#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#للحسین ع


تبچي عین السمه یمه یا فاطمه
للذّبیح اعله الثره جثّته المتوذّره
یُمه یا فاطمـه

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
یُمـه یالبضعـه یم ضلع مجروح
ساعدی اونینی و لاتبطّلی النـوح
شوفي حال حسین امن الگفه مذبوح
ویلي و ابلاراس عالتـرُب مطروح

یمه راسه انطبر لا تشوفي النحر
ینهدم حیلچ تره وجثّته المتوذّره
یُمه یافاطمـه

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
عالتـرب ینـزف راس ابوالیمـه
عینـه عالأیتام و ینظـر اخیمـّه
امگطّعه اوصاله جسمـه شیلمّه
بالشمس و الحر امخضّب ابدمّه

تدّوسه خیل العِده چبدِته امـّرده
والضلوع امڪسّره جثّته المتوذّره
یُمه یافاطمـه

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
یُمـه شحچیلـچ والگلب هایم
چافـل العیلـــه عالنهـر نایـم
وطایح الاڪبر یم جسم جاسم
نومـه عالتربان کل بني هاشـم

والطفل ینذبِح ظامی دمّه یسِح
یمه گطعوا منحره جثّته المتوذّره
یُمه یا فاطمـه

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
یُمـه یالزهره اجروحي شیلمهـه
ڪسرة اضلوعچ خایفه الچمهـه
فگـد ابوالسجاد روحی ألـّمهـه
ابلاولي العیله وحرگـوا اخیمهـه

امذبِّحین اخوتي من یلِم عیلتي
بالبراری امطشّره وجثّته المتوذّره
یمه یا فاطمـه

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
آه یأمّ حسیـن مـن یحامینـه
یسـّرونه الگوم غصبن اعلینـه
والگمـر عباس ابلایـه چفـّینه
عینـه ممـروده و مارجع لینـه

طلّعونه الڪفـر بالغصب للیسر
وینه سبع الگنطره جثته المتوذّره
یُمه یا فاطمـه

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
امصیبة المظلوم منهه شاب الراس
وڪل طفل یصرخ عالگمـر عباس
ابلا زلم نطلع نمشی ویّه ارجاس
بس حرم وایتام امروّعه وتنداس

اوی العلیل ابحبل امگیّـده و تنسحل
والیتامه امذعّره جثّتـه المتوذّره
یُمه یا فاطمه

▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
بقلم الرّادود یعقوب البوغبیـش


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA