#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

# عليلة الحسين جديد 1441


بوجهك أرسم ياگمر وجة الحسين
أرد أشـوفـن والـدي بـهليلة ويــــن

 خيامة هسه بيا مكان * كون عماتي بأمان

************ 

يـاكـمـر مـحـرم * الـمـوت ألـية أرحـم
والــدي وأمـي مـشـو خـلوني وحدي

وجـهي أتحول أصفر* ودمعي لونة محمر
حزني كيدني بعذابة وبيه يحدي

يصبر كلبي صبعة * واني مودعة كعبة
المغربـية مـن تمرني تجوي جبدي

بـكـل وقـت أصـلـي * يـارب رجع أهلي
دمـعـتـي سجادة فرشت فوك خدي

من الفـجـر وي النـوارس أطـلـع أدعـي
عمري يارب أهدش وايدي أعلة ضلعي

 أدعي كمت بكل زمان * كون عماتي بأمان

****************** 

غـــيــرت مسارك * أنة بـنـتـظارك
عـكـسلي صورة والدي بـوجـهـك مـبـاشر

شــفـتــة وبــمـامـي * يـاحـسافـة ضامي
يـا أهــل بـيـتـي يـصـيـح الـيـلة عاشر

يــودع بـخـواتـــة * يــصـبـر بــنــاتـــة
جـالـس أعـلة اركـبة ابوي وك. گلبة حاير

الله بـاجــر ألــچـن * يـا خـواتـي صـبـرن
الـشـمـر يرفسني ويحز نحري باچر

يــاخـواتـي أبـتـعـدن بـذبـحـت أخـوچن
الشمر مـا عـنـدة رحـمـة يسب أبوچــــن

بـاچر أيموت ألحنان * كون عماتي بـأمان

*************

گـلـبـي نـبـضه ساكت * لـحضه أبقى ثابت
ياكمر صورة هلي أتضحت الية

حسـين بـحـضـنة أبـنة *وهايه أختي سكنة * وذيجة سجادة أبوي بجف رقية

جـهزو نـفـسـهـم * سـفـرة جـنهة عـدهم
وكـل أخـو چـفـوفة تـصلي بچف أخية

والاشـــد مــصـيــبـة * زيــنــب الــحـبـيــبة
تــخـيـط بــچـفـة مـقـانـع لـلــرزية

لـبـسـت كـل الـحـرم وزره ومقانع
والـدمـع يـبـنـي نزل أبخدهة جامع

 ويرتــفع منه الاذان * كون عماتي بأمان 

********************** 

مانمت ثواني * وما عفت مكاني
وجهك الـحـد الظهر ما أرضه أعوفـــة

عمي شفتة طالع *وخطوه خطوه أتابع
الجربة تتغزل شفتة ويه چــفـوفـة

جربتة خـذاهـه * مـن الـنهـر مـلاهـة
وشـال راسـه والسم موتــله شوفـة

أتوجه عالـمخـيم *وعلى أخـيـة سـلم
ومـن وره الـنـخله شخص لابد أشوفة

أتكرب العمي بعمود وهشم الراس
راسي كون الهشمة مو عمي عباس

بـس بعد فات الاوان * كون عـماتــي بـأمان 

***************

بكلبي جمره تلهب * ورأسي كله شيب
والدي مــاكو اليعينة وعاش غربة

حسيـني باقي وحـده * أخوه ماكو عـنـده
بس دعاء البينة ظل وبين ربة

صوب جـبـيـنـة * والـدمـى أعله عينة
رفع ثوبة يمسحه راد أنصاب كلبة

والــدي تـعـذب * الـسـهـم مـشعـب
أوجـه أتـلاثـه الـه شـيـطـلـعـة صعـبة

أيــدة مــداهـه ألـه وحـاول يـطـلعة
ومـن طـلع شفـتة أخذ من كلبة قطعة

الله هــوه المـسـتعان * كون عـماتي بأمان

*******************

وســفـة كـل أمـيـرة * أتـحـولـت أسـيـرة
الـزمــن عـيـشـهـن بـحـاله أليمة

أحـتـارت عمتي بيهن * واطفي بعبيهن
خيمه كامت تحترك من بعد خيمة

ذبحو كل زلمهن * ماواحد رحـمـهن
أمن الخيم طلعن يركضن يا هضيمة

يـاكـمـر أعـرفـك * مـاتـردني أعـرفـك
غـطي وجهك ياكمر عثرت يتيمة

خـيـمـة أحـسـن كـلـبـي ومـجـويتة نار
أتـعـثـرت چي رادت أتعدل الخمار

ألســانهة أيـسـولفـلـي چان * كون عـماتي بـأمان



لعاشق العباس (ع)

ألشاعر أمير السعيدي 


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصيدة ليلة العاشر من محرم

لسان حال الموالي والمحب وهو يعيش مأسات ليله يعرفها وعاش بجراحها وتفاصيلها وتعود عليه من كل سنه لتجدد المرار فيقول
......................................
.........................::::::::...:::.


ياجفن يكدر ينام وليله العاشر ضلام

عالعقيله وعالغريب والجرح ماضن يطيب

.••••••••••••••••••••••••••••



هالمسه حل النحيب ودنيتي بلون العبي

باجر الغالي سليب وكل عياله تنسبي

الارض تصرخ وداع تواسي تل الزينبي

وتنظر لحامي اللواء وكافل اعيال النبي

تسمع بون الخيام
الارض تقره السلام
وانه چفني بالنحيب
والجرح ماضن يطيب


•••••••••••••••••••••••••••••••••••



الصبح ألكه السيوف محوطه كل الخيم

ويبتدي الباطل يجول وينرمي اول سهم

زينب وسكنه تصيح وينتخي راعي العلم

الاكبر وجاسم يطيح وتبقه بس غصه وألم

ينقطع راح الكلام
بس دمع من الامام
ويلي ياحسين السليب
والجرح ماضن يطيب



••••••••••••••••••••••••••••••



اعرف اشباجر يصير وينرفع شنهو برمح

كل سنه يعود الزمان ويطلع لعاشر صبح

وارجع اردود واعيش بقصة احزان وذبح

چم سنه عشت العناء وچم سنه عشت الجرح

عايشت رمح وحسام
صوبت قلبي السهام
ويلي عالغالي الحبيب
والجرح ماضن يطيب


•••••••••••••••••••••••••••••••


عالترب باجر يطيح الغالي سابح بالدمه

الرمل بين الجراح وهوه جثته مخذمه

ضامي والخنصر گطيع وترتجف حته السمه

يوكف الكون بحداد وينتحب وي فاطمه

ينعصر قلب الحمام
الخيم تصبح ركام
والامر جداً عصيب
والجرح ماضن يطيب


•••••••••••••••••••••••••••••



عالنهر راح شيصير وزينب تصد عالنهر

تعرف الكافل يطيح ويفدي چفينه الگمر

والسهم يطفيله عين ومارجع الهه اعتذر

تسأله خاف وتريد ومايه عالگاع انتثر

عاشت وياه بوئام
تالي تبقه وياحرام
ضاعت وشح النصيب
والجرح ماضن يطيب


••••••••••••••••••••••••••••••••


اشيحل وضع الرباب بكربله وكت الظهر

ليله وي رمله شتصيح وحكي قلبي ينكسر

ماردت عاشر يعود وانه عايش هالعمر

هالمسه رايد اموت ولا اعيشنه بجمر

بعاشر الشهر الحرام
احترك ويه الخيام
واشتعل وسط اللهيب
والجرح ماضن يطيب



•••••••••••••••••••••••••••••
قصائد محرم الحرام
الشاعر : حيدر العمار الخزعلي
•••••••••••••••••••••••••••••

.

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


نعي:

زينب توصي الضعن من هالت الاهوال

عَمه بسكوت الدمع لا تشمت العذال

بالقلب ادري الحزن ريته القلب ينشال

مابيه يـحمل بعد ما بين الغرب و ارجال

لا تصيحن بطگ المتن لا تشتكن هالحال

راس الگمر فوق الرمح لا يسمع الينقال



چـِفه اعلينه الزمن حزنه وسلنه -1

العرف بـينه بـقه يـنشد وسلنه-2

الگـمُر ويـنه يـبـو الغـيره وسلنه-3

دم ودمــع يالـكافل سويه


......................................
......................................

1: وسلنه ـــــ اي قد سَلنا وأذانا
2: وسلنه ـــــ سألنا بمعنى السؤال
3: وسلنه ـــــ اي سال منا دمع ودم معاً


الشاعر : حيدر العمار الخزعلي

.

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

نزله لمولاتي أم البنين

...............................،




آنه گلبي انكسر
على أُم الگمر
اواري دمعتي
ويون الهه الحجر


مثلهه ماشفت
عليهه اتعجبت
مثلهه يامره
مثلهه يابشر


اليصبحهه الحزن
ويمسيهه الحزن
تنوح لكربله
على الصارو وذر


شبع من البچي
السمعهه تندعي
الهي بحق علي
تعجل بالقدر


للحسين الدمع
تناديله استمع
تمنيت اندفن
تحت رجلك أثر


انه بهذا الوضع
واحلفك بالضلع
يغالي لو تجي
يفاركني القهر


عفتهم الاربعه
نطرتك طامعه
اشوفنك عسن
ترد آمن السفر


خلص هذا العمر
تناديله آبـ صبر
ولا منك عذُر
ولا منك خَبر


تحير قصتي
اموت بغصتي
يحماي الضعن
أنه گبري انحفر


تنادي للأبن
انه راح اندفن
ييُمه ماتجي
عجيبه ياگمر


هاي اجنازتي
وحيده وغربتي
وازيدنك علم
تره ضهري انكسر


لفه ليه الاجل
تگلهم بالزعل
يـَولدي الاربعه
ولا واحد حضر



............................
اهدي ثواب هذا العمل الى روح والدتي

(فائزة بنت تقية )

رحمها الله بشفاعة ام البنين عليها السلام

رحم الله من قرء الفاتحه على روحها


الشاعر : حيدر العمار الخزعلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة هلال محرم

(ما نست حته تجيها )

....................................


مانست حته تجيهه

بيا وجه راجع عليهه

ارحم الحال

بالله يهلال

بيا وجه راجع عليهه



**************



أخذ من زينب أذن روح اعتنيهه

گبل لاتهل بالسمه وسلم عليهه

ألتمس منها العذر واحذر بچيهه

الشمس گبلك تره ردهه وليهه

لو دمع سال

تبچي الجبال

والسمه تصبح بأديهه

بيا وجه راجع عليهه




****************



اعتني وي النجم واقره الزياره

وانحني أكثر بعد يم المناره

گلها مو بيه الذنب يخت الغياره

بهالشهر صار السبي ودمكم تجاره

گلهه ينگال

ذنب الهلال

وانزل وبوس اديهه

بيا وجه راجع عليهه




*************



انصب بوسط الصحن الهه مناحه

گلها خادمكم انه وارجو السماحه

اسمحي اعلن شهر دمعه ونياحه

وتلكه جبريل بحزن فارش جناحه

دمعه همال

مثل العيال

من اهد طيحت وليهه

بيا وجه راجع عليهه




**************



حاذر اتشوفك گمر تذكر گمرهه

ابقه يمهه منحني هلال ابنضرهه

يعاود اعليها السده لترد صورهه

وماضن زينب نست بعده السطرهه

عدهه خيال

ماأله خيال

تغمض تفتح يجيهه

بيا وجه راجع عليهه




***************



بالسمه أنصب عزه ولم الكواكِب

سولف الصار وجره بأم المصايب

اطوي ليلك واندعي اضهر يغايب

واشفي صدر المنذبح وام النوايب

اعدل المال

وبدمه آل

اطلب الثار اعتنيهه

بيا وجه راجع عليهه



•••••••••••••••••••
•••••••••••••••••••

حيدر العمار الخزعلي
قصائد محرم الحرام ـ


••••••••••••••••••
••••••••••••••••••


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ماينعرف لمن برز امبينه بس اعيونه
عرفوه بالرايه التي امشكله اعله امتونه

ابمتنه يامحله الواه
الله شكثر حب طرواه

ادخيلك يابو فاضل
............................................

جدحت البيض وبدت الحرب تحچي ازمورها
وباوع اعليها ابو فاضل وحضر بكافورها
وانسمع حس المرادم وضحك سن ناطورها
شردت العياله كلها وحفر ليها اگبورها

اتشكلل وهد عباس
قل دخل رب الناس

ادخيلك يابو فاضل

..................................................

محشر العباس سوه وعلن يوم احسابه
وبعده ماگايل عليهم وتوه شد انگابه
حدر رجله الكاع مادت اغتاض واهتز شاربه
ورايت ابدور الهواشم رفت اعله اطلابه

اطلابه عد عالي الجاه
والموت فازع وياه

ادخيلك يابو فاضل

......................................................

وشمر اردانه وخزرهم ونوه اعليها الگدها
وخفگت الرايه اعله زنده وشرد لي شاهدها
اتحضرت الشگره اعله عركه اتاني بس يلكدها
وصاحله احسين ابو فاضل ياهلا بماردها

حسين يتنومس بيهه
وزلمه ياهو ايحاجيهه

ادخيلك يابو فاضل

......................................................

نومس العباس اخيه وطب ردمها مگابل
اتنوع وشاف العساكر كلها شو تتراگل
رجع ملك الموت فاحط تعب ملمحاگل
انه ماشايفلي سيف اعله الرگب يتناگل

مجلب بچفه السيف
شيحله ومزامط حيف

ادخيلك يابو فاضل

.......................................................

الجربه من خلها ابو فاضل زلمه جان بزنده
الريشه جانت شيخ عام اعله العشاير عنده
طير حر وخفگ نازل امعصب من الورده
شورط الماعرف اصله بالحجي الموگده

جا غير هذا العدوه
بالفين لمن لاگوه

ادخيلك يابو فاضل

.......................................................

دخيل عباس الصميده كسر كل واهسها
يصوصي الميدان صار الابره تسمع حسها
زلم مامش كلها شردت والگمر خالسها
بكربله هل صار خادم ينضف ويكنسها

اسمحلي ياخويه حسين
راح انطي كل ماي العين

ادخيلك يابو فاضل

.......................................


الاقل شرفاً
كرار اللامي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

.....عشگ الرباب.......عشگ الرباب
....................
من مثلي ماتلهه ولد اگماطه مشمور
وداسته خيل وگلبته وبسهمه منحور
بكاروكه اثار العلك الشديته ونذور
يايمه عمرك للورد مو مالت اگبور
شعظم المصاب ... عشك الرباب
...................::::::
امفرفحه مو من عطش وگليبي ذايب
عبد الله اهزن بالمهد وتحچي الغرايب
مهده فرغ عوفي بعد واسمع مصايب
يمكن عليهه اتوهدنت شحچي وشعاتب
اگليبي ذاب .... عشگ الرباب
........................
مامش ولا بيهم رحم واميه ينطيه
امفطره شفته عطش محد يناغيهه
ابكربله ماظل عرف من امشي اوصيهه
هيجي ويجيبونه الي يگلولي رضعيه
مغطه بتراب.... عشگ الرباب
.....................:::
ابماي الاطفال التغص وانه بسهم غص
اوليدي ماشابع هوه ابچم حافر انرص
شفته لمن داسه وعبر من جسمه شنگص
اتشگگ اگماطه ورمل واصلله للنص
صبح سراب .... عشگ الرباب
....................
عندي عتب ويه الشمس اشعندچ وياه
متخوصره ابطولچ علي احرگتي مگفاه
الحر حظن الرملله مهد وتلولي فوگاه
صوتي الفرگته من الهظم يم چثته احاه
شفاد العتاب .... عشگ الرباب
.....................
اوليدي ماخله اصبعه وبيهه يمغض
المضغه صارتله سهم وبالخيل ينرض
يمه حظن امك فرغلك اتحرك انهض
التف الي بطرف عينه ودم نزل لعيونه غمض
شاف العذاب .... عشگ الرباب

......................

الاقل شرفاً
كرار اللامي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

جديد محرم الحرام ١٤٤٢
قصيدة (يالتسأل اشصار )

...................................

جسمه بكتر راسه بكتر يالتسأل اشصار

حافـر فـرس رضه ورفس وبخيمته النار

دمعت الكون ....حسين
عقلي مجنون ....حسين

~~~~~~~~~~~
~~~~~~~~~~~~


ما اشك ولا أوالي الحچه بغيره اعتـقَد

انه غير حسين ثاني ماهوت روحي ابد

عايش بعالم مصابه وديني بالطف انولد

من دمائه والمصيبه ادركت منهو الأحد

منه افهمت وإِتـعَـلمِت وگليبي مكسور
ابچي النحر ابچي الگمر وبروحي محفور
گلبي مفتون .... حسين
عقلي مجنون .... حسين


~~~~~~~~~~~~
~~~~~~~~~~~~


ياهو غيره انطه روحه ياهو ضحه بالولد

من جمع للموت اخوته وبرضيعه استعد

منهو مـثله وبـجراحه الـرمل نايـم رغـد

والعطش نار بلهاته ولابرد جَـمره وخمد

صح يختلف ما ينوصف حاله والرسوم
صايــر وذر وبـلا نـحر ومسلب اهدوم
نور العيون .....حسين
عقلي مجنون ....حسين


~~~~~~~~~~
~~~~~~~~~~


الحجر هشم جبينه والدمه من جبهته

غطه لعيون ولحيته واخته عالتل نظرته

تلطم وضلت تنادي ويلي خويه وغربته

وانرمه وشافت مثلث نايم بنص چبدته

حالت رعب منظر صعب والعسكر يدور
شنهو العمل منهه رحل واتنادي معذور
تنهض اشلون ....حسين
عقلي مجنون .....حسين



~~~~~~~~~~
~~~~~~~~~~


شيبته حمرة صارت وانذبح من الگُفه

انگطع خنصر يمينه وعالرمل نام وغُفه

طايح وثگلت جراحه وينه راسه وتُعرفه

زينب شيحمل گلبهه لو حجر وج وطُفه

بس عُرفته من ريحته والمدمع آدموم
ماتت تره بحز منحره بالساعه واليوم
وبيهه مدفون .... حسين
عقلي مجنون .... حسين


~~~~~~~~~~
~~~~~~~~~~


ترست عياله البوادي وانرفع راسه برمح

سلبو اطفاله وردائه والجرح غطه الجرح

تسعر النار بخبائه تلهب وصار الصبح

لليسر تالي خذوهم واعتذر عن الشرح

عن اليسر راح اعتذر ماأشرح الحال
خاف الذخر والمِنتِظر ميعجبه ينگال
نصره مضمون .... حسين
عقلي مجنون .... حسين


~~~~~~~~~~
~~~~~~~~~~
الشاعر :
حيدر العمار الخزعلي
.


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

نزله لمسلم ابن عقيل سلام الله عليه
•*•*•*•*•*•*•*•*•*•*•*•*•*•*•*•



ويلي مسلم الكون ضل ينتحب لونينه

هاني يبچي وياه لمن سمع بحسينه

**********************

قصه ترويها السماء
مسلم بدمع وبكاء
حاوطوه اشچم ألف


صاحت الوادم عجيب
مسلم بديره وغريب
ولا أبد جِفنه يرف


هذا عنوان الطفوف
خلهه هالوادم تشوف
ماتعب من النـَّـزف

تبچي طوعه وياه وتذكره بصفينه
ويلي مسلم الكون ضل ينتحب لونينه


••••••••••••••••••••••••••••

طوعه تنظرله وتصيح
يالأسد بالك تطيح
انته عمك حيدره


بالفخر مالك مثال
يلله طشرهه الرجال
مثل سبع الگنطره


اگلب اليمنه ويسار
الهب وامطرهه نار
خلهه كلهه محيره

غاضب چن أسد ثار والدنيه موش بعينه
ويلي مسلم الكون ضل ينتحب لونينه


••••••••••••••••••••••••••••

انجله لنه الغبار
بالزلم بان انكسار
جضع الوادم تره


شايل السيف ويجول
لسبط هذا الرسول
يسحگ اعليهم ثره


يشطر وينثر دماء
عجت الوادم بكاء
طاحو اگباله سره

ضلت زلمهم اتطيح لمن خزرهه بعينه
ويلي مسلم الكون ضل ينتحب لونينه


•••••••••••••••••••••••••••••

حاير وزاد الأنين
والقلب ينبض حنين
ويقره لحسين السلام


خايف اعليك الوصول
مابقه عدهم أصول
والنَصح بيهم حرام


كاتبونه بالقدوم
نقضو وصارو خصوم
وانتهه كل الكلام

حاير مسلم بهاي وبهاي دمعت عينه
ويلي مسلم الكون ضل ينتحب لونينه



•••••••••••••••••••••••••••••••


بالقصر لمن دخل
الگلب نار اشتعل
وگامت افكاره تدور


خايف حسينه يطيح
والدمه منه يسيح
وتدخل اعياله القصور


حاير بهالمسئله
هاني عنهه يسئله
ابوسط اهل الفجور

يگله بهايه الحسين يهاني الله يعينه
ويلي مسلم الكون ضل ينتحب لونينه


••••••••••••••••••••••••••••••••

من القصر لمن رموه
ويه هاني وشبكوه
أتشهد وصوته عِـله


زلزل الكوفه السفير
توضح وبان المصير
وتوهه بانت كربله


أنرسم خط الصمود
والشرف ويه الخلود
لسبط والعايله

وضلت ذكرى الحسين والكافل وچفينه
ويلي مسلم الكون ضل ينتحب لونينه


•••••••••••••••••••••••••••
الشاعر : حيدر العمار الخزعلي

لاتنسونا من الدعاء
•••••••••••••••••••••••••••
#لا يجوز عمل هذا القصيده على الدي جي وغير مبري الذمه

.


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

جديد محرم ١٤٤٢ هجري
قصيدة (دريض صحتلك)

--------------------------------------------

دريض ٠٠٠ صحتلك ٠٠٠ توانه وياي يابويه وتِمهل

اريدن ٠٠٠ اخبرك ٠٠٠ حلم عمري تخليني اعله محمل

تدري بويه بلواي

حلمي إِمشي وياي

اريدن ٠٠٠ اخبرك ٠٠٠ حلم عمري تخليني اعله محمل

●●●●●●●●●●●●●●●●●●

عيوني ٠٠٠ من تفاركم تره تعمه عيوني

نسوني ٠٠٠ اضل اصرخ انه الاهلي نسوني

يجوني٠٠٠ اشك وما اضن يمكن يجوني

جِفوني ٠٠٠ وانه بهالحال ياروحي وجفوني

مني تايه الراي

وانطر لوخبر جاي

اسولف ٠٠٠ ياغالي ٠٠٠وتكلي الروح شو غاب وميسأل

اريدن ٠٠٠ اخبرك ٠٠٠ حلم عمري تخليني اعله محمل


••••••••••••••••••••••••••••••••••••••


بسلامه ٠٠٠ اضل ادعي ترد بويه بسلامه

الملامه ٠٠٠ جرح ماله دوه تدري الملامه

كلامه ٠٠٠ الحجه شامت تره يجرح كلامه

علامه ٠٠٠ على كسر الضهر وضعي علامه

ضلت لله شكواي

واسمع ضحكه اعداي

اكابر ٠٠٠ واداري ٠٠٠ ولا ألكه تره غيرك الي حل

اريدن ٠٠٠ اخبرك ٠٠٠ حلم عمري تخليني اعله محمل


••••••••••••••••••••••••••••••••••••••••••


شلفاني٠٠٠ من رحت تدري يغالي وشلفاني

حيراني ٠٠٠ يِنحب يُمر الهوه شو حيراني

واشأتاني ٠٠٠ لو يجي موتي حلم واشأتاني

عذباني ٠٠٠ من البعد روحي تنادي عذباني

كلشي ينحب وياي

كون الباري وسماي

الاشوفه ٠٠٠ أحسه ٠٠٠ يوون اعليك وكليبي تره انسل

اريدن ٠٠٠ اخبرك ٠٠٠ حلم عمري تخليني اعله محمل



•••••••••••••••••••••••••••••••••••••••••••••


خيمكم ٠٠٠ انغمه عليه وشفت بويه خيمكم

مثلكم ٠٠٠ هم عشت نفس الهظم والله مثلكم

سلبكم ٠٠٠ وسلب روحي تره جيش السلبكم

صحتكم ٠٠٠ عسن فوك الرمح راسي صحتكم

عنك منعو الماي

ناري بويه بحشاي

شفتهم ٠٠٠ اطمنك ٠٠٠ نظرت هناك زينب صعدت التل

اريدن ٠٠٠ اخبرك ٠٠٠حلم عمري تخليني اعله محمل


•••••••••••••••••••••••••••••••••••••••••••••

جرعته ٠٠٠ لون تدري انه ياهم جرعته

كتبته ٠٠٠ على وجه النجم حزني كتبته

دفنته ٠٠٠ وسط نوح ودمع عمري دفنته

تركته ٠٠٠ الجسد خافن ترد لأجلك تركته

شُوفه بويه لوجاي

فته حزنه والداي

بديه ٠٠٠ قميصك ٠٠٠ ييوسف فاطمه بدمعي تبلل

اريدن ٠٠٠ اخبرك ٠٠٠ حلم عمري تخليني اعله محمل

•••••••••••••••••••••••••••••••••••••••••••••••
الشاعر:
حيدر العمار الخزعلي
.


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يحسين بالضيج تبين الوادم
وبهاي الايام يبين الخادم
المانصب موكب الك مولازم
جون عندك ينهي كل السالفه

المايحب يقيم باسمك رسمه
لا يسولف بعد عن الخدمه
شفنه عابس خدم حته بدمه
وهسه وادم عدنه ضلت خايفه

يحسين .... انت كل سوالف الحب والغزل
يحسين .... انه غير الخدمه ماعندي عمل
يحسين .... ثوبي الاسود راح افصلنه چفن
يحسين .... حته وانه گبري ماحس بملل

................................................

الما يعجبه بهل السنه يتكتر
لا يدور حجج لو يتعذر
المحترگ گلبه اعله گطع المنحر
اتعرفه من تردد بجلمة حسين

المحترگ بين اذا طب العزاء
تقره بعيونه ملامح كربلاء
ماكعد بالبيت خاف من الوباء
واحنه مطلوبين الك يحسين دين

يحسين ..... انت ما معتاز خدمت واحد
يحسين ..... المثل جون بخدمتك متشاهد
يحسين ..... الحمد لله من رجعنه للعزاء
يحسين ..... واحنه معتازيك عوز الفاگد

......................................

القلل بهاي السنه ترتيبه
انه ارجوك تقلل غيبه
هو الحسين نطاك الهيبه
وانت رديت الفضل مامش عزه


حسين ليجازيه كون يموت اله
واحنه مخلوقين نبجي لكربله
ياهو بينه يرضه باخته وعايله
اتروح مجتوفه بحبال محززه

يحسين ..... العدنه كله من كرم ماعونك
يحسين ..... شما نسوي مانسد اديونك
يحسين ..... اشتل بكل گلب جمرة عشگك
يحسين ..... الله خالقنه لسواد اعيونك

.............................................

هواي عافوك بقت يم ذوله
يابو چلمه زيارتك مقبوله
ليش اعاتب بعد مو مگيوله
الما يعرفك ما يثمن الخدمه

حسين كالوا تبعنه المرجع
وانه ادري هلحجي ميشبع
غير عبد الله طفل ويشرع
ياهو الاوله بحجيه تمشي الامه

يحسين ..... انت الاول ماكو غيرك ثاني
يحسين ..... تبقة دومك عايش بوجداني
يحسين ..... ارد اخدمنك بروحي الباقيه
يحسين ..... بروح اخوك بيوم لا تنساني

......................................

واضحة وبينت منو اليردونك
فرق عن السنه ميخدمونك
لاتامنلهم ترا يعوفونك
عدها رس الوادم من الكوفه


فشله من حسين اذا زنجيلك
مايدگ السنه ويبرد حيلك
المهدي باچر لو طلب تحليلك
اتگله عفت حسين خيل اطوفه


يحسين ......بطرف جدرگ علگ شدت روحي
يحسين ....... انت عشكي وتبقى يامذبوحي
يحسين ...... كون اموت بيوم ما اخدم حسين
يحسين ..... من جروحك چمل اعله جروحي


........................................


الاقل شرفاً
كرار اللامي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ارواگ خيمتنه احترك يالغالي
وطبت اعلينه زلم من تالي
الامس ما انشاف من اي واحد
هسه اشوفن كاتلك وگبالي

يحسين مليت الشتايم والسمعته هوايه
والهاضمتني ادوس وادم شفت فوگ الرايه
تغيشت من المستحه جا وين دگت الثايه
يحسين علعباس اعز من عندي المسنايه


وين نايم ..... اختك بنص چول تفتر
وين نايم ..... موش الي يحسينه البر
وين نايم ..... وتفتر اعلينه السكارى
وين نايم ..... الحگ اختك كون تگدر

.............................................

ابحرگت الخيمه جنت جوه انه
وطاح كل ارمادها فوگانه
انجويت وما گلت لاي واحد
والكاتلني يصيح هاي افلانه

باسمي صاحت زلم تدري اعله الهواشم كلفه
مره بالخمسين عمري واركض واتحفه
وانهطر بالگاع حيل واعيون وادم صلفه
دست چم جمره بركضتي وثغبتلك وسفه

گوم باوع ......تقبل انه بسوط انطگ
گوم باوع ..... لچف اديه ابيش شبگ
گوم باوع ..... الحبل مو مال اوادم
گوم باوع ..... بالهوه الاشتمه اشهگ

..............................................

ريحت حرگ يحسين صارت بيه
وتبين امشيتها المچويه
دورت وينك ردت اكلك باوع
اشلون اجيت اتچه فوگ ارقيه

مادري خليت ايدي فوگ امتونها وصاحت اخ
وباوعت ايدي كلها دم بالجرح مريت وطخ
بذني شتايمهم اجت واعلينه شامت زمخ
مافكرت هاي الخلگ باچر وراهم برزخ

فوگ فگدك ..... نركض وركضوا ورانه
فوگ فگدك .... دخنت الحرگوا عمانه
فوگ فگدك ..... لكل مره فزعت عشاير
فوگ فگدك .... واحنه هاشم ما لفانه

...........................................

يحسين شيصعدني ناگه جبيره
گول انه اصعد بس رقيه گصيره
من الايه الاوله لحد ختمت القران
الحبل مشدود وجفوف صغيره

اتصور حسين اشزغر چف بتك وشدو حيل
وشمات لو تدري شكثر وانه وحيده ونص ليل
عطاب بس فاح العطر من هدو اعليك الخيل
ثاريها تطلع ريحته من ينكسر ظلع الهيل

الشوگ والدم .... اخذ كلشي بذكرياتي
الشوگ والدم .... ملطخه بدمك عباتي
الشوگ والدم .... بين بشكلي اعله فگدك
الشوگ والدم .... من البچي يبست لهاتي

..........................................

عزبت خويه حسين وادم بحجار
لمن دخلنه الكوفه واچفوفي گصار
اشگف بدي واتلوحني وماصحت اخ
مادري الزم بالعباه لو بزغار

طبينه سوگ انه وبناتك والتكتلك حفاي
وبالنوگ وادم دفرت يحسين بس گوم وياي
نسوانهم ببتوت الي كشخن يشوگي وملفاي
يحرگون بگليبي اتعرف يطون للناگه الماي


الناس كلها ..... تباوع وتضحك عليه
الناس كلها ..... عتت احبال البديه
الناس كلها ..... اتاني اطيحن حته تضحك
الناس كلها ..... سبتك يابو رقيه

...............................................

الاقل شرفاً
كرار اللامي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

منك .... اتعلمت هواي
منك ..... ماخذ كل راي
منك .... يعذوبت ماي

حسين يا ابا عبد الله

..................................

معلمني ابچي صدگ وبحيل ادگ الصدر
ياخذني شوگي الك بالحسره اغدي شزغر
ساترني اگل للخلگ الظل وحده وبلا ستر
شمقدم انه اله الحارگته شمس الظهر

يحسين ..... واسماء الجاه
يحسين.... احرگني با احاه
يحسين ..... عگبك ويلاه

حسين يا ابا عبد الله

...................

يالما الك ظل عرف احسبني يمك عبد
شتامرني وانه افترح كلساعه اروح وارد
افرشني فوگ الخيم وافياي اصح ع الورد
بالخيل خلني انسحگ يطبني مرض وانمرد

فدوه ..... ليك بكل حين
فدوه ..... اقبلني يحسين
فدوه .... دمعات العين

حسين يا ابا عبد الله

.....................

مسومر عطش ياترف واشفافك مفطره
لخاطر اعيشن ملك اظلوعك مكسره
شستاهل ومنچفي دم خيك بگنطره
واخيامك محرگه واعيونك محومره

المن ... نلطم الصدور
المن .... للظل منحور
المن .... واخيامه بخور

حسين يا ابا عبد الله


......................

ماموتاك العطش ولا تعب گلبك ضمه
بس الثغيب الحرگ روحك وبچه السمه
من عتك من الگفه بصوت اشهگت فاطمه
مايستحي السلبك متروس ثوبك دمه

مسلب ...... ظل وعريان
مسلب ......عشگي العطشان
مسلب ...... واخته بديوان

حسين يا ابا عبد الله
.......................

يالتنفهم بالهوه وعطرك ترس كربله
ماترد خطار ابد متلگي موت بهله
غثوك من طببوا بالسوگ الك عايله
مارد ديليلك سهم شچ بنحر سنبله

شجاه .... وفرفحت اعليه
شجاه .... وطلعه ايديه
شجاه .... ورفست رجليه

حسين يا ابا عبد الله

...........................

راسك عله بكربله واتلولح اعله الرمح
كون انه اصيرن دوه المشكله لياجرح
بيك الف واكثر صفن والرمله كله ملح
بس انته فزت بوكت وادم ادور ربح

بلياك .... يحسين انموت
بلياك .... جثة بتابوت
بلياك .... مانسمع صوت

حسين يا ابا عبد الله

..............................................


الاقل شرفاً
كرار اللامي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



( قصائد محرم الحرام )( الليله الرابعه)

(قصيده رئيسيه) (العليله)

(لحن لاتلوموني حگي من انوح اعلى الولد)
...............................................................
لاتعوفوني لاتعوفوني
صعبه امــــن اضل الوحـــــــــدي
لاتعــوفــونــــي لاتعـوفونــي
..................................................................1
جنت مرتاحه بجال ابوي حسين
ويــن انطي الوجه بغيابه لاوين
بغيابه ضليت اصفك بالايـــدين

جــــان امل دنياي
ماكال امشي وياي
بداري اضل لوحــــدي اهلي عافوني
...................................................................2
رحت وعفتني مـابقيـــت ويـاي
بـــــــــويه يالغالي ياامل دنياي
بغيبتك ضليت بــــــــويه بلاراي
فــراكك ياذيني
وحدي مخليني
يـــــوم المشيتوا للسفر وانه عفتوني
..................................................................3
حكي ابجي عليك واجري الدمعه
لـــــوراح الغالـي بـعـد شيـرجعـه
الفارك احبـابــــه يــختلف وضعه
صعبه تدروها
العايفها ابوها
عافاني ابوي وهالمشه وانخطف لوني
..................................................................4
ضعن اهلي ياناس هالحمل وشال
وانا عافــــــــوني من دون العيال
بــــداري هالضليت مشغـوله البال
هيهات انساهم
اتـمنى وياهــم
لديار الغــــرب مشـــوا وانـــه خلوني
...................................................................5
بعـــينـي هـل شفــته حمل ضعـنه
وي عمتــــي زيـنب جنت اتـــمنــه
لكـــربله وياهـــا انـــــه اتـعـنــــه
وي العقيله
وانه العليله
ياوسفه من هذا السفر اهلي حرموني
...................................................................
الشاعر عماد محمد الدراجي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

..................................................................
قصائد محرم الحرام ( الليله الرابعه)
( نـــــزله) (العليله )
..................................................................
أنـــــه العليلـه ياهو اشتكيله
عذبني الافراك كل لحظه اشتاگ
ياهو اشتكيله انه العليله
...................................................................1
دارك يبـــويه امست خليــه
رحت وعفتني بهاي المسيه
بغيــابك انــه شفـت المنيـه
منـك اناطــر يابـويــه جيـه
سفره طويله انا العليله
عذبني الافراگ ياهو اشتكيله
...................................................................2
صعبـه عليـــه لحضـه غيابك
ماأگدر احمل بويـــه مصابك
ادخـلهـا داري واشـتـم ثيابك
بلكي تردلي واســـمع جوابك
حيلي وياحيله انه العليله
عذبني الافراگ ياهو اشتكيله
...................................................................3
وحــدي اتاني ولجيتك اناطر
ماگــدر انساك يابويه مگــــدر
نيـرانك انتــه بگليـبـي تسعــر
ويلي اعلى فرگاك مااكدر اصبر
محتاجه ليله انه العليله
عذبني الافراگ ياهواشتكيله
...................................................................4
رحت وعفتني ودمعاتي بالعين
ضليت انادي يابــــويه يحسين
بغيـابك انــــه فاجـعـنـي البيـن
رحـــــت وعفتني يابويه لاوين
دمعي أسيله انه العليله
عذبني الافراگ ياهواشتكيله
...................................................................5
عـذبنـي الافــراگ فراگك يغالي
لــوليـه رديـت يـرجــــع دلالــي
فراگگ هضمنـي وشاغلي بالــي
تــــدري بلياك وحــــشـه الليالي
الفارگ خليله انه العليله
عذبني الافراگ ياهو اشتكيله
...................................................................
الشاعــر عماد محمدالدراجي
الاحــــد 2017


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصائد محرم الحرام) (الليله الرابعه)
قصيده رئيسيه ( العليله)
لحن ( حدى حادي الضعينه)
............................................................
هلي لديره غرب حمل ضعنهم
وبعد ماضن هلي يلتم شملهـم
ليش اني باحزاني تركتوني
............................................................1
أهات ونات
على أحبابي المشوا كلهم سويه

وشلون العيون
تنام اخلافــــكم اوتغفه يومــيه

ذكراه منساه
محبوبــي الرحل شيـــرده أليـه

ونيت حنيت
لعبدالله احـــــن ولختـي أرقيـه

بقيت لوحدي والله أكسر الخاطر
وتمنيت الابوا يمي انه ماسافــــر

احبنهـم اودنهـم ويـودوني
...........................................................2
لاوين يحسين
رحت عنـــي وعفتني بلايه والي

ضليت بالبيت
بس النـوح والحســـرات تبــرالي

ارجاك وياك
اريدن انـه اخلص عمـــري للتالي

تدريه يأذيه
المحب يابـويه لـــــوفارگله غالي

رحت عني وسفرتك صارت بعيده
عليله انه وابــــوي الغالي أريـــده

ولحالي بلاوالي تخلوني
...........................................................3
ياريت أتمنيت
هلي يــــردولـــي او يلتـم شملنـه

الاودهم بعدهم
خالــي ياحسافه اصبــــح محلنه

اونن واحنن
واشتــــاگ لهلي أهـل الـمـحنــــه

يردون اويعودون
لــــوأيس بعــد واكطـع الضنـــــه

ياذينـي الهجــــر من الكم أشتاگ
عليله انــــه وبعــد ماأحمل فراك

باحزاني يولياني تعوفوني
...........................................................4
حنيت أشتاگيت
الكــم ياهلي يـمـتـــــه تـــــردون

احبكم اودكم
أريـدنكــم الـــــي كلكم تـرجعون

تدرون العيون
ماينشـف دمعها هــــــاي العيــون

غياب الاحباب
يايــــوم انـــه اشوفنهم يـــردون

مشوا عني الحبايب وابعدو حيل
العزيز فـــراگه يكتل لونوه يشيل

مشتاگه اتلاگه ويلاگوني
............................................................5
بعدكم هجركم
مكســـوره جنـح خلاني هاليــوم

سفركم هجركم
يكثــر نـوحـــي وتــــزداد الهموم

بلاحيل بالليل
نص حيلي عليكم والله مهــدوم

اضلن اونن
بغـيـبتـكم اون وابـجي للــــدوم

دمعي بغيبت أهلي دومه ساچب
اويايوم انـه اگولن يـرجع الغايب

الاودنهم أذكرنهم ويذكروني
............................................................
الشاعـر عماد محمد الدراجي
الخميس 2020/5/21



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصائد محرم الحرام 2020
(الليله الثالثه) ام البنين (ع)

فـــزاعيـــــــــه
.................................................................
اتمنيتهم عشره الولد لحسين انه انطيتهم
.................................................................1
اتمنيتهم عشره الولد
اتمنى لوعنــدي بـعـد
يصيروله حزام وسند
مــو أربـعـه اتمنيتهـم
.................................................................2
اعـــــزاز عندي اولادي
بس فدوه لابن الهادي
لكربله وي الحــــــادي
اولادي هل وديتهــــم
.................................................................3
كلهم شجاعه ومفخره
وبخــدمه ابن الطاهره
يضحون لابـن الصابره
عـالـــوفـه هل ربيتهـم
.................................................................4
ربيـت ولـــد معـــدلـه
كلهم شجاعه ومرجله
يرفـعون راسي بكربله
لكـــــربله هل دزيتهـم
.................................................................5
اولادي كلهـم هيــبــه
اولادي زلــــم النيبــه
غيره وشجاعه وطيبه
عشره الـــولد ياريتهم
.................................................................6
يسندون ضهره بالحرب
يگلـوبنها الحــومه گلب
اعداهـم تشوف العجب
بحسين هل وصيتهــم
.................................................................7
اولادي وانطوني وعـد
لامهـم فلاخلفوا عــهد
مابيهم العزمــــــه برد
غيره ووفه رضعيتهم
.................................................................
الشاعــــر عماد محمد الدراجـي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصائد محرم الحرام 2020
(الليله الثالثه)
نـــزلـــه ( ام البنين)
------------------------------------------------------------
يـــم عباس رفعي راسج بينــه
يــم عبـاس ولدج وتـدرينـــــــه
------------------------------------------------------------
انا مـــــن صدرج ييمـه والله راضع غيــــره
ابنـج العباس انـــــه وصرت شيـخ الـديــــره
حسين اخوي وزينب اختــي ماتطيح بحيره
ولأجلهم والله احنــــــه الكـون كله نديـــــره

حسين اخونه والنعـم
نصيـرله كلنه خـــــدم

يم عباس أتباهي دومج بيــــــــــــــنه
يم عباس ولــــــــــــدج وتدريـــــــــــنه
------------------------------------------------------------
أنه عــون ويالحسيـن والله مااخلف وعـــــــد
حسين اخوي وزينب اختي انطيتهم يمه وعد
وحالف انـــه للمعاره مــــــن اروحـــن مــــاارد
باجــــر وياخواني يمــــه ســــــوه عالعسكر نهد

احنـــه ولد ام البنين
كلنه خدام الحسيـن

يم عباس عـهد والله انطينــــــنه
يم عباس ولــــــــــــدج وتدريــــنه
------------------------------------------------------------
انا جعفــر ابنــــج انــــــه والله وتـــــدريني
عالشجاعه وعالشهامه والله دومــج تعلميني
عالوفاء وعالمحبه يمه دومج تدرســــينـــي
واول دروسج حفضته مااعــوف حسينــــي

وعلمتنـــي اول درس
حسين اصيرله حرس

يم عباس نعادي الـــي يعاديـــــنــــه
يم عباس ولـــــــــــــــدج وتدرينـــــــه
------------------------------------------------------------
أنه عبدالله وليــدج عالمحبه يمه ربيتينـــي
موحليب مرضعه ابنج والله غيره رضعتيني
عالمراجل والله انه وعالشهامه دومج تعلميني
ودائما بحسيـن واخـتـــه والله يمــه تـوصيني

ابنج وتـــــــدريه كفــوا
بالشده ميعوف الاخـوا

يم عباس لحسين هل ضحـينـــــــه
يم عباس ولــــــدج وتدريـــــــنـــه
----------------------------------------------------------
حسين اخونه ومانعوفه حسين يااغلى محب
ارواحنه ترخصله فدوه حسين ترخصله الركب
حسيـن بـس يامـــرنه يمه مانردله احنه طلب
باجر بكربله احنـه نمــــوت كبلـــه بالحـــــــرب

كلـه وبـحقــــــه قليـل
هذا ابن حامي الدخيل

يم عباس لحسين هل وفينــــــــــــــــه
يم عباس ولــــــــــدج وتـدرينـــــــه
------------------------------------------------------------
الشاعــر عــمـاد مــحـمد الدراجي
الجمعه 7|8|2020




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



قصائد محرم الحرام 2020
الليله الثالثه
قصيده رئيسيه ( ام البنين )
------------------------------------------------------------
انــه انــه ام البنين قـدمـت اربــع ولد
أنطيتهم فدوه لحسين اتمنيت لوعندي بعد
لحسين انه انطيتهم للحرب هل دزيتهم
------------------------------------------------------------
بولدي انه الاربعه لحسين هل متبرعه
دزيتهــــــم كلهم ســـــوه للغاضــــريـــــه

يــمه وكبال المله ترفعون راسي بكربله
عـــدليــن هـــايــــولادي لتـــردون اليــــه

لحسيـن كلشي مقدمه حتى ترضه فاطمه
حتى ترضه فاطمه والله الـــــــزجيــــــــــه

متبرعه بيكم للحسين سند صيروله ومعين
قدمتكـــم للحسيــن انــــــــــــه هــــــــــديه

عـــــالــــــــــوفــــــــــه هل ربيـــــــتهـــم
لحسيـن انـــــــــــــــــــــــه انطــــــيتهـــم
------------------------------------------------------------
فدوه كل أولادي انتوا لبــن الهادي
أنه ادريكم يولدي ماتقصــــــــــــــــــرون

اربعه وكلكم غوالي حسين يستاهل وغالي
سند بالحومه تصيروله وعـــــــــــــــــــون

ولدي وكلكم نشامه انتم اصحاب الشهامه
بالموت ادريكم يولدي ماتهابـــــــــــــــــون

ولدي يسباع الفله انتم اهل المرجله
كون كبل حسين ياولدي تموتــــــــــــــــون

لحسين والله افديتهـــــــــــــــــــــــــــــــــم
لحسين انه انطيتهـــــــــــــــــــــــــــــــــــم
------------------------------------------------------------
ارواحكم فـــدوه اله هذا ابــن عقد الوله
لاتخلونه وحيد بلايه ناصــــــــــــــــــــــــر

يمه سبع الكنطره حسين يستاهل تـره
لاتخلونه وحيد وكلبه حايـــــــــــــــــــــــــر

بخدمتك كله يخوي امرتامر يبن ابوي
تفني بسيفك اريدن هالعساكـــــــــــــــــــــر

بالحرب دومك وياه اذبح بسيفك اعداه
بالحرب وياه دومك حاضــــــــــــــــــــــــر

بحسين هل وصيتهــــــــــــــــــــــــــــــــــم
لحسيــن انه انطيتهـــــــــــــــــــــــــــــــــم
------------------------------------------------------------
حسين اخوكم ياولد بالشده صيروله سند
ماريدنه يضل محتار الحسيـــــــــــــــــــن

حسين باجر بالطفوف تتحشد عليه الصفوف
لاتخلونه وحيد بلايه معيـــــــــــــــــــــــن

هذا ابن حيدر علي والده اشرف ولي
هذا ابن حيدر امير المؤمنيـــــــــــــــــــــــن

للغالي وابن الغالي انطوه كلشي غالي
الروح ترخصله يستاهل الزيـــــــــــــــــــن

غيره ووفه رضعيتهـــــــــــــــــــــــــــــــم
لحسين انه انطيتهـــــــــــــــــــــــــــــــــم
------------------------------------------------------------
عباس يمه بكربله عينك تضل عالعايله
بركبتك زينب يسبع الكنطـــــــــــــــــــــره

انته كافلها صرت وبيها يبنـــي اتكفلت
مااريدن يبني تبقى محـيــــــــــــــــــــــره

خلي بالك عالخيم ديـربالك عالحـــرم
مااريدن تنهظم يبني مـــــــــــــــــــــــــره

ديربالك عالبنات علويات يبني مدللات
عالحرم عينك تضل مساهــــــــــــــــــره

لكربله هل وديتهـــــــــــــــــــــــــــــــــم
لحسين انه انطيتهـــــــــــــــــــــــــــــــم
------------------------------------------------------------
الشاعــر عــماد مـحـمد الدراجــي
الأثنــيـن 4|8|2020



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA