#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



بخيرك غركتني وشكد وفقتني بسجلك سجلتني
يا ابا عبد الله
**************
خادم حسين اشكثر عالي مقامه
ويكثر ابين الخلك شفنه احترامه
كلنه ندري بخدمة حسين الكرامه
وبينه جم عابس تسودن من هيامه

الخادم حكه يفخر شفنه جاهه يكبر وقع صكه حيدر
يا ابا عبد الله
*****************
حسين هوه الشيخ والخيمه الجبيره
ابلايه شيخ اتيه يا ناس العشيره
احنه ابو السجاد ابد ما عدنه غيره
كل سنه وكل عام نحيي هالشعيره

دمنه يقره عابس ونحب هالمجالس نلطم عدنه واهس
يا ابا عبد الله
***************
احنه الله بهل مجالس من علينه
ولو عشكنه حسين والله مو بدينه
الكبره ما تتعب رجلنه اشما مشينه
بخدمتك يحسين كلنه اتشرفينه

عشكك حيرانه حبك جنانه كلبك ما نسانه
يا ابا عبد الله
*****************
اهواي ناس الله كتب طولت عمرها
تخدم ابأخلاص وتضاعف اجرها
اشويه كلها وخدمة حسين اشكبرها
وهاي نصره للمجالس نعتبرها

نصرخ عالمنابر حي عالشعائر واسمك بي نفاخر
يا ابا عبد الله
*******************
بداعت امك سيدي وكلمن تحبه
مني هالتوفيق ماريدك تسلبه
كل غلط ماريدك اعليه تحسبه
انسان ما متقصد الغلطه اكتبه

بيدك ذنبي امسحه بعفوك صدري اشرحه جفك عالي صرحه
يا ابا عبد الله
**************
انته اعز امن الهوه والدنيه مولاي
وانه ما انسه وعلي وكفاتك وياي
الزهره انه ادري تحبني كلش اهواي
لان يحسين بثوابك وزعت ماي

خالد ضل شعاري عاشك وانته داري تلهب بيه ناري
يا ابا عبد الله
**************
تمت
تحسين الخفاجي
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



انته وجه الصبح هظمه من تنذبح
كافي راسك تعب نزله من الرمح
**********
انته يمحلي السوالف عينك اتنكط هله
اجروحك ابكد رحمة الله وشيبك بكد كربله
محبسك راد اليسلبه كلت فشله اتخجله
هوه والخنصر نزعته ويا حسين انطيته اله

ما ترد سائلك حته لو قاتلك
بكلبك اشجم جرح هظمه من تنذبح
************
يابو عبد الله الحوافر كعدت بصدرك شكو
وانته امس بالخيمه كاعد تبجي دم اعله العدو
راح اخوك وكلها تدري ينولي الما عنده اخو
ياهو حط بحضينه راسك وغمض عيونك منو

الحافر بمدمعك اتصيحه لو ضيعك
كلبك اشكد سمح هظمه من تنذبح
**************






علمتني اعله الموده اندارلك فدوه ونذر
ثلت تيام الفواتح وانته فاتحتك عمر
بالصحن واشتاك ازورك يالعشت بيه اشكثر
كل عطر بالدنيه فاهي وانته عطرك مو عطر

انته رب العشك ولو عفتني اختنك
واليحب منفضح هظمه من تنذبح
*************
تثوب الناس بمحرم تنذر وتطبخ شفت
وانته يحسين بمحرم ابصدرك اشكد ثوبت
الحلوه بيك بكبر واحد انته وبنيك نمت
اوليدي مو واحد يلجمه ازغير عبد الله كلت

كلبه يابس ضناي وانه ما عندي ماي
يا عطش لا تلح هظمه من تنذبح
***********









امن الصبح لليل واكف وين راحت ضحكتك
نزله خل يرتاح راسك يا حسين امروتك
ارسومك امن الشمس تعبت يمته ترحم حالتك
فوك هذا الضيم وانته سلبوها جثتك

انزل اشويه نام خل اطلع السهام
فوك جرحك ملح هظمه من تنذبح
*************
عمت عين الشال راسك ليش جا ما نزلك
اكبر امن الدنيه راسك يا رمح يتحملك
اتبادلو عالرمح كلهم وانته محد بدلك
والدرب كله رقيه تبجي وتباوع الك

صاحت امن الهزل بويه فل الحبل
حزني ما ينشرح هظمه من تنذبح
**************
تمت
تحسين الخفاجي
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مرتني نسمة هوه جنها امن الاحباب
نزلت دمعتي وصحت خل افتح الباب
يافركة اليسون العتاب
*****************
ملهوفه للباب اركضت ردو هلي حسبالي
تالي اعرفت من نسمتة مو ذاك ابوي الغالي
يا ناس صارت من مشه روحي بمكانه الخالي
وشتد شجوني وبالدمع اكتب كمت مرسالي

افراك الاحبهم صعب وسط الكلب نار
يابويه كمت اختنك من وحشة الدار
يمته تجيني منكم اخبار
*******************
يالكتلي يومين ونجي كثرت يبويه همومي
كل يوم اكعد وانتظر ومحضره بيدي اهدومي
يابويه حيل اتغيرت من فاركتني ارسومي
كل ساع الومن والكلب مل تدري من كد لومي

ردتك يبويه تجي وتشبك عليه
وبيدك تحس دمعتي ونكعد سويه
شو ما تمر يالغالي بيه
***************





كل ساعه اروحن للمهد وذكر كمت عبد الله
بحضيني نومته اشكثر واشكد صحتله اسم الله
كل ما احن الوالدي جن روحي تطلع والله
وحيل اشتم امصلايته ذيج العليها صله

عفتو العليله تون ما تدري شتكول
عبد الله راح واخذ حته الدللول
ما ادري هيج افراكك ايطول
*******************
حسبو خواتي وللاسف بس انه ما حسبوني
هسه كلت يمكن هلي لو طلعو ايصيحوني
ما ادري وحدي راح اضل وبغربتي ايخلوني
ضليت انادي يا هلي وما جنهم ايسمعوني

راحن خواتي وكمت هاي اصفك بهاي
يهلي رقيه صحت خلوها وياي
مشتاكه لختي كلش اهواي
******************









بالدار بويه افتر كمت وصوركم اتحاجيني
وكل ما يجي المغرب تضل للدمعه تركض عيني
ليل الله بيه من يمر بس البجي ايسليني
يابويه مو قصة سفر بس هجرك امأذيني

عذب دليلي الحزن يمته تردون
يهل المحنه اشعجب بيه تكطعون
شخباركم يالما تسألون
************
يا ناس اريدن والدي شو سافر وخلاني
اصعب وداع البلنظر واحد يودع الثاني
واشكد وره الحادي صحت بس هوه ما تاناني
عالكاع جم مره طحت شو محد الشالاني

اشكد تذبل ابنيتك لو فاركتها
بويه العليله صحت عدمن عفتها
محتاجه الك يالدللتها
****************
تمت
تحسين الخفاجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ريتي محتاجه الهواكم لا تروحون
شو جزيتوني ودمعتي امغركه العيون
بويه يحسين بويه يحسين
************
خضرت عيني بدربكم والدمع يحرك حرك
شو مشيتو وبعده منكم حضني ما شابع شبك
هيه دوم النيه قسمه والله قاسم نفترك
اجروحي طول الليل تصحه وللبجي مالي خلك

وانه يذبحني الحزن كل ما تبعدون
شو جزيتوني ودمعتي مغركه العيون
بويه يحسين بويه يحسين
*************
بعد ما ترهم اعيشن ضلتي بالدنيه شكو
والبنيه اتموت حسره من يروح الها ابو
خاطري بويه كسرته ويجبر الخاطر منو
ياهو كلكم يالحبايب طعم المفارك حلو

يهلي تعبني هجركم وصبر اشلون
شو جزيتوني ودمعتي امغركه العيون
بويه يحسين بويه يحسين
*************





كمت اذوب بذكرياتي وعظمي بفراكك خوه
صحت ليش اتفاركينه هسه مو جنه سوه
شسوه هجرك بالعليله يالجنت مثل الهوه
يا دوه اتسولفلي عنه بويه غير انته الدوه

انه جنت اتباوع الكم من تحملون
شو جزيتوني ودمعتي امغركه العيون
بويه يحسين بويه يحسين
****************
ليش عفتوني وحيده بعتبت الباب انتظر
كمت كل ساع اشتهيكم وعصر بروحي عصر
اركض اعله الباب وشهك لمن طاريكم يمر
والمجان البي كعدنه فرفحت يمه اشكثر

انه ما حسبالي يهلي بسرعه تجفون
شو جزيتوني ودمعتي امغركه العيون
بويه يحسين بويه يحسين
******************









يالحبايب سافريتو والضعن عني ابتعد
الدنيه يابويه عكبكم والله ما تسوه بعد
صحت يالمجفين عني ليش ملكاكم برد
نوبه اهز براسي وبجي ونوبه اهزن بالمهد

ضلت ابنيتكم بحيرتها تدرون
شو جزيتوني ودمعتي امغركه العيون
بويه يحسين بويه يحسين
***************
الدار وحشه ونايباتي يهل تشرح حالتي
كمت افك ريجي بتعالو وتجري عالخد دمعتي
هوه افراكك وانه شمعه وخاف يذبح شمعتي
حسين بويه بعيد دربك وانه تدري بعلتي

والعليله بيا وكت بيها تكطعون
شو جزيتوني ودمعتي امغركه العيون
بويه يحسين بويه يحسين
**************
تمت
تحسين الخفاجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

للصحن كل ما اجيك دمعتي اتسلم عليك
روحي ما الزمها لو شفت المناره
اركض الشباجك واقره الزياره
********
بلهفة العطشان اجيت وكلبي ضامي
بأبي انته وامي يا امامي
اعليك اسلم سيدي بشوكي وهيامي
وانه اشهد انكَ تسمع سلامي

اوكف اباب الضريح ويا حسين أذنلي اصيح
زايرك وبدمعي خطيت العباره
اركض الشباجك واقره الزياره
************
يمك انزع محبسي ومو وكته احسه
فشله يحسين امن اصبعك ما البسه
انته شمس الله الفلا حجبوها شمسه
واليدك بابك كمت جفه تترسه

عالخلك خيرك يفيض يشفه لو جاك المريض
ياخذ امراده ويرد بيده البشاره
اركض الشباجك واقره الزياره
***************







اتجه بحساسي واتعنه للانصار
عارف بحقهم وطوف بشوكي الاطهار
يم ابن ظاهر تنادي ازغار وكبار
يا حبيب بدفترك سجلنه زوار

لو زرة مرقد حبيب كل جرح بيه يطيب
جم رسول وجم ملك طاف بجواره
اركض الشباجك واقره الزياره
**************
اتردلي عافيتي امن اطب بين الحضرتين
نوبه للعباس عيني ونوبه لحسين
وين مثلك سيدي يحصل بشر وين
انته غالي وعشكك امحير الملايين

يابو عبد الله الرضيع انه من دونك اضيع
الما يزورك سيدي عمره خساره
اركض الشباجك واقره الزياره
*******************







يدخل بريتي الهوه ويمليني الاحساس
واشعر براحه امن اطوف اباب عباس
بمرقده كامت تجي وتتبرك الناس
هذا ابو الغيره الجفيل اليرفع الراس

بالصحن كل ما ازور ما عرف شنهو الشعور
وبجي اضل للكطعو ايمينه ويساره
اركض الشباجك واقره الزياره
*********************
اقره عاشوراء الك وكليبي مكسور
انه ادري بعينك انته اتشوف اليزور
ارد اخدمك حته لو بيام عاشور
حته من اتعب تكلي الزهره مأجور

الف هنياله الحمام بكبتك يغفه وينام
انته روح العاطفه وكهف الحياره
اركض الشباجك واقره الزياره
**********
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يا محرم اجيت وخذت مني اخوتي
وانته تدري عليهم حنينه دمعتي
كطعت كلبي النوايب طول افراك الحبايب
يمته يخلص عذابي ونام براحتي
********************
يا هجرهم شيباني وين اسافر والعمر راح وتعده
من بعدهم روحي ملت فاركوني ودمعي بخدودي تبده
حته راسي شاب منهم عذبوني وجرحي حرت ابيش اشده
افكاري تعبت عيني ذبلت والمصيبه اسنيني طاحت طيحه وحده

كافي ضهري كسرته وبعد مابيه اكوم
يمته احط راسي وغفه وتسلهم عيني نوم
واليحب طبعه يعاتب طول افراك الحبايب
يمته يخلص عذابي ونام ابراحتي
******************
ليش بيهم ذكرتني بس صورهم عندي ضلت احله ذكره
ياهواهم من يمرني بلهفه اشمه اشكد يرد الروح عطره
بيه لجمه وبيه دمعه وبيه لوعه وبيه فوك اجروحي حسره
زاد شوكي وضاع حلمي والليالي صارت ابلايه اهلي مره

شو مشو عني كلهم يكلبي وما اجو
أسال بفركتي هم عله افراكي بجو
وانه جيتهم اراقب طول افراك الحبايب
يمته يخلص عذابي ونام براحتي
********************


انه زينب يا محرم كبر سني والحزن خيم عليه
كتله ارجع ما اريدك بداعت امي لا تذكرني برقيه
الصوط لحضه ما نسيته الناكه عرجه وبحبل مجتوفه اديه
بالصحاري بلايه والي وعني كالو عكب اخوتي خارجيه

جدمو ناكتي وعالضهر صوط التوه
ولو طحت بالدرب كلهن ايطحن سوه
بكربله صرنه غرايب طول افراك الحبايب
يمته يخلص عذابي ونام براحتي
*****************
بكربله اذكر فرهدونه وبخيمنه النار شبت ونولينه
فرد هجمه الخيل هجمت روعونه وبالصحاري اتشردينه
لا اهلنه ولا خيمنه وماكو واحد منهم الينغر علينه
حاربونه وسلبونه ومن هضمنه كمنه نتستر بدينه

لا تجيني الف مره كتلك لا هله
من تجيني تذكرني راح بكربله
يا محرم كلبي ذايب طول افراك الحبايب
يمته يخلص عذابي ونام براحتي
*****************







وينه عباس الكفلني راح عني وراحت اوياه المحنه
مو بدينه اتفاركينه ودعاني واحنه احله اثنين جنه
الضحكه راحت وي طلعته وانه ادعي ربي لا تحرمني منه
يابو فاضل كمت انادي خويه ترجع لو بعد اكطع الضنه

يا حلات الاخو لمن اعله اخته يمر
اشلونج ايكلها ويسر كلبها المنكسر
التمت اعليه المصايب طول افراك الحبايب
يمته يخلص عذابي ونام وبراحتي
****************
ها يدمعي يمته تنشف تعبتني والسهر ذبلها عيني
بعتبت الباب انتظرهم وانه ادري محد المنهم يجيني
ليش راحو عني كلهم من اهدهم ما بطل نوحي اونيني
مالي خاطر خاف عدهم شو جفوني وحنت النوك الحنيني

سايمه الله عليكم ارجعولي متت
اهواي من رحتو عني تراني اتغيرت
شفت بالدنيه العجايب طول افراك الحبايب
يمته يخلص عذابي ونام براحتي
****************
تمت
تحسين الخفاجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


واجب اقيمن مجلسك وجريلك العين
هالدمعه المصبحه الجفن من خادم حسين
يالجواد اينوح الك ضل كلشي بيه
راح اذكرك بالخيم والغاضريه
***********
كَبل لا سولف وجيبن طاري الرماح
كَام يبجي المهدي دم وبمجلسك طاح
تدري صدر حسين من كثر السحك راح
يالجواد اشلون زينب كَلي ترتاح

ذيج السنابك عالجسد ما خلته ايكَوم
مطروح جدك عالثره ومسلوب الهدوم
الله لا ينطي الخيول الاعوجيه
راح اذكرك بالخيم والغاضريه
*************
يالجواد بروحي الك جم ناعي ينعه
انه ادري بفاطمه بخاطرها دمعه
الابس بهل ليله محبس خل ينزعه
خاف يحضر للعزه المكَطوع اصبعه

خل كلمن ايذب محبسه ويدنك الراس
هسه يجي حسين ويجي بالرايه عباس
وهالخدم يتباها بيها ابن الزجيه
راح اذكرك بالخيم والغاضريه
*************


رايح اقره المقتل اعله اشفاف الايتام
وبثواب اسكينه اوزع رايد اخيام
ما اسولف عالخرابه وذيج الايام
انته تدري بزينب اشكد تكره الشام

عالناكه وبحركَت كَلب وين اخوتي اتصيح
يم راس الحسين اشكثر تدنه وطيح
والاميره بيا وكت تمشي سبيه
راح اذكرك بالخيم والغاضريه
**************
من اسولفلك عذابك سيدي ايطول
كَلي جم كاروك ما شاف الدللول
اكَماط عبد الله الرضيع اتسحله الخيول
والرباب امحيره وما تدري شتكَول

ضلت تلولي اعله المهد وتشم بالكَماط
امتون الرباب اتزوركَن من كثر الصياط
صاحت اوليدي انذبح يهل الحميه
راح اذكرك بالخيم والغاضريه
****************







انته كل عاشور كلبك يلتهب نار
وتلطم بحركَه اعله صدرك واللطم حار
تبجي حيل العمتك وجروحك اكبار
وصحت يوم حسين والله مثله ما صار

اشخلت بحالك كربله اشكَد منها ونيت
والجدك اتثوب دمع كل لحضه ضليت
كل محرم جنت تتمنه المنيه
راح اذكرك بالخيم والغاضريه
*************
يالجواد المجلسك هليله نضره
انه متاكد يجي المهدي ويحضره
انته ترفع خادمك وتزيد قدره
والف هنياله اللطم هليله صدره

حلوه المجالس واللطم اصبح شرفنه
وبصحنك بصوت الوعي كلنه هتفنه
ماكو احله امن اللطم وامن العزيه
راح اذكرك بالخيم والغاضريه
**************
تمت
تحسين الخفاجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

أستهلاليه
لهلال شهر محرم الحرام 1442
ومديح أنصار الأمام الحسين رضوان الله عليهم أجمعين
...................
يا سلالة عابس أو جون أو حبيب
نادو يا مظلوم يحسين الغريب
.................
يا أحفاد أنصار أبن عقد الوله
الليله هل أهلال عاشور البله
كل أرض خلوها تصفه كربله
أوخلو كل أيامكم لوعه أونحيب
..................
يا أحفاد أجداد من دكو صدر
سطرو أروع ملاحم للنصر
زرعو الحومه جثث من الفجر
العسكر السفياني راووه العجيب
..................
سبط أبو القاسم وبن خير العمل
أبكربله أم البله يوم النزل
أنصاره السبعين واحدهم جبل
حارب الحد ما وكع بالدم خضيب
.....................
بالرغم سبعين واحد بالعدد
من يندبون أبعلي حيدر مدد
بين ميت منجرح بين الشرد
بين ثكل النايبه أيترجم ثغيب
...................
أجدادكم للغيره عزه أو مفخره
اليوم أبو السجاد حزو منحره
أو ظل ثلث تيام جسمه أعله الثره
والدليل أبسهم المثلث شعيب
...................
الليله عاشور الحزن شكبن حزن
جثه مهشومه الصدر ما تندفن
أو على تل الزينبي صعدت تون
زينب أم الظيم ما قبل المغيب
...................
خالنشيع حسين لحضان القبر
والمدامع عالوجن تهمي جمر
أبصرخه شيعيه أبالطم يوجع صدر
وا خضيب الشيب والخد التريب
...................
واحسين الصوت خل يدوي دوي
أو يطرش أذن الناصبي والأموي
أوبالحزن خلو المشاعر تنجوي
أو خالنعلي النايحه أبهذا المصيب
....................
أبيا فناء أجسادهم حلت مقام
مع مرتبة الشرف بعد السلام
كعبه للعشاق وجوب ألها أحترام
سئلو الله أيصيبكم هذا النصيب
.....................
خادم أهل البيت
الشاعر : أسماعيل الجوراني
الثلاثاء : 28/7/2020


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


هل محرم ……. دمعتي ازغيرة

هل محرم ……. والحــــزن ديرة


ويلي يحسين… .. ويلي يحسين


★★★★★★★★

هــــــل محـــرم والدمع بعيوني لاح
هـــــــذا شهر حسين مااريد استراح
اله اعلــــــــگ عالبيوت اسود وشاح
حسين يستاهل لطمنه اعله الجراح



هل محرم ……. طفحت الغيرة

هل محرم …….. والحزن ديرة

★★★★★★★★

عمري الــــــك منذور اول ماصرت
واني احـــــس أبطن أمي اتأخرت
رايد اوفي ابخدمتك چي قصـرت
يعنــــي ليــــــل انهار الطم قررت


هل محرم ……. وبــــــيه تكبيرة

هل محرم …... والحزن ديرة

★★★★★★★★

ادري مايوفيلي صــــدري ابلطمتي
ولايـــوفــي حسين نوحي ودمعتي
فـــــوگ سطحــي راح اعلگ رايتي
مروتك يحـســــــين وقبل خدمتي


هل محرم ……….. محــله تطبيرة

هل محرم ………. والحزن ديــــرة

★★★★★★★★

هل محـــرم والحـــزن طم السمه
هل محرم واجــــت تلطم فاطمه
اليوم طــــــبر ألــك حماي الحمه
ورد مُحمد بيش يطـفي امخيمه



هل محرم …… ناحـــــت الطيرة

هل محرم ……. والحزن ديــــرة

★★★★★★★★

هـــل محـــــــرم يابعد أمي وابي
اليوم فوگ الهزل زينـــب تنسبي
والخيم من تحترگ تحــرگ عبي
وصوت زينب فوگ تـــل الزينبي


هل محرم …….. وجرحي تفسيرة

هل محرم …….. والحزن ديــــــرة

★★★★★★★★

هل محــــــرم والگمر طاح الگمر
هل محرم من عسه ابذمت النهر
چم طفل بخيامكم ظهرة انكسر
ويلي بين اعيونهم نام السهر


هل محرم …….. وزينب ابحيرة

هل محرم ……… .والحزن ديرة

★★★★★★★★




ــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


اليوم هاشم حملت بضعونها

من المدينة الكربلا يوصلونها

************


طلع حادي النوك من ارض الوطن

الكربلا وحامي الظعن لابس چفن

اتكفلت هاي الزلم تحمـي الظعن

وزينب وذيج الحرم يحمونهـــا

****

من مدينت جدهم الهادي اطلعوا

ودعوجدهم رسول الله وبجوا

لجن تربي عونهم ليه من مشـو ا

اديارهم ماكـدرو ايـعوفونهــا


**********

گلب زينب بس على اخوتها انفچَع

حين سار الحادي باالممشه وكطع

معتني الطف كربلا ابهمة وطلع

بــاالــدمــع ياكــربلا ايـحيـونها


**********

وكف ظعن حسين باالطف ونزل

يمه اخوتة وصحبتة وكل الاهل

دار عينه الهم لجـن دمعة ايهمل

وگال امـانـة الـعيـلة لاتنسونهـا


**********


لون باجر نطلع ابسوح الحــرب

عيونكم خل تربي ابطول الدرب

خاف هاي العيلة باالطف تنسلب

والخيــم فـوك النسه ايحركونهــا

*********

بعد ما اوصيكم ابهاي الحــرم

سور صيرو باالحرب دون الخيم

ابشاربك عباس ياراعي العلم

عيلتـك ما اريـدن ايجيسـونهـا


***********

اتكفل اضعون اخته مارد وعتذَر

كمــر هاشــم والنعم من الكمــر

وكــالـهـا لامايمســج كل خطــر

نعرف العباس زيـن ايصـونهــا


***********

ايزلزل الحومـه ابيزيد وعسـكــرة

لوغظـب عبـاس سبـع الكنطــرة

ايسوي باالطف من جثثهم مجزرة

كمــر هاشـم صولته ايعرفونهــا

**********

تدري زينب عن ابو فاضل شَهم

ابسيفه باالحومه يطش بيها ويلم

جنه ملج الموت يخطف باالزلـم

ارواحــهــم مالحـكـو ايجبلونهــا

*********


صولته من جف علي حيدر ورث

ابجفه عزرائــــيل باالطف انبعث

ترست الحومه وضواحيها الجثث

هـل جثث ماكــدرو ايلمـونهــا





ــــــــــــــــــــــــــــــــــــــــــ

ماجد حبيب الخيكاني

ونسألكم الدعاء

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مملكة عرشــي… هاي الخدامه

اغله من كلشي … هاي الخدامه



حاسدتني اعليها تيجان الشمس


★★★★★★


خدمة حسين الشرف بيها اعتله

وياأرض دگـــدر تشــــرف كـربله

حسين خجلانه الشمس تدنا الــه

وهـــوا قــران العشــــگ والبسمله




ونلگه بحروفه….هاي الخدامه

كعبه ونطوفه….. هاي الخدامه




يلي تصعد ويه شهگات النَفْس

حاستني اعليها تيجـان الشمس
★★★★★★



حسين ساكن گلبي انته من الأزل

ابخدمتك ظل عالي راسي ومانزل

انـــته بـــس لعيونك ايلوگ الغزل

ومن اغازل طولـــك اقره المستهل




من الــورد اتـرَف ..… هاي الخدامه

وماكو منها اشرَف …… هاي الخدامه




من أمشي مابين الخلگ سلطان احس

حاسدتـــنــــي اعليها تيجان الشمس

★★★★★★



حسين لو ما خدمتك چا هسه اظن

مَـحَـــد ايلفينــــي ابهــــــذا الوطن

لچن اختارتــنــي الـــك أم الحسَـن

خـــادم وكلش رخيـــص ابلا ثمَــن




بيها كــل ونــه…… هاي الخدامه

تسوه الف جنه ….. هاي الخدامه



والله لو ما انته ما اسوه فلـــس

حاسدتني اعليها تيجان الشمس


★★★★★★


والله تـتمنه السمه تدنـــه الــي

حته تشتم ثوبي بيه ريحة علي

حسين بالدنيا محب غيرك شلي

والله ما اعوفك لون اتــرك هلي



تجري بنفاسي…. هاي الخدامه

وارفعة راسي…. هاي الخدامه




والسمه تحلم تجي الثوبي وتمس

حاسدتني اعليها تيجان الشمس
★★★★★★


ادري كل خادم يحـــس ابذلته

لچن بس انه الملك في خدمته

ياهو مثلي الزهره عالون ربته

ورفعتــه وخادم لبنهـــــا خلته




وگالت اتمسك…. هاي الخدامه

النار متمسك….. هاي الخدامه


وانــــــه يمك فنها نيران التمس

حاسدتني اعليها تيجان الشمس

★★★★★★


فاطمه ابهدمچ اريـــدن احتمي

وبالحشر لحسين اسوي مأتمي

انه اقره وأنتي اگعدي والطمي

ويلي اعله المذبوح بالطف ظمي




نـقره بمصابچ….. هاي الخدامه

وسجلي بكتابچ….. هاي الخدامه





فاطمه اعليچ اليرض صدره الــرجس

حاسدتـنـــــــي اعليها تيجان الشمس
★★★★★★









ـــــــــــــــــــــــــــــــــــــــــــــــ
ماجد حبيب الخيكاني
ونسألكم الدعاء

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



هاي العقيده الراسخه بوجداني
حب الحسين ومنبره الرباني
وشما ردت سميني هذا انه هذا ديني

بعدني بذيچ عقليتي اتعالج بتربه بماي
وبعدني مااعرف الخوف اذا شايل علگ وياي
وبعدني اعتقد ضهري يطيب اذا يسحگ عليه مشاي
فطرتي مااعوفنها واموت اعله العقيده هاي
لا ماأبدل فطرتي واتئثر
تقضي الحوائج لمسه من المنبر
ثابت يضل يقيني هذا انه هذا ديني

انه واعي تره كلش اذا قصدك توعيني
قليله بحقه ابو السجاد من اگولن عنه يشفيني
انه هيچ اعتقد بحسين من الموت يحيني
ديني حسين مااقبل تساومني على ديني
هوه الطبيب وهذا دوم احساسي
ماخلي اي فكره تغير راسي
كل دنيتي وسنيني هذا انه هذا ديني

گاعك كلها والديره ابو السجاد حاميها
وبس القنه عابس يتفهم معانيها
انه اتمنه انگلب دمعة طفل يم بابه يبچيها
ومنيتي اكض روحي على شباچه ابديها
روحي حمامه بصحنه متمنيها
وهيه الحمامه ياهو الي يحاچيها
ما بطله ونيني هذا انه هذا ديني

الزياره مستحبه يگول وعنه هل الامر غايب
تره صح مستحب لكن تدليني على الواجب
نور الکون والاملاك من نوره تره جايب
اشما تكبر تراهي العين ماتعله على الحاجب
ذرة ترابه أطهر اشچم ديره
ولي نكرها عنده شحة غيره
بيه طهرت جبيني هذا انه هذا ديني

سفينه للنجاة حسين عن شخصه نبينه گال
تمعن باالحديث وشوف اذا عندك عليه اشكال
تره الدنيه مثل مهره وحسين السبط خيال
المرض من يسمع بطاريه يقينا من بعد ينزال
باب الله هوه والسفينه الكبرى
الكون احسه ازغر من الحظره
دايم اله حنيني هذا انه هذا ديني

سعدالعبودي
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


لئن شكرتم لئزيدنكم. حرگه ومدامع عاالحسين ولطم
امابنعمة ربك فحدث. وهاي المجالس هيه اكبر نعمه

دوام النعمه باالشكران. هيچي تذكر الآيات
الخادم من صدگ؛ رزقه. دمعه ولطمه وقرايات
وكون يصلي للخدمه. يوميه عشر ركعات
حته الخالق يزيده. حرگه ومدمع ونات
الخادم المخلص يقيناً ربح
هذا متحن گلبه الحسين ونجح
وشكبر حظه الي تذكره فاطم.
وهنياله كل واحدتسجل اسمه

هو العروة الوثقى بالك تترك المنبر
حسين يعزهم الخدام. للخادم فلا تنهر
وشما قدمت لجله. اطمح گول اريد أكثر
تره مسلم على الخدمه. رضه جسمه بحبل ينجر
وام البنين الخطت أن الدرب
شيل الگلب خلي الحسين الگلب
والي يحب طاري حبيبي حتمن
من ينذكر گدامه حيل يلچمه

ياناس المجالس هاي. . فرصه ولا نضيعها
بيهانعاهد الزهراء. باالطمه ونبايعها
شنهي صدورنه وهيه. صدرها لهسه يوجعها
وشنهي دموعنه وزينب. مانشفت مدامعها
زينب نواسيها بدمع وبألم
ونرفع ادينه مثل رفعت علم
ونطلب رضاهه وبت علي يقيناً
موصعبه اذا زينب تحقق حلمه

ألطاف الحسين ابدن لايوجد مثلها الطاف
وخدمته چن اخو وسأل چاهو الاخو ينعاف
الماشايف عظمت حسين كلشي بدنيته ماشاف
حبيب اگلوبنه هوه والناس التخدمه اشراف
الخدمه مو صدفه تجي:منزله
وحسين يختار الذي يمثله
والمستعد هذا الدرب يسلكه
يعاهده وللزهره ينطي كلمه
**

سعدالعبودي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


گدامي راحو. وانه اصد ليهم
وعيوني ضلن يبچن عليهم
أحبابي وين يريدون. هم مثلي كلهم يبچون

نحن ثنينه واحد على الثاني
وانه الما يوم لحظه مفارگه اخواني
عبدالله الرضيع هوايه بچاني
مايقبل يهدني ولازم ارداني
عليه تعود. وأنه اناغيله
وي أمه الولي. من تلوليله
شلون الصبر لويرحون. هم مثلي كلهم يبچون

انه من البارحه لليوم اتنطر
اشكثر گالولي نامي وگلت ماأگدر
هاي اليله مفروضه عليه اسهر
واشمن باالهوادج مالت الخدر
انشد مكاني وين يامحمل
وياهيه بينه تصعد الأول
وخواني وين يصعدون. هم مثلي كلهم يبچون

من طر الفجر اشعر دليلي انطر
وياهو الي امدله چفوفي يتعذر!!
واكو موقف شلع مني آلگلب أكثر
ابوي يگلي ضلي وهوه يتحسر
محتاره كلش. روحي مذهوله
يتركني وحدي. ويمشي معقوله
والباقي للطف يحدون. هم مثلي كلهم يبچون

شنهو يصير اذا ذبوني عاالركبان
معقوله الضعن مابيه إليه امچان!
وأنه من المرض كل هيكلي ذبلان
جربوني بثگل واحد من الرضعان
مااخذ ابدن. اي مكان انه
طفله وعليله. وروحي خلصانه
اخذ مكان زغيرون. هم مثلي كلهم يبچون
**
زغيره وباالدرب هم لو اموتن كون
ماعطل الضعن و بدفني ما يبطون
اعله فرگاكم قليله لو بچيت عيون
ركض بيه العمر لمن صفو يمشون
شابت جفوني. والگلب شيب
راحن رقيه. وعمتي زينب
كل إخوتي يلتفتون. هم مثلي كلهم يبچون
سعدالعبودي
أهدي ثوابها الى روح والدتي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


روحي بمحبتك ذايبه. ارزقني حسن العاقبه
يااباعبدلله

انه ماعندي غيرك حته اروحله
اتيه كل درب بس دربك اندله
اليعيش بلايه حبك والحسن خسران
المن منولد لو ميت احسله
المايگضي وياك العمر. اشرفله لو لفه الگبر
يااباعبدلله

خدمتك تاج مو كل واحد ينوله
وهنياله اليخدمك خدمه مقبوله
خل أرواحهم مشغوله وي الغير
المهم روحي بخدمتك دوم مشغوله
يحسين احبگ من صدگ. يل بس الك يحله العشگ
ياابا عبدالله

حسن العاقبه أرزقني يبو اليمه
واريد انفاسي تخمد وانه عاالخدمه
اشچم واحد بواحد ماخلص وياك
وعن دربك يبو الأكبر زلف جدمه
اه ياحسين اتوسلك. خلني خادم بس الك
يااباعبدالله

ريت عيوني تغمض باالحسينيه
واخر مااسمعه كون لطميه
مطلع مستهلها يحچي هاالمأساة
من رد المهر من دون راعيه
شلون العقيله تلگته. عن حال اخوه وسألته
ياابا عبدالله
**
اشعر باالعمر وياك طعم ولون
أرزقني الخدمتك كون حرگت جون
چبير الكون حتمن لو تأملناه
بس وي حظرتك ينعد زغير الكون
انفاسك بگد الزمن. للدنيه چفينك وطن
يااباعبدالله
سعد العبودي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يله ستعدو يلخدم. كلش وصل شهر الألم
ينعد باالايام

كل خادم؛ لهذا الشهر يتحظر
ويهيأ دموعه اشكثر مايگدر
باچر ينشرون القميص الاحمر
يفجعنه أذان الحزن لو كبر
شهر إلي بچه أم الحسن. أيامه كلش گربن
گلب المحب هام

هذا الشهر كل الأرض تحزله. (تحزنله)
بيه راس الحسين برمح يتعله
بناته وخواته لمن يصدله
المگطوع نحره بله شيگلله
من بعده شافن چم جرح.صعبه السوالف عا الرمح
اشگد شافن الأم

العنده عبره گربت ساعتها
والدمعه غير لهل الوكت عازتها
بهذا الشهر زينب تودع إخوتها
ماتنوصف يم النهر مرتها
كافلها يم المشرعه. من على الناگه تودعه
ماخذوه للشام

يله يخادم يله شد احزامك
وبالك تخليها تفوت ايامك
انسه هموم الدنيه وانسه آلامك
وخل بس مصيبة كربله گدامك
بس هل مصيبه ليها صد. لصرخه والدمعه استعد
صير؛؛ويه الايتام
**
الخدمه فرصه وكون ماتعبرنه
وكل امنيتنه فاطمه تذكرنه
ندعي الله كون الخدمته يگدرنه
وحسين ندري بكل نفس ياجرنه
كل التعب لجله سهل. وداعت رقيه مانمل
نتحزم احزام
سعدالعبودي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


هذا چفك لو مناره وساطعه
العرش مد ايده راد يبايعه
المايعرفك ياعلي اكبر فقير
انته اسمك رحمة الله الواسعه
النبي من شايل ايدك باالغدير
وصلت الحد السماء السابعه
مبايعينك ياعلي بيعت ضمير
ومنهو غيرك يستحق انبايعه
ياشرفنه ويا أمير لكل أمير
كل الأعمال لولائك راجعه
باب خيبر هاالكثرشبعته صيت
ينذكر ضل لئن چفك قالعه
اليوم اجينه نجدد وياك العهود
من ضمايرنه التحبك نابعه
سعد العبودي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

باچر اترد المجالس والوباء حتمن يروح
براية حسين الشريفه من ترف اعله السطوح
خبر متأكدين منه مو تمني ولا طموح
وعشرت عاشوك نحيها

الله ياذيچ المجالس عاشرتنه من المهد
ولمة الخدام والله منها ماكو احله ابد
ضلت ايام المحرم هنه چم ليله بعد
باالمدمع نتلگه هلاله

حيل مشتاگين كلش للمأتم والعزاء
بجاه اخت عباس زينب ينتهي هذا الوباء
وبربعين حسين نطلع كلنه نمشي لكربلاء
وترد ايام المشايه

ترجع ايام الزياره والمواكب والعدد
حسين تتوجه احبابه وتعتني من كل بلد
هذا شايل رايه بيده وذاك شايل معتقد
كل عله يداويها ترابه

الطبيب حسين هو وهو صاحب كل دوه
واليعيش بعيد عنه هو ومامش سوه
اشكم ضرير وعينه عميه وابد ماشاف الضوه
وتعنه وفتش يم بابه
**
حسين يم بابه المعاجز كل وكت متجمعه
ماكو واحد يوم اجاله على حاجه ورجعه
گبل لايحچي ويحلفه بل الوگع عاالمشرعه
مگضيه يگله ابشر بيها
سعد العبودي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مثل نار الخيم فگدك ويرهم
منو اليصبر على فراگك ويرهم
گبالي وچتف أطفالك ويرهم
افلنهم حرت لوفل اديه

انه لوشاف حالي الصخر چاوين
نار الخيم للأطفال چاوين
الشمر طگهم وصاحو صوت چاوين
عمنه ويفزع أن بهاالرزيه

بكثر مجره الفرات الدمع ياره
وحيده وعلي ذب الدهر ياره
تمنيت الكفلني اليوم ياره
ويشوف شسوت الايام بيه

اعله روحي الحزن ضل يفتر طفلها
وناري الگلب ماواحد طفلها
الرباب تريد من عندي طفلها
وتلولي اعله المهد صبح ومسيه

ويلاه يافرت دهرنه
حادي الظعن باالكوفه مرنه
لكن بچينه وماصبرنه
وليامنه الراحت ذكرنه
لذاك الوكت حيل انقهرنه
يحظر علي اشگد انتظرنه
ويشوف حالتنه وقدرنه

لهذا الوكت ماحاسبه حساب
مچتوفه أمر بعتبت الباب
لو عاتبت يجرحني العتاب

هيه التمر يم دار أهلها
تنتظر واحد يطلع إلها
تحچيله وتگله ويگلها
شو زينبك محد سألها
طرت الكوفه اليوم شلها
سعدالعبودي
اهدي ثوابها الى روح والدي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


وفقني الخدمتك ريت ابو الاكبر
شوفني الحزن بخيامك التسعر
كلمن ينحرم من مجلسك يخسر

انتة الأمل يامولاي

.
رايد تشرفني وتسويني خادم
روحي تتنفس طفوفك بلمآتم
قبلني يامولاي ياابن الهواشم
ابداعت العباس وبجاه الفواطم
دوم ابمجلسك خليني انة احضر



شكبرة حضي لو اضل للموت اخدمك
اتمنة اصيرن من صدك انة احمل اسمك
يبقة قلبي ابشوك من يعمل يكلمك
انوي اتقرب واعيش ابروحي همك
من دونك ترة اجدامي تتعثر



ابعطفك انتة ارحمة حالي ودللتني
ابرغم كلي اذنوب لكن ماعفتني
خيرك الواسع لكيت انتة ارزقتني
ياقتيل العبرة كلش حيرتني
من فضلك شفت بي عقلي اتحيير


كلمن يسولف ابكيفة عشعاير
كلمة عندي وارد اكلة بلي صاير
احنة جهادنة ترة بفضل المنابر
كلنة غيرة وتشهد النة السواتر
نوكف بلشدايد وبشرف نظهر






2020/8/1
وزن الموشح التام ١٤٤٢
الشاعر الميرزا مصطفى الساعدي
لا يجوز استعمالها بموسيقى DJ

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA