#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ليلة ام البنين محرم الحرام
...


اكتب رسالات السفر
ماردلي من عدهم خبر
عذبوني. إلي جفوني
ومااجوني. وانتضر

******

من كلب ام البنين لحضرت الغالي كتابي
ابتدي بشوگي وسلامي ودمعة عيوني الترابي
اكتبت اول رساله حسين وينك فوك بابي
يوسفي راح وتركني يعقوب ماو اصل مصابي

يعقوب گالوا قصته
بسبعين ثكلى مصيبته
إني اكلف. دمعي ماجف
كلبي بالطف. وانتضر
******
يالخذت روحي وعفتني والعمر بعدك عذاب
ألزم الطير وأخبره ودلي مكتوب وعتاب
من رواحك يبو اليمه شاب راسي وكلبي شاب
اعتذر عن كل قصوري شوايه الأربع شباب

كون عشره أمن الولد
المهم سالم ترد
بالحرايب. والنوايب
هالاطايب. وانتضر
******
الفاكد احبابه حياته تصير حسرات وألم
اختنگ وانفاسي تشتم يمّه عطاب الخيم
افز مرعوبه وادورك واحس مصيوب بسهم
جبل شفتك يبو اليمه وعالنهر نصه نثلم

منكسر هذه الجبل
خوفي عباسك رحل
حسين حاير. والحراير
كلبه كاسر. وانتضر
******
لن ابن حذلم اسمعه وصوته بي نبرت فجعيه
بلهفتي اركض گصدته وياخبر رايد يذيعه
لنه خبرني ابنيني والكمر ضل عالشريعه
فدوه كتله اربعتهم المهم حسين ورضيعه....

حسين گلي بصحته؟
شلونه هوه وعيلته
من دمعته. افتهمته
مودع اخته وانتضر
******
ترست الدنيه دمعتي والطفل طاح أمن اديه
گلت مكتول ابوفاضل يعني زينبهم سبيه
بت علي بلايه كفاله وحسين ماخذته المنيه
يابشر سولفلي أكثر اسوت جيوش ال أميه

بياوضع صار الخدر
شسوه بزينب شمر
الخدر غالي. وعالغوالي.
كل سؤالي. وانتضر
******
من جبت طاري المخيم يعني هاي آخر رسالة
زينب اعله التل تنادي وينه راعيها الكفاله
تركض وتعثر اختهم والشمر حِضر احباله....
بناكه هزله يركبوها حسين سلبو كل عِياله

بضهر عاشر بت علي
من جيش أميه تنولي
وبيسرها. ابلا كمرها.
ياصبر ها. وانتضر
******
علي محسن الفرطوسي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(لسادتي الانصار ع) ... محرم 1442 هـ


بعيونه شاف حسين عابس حگه
فرفح عشك حط اعله ثوبه وشگه
عود احنه ما شفناه وسودنه احسين
يحترگ حته الماي من يعشگه
ــــــــــــــــــــــــــــــــــــــ
عابس سن قوانينه شك ثوبه علطوله وصاح
هذا حسين يا عالم شنهو الخيل شنهو ارماح
قانون اليحبك دوم تضل اباله ما تنزاح
الماعايش ابعشك حسين يكضي الدنيا ما مرتاح

البروحه غير حسين خلي يعوفه
شحصلت بلتاريخ ذيج الكـوفه
الشال ابنه بيده ول لله اطاه قربان
العمر كون اكضي ابوس جفوفه
ــــــــــــــــــــــــــــــــــــــ
الرايد بلعشك يوفي خل يسال حبيب شلون
كل شيبه تصيح حسين خل ترضى عليه ام عون
وي انصاره ملح وزاد اكل وشلون ما يوفون
من كد ما مغزر بي سابع عشك واصل جون

انصارك السبعين عدهم واهس
واحدهم عللموت ضل ينافس
شسويت الهم اني محتار بهاي
واحدنه كون يصير مثلك عابس
ــــــــــــــــــــــــــــــــــــــ
انت اول بشر مطلوب لا مديون لا كتال
وبالطف هوه اليعشكك لازم عالرمح ينشال
وانت ازلامك السبعين واحدهم بالف خيّال
وكمر عدك اذا تغتاض كدامك يصير اهلال

دموعك تطيح وصعبه يم عباسك
الكظه العمر وياك رافع راسك
عندك زلم تنحط اعكال علراس
يلوون خشم الريح لو بس جاسك
ــــــــــــــــــــــــــــــــــــــ
منو غيرك يوجه الخير جايب للحرب رضعان
العافك بالدرب يحسين يضل محسوب عالعميان
وسبعينك الضل وياك صارولك نهر عطشان
يا اول ضوه من الطين صار اسمر من الدخان

يموت الكلب كلمن الغيرك حطه
عطشان يبقى لان عايف شطه
سبعين عندك عاشو بنص الخير
جي عافو العاكول لجل الحنطه
ــــــــــــــــــــــــــــــــــــــ
اليعشك حسين يموت كول وفعل هلسبعين
زهير الشمه من بعيد اجاه يركض بن القين
حبيب مفرع الهيبه يصيح بصوت يلعدلين 
الرايد يوفي وي الله خل يشتم قميص حسين

نعشك حسين ونطلم عاللفطره
بلكي يحسبنه انصار ابن الزهره
الرايد يشم الجنه ويعيش هناك
خلي يزور ويشم عطر الحضره


كرار فاهم الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

لسان حال مولاتي ام البنين ع

البارحه بلطيف جني وي زينب رايحه
وانسبينه بناكه وحده وهيه كلسا طايحه
والله حيره ....عالجبيره
ــــــــــــــــــــــــــــــــــــــ
سيرت بلطيف جني وي السبايه اني رحت
وصعدوني وي زينب بناكه عسمه اجتفت
وشفت راس حسين فوكي باوعتله ودنكت
شفت بيه اثار حافر كوه شفته وشيبت

جن اسمعه يكلي يمه ارفعي راسج سالمه
انتي ام عباس امي ونعم اسمج فاطمه
والله حيره....عالجبيره
ــــــــــــــــــــــــــــــــــــــ
بحبل واحد جن مشينه مخدرات وي الغرب
بيا وكت علويه تطلع تركض وتحضر حرب
وفوك كل هذا اخوهه اكبالهه هم ينضرب
الماي يطونه بشتايم لو يبدو عالترب

بعيني شفت انه المواقف وانه كلش خايفه
شلون راح تروح زينب وتطب ذيج الطايفه
والله حيره ...عالجبيره
ــــــــــــــــــــــــــــــــــــــ
جن كعدت اليله ابجي بلصحاري وي البنات
اسالت زينب يبتي شكو شصاير عللفرات
كالت العباس يمه أچفوفه منه امگطعات
اتكطع ابنج علشريعه بلا غطه هناكه يبات

كلت كل اولادي فدوه تروح لبنياته
بصدري كون ولا بصدره الخيل من دايساته
والله حيره ....عالجبيره
ــــــــــــــــــــــــــــــــــــــ
هناك شفت بنيه تركض ميته كاتلهه العطش
شكد حجيت وياهه كافي تبجي من ليل اهدعش
تكلي ما شفتي يعمه جسم ابوي من انفرش
امنيتي بعبيتي المه بلكي يرهمله نعش

تكلي عمه هناك عفته هدومه كلهه مسلبه
وانتي شوفي الرمح يمج لسه ينزف حاجبه
والله حيره ....عالجبيره
ــــــــــــــــــــــــــــــــــــــ
عالفضل سالتني زينب جن تكلي ما كبر
ولله مشتاكه اشبكه ريحه بيه من الكمر
كافي بسج ردي يمه انطول احنه بلسفر
من كعدت الكلشي شيب نوم ماجاني شهر

صرت جن يعكوب عيني بيضه كلهه شايبه
ولسه هذا الطيف اشوفه شلون زينب راكبه
والله حيره ...عالجبيره


كرار فاهم الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(لمولاي صاحب الزمان ع) .. محرم 1442 هـ

دمـعاتـك تضل كل يوم كل عام
اكثر جرح بيك مغزر الشام
يالمهدي وحك روحك
محد حاس بجروحك
ــــــــــــــــــــــــــــــــــــــــــ
يبو عيون الحمر.... يصب دمعك جمر ....
ارماد الطف لهسه يجوي بخدوده
يا اول نبي ....عمته تنسبي
جدامك مشت مسبيه مكيوده

يمهدي شضال هسه البيك بس علمني باوصافك
بس هوه الكلب اليشوف جي متروس ما شافك


يبو صالح اسمنه احنه ننخاك
لو بعنه صدك جان اشتريناك
الطويل البينه ميلوحك
محد حاس بجروحك
ــــــــــــــــــــــــــــــــــــــــــ
عمرك بس دمع ....من الطف والضلع
كل جمعه تمرنه واحنه منشوفك
جنك منذبح.....تدعي كل صبح
الله يساعدك ويساعد جفوفك

يبو صالح تراهه الناس متغيره والف يا حيف
ما يردون حجي الله بس يردون حجي السيف
 
يلمهدي تضل متعوب ملجوم
ياهو الكال امامي عليه مهظوم
الجرح صار بكبر روحك
محد حاس بجروحك
ــــــــــــــــــــــــــــــــــــــــــ
بكلبه شكد حجي....مخلصه بلبجي
ما ينكتب يوجع كل حجي كلبه
يجينه كل عصر .....لحد ذاك الفجر
عطشان النه لكن ياهوه الي يشربه


مثل طير بسمانه يعيش محد يفكد اجناحه
يبجي علينه بس يشوف ناس هواي مرتاحه 

يلمهدي حجينه وياك ما متعوب
تجينه بكل ليالينه ونسد البوب
سفينه وعاليه سفوحك
محد حاس بجروحك
ــــــــــــــــــــــــــــــــــــــــــ
كاعد كل وكت ....جم موته متت
عگب يعكوب حزن علينه وتبده
ما واحد بجه ....وشك ثوبه وحجه
وكال اليوم اريد المهدي ما ارده

يبرد كلبه من يشوف واحد نادى بسمه اليوم
اضهر يا حبيب حسين يا اخر نبي ومعصوم


يلمهدي نضل كل يوم ندعيك
بس المحترك يعرفك ويبجيك
يسر ومحد يبوحك
محد حاس بجروحك
ــــــــــــــــــــــــــــــــــــــــــ
بفيك جم غطه ....مدينه وخارطه
يرايه انت وهوانه يغث حجي الرايه
يباب لكل صبر....يحسره بكل عمر
نهرنه من الحجي ضل ياكل بمايه

يبو صالح تراهه الناس تهون عليهه كل عشره
لو تضهر تلاكي ذنوب بشوارعنه مطشره

دمعاتك تضل عالطف وعالناس
عل الي يندبك عاليشيل احساس
اضهر انت وصروحك
محد حاس بجروحك

كرار فاهم الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(لمولاي القاسم ع) ... محرم 1442 هـ

رايح ...التارس الدنيا بحلاته
رايح...وطفن شموعه امهاته
عريس راح وكاشخ ويا محلاه
دم الحرب جسام بالطف حناه

وين اكو عريس لابس خوذه والثام
اتلكنه ملكه وداع من شبكنه الاسهام
حط راسه بحضن امه اوصه جسام
يكلها اريدن رمحي شمعه يروح لشام

يلتارس الطف بضحكته
بس بجي مقسومه زفته
انطفه شمعه بكلب عمته

باقي ...بس حلم بلخيم خله
باقي ...يا عزيز بكلـب رمله
تتمنى تكضي العمر لو بس وياه
دم الحرب جسام بالطف حناه
ــــــــــــــــــــــــــــــــــــــــــ
الكمر لو مات كون اتشيعه النجوم
وجاسم من اتبده طوله التمت الكوم
بجسمه ماكو اثر باقي اله ملجوم
حسين من شافه يذبحه يطيح ويكوم

تباوع حسين لخيامه
رجـع يلطم عللهامه
مات اليعزب العمامه

طايح ...يلتفت ويصيح يمه
طايح ...الكاع ما تكدر تلمه
العباس هد حسين بس ما خلاه
دم الحرب جسام بالطف حناه
ــــــــــــــــــــــــــــــــــــــــــ
بقت رمله بالخيم تدعيله وتنوح
فزت عالصوت رد جسام مذبوح
ركضت لشكبت ابنها الماخذ الروح
لجن رد جسام عاري امطرز اجروح

امجان ماكو بي تشمه
تلولي كعدت رمله يمه
كطع كلب حسين عمه

رملة...اكباله كعدت والله حيره
رملة ...تصيح لا مو هو غيره
ابني كمر يا سيف هذا الطفاه
دم الحرب جسام بالطف حناه
ــــــــــــــــــــــــــــــــــــــــــ
وين اكو ماي بضهاري يموت عطشان
وجها من تدنه يمه تكول قران
لعبت الخياله حيل بسجمه ميدان
هيه تنشك الرساله بيد عميان

كام يشم انفاسه كوه
خربو كحلته الحلوه
ضل يصيح حسين يسوه

شحاله ...بصحره نام تبده حيله
شحاله....الدم ترس ثوبه و شليله
بصحره تجوي الكاع والدم غطاه
دم الحرب جسام بالطف حناه
ــــــــــــــــــــــــــــــــــــــــــ
حلمه جان من الطفوله يكبر بساع
حته من حسين يمشي يصيرله شراع
عيونه من تصفن عليهن ورك نعناع
امه ما متهنيه بي اتهنت الكاع

حنته مشتاكه ليده
وامه عن شوفه بعيده
اكبالها حزو وريده

شايل ...جن لكو مكتوب عده
شايل...حرز شايل اسم جده
يا علي مكتوب شافه وشكاه
دم الحرب جسام بالطف حناه


كرار فاهم الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(لمولاي الاكبر ع) ... محرم 1442 هـ

اول عطر من حسين .. راح تشمه ذيج الخيل
يليلة الكمره ابنج راح .. يلتم عَليه ذاك اليل
راح مكحله عيونه ... ورد الدم صبغ لونه 
ــــــــــــــــــــــــــــــــــــــ
راح وعينة جنها شراع ...راح وبجه حته الكاع
         كل خطوه مشاها يدير العيون
يروح ويرد بي شهكة .....يرد لحسين ويشبكة
         يكله شلون اعوفك انت وام عون

الاكبر اترف من الطير موش يروح يم جتال
كون بحضن ابوه يعيش موش عالرمح ينشال

اول جرح طاح هناك ... واول خيمة راح تطيح
الاكبر يا عزيز الروح ... حسين وي البنات يصيح
المثله عده خيعونه ... ورد الدم صبغ لونه
ــــــــــــــــــــــــــــــــــــــ
راح وترس زنده علوك ...طلع من الخيم مخنوك
      صعبه الودع امه اكبالها يموت
كعدت ع ترب وتشوف ... تعبها تبدي بيه اسيوف
متن رايدته جانت من يجي التابوت

وليله امحزمه وتلطم كافي تصيح يا ودام
عاده بهيده خلي يموت ما ردته يرد سالم

اول جرح بطف صار ... الاكبر من يرد مذبوح
ورد عيونه ملجومات ... ما بي لا نفس لا روح
وليلة تكلهم شلونه ... ورد الدم صبغ لونه
ــــــــــــــــــــــــــــــــــــــ
خشبة شفافة راح يروح ....فطرها العطش والنوح
    الماي بوجهه بس ما شارب الماي
حال حسين بعده صار .. جن حاله بهجوم الدار
بفگد ابنه الحسين امتيه الراي

اتحزم للمنيه احزام وشد الثامة صاح بصوت
دام وي الحسين نعيش هاكم روحي شنهو الموت


الطف هوه لو يسوه ... جا عاش الرضيع بخير
جا هسة الخيام قصور ... ولا تابوتك من احصير
ولا طولك يبدونه .... ورد الدم صبغ لونه
ــــــــــــــــــــــــــــــــــــــ
فل الثامة يم الكوم ...وجه مغندب ومهضوم
يم وادم حجيهم رمح وسيوف
ماكو كل حجي معقول ...الياس يطيح يم عاكول
لكوهه الرايه بيده مبجيه الجفوف

الاكبر واهس العباس لو شافه يطيح وياه
شكد يكسر خبر موته اذا عباس صاح احاه

ليلة تكسر المكسور ... من ذبحو ابنها هناك
لو راخصلي بس حسين ... يوليدي لروح وياك
تعذب جي يعرفونه ... ورد الدم صبغ لونه
ــــــــــــــــــــــــــــــــــــــ
جسمه ضوه بس ياحيف...رجع متهني بيه السيف
الحلوه ارسوم وجهه مخربته اسهام
ويَطوله حسين اجه اتمدد..وعلي بويه علي يردد
بحضي معلم ومو عالتراب تنام

الاكبر ابن خير وناس تنطي من ضواهه شموس
ماي وشربته الوادم برمح وسيوف موش بطوس

اول سالفه من حسين ... راحت يم هذيج الناس
اني اخذ بثاره اليوم .... دك صدره الكمر عباس
موت الطف يسمونه ...ورد الدم صبغ لونه


كرار فاهم الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(لمولاتي العليلة) ... محرم الحرام 1442 هـ

ما نام الحسين يباوعلها
شيقنعها باجر وشيكلها
صعبة جلمة نروح وتضلين
حط ايده عالراسه احتار الحسين
بوداع العليله ....بوداع العليله
ـــــــــــــــــــــــــــــــــــــ
گعد عد راسها شابع بچي حسين ..وغطاهه بحنانه
لو ينفتح كلبي يكلهه والله . . لخليچ بمچانه
دين الله عطشني اوفازع ازگيه .. والموت اشتهانه
ادري الشيب راح يبدل الرموش .. وتضل عينج ورانه

اعوفنهه وروحن هاي حيره
اخذهه عليله وهم زغيره
كلب زينب تلشعينه وتموتين
حط ايده عالراسه احتار الحسين
بوداع العليلة ....بوداع العليله
ـــــــــــــــــــــــــــــــــــــ
كتبت الهه رساله واني مخنوك ....جرح كلبي كتبته
اني اول ابو يبنيتي مجبور ...راح يعوف بته
اشم بيهه وسولف مشتعل نار .. دموعي تجري سكته
اخافن تكعد وشلت انه الحجاب ...حطيته وشبكته

يباجر لا تجي وتهيج اللام
شلون تروح وي عمتها لشام
كبر هليلة يمها سنين وسنين
حط ايده عالرسه احتار الحسين
ـــــــــــــــــــــــــــــــــــــ
يكوم ويكعد ويعصر بلجفوف .. ويبچي ويدعي ربه
اخذ روحي يربي اليله انخاك .. افاركهه اني صعبه
من اديها اتعلمت اني اشرب الماي...وهيه الي تصبه
لا تحمل افراگ ولا انه احمل .. حسين انشلع كلبه

باجر تركض وي الضعن باجر
هذا اليوم يوم عدي جنه عاشر
مريضة ولركض ماعدها رجلين
حط ايده عالراسه احتار الحسين
ـــــــــــــــــــــــــــــــــــــ
باجر لو مشينه اتصيح بگفاي ... اخذني وياك بابه
والله اتحمل امشي ونسبي هناك ... وبات اني بخرابه
لو عذرك الناكه بويه معذور ... امشي عالترابه
بس جلمة ل يله ويانه تمشين ...ردتهه شهطلابه

ليش اتعوفني بغربه اوحيده
اخذني وي رقيه وي حميده
اجيب حسين مثلك بويه ومنين
حط ايده الراسه احتار الحسين
ـــــــــــــــــــــــــــــــــــــ
قبل شويه رحنه نشد بلضعون ....زايد شفت بيهه
لكيت محضرتلهه ناكه ومتاع .... مشدشدته بعبيهه
من دون الضعن اغريضاتها اخفاف ..اعرفت شدات اديهه
لكيت اني دواهه وخبزة شعير ... انكسر گلبي عليهه

بعدي افراك تشرب مو دواهه
بتي اليوم الفراك اشتهاهه
لباجر حضرت دمعات وونين
حط ايده عالراسة احتار الحسين
ــــــــــــــــــــــــــــــــــــــ
يربي العون منك انه احتاريت .. شيب روحي ونها
الضلت والمشت متعذب حسين .. كاتلني حزنها
گضت من البچي وعود انه موجود .. شحال امشي انه عنها
لو ينزل دمعها اطيح وياه . . جمره بگلبي چنها

يا اول جرح عاشور خطه
رمح فرگاج بويه بكلبي حطه
ريتج دمعه وتضلين بالعين
حط ايده اعله راسه احتار الحسين

كرار فاهم الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

(للخدمة) ... محرم 1442 هـ


دنيا وعشت بيها شكثر ما يحله غيرك بيها
عكازه هلخدمه الي وما شوف اله عليها
يابورقيه وداعتك .. بصاية الله وصايتك
اخدم الك دوم .. اخدم الك دوم
ــــــــــــــــــــــــــــــــــــــ
انت علمت اليخدمك تحبه اهله وناسه
العاف هاي الخدمه لازم شي نقص بحساسه
الطير لو وي سربه يثبت ما يدنك راسه
اليلم حطبات لجهنم ينكسر بي هم فاسه

اجمل صفه بيك وعلي ما ترجع العافك
اليبقه وياك بعهد ينكط النده عالشفافك
اليبقى كامش رايتك .. بصاية الله وصايتك
اخدم الك دوم ... اخدم الك دوم
ــــــــــــــــــــــــــــــــــــــ
انت يا اشسع مدينه اليطب يلكه الراحه
خدمتك كون اليطبها دمعته مفتاحه
العاف هاي نعمه يصبح هدله بيه جناحه
العنب حامض يتعبك كالهه الما لاحه

يا ابو علي بيك العشك قدسيته دمعه وطبره
شمحلاهه خادم بس اله ويمسح دموع الزهره
معدل وعدله حجايتك .. وبصايه الله وصايتك
اخدم الك دوم .. اخدم الك دوم
ــــــــــــــــــــــــــــــــــــــ
حسين يستاهل يساده اكباله شنهي دموعنه 
مو فقط بس زاد نطي وياه كون عيونه
نترسه بدموع وبواجي لو فرغ ماعونه
شكد نغث ناس بجينه ومن تفور جدورنه

خدمتك شاريهه ربح من زغري ربحان بهاي
يميبس رياك العطش عطشان خوه مو ماي
يلفدوه اروح لهامتك .. بصاية الله وصايتك
اخدم الك دوم .. اخدم الك دوم
ــــــــــــــــــــــــــــــــــــــ
من وعيت الدنيا الضلمه بس خدمتك كمره
فطرس شداعيك بيمن خادمك كل عمره
يا خضار الدنيا انت المشه لغيرك صحره
زغير عاش الما يعرفك فلوسه لا متكبره


شكد نفرح بحزنك لان نخدم لواحد يسوه
عشنه علمودج كربله ومن تلبس اسود حلوه
ما تفض هاي طلابتك .. وبصاية الله وصايتك
اخدم الك دوم .. اخدم الك دوم
ــــــــــــــــــــــــــــــــــــــ
جمرة بكلوب التحبك السنه نخدم بيها
اني بعت الدنيا كلها وخدمتك شاريها
يعني اذا ماكو محرم الخيمه شيطفيها
وامك تريدلها ناعي السنه يبجيها

يلمنطي للماكو عذر اقبل دعائي بجاهك
خليني اخدم هلسنه وابجي خليني بابك
منهو سوه سوايتك ... بصاية الله وصايتك
اخدم الك دوم ... اخدم الك دوم


كرار فاهم الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


الليله رفعو اجفوفكم لجل الدعاء
بنيه بيضه ويوصل لرب السماء
بفضل عاشور الحسين يعوفنه هذآ الوباء
ياحسين      ياحسين
*            *

ربي داعينك علينه ادوم كون النعمه هاي
مجلس حسين اليعوفه هذا أبد ماعده راي
ربي عطشانين وانت تدري لينه حسين ماي
كل مريض إلي نساله يكول عاشورك دوااي

ربي لا تحرمنه من درب الحسين
عن درايه نسولف احنه وعن يقين
كون هذا العام ندخل كل عزاء
********

مجلس حسينك قضيه واحنه مانتركها عام
اليترك حسين وقضيته مشارك بحرك الخيام
ربي غير حسين قاتل للصلاة وللسلام
يعني لابد هالمصيبه كل سنه و واجب تقام

خل نشوف بمجلس حسين الطفوف
وخل نضحي ادموع للضحه بجفوف
ننطي كون اعيون لصحاب العطاء
********
احنه عدنه حسين غالي ودوم مانترك غلاه
نموت لو فاركنه ذكرى ونحيه من نشتم هواه
ركضة الجاهل وره امه مجلسه نركض وراه
خير يزرع بينه ذكرى وغيره يزرع بينه اااه

كون مانترك طريقه بهالحيات
وندعي من الله العزيمه والثبات

ونفخر بهامات التنزف دماء
********
احنه عدنه ابن الزجيه حتى اغلى منالهوا
وعالعهد للموت نبقه نقسم براعي الوا
حسين روانه بحنانه وهوا ضامي وماروا
احنه عدنه حسين غايص لاكن الوادم نوا

كلمن يحب الحسين يضل يكول
ربي وفقنه بطريق ابن البتول

دوم راح انضل على هذا النداء
********
اتخيل ابدون الحسين الدنيه تخله منالطعم
نستلذ من نبجي لجله ونكشخ بكثر اللطم
الهضم يكتل بس طريجه بي نحس راحه الهضم
كل حكم مانرضا بيه وعشكا عدنه اعضم حكم

حسين أجمل غايه لينه بهالزمان
رأيته نرفعها كون بكل مكان

رأيته المفروض توصل للسماء
*********
خادم اهل البيت الشاعر سامي الشحماني




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة لفاطمة العليلة عليها السلام…

ياسرب طير البراري وياك اخذ مكتـــوبي
اليوم احس روحي العليلة اشتاگت لمحبوبي

وياك اخذهن امنياتي
مابقت بــس ذكرياتي
"""""""""""""''"'""""""""""
مابقه بس ماضي عندي گمت اگلب ذكريات
ياسرب وصل حسرتي الحرگت ابصدري الرئات
چنت اگول الاه احسن فزعت اخوان وخوات
وحظن والد بس اشمه اشعر بطعم الحياة

ياسرب خلوني وحدي ابچي والمدمع يصب
منهم اتنه اخبار توصل عيني تبره للدرب
بلا طعم صارت حياتي
مابقت بــس ذكرياتي
"""""""""""""''"'""""""""""
ياسرب تدري العليل ايريد من اهله الحنان
وبس يحس لمة شملهم ينسه لچمات الزمان
راحو ولچماتي كبرن هسه همه بيامكان
كلهم احتاجيت منهم نظره احس بيهه الامان

نظرة من سكنه ورقيه بيهه اداوي اجروحي
وبسمة اشفاف الرضيع الچان اعز من روحي
حيل مشتاگه ال خواتي
مابقت بـــــس ذكرياتي
"""""""""""""''"'""""""""""
احچي وي حيطان داري ياسرب من انهضم
وصوره ارسمهه بخيالي والدي چن مبتسم
الزم اچفوفه بأديه وعطره بحـــظيني اشم
تالي افز لن حظني خالي عايشه چنت بحلم

بيدي اغطيهن عيوني بلكي اظــــل حلمانه
وبلكي يرجعلي العزيز ايگلي امشــي ويانه

واركض البسهه عباتي
مابقت بــس ذكرياتي
"""""""""""""''"'""""""""""
لو مهب الريح شمَّل علتــي اتـــحصل دوه
عطر من ريح الغوالي انه اشــــم بيه الهوه
وي نسيم الليل اشوفن والدي ونگعد سوه
صورته ارسمهه بگمرنه تترس الظلمه ظوه

امشي وياه بخــــــيالي وهوه لازم ايدي
يمسح بدمعي ويگلي انتي فرحة عيدي

ذكري يحسين ابصلاتي
مابقت بــس ذكرياتي
"""""""""""""''"'""""""""""
ياسرب خذهن عيوني وذبهن بظعن الاهل
هذا شحم العين شوفه خلافهم ذاب وذبل
وبلغ الوالد سلامي وگله منتــــــظره الامل
وتعتب اعليك العليله اتگول عافاني ورحل

خلاف وجهك گله دمعي انهار سوه اخدودي
وحسره فوگ الحسره اجرهه وعودي ذابل عودي
عاشرتــــــــهن نايبـــاتي
مابقت بــس ذكرياتي
"""""""""""""''"'""""""""""



الشاعر سيد فليح الموسوي ✏📖



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة لحميدة بنت مسلم عليهم السلام

اقره بعــــــــيونك دمع سولفلي يالولي
وحسره احسهه تنسمع سولفلي يالولي
ياحميده اتنادي وين اسمع بصوت الحزين
سولفلي يالولي سولفلي يالولي
"""""""""""""""'"""""""
دمعة اعيونك حچتلي برجفة اشفافك خبر
محني ياعمي اشوفك حــــــسرتك اه وقهر
ادري بالوالد عــضيدك مـسلم احزام الظهر
لاتــــــظم اخباره عني گــــلي ياضي النظر

گلــبي ياعمي رجف هـــاك اسمع دگته
وچفك براسي هتف حاچتني مسحته
يعني فارگنه الحنين اسمع بصوت الحزين
سولفلي يالولي سولفلي يالولي
"""""""""""""""'"""""""
عمي صح مسلم ابوي وغالي اغلى من الهوى
بس يعمي انت امامي وتارس ادروبي ضوه
فدوه الك ياعمي رحنه انــه والـــوالد سوه
وگلبي المجروح اشده بشوفتك هيه الدوه

فدوه نشـّــــف دمعتك واسـيني بالصبر
وضمني ادفه بشبگتك ياأغلى من العمر
وطلّع الحزن الدفين اسمع بصوت الحزين
سولفلي يالولي سولفلي يالولي
"""""""""""""""'"""""""
عــــمي رباني ابوي اعله العقيدة الثابته
وفدوه گال احنه نروح دون اخوي وعيلته
بيك اشوفن وجه ابوي شما ردتهه شوفته
ومن اشم عطرك يغالي چني اشمن ريحته

ولو فگدته انه الحنان من عينك ارتشف
وعني لو غـاب الامان بحظينك اعتكف
انت حبل الله المتين اسمع بصوت الحزين
سولفلي يالولي سولفلي يالولي
"""""""""""""""'"""""""
الف هـــــنياله يعمي الطايح بحبك شهيد
انت نور الله بسمائه وانت قـرآنه المجيد
والدي انت عـــرفته بدنيته عايش زهيد
شلون چان ايگول امامي بكربله لو ظل وحيد

ليله ونـــهاره يـــــهم بيك وبطف كربله
يگول لو عندي زلم حزام وافديهم اله
فدوه لتراب الحسين اسمع بصوت الحزين
سولفلي يالولي سولفلي يالولي
"""""""""""""""'"""""""
موتت الوالد يعــــــمي خلت ابگلبي جرح
مو وكتهه ايموت هسه وباچر الناصر يشح
ريت كون الموت أأجله امره لو بيدي يصح
فدوه ردته بيوم ضيجك دون نحرك ينذبح

ريته باقي ال شدتك يفـــــديك ابمنحره
صعبه باچر وحــدتك شلون يابن حيدره
من تظل ابلا معين اسمع بصوت الحزين
سولفلي يالولي سولفلي يالولي
"""""""""""""""'"""""""



الشاعر سيد فليح الموسوي ✏📖



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة رئيسية للعليلة عليها السلام لحن قصيدة ملا باسم الكربلائي ( شيعتها )

فارگتهم… شمس ونــجوم وثريا
فارگتهم… لبسو اثــــــياب المنيه
فارگتهم… وانه بس اصفگ بديه
"""""""""""""""""""""""""""""""
فارگتهم يادهر وانه العليله
ومثلي محتاجه سند همي يشيله
عادة المعلول اهله تندعيله
ومن يصيح الاه يلگه الينتخيله
وانه ياحيف… عشت اهاتي وحيده
وانه ياحيف... وحدي خلاني الاريده
وانه ياحيف… اون والدمعه جريه
"""""""""""""""""""""""""""""""
من تجيني الاه اصيحن بويه وينك
وينه عطفك ذاك محتاجه لحنينك
مسحة الراس انه اريدن من يمينك
وخاطري المكسور اجبره بنظر عينك
بويه عانيت… من كثر ون الليالي
بويه عانيت… وحدي خلوني الغوالي
بويه عانيت… وينكم يهل الحميه
"""""""""""""""""""""""""""""""
من يجيني الليل اهيم بذكرياتك
واشبك المحراب جانت بي صلاتك
واظل اتخيل حظورك انت ذاتك
والعطر نفسه الاشمنه بعباتك
واگعد اوياك… اعتب ودمعاتي تجري
واگعد اوياك… مظلم بلياك عمري
واگعد اوياك… ونگضي ليلتنه سويه
"""""""""""""""""""""""""""""""
عمري تسعه وشاب راسي من المصايب
وذبل اعيوني دمع هجر الحبايب
المن اشكي والينشف العين غايب
من عذابك يادهر شفت العجايب
ويه الاحلام… ردت بس طيف اليجيني
ويه الاحلام… كون اشوف الابو بعيني
ويه الاحلام… مرني ياابن الزچيه
"""""""""""""""""""""""""""""""
شعندك انت يادهر متـــــگلي وياي
ليش گمت انه اغص من اشرب الماي
ياخبر جبته اليه اليشده الراي
انه اشم ريحة مصايب ويه بلواي
گلبي ياريت… عنده جنحان الحمامه
گلبي ياريت… يحمل اشواگه وهيامه
گلبي ياريت… طار حط بالغاضريه
"""""""""""""""""""""""""""""""
حنت اعضاي لابوي وعندي لهفه
ومن يمرني الوسن كون بحظنه اغفه
نار تسعر وسط گلبي وبيش تطفه
مااظنه الغالي يرجع الف وسفه
لحظة اوداع… ريت ابوي ابصدري اظمه
لحظة اوداع… وكون من نحره اشمه
لحظة اوداع… وخلي تاخذني المنيه
"""""""""""""""""""""""""""""""
شاعر اهل البيت سيد فليح الموسوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة لمولاتي رقية عليها السلام…

طگ صبري حنيت ياشمعة البيت
معقوله گلبك والدي ماحن عليه
هاك الگلب شوف شگد بويه ملهوف
ليش اتركتني وسافرت انه رقيه
گلبي تـــــــــعناك عاين مصابه
محتاجه ملگاك وحشه الخرابه
……………………
يالچنت احظه بدلالك وين عن بنتك رحت
انه متعوده وصالك فجأة عن عيني غبت
بويه مشتاگه لحنينك بلهفة اشواگي صحت
وردت من عندك تجيني جاني راسك بالطشت

حسبالي الي جاي تسمعهه شكواي
بنتك يبويه امدللة وصارت اسيرة
دمعي يبو الزود حفرهه الخدود
ورم امتوني بغيبتك ميت ضميره
ترضاهه تنضام بنت النجابه
محتاجه ملگاك وحشه الخرابه
……………………
بويه سطراته عدوك تركن بخدي اثر
ولو صحت يحسين وينك يرجع يسبني الشمر
جسمي ازرگ صار لونه بسوطه لوعني اشكثر
بيدي شد احبال خشنه اصرخ وهوه يجر
يگلي الولي راح راسه عل الرماح
يحچيهه كل ساعه الي قصده الشماته
دم تهمل العين يابويه يحسين
سلبو يعمري من العمر كل امنياته
اصرخ واناديك ويــــنك يابابه
محتاجه ملكاك وحشه الخرابه
………………………
بويه راحت امنياتي شلي بالدنيا بعد
يمي بس راسك اشوفه وشوگ عندي للجسد
حظنك ال بي چنت انامن چان كاروكي ومهد
داست اجروحه حوافر بويه كل جسمي ارتعد
كابوسي بالنوم تسليب الهدوم
مرعوبه افز طر الفجر دمعي عالخدود
من عظم بلواي چذبت عيناي
من شفت راسك ايست ماترجع اردود
دلالي نـــــــــــاداك ردله جوابه محتاجه ملكاك وحشه الخرابه
………………………
ارفع اچفوفي بصلاتي وينشغ بلهفة الدليل
ريته كابوس الجرالك مرني وناوي الرحيل
ودمع العيون البچيته وزعه بحساب السبيل
لكن الواقع صدمني وگال يرجع مستحيل
محزوز الوريد گبالي يصنديد
بنحرك احس اه والم من حزة السيف
حر الهوا الجاف فطرهه الشفاف
ذبلانه من كثر العطش وسفه والف حيف
گلبي تره انعاب عاين مصابه
محتاجه ملكاك وحشه الخرابه
………………………
بويه لو مر خوف بيه چان الي احظينك أمان
وينه حظنك راح عني برعب عيشني الزمان
صدگ خيل الاعوجيه سوت اضلوعك رهان
وخنصر اليمسح دمعتي انگطع من چف الحنان
عمري انتهه اوياك ماريده بجفاك
چنت الاميرة بحظرتك صرت السبيه
شوگي بده ايزيد ال عبدالله الوليد
من روحي اصوغله مهد وتهزه اديه
واليحب محبوب يجرع عتابه
محتاجه ملكاك وحشه الخرابه
………………………

سيد فليح الموسوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة طلب رفع الوباء من باب الحاجات ام البنين عليها السلام…

يم عباس لو مر داي طب اسمچ يداوينه
بينه شماتمر كلفات بس ننـخه حضرتينه
"""""''''''''''''''''''''''''''''''''''''''
عشگنه احسين يم عباس دم نبچي على مصابه
من عشگچ اخذنه ادروس عينچ دوم لاحبابه
نظل احنه الــچ نوماس بـينه شدي العصابه
باخلاصچ نسولف دوم وانتي هم اذكرينه
"""""''''''''''''''''''''''''''''''''''''''
باخلاصچ ضربنه امثال يم اربعه وفيتي
نعميـــن وثلــث تــنعام نشهد كلنه كفيتي
ماقصــــرتي يـم عباس بالغالين ضحيتي
وجودچ ماتحـــده احدود منه لاتحرمينه
"""""''''''''''''''''''''''''''''''''''''''
جودچ ماتحده احدود باقي ومستمر هالجود
من عنده نهل عباس گــطع عالشريعه ازنود
من ايثاريچ اخذ ايثار عاف الماي لجل العود
نحلفچ بالعزيز احسين يم طلبه تراعينه
"""""''''''''''''''''''''''''''''''''''''''
نحلفچ بالعزيز احسين هو احسين غايتنه
من دنيانه مانحــــتاج طلگنه احنه دنيتنه
ردنه هالعزاء ايـــــــدوم نرفع ليچ دمعتنه
نواسي دمعچ السچاب وانتي هم تواسينه
"""""''''''''''''''''''''''''''''''''''''''
نواسي ام الحسن وياچ متعودين كل عاشور
وكل شيعي يصيح بصوت انه للعزه منذور
گالو هالوباء ايدوم ويمكن هالـعزه محظور
يم عباس ويه احسين دخيلــچ لاتفشلينه
"""""''''''''''''''''''''''''''''''''''''''
من دنيانه مانحتاج نحـــــظر بس القرايه
ناعي لو قره او رادود نخلي العيـن دمايه
وشلنه بعد بالرجــــلين لو مامشت مشايه
يم عباس فزعــــــناچ گومي بفزعتچ لينه
"""""''''''''''''''''''''''''''''''''''''''

خادم ام البنين
سيد فليح الموسوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة رئيسية لام البنين عليها السلام…

گالولي كلك وفه ماقصرت والنعم
بيك ارفعت هامتي يبني يفخر الزلم
مأجور.. مأجور كلك غيره واحساس
مشكور.. مشكور عفيه ابني يعباس
""""""""""''''''''""""""""""""""""
من عشگي لحسين الأبي وايماني بالقضية
تمنيت اربيله ولد كله وفه وحنيه
عباس اول ماصرت للباري شلت اديه
گلت يربي اتقبله قربان الك هديه

لحسين اريدنه ذخر حامل اوياه اللوه
ويحضرله باچر شدته وكل محنته بنينوى
ناطور .. ناطور هيبه وكله نوماس
مشكور .. مشكور عفيه ابني يعباس
"""""""""""""""""""""""""""""""
شبيت يبني وكبرت كبرت اوياك امالي
من شفتك بعشگه ذبت وخياله صرت الغالي
شيامر تگله بخدمتك يالخدمتك تحلالي
فرحانه زينب شافتك گالت كبر كفالي

مسروره ابو فاضل همت بأخبارك وافتخر
باچر الاگي فاطمة بوجه ابيض ومبتشر
منذور .. منذور يل بالعزه نبراس
مشكور .. مشكور عفيه ابني يعباس
""'''''''"""""""""""""""""""""'"""
ودعتك انه لكربله وشديت طرف الرايه
عباس اريدنك شهم فارسهه المسنايه
من توصل ال جرفه النهر بالك يغرك مايه
تتهنه بالك بالعذب ترسم بعشگك ايه

چبدك اريده ملتهب وتلاگي ام الحسن
بالجنه الك ضامنه أنهار من اللبن
مسرور .. مسرور تشرب عذب بالكاس
مشكور .. مشكور عفيه ابني يعباس
"""""""""""""""""""""""""""
گالولي يمه بكربله جال وتفنن سيفك
وحيفك اخذته من الخصم عفيه يالماخذ حيفك
جيش العده منك لبد والموت صار بكيفك
عزريل ضافك يومي الك ماقصرت وي ضيفك

والنهر منك رجف واهتزت المشرعه
هذا ابو فاضل هجم لو وقعت الواقعه
مجمور ..مجمور سيفك يحبس انفاس
مشكور .. مشكور عفيه ابني يعباس
"""""""""""""""""""""""""""""""
والحومه صارت بس الك ناده المنادي بيهه
عباس طب الهه الفحل للعركه طب راعيهه
نيران المذهب توج ريح اللوه ايطفيهه
ضربتك تشبه ضربته حيدر علي حاميهه

صفوف العده اتناثرت كلهه تصيح المدد
زلزال صارت غارتك ويه الزلازل رعد
منصور .. منصور يبني ورافع الراس
مشكور .. مشكور عفيه ابني يعباس
"""""""""""""""""""""""""""""""
گالولي عطشانه النسه شبت الغيره براسك
تعنيت يمه للنهر والفزعه تغلي بساسك
ياماي اجيت انت صحت طلعلي كل حراسك
ساگي عطاشه كربله سموك كلهم ناسك

وچفوفك امگطعه فدوه گلت للسبط
ماقصرت لا حشه يل بالعهد مرتبط
معذور .. معذور اعليك التمت ارجاس
مشكور .. مشكور عفيه ابني يعباس
"""""""""""""""""""""""""""""""




الشاعر سيد فليح الموسوي ✏📖





▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة لاول يوم محرم…
استغاثه لسيد الشهداء من الوباء

دمعي الك سچاب
گلبي عليل انعاب
انت هوى الاحباب
انت هوى الاحباب
"""""""""""''"""""""
انا لجلك يمعبودي ..تره اوجودي
عزائي امره رباني
انا طلبتني الزهره ..الك أقره
واذوب بجمرة احزاني
اذا عل المجلس اتأخر ..انا الاخسر
احس بنقص ايماني
حزن عاشور انتظره
اواسي فاطمة الزهره
واذا ما الطم وابچي
صدري ينترس حسره
عمري بلا احزان
ضايع بلا عنوان
وانت صرت اوطان
چبدي يعمري ذاب
انت هوى الاحباب
"""""""""""""""""""""""""""""""""""""
شهر عاشور اذا گرب..اظل انحب
واعيشن حسرة امصابك
واحضر بدلتي السودة ..موجودة
بيهه ريحة اترابك
واسمعه چنه زنجيلي.. يناديلي
يگلي طلعوا اصحابك

الزمه ونمشي للموكب
نلتم للعزه ننصب
واذا نسمع نعي الناعي
نحس بالزهره اجت تندب
گلبي احسه ايذوب
هام بهوى المحبوب
دمعي يخط ادروب
عل الخد يظل سچاب
انت هوى الاحباب
"""""""""""""""""""""""""""""""""""""
تنادي اسمعهه مر بيه .. الحسينيه
تگول احبابي ماجوني
ولا واحد كسه المنبر .. واتحسر
يخادم ليش عافوني
وباء اشلون يمنعنه .. تره محنه
تبلغهم يواسوني

غريبه اتگول القرايه
حزينه وتبچي الرايه
شگلهه احسين سولفلي
صدگ مانمشي مشايه
وانخه يبو السجاد
انه على الميعاد
حزني عليك ازداد
وزاد المصاب امصاب
انت هوى الاحباب
"""""""""""""""""""""""""""""""""""
اريدن منك ابشاره ..هالزياره
اجي مشاي يم بابك
اجيك بحملي وذنوبي..يمحبوبي
واعلگهه على اعتابك
واذا مختلفه هالنيه ..تره البيه
تغفر زلة احبابك
بالف خطوتنه محسوبه
الزاير تنمحي اذنوبه
نمشي كل سنه وكل عام
ليك ونعلن التوبه ذخري تره الخطوات
بالشده والكلفات
بيهه ارتفع درجات
منك اريد اجواب
انت هوى الاحباب
"""""""""""""""""""""""""""''"'""""""''
حسين انت سفيتنه.. اللي لمتنه
وابد ماننسه معروفك
حرز مولاي شدينه.. بايادينه
بسم الباري وحروفك
تسير اشراعك المهدي.. الك يهدي
يزور اويانه ويطوفك
تره شماتنه اهوايه
ونريد انبدل الرايه
ينور الله والك برهان
احضر وانزل بايه
نرفعلك الچفين
وينك ينور العين
اسمك امان احسين
بلساني ذكره طاب
انت هوى الاحباب
""""""""""""""""""""""""""""""""


الشاعر سيد فليح الموسوي ✏📖


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة لمن يهددون بمنع زيارة الامام الحسين عليه السلام بحجة الوباء…

لزيارتك فرضو فرض مال وذهب ودفعنه
والزاره گالو ينــــگطع چفه گُـــبل گطعنه
وتفجير هم فجرونه
وهسه الحجج كورونه
عنك يمحبوب الگلب محد گــــدر يمنعنه
عنك يمحبوب الگلب محد گــــدر يمنعنه
"""""""""""""""""""""""'''''''''"""""""""

خل يسمع الشامت زين ماعندي غيرك يحسين
للموت هذا اهتافي
وياك مرتبطه الروح وانت دواهه الجروح
بسمك تهيم اشفافي
گالو طريقك مسدود متعني وخل يمنع عود
اركض بدربك حافي
متعود انه بدنياي لو مر مرض لو مر داي
شباچ گبرك شافي

خل يسمع الشامت ندا شيعتك المجنونه
انت علاج ال كل مرض وانت دوه الكورونه
يمنعنه موش بكيفه خله يجرد سيفه
باعلامه طش النه خبر قصده تره ايسمعنه
"""""""""""""""""""""""""""""""""""""
اسمعنه يالشامت زين بالك تسد درب احسين
بالك تعيد انت المضه
والگطع درب الزوار شوف شجره بيه وصار
منه اخذ درس وموعظه
لتصير تابع ليزيد تعرفنه احنه شنريد
احرار اسمنه الرافضه
عدنه دليل وبرهان درب الزيارة ايمان
غصبن عليه المارضه

هاي العقيدة راسخه بالك تشكك بيهه
منريد فكر الهمجي افكارك الك خليهه
وخلينه كلمن دينه اياك تندگ بينه
عشاگ احنه لحسين بصوت الضماير صحنه
"""""""""""""""""""""""""""""""""""""
عباس عدنه الدكتور ماعنده ويانه اقصور
ندخل اعليه ونشفى
وبصحنه بس احنه انبات نلكاهه ارقى الخدمات
وتفوق كل مستشفى
جراح الاكبر جراح بس نذكر اسمه نرتاح
نبچي ونزوره بلهفه
بشباچ الانصار اتروح الامنه وكل اجروح
يم هاني تگضي الكلفه
يالخايف انت امن المرض زور المخيم طوفه
دكتورة زينب والنعم تشفي العلل معروفه
ريح المخيم كافي شمه ترد متعافي
مو ارض تــــبقى كربلا لا قطعه من الجنه
"""""""""""""""""""""""""""""""""""""
هذا الوباء امن السمه حله يظل يم فاطمه
بصحن الحسين انخاهه
واطلب من الله المعذره كل ذنب عندك يغفره
ويرضي الجليل ارضاهه
بالك تهين المعتقد عن الله بالك تبتعد
جنده العلل سواهه
وماعدنه غير اهل النبي لتصير الهم ناصبي
ياواسطه النرجاهه

وبكربلا لو نجـــــــــتمع نقره العزه ولطميه
من البلد كورونه تهج بس انت صفي النيه
كل شيعي هذا احساسه سمعونه ها يالساسه
بس نقره وارث والدعا رب العرش يسمعنه
"""""""""""""""""""""""""""""""""""""


الشاعر سيد فليح الموسوي ✏📖



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

عشت وياك اجمل ذكره
اشلون انساك وانسه العشره
تعوف حسين اول مره يا عباس
**************
مخنوك اجيتك للنهر وبالكوه اشيل اجدامي
ووياك خويه اذكر كبل عباس حلوه ايامي
ياخويه تدري لو متت يمك تموت احلامي
بس المفاركله اخو رايح يعرف الامي

صعبه اتروح وتخليني
جنت اهواي تارس عيني
اشلون اتريد ضهري اتكسره
**************
لتعوف اخوك الوحده وعالخد تصب دمعاته
يا خويه والما عنده اخو تكثر صحت شماته
اعصر بديه الفركتك وجفي اتعرف عصراته
وحدي عفتني وجرح ابد ما تنحسب لجماته

خويه اتروح ما حسبالي
ايهد الحيل افراك الغالي
جرحي اعليك صار اشكبره
**************
محتاجك بكد الهوه يا خويه لتفاركني
بكد ما اشمك بالخيم اكعد يخويه اشبكني
خليني اصيرلك نفس وعباس فدوه اشهكني
كلشي بغيابك من رحت صار وعلي يخنكني

خويه وياي تنهض ردتك
وحدي اشلون ارجع لختك
راح تموت من الحسره
**************
يالما شفت مثلك اخو وجهك ابد ما انساه
اتمنيت اشبكك ونذبح وثنينه اتموت اهناه
يالجنت اخوك بكل وكت اباب الخيم تتلكاه
هالمره اجاك وما كمت وحسين مكسور اكفاه

مات حسين من فاركته
يا عباس اشكد شيبته
كلبي اعليك جا شيصبره
*************

يابه الفضل صبري خلص ودلالي ضل بضيمه
رايح ارد الخيمتك وبجفوفي اطيح الخيمه
اطفالك المتروعه رايح تفر بالهيمه
وشجم يتيم الينسحك وتضيع جم ايتيمه

اتصيح الماي يابو الغيره
والاطفال كلها بحيره
رغم الهم بس منتظره
*********************
عباس جفنك لو غمض راح العده يولوني
ايسلبون راح اعمامتي ومن الكفه ايذبحوني
بالخيل يا خويه اشكثر بفراكك ايسحكوني
رايح اضل اعله الترب واميه ما ينطوني

راح الخيل تسحك صدري
كون اتشوف دمي اليجري
بوسط احشاي تلهب جمره
***********
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

اشلون اصبر روحي وانته ماخذ روحي
مدري اداوي اجروحك مدري اداوي اجروحي
لا تغمض عيونك تدري اموت بدونك
علي بويه
****************
هاي اول مره اوكف واتحير
ردت اشيلك بيدي بس شفت ما اكدر
بويه اشوفن جسمك بكل مكان امطبر
كمت انادي بهمي راح مني الاكبر

بدمك امسح شيبي وتجري بويه ادموعي
بكثر كسر ضلوعك كسرولي اضلوعي

بيدي من كلبتك ضني يصبي عيني
بيك بلكت باقي نفس وتحاجيني
ارويحتي ايعرفونك تدري اموت بدونك
***************

اشلون اريح بالي وانته راحة بالي
اتريد تلجم غالي بس اجرحه بغالي
وحك ذيج العشره اتموت ما حسبالي
كام دمع عيوني الفاتحه يقرالي

يالخذيت احلامي عمري ابد ماريده
وبعد شله ابروحه الراح منه اوليده


امنين اجيبن حيلي وانته ماخذ حيلي
بيش اخلص ليلي وانته شمعة ليلي
ليش ميرحمونك تدري اموت بدونك
************
اتروح كل عافيتي من اشوفك رايح
يالجنت كل عمرك تنجرح وتسامح
بفيض دمك يبني شو اشوفك سابح
وانه كلبي الكيته فوك كلبك طايح

امن المهر جم مره طحت ونهض كوه
هذا اصيح اوليدي هوه لو مو هوه

بالنحر شميتك وانته عينك غافيه
يالخذت عافيتي امنين اجيب العافيه
بيمن ايطلبونك تدري اموت بدونك
****************
راح ارد للخيمه وليلى تتلكاني
مدري انته الميت مدري ميت اني
راح اكلها اوليدج ايكول ابد لتاني
وهيه راح اتكلي اوليدي ما ينساني

فدوه كلشي كلي ومات لتكلي ابني
شيباني افراكه والسهر تعبني

راح ارد بس ميت واعثر بلجماتك
ومن اطيح الخيمه يصرخن عماتك
كلهم اينوحونك تدري اموت بدونك
******
صحت زينب خويه امروتج عينيني
سندي متني وعالكاع لو طحت شيليني
الجان بالخيمه اهلال ليش فارك عيني
عكبك الاكبر ضليت بس اون تدريني

علي بويه ادخيلك كبراني افراكك
بالخيم كل ساعه كلبي ضل يشتاكك

زينب اتصبرني وتبجي كل العليله
والبقيه اتكلي في حياتك ليله
لا تسد جفونك تدري اموت بدونك
************

جم تعال بعيني انكتبت بدمعاتي
اصورك وضحكاتك انعرضت بصفناتي
طيحتك يالاكبر فرحة شماتي
وبس المعاشرني يفتهم لوعاتي

اشلون اطلع اسهامك النومتها بصدرك
خاف اجرهن بيدي ويجي وياهن ضهرك

جنت واكف يبني ودمعتك محبوسه
ومن طحت يوليدي اعليك صارو هوسه
اكبالي ويذبحونك تدري اموت بدونك
***************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يا عباس يا عباس
************
من كطعو يمينك صابو خويه عينك متخضب جبينك يا عباس
نايم عالشريعه وجفوفك كطيعه هاي انه الوديعه يا عباس
يا عباس يا عباس
***********
ياخويه اعتنيتك عالشاطي لكيتك تنهض حشميتك يا عباس
كوم احمل علمنه ذبحوها زلمنه وحركوها خيمنه يا عباس
يا عباس يا عباس
*************
اهنا يالودعتني بهجرك عذبتني جا عدمن عفتني يا عباس
يا حادي الضعينه يا خويه انولينه وينك ما تجينه يا عباس
يا عباس يا عباس
**************
يا راعي الشهامه كوم اروي اليتامه كتلتها الملامه يا عباس
بجودك يمته ترجع دلالي تكطع جم طفل التلوع يا عباس
يا عباس يا عباس
***********
يا حلو الشمايل وينك يابو فاضل شدينه المحامل يا عباس
هاي انه العقيله ويا حمل الاشيله والرحله طويله يا عباس
يا عباس يا عباس
************
تسعر بيه ناري مليت انتظاري بحالي انته داري يا عباس
عكبك يسروني وعالناكه ارجبوني واشكد شتموني يا عباس
يا عباس يا عباس
***************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA