2.مؤسسة منبريون لنشر القصائد🧿

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

ــــــــــــــــــــــــــــــــــــــــــــــــــــــــ

& (3) كضت حسبات دنياي ▪︎▪︎ خيمه اوزينب اوماي
وكضي الليل كله أتنفس اسهام -- أويفزجرحي اذا أسمع بالخيام
يزينب ▪︎ يزينب
--------------------------------------------
1 ) يمه يازينب شسولف -- وابدي يمه ابياجرح
أنه خاف اتطيح خيمه --- اوعينج اتشوف الذبح
انه أخاف ابغربه عينج -------- تسهر الحد الصبح
اوبالغرب شامت يسمعج ------- كلمه والكلمه رمح

& أشعمل فركاج بجلاي ▪︎▪︎ اشيداوي اجروحي الهواي
وحك عباس بعدج عيني متنام -- اويفز جرحي اذا اسمع بالخيام
يزينب ▪︎ يزينب
-------------------------------------------
2 ) أسم الله بفراكج اكولن ----- من اسولف عالخيم
اشلون لو ظليتي وحدج --- والزمن مثل السهم
ماتردين اعله أمج ------ يمه مو حيلي انهدم
لاخبر منج اجاني ----------- أولا خبر من الحرم

& عليج الراح والجاي ▪︎▪︎ أسأله اويبجي وياي
وكولن خاف زينب تمشي للشام -- اويفز جرحي اذا أسمع بالخيام
يزينب ▪︎يزينب
---------------------------------------------
3 ) كبل يايمه امنشوفك ------ يمه أكلج ياهله
هسه يمه أشلون حالج ---- يلي جنتي امدلله
شلون يايمه اعله متنج --- يغفه سوط ابكربله
اوبالغرب باجر يدفعج ---- عالجمر جف حرمله

& وين اتروح الزغار ▪︎▪︎ اوخيم محتركه بالنار
اولحظات التمر بيه ابالف عام -- اويفز جرحي اذا اسمع بالخيام
يزينب -- يزينب
--------------------------------------------

4 ) يمه تاخذني صفنتي --- اوحركة الخيمه احترك
اوجمره بفراكج دمعتي -- اوعيني ترفض تنطبك
عشك شايلج دليلي ------- مو مثل كل العشك
اوما أريد اسمع يزينب --- صارن امتونج زرك

& غريبه اوحالج أشلون ▪︎▪︎ اوجمر دمعات العيون
اودهري ابغيبتج يمدلله اشظام -- اويفز جرحي أذا اسمع بالخيام
يزينب ▪︎ يزينب

-------------------------------------------

5 ) اوداعت اعيونج يزينب ---- من يمر طاري الضمه
تركض الدمعات كبلي ------ اوروحي تشهك للسمه
لو عطش مر بدليلج -------- يعني تعطش فاطمه
اوكمت اصيح الساتر الله --------- يمه من الخاتمه

& أشتفيد اجناحي الكصار ▪︎▪︎ اوغفل دنياي تختار
اوجن الدنيه ضدي امحزمه احزام -- اويفز جرحي أذا أسمع بالخيام
يزينب -- يزينب

---------------------------------------------

لخادم أهل البيت - أبو أحمد المجراوي 07805007942
(قصيده أم البنين تخاطب زينب في محرم )

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA