#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

مقدمة ليلة 1
ياشهر الحزن والنوح ماتنشف دموع العين
أنصار ونظل للمـوت ماننسه مصاب حسين
آه يحسين ومصابه

1
ياشهـر الحــزن والحســرة والدمعـة
نريــد بهــل المجالــس نلطـم وننعــه
بهـلالك جـم كمـر بيـك أنكسـر ظلعـه

بعملـــة كربلـــه ياشهـــر مجروحيــــن
آه يحسين ومصابه

2
هــاي أول مسيــــة يـاشهــــر منــك
جيب شما تجيب أعلينـه من حزنــك
ياشهر الحزن كلـشي أنعـرف عنــك

ما راحــم قلــب زينــب وقلــب حسيـــن
آه يحسين ومصابه

3
علكنـــه الســـــواد وشلنـــه رايتنـــه
تجمعنــه ســـوه بهــــاذي مجالسنــه
للخـــدمــــة الحسينيـــــــة تحـزمنــه

بهـل الخـدمـة الكـريمـة إحنـا ربحانيــن
آه يحسين ومصابه

4
عدنـه بكـل سنـة البينـه تمـر شهرين
عاشـور وصفـر بيهن مصـاب حسين
شمـا نبجـي ونـون وشمـا نهـل العين

نحــس وي الإمــام الغايــب مقصــريــن
آه يحسين ومصابه


5
ياشهـر الحـزن لـو كـل عمرنـه النوح
ماتشفه وتطيب أعلـه الحسيـن الروح
بكثر نجـم السمـه بينـه هضم وجروح

والمجــروح مايتــرك عـذابـــه أسنيــــن
آه يحسين ومصابه

6
قليـل من الصدر يجري الدمه الأحمـر
قليـل العاشـك أعلـه الهامـة لــو طبـر
منجـازي عـُشّـر مـــن دم أبــو الأكبـر

لــو رأس المـــوالي ينشطــــر نصيــــن
آه يحسين ومصابه


7
ياشهـر الحـزن وشمـا تمــر أعــوام
نظــل طــول الـــدهر خـــدام للخـدام
خـــل يسمــع يزيــد وتسمـع الظـلام

علـى خــط الشهــادة أبكـل وقـت باقيـن
آه يحسين ومصابه


8
نوصي وننطي هاي الخدمـة للأولاد
كـون بكـل سنــة هــــذا العــزه ينعاد
كـل مجـلس نريـده بأسم أبو السجاد

تفرحونــه إذا تحــت التـُــرب غافيـــن
آه يحسين ومصابه

شطره
امجــد صاحــب الشطـــري




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

كـــفو ولـــد أم الــبنين حسين بيــــهم يستعـــين
يصح ياالله يـــاأخوتي بــــيكم ارفــع رايتـــــي
************************
قيم الكــــــــون وتكـــدر يـــوم نزلـــوا ولدحيدر
ويــــاهم الـــــعباس كبر
هاذيوم الخوه نــــــــــاده//كوموا خـــن ادي الشهاده
فده لــــــحسيـــــن الامـــــــــين
*****************************
احنه عدعيناك كـــــالوا يوم عالفرسان صالوا
جوله بالــــــــــــميدن جالوا
اليدنه يمهم والله مـــــــات//ذلــــواحـــــشود الطغات
ضــــحوا النصــــــرت الــــدين
*****************************
وكفوا ويــــــه حسين كلهم ذيج وكفة شرف الهم
مــــــــاكدرواحـــــــــد يـردهم
وكفة الـــــــكراروكفـــــوا//والله ويـــــه حـــسين وفوا
مخـــــــــلده و طــــــول السنين
**********************************
حشم العبـــــــــاس اخوتـه سمــعت الفرسان صوته
كلــــــهم احنه اليــوم موته
صاح وصــــــاني الـــوالد//مــــوت لجــل احسين جاهد
هــــــذا درب الـــــــــخالديـــــــن
*********************************
الكــــــون غبروالسمـــــــه والارض سبـــحت دمه
لـــــجل ابنـــــج فــــــــاطمه
نفدي الـــــــــــيوم النفـــوس//والله ونــــــكطع الـــرؤس
المـــــــــوت بــــــــي معيــــدين
******************************
بســـــــم حيـــدروالله هتفوا والنــــعم وفــــوا وكـفوا
اجـــوا يــــم عبــــاس وكــفوا
امــــرومنـــــــــه اشتريــد//نفــــــدي لـــــحسين الـــوريد
أنمــــــــوت لجلـــــه وخــادمين
******************************
احسين لجــــــــلك حشمينه اليــــــــوم للـــخوه أعتنينه
ابــــــــــخدمتـــــــك امــــــرعلينه
أرواحنه لـــــــجلك فــــدى//مــــــاتهــــم بينـــــــه الـــــعدى
اشمـــــــــا تزيــــــــد أمسيــطرين

خالدالحلفي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيده لام البنين....... عليها السلام
وهي توصي اولادها لنصرة الحسين ....عليه السلام




ها يولدي  اتكربو  كلكم  عليه
انه امكم وارد اوصيكم وصيه
بإسم الحسين      بإسم الحسين
&&&&&&&&&
هايولدي كربو ليه وحفظو كلمات الوداع
شايله بكلبي وصيه ومنكم ارجوالاستماع
ادري خلفة حيدر انتم ادري تربات السباع
رايدتكم بالسفينه اعلام لحسين وشراع

سمعو مني حجاية أمكم بيها غايه
بكد عددكم أربعه حروف البدايه
بإسم الحسين     بإسم الحسين
&&&&&&&&&&
حسين عنوان الوصيه هوه الأول والأخير
وباجر الطف كلشي ممكن وحتمن الممكن يصير
رفعو راسي اكبال اخوكم ما اريد أسمع يحير
وكفو خدام اربعتكم فدوه لحسين الامير

كون تقبل زينب وترضه عليكم
كلشي هين يصبح .وباجر حجيكم
بإسم الحسين    بإسم الحسين
$$$$$$
كربله واقعها ادري  صعبه بي كل الامور
صيرو تجايه لاخوكم وكلمن يأديله دور
طيبو خاطر كلب زينب وخلو غيرتكم تفور
مايشوف الشر اخوكم والنفس بيكم يدور

صيرو كل واحد علي وبيده فقار
وخلي يهتف كل شخص من ولدي غار
بإسم الحسين   بإسم الحسين
&&&&&&
صح كلت صعبه الطفوف شلون ما ادري اعتذر
وانتم اشهد جاب عمره الهوه من عدكم حذر
عالخيم كلكم حمايه اليمها يكرب ينحر
الساكي عباس انته دورك باجر وحامي الخدر

لوتشم ريحة عطش جيب النهر
وكعتك احذر تره تكسر ظهر
بإسم الحسين   بإسم الحسين
&&&&&&
المحتوه اختصره بعبارة "حرمه و بعهدة كفيل
تلوك ياعباس لاختك حامي وترد اليعيل
ودام بيكم روح عدله حسين ما توصله خيل
ولا تمر نار بمخيم وينجوي بيها العليل

ولا بنات حسين بالهيمه تفر
ويلي مو سهله الكلب من ينكسر
بإسم الحسين   بإسم الحسين
&&&&&
شوفو ياولدي دربكم وانه اظل اعله النشد
اني بالطف ادري وادري باليرد والمايرد
باجر الطارش يجيني ويبقه بالاسما يعد
هايبن حذلم اساله حسين رد عوف الولد

اني اوصي وعالمه بكل القضيه
من البدايه لحد ما تُدفن  رقيه
بإسم الحسين   بإسم الحسين





خادم ام البنين عليها السلام
حسين الخزعلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصيده لفاطمه العليله عليها السلام

دارك شلون اكدر ادخل ليها
وانت يا بويه وهلي مو بيها
*
ذكرياتك بيها و ايام ا لمضن
عشنه انه وياك كل ذاك الزمن
هم تردلي ونسكن بهذا الوطن
لو تروح و بتك تخليها
*
مثل ما شجره بارض مرتبطه بيك
كل شعوري و الحنان ابين اديك
ظلمه دارك صارت و تبجي عليك
تنتظر جيتك شمس تضويها
*
احجي ويه الدار بغياب الاهل
ليش راعي الدار هاجرها ورحل
لو رحل راعيها جا ياهو اليضل
بس مكانك خالي يا راعيها
*
صدك تتركني يبويه بهالعمر
طفله ما احمل غيابك والهجر
الزم الباب برحيلك و انتظر
ترجع و نار البعد تطفيها
*
يالنويت اعله الرحيل بهالوكت
ليه ترجع انته لو عني رحت
كل هلي ماخذهم اووحدي صرت
وساعة اوداعك صعب تدريها
*
وداعت الله وهاي اخر جلمتي
روح وانه ابقه يبويه بغربتي
بس اريدن منك اني طلبتي
لا تطول الفركه يا واليها



خادم العليله : حسين الخزعلي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



قصيده لفاطمه العليله عليها السلام


ياهوه اشتميتك مو عذب لكيتك
خالي من ريحة هلي وعطر عبدالله وعلي
مو عذب لكيتك
*
ياهوه المابي عطر من الاهل ماشمه
وكلبي ما ريده يحظنه ولا اريد يضمه
تعودت من الزغر صدري شرط عالنسمه
لازم تقبل نحر مهدي وتمر من يمه

ياهوه الهويتك بعلتي اشتريتك
يادوه ردتك الي وعطر عبد الله وعلي
موعذب لكيتك
*
بالشهيق الماردت اشعر عذاب احبابي
ومختلف حته الهوه حسيته شال احجابي
شعندك بلايه رحم كتله تدك ابابي
بانت ادموعه بترابه وهذا كلت مصابي

العشره شابكتهن براسي ما شلتهن
احس فارغ منزلي وعطر عبدالله وعلي
موعذب لكيتك
*

انه احس بيك انت مو انت بغياب حسيني
ساعة الراح وتركني اشعر اتاذيني
كبل جان بجسمي عله واعرف انه شبيني
هسه صار اصعب عليه احزر الماذيني

جروحي ما اعدها واعرفت ظمدها
رجعة اخوان الولي وعطرعبدالله وعلي
مو عذب لكيتك
*

ياهوه اليتنفسك من عادته يتهنه
اني عكس الوادم اني اتغذه منك ونه
مو عجيبه اتعودت اشتم عطر ما منه
عطر مستنكيه محمد من رحيق الجنه

بريحة النبوه طفحت الاخوه
ومنها اترس منهلي وعطر عبد الله وعلي
مو عذب لكيتك
*

*

لا تدك بابي وتجيني لازم تمر بيهم
واحدن واحد اخوتي وعمتي او واليهم
اهلي كلهم واحد او واحد يفيي اعليهم
عمي ابو فاضل الخيمه والحلف يحميهم

خيمة الظهيره وكمرة العشيره
هذا بي غيرة علي وعطر عبدالله وعلي
موعذب لكيتك





الشاعر : حسين الخزعلي
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصيده لاستشهاد مسلم بن عقيل عليه السلام



بالدمع خطيت الرساله
للجنت غامرني بدلاله
والكلب مكسور عله حاله
&&&&&
رحت وانه صرت للناس سالوفه
وبده جفي عله بالي يسطر حروفه
اليشتم الهوه مايكدر يعوفه
احنلك بويه من دياري للكوفه

مو  مهم     شكد عنك بعيده
يا نفس    مافارك حميده
مانسه     ودلالي اعتناله
&&&&&
حن كلبي يغالي لشوفت عيونك
اوديمن حرت و يشوفك شلونك
بنص ديرة هلي ومستاحشه بدونك
بشهكات النفس انه انتخي بعونك

بلا عتب يوصلك حنيني
بغيبتك مايسكن ونيني
واليحب شيصير بخياله
&&&
احسد كل بنات الديره البكدي
ابوهن عدهن وبس اني ما عندي
اقنع روحي اكولن شده وتعدي
تركني الماتركني مساهره الوحدي

يازمن     بدياري وغريبه
انترك   وهاي انه الحبيبه
انذكر     معقوله عله باله

$$$$$
رسالة شوك خطيت بدمعتي
تشرحلك يبو بنيتك غربتي
الوطن ميت تره وتجري دمعتي
وشبه خرسه صرت واسمك كلمتي

من رحت   ذبلت المدينه
ياهوه   ومجافي الحنينه
مبتعد    ونشك  بوصاله
$$$$$
سواد الدنيه صارت والله بعيوني
زغيره وشايله هجرك عله امتوني
يبويه الناس ما اهجع يخلوني
الرايح واليرد عنك يسألوني

وين ابوج      اتسبب عذابي
انهظم      والمدمع جوابي
وانكسر     لو كرر سؤاله
$$$$$$
اخاف من المسه وناتي مسموعه
يبويه الليل ما يرحمله مفجوعه
يظل بس الفكد ساهر عله دموعه
اليه الليل يابويه والك طوعه

الهجر      والفركه نصيبي
والغدر     مقسوم لحبيبي
والطعن    مايرحم جماله




حسين الخزعلي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة لحميدة بنت مسلم عليهم السلام

اقره بعــــــــيونك دمع حاچينيي يالولي
وحسره احسهه تنسمع حاچينــي يالولي
ياحميده اتنادي وين اسمع بصوت الحزين
حاچينيي يالولي حاچينيي يالولي
"""""""""""""""'"""""""
دمعة اعيونك حچتلي برجفة اشفافك خبر
محني ياعمي اشوفك حــــــسرتك اه وقهر
ادري بالوالد عــضيدك مـسلم احزام الظهر
لاتــــــظم اخباره عني گــــلي ياضي النظر

گلــبي ياعمي رجف هـــاك اسمع دگته
وچفك براسي هتف حاچتني مسحته
يعني فارگنه الحنين اسمع بصوت الحزين
حاچيني يالولي حاچيني يالولي
"""""""""""""""'"""""""
عمي صح مسلم ابوي وغالي اغلى من الهوى
بس يعمي انت امامي وتارس ادروبي ضوه
فدوه الك ياعمي رحنه انــه والـــوالد سوه
وگلبي المجروح اشده بشوفتك هيه الدوه

فدوه نشـّــــف دمعتك واسـيني بالصبر
وضمني ادفه بشبگتك ياأغلى من العمر
وطلّع الحزن الدفين اسمع بصوت الحزين
حاچيني يالولي حاچيني يالولي
"""""""""""""""'"""""""
عــــمي رباني ابوي اعله العقيدة الثابته
وفدوه گال احنه نروح دون اخوي وعيلته
بيك اشوفن وجه ابوي شما ردتهه شوفته
ومن اشم عطرك يغالي چني اشمن ريحته

ولو فگدته انه الحنان من عينك ارتشف
وعني لو غـاب الامان بحظينك اعتكف
انت حبل الله المتين اسمع بصوت الحزين
حاچيني يالولي حاچيني يالولي
"""""""""""""""'"""""""
الف هـــــنياله يعمي الطايح بحبك شهيد
انت نور الله بسمائه وانت قـرآنه المجيد
والدي انت عـــرفته بدنيته عايش زهيد
شلون چان ايگول امامي بكربله لو ظل وحيد

ليله ونـــهاره يـــــهم بيك وبطف كربله
يگول لو عندي زلم حزام وافديهم اله
فدوه لتراب الحسين اسمع بصوت الحزين
حاچينيي يالولي حاچينيي يالولي
"""""""""""""""'"""""""
موتت الوالد يعــــــمي خلت ابگلبي جرح
مو وكتهه ايموت هسه وباچر الناصر يشح
ريت كون الموت أأجله امره لو بيدي يصح
فدوه ردته بيوم ضيجك دون نحرك ينذبح

ريته باقي ال شدتك يفـــــديك ابمنحره
صعبه باچر وحــدتك شلون يابن حيدره
من تظل ابلا معين اسمع بصوت الحزين
حاچينيي يالولي حاچينيي يالولي
"""""""""""""""'"""""""



الشاعر سيد فليح الموسوي ✏📖


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


إذان الدمع كبر/ وهلال الحزن أشر
صلبو ميثم التمار/ بغضأ في علي الكرار
اذان الدمع كبر ____ إذان الدمع كبر
_______________

في حكم الطغاة ايصير جور وظلم واستعباد

وبعهد الخليفه الجان ذاك الوكت ابن زياد

يعدم ميثم التمار وانطه الامر للجلاد
راد يكذب بفعله حيدر سيد الامجاد
أيديه وبعد رجليه/ كصهن والخبر ينفيه

راد ايعاكس الابرار/ بغضا في علي الكرار
_______________
من هذا
الفعل اشكال مرت والزمن يشهد
من ال النبي جم روح لو سم لو ذبح تصعد
واعظم كل مثال ابهاي ذاك العالشط امدد
عباس الشهم ياحيف منه المجد يتمجد

صابو بالعمد راسه / ومنه أنكطعت انفاسه

طاحت رايه المختار/ بغضا في علي الكرار
_______________
فعل ما ينفعل هيهات مثل امصاب ابو الاكبر

دمه اعلى التراب ايفوح نايم بالشمس والحر

الف وتسعمية اصواب زائد كطعة المنحر

صدر حسين ابو اليمه بخيول العده اتكسر

نستقبل حزن عاشور/ كل هذا العمر منذور

لجلك نرخص الاعمار/ صلبو ميثم التمار
_______________
نعم هذا الامر محتوم لازم بالعزه نهتم

كلنه بساحه العزيات لجل حسين خل نلتم

نلبس للوقايه الباس صحي وبيه نتلثم

حافض عالمسافه ابين كل واحد من المأتم

رأي المرجعية ايكول/ حافض وافعل المعقول

حتى انكمل المشوار/ صلبو ميثم التمار

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



استعداد لشهر محرم الحرام
$$$$$$$$$$$$$$$$$$$$$$$$$
اتنطر إشهور /يلفيني عاشور
أوكف وأنادي المنذبح بالغاضريه
كل شده وتهون / بشر اليعزون
نتوكل أبالله وعلي والمرجعيه
لازم نعالج هالضرف / بحسين أبد ما نختلف
حد المنيه
________
ما نترك الما ينترك/ والدمه
عالحك منسفك / بيمن نوافيه
والداست اضلوعه العده/
حاير ينازع وحده /كلي اشنجازيه
أرخص حياته الشيعته /ضحه ابنينه وإخوته/وكل غالي منطيه
لو نذبح الأرواح اله/ منصير ذره بمقتله/ لا ما نساويه

ضل كلبي ملهوف/ يم وادي الطفوف/
معقوله ازورك من بعد والدمعه بالعين
هاي المحبين / ا بحبهم مجانين

متعوده توصل سيدي الشباج الحسين
متعوده بيرغها يرف/ بحسين ابد ما نختلف
حد المنيه
_______________
كلشي بحياتي ودنيتي/ ميهمني تسلب راحتي / بس لا حناني /

وانه ويه الحسين انشرح/ عشره الزاد اويه الملح/ ماصخ تراني

اتحزم بثوب الصبر/ واعليه يسهل كل امر/ واخدم عساني

لا عذر عندي أبمأتمه/ ابهاي الفجيعه المؤلمه/ عاشور اجاني

زنجيلي مشمور / خاطرنه مكسور
نتوسل ابحيدر علي حامي الحميه
هالغمه تنشال/لو جانت اجبال

بس عندك اصرار وعزم/ لابن الزجيه
بالشده حبك ينعرف/ بحسين ابد ما نختلف
حد المنيه
_______________
ابهذا الوباء المنتشر/لا تغفل وجدآ حذر/ والبس وقايه /

والباقي يم رب العله/ نقسم عليه بكربله وذيج الضحاية

ما نكدر انعوف اللطم/ خاف الزجيه تنهظم / لو ماكو رايه

شنتعذرلها ابيا حجي/ عاشور مر بلا بجي /يهل الولايه

ما نكدر انعوف/ اهات الطفوف
حتى لو نموت ونندفن حدر الوطيه
لو عفنه الحسين/ مثله يصح وين
ما نلكه واحد يشبهه / ابكل البريه
ما نلكه واحد ها لوصف /بحسين أبد ما نختلف
حد المنيه
_______________
نبته احنه وحسين الأرض/ والقصه وياه ما تفض / قصه عجيبه

ضحه بأخوته وكل هله / والله نطاه هالمنزله/سواه حبيبه

من يكدر ايعوف الهوه /والكل وباء أصبح دوه/ الايس طبيبه

صدره التكسر بالسحك/ سيف التعناه وشبك/ جثته الخضيبه

من طاح الحسين/ من جبده ثلثين
سهم المثلث طلعه/ ابذيج المسيه
صاحت رقيه/ هونك عليه
لا تذبح حسين انتظر امه الزجيه
بلكن تلحك عالنزف/ بحسين ابد ما نختلف حد المنيه
_______________
مسلم اله اولاد أصبحو/ يم الفرات اتذبحو/ أزغير عمرهم
ابن الرعيه اعلى النهر/ يذبحهم ايريد الفخر/ ياخذ اجرهم
طاهر ومطهر جالصبح/ يتزاودن على الذبح / يكطع نحرهم
أيثار صار اعلى الحتف/ واتقدمو جتف أبجتف / عندك خبرهم
صاحو يعباس/ ما تدري بالناس
ذبحونه مثلك عالنحر بس فرق الجفوف
هم عالشريعه/ صارت فجيعه/
بس ما اجانه اللي وصل / يمك
بالطفوف
يا عمي موقفنه كلف/ بحسين ابد ما نختلف حد المنيه
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة لاول يوم محرم…
استغاثه لسيد الشهداء من الوباء

دمعي الك سچاب
گلبي عليل انعاب
انت هوى الاحباب
انت هوى الاحباب
"""""""""""''"""""""
انا لجلك يمعبودي ..تره اوجودي
عزائي امره رباني
انا طلبتني الزهره ..الك أقره
واذوب بجمرة احزاني
اذا عل المجلس اتأخر ..انا الاخسر
احس بنقص ايماني
حزن عاشور انتظره
اواسي فاطمة الزهره
واذا ما الطم وابچي
صدري ينترس حسره
عمري بلا احزان
ضايع بلا عنوان
وانت صرت اوطان
چبدي يعمري ذاب
انت هوى الاحباب
"""""""""""""""""""""""""""""""""""""
شهر عاشور اذا گرب..اظل انحب
واعيشن حسرة امصابك
واحضر بدلتي السودة ..موجودة
بيهه ريحة اترابك
واسمعه چنه زنجيلي.. يناديلي
يگلي طلعوا اصحابك

الزمه ونمشي للموكب
نلتم للعزه ننصب
واذا نسمع نعي الناعي
نحس بالزهره اجت تندب
گلبي احسه ايذوب
هام بهوى المحبوب
دمعي يخط ادروب
عل الخد يظل سچاب
انت هوى الاحباب
"""""""""""""""""""""""""""""""""""""
تنادي اسمعهه مر بيه .. الحسينيه
تگول احبابي ماجوني
ولا واحد كسه المنبر .. واتحسر
يخادم ليش عافوني
وباء اشلون يمنعنه .. تره محنه
تبلغهم يواسوني

غريبه اتگول القرايه
حزينه وتبچي الرايه
شگلهه احسين سولفلي
صدگ مانمشي مشايه
وانخه يبو السجاد
انه على الميعاد
حزني عليك ازداد
وزاد المصاب امصاب
انت هوى الاحباب
"""""""""""""""""""""""""""""""""""
اريدن منك ابشاره ..هالزياره
اجي مشاي يم بابك
اجيك بحملي وذنوبي..يمحبوبي
واعلگهه على اعتابك
واذا مختلفه هالنيه ..تره البيه
تغفر زلة احبابك
بالف خطوتنه محسوبه
الزاير تنمحي اذنوبه
نمشي كل سنه وكل عام
ليك ونعلن التوبه ذخري تره الخطوات
بالشده والكلفات
بيهه ارتفع درجات
منك اريد اجواب
انت هوى الاحباب
"""""""""""""""""""""""""""''"'""""""''
حسين انت سفيتنه.. اللي لمتنه
وابد ماننسه معروفك
حرز مولاي شدينه.. بايادينه
بسم الباري وحروفك
تسير اشراعك المهدي.. الك يهدي
يزور اويانه ويطوفك
تره شماتنه اهوايه
ونريد انبدل الرايه
ينور الله والك برهان
احضر وانزل بايه
نرفعلك الچفين
وينك ينور العين
اسمك امان احسين
بلساني ذكره طاب
انت هوى الاحباب
""""""""""""""""""""""""""""""""


الشاعر سيد فليح الموسوي ✏📖



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


أنه الهيبت علي عندي الشمس ما شافت خيالي
لني بكربلة وحدي لا خيمه ولا وآلي
يبو فاضل يعباس
***************************
الكواكب يحچن بزينب النجوم اتاني طلعتها
الشمس يوميه تتأخر بلكي تشوف جيتها
هيچ مخدرة زينب من چانت ويخوتها
تالي الجاي والرايح كَام يسولف بحالي
يبو فاضل يعباس
***************************
طلعت وياك مهيوبه بيكم خوية فرحانه
انت الشايل الراية وابو السجاد ويانه
ويوم الرحتو بالعاشر كَلبي حركَته احزانه
لمن جن عليه الليل ضيم شكَد اجه ابالي
يبو فاضل يعباس
***************************
خوف شكد يمر بيه الدهر راح شيراويني
اذا باچر اضيعكم بعد ما شوفك بعيني
خافن توكَع چفوفك اخذ عباس چفيني
اموت ولا تروح انت ولا تتيسر اطفالي
يبو فاضل يعباس
***************************
عسنه لا يجي العاشر واشوف النار بخيمي
ارد السوط بمتوني اذا عباس مو يمي
اروحن فدوة لعيونك اخذ عمري واخذ دمي
ولا تهجم عليه الخيل هواية الموت اشوالي
يبو فاضل يعباس
***************************
احاچيمن اذا ضعني تيسر وامشي مچتوفه
شكَول لحيدر عليكم اذا مريت عالكوفة
اذا عنك يحاچيني كفيلچ وينه ما شوفه
اكله على النهر طايح وآنه الشمر يبرالي
يبو فاضل يعباس
***************************
على عيونك سلام الله يريت عيوني يعموهه
احشمن اذا بــــاچر يخوية الخيمه حركَوهه
انكَطع كون النفس بيه ولا چفك يكطعوهه
اويلي على الدهر ذبني ونزل راسي العالي
يبو فاضل يعباس
***************************
حيدر حسين الكرعاوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


المهدي وصانه بمراجعنه شكثر
الدين هوه المرجعية بكل عصر
*********************
هذا رأيي وما يضوجني الزعل
يختلف مذهبنه عن كل الملل
ليش متأثرين بأخلاق الدول
هذا حقدك لا يغثني ولا يضر
*********************
هيچ صار الي يقلد مو بشر
مُتَخلف عدكم واصلا كفر
حسين مرجع چان عباس الكَمر
قلده بالتضحيات وبالصبر
*********************
ما يهمني حچيك الماله وزن
هوه كل واحد بكَبرة يندفن
المهدي حافظ دين جده شچم قرن
برايته باچر المذهب ينتصر
*********************
افكار مشبوهه احتويتوهه بقصد
مو ثقافه عدكم الله ينعبد ؟
عالمراجع ما شبعتو من الحقد
انت اذا ما تحترمهم للكَبر
*********************
ملحدين هواي عدنه بلايه دين
تجاسرو حتى على رب العالمين
زمر مدري منين اجتنه يا حُسين
الينطي بالمذهب اشد من الشمر
*********************
ما اعوفن مذهبي لو انقتل
حسين ضحه لحوزته بنحر الطفل
وحركَو خيامه وبناته على الهزل
ليش وي زينب خذوهن لليسر
*********************
يالموالي دير بالك تنخدع
لا يحرفك ذاك لو ذوله الربع
لذولة اليطعنون ابد لا تستمع
مبينه للأعمه تره شمس الظهر
*********************
حيدر حسين الكرعاوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

هذا صَحنك ما يسد بيبانه
وين يا مسلم أبن مرجانـه
*********************
وينهم شو ماكو منعدهم خبر
جيشهم لو دمك الزاكي انتصر
ماتـو وبكَبورهم شبعو قهر
وهذا كَبرك للنجم بنيانه
*****************
يا سفير حسين كَبتك بالسمة
بيضت وجهك أمس عد فاطمة
الفَخر مولاي كَبرك علمة
شلون منك يقتبس عنوانه
******************
أنت ضحيت بوريدك يا شهيد
حتى ما تنصاع للضيم العبيد
قبل يوم الطف رفض بيعت يزيد
وشوف الله شلون رافع شانه
مات ضامي ورفض يمشي لكربلة
حتى ما يسمع بسبـــي العايلة
مسلم الله اختارلك هالمنزلــة
بيك أعَرف خالقك سبحانه
*******************
شلون يحضر كربلة وحركَ الخيم
شلون ينظر عالنهر راعي العلم
شلون يسمع لليسر تمشي الحرم
بيوم ابو اليمة أحتركَ صيوانه
*******************
عندك بنية تفت كَلب الصخر
يا كَلبها شكَد ألك ضامي أنتظر
تانتك بس ما رجع منك خبر
والله يومك ما نسينة أحزانه
*******************
وين عنها بيوم راحت للسبي
من الشمس مولاي محروكَه العبي
خوش وآفــو سيدي آل النبي
يوم بالطف سلبــو نسوانـــه
*******************
هذا لسه يسولف عليك الزمن
صرت للأجيال يا مسلم وطن
يالدفنت الموت نـورك مندفن
بكل وكت مولاي باقي ويانه
*******************
حيدر حسين الكرعاوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يا سلام الله على صحنك والمنارة
من اجيلك ما امل من الزيارة
آني ما شايف كَبر زيارته تسوه العمر
******************
أي يمسلم ما ابالغ الله شاهد
اغلى ما بالدنيا عندي هالمراقد
عارف بحقك اجيلك كَلبي بارد
الله خلاني بمحبتك اغنى واحد
من محبتكم صرت من الأوادم
ألكم ال الله يوفقه يصير خادم
كَبرك اشايل عطر زيارته تسوه العمر
******************
هيچ شائت قدرته جل جلاله
القصر مالتهم هوى وكَبرك تعاله
خسف بيهم وانتهى دور الظلاله
وهذا صحنك سيدي ماكو بجماله
الشمس ميته عليها شلون كَبه
المايعرفك من يجي حسباله كعبه
اطوفها الناس شكثر زيارته تسوه العمر
******************
نستشف من سيرتك معنى الشهامهَ
يعني ما ترضه نعيش بلا كرامهَ
متت لاچن ظل الك تاج الزعامهَ
يا مقام بهالأرض يوصل مقامهَ
شمرو من اعلى القصر للكَاع جسمه
والله كَلهم اله اخلي يصير قمه
حكَنه لمن نفتخر زيارته تسوه العمر
******************
جيوش همه اواحد انت بلاية ناصر
فرت وصاحت مدد ذيچ العساكر
الحچي بيش يفيد اذا ميته الضمائر
لسه يا مولاي تخدعنه المظاهر
لسه هذا الوطن ما شاف السيادة
تريد كلها تصير يا مولاي قادة
منينه مثلك ذخر زيارته تسوه العمر
******************
ذولة ما راعو ولا حفظ امانة
تعودو من السقيفه على الخيانة
منهم شچم طاغي يا مسلم اجانهَ
شرف ما عندة ولا يعرف ديانة
والبعض من عدنه شبعنه مآسي
أنتخبناهم وماتو عالكراسي
يم ضريحك نعتذر زيارته تسوه العمر
******************
الكوفة الله اختارهه وسواله كَبه
يعني مو بس احنه حتى الله يحبه
الدعاء بحضرتك محد يحجبه
مو بعيد الزاركم مغفور ذنبه
بالقيامة انخاك بحسين وعضيدة
هناك امشي عليك يا مسلم حميدة
يوم تحضر بالحشر زيارته تسوه العمر
******************
حيدر حسين الكرعاوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


صحنك يا مسلم لو جنه

لسه الكوفه تسولف عنه

****************

لسا تذكر من هد بيها

من ذب اولها بتاليها

ما تندل كَامت رجليها

چان يقاتلهم يتمنه

****************  

تترادم كَامت من سيفه

هيچ يجازي الخان بظيفه

كَام يلف الحومه بكيفه

يوم اغتاض وشردت منه

****************

لمن يغضب ما يتحاچه

جيمان وكَامت تتباچه

من تدخل تلزم شباچه

ودك ما تطلع من صحنه

*************

طب بها وشبعهم ذله

مروتك مسلم كافي تكَله

حتى اليختل هم يندله

رغم سهام شكَد صابنه

****************

ثائر يشبه حيدر عمه

سوه الكوفه عليهم نقمه

يطش الجيش يرد يلمه

ما رايد روحه اليدنه

****************

التاريخ يسولف بفعاله

من فرت منه الخياله  

الزارك يا مسلم هنياله

ما يرجع وده التعنه

****************

يا من كل الدنيا تهابك

يا لوعة بنتك بغياك

يا مسلم ما ننسه مصابك

وعن حبك محد يشغلنه

****************

هيج الله انطاك وتستاهل

يالماكو بتاريخك حافل

كَلبك حب لحسين اشايل

وحسين شچم عاشكَ جنه

****************

حيدر حسين الكرعاوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


حميدة الله يعينچ من مشه الوالي
البنت منيلها مثل الأبو غالي
******************
حكَچ لو لطمتي ويبسن عيونچ
يتيمت مسلم الوادم يسمونچ
أسئلچ بالسبي هم ضربو امتونچ
صدى نوحچ اجالي ومدري شوحالي
******************
حميدة الله يساعد كلبچ وصبره
من كَالولچ الغالي انطع نحره
بذاك اليوم كَلبچ شاغ چم مره
الچانت روح ابوها تنهضم تالي
******************
احس بحسرتچ كلساعه مختنكَه
أنه زغيره يبويه ومو وكت فركَه
تعال ارحمني بوية بشمه لو شبكَه
بلكن من احضنك تلفي آجالي
******************
المثلي كون ابوها بكل وكت عدها
يشم چفوفها ويبَوس بخدها
موش يموت عنها وتبقه وحدها
بس وحشه مكانك بوية تبرالي
******************
يبوية الليل كله مـــا انامنه
شينيمها الوراك معاشره الونه
شوف عيوني انته شلون اعوفنه
اجاك الموت ليش واني ما جالي
******************
يالطول النهار عيونك عليه
وين تروح بعدك هاي البنيه
كلشي مات ما غير النفس بيه
شكَد عيون زينب يبچن لحالي
******************
راح اطول بعدك حسرتي ونوحي
ما متعوده بوية على الهضم روحي
كل مغرب يغالي يهيچ جروحي
استرجع صورنه العايشه ابالي
******************
حيدر حسين الكرعاوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



قصيدة مسلم ياغريب

باجر مسلم ايروح
تجيني كومه اجروح
لا طارش لفاني
ابن عمي فداني
باجر مسلم ايروح

مسلم لو رحت بيدك سؤالي
كل هاي الصحف عذري بقالي
يخويه بسفرتك سود الليالي
اشوف بعيني شو محد حجالي

كتبولي الرسايل ...الالاف المسائل
غيرهم زماني
ابن عمي فداني
*
يمسلم سفرتك طالت علينه
اضنك من رحت لا ماتجينه
اوصيك الصبر تاخذ حجينه
وداعك ياكلف تشبه علينه

مهجوره المنازل ...مسروجه الرواحل
انطيهم اماني
ابن عمي فداني

خويه لو تصل شوفنه الاخبار
شوف اهل العراق شبيهم اشصار
اوصيك بوصيتي اجمع انصار
تراها الدنيه حلوه بعين الاشرار

اريدن عهد منهم ... يبدلون ابطبعهم
ارسلهن واتاني
ابن عمي فداني
**

يخويه بهل المدن اسئل اهلهه
بالكوفه صفت ربك يحلهه
مو عمك حكم حصل اجلهه
تالي بالغدر ملجم وصلهه

هذوله كل ربعهم ..احذر خويه منهم
تعبني ورماني
ابن عمي فداني
****
يطوعه من دخل مسلم دحييهه
اجت هاي العساكر خانت لبيهه
يحسين وسفيرك وسفه تاليهه
من فوك القصر ينشمر عاليهه


يطوعه من تضميه... ابنج لاتخبريه
وحيد وما اجاني
ابن عمي فداني
****
يمسلم من تشوف أهل المصاير
ابيت اعداك تتسلب حراير
تموت هناك متحاصر تصابر
شهيد اتروح ماعدهم ضماير

اشوفه ماسمعهم ..بقلبه ماعذرهم
هاجرني وسلاني
ابن عمي فداني
****
✍ جبار عبد الزهرة الشويلي


للاستفسار عن القصائد هذا معرف خادمكم


الشاعر جبار عبد الزهرة الشويلي
الدماء تنتصر.... والسيوف تنكسر

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


الله لا شك عنده غايات       من خلق سبعة سموات

راد دنيا بكبر كَلبك        يا فضاء يشيل حبك

***************  

بالرواية شما خلق الله تعاله

الكون والأفلاك للهادي وَآله

هاي ما تصعب علي جل جلاله

لمن يوهبهم ثمن عبأ الرسالة

يا محمد كَال لولاك      چان ما شيدت الأفلاك

شهالكرامة انطاك ربك      يا فضاء يشيل حبك

***************

لمن احچي كَالو عليه مغالي

وآنه يحسين لحچيهم ما ابالي  

مطمئن بيك شكثرعند الله غالي

لهذا بس انت ضريحك صارعالي

وجدم زينب صار محراب    ماوكَع چي منها الحجاب

يالسبيها شكَد يعذبك       يا فضاء يشيل حبك

***************

أبو الأكبر خامس انوار الأمامهَ

الله خص حسين يعني بهالكرامهَ

هاي مشكلتك اذا تجهل مقامهَ

الباع دينه شتعتقد نسمع كلامهَ

الله رايد كربله تصير       كعبه بيها العالم يحير

شمس ما واحد يحجبك       يا فضاء يشيل حبك

***************

الله يدري حسين باچر ينطي عمره  

يموت ضامي وتسحكَ الخيل على صدرهَ

والسهم فوكَ العطش كَلبه يفطرهَ

ولذالك الله هيچ أنطــاه حضرهَ  

سبعة لوموسبعة سبعين      ما يعزها الله على الحسين

اذن الله شكَد يحبك       يا فضاء يشيل حبك

***************  

صعبه عد الله مشت زينب سبية  

فدوة عنده تروح هالدنيا لرقية

راد يلقي الحجه بأرض الغاضرية

حتى كل الكون يلعن آل امية

هم مثلهم تلكَي بالناس      أنطه بس لحسين عباس

طيحتهَ يدري تشَيبَك        يا فضاء يشيل حبك

***************  

حسين لو ما ينذبح ما صله واحد

همه رادو ما يظل بالدنيا عابد

هيچ الله اختار ابو السجاد قائد

وانطه لهل البيت كل هاي المراقد

يالتجادل ليش وشلون      بكيفه يوهب خالق الكون

افلح الما عاف دربك      يا فضاء يشيل حبك

***************  

حيدر حسين الكرعاوي       

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


المهدي وصانه بمراجعنه شكثر
الدين هوه المرجعية بكل عصر
*********************
هذا رأيي وما يضوجني الزعل
يختلف مذهبنه عن كل الملل
ليش متأثرين بأخلاق الدول
هذا حقدك لا يغثني ولا يضر
*********************
هيچ صار الي يقلد مو بشر
مُتَخلف عدكم واصلا كفر
حسين مرجع چان عباس الكَمر
قلده بالتضحيات وبالصبر
*********************
ما يهمني حچيك الماله وزن
هوه كل واحد بكَبرة يندفن
المهدي حافظ دين جده شچم قرن
برايته باچر المذهب ينتصر
*********************
افكار مشبوهه احتويتوهه بقصد
مو ثقافه عدكم الله ينعبد ؟
عالمراجع ما شبعتو من الحقد
انت اذا ما تحترمهم للكَبر
*********************
ملحدين هواي عدنه بلايه دين
تجاسرو حتى على رب العالمين
زمر مدري منين اجتنه يا حُسين
الينطي بالمذهب اشد من الشمر
*********************
ما اعوفن مذهبي لو انقتل
حسين ضحه لحوزته بنحر الطفل
وحركَو خيامه وبناته على الهزل
ليش وي زينب خذوهن لليسر
*********************
يالموالي دير بالك تنخدع
لا يحرفك ذاك لو ذوله الربع
لذولة اليطعنون ابد لا تستمع
مبينه للأعمه تره شمس الظهر
*********************
حيدر حسين الكرعاوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

هذا صَحنك ما يسد بيبانه
وين يا مسلم أبن مرجانـه
*********************
وينهم شو ماكو منعدهم خبر
جيشهم لو دمك الزاكي انتصر
ماتـو وبكَبورهم شبعو قهر
وهذا كَبرك للنجم بنيانه
*****************
يا سفير حسين كَبتك بالسمة
بيضت وجهك أمس عد فاطمة
الفَخر مولاي كَبرك علمة
شلون منك يقتبس عنوانه
******************
أنت ضحيت بوريدك يا شهيد
حتى ما تنصاع للضيم العبيد
قبل يوم الطف رفض بيعت يزيد
وشوف الله شلون رافع شانه
مات ضامي ورفض يمشي لكربلة
حتى ما يسمع بسبـــي العايلة
مسلم الله اختارلك هالمنزلــة
بيك أعَرف خالقك سبحانه
*******************
شلون يحضر كربلة وحركَ الخيم
شلون ينظر عالنهر راعي العلم
شلون يسمع لليسر تمشي الحرم
بيوم ابو اليمة أحتركَ صيوانه
*******************
عندك بنية تفت كَلب الصخر
يا كَلبها شكَد ألك ضامي أنتظر
تانتك بس ما رجع منك خبر
والله يومك ما نسينة أحزانه
*******************
وين عنها بيوم راحت للسبي
من الشمس مولاي محروكَه العبي
خوش وآفــو سيدي آل النبي
يوم بالطف سلبــو نسوانـــه
*******************
هذا لسه يسولف عليك الزمن
صرت للأجيال يا مسلم وطن
يالدفنت الموت نـورك مندفن
بكل وكت مولاي باقي ويانه
*******************
حيدر حسين الكرعاوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA