#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#برنامج_محرم_الحرام_1442ه‍ 2020
#الشاعر_الميرزا_محمد_الساعدي
#العليله

سايرته حزني والدمع ملاهه عيني
يابويه ليليه گمت طيفك يجيني
ويلي على فاطم ويلي على فاطم
================≈==================
مهجوره يادار الأهل والحب جفاهه
يابويه بنتك هالأمل يمكن نساهه
داري يروحي بس حزن بعدك لفاهه
وانه بخرابه والزمن گيدهه اديني

ويلي على فاطم ويلي على فاطم
================≈==================
گالوا عليله من حچوا وحدچ حسافه
بعدتني عنهم ياوسف طول المسافه
گلبي يهل وادم خلص والله وسافه
لخواني بانت وحدتي وباين حنيني

ويلي على فاطم ويلي على فاطم
================≈==================
عبدالله صوته أسمعه واسمع مُناغاه
واتسمع أمه حاچِته أبني الله وياه
يمكنّه حزوا رگبته وظلمّت اسماه
چن الونين امن الخيم فايق ونيني

ويلي على فاطم ويلي على فاطم
================≈==================
سامرني حزني بوحدتي وسامرته مره
وَگبل عليه من هلي جايبلي جره
ظلمه الخرابه وطلعت انضرهه بره
چفوف ومتن أزرگ شفت وراس اليجيني

ويلي على فاطم ويلي على فاطم
================≈==================
صعبه اليفارگله ولف مينامه ليله
أسأل شخص عاش الهجر مفارگته عيله
يمته ويحل لم الشمل وانه عليله
سلّاني دهري وعنهم أنبعدت سنيني

ويلي على فاطم ويلي على فاطم
================≈==================
من نومي فزيت ابلطم چن بالمدينه
أسمع يگولون الشهم رايح ولينه
أتلگوني أبوچ المنذبح ومگطعينه
يوميه بمصيبه الزمن گاعد يُريني

ويلي على فاطم ويلي على فاطم
================≈==================
7/4/2020 الثلاثاء
#الشاعر_الميرزا_محمد_الساعدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#برنامج_محرم_الحرام_1442ه‍ 2020
#الشاعر_الميرزا_محمد_الساعدي



عبدالله مرسال باعثته السمه
وسفه العناوين تتحول دمه
================≈================== عبدالله يا آه ياقل مايلي
بيك الدمع بان عد حيدر علي
واليندبك راد كل هم ينجلي
أبعد يمولاي عني المضلمه
================≈==================
ياماي العيون تجريلك دمع
مابطلت يوم منك تستمع
شهگة بچي حسين اصبح منفجع
والذبحتك ذيچ ثُله آثمه
================≈==================
في قتلك ايزيد بانت نيته
وبدين الاسلام چانت حجته
بس والله دنياه هوه غايته
من كرسي الاهواء صاباه العمه
================≈==================
يامصحف آيات وانته البسمله
شگوهه من جيد راعي الأوله
ترفات الاوراق سهمك معضله
عين الله متحيد عن ذاك الرمه
================≈==================
بمثلث الصاب نحرك سيدي
شمحظر هناك لو يُسأل غدي
شيگله للمال چنت احدي حدي
شيخلصه من نار ربه الحاطمه
================≈==================
صارخ يمگرود صاباك السهم
شافاه الحسين من نحرك ثلم
وبجييِته هواي برگبتك هشم
ياعظم المصاب واعظم ملحمه
================≈==================
سالت على حسين من دم غيرتك
عبدالله بدموع أمك سمتك
تدريبك اتروح ياحر شمتك
من منحرك وأه يمه العالمه
================≈==================
ذابل يمولاي من حر العطش
والكافر اليوم بيكم هالبطش
أمك تَرى حسين جلبابه فرش
بي هوه خلاك وانته بس دمه
================≈==================
6/4/2020 الأثنين
#الشاعر_الميرزا_محمد_الساعدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA