#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


دخان بالحومة صعد... وهتزت اركان السمه.
عباس للشاطي دخل... حي الله ابنج فاطمه.
خيال والمهرة انجفت... كاسر خصرهه ابدورته
كبت عجاج ابدخلته.. .. حته مهرته املثمه.
يخيال... هيبتك معروفه...
يرجال... والزلام اطوفه...
قرأين... رتلن بحروفك...
يعيال.... ما يعرف الخوفه....
دخيلك يا نجل ام البنين...
..............................................
يعكال ابوك وهيبته..... يعمامت حسين البخت
يامن يكول ابخطبته....اشباه الرجال اطولت
انا ابنو قتال العـرب.... عباس دخن وانتهض
احسبلي جم رفت علم... وحسبهه يحسين انتهت
لهب نار..... تطلع امن عيونه
شنو الصار... الطف تغير لونه
والاصوات... معذرة وسامحنه
صطر حار.... والشرد خيعونه
دخيلك يا نجل ام البنين...
..............................................
يابدر يمشي اعله الارض... من نورك تخاف الزلم
خاجيتك امنشفه النهر.... وعمامتك تنكط حمم
رجليك لا مو اي جبل.... امثبته كاع الله ترة
حياك يا الزلمة الثجيل... عباس سلطان الخيم
يعباس.... طكتك مشهودة
للرجاس.. رحمتك مسدودة
اليلاكيك... هذا بايع روحه
يفراس.... يبو الصطرة السودة
دخيلك يا نجل ام البنين...
..............................................
طبهه ونكتهه من الزلم... بالساحة ضل بس الكمر
يالنشفت ريج الحرب.... وخليته يركض عالنهر
يا جيش ابليس انتهت... معناهه اقرو الفاتحة
الحصله خزرة من الفحل... يشرد مسافه وانتحر
يالثكيل... مــاتهــزك ريحهــم
يبوالحيل... رعب من اتصيحهم
تعالووو... طلعو مابيكم زلم
مجاتيل.... سجلــو ابتاريخهم.
دخيلك يا نجل ام البنين...
..............................................
انته يـرجـال الثگـــال.... ازغير الطف موش الك
بگد صمت ايدك كربله.... بالكوة طبت يمنـتـك
عز الضهر سويته ليل.... الدنيا سودة بعينهم
بلعكس لعيون الحسين.... خليته يفتر الفلك
براگين... طكت امن حرورتك
ميادين... تنرسم من صورتك
يبو الحار.... ماتحب البارد
بالحسين... تبدي انته بصولتك
دخيلك يا نجل ام البنين...
..............................................
( يا زهراء )
✍️عباس أديب المالكي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

شجاعة مولاي مسلم (ع)
..........
لـذاتك تلوك ألامـامـه ٠٠ مسلـم يرب الشهامه
من عمه حيدر صفاته ٠٠ مهيوبة بسمه عمامه
( مــســلـم)

ياغيرة وزود وعنوانه المراجل
يا منبع حبنه ويا اجمل مراسل
ياهو مثلك يحمل الحر والمشي بصحرة
يم قافلت العشك تركعله القوافل

بالحب كتب..... هالتضحيه وحفظتهه انواع البشر
داء المحـب..... برحلة معانات العشك يحله السهر
اعله الرتـب..... رتبت لواء الحب وخاتمهه الكمر
ــــــــــــــــــــ ــــــــــــــــــــ ــــــــــــــــــــ
يشبه علي بكل صفاته ٠٠٠ بس الله يدريهه ذاته
المتربي ويه ابو فاضل ٠٠٠ گلـي شيفسـر حياته
(مسلم)

لحد أخر لحضه بيك انه ابقى هايم.
يــاسيـد واهـلـك شيوخ الهـواشـم.
انته استاذ العبيد بخدمة حسينك.
يالتدافع عنه شما تبقى انته سالم.

حس بخطر..... من اهل الغدر حس اعله ابن عمه بخطر
تناثر جمر...... مـســلـم صـبـح بـركـان وتـنـاثـر جمر
صارن حمر...... امن الدم اراضي الكوفة خلاهن حمر
ــــــــــــــــــــ ــــــــــــــــــــ ــــــــــــــــــــ
ابو حميـدة غـرامي ٠٠٠ ليك انه ابعث سلامي
دربك بدة بلا نهاية ٠٠٠ واتنومس انته امامي.
(مسلم)

الحومة البيهه انته تترسهه نوايب
يا اشجع فارس يمصفن الكتايب
تغيم الدنيه بحضورة جنه ابوفاضل
عالكوفة الدنيه تمطر بالمصايب

للكوفة طب..... زلــزل مــوازيــن الحــرب لله أســد
يجدح غضب.... زلـمــة وأبـن زلـمــة يسمـونه الشـرد
يا لل عجب..... شما يعمه سيفة عيونه تصبح مستحد
ــــــــــــــــــــ ــــــــــــــــــــ ــــــــــــــــــــ
بجفـه العظيـم التحيـر ٠٠٠ صطـراتـك الـرعـدُ الاكبـر
بديرة غرب مثله ماصح ٠٠٠ اعله الشوارب الزلمة يعبر
(مسلم)

يـاصور اسرافيل الما يخطي موته
وحدة وبالكوفة يـاحـيد اليفـوته
الخوف يكتل والزلم طاحت على جدامه
انـكـم اموات بسيفي هـذا صوته

مسلم أمير..... ويشهدلة تاريخ شعمل وشما عمل.
لا مو اسير..... مــا اقتنع يســرو ابن خيـر العمل.
خلهه تحير...... حيطان سوة امن الجثث ماضل عدل
ــــــــــــــــــــ ــــــــــــــــــــ ــــــــــــــــــــ
البالكوفة المخلي علة ٠٠٠ عـالـي المعـالـي نكلة
شما يعله قصر الامارة ٠٠٠ كبرك صبح فوكة اعلة
(مسلم)

الماشايف حيدر شافك يامثلهه
بحيطان الكوفة يمعلك اهلهه
الكوفة يكتلهه الرعب واليل متنانه
خل تموت ابأيدك والله احسللهه

حيهم يحيد..... يالطابك الارض وسمه اكلبت الفلك
وانته وحيد..... تشمر بالرواح او فلا يلحكك ملك
صاح العديد.... بطل ذبحنه وهاي كلهه الكوفة الك
ــــــــــــــــــــ ــــــــــــــــــــ ــــــــــــــــــــ
عباس أديب المالكي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يا ام الوفه ويا نسمــة بالــرية..
علوية انتي ياهو الكال بدويــة..
يالمضحيه كواكب للشمس فدوة..
ياقوتت علـــي ولحسين دريـــة..

خدم خلفتي مو خوان** اربع للولي ايخدمون..
من اتمر طواري حسين** كلهم خجل ويدنكون..
لو مر طاري زينب ذول** من المستحى يبجون..

ام البنين....
انتي كعبة للعشك والمرجله..
ام البنين....
انتي خلفتي اسود الكربله..
ام البنين....
كاتبة حجاية على عيون الكفيل..
ام البنين....
بشاربك زينب عزيزة  امدلله..
ــــــــــــــــــــ ــــــــــــــــــــ ــــــــــــــــــــ
يـا ديرة مـحنة بگلبـج شگــدهه
شنهي ارثيج وانتي الحيدرة الكلهه
يآل بس شيلتج تنكط وفه واخلاص
جا هية شعضمهه الكمر من عدهه

يافضة ونجبتي احجار**عقيق زمرد ومرجان
ياقوتت علي العباس** طلع من عندة صيت اخوان
يا الماعدنة غيرج دوم**اليتنخاج صار انسان

ام البنين....
انتي كعبة وطافج انواع البشر
ام البنين....
انتي هيبـة وانتي للعفه بحــر
ام البنين....
غالية وعندة الله كلش عالية
ام البنين....
انتي ابنج ذاك صكار النهر
ــــــــــــــــــــ ــــــــــــــــــــ ــــــــــــــــــــ
ياگلشي انتي فوك الگلشي هم بهواي
يا ام العطــاء الما ترد اي جــاي
تنطين العزم من عندج الخدام
للعطشان بالمجلس تصير الماي

سبحان الذي سواج وانطاج الكرم گلــه
دخيل جفوف ام عباس جفج دوة لكل علة
مــدرسة الخدم لحسين يأول خادمة ال أهله

ام البنين....
كفو من ام عباس كلش والنعم
ام البنين....
شرد اوصفج وانتي خلفتي زلم
ام البنين.....
من حجابج الشرف طالعله صيت.
ام البنين....
والشرف ينكط امن عروك الشهم.
ــــــــــــــــــــ ــــــــــــــــــــ ــــــــــــــــــــ
دخيل الي عشكهه علي وحباهه
مـــن بعد الــزجية ام بيته سـواهه
مـنـو المثلج حسين يصيحلج يمه
والله بكثــر حبهه هــواي علاهه

يا رب التواضع دوم گبرتي وبعدج اتخدمين
دمعة بكل عزاء تصير** نهر مو دمعة تجري العين
انته حجايتج ديوان **شرف من اخدم ابني حسين

ام البنين....
انه خدامة حسين شما صرت
ام البنين....
من خدمت الغالي انه اترفعت
ام البنين....
حسين ربيته وكلــه سيدي
ام البنين....
واشكر الله هواي لو ليه التفت
ــــــــــــــــــــ ــــــــــــــــــــ ــــــــــــــــــــ
(يا زهراء)
✍️عباس أديب المالكي.

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


حلم مولاتي ام البنين صلوات ربي وسلامه عليها
٠٠٠٠٠٠٠٠٠
حلمانه فزيت كعدت ورجفت ايديه
جن طايح حسين وهوة بعازة اميه
يجيب الخبر ياطير ٠٠٠ الحسين ماهو بخير
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هستوهه غمضت عيني فزيت شفت أبشع حلم
جن مـاكو عباسـي وحسين انتجه بطرف الخيم

      ( ويدير راسه ٠٠٠ وضاكت انفاسه)

وصاح صوت ام عون خوية ماي ماضل بلخيم
بـعـد مــابيه اعله طــولي اوكف الحيل انهــدم
العطش خذ دورة بحياتي ويبس اورود العمر
الضهــر شــد حيله عليه والعطش مــابي رحم

شما أكصد اعليه ارويه يثكلن اجدامي
كابوس الاحلام يجرني ويخنك ايامي
للحلم هالتفسير ٠٠٠ الحسين ماهو بخير
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عشـك أم البنين والحسين عشـك مـا ينوصف
وين انطي وجهي خاف لو صار الحلم ويذبحه طف

       ( ماريد روحي ٠٠٠ يكتلني نوحي)

كلب الأم مايهدة اذا حس ضناهه بي خطر
جنه يكلي كلبي رد للخيمة بس خالي المهر
يا ريت لا اسلم ولا اهدة لون صار الحلم
اي بعد ابو السجاد كلي بعد ما يسوة العمر

كلب ام البنين شيصبرة وينسه كابوسة
مختنكه روحي بصدري انفاسي محبوسة
ياريت لا متصير ٠٠٠ الحسين ماهو بخير
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لا يهنــه عيشي عكب الحسين وبسماته الي
وين الله وخيول ال اميه ما تطئ ضنوة علي

     (حلمك يليلي ٠٠٠سلبني حيلي)

خاف انام ويرجع الكابوس ويكلي شجرة
انه ارد احاول انسه طيفي وما اريد اتصورة
لن سلهمت عيني لحضه وشفت منضر فقط
شفت العين يدوس صدرة ويحز ابمنحرة

مــرعــوبـة فــزيت وكولـن هــاي تــاليهه
يا قل اعوذ امن الذبح كمت انه ارد بيهه
بعيالة اشوفه يحير ٠٠٠ الحسين ماهو بخير
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جذبت كلشي ومر عليه ايام والكلب اطمئن
بس بيه شي ما جذبيته يزيد كل يوم الحزن

    ( وضليت اتاني ٠٠٠ وينزف حناني)

مرت ايام اعله طيفي وكمت انه اشريه الخبر
كــاعـدة بالـدرب وسـئل والكلب شابع قهر
هـذا سؤالي واليجـاوبني انطي شما يـريد
أتــأكـدولي يـا اهلنـه حسيـن منــا مــا عبر

ماشفتــو الحسين اجـه ويا ابــوفاضل
يهل المدينه فدوة رحمو كلب سائل
والعين تبقى ادير ٠٠٠ الحسين ماهو بخير
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هل صوت بشر ابن حذلم ترس طول الدرب.
يهل المدينه يصيح وانه ارتجف عندي الكلب

   ( ويعيد بثنين ٠٠٠ مذبوح الحسين)

صدكت حلمي وطحت عالكاع وانه بيدي طفل
الحسين راح وكلشي هم راح بعد المن اضل
وصاح بشر اعيال الحسين اجت بيا وضع
كلهم سبايه وضاله اثار بديهم والحبل

ولزينب امشيت وكلهه شصاير بحالج
وين الخدر ذاك وين الصار كفـالــج
البلطف تضل شتصير ٠٠٠ الحسين ماهو بخير
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
عباس أديب المالكي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

هواي مشكورة ييمة لان خلفتيني
كلتي خادم صير يبني وحيل كبرتيني
___
انه اشكر امي جي جابتني
اگماطي بيدي وللطم ودتني
مو بكاروك الخشب خلتني
ابمگعد المنبر اجت حطتني

يوم يوم اعله الحسين بأسمة علمتيني
كلتي خادم صير يبني وحيل كبرتيني
_____
عمداً اتضيعني چانت هية
وتركض بهيمة وتدورْ اعلية
وترجع ورجليها شو مچوية
ثاري سوّت حيرت العلوية

لان ما طكاني حافر يوم ضيعتيني
كلتي خادم صير يبني وحيل كبرتيني
__
كلتي بالطف لان ما متعور
يعني ماتسوة ظفر للخنصر
جبتي ثوبي الاسود وكمت اذكر
كلتي ثوب الخدمة يبني ايشور

على الوادم يمة آنه اهواي شيّمتيني
كلتي خادم صير يبني وحيل كبرتيني
_____
شلون دمعاتي نذر ما طايحة
و ابو صالح عده دمعة وفاتحة
حكي لليوم الفرح ما لامحة
غير ربتني الاجفوف المالحة

مو لبن دمعة مجالس يمة رضعتيني
كلتي خادم صير يبني وحيل كبرتيني
____
اذكر ازغير ابدرس چنت اكتب
لا تعوف حسين كلتي وحسّب
بربعينه تصير حيل امعزّب
وبطرف خاچيته ظل امچلب

لخدمة السادة ييمة انتي عودتيني
كلتي خادم صير يبني وحيل كبرتيني
___
اذكر تكليلي وايدچ راجفة
المن مخليها عينك ناشفة
وبت علي طبت ابنص الطايفة
اله تعمة اعيونك امك حالفة

بخت عدي وخوش زلمة انتي سويتيني
كلتي خادم صير يبني وحيل كبرتيني
_____
علي هادي الخزعلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


شور

صلى الله عليك ياحسين
صلى الله عليك ياحسين
===========
يابو جروحي
إگعد رجع هيبة الخيمة
يلچم خدري امناحر الهيمة
إشگد لجمة جرحك الغيمة

لافي ولا ماي الغيمة صفت
يم عيونك گلبي شمعة وطفت
شگد صلبه وما ابچي ويمك بچيت
من شفت ارماح الطف بيك اوگفت

صلى الله عليك ياحسين
صلى الله عليك ياحسين
============
وين اضلوعك
فارغ صدرك چي يسحگونة
المثلك كلشي ولا يذبحونة
ينلم نحرك مو يگطعونة

يگصر شوف اعيونه الضيع سند
يحلم واحد عگبة عنه نشد
يضعف شكل الفاگد يشبه شكل
خيمة وطايح منها حبل الوتد

صلى الله عليك ياحسين
صلئ الله عليك ياحسين
===============
گوم لزينب
گوم امشينه خل اتچيلك
يالمالاگي واحد ايشيلك
وخر النبلة البيدت حيلك

گوم حسين استفحل جيش العده
بأشلائك گاع الطفّ امسدده
شنهو اتموت ابهيمة يابو الدفو
الصيف يموّت دومة صيت النده

صلى الله عليك ياحسين
صلى الله عليك ياحسين
==============
دم وشيبة
صاير كلش بالذبح شايب
ميلة ظهرك عالنهر حاسب
منها وظَلّك مايل الحاجب

مختاضة اتعوفوني ابنص الرعب
عندي ايتام اهوايه وعندي گلب
يالميتين ابسيف وانه ابحبل
حرب الشام وخدري اخطر حرب

صلى الله عليك ياحسن
صلى الله عليك ياحسين
================
توني اجيتك
امن لّم توني فرغّت روحي
المغرب خوية نادس جروحي
اوضعتِ ابّينِ الظّلي والروحي

دخان اخيام الله ابهدم الشرف
العارفنه ايسب بينه والما عرف
تايه ويه ايتامك گلبي يتيم
گلبي الأخر جيْتي ابذبحك وگف

صلى الله عليك ياحسين
صلى الله عليك ياحسين
============
ياخوية النوگ
بس شوفتها تعبّت حيلي
شلون اركبها بله تحچيلي
روح لربك غادي وادعيلي

باچر سوگ الشام ايشوف الخدر
باچر روس السادة ايكظها الشمر
يفتر بيها اگبالي وانه انچفي
كل ما يگلب بيهن فوگ وحدر

صلى الله عليك ياحسين
صلى الله عليك ياحسين
===============
علي هادي الخزعلي

اليريد لحن القصيدة يراسلني خاص

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ليلة العاشر

اخر ليلة هاية
يم جود السقاية
موت وفگد روّاي .. باچر
واخذ جبيلي الماي .. باچر
============
الليلة تيبس مستحة اعيون النده
الليلة يتحزم طفلنة اعله الفده
عبد هاي الليلة ايدة مسدده
امن العطش گطّع اگماطه بساعده
للذبح باچر زلمنه امواعده
ارواح باچر عالنحور امركده

كلشي البيها متعوب
ليلة گطع الگلوب
ايصير العطش شراي .. باچر
واخذ جبيلي الماي .. باچر
================
ظلمة واگعدنة حدر في الشمل
ولخواتي سولفت كل اليحل
باچر المغرب تره انضيعْ الشكل
باچر ايطشرنه ويلمنه الحبل
زلمة اخيمنه وره ما ينكتل
إلدلال اتّعبه عثرات الهزل

يوم اتخنگة شوغة
يفرهد اغله صوغة
يعكس عكس وياي… باچر
واخذ جبيلي الماي .. باچر
===============
الليلة يخفگ بالبچي اقماش الخيم
الليلة باهت واهسه ومچفي العلم
جاي باچرنه وگلب گلبي علم
باچر اليعطش تره يشرب سهم
ذبح هاي الروس من هسه انرسم
موت هاي الزلم همين انحسم


باچر موت شامل
ودم صاعد ونازل
واحمل ثگل دنياي .. باچر
واخد جبيلي الماي .. باچر
=================
روحي من هسه بتعبها امدوهنه
باچر ايخضر تعب مالت سنه
باچر اتظلّم اوجوه السلطنه
ويبقى يلصف بس اصلنه ومعدنه
اسيوف متحظرة وعلينه امراهنه
اسهام محدودة ورماح امسننه

بصدور الاكابر
مطر ركض الحوافر
كتلت وعد سقّاي .. باچر
واخذ جبيلي الماي .. باچر
==============
امناحر الدنيا اويه گلبي امن الصبه
من زِمان، اليوم يومي امدولبه
باچر امحظر اوكاته المرعبه
باچر الكفّال تنسب زينبه
وشكو علويه تصير امسلبه
امن الادوارة الطف ركضنة ايتعبّه

لخواتي والسباية
اخيّم بالعباية
اسگف عباتي افياي .. باچر
واخذ جبيلي الماي .. باچر
================
باچر ايضيعنه وايلمنة النهار
وانه ادية اثنين واهواي الزغار
اتخوزر اعله الخيمگة اعيون الشرار
باچر الدخان يخنگ بالخضار
وعالرمح لون الضوة ايجيسه السمار
وين ما نلتفت باچر نلگة نار

باچر خيمة مامش
نعمة اليبقى عايش
والمو عرف حدّاي .. باچر
واخذ جبيلي الماي .. باچر
==============
علي هادي الخزعلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

شور ليلة السابع

سلطان وگمر ... والبيرغ سمه
گاظي بريشته ... اشرس ملحمه
ابيوم الگنطرة ... صايح يا علي
وبطف كربلة … ادخيلچ فاطمه

فرّاس .. بزر حيدرة
عباس ..خلس گنطرة
لعسكر ..امية اجه
مشاه .. مشي المسطرة

بيا علي طباهم .. بس ردم خلاهم
صنم مايتحركون .. عالنهر سواهم

يا ابالفضل ياسيدي
يا باالفضل ياسيدي
===============
من غيم الحروب .. شارب موهبه
صگارة اسود .. رفة شاربه
غثوا رايته .. وچنهم ما دروا
زينب والخيم .. دينه ومذهبه

والماي .. نُقَص ما نقص
عندة .. غيوم الگصص
چانت .. فرصهم شرِد
ماكو .. بعد اي فرص

الزلم كلها بعيدة .... وظل يهز بأيدة
الاسد يظبطها ويفوت .. حركات الصيدة

ياابا الفضل ياسيدي
يا ابا الفضل ياسيدي
================
تمثال الشيّم .. بعيونه انّصب
فلاح وصعد .. لرگاب الرطب
بالمذبح يصير .. (اسبعهم) صفر
المنجل بالحصاد .. تاج اعله الگصب

عطشان..وعطشهم طغَة
ويشوف…زلم فارغَة
توكف .. إلكل اصطفاف
لو شال .. طرف بيرغة

طينة الصلصالة .. الزلم لَينة اگبالة
للنجف نص الجيوش ... ركضاها اصلالة

يا ابالفضل ياسيدي
يا ابا الفضل ياسيدي
=============
صاحتلة السيوف .. يا اترف شرس
امن السابع تره .. خالسهم خلس
يمشرد السباع .. حي الله الكلف
حدرك موتّوا .. يا اصعب سلس

ياحيد .. يلون الغضب
يانار .. فتت ع الحطب
جواك .. نزل چم سبع
عالخيل .. بقت بس رگب

بالدرب كل شارد .... يلگة منك واحد
زلمة حار وابن ابوك .. ما تطگة البارد

يا ابا الفضل ياسيدي
يا ابا الفضل ياسيدي
===============
صولاتك صوّر .. لا ما ينسّن
يمذّهب هلا .. يربات الحسن
عباس الخيام ... كوكب بس جديد
وخوذه النجمه ذيچ .. واهلالك رسن

شجعان ... دخيلك نخت
عباس .... يغيمة بخت
چفك .... ثلث من علي
بيها … السمة اتحركّت

يالكفيل احچاية .. عله القادة اهواية
زايدة وكلش چثير … ذبذبات الراية

يا ابالفضل ياسيدي
يا اباالفضل ياسيدي
================
گطعولك چفوف .. وگاطعهم نسل
والروس الكبار .... طاحن للرجل
انت ابن الامير ... يا كشخة صگر
النافخ ريشته .... خليته يذل

عباس .. يهيبة وبطل
نوماس .. عليهم وصل
وسفة .. يطيحك غدر
كلة .. الذنب بالنخل

ماكو عطوة وطايحة .. الگابلاك اتسامحة
حتى يعبر ما يموت .. اله يقرة الفاتحة

يا ابا الفضل ياسيدي
يا ابا الفضل ياسيدي
=================
علي هادي الخزعلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


شتحمل ياكلب من راحو احبابك
عليل انته وبعد شيلملم صوابك
أبد لا تنتضر كسروك العزاز
حسينك بعد ما يوكف على اعتابك

مو من عوايدكم يهاشم...
تعوفون علوية ومريضة..
أنه العزيزة المالي والي...
ارجعلي ياشيخ الفريضة..
مستوحشة وداري غريبة...
وصعبة الكلب لو شال غيضة..

شكد صحت ٠٠٠ تانوني ما تإنوني
شكد نحت ٠٠٠ من وحدي خلوني
مــو مـرض   ٠٠٠ ذبلني لا مجفاكم
وانـــتــهت   ٠٠٠ ايامي من عفتوني
ـــــــــــــــــــــــــــــــــــــــــــــــ
أصعب لحضة من اهلي يودعوني
وعلى خدودي مطر عيني وشحب لوني
عشت دور اليتيمة بوكفة الباب
بحسرة انضر اتانيهم يصيحوني

أدري ألابو تكسرة بناته...
كل دمعي ما كاسر حنينك..
معتازة بس جلمة تعالي...
سار الضعن جا بوية وينك..
شلون احملت كسرة عليلة...
تمشي وتطيح اكبال عينك..

بابا وين ٠٠٠ ماشي بخواتي ورايح
يالحنين ٠٠٠ زعلان خل نتسامح
كلشي لا ٠٠٠ تعوف المرض ياكلني
يا حسين ٠٠٠ كلبي اعله ضعنك طايح
ـــــــــــــــــــــــــــــــــــــــــــــــ
طفلة وكل اهلهه تعوفهه تسافر
كدامي ضعن كلبي حدة وهاجر
مشت قافلته وانه اصرخ بالدموع
أموتن بوية ما طول انه الباجر

يمشي الضعن وركض وراهم...
واصرخ نسيتو بنية ضلت..
انبح صوتي ما جني اصيحن...
بوية وغلاتك روحي خلصت..
مابيه شي من حمليتو...
عفتوني منهه وروحي مرضت..

بوية ليش ٠٠٠ تخليني اصير ايتيمة
بوية ليش ٠٠٠ نجمة وتسدني الغيمة
والحياة  ٠٠٠ ماتسوة من دون اهلي
شلون اعيش ٠٠٠ والكلب طفح ضيمة
ـــــــــــــــــــــــــــــــــــــــــــــــ
ضعن عماتي يكتلني ترة فراكة
شلون اكضي العمر ليش ابقى مشتاكة
الهدت حيلي منهه وطحت عالكاع
خواتي تعدن وكلمن على ناكة

تعدت رقية اكبال عيني...
وتوميلي بيديهه الحنينة..
عالكاع متوسدة واناشغ...
تمشي وتباوعلي سكينة..
خطوة الابل جم حسرة بيهه...
بجيت عين اهل المدينة..

وألابل ٠٠٠ تمشي وتمرمر روحي
بلا أمل ٠٠٠ أئيست زيد نوحي
ما يرد ٠٠٠ سار الضعن بالراية
مو سهل ٠٠٠ الحسين زاد جروحي
ـــــــــــــــــــــــــــــــــــــــــــــــ
مشى بعيد الضعن غوش على انضاري
أئيست ورجعت بدمعي لدياري
مريضة وخاف اطيح ومحد اوياي
احترك ثوبي عليه من كثر ناري

البيت ما ينطب بعدهم...
كل خطوة بيه جروحي تكبر..
متعودة اشبك بي عضيدي...
ألعود اخوي الاسمه الاكبر..
وكل ليل اهز مهد الغوالي...
واليوم فاهي اليل يقهر..

والحزن ٠٠٠ والخوف تارس كلبي
والزمن ٠٠٠ من هظمي خلاني احبي
كلي أه ٠٠٠ امن اوكع منو يكومني
بلا وطن ٠٠٠ امشي واطيح بدربي
ـــــــــــــــــــــــــــــــــــــــــــــــ
عباس أديب المالكي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


حميدة تخاطب ابوها مسلم بن عقيل ع

ما ودعتك .. ومفارگتك .. وعليك انشد
بوية وگبرك .. ريته ابكبرك .. ووياك اگعد
===========
ياچبير امكفّي گلبي وعين ناسك
بوية لو زعلان چا طحت اعله راسك
يالمقدّر والگبر ماهو ابقياسك
شنهو اجاها المگبرة الدفنت احساسك

الغالي اوداعه… ابساعه ابساعه .. ابعمري ايفرهد
اتموت ايجبرك... ريته ابكبرك .. ووياك اكعد
===========
مسلم وسر اسمك امبين امحيّر
معنى أسمك يعني ما تسلم اتصوّر
كون رايد تعرف اسمي ويوضح اكثر
اسمي سورة حمد بوية بس مصغر

اتعوف الوردة .. ابنص الشدة .. ورايد تبعد
عمري وعمرك .. ريته ابكبرك .. ووياك اگعد
=============
بس المجربها واليدفن اعزازة
ينسه روحة ايشدها وي حبل الجنازة
امنين اجيبك بوية لو ظهري توازة
ياظهر عدها التعيش اليتم عازة

اكبر وسفة .. موت الصدفة .. المابي موعد
يكتل صبرك .. ريته ابكبرك .. ووياك اگعد
============
ازغير گلبي ورايد اتأمنه بأمانك
وعلي إگطع كلشي بية او لاحنانك
بوية چنت شما اريد اهمس بأذانك
ووين ماعند الله گاع الگة مكانك

لو خوف الگة .. اركض ملگة… ابعينك البد
واحظن صدرك .. ريته ابكبرك .. ووياك اگعد
===============
اليگضي حيل اعيونة كلش هذا فاگد
والله كون ايشيل گلبة الفگد والد
بسرعة موتت كل يتيم بشوگ بارد
يگضي عمرة اتگول دگة گلب شارد

حارگ گلبي .. وتيه دربي .. عالموت اقصد
كون ايعبرك .. ريته ابكبرك .. ووياك اگعد
================
يِبْعِد الله كل محنة الموش منك
بوية ذبلن بچي اعيوني اليهمنك
مصخت الروحية كلها بموت حظنك
لمهن ودير اعله جرحي اليوجعنك

ياروحيتي .. وهيبة بيتي .. أتمنه اترد
شنهو امأخرك .. ريته ابكبرك .. ووياك اگعد
===========
علي هادي الخزعلي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


الليلة الثانية ليلة مولاي الحسن ع

اول بشر يم ربه حيل اتدنّة
امشيّب لچن سيد شباب الجنّة
فتحة مضيفك قران
ترتيله رن الفنجان
===========
يا أُسوة الله اعله الارض...واشجع شجاع الشجعان
يمطرَّز اسمك بالعرش .. باللؤلؤ وبالمرجان
يأمدَب امن الله، لعلي .. وابسط خُلُق واضح چان
(عاتق سبيل الجاريَة .. القدِمَتْ طاقة ريحان)

يعرگ جبين القسوة من آدابك
لو بالحلم، ما ترضة ينسد بابك
نقشاتة حمدُ وسبحان
ترتيله رن الفنجان
=============
هاي( السِمه) ابليل السمه .. شفناها تنجب گمرة
هاي العلاقة اتلاحظت .. بينك وبين الزهرة
ياميزة اصحاب الكسه .. بعينك احسين شكبرة؟!
يالبيك روحية نبي .. وريحة امام الفقرة

من شجرة السدرى الكساء اتفصّل
ومن حدرة ضوء الكون ضل يستأصل
جبريل سادسكم چان
ترتيله رن الفنجان
===========
يا حافظ اعلوم الوحي .. بگعدة مجالس جدك
يمخجّل (الشامي) اليسب .. الما سمعيته ردّك
حافي تروح اتحج مشي ..غالب الناس ابزهدك
خاشع بلوْضُوُ ترتعد .. من جدمك لحد زندك

أشگد يحبك ألله واتحب شأنَة
ما عندك اذنوب وتسأله الجنّة
حُب وامتنان لهل شان
ترتيلة رن الفنجان
=============
مو صدقاً ابمعاوِيَه.. بس هي هاي الهظمة
عافاك اقرب جندي الك… للعازة چنت اتظمة
اهداف صلحك صائبة .. بس يبقه حقك خصمة
اَنجح هدف لمّن ردت .. تحقن دماء الأمة

بس آل امية آل الغدر سموها
ما مرة گالوا كلمة صح سووها
صمتك لسان الميدان
ترتيلة رن الفنجان
==============
مبدئك مبدأ لاعنف .. بي مهّدِت درب الطف
ألثورة تحتاج العقل .. والطُرق لازم تُنظَف
دورك للحسين المهم .. خلّة النهوض امعرّف
مهيأله ارض الصالحة… من قبل لا يتصرّف

اتفكر للبعيد واخوك اتصونه
ضميتلة القاسم حرز لضعونه
گتله انت للطف قربان
ترتيلة رن الفنجان
===============
خان العهد بزر الغدر .. من ظلتك ظل ينغث
يا وسفة سمّاك بعسل.. چف جعدة بنت الاشعث
من سم أمية يالحسن .. چبدك بصدرك ورّث
مو وكته موتك يل (عدل) .. ثوب الاسلام اتلوث

من قلعة الاسلام طايح مبنى
والعيشة مابيها بعد كل معنى
بهتت الوان الديوان
ترتيلة رن الفنجان
===============
علي هادي صالح الخزعلي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


عباس دورة ظهرك اتعورْ الموت
يالنوگف استعداد كلما تنجاب

خوّانك تشوفك خَضَر فوگ الگاع
بس ال اميه تشوف سيفك لبلاب

رد خل نشبگك وين ماعدك عين
حدر القفص ضحك البلابل چذاب

عباس چنة نشمك ويمشي الليل
ويا ثگلة هسه الليل مشية شيّاب

(( للنشمي اعيون انچفيها )))
_
بخصلة شعر من شعرك يطوف الغيم
غيم الله كلة اهواي بس انت هواي

گالو سمار بوجهه طاغي اعله العين
گلتلهم العباس احلى من الماي

گالو خرب مو ذاك لونه العباس
گلتلهم ايوّرد اذا يمشي احذاي

مديت شوفي اعله الرمح ينگط خير
گلتلهم المحروس واگف وياي

(( شيفارگني وراسه گبالي))
____
رد يالخضارك ماخذ اعله الگيعان
يبسن خواتك مو عطش يبسن حيل

سُمعة الشامت مثل لون الشامات
خانگنه مو بس الشمر حتى الليل

هيج اليريد يجيسك تحطلة اثار
مثل اليرجعْ بأيدة روجات السيل

موت اعله هونك دير بالك تختاض
نلتم سوه امن الغرب لمّة زنجيل

(( أمّن يالماعفت اعيوني))
__
عباس طفي الشاطن وفرّن ليك
عباس سبعه اضلوعي طلعن ويّاك

ملگاك اريده يكحل اعيون النوم
ركز گلت ملگاك مو ما الگاك

اصفن ولكن گلبي يخفگ عباس
حسباته ثگلانه الصفن ع الشبّاك

اليكتب خيم ع الدفتر يشب حروف
حاچيلي گلبي الكاتبك والرباك

(( لا طافي ولا طفّة ضلوعي))
_
الطف زغير اتبيّن انت امن ابعيد
گالو گطعنه چفوفة هسه وگصران

گلتلهم الغايب يجي وعذرة اوياه
بس مالة الله أنت كلش طولان

هالمرة مو گالولي لا اعلم بيك
عطشان بس ما بيك لهفة عطشان

يمهبط الماي وشلت راس حسين
يالخوّتك ناوشت يوسف خوّان

(( بهيچ امعتبر يا خيعوني ))

علي هادي الخزعلي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



ليلة مولاي القاسم ع

رايح ينبضات العشگ
يا يمة باچر لو صدگ
من تمشي يا لون الندة
گبل الخيم ابدي احترگ
____
من گد الامتانة الصبح.… يتشگگن رجلية
ع الگاع باچر تنچفي………حنتنك والحنية

يمنشف انجوم سماي
شاغت محاچينة هواي
ما تنترك چنك ماي

گالوا زغير اعله العرس
بس تارس اعيوني ترس
بس اليعرفك يرغبك
هو انت هم مثل الصدگ
_
لا تترك اجفوفي الامس. عرگت بخت يم ايدك
وعيوني التصب مستحة . مو تدري بيها تريدك

توجعني دورة مگفاك
خذني ارد اطيحن وياك
لا تنسة ما اتناساك

وعيوني التنگط بچي
حدر الرمش نگعت حچي
دنگت والشيب انتچة
راس اليدنگ هم عثگ
__
بس انت عدي والوكت… طالبني بيك طلابة
يبني يجاسم لو متت … باچر اشد عصابة

باچر يوازيك الموت
واحنة بدواوين نفوت
باچر يخنگون الصوت

مامش عرس باچر سبي
وتدمّر اتراب العبي
باچر چفافيك الخضر
بالخيمة ينسحگن سحگ
_
باچر يخربون العرس…… وامك تكض عوچية
واشموعك تموت بهوة…… وتابوتها الصينية

باچر يدوسنها الخيل
وامك تدوّر ع الحيل
ايشور ترة بچيي الليل

يوليدي بي حوبة الدمع
ويعثر الطفة الشمع
شيلحگك انت لو طحت
طبع الدمع ما ينلحگ
__
باچر يعورني الهجر……… و ايد الحزن تچهبني
نيشانك وثوب العرس…… باچر ترة ايغثنّي

بسيوف طولك ينباگ
واهدومك اترسها اشباگ
حظني يرف من اشتاگ

يا بعد شوغات العمر
شيعوضة لو مات البزر
ماكو هلاهل لا فرح
عرسك ترة ضيجة خلگ
____
علي هادي الخزعلي
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


شاد روحي بعشگ روحك وانچفن بيك السنين
وما تعوف العاشگ انته غير اعرفنك حنين
حسين… حسين .. يا ابا عبد الله
__
انه احبك من زمان… وبالعشگ صرت ازلمة
وكاسر گليبي عليك… مثل كسرة فاطمة
يبو الوادم .. يعني هسه انه يتيم ابلا ابو
فاركتني… ورفن الما شايفتك يالدفو
رجفن اضلوع البعد .. وكشّر اسنونة البرد
والمحنة ابلا حسين

انت حبك بي سوالف ترفة مو مثل الحچي
العشَگ غيرك ضحك يشبع وعشگك امنگع بچي
حسين .. حسين .. يا ابا عبدالله
____
شاد وصلة يا حسين…وگصتي بأسمك سومرت
الحاط اسمك ع الجبين .. يعني راسة بي بخت
دللتني .. وشبعتني بخيرك الما ينگضي
الما يحبك .. گلب ماكو بصدرة واحساسة فضي
اليم خيمكم يبتسم .. گلبة ما ضايگ لچم
كون يچويها الادين

حسين لا تختاض مني بس حچيت انه الصدگ
اكو چم وادم غشيمة التهت وي غيرك عشگ
حسين .. حسين .. يا ابا عبد الله
_
حسين ربيني اعله اديك… خاف من عدك ازل
وخل اچلب بالعباه .. وامشي وي مشيك عدل
واليجيلك .. كون ما يتگلگل ويشبع ثگل
وناس خيرَة .. يمك اتذب الخواچي والعگل
شيبك يبوگ الگلب… ويچفي لچمات الغرب
شوگ بية ودمعتين

جوه گبرك واحس تنزف يعني بعدك ما طبت
واگف اتخيّل واباوع بالرماح امن انشلت
حسين. حسين .. يا ابا عبدالله
____
حسين بس انت الچبير .. من بعد رب العرش
كون حظ عدي وبخيت .. رمل حدرك انفرش
يابو الاكبر… بعالم الذر واگف بعيني حلم
كون بالطف ..وياهم انه من گمت تمطر زلم
هية هم قسمة ونصيب .. راح اخلصها ثغيب
والتراب يصير طين

انت توجعني وغلاتك هاك عافيتي بديك
ابصدرك ارماح وحوافر وانه اتشرط عليك
حسين .. حسين .. يا ابا عبدالله
_
من متت محد اجاك .. لا بچي ولا فاتحة
لازم اخجل من اجيك ..وگصتي تنگط مستحة
ماكو واحد .. من طحت ينكث تراب العل چتف
ولا عمامك .. ومامش احد دوم بي ريحة عرف
عمية عيني ابلا اهل .. والله يكتلني الخجل
من اجيك وعدي عين

جيتك استاهد حنانك وانت نايم ع الرمل
استورحيت الدم واجيتك چنة توه مو گبل
_
علي هادي الخزعلي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يمفطوم بالسهام يمدلول
اريدن اناغيك دلول
يالزغير .. بس افراگك يغثني
يالزغير .. گلبي اعليك يوجعني
_
فحطني سهم نحرك .. ليش الدم ترس صدرك
زغير وركبتك ترفة ... النبلة اشمالها اتعورك

عفت العافية بلونك .. ليش محومرة اعيونك
بمتنك چان كاروكك .. هسه الدم عله امتونك

بيمن اناغي يا عبد مهدك فرغ
من جاستك ايد السهم نحرك نشغ
وگماطك بلون الگطن دم انصبغ

يگلبي الولد مات بالسهام
وتبدت ضحكتة اعله الخيام
يالزغير .. سهمك شيب شيبني
يالزغير .. گلبي اعليك يوجعني
______
يبزري ويا حچي الجنة .. توها اسنونك امبينة
عمرك توه ست اشهر .. منك كلشي ما شفنة

الدمع برواحنة امشچل .. يالمعتبر يالمدلل
يالمبلل نده و غبشة .. هظمة بدمك امبلل

لون البياض بگصتك درّة نجف
يمنشف رياج العطش ريجك نشف
وجهك هذاك الهاشمي چنة اختلف

عبد ليش جمالك تخرّب
وگماطك صعب گوة ينظب
يالزغير .. بصورّك عيني تهطرني
يالزغير .. گلبي اعليك يوجعني
___
انچفن بالگاع كشخاتك .. السهم خانگها نسماتك
المنية امفرفحة بريجك .. امچلبة بمگفة ضحكاتك

ابوك ايدة بكتر خصرة ... وگامت توجعة الحسرة
من شالاك صرتوا اثنين .. چنكم محبس وشذرة

من شگ لهاتك فرفحت ذاك السهم
دمك نزف والدم وصل يم الخيم
وازاني بجفاك البچي وظهري انثلم

ربابك يعبد الله ميتة
النحر ذاك يبس دم رگبتة
يالزْغير .. اليلچمنك يلچمني
يالزْغير .. گلبي اعليك يوجعني
__
يالنادر يمتباهي .. عمت عين السهم فاهي
اجاك وانت تضحكلة .. واشوفك حيل متراهي

اجاك امفرفح ويذبح .. وگمت من الخيم ألمح
لفاك وصيّحت عوفه .. زغير وليدي ما يصلح

تلمع رگبتك ذهب لو جاس الشمس
حار السهم وانت گمت بالحر تحس
بكاروكك امدلل چنت تلعب امس

عبد ليش يحرموني منك
كمت انشد الخيمة عنك
يالزغير .. ضعت بس انت تندلني
يالزغير .. گلبي اعليك يوجعني
____
ذبحك صار بالگوة .. وبيد حسين تتلوة
من احرورة الذبحة .. طلعت رجلك الحلوة

جابوك وزهگ دربي .. وعيني التفتت لربي
گبل لا يحفر حسينك .. گلتلة ايدفنك ابگلبي

يايمة والله امن الدمع رمشي فحط
بالحومة دمك يا عبد سواله شط
چهبّني جنحين الحزن وبعيني حط

يتالي التعب حمّل وراح
صفة حيلي لسنون الرماح
يالزْغير .. افراگك والله دولبني
يالزْغير .. گلبي اعليك يوجعني
_______
علي هادي الخزعلي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



شاد روحي بعشگ روحك وانچفن بيك السنين
وما تعوف العاشگ انته غير اعرفنك حنين
حسين… حسين .. يا ابا عبد الله
__
انه احبك من زمان… وبالعشگ صرت ازلمة
وكاسر گليبي عليك… مثل كسرة فاطمة
يبو الوادم .. يعني هسه انه يتيم ابلا ابو
فاركتني… ورفن الما شايفتك يالدفو
رجفن اضلوع البعد .. وكشّر اسنونة البرد
والمحنة ابلا حسين

انت حبك بي سوالف ترفة مو مثل الحچي
العشَگ غيرك ضحك يشبع وعشگك امنگع بچي
حسين .. حسين .. يا ابا عبدالله
____
شاد وصلة يا حسين…وگصتي بأسمك سومرت
الحاط اسمك ع الجبين .. يعني راسة بي بخت
دللتني .. وشبعتني بخيرك الما ينگضي
الما يحبك .. گلب ماكو بصدرة واحساسة فضي
اليم خيمكم يبتسم .. گلبة ما ضايگ لچم
كون يچويها الادين

حسين لا تختاض مني بس حچيت انه الصدگ
اكو چم وادم غشيمة التهت وي غيرك عشگ
حسين .. حسين .. يا ابا عبد الله
_
حسين ربيني اعله اديك… خاف من عدك ازل
وخل اچلب بالعباه .. وامشي وي مشيك عدل
واليجيلك .. كون ما يتگلگل ويشبع ثگل
وناس خيرَة .. يمك اتذب الخواچي والعگل
شيبك يبوگ الگلب… ويچفي لچمات الغرب
شوگ بية ودمعتين

جوه گبرك واحس تنزف يعني بعدك ما طبت
واگف اتخيّل واباوع بالرماح امن انشلت
حسين. حسين .. يا ابا عبدالله
____
حسين بس انت الچبير .. من بعد رب العرش
كون حظ عدي وبخيت .. رمل حدرك انفرش
يابو الاكبر… بعالم الذر واگف بعيني حلم
كون بالطف ..وياهم انه من گمت تمطر زلم
هية هم قسمة ونصيب .. راح اخلصها ثغيب
والتراب يصير طين

انت توجعني وغلاتك هاك عافيتي بديك
ابصدرك ارماح وحوافر وانه اتشرط عليك
حسين .. حسين .. يا ابا عبدالله
_
من متت محد اجاك .. لا بچي ولا فاتحة
لازم اخجل من اجيك ..وگصتي تنگط مستحة
ماكو واحد .. من طحت ينكث تراب العل چتف
ولا عمامك .. ومامش احد دوم بي ريحة عرف
عمية عيني ابلا اهل .. والله يكتلني الخجل
من اجيك وعدي عين

جيتك استاهد حنانك وانت نايم ع الرمل
استورحيت الدم واجيتك چنة توه مو گبل
_
علي هادي الخزعلي
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

اعله ابو محمد تروح ارواح
الدلال امخوصرات اصفاح
______
مصخ حچيي اللسن والليل مستفحل
وإجه حلگ الضلام اعله الضوه ايهلهل
افه ايموت الهذاك البنجم يغزل
مات الهيل هظمة والهوة ايثعول

سفينة وضيعت ملّاح
الدلال امخوصرات اصفاح
_
بيرغ آل هاشم بالسمة امنگب
راح المن چوانينة النخل رطّب
اليابس ريج حچيّة امن الحسن يشرب
اليزل گلبة وضميرة يروحلة وينظب

السوالف عكبة بس اصياح
الدلال امخوصرات اصفاح
_____
المضايف عگب ابوها امغلّگة البيبان
الدلال اعلة الحسن مچفية بالگيعان
المدينة اختل ركنها وترجف الحيطان
ومگلوب اعله وجهه وساكت الفنيان

مامش چف يلزمة وطاح
الدلال امخوصرات اصفاح
_____
الحسن شيخ وبخيت وطيبتة اعگالة
يطي الطير زادة وموش الفضالة
يخيعون الگصب چي گاعد گبالة
امغرگة الكون چانت عِطيةْ افضالة

امعزّب دوم ما يرتاح
الدلال امخوصرات اصفاح
______
الحسن يوم الحرب ما ياخذ گرابة
هوة اليبتسم لو يشتدد اضرابة
يبرّيد خيلهم لو يلبس انگابة
مسالم بس اميّة الرادو اطلابة

شافوه غيم ما ينلاح
الدلال امخوصرات اصفاح
__
علي هادي الخزعلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يمفطوم بالسهام يمدلول
اريدن اناغيك دلول
يالزغير .. بس افراگك يغثني
يالزغير .. گلبي اعليك يوجعني
_
فحطني سهم نحرك .. ليش الدم ترس صدرك
زغير وركبتك ترفة ... النبلة اشمالها اتعورك

عفت العافية بلونك .. ليش محومرة اعيونك
بمتنك چان كاروكك .. هسه الدم عله امتونك

بيمن اناغي يا عبد مهدك فرغ
من جاستك ايد السهم نحرك نشغ
وگماطك بلون الگطن دم انصبغ

يگلبي الولد مات بالسهام
وتبدت ضحكتة اعله الخيام
يالزغير .. سهمك شيب شيبني
يالزغير .. گلبي اعليك يوجعني
______
يبزري ويا حچي الجنة .. توها اسنونك امبينة
عمرك توه ست اشهر .. منك كلشي ما شفنة

الدمع برواحنة امشچل .. يالمعتبر يالمدلل
يالمبلل نده و غبشة .. هظمة بدمك امبلل

لون البياض بگصتك درّة نجف
يمنشف رياج العطش ريجك نشف
وجهك هذاك الهاشمي چنة اختلف

عبد ليش جمالك تخرّب
وگماطك صعب گوة ينظب
يالزغير .. بصورّك عيني تهطرني
يالزغير .. گلبي اعليك يوجعني
___
انچفن بالگاع كشخاتك .. السهم خانگها نسماتك
المنية امفرفحة بريجك .. امچلبة بمگفة ضحكاتك

ابوك ايدة بكتر خصرة ... وگامت توجعة الحسرة
من شالاك صرتوا اثنين .. چنكم محبس وشذرة

من شگ لهاتك فرفحت ذاك السهم
دمك نزف والدم وصل يم الخيم
وازاني بجفاك البچي وظهري انثلم

ربابك يعبد الله ميتة
النحر ذاك يبس دم رگبتة
يالزْغير .. اليلچمنك يلچمني
يالزْغير .. گلبي اعليك يوجعني
__
يالنادر يمتباهي .. عمت عين السهم فاهي
اجاك وانت تضحكلة .. واشوفك حيل متراهي

اجاك امفرفح ويذبح .. وگمت من الخيم ألمح
لفاك وصيّحت عوفه .. زغير وليدي ما يصلح

تلمع رگبتك ذهب لو جاس الشمس
حار السهم وانت گمت بالحر تحس
بكاروكك امدلل چنت تلعب امس

عبد ليش يحرموني منك
كمت انشد الخيمة عنك
يالزغير .. ضعت بس انت تندلني
يالزغير .. گلبي اعليك يوجعني
____
ذبحك صار بالگوة .. وبيد حسين تتلوة
من احرورة الذبحة .. طلعت رجلك الحلوة

جابوك وزهگ دربي .. وعيني التفتت لربي
گبل لا يحفر حسينك .. گلتلة ايدفنك ابگلبي

يايمة والله امن الدمع رمشي فحط
بالحومة دمك يا عبد سواله شط
چهبّني جنحين الحزن وبعيني حط

يتالي التعب حمّل وراح
صفة حيلي لسنون الرماح
يالزْغير .. افراگك والله دولبني
يالزْغير .. گلبي اعليك يوجعني
_______
علي هادي الخزعلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


طالع جاسم
بيدة الصارم
والسادة هوست
واخيمهم هلهلت
_
تضهضب وانچفة بسيفة بزر هاشم تبختر
اجه وضب وصلتة براسة مشة لعمة وتخوصر
يگلة عگال ابوي آنه واچوي الموت الاحمر
العرج طگ ابوريدة وطبها چم فارس تعور

دخن راسة
يم عباسة
ابرجلة المهرة انچفت
و اخيمهم هلهلت
__
هدل ظهر الفرس جاسم اجه وصاعد مهرتة
زغير وهيبتة تخوف نزل تسطر كشختة
جمال اعيونة يتبدة ونگع مگفة شگرتة
بخت مالح بدة ينگط لمَن عرگت جبهتة

كر الهيمة
وشاف الخيمة
وامة اعليه باوعت
واخيمهم هلهلت
_
نزلها مشچل ابثوبة وعمامة يهوسولة
شمر چفيتة بمتونة وجدح عظم الرجولة
حدر سيفة الزلم طاحت چفاهم من اجولة
گلبها وگمنة نستورح عطر ثوب البطولة

طبها وصاحت
ماي وطاحت
بيدة الروس انثنت
واخيمهم هلهلت
_
صعد خيال الكحيلة ركب بيها وگرمها
يكوّر روس الثْگال وحدر گاعة يطمها
نزل والخضرة شداها وفوارسهم لظمها
الشجاع البيهم اجدامة يطلعها ويظمها

موش،ازغيرة
ايدة اچبيرة
يمة الحومة انحنت
واخيمهم هلهلت
_
رفع خاچيته الحسين وتبسم واشارلة
ويهز بالبيرغ الكافل حچي اعيونة حچالة
الرمش سواه قلم بيدة وبده يكتب رسالة
كتب عفية ابن اخوي المابرد موگد دِلالة

امن يچهبونة
زرگة عيونة
اگلوب اسباع ارتخت
واخيمهم هلهلت
_
الحسن نازل يشوفونة اجاهم بيدة سيفة
يطشرها بغمد سيفة ويلملمها اعلة كيفة
الرماح امشرّعة اگبالة وبقة فاتح مضيفة
اليجيه يركض يفك ايدة وعلي حسبالة ضيفة

عاف الزفة
وحنتة چفة
ظلت تنگط بخت
واخيمهم هلهلت
__
علي هادي الخزعلي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


امن الخيم طالع محمد مدري الاكبر لو علي
يبني لا تتوازة اوگف انت شمامة هلي
_______
انت الاكبر بس زغير .. مثل ضحكات الفقير
من طلعت امن الخيام .. كمت انز امن الصفير

گمت اخافن .. من تهب اگبالي هبّات الهوة
يبني ردلي ... املولح اگليبي اعله لمضات الضوة
اسيوفهم بيهن ثگل .. مو يطيح اعله الرمل
گلبك الينكط حنين

يابزر حظني المحنّة انچفت ما تنلم بعد
الوالدة ايفرفح گلبها من يعورون الولد
____
خذني حدر عيوني موت .. گمت ما اشوفك صدگ
من يطب بيها الوداع .. تنهطر رجل العشگ

يا حلالي .. ساهرة اعله ارباك عمرين وصبة
تالي شيبي .. يشيخ ليل الله عَلَيْ ومدولبة
گام يوجعني العمر .. ويلچم بروحي الهجر
اتبدت اعليك السنين

من بچيت اعليك ادري اشواربك گامت ترف
اسم الله يالجايستك ايدي لا يجيسون الزلف
___
يا چبير اعيون ابوك .. شوفة كظ اخواصرة
افراگك ايتعبني حيل .. وانه متعوبة ومرة

حظني يرجف .. احتام لعيونك وروحك والعشگ
هواي وادم .. اتمزهدوا فوگك وَنَة گمت احترگ
اسم الله ياشوغة گلب .. مرة وافراگك حرب
فايض بريجي الونين

راچب الشگرة اشوفك وايدي فوگ اعيوني هيچ
امحدب اشمالك ييمة وموش كشخاتك هذيچ
_
ريجك اليابس هذاك .. ياهو يرهملة نده
تعودت اتعب واطيح .. يالعليك امعوده

يالمبلل .. والله توجعني صدگ ريجك يبس
الچنت اشبگة… هسه حدر الخيل طايح وانرفس
امشچل وياي الحزن .. وگف بعيوني رزن
الصبخة بدموعي تلين

جيتك وما گمت اوچد گوم يا واهس هلي
دورتهن چثة چثة ياهو من عدهن علي
_
يبني لمن گطعوك .. گطعوا اعليه الهوه
انت چاويك التراب .. وگلبي بالخيمة انچوه

صيّحتلك .. لحد ما نشغت عيوني وفرفحت
تدري يبني .. سوايت الطايح بهيمة ادولبت
حيلي ادورنة وتعب .. ادوارت الضيّع ذهب
گلبي وانه مدولبين

روحي ترجف چنها ريشة ابو فاضل بالهوه
وعيني گلبت بيضة چنها گطن ومكابل ضوه
_
علي هادي الخزعلي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA