايم انته بويه وعايف اختك
من ضربها ببو فاضل انه ردتك
اه يعمي وينك انته اني صحتك
ارد اخبرك _اختك وراحت سبيه
ارد اخبرك _ مشت وابلايه حميه
ارد اخبرك _الشمر يحدي وصحابه """""""""""""""""""""""""""""""""""""""""""""""""""""""""

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_ااسيدة_رقيه_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

السيدة رقية ع

يابو رقية شيبتك حمره
ما ادري أمسح طبره لو عبره
راسك حبيبي حايره ابأمره
"""""""
ذكريات الطف والم ذيچ الليالي
ما بقه من عدهه بس راسك بُقالي
گبال راسك گاعدة وابچي يغالي
يا رقية اسمعتك اتگلي تعالي
تردد شفافك بويه هالكلمه
حضنيني رايد عطرچ اشتمه
انظر شفافك ذابلة امفطره
"""""""""
راسك ابأطول رمح گدامي شفته
راس دامي منحره ومتفطرة شفته
وهسه من شلت الغطه عنه وكشفته
من كثر طبراته صدّك ما عرفته
كل الملامح بيك مختلفه
معقولة ذني اخدودك الترفه
خدودك يغالي مطبره ومحفره
"""""""""
چانت امنيتي حنانك ما أضيعه
وصارت امنيتي احضنك لحظة وانعه
وچانت امنيتك فلا گلبي تفجعه
وهسه راس ابلا جسد يا دوب اودعه
بوجهك يغالي اقره إحساسك
تتمنه هسه لصدري اضم راسك
ومنين اشبگك شبگتك حسره
""""""""""
شفت راسك من چنت طفلة واميره
وثاني مرة عالرمح من چنت اسيره
وهسه اشوفه بويه للمرة الاخيره
شفته وادعيت الله خالقني ضريره
راسي اويه راسك ريته يتبدل
وراسي برمح لو بالطشت اقبل
بس كون اشوفن راسك بنحره
""""""""
احچي ظليت اويه راسك هالمسيه
اني مو ذيچه رقية الاوليه
حيل شدوا بالحبال أثنين اديه
مو رقية بويه صار اسمي السبيه
بويه بسياط امتوني ضربوهه
وحته التراچي مني سلبوهه
وليهسه فوگ الخد اثر سطره
"""""""""
بويه شفتك بالحلم تمسح جبيني
تالي امسح نحرك بدمعي وونيني
راح انعه اباخر انفاسي وسنيني
يا حبيبي يا حسين ونور عيني
اخر لقاء اوياك يجمعني
يا بويه ساكت ما تودعني
تالي اودعك سكتة وبنظره

انيس الخفاجي الكربلائي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_ااسيدة_رقيه_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

فارگتني و من غبت جتني الرماح
بيه روس و من شفتهن قلبي صاح

عايني الذاك الرمح . بي وجه كلش سمح

يا رقية يا رقية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طولت هالغيبة يمكن يمي ما ترجع بعد
بويه من طفلة و سبية هاك إخذ هذا الوعد
مثل ما جسمي بضربهم عن درب جسمك بعد
راح أرد يمك و أشوفك قلبي شمحضر و أعد

راح أعاين للشمر و أصرخ تعال
ليش إيدي مربطيها بالحبال

بلكي هالشدة تزول . و أستمع منك تگول

يا رقية يا رقية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بويه تدري متوني سوده صفت من گد الضرب
و آنه يم ذوله النواصب عايشه بحالة رعب
رجلي محترگه و شگلك تدري بالموقف صعب
إشلون تتركني أسيرة ويه عمتي بنص غرب

إشلون تتركني أموت من البچي
أنضرب لو ردت عالناگة أنتچي

قلبي يلچمني بجفاك . ياهو يندهلي وراك

يا رقية . يا رقية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بيها محتاره و شگلك لمن أرفع راسي أشوف
عالرمح چن ذاك راسك و آني عفتك بالطفوف
گمت كل ما أشوفه أنظر جسم و تشيعه ألوف
بلايه راس و صدره يمكن شابع سهام و سيوف

من يمينه چان طايح خنصره
چنت أسمعه يگول أرجو المعذره

بصدري متهشمه الضلوع . الروحة ما بيها رجوع

يا رقية . يا رقية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أنسى كل هذا الحچيته و إنت تسمع أدري بيك
إنچان عايش مر عليه لو أموت آني و أجيك
بويه لو جسمك تگطع و آل أميه مسلبيك
خلي بس راسك يجيني تره يم عمتي أشتكيك

راح أگلها ما يجيني الغالي ليش
عمه هذا الزمن چا يطلبني بيش

ما تقبلين أشتكيچ . گلتي چم ساعة و يجيچ

يا رقية . يا رقية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بويه طبينه الخرابه و آنه يمكن راح أنام
بلچن بحلمي أشوفك عندي وي قلبك كلام
أرد أسألك وين صدرك حيل يرعبني الظلام
بس أحفلك من تردلي كونه خالي من السهام

حتى احط راسي و أكمل نومتي
خاف يلچمني جرح ترچيتي

من السياط متوني سود . گتلي يمچ راح أعود

يا رقية . يا رقية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بويه عندي شهود كثرة ع إلي صار بحالتي
شاهد أول هيه جمرة لوعتني برگضتي
و الأشواك إلي دستها بويه زادت ونتي
و هاذ أثر بإذني تشوفه من گطع ترچيتي

هاي قلة و بيه أكثر والله صار
بالمخيم بويه حرگت چفي نار

إسِتمع من عندي صوت . دزلي راسك أرد أموت

يا رقية . يا رقية

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
#فارگتني
#علي_حسن_الكناني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_ااسيدة_رقيه_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ
شهادة السيده رقـــيه ع
.
.
.

اباب الخرابه گاعده وايدي اعله خدي
مايـرضه ادري والـدي يتركـني وحدي
عمـه لو رد من غيابه
ارد اراويـه هالخرابه
انــه رقيــه

___

عــمـه هاي انـي رقــيـه طـفــلـته المـسبــيه
رايحـه البـاب الـخـرابه بلـكي لـن بـي جـيه
انـه اول وحـده اريـد ايـحـط اديـه بـيـديه
ارد اگـله اشلون صحتك شـو بطيت اعـليه

مـن السـفر كلمن يجـي ياعـمه تعبان
بالماي اريد استقبله ادريــبه عطشان
وخاف ازيد انه ابعذابه
ارد اراويـه هــالـخـرابه
انه رقيه

___

عمه كل ماعنه اسئلچ انتي گلتي امسافر
مـن غـيابه الـيوم يـرجع لـو يظـل البـاچر
والله آخـر مـره شفـته چـان يـوم الـعاشر
شلون يبعد يدري بعده اكسـر انه الخاطر

ابحظنه غفيت انه اشكثر من چان موجود
اتـراب الـخرابـه ردت اگــله چـوه الخــدود
نومي صار اعله الترابه
ارد اراويــه هالــخرابه
انه رقيه

___

لـو اجــه بـاچـر ابـويـه عمـه شــو حلــيها
ويـن يگـعد والـخرابه افـراش لا مـابــيها
راح افـرشـلـــه عـبـاتـي ولازم اتغـسـليها
حتـى اثـر سـوط السباني مايظل اعليها

لا مـا اريـده ينفـجـع مـن بعـد الغـياب
ماراح اراويه اذنــي اغطيها بالحجاب
وخوفي ازيد انه ابمصابه
ارد اراويـــه هـــالخـــرابه
انه رقيه

___

مـن يــرد والـدي عـمه عـنــه لتــبعـدوني
رايـده ويــاه احچــي ابـراحتي خــلـوني
امـن الالم مانمـت انـي يوجعـني امتوني
انشالله الليـله يعمه تغـفــه زيـن اعـيوني

بلكت الليله من يجيني اتهيد الآلام
لـَمـن علـى راسه رقيه تـغـفه وتـنام
ومن انـادي بابا بابا
ارد اراويه هالخرابه
انه رقيه

___

انچـان مـايـرجـع اريـده حتـى لــو بـطيـوفي
لـچــن ياعمــه يــزينــب حــل الــيــه شـــوفي
من دخلنه الكوفه عمـه عتـني حيــل الكـوفي
اچفوفي طبع الحبل بيهن وين اظم اچفوفي

ياعمه بس لاينـتـبه مـن الـزم الراس
لو شاف اديه ينجرح ادريبه حساس
واجب انه احسب حسابه
ارد اراويــــه هــالــخــرابه
انه رقيه
___
حيدر تركي الكربلائي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_ااسيدة_رقيه_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


شهادة رقيه
.
.
.

محـتاجه نظــره .. نــظـرة أبــوه
بويه امن الفراگ .. خدي تچــَوه
طفيني ابحنانــك
دليـنـي ابمـكانــك
محتاجه الأمانــك
رقــيــه

_

شـبگة اذراعــاتك .. اتردلي روحي الرايحه
يالتـرافة صــدرك .. علـى صـدري طــافحه
الدنيه كلش ماصخه.. يبو احچايه المالحه
انتـــه لــو مابــيهــا .. اعليــها أقره الفاتحه

اجروح هجرك چيه اكبار الشيب طالع بيهن
چفـك انــته ابلايه خنــصر ياهو اليـداويهن

هاك اخذ اديــه .. بس كونك اتعود
اعذرني تـراهن .. مـن الحـبل سود
عــذبنـي زمــانك
دليـنـي ابمـكانك
محتاجه الأمانك
رقيه

_

سبو حتى احلامي .. البيــنك ومـابيـني
الـسوط مــن اتحلم .. يالابــو ايوعــيني
ثلث ظـل ابــروحي .. استشهدن ثلثيني
وانظـر التــابــوتــي .. گــاعد ايــتانـيني

الموت احسه والله نعـمه لـَمن ايظربوني
اسياطهم تـوجع يـبويه وغـرزت بمتوني

كمت اسمع النوگ .. تبـــچي علــيه
لــمـــن يگــولـــون .. عــذبـو رقــيه
صرت احچي بلسانك
دلـيـــنـي ابمـكـــانــك
محــتاجــه الأمــانـك
رقيه

_

سكتتي من خـلصت .. اتـبدن احچـاياتي
وچــانت اول كــلـمه .. ويــنك ابمــأساتي
بــويه كلــمــة بــويـه .. انحبست ابلـهـاتي
بقــت بــس ادموعي .. الفرگست وجناتي

كشخت ابوجهي الدموع وتستلذ بجروحي
الـروح ضـلت خيط بيـه اتريد تطلع روحي

من گد الاشوگ .. ابـدلالي حرگه
ويم راسك ارتاح .. لمــن اشـبگه
واهمس يم اذانك
دليـنـي ابمـكـانــك
محتاجه الأمـانــك
رقيه

_

چنت ورده ابجالك .. هـواي مهـتم بــيه
الـ من نده بوساتك .. شــاربــه الحـــنيه
امن اذني گطعو ورگه .. وچـَتـفو أيـديه
الكبــرتهـا ابــفـــَيك .. عالهــزل مسبـــيه

بويه وجهي الچـان يـزهـر صار اسـمر لونه
مدري من الشمس مدري ابكثر ميسطرونه

بخدودي طبعات .. متروسه آلام
ابگد الشماته .. الموجوده بالشام
التتشفه ابسنانك
دليـنـي ابمـكـانك
محتاجه الأمـانك
رقيه

_

مـن تــرد احچــيلك .. عالجــرالــي حــالفه
هواي هنه وشحچي .. بـويه عـن ياســالفه
على متني الازرگ .. على اچفـوفي الـنازفه
على خيل افراگك .. الصدري هيه الخاسفه

چــنها نار اخيام بـيه وچـنه يــوم الــعاشر
ماتجي اتطــفيني بـويه مالي يـمك خاطر

الطشت الذهب ليش .. مايوصل الصوت
مـــو انـــه ملـــيـــت .. مشــتاگه للمــوت
شو ما آن اوانك
دليـنـي ابمـكانك
محتاجه الأمانك
رقيه
_
حيدر تركي الكربلائي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_ااسيدة_رقيه_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


عـمـه يزيـنب شــوفي .. اشسوه الحبل بچفوفي
الحادي ليعت حيل بيه
ازغــيره گليــله رقـــيه
عمه يزينب
-------------------
خاف اطيح .. والعــيون اهــواي ياعـــمه عـليه
خاف اطيح .. وبالحبال امگيدات اچفوف اديه

زغيره وبالسبي شفت المعانات
چــبير الحبل وايــديه زغيرات
الشــمر گلــيله ليــجر بالـسبيات
مـو كافـي تره شـبعني طيحات

الحادي وحق دمعاتي .. متـونــس ابطيـحاتي
انــه صــح عمــه سبيه
ازغــيره گليــله رقـــيه
عمه يزينب
-------------------
راح اموت .. عمه من گد السياط العلى امتوني
راح اموت .. وين اهلي امــتانيتــهم مايجوني

اتمــنيته ابــويه احـــســــين مـــوجود
ويشوف امتون بنته امن الظرب سود
الـحــادي مــن سمعــني يگـــلي ميعود
ضــحك وعلــيه راد ايضــحك الجنود

ابهـالعمر عمه شلي .. مذبــوح ابوچ ايگلي
الحادي راوانــي المنيه
ازغــيره گليــله رقـــيه
عمه يزينب
-------------------
چنه نار .. الحبل فوگ اچفوفي احسه گام يلهب
چنه نار .. اتلاحگيــني الخــاطر الله عــمــه زينب

شوكت نوصل تره اطويله المسافه
وطــريق الــشام اظــلم انــه اخافه
يــهالوادم مــنو الـــعــباس شـــافه
يجي ايخــلصني مــن هاي الكلافه

عمي اذا أجاني .. احچيله عن اذاني
ولو اجــه اشــري عليه
ازغــيره گليــله رقـــيه
عمه يزينب
-------------------
مثل ابوي .. من اطيح النوگ تسحگ على صدري
مثل ابوي .. عمــه كــلش زيــن انــه بروحي ادري

شوكت بحــسين احــلم ها يعمه
اريده ايشوف گلبي اشكبره همه
اريد اوياه اسولـــف واغــفه يمه
ابويه الرحمه وانه احتاج رحمه

مشتاگه اشم انفاسه .. مشتاگه ابوسه ابراسه
ويدري ماتحمل اذيه
ازغــيره گليــله رقـــيه
عمه يزينب
-------------------
ياحرام .. الحادي ماخلاله ديره مادخلها
ياحرام .. المثل حالي ها يعمه ياهو الها

هــذا الحــادي قــاسي وچـنه ذباح
گلــيلــــه نــريـــد اشــويــه نــرتـاح
مايــســمع بــواچــينــه والـصـــياح
ماضل حيل عدنه امن المشي طاح

عالروس خل انادي .. اذانه حيل الحادي
احچي ودموعي جريه
ازغــيره گليــله رقـــيه
عمه يزينب
-------------------
حيدر تركي الكربلائي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_ااسيدة_رقيه_١٤٤٢هجريه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


شَد الحبل جفيني والدمعة ترست عيني
مستحية اكلك يالكمر ..... ذباحك اليسبيني
...................................................
من ابتدت لحظة ذبح ـ ياجرح اشدنة بجرح ـ متلفلفة بغيم الصبح ـ ثوبي العليه
مستحيه ماهل الدمع ـ والحسرة تچويلي ضلع ـ ياحالتي چنها الشمع ـ بخيط المنيه
تهضمني نظرات الشمت ... كلما يصد للرايه
وتتگاطر عيوني الم .... بهاي الهضم وبهايه
يضربوني لو وجهي التفت .... صوب الفرات ومايه
صرخاتي فوگ شفافي ـــــــــــــــــــــــــــــــــ خويه البعد ما كافي
يالنايم بصف النهر ......... ..... ذباحك اليسبيني
......................................................
تدري الدمع توه ابتده ـ واستفردت بيه العده ــ مات الورد ما ظل نده ـ باول رحيلك
ارحمني وارحم غربتي ــ ياقصة تشبة قصتي ـ خويه بغيابك موتتي ـ اصرخ دخيلك
ميهمني لو متني انضرب ... ولا همني حرگ خيامي
ولا همني نيران وچوي ..... الداست جمرها اجدامي
كل همي اشوفك يالرحت ... وسالم ترد گدامي
محتاجة اشوف عيونك ــــــــــــــــــــــــــــــــ تدريني اموت بدونك
ناديتك اشكد واشكثر ..... ..... ذباحك اليسبيني
.........................................................
لا أم اليه ولا أبو ـ ولا ظل الي بالطف اخو ـ نار الاضننها دفو ـ حرگت عباتي
حافي الجدم غصبن امر ـ وامشي عله حر الجمر ـ يزجرني بالسوط الشمر اني وخواتي
لفلفلني خويه برايتك ..... انه اختك العلويه
بحاجة حنانك يالوفي ... يابو الوفه وحنّيه
اگعد يبو الكلفة تره ... اختك مشت مسبيه
من راسي حد اجدامي ــــــــــــــــــــــــــــــــــــــ تلچمني كل آلامي
شيجبرة ظلعي المنكسر ..... ..... ذباحك اليسبيني
................................................................






ايد اعله ايد اتلازمن ـ تدري بخواتك من مشن ـ ماضل كفيل ولاوطن .. بس الاعادي
گيض وصحارية وشمس ـ اليوم اختلف مو چن امس ـ كلماتي تطلع بالهمس ـ بهاي البوادي
شدوني يا خويه بحبل ... من ديرة الفي الديره
عذبني دربك يالسبي ... وهاي المسافه اجبيرة
حرمة وبقيت ابلا ولي .. حيرة اخيتك حيره
وحدي وصرت كفاله ـــــــــــــــــــــــــــــــــــــ الهاي الحرم واطفاله
صبري الصبرته ياصبر ... ..... ذباحك اليسبيني
................................................................
راسك علة الرمح اعتلة ـ يا حادي هاي القافله ـ ردت اليه بكربله ـ كل ذكرياتي
واتذكرت راعي اللوة ـ واحنة بطريقج نينوى .. لمتنه من جانت سوة .. وصرنه بشتاتي
كل واحد الراح بدرب ... وكلمن مشاله بحاله
چن عمري صار اعلة الرمح ... راسك عليه من شاله
والراية شفت اشگگت .... من دوست الخياله
هالمنظر بنص عيني ــــــــــــــــــــــــــــــــــــــ يهضمني ويبچيني
يومي اليمر چنه دهر ..... ..... ذباحك اليسبيني
........................................................






نسالكم الدعاء
علي صادق المجراوي
16|6|2020

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA