#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



محرم 1442
نزله للامام العباس عليه السلام(ميمر)

ما دام ابو فاضل عدل كل العده يفنيها
**************************************
ما دام عباس البطل بالميدان
ما يبقى واحد عدل من العدوان
فارس وما يدنوله كل الفرسان

واليقترب من عباس روحه النار تجويها
**************************************
علمه الشجاعه وبالحرب ثبت ساس
معروف بالشدات راعي النوماس
ما يوصل العباس بس العباس

يا زلمه يكدر يدناه وهوه العده مبجيها
**************************************
ما دام بيده مستقر بتاره
باليسرى غاره بيمنته يرد غاره
حامل لواء الدين ربنه اختاره

والرايه متمسها جفوف غير جفوف راعيها
**************************************
ذخر الحسين وعزوته وعضيده
والجيش كله يديره باصبع ايده
الحرب حربه واليريده يريده

وبكيفه تندار الحرب من اولها والتاليها
**************************************
يدخل انذار الجيش من يطبهم
زلزال اجاهم منهو اليخلصهم
شردو وغير الشرده ابد ما عدهم

من يوكف بوجه الحيد للحومه من يلفيها
**************************************
سبعين الف وجه بوجه لو لاكوه
اقسم قسم يفنيهم وما يفنوه
يدروه ابن حيدر علي ويعرفوه

يدرون ايد العباس ما واحد يلاويها
**************************************
جعفر عطيه البزوني

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

محرم 1442
نزله للامام العباس عليه السلام(ميمر)

ما دام ابو فاضل عدل كل العده يفنيها
**************************************
ما دام عباس البطل بالميدان
ما يبقى واحد عدل من العدوان
فارس وما يدنوله كل الفرسان

واليقترب من عباس روحه النار تجويها
**************************************
علمه الشجاعه وبالحرب ثبت ساس
معروف بالشدات راعي النوماس
ما يوصل العباس بس العباس

يا زلمه يكدر يدناه وهوه العده مبجيها
**************************************
ما دام بيده مستقر بتاره
باليسرى غاره بيمنته يرد غاره
حامل لواء الدين ربنه اختاره

والرايه متمسها جفوف غير جفوف راعيها
**************************************
ذخر الحسين وعزوته وعضيده
والجيش كله يديره باصبع ايده
الحرب حربه واليريده يريده

وبكيفه تندار الحرب من اولها والتاليها
**************************************
يدخل انذار الجيش من يطبهم
زلزال اجاهم منهو اليخلصهم
شردو وغير الشرده ابد ما عدهم

من يوكف بوجه الحيد للحومه من يلفيها
**************************************
سبعين الف وجه بوجه لو لاكوه
اقسم قسم يفنيهم وما يفنوه
يدروه ابن حيدر علي ويعرفوه

يدرون ايد العباس ما واحد يلاويها
**************************************
جعفر عطيه البزوني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


محرم 1442
نزله للانصار

اصحاب اصحاب الك وفايه
اصحاب اصحاب الك وفايه
**************************************
الك وفايه يبو اليمه بعهدنه
نصرتك يا بو الوفه والله شرفنه
يبو السجاد احنه وياك تعرفنه
ما نعوفك اي وحك ساكن نجفنه

وياك وياك ندك الثايه
اصحاب اصحاب الك وفايه
**************************************
ويه كل دكت كلب نهتف حسين
انته يابو اليمه نور العالمين
وياك عالحق دوم نبقه ثابتين
ما نتركك وحق زين العابدين

مكتوب مكتوب عهد عالرايه
اصحاب اصحاب الك وفايه
**************************************
يا كلب يتحمل يفارك نبض
وانته ساكن بالكلب طول وعرض
والله حبك يبقى عالامه فرض
الما يحبك خل نحسبه منغرض

بالروح بالروح تعيش ويايه
اصحاب اصحاب الك وفايه
**************************************
علمتنه انطيتنه بالحب درس
وانته للحب انته خليت الاسس
نتبع نهجك ومنك نقتبس
لجل دين الحق نضحي بالنفس

والدين والدين الهدف والغايه
اصحاب اصحاب الك وفايه
**************************************
يبو اليمه وياك شدينه العزم
من جميع الناصبيه ننتقم
ما نعرف الخوف نقسملك قسم
والله بالشدات معروفه الزلم

والخوف والخوف بعيد هوايه
اصحاب اصحاب الك وفايه
**************************************
جعفر عطيه البزوني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

محرم 1442
نزله لمسلم ابن عقيل عليه السلام

من اخياله من اخياله
تتراجف كل الخياله
**************************************
من سمعو مسلم بالكوفه
ما واحد يهدأ من خوفه
يتراوله بحلمه يشوفه
حتى بحلمه ظل يبراله
**************************************
صارت بيهم خوفه ورهبه
واحدهم ما يندل دربه
شورطهم وتحدو حربه
ما عرفو مسلم وافعاله
**************************************
هاجم مسلم هجمة حيدر
بس روس يشاهد تتطشر
خله العسكر يردم عسكر
واعليهم ذب كل زلزاله
**************************************
فارس معروف من احروبه
صولاته يحس كلها اعذوبه
متهمه الدنيا ومطلوبه
يبقى حسين بنص اعياله
**************************************
ليث وتجدح نار عيونه
من نظرة عينه يهابونه
يا وسفه بحفره يغدرونه
واعليه تندار العياله
**************************************
حد موته وليهم ما يخضع
دنيا الخلت مسلم يوكع
لو يمه العباس ويسمع
منهو اليتعده ويدناله
**************************************
جعفر عطيه البزوني



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

محرم 1442
الليله الخامسه
قصيده لمسلم ابن عقيل عليه السلام

شجاعة مسلم وافعاله تنطر
من عمه ابو الحسنين حيدر
وصفه بيه اسرار مثل حيدر الكرار
من عمه ابو الحسنين حيدر
**************************************
مسلم وي علي الكرار اكو بيهم تشابه
اذا طبو حرب معناهه ما واحد يجابه
التحداهم تورط جان غلطان بحسابه
شجاب العود وشوازاه ويواجهله غابه

هذا مسلم وهذي فعاله
شجاعة حيدر الكرار وآله
خله الجثث طشار مثل حيدر الكرار
من عمه ابو الحسنين حيدر
**************************************
يكض الفارس بأيده ويشمره عالاماره
مدير الحرب وبكيفه جعل بيده قراره
يطيح الفارس بنظرة عيونه وبإشاره
اسد والاسد متسيد وما يعرف خساره

اسد وبهالاسم يكفي نسميه
ميت يعتبر كلمن يلاكيه
بيده الحومه تندار مثل حيدر الكرار
من عمه ابو الحسنين حيدر
**************************************
ماخذ من علي الكرار ضرباته الشديده
بحيث يطيح نص الجيش بس اتأشر ايده
ينظر للامامه والوراه لا ما يريده
يكر عالجيش ما يرجع شبر مثل الصميده

ضربته وضربة الكرار وحده
يتورط كلمن يكرب الحده
بيه الفكر محتار مثل حيدر الكرار
من عمه ابو الحسنين حيدر
**************************************
من يصول عالفرسان صولاته رهيبه
نار ومن يطب عالكوم يحركهم لهيبه
مسلم من علي الكرار اخذ منه نصيبه
هيبه وعالزلم معروف من يدخل الهيبه

فارس ظل يلوذ بكتر فارس
اليجيله يشرد وماكو منافس
بس يشهر البتار مثل حيدر الكرار
من عمه ابو الحسنين حيدر
**************************************
سفير حسين باسمه لايكه هاي السفاره
رسول حسين للكوفه نقل ليهم افكاره
اختاره للرساله ونعم من هذا اختياره
شهامة علي بيه وعالنصر ثابت اصراره

انتصر مسلم رغم غدر النواصب
ادخل صحنه وتشوف العجايب
صبح مكمن الزوار مثل حيدر الكرار
من عمه ابو الحسنين حيدر
**************************************
جعفر عطيه البزوني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


محرم 1442
نزله لأم البنين عليها السلام

خبر يا بشر بشرنه ببشاره
بلكي تكول رد حسين يم داره
**************************************
يله يا بشر خل تطلع الكلمه
بلكي تكول رد حسين ابو اليمه
رد الروح ليه وجسمي رد عزمه
تراهو الجسد يمك والكلب يمه

ترى عالفركه ما ظلت بعد جاره
بلكي تكول رد حسين يم داره
**************************************
عليه لا تطول وكفتي بحيره
اريد تكول رد حسين للديره
تدريها ظلام العيشه من غيره
حالي حال يوسف لمن ابيره

الظلام يعيش بيه وغايبه انواره
بلكي تكول رد حسين يم داره
**************************************
خبر منك اريدن يوصل اسماعي
تكلي حسين خلفي جاي ساعي
اريد احجايتك تعدل اوضاعي
خليني املي بالوردات كاعي

ورد املي الارض لو تسر اخباره
بلكي تكول رد حسين يم داره
**************************************
يكَلها ودمعه دم يجري على الخد
يم الولد جرحج مضن يبرد
على التربان كل واحد امدد
عون وجعفر وعبد الله ما رد

وكطعو يمنة العباس ويساره
بلكي تكول رد حسين يم داره
**************************************
تكله لا تشب النار بفادي
على حسين السؤال وماهو لولادي
يكلها والحزن فوك الوجه بادي
كطعو راسه وبراسه حده الحادي

وزينب بالحرم وأطفال محتاره
بلكي تكول رد حسين يم داره
**************************************
تبدل حالها وصاحت ومذهوله
خمس اولاد راحو مني معقوله
ردت ردتهم وافرح بهلهوله
تالي اخبار ذبحة ولدي محموله

ليش الدهر سل بوجهي بتاره
بلكي تكول رد حسين يم داره
**************************************
جعفر عطيه البزوني

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


محرم 1442
الليله الرابعه
قصيده لأم البنين عليها السلام

ما اعيش بدنيتي من دونك
انه واولادي فده لعيونك
كل حياتي والبنين فدوه لسمك يا حسين
انه واولادي فده لعيونك
**************************************
يبو اليمه عمري فدوه يروح الك هالعمر
بس كون سالم ترد انذر حياتي نذر
شوفت عيونك دوه ودواي لمن تمر
خصصت روحي الك وشمحله هذا الامر

وانه من هذا العمر ما رايده
بدونك انته العمر ما بيه فايده
أرسم اسمك عالجبين فدوه لسمك يا حسين
انه واولادي فده لعيونك
**************************************
مِلك اسمك كل حياتي وانته مالك كلبي
وانته ساكن روحي حبك بعد حبي الربي
بيك تزهر كل حياتي وينمحي كل تعبي
نور وتضوي عليه بيك اشوفن دربي

والكلب بسمك تدك نبضاته
وذكرك يطفي لهب جمراته
ايةٌ للمؤمين فدوه لسمك يا حسين
انه واولادي فده لعيونك
**************************************
صح مِلك عباس روحي وبالكلب خطه القلم
المهم يبقى مهم عندي بس تظل انته الاهم
انه وي اولادي لجلك عهد وقعنه بنعم
القوس من تريده يرمي لابد بنصه سهم

اكبال عينك كل اخوتك لربعه
ذراعك العباس سبع المشرعه
وياك كلهم سائرين فدوه لسمك يا حسين
انه واولادي فده لعيونك
**************************************
يا حسين انتم اولادي وبيكم انه مفاخره
وداعة الله مودعين وراح اظل مناطره
صفنه صفنه اكظي الليالي وبيها روحي مساهره
ويه حزني راح اظلن عِشره أنه معاشره

والألم يندار بيني وبينكم
الله ينطيني الصبر ويعينكم
ربي اقبل دعوتين فدوه لسمك يا حسين
انه واولادي فده لعيونك
**************************************
راح اظل اباب داري مناطره يم بابي
بلكي نسمت هوى اشتم بيها ريح احبابي
بلكي اصدن عالطريق بعيني اشوف جوابي
وانظر حسين وأخوته وانهي حزن مصابي

ترد جمعتنه وترد ايامنه
شامخه تبقى ترف اعلامنه
ونظل عالحق ثابتين فدوه لسمك يا حسين
انه واولادي فده لعيونك
*******************************
جعفر عطيه البزوني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


محرم 1442
الليله الثالثه
قصيده للعليله

لا تتركوني بغربتي كلبي يناديكم
لا تخلوني يا هلي عيني تصد ليكم
لو رحتو من الدار منكم ردت تذكار
عيني تصد ليكم
**************************************
لا تتركوني بهمي والاحوال مرزيه
وبصوتي اصيحن بويه وينك يبو الحنيه
ادري صعب يمشي الابو ويعوفله بنيه
خلولي واحد عالاقل وياي تسليه

والحال بعدك بويه منهو يرحم الحال
طفله ومريضه وما بقه وياي رجال
تدرون بيه شصار منكم ردت تذكار
عيني تصد ليكم
**************************************
عيني تصد عالباب هلبت واحد يجيني
هلبت اشوف الباب مفتوح وتصد عيني
وانظر واشوفك بويه موجود وتحاجيني
يا نظر عيني ويا حياتي وزهرة سنيني

شيصير بالبت والاحباب مفاركيها
لا امها موجوده ولا موجود ابيها
يا حيرة المحتار منكم ردت تذكار
عيني تصد ليكم
***************************************
تترك بنيتك بويه ليش وانته تدريها
تبقى وحيده ولا اكو واحد يسليها
شيصبر الطفله المشو عنها اهاليها
عيشتها تصبح ماصخه وماكو طعم بيها

اللي يعيش بغربته واحبابه مو يمه
كل طعم ماكو بدنيته بس الحزن سهمه
بيه الالم يندار منكم ردت تذكار
عيني تصد ليكم
**************************************
من عادت اليرحل ويتركله عليه غالي
يخليله سلوه مو يخليله مهد خالي
عبدالله يا سلوة حياتي ونبض دلالي
تترك اخيتك وانته تدري بعلتي وحالي

يا عين تغمض يا جفن من بعد خلتكم
ليلي ونهاري انتظر يا بويه جيتكم
تلهب بكلبي النار منكم ردت تذكار
عيني تصد ليكم
**************************************
بكل زاويه بكل كتر بالبيت انظر واصفن
اتذكر بلحظات عمري العدن وخلصن
اهنانه امي وعمتي زينب يمي يلتمن
افتر وادور كل كتر ريحتهن اشتمن

ما فاركت عيني صوركم بويه لو لحظه
من ساعة العفتوني صرت بدمعتي اتوضه
والدمع يجري اعبار منكم ردت تذكار
عيني تصد ليكم
**************************************
مرت عليه ايام وانه حالتي حاله
لني اسمع الناعي يصيح وكلبي فزاله
كتله يناعي شحصل كلي بدمعه هماله
ذبحو حسين وأخوته وسلبوهن عياله

من اسمعت هذا الخبر جن السمه طاحت
تمنيت لو كبل الخبر أرويحتي راحت
اصفك يمين يسار منكم ردت تذكار
عيني تصد ليكم
**************************************
جعفر عطيه البزوني

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


قصيده للخدمه ( طور كربلائي)

شمحله من يهل عاشور وبيه تتجمع احبابه
وبكل موكب ومجلس آه يحسين ومصابه
**************************************
محرم شهر ابو السجاد واحنه نصير خدامه
هذا الينصب المأتم وذاك يدك على الهامه
صفوف صفوف بالمجلس تتجمع اللطامه

نون ونصيح يالمظلوم
يل من العذب محروم
نخدم مو شهر لو يوم
وانته رحمة الباري من بابك ندك بابه
**************************************
اعرف يالتريد حسين وعالخدمه تظل عازم
مو بالشرط قاري تصير لو رادود لو لاطم
لون دمعه تسيل العين حسين يسجلك خادم

السالت دمعة عيونه
يوم الحشر يجزونه
تصير الجنه مضمونه
بس بشرط لجل حسين دموع العين سجابه
**************************************
يالخادم لبو السجاد لا تتعاله بالخدمه
لا تركض وراء الصيت صف نيتك لبو اليمه
حسين اليرفع الخادم مو بالصيت لو بسمه

شما قدمت لهل البيت
بفعلك لا تتدور صيت
دنيا وآخره خسريت
خلك عالنهج ساير وانته تعرف اسبابه
**************************************
يالتنحب على المظلوم ولمصابه تهل عبره
ابو السجاد من الماي ضامي وما شرب قطره
لذلك من تذوق (تضوك) الماي ضمه العطشان تتذكره

اتذكر ضمه العطشان
للجنه تطب بردان
ميمسمك لهب نيران
ينقذك ذكر ابو السجاد من نيران لهابه
**************************************
تمنيت ابقى كل عمري ابو السجاد اخدمنه
من اموت شمحله ابو السجاد يصيح فلان اقبلنه
واسمي ويه الخدم مكتوب بالدفتر اشوفنه

هذي دعوتي للموت
من حسين اسمع صوت
هذا فلان خل يفوت
وعبر عالسراط وياه وعيني تشاهد أصحابه
**************************************
جعفر عطيه البزوني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


نزلة الليله الاولى

هل محرم بالدمع نستقبله
بصوت نصرخ اوف منج كربله
**************************************
هل محرم والحزن بينه بده
وكل كلب من الفراح انجرده
حب ابو السجاد بدمانه سده
يبقى هذا الصوت دوم نردده

الكون كله بصوتنه احنه انزلزله
بصوت نصرخ اوف منج كربله
**************************************
يا شهر عاشور يا شهر الحزن
شما لطمنه بيك احنه شما نحن
شما تطيح دموعنه وشما نون
ما يوفي بحق ابو اليمه الجِفِن

الدمعه عالمظلوم تبقى سايله
بصوت نصرخ اوف منج كربله
**************************************
كربله يم الحزن يم الالم
يا جرح صابانه بارضج يا سهم
جرح بيه عبد الله بالنبله انفطم
وسهم طاح بعين شيال العلم

بجسم الحسين السهام مشكله
بصوت نصرخ اوف منج كربله
**************************************
بيج يا كربله تتسايل دموم
والاحزان تزيد وتزيد الهموم
بيج من الماي ابو اليمه يصوم
وبحوافر خيلهم تسحكه الكوم

خيام محتركه وتفر العايله
بصوت نصرخ اوف منج كربله
**************************************
اعظم مصيبه بمحرم من يمر
نذكر بهالشهر حال ام الخدر
بالحبال مجتفه ويه الشمر
بيا وكت بت علي تمشي لليسر

اصبحت للحرم هيه الكافله
بصوت نصرخ اوف منج كربله
**************************************
جعفر عطيه البزوني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



محرم 1442
الليله الثانيه
نزله للخدام

خادمك تدريني وادري ما ناسيني
اسمك معليني يا ابا عبد الله
**************************************
خادمك يحسين كل عمري اظل طول الدهر
وانه لو ما هالخدامه جا عشت دوم بقهر
من تمر عالشيعه ذكرى شهر عاشور وصفر
تلكه عالخدمه تسابق بين انواع البشر

بالطم والونه الخدمتك نتعنه
انته حبك جنه يا ابا عبدالله
***************************************
انه شمقدملك انه انطيتني هالمنزله
خادم يسموني واسمي باسمك هواي اعتله
من تجي بلساني كلمة كربله يا كربله
تصبح هدومي العليه من دموعي مبلله

دمعتي الاجريها وكلمتي الاحجيها
بسمك مسميها يا ابا عبدالله
**************************************
كلمه وسط الكلب عندي ورايد انه احجيهه
ترى بس حسين واهله دنيتي محليهه
يوم ماضي يوم حاضر دنيا ما تدريهه
وانه لو ما هالمجالس صرت من ماضيهه

مجلسك يحييني من العذب يرويني
انته كَرة عيني يا ابا عبدالله
**************************************
يا حسين وهاي كلمه عاشت وياي العمر
بالزغر بيها ابتديت وتستمر حتى الكبر
وحك عينك ما اعوفك إلا جسمي بالكبر
وانه ادري باليخدمك بالنهايه منتصر

وانه ادري بهايه انته منطي احجايه
تنقذ الوفايه يا ابا عبدالله
**************************************
شرف يابو اليمه اسمي صار عندك خادم
الك انذر كل حياتي وابقى خادم عازم
وانه بس امنيه عندي قبل يومي الحاسم
اقره يحسين ومصابه من يجينه القائم

هاي هيه منيتي بيها رايد طلبتي
وياك اخلص دنيتي يا ابا عبدالله
**************************************
جعفر عطيه البزوني

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


محرم 1442ه-2020م
الليله الاولى

ها يا شهر ها يا شهر ما تسمع انداي
ها يا شهر ها يا شهر زينب ترى هاي
ما اريدك تهل وتهيج الروح
تدري بكلب زينب لسه مجروح
ها يا شهر ها ياشهر
**************************************
مجروح كلب ام الخدر لا لا تهل يهلال
من تهل تجرح كلب زينب يعني الاهوال
يعني تعيد اعليها سوط وسبي واغلال
وتعيد يوم البيه تذكرها بالابطال

حال الدهر حال الدهر وشسوه بيها
حال الدهر حال الدهر يفتر عليها
من اتهل تعيد اجروح الايام
من هالليله حتى دخلت الشام
ها يا شهر ها يا شهر
**************************************
من يطلع علينه هلال شهرك يا محرم
مو من ماي دمع العين يجري بيك من دم
شحال ام الخدر يا الم بيها يدور يا هم
شتنسى جفوف لو تنسى جسد عالثره مهشم

من كربله من كربله تتذكر الآم
من كربله من كربله صابتها السهام
تتذكر مصاب الغاضريه
يوم الهجمت خيول آل اميه
ها يا شهر ها يا شهر
**************************************
من تجبل عليها يا شهر تتذكر حسين
تتذكره وصوته يصيح يخواني الميامين
لا الاكبر ولا جاسم ولا عباس عدلين
ما باقي مناصر عنده لا باقي معينين

والخيول والخيول تسحك بجمسه
والخيول والخيول صدره تهشمه
تروح الخيل فوك الجسم وترد
مثل طحن الرحى بالجسم تمرد
ها يا شهر ها يا شهر
**************************************
على الشاطي جبل طايح ابو فاضل تذكره
بعينه سهم منه جفوف مكطوعه تنظره
حال ام الخدر يا حال تلهب بيها جمره
تنادي بصوت وحدي ليش عفتيني يزهره

عجب ليش عجب ليش بنت الصميده
عجب ليش عجب ليش ظلت وحيده
زينب طاحت بمحنه جبيره
حرم واطفال ما عدهم عشيره
ها يا شهر ها يا شهر
**************************************
تتذكر على الناكه مشت والعين تجري
تنادي اخوانها يخواني اختكم ضاع عمري
شلون اصبر واشوفن روسكم ع ارماح تسري
بعدكم حالتي بيا حال بيها الله يدري

والسياط والسياط بالمتن طبعن
والسياط والسياط للحيل هدن
والأطفال تتصارخ يعمه
ترى سوط الشمر ما بيه رحمه
ها يا شهر ها يا شهر
**************************************
بارض الشام آ يالشام تذكرها بألمها
حرمه ابين اجانب والرجس ذبّح زلمها
يمها بس عليل وهالعليل اصبح عَلَمها
اكبال الناس اخت عباس هذا اللي هضمها

رغم ذاك رغم ذاك ما تذل هيه
رغم ذاك رغم ذاك ذلت اميه
رغم ما بالحبل جتفو اديها
انتصرت بت علي والله بسبيها
ها يا شهر ها يا شهر
**************************************
جعفر عطيه البزوني

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ميعادُ الوَلا . حانَ بكربلا
شبلٌ قد عَلا . ظَهرَ المَكرُمات
رياحٌ سابَقـتهُ
بعَجزٍ فارَقـتهُ
تقِـرُّ إذا رأتـهُ
عيونُ الأمهات
ميعادُ الوَلا

مشَى شبلُ الأسود ِ . خُطاهُ كما الرُعود ِ
وخَط َّ بنَصلِ سيف ٍ . ونادى ذي حدُودي
إذا بشر ٌ تجَـرَّى . بقُـربِ الحدِّ مـرَّا
وحقُ اللهِ ربي . بسيفِ الحق يُـفرَى
سأُروِّي الثرى
بسيلٍ من دماءْ
وبكَبد الذُرى
تَرنو الأتقياء
بدر ٌ أقبَـلا
ميعادُ الوَلا

فدَاهُ خُطىً مشاها . لهُ سِيماءُ طه
يهُزُ السوحَ هزا ً . ويهزأُ من لظاها
مُهابٌ مثلَ حيدر . بفنِ الضربِ هَزبر
يُكبّـرُ كلُّ شئ ٍ . إذا في الحربِ كـبّر
مبروكُ الخُطى
يُمـنٌ وابتِشار
وبسوحِ الوغى
على الأعداء نار
سُخطاً مُنزلا
ميعادُ الوَلا

رَقى عرشَ الفخَامه . له العَليا علامه
يشُعُ على (الجَناح) . وبيَـمنتهِ زِمامه
يمرُّ على السـرايا . فتسـبقهُ المنايا
رأتهُ الخلقُ طُرا ً . زاه ٍ رَحبَ الثنايا
ميزانُ القوَى
في كف ٍ شديد
بوَادي نينوى
تاريخاً مجيد
تروِيه ِ المَلا
ميعادُ الوَلا

فريدٌ في المعاني . كوِترٍ دونَ ثاني
بفعل ٍ واصطبار ٍ . دليلٌ للتفـاني
إذا برزَ الشبابُ . بعشقِ الحق ذابوا
حمَلوا ذكراهُ طِيباً . وإن برَزوا يُهابوا
مرجعُهم غدَا
في سوحِ القتال
في وجهِ العِدا
عِرسهُمُ النزال
وكانوا الأمثَلا
ميعادُ الوَلا
-----------------
لقمان لعيبي البدران
1442

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



للمهدي نرفَع صَرخات
دنيانه خِلصَت وَنات
مات البشر
مِن القهَـر
واتجَنن الظَل مامات

واقِع ايشَيب تره ابتُوت الگلب
وعالحَچي الماينحچي ايغِصبك غصُب
طالِب الحق سيدي بدَم ينطلُب
وغاصِب الحق ابرَغَد ليله يِـنام
انبَاع الهوَه
وضاع الدوَه
وصار الرزق بالحَسرات
للمهدي نرفَع صَرخات

سيدي الأنفاس ضَاگت بالصَدر
والحَتف ينغَگ ينادي اعلى الگبر
وصرنا نتحسَّر نجي حسين ونمُر
عالكفيل ونبتـِـشر گبل الختام
حيرَه وحِزن
ومِن نندفن
بطـَّلنه ننصُب عزيات
للمهدي نرفَع صَرخات

سيدي الناس اوعدُوها اتصالِحت
اوَّيه اخو المذهَب يغالي اتذابِحت
وبَعدَك بريح الفتن ريشه اصبَحت
وخفـَّت الشالَت ثِگل يبن الكرام
وبالتَفـرِقه
الناصي ارتِقه
وفاز الغِلَب بالخَتلات
للمهدي نرفَع صَرخات

آ يغالـي وأبد مامَرنـه ابحلم
بديرِتك صوت المجالس ينكِتم
السَقَم بالأرواح لا مو بالجسم
ولذلك رُفض يقـبَلنه الإمام
جينه بعِذر
يبن الطُهر
مكتوبه تدري الرَدَّات
للمهدي نرفَع صَرخات
**
المُخلص انذَم سيدي وذِكره انطُمر
والوَضيع اصبح رَمز عِند البشر
والفساد اتمَارَس بظهر الحَمر
والطهاره اختِفت من فِعل وكلام
الخاين حِكم
دَوله وعلم
وللمُجرم انچَز مافات
للمهدي نرفَع صَرخات
-------------------
لقمان لعيبي البدران
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



هنا يالولد .. ﮔلبي انمرَد
*
حنـَّـة العِرسَـان مَعجُونه ابـإدَيْ
بس ذهُول الفاﮔِده امخَيّـم عَلَي
وغير حَسرات وألَم ماظلّي شَي
ورَاح السَعَد
هنـَـا يالولد
*
رِدتـَك ابسَاعات مُوتي اوزَتِّـتي
توﮔف اوه الناس تحظَر دَفنِـتي
وليلـة الوحشـَـه تصلّي الغربتي
وهذا ابتعَد
هنا يالولد
*
يمـّـه بالصَـفـنات أذكِـر ﮔـعـدِتك
ويوم حِظني الدافي ﭼان اوسادِتك
حيف هـذا اليوم صارت نومِـتك
وَسط اللّحد
هنا يالولد
*
حيف هذا اليوم اشُوف آنه الضِوه
وامشي بين الناس واشـتَم الهـوَه
ونُوره تَحت اتراب جسّـام انطِـوَه
ومارَد بعَد
هنا يالولد
***
عيني ظلّت يَبن روحي اعلى الدرب
يمكِن ابكل سَاعه اشوفنـَّك تِـطـُب
الشَمع ذاب وذاب ويـّاه الـﮔلـب
وزاد الكَمَد
هنا يالولد
-----------------------
لقمان لعيبي البدران
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ودَاعة الله ياحُسين
ودَاعة الله ياحُسين

سَلَّمِـت بيدك يربـي
وِصلَه من ﭼـَبد الزﭼيه
حسين ريحانـة محمد
وابن حمّاي الحميه
وداعة الله ياحسين

وداعة الله وَدِّعيتـه
واندَبت ربّ البريـّه
ماتخـِيب اظنون ﮔلبي
وانهـِضم بالغاضريه
وداعة الله ياحسين

ﮔال من يـِسرج جـَوادي
نـَاوي أنـزل للثـِنيـه
وانه أسمع مايـﮔول
واصفـِﮓ اخدودي بآدَيه
وداعة الله ياحسين

عـَفيه ﮔلبي شلون يـﮔدر
يـِصبر ابهـَـاي الرزيـّه
بيدي سَرج الموت جـِبته
اوحـظِّريته للمنيه
وداعة الله ياحسين

أفدي كل عمري وحياتي
ومهجتي التـِصبَح هديه
لـَون تـِتعدّه اعلى خير
ولـَون سالم رَد اليّه
وداعة الله ياحسين

رَيت ياخويه عِميت
ولا شفت دارك خليـه
ورَيت خَام الـﭼفن ايلِفني
ﮔـبل لا شوفك رميّه
وداعة الله ياحسين

خويه حلـَّـفتك بـبُوي
وجدّي مَرسول البريـّه
من نـِويت اتـروح عني
ما ﮔـِلت زيـنب خطيه
وداعة الله ياحسين

لـُو رحـِت ترحل يخويه
الفرحه وايامي الهـَـنيّه
اتوَدِّع الـﮕمره حياتي
وتـِنزل الظـَلمه عليـّـه
وداعة الله ياحسين
===========
لقمان لعيبي البدران



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يسلطان الحِزن .. ايحِن گلبي ايـوِن
وبسيف انطِعن .. امنَ اتخيَّل مُصابك
كَدماءِ النَحرِ تَجـري مُـزْنُ السماءِ
كيفَ لا يَجـري دَمعي مثلَ الدماءِ
ياسلطان الحِزن
*
يسرَح ابرُوحي خيَالي . واوصَل الأرض الطفوف
بكل شِـبر ألمَح مُصيبه . بمسرَح الهَم والحتُوف
اهنا صِبع مگطوع اشُوفه . اهنا تراچي اهنا چُفوف
اهنا مهَد غَرگتـّه دمعه . وفرحَه بَاگتها السيُوف
أرتِجف وبگلبـي تتـزاحَم جـِراح
چني سَعفه اوّاجِهَت جيش الريَاح
وانحِني ومن عِندي بس تسمَع نِياح
والمشَاعر تفتَح ابوَاب الوِنين
ياحُسين
من اقدَس أثـَر . أستَـلهِم عِـبَر
وامعِن بالنظَر . يالبالدَم جوَابك
يادُعاءِ العشـقِ في صَومَعةِ اليقين ِ
وابتهـَالَ الصـبرِ في نـَـازلةِ السـنينِ
ياسلطان الحِزن
*
حسين ياصَفنة ظنُوني . ياشَمس عُمري وضوَاي
كل جِهاتي الأربعه انته . بوصَلة شُوگي وهَواي
ياأعَـز حِزن بحيَاتي . وطَعم دَمعاتي وبچَاي
ورَشفة الماي العَزيزه . بهَيمه ويشِح بيها ماي
ياحَنان الله ورَحِمته بهالوجُود
سِيره من الحُب فلا تعرف صِدود
ياحَياة اتمَـرِّدت ضِـد اللّحُـود
وكِتبَت المَوقف رَغم طول السِنين
ياحُسين
باقي وماتِموت . وكل عاشِر يفُوت
مَهضُومه البيُوت . تتحسَّر غيَابك
وغيـُـومُ الحزنِ غَطـَّت كُـلَّ الدروب ِ
وأنين النَوح ِ يَحكي هَولَ الخُطوب ِ

*
إنته بَس انته الحَقيقه . وكلشي مِن بعدَك خيَال
ياسَهل حَد التَـرافه . وصَعب وابـعِيد المَنال
مرّه مَتحِيطك ظِنوني . ومرّه تِحتَـلني احتِلال
سِر عَصي وايفِـهمه مِثلي . هذا من سَابع مُحال
مايعرفَـك بس إلهَـك يالغريب
ياصَلاة الله بمَحاريب الحَبيب
ابعِيد لكن من انادي تِستجيب
ياهَـدف سَامي ابطَريق السَائرين
ياحُسين
يالكِلّك وفَـه . ومَعنى العَـاطفه
لَتجازي ابجِفه . وَگفاتي اعله بَابك
بدمُوعي الخَجلى قد وقّـعتُ التِماسي
وشَـرحت ُ البَلوى بسَـمع من يُواسي
ياسلطان الحِزن
*
حُبي الَك خالِص يغالي . فِطري مَيغَـيره الدَخيل
يادَليل العاشِگ انته . وانه أمشي اويَه الدَليل
الشَوّه افكارَك أرُفضه . وماأمِيل اشما يميل
والمُـرائي ابمُـغرَياته . ما إلـه الدَربي سَبيل
وَقـّـعِت عَهدي واعَـاند للأخير
يالعِرفتك رَحمه واحسَاس وضَمير
بالعقـَـائد ماأجَـامِل يالأمــير
والشَعائر عِندي بالحِصن الحَصين
ياحُسين
بالمَجلس أكُون . جندي وماأخُون
عَهدك يالحَنون . وافخَر بانتِسَابك
بجَـميلِ القَـول أثنِــي يَبـنَ الكِـــرام ِ
ورضاكم عندي يبقى حُسـنُ الختام ِ
ياسلطان الحِزن
"""""""""
لقمان لعيبي البدران

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



ياربَ فاطِمه
بحقِ فاطِمه
اِشفِ صدرَ الحُسين بظهور الحجه

سَلِب حق النبـي وآله
أساس الكل حكُم بسيُوف
وحَرِگ باب البتول اِيذان
بحَرگ خيمه بأرض لِطفوف
وأثَر بسمار
بدَاية ثـار
لبحُور امن الدمه
يارب فاطمه

الخَلّه الدم يِصير اسيُول
بيوم العاشر بعاشـور
وخْيول الرِجس تنگـاد
السَحِگ صدر السِبط بالجُور
جَمع طغيان
حِطب نيران
ووقود الحَاطمه
ياربَ فاطِمة

الظلم فاتِحته يوم الباب
وبداية عَهده من اهناك
ومُخطط ثورة الإفساد
نعرُف بالسقيفه انحَاك
أمُـر واقع
الفِرع تابِع
بجِنوده الظالمه
ياربَ فاطِمة

الحَد يوم الظهور الناس
تحكُم بالذبح والخوف
واتسَكِّت رَفض الاصوات
واتچَتف الادين اچتوف
بسَلاسل هم
وحديد ودم
وتكتِبله الخاتمه
ياربَ فاطِمة

اتعجـِّل بالأمر ردناك
واتـبَدْل الظلام بنـور
والشَاف الظلم مولاي
ينظر طَلعة المذخور
إجانه الضُر
وشِربنه المُر
وماشفنه المَرحمه
ياربَ فاطِمة

يربي اتشَتـَّت الإجمَاع
واتخَلـبَص غَزلنـا وصار
التَفرق سائِد ومنشُور
ودِخل واتربَّـع ابكل دار
الفِتن بينه
وتأذينــه
والوَادم هايِمه
ياربَ فاطِمه
**
يربي إنسِـألَك بإلحَاح
وانته امسَبِّب الأسباب
تفتـح للفرج بيـبَان
وانشُوف الحبيب الغَـاب
رُفعنه الچف
يمَـن تعرُف
هالغِصَص مُؤلمه
يارب فاطمه
---------------
لقمان لعبيي البدران
1442


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ




▪️مؤسسة منبريون للالحان رقم 1هذا عباس البَطل تدرُونه
قِبله شال حسين بين عيونه
عنده لو مِية نفس يفديهه
لبُو اليمـَّـه ومايقصّر بيها
أسد غاضِب فَنكم تلاگونه
*
هذا راعي العايِله وحامي الخِدر
هذا چـف الجُـود في يوم العسر
هذا عُون حسين شـيّال العلم
باحرُف امن النور كُتاب الأمم
بيوم عاشر موقفه يسَجلونه
هذا عباس البطل تدرُونه
*
هـذا كافـل زينب الگَـطع النفِـس
وحته بعد الموت من تنحَب يحِس
ايوِن وِنين الثاكِله ويتمنـَّـه
ايگوم من گبرَه يجي ويتعَنه
وكُون يحميها وتظل مامُونه
هذا عباس البطل تدرُونه
*
بغـيرة العبـاس مضـرُوب المَـثل
ومن نِعِد ابطال بس اهوه البطل
لـو غِضَـب ماتنگِـحُم نيرانـه
ولو رِضه انهَل من عَذب نهرانه
سر إلهي وعِجزوا ايفسرونه
هذا عباس البطل تدرُونه
*
هذا من حيدر أخَذها درُوسـه
الجود طبعه وغيرِته وناموسه
هذا ساجي الضَامِيه بيوم الشِدد
حيف نسمَع راسه مضروب بعَمد
وحيف سهم الغدر طفّه عيونه
هذا عباس البطل تدرُونه
***
قاتَل بيوم الطفوف بكل يَقين
وللمبـادئ قـدَّم ايسـار ويمين
بعَزمه واصراره رِسَم أجمل صُور
وسـطَّر الإعجـاز بضـفَاف النهـر
وشِرَح تاريخ البشر مضمُونه
هذا عباس البطل تدرُونه
----------------
لقمان لعيبي البدران

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



إرخِصني ياخوي
أروح وآخِذ بثاري
بـﮔلـيبي احِس نار
واريدَن تنطِفي ناري
أنزِل واﮔصد الـﮔوم
وعنك أجلِي الهموم .. وآخذ بثاري
*
يبوالسجاد الَك أشرح مَرامي
وَفي اوياك وإلَك بس التِـزامي
رِدِت عن دين ابوالزهره أحَامي
عِطش عطشان موﮔلبي حُسامي
واريدن اهنا أرَوّي الضـامي بيمِـيني
وعنك يالحسين أدافع وانغَر الدِيني
وارضِي الباري هاليوم
أنزل واﮔصد الـﮔوم .. وآخذ بثاري
*
عِشـت هالحاله وﮔليبي ايتحسَّر
الصَخر لومَر أنه ابهـمّي ايتفطـر
ذَبِح أصحابك وجاسم والاكبـر
وضحَايـانا العلى الغـبره اتوَذَّر
وشِفتك يمظلوم تحظِن إبنك الغالي
بالنبلـه مذبوح وهذا العذّب احوَالي
واصبَح ﮔلبي مالوم
أنزل واﮔصد الـﮔوم .. وآخذ بثاري
*
شِفت بت حيدر اتنوح بخِدرها
سَليبة راي مشـدُوها بأمرها
تصفگ بيدها وشـارِد نَظرها
وبنَاتك يالولي اتعـاين خَبرهه
وتصرَخ يعَـمه العطش ماينحِمل جَاسي
ومِن انظـر الحَال تشِـب نيران لبرَاسي
واشعر روحي مهظوم
أنزل واﮔصد الـﮔوم .. وآخذ بثاري
*
يضَي اعيوني ياشبل الزچيـّـه
أنه ابـﮔلبي صفَت ناري خـفيّـه
الغضَب هاليوم زاد وفَاض بيه
وطُفَح بَحر الحَميه الهـاشميه
خلّيهـه ترتـاح روحي وتطفَـه نيراني
وبذُوله الارجَاس أفجّر سِيل بركاني
وافتح نَـهر الدمُوم
أنزلو اﮔصد الـﮔوم .. وآخذ بثاري
***
كِرَه سيفي الغِـمد ياسَـلوة الروح
واحس صوت العَلم يندَهلي خنروح
واجيت اقسِم عليك ابدِمَع مسفوح
أطُب أرض الحرب واشـفيها لجروح
إقبَل يمولاي اروح ابرَايه مَرفـوعه
وبـﭽفي بتـّار عَليه الشدّه مطبوعه
وتُوصل ليك العلُوم أنزلو اﮔصد الـﮔوم .. وآخذ بثاري
------------- لقمان لعيبي البدران
1442
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)



#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA