#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار 🦋🦋🦋🦋🦋🦋🦋🦋🦋


في ذكرى ميلاد أبي عبدالله الحسين (ع)

يظامي والمُهَج بالعِزه راويها
والدنيه ابدِماك انته لِمْصَحِّيها

إذا أوَّلك سجده الخالق الأكوان
گلي يا حسين اشلون تاليها ؟!

من سجدةْ وِلاده الـ سجدةْ استشهاد
بِعِت روحك اوربِّ الكون شاريها

يجنه اعله الأرض والها صُفَت رجلين
من تمشي عَدَن : (ألله) تحچيها

لمَّن أگبلِت مو بس فِرَح جِبريل
السماوات العلِيه الفرح كاسيها

لأنْ إنته ضُوه اوقُرآن من قُرآن
اومحمد وَيْ صِفاته بيك نلگيها

يبو السجاد بسِّ انته قَصيدةْ شوگ
شاعِرها علي والزهره تِلْقيها

اهواي اتريد تسبي الدنيا بالأضواء
وانته ابنظره وحده الدنيه سابيها

يا شيخ اومُضيفك أوسع امْن الكون
الشموس ابصايتك أدري تلفِّيها

يمك ماكو صعبه اوعيب من تنگال
الما سوَّاها احَد إنته تسوِّيها

أحبك مِثِل عابس بسَّ اشِگ لك روح
روحي مو إلي روحي انته راعيها

علي شَگ اليَمَاني احسين شالشگيت ؟!
أظِن حلْگ المذله اوكِل محاچيها

الظلام اعله البسيطه امسَيْطِر المفروض
لو ماكو طفوف اوإنته ما بيها

بالطف وگفِتك إلها انحِنى التاريخ
اوصلى السيف اوسلم كِل نَبي اعليها

وگَّفْت الزمان اوثوَّرِت لَشْياء
اوگِلبْتِ ابخُنْصُرك عاليها واطيها

ذِبَحْت انته أُميه ابمنحرك يحسين
اوجمره امْن الخِيَم خَلّيت تِچْوِيها

حيَّرْت المجرات ابجُروحك ذيچ ..
رَغُم ما تنزف اتجَبِّن أعاديها !

يوم العاشر ابعاشور أحِسِّ الريح
تكتب (يا حسين) او ألله يِمْضِيها !

خَجِل كِلّش خَجِل يا بو صَدِر مرضوض
تَضْحِيْتك ابكُل شِي اشلون أجازيها ؟!

بُقه هذا السُّؤال ايهِز ضَميري اسنين
وَلا جاوَبْته إلا ابدمعه أجريها ..

موش ابمقتلك .. في مولدك يحسين
رِدِت دمعةْ محمد آنه أواسيها

& & & & &

خادم الحسين (ع) : إبراهيم الدريس


🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار 🦋🦋🦋🦋🦋🦋🦋🦋🦋

هوسات في ذكرى مواليد أبطال كربلاء

هوسة في الإمام الحسين (ع)

يَلِبْنحرك كلبْت الدنيه عالظلام
نزورك لو تَرِس دربك ذَبِح و ألغام
إلا اِنْوَصِّلك لو حتى كوم اعظام

نفديها .. لِزْياره ابـ دَمْنَه

&&&&&

هوسة في العباس (ع)

عجيب اشكد عجيب الكمر يا هالناس
ابوسط مهده او سِمَع حيدر هِتَف عباس ..
منو كفّال زينب و الدرع و الطاس ؟!

شَكّـ اكماطه او جاوَب آنه

&&&&&

هوسة في الإمام السجاد (ع)

علي هاي الأرض دَلّلها بِسْجوده
او خلاها تذوب ابـ رَفْعَةِ ازنوده
ماخِذ هالأثر و التقوى من عوده

او ماخِذ من حيدر إيمانه

&&&&&

هوسة في الإمام السجاد (ع)

علي هاي الأرض دَلّلها بِسْجوده
او خلاها تذوب ابـ رَفْعَةِ ازنوده
ماخِذ هالأثر و التقوى من عوده

او ماخِذ من حيدر .. دلاله الأطهر
او من جَفَّه الكوثر .. ينبع و ايروِّينه

&&&&&

خادم أبطال كربلاء : إبراهيم الدريس




🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار 🦋🦋🦋🦋🦋🦋🦋🦋🦋


موال في ذكرى ميلاد صاحب الجلال
الإمام زين العابدين علي السجاد (ع)

دلاَّله عَن خالِقه لحْظه علي .. مالِهى
والنَّاصِبي مِنْدِهِش صاح الأرُض .. مالَها ؟!
مايِدري هاي الأرُض غير الفَرَح .. مالَها

چي لَن عليها الوِلي مِثْل ارخَبيل .. اندَر
والهذا بين البَشَر طاف السَّعَد .. واندار
مِثْل النَّوادِر علي لاچن علي .. أندَر

والعينه فِدوه البَشَر وولادْها .. اومالَها

إبراهيم الدريس


🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋



في ذكرى مواليد أبطال كربلاء (ع)

يا هلا ابـ أنوار أبطال الطفوف
يا هلا ابـ أنوار أبطال الطفوف

&&&&&

هاليوم ابو السجاد شع مصباحه
او كلِّ لرواح ابمولده مرتاحه
إحسين عطّر هالزمن قِدَّاحه
او ردِّ اعله فطرس بالكرامه اجناحه

بالمَهَد والشمِس بيْه صارت تطوف
يا هلا ابـ أنوار أبطال الطفوف

&&&&&

عباس أزهر عالبشر مولوده
ابـ سَبْعِ الدهر فرحتنه ما محدوده
حيدر إجه صاح اليوافي اوعوده
او يفدي الحسين ابـ عينه ويه ازنوده

امكطعه اجفوفه و لا ايردِّ الجفوف
يا هلا ابـ أنوار أبطال الطفوف

&&&&&

اعقول التِوِد زين الخلكـ محتاره
شع او خَذَت شمس الله من أنواره
ألله على طوله او على أنظاره
يوسف يذوب ابحسنه و ابأسراره

بِسمه حكها تفتخر هاي الحروف
يا هلا ابـ أنوار أبطال الطفوف

&&&&&

من شع على الدنيه ابجلاله الأكبر
خير او لطف منِّ السماءِ اتناثر
جبريل يقسم هالمِسَه بالكوثر
كل شي يصيرن لو علي بس أشّر

سِجْدت ابـ طف كربله الـ وجهه السيوف
يا هلا ابـ أنوار أبطال الطفوف

&&&&&

طه او هَله الباري مقام اِنْطاهُم
او رَحْمِته ألله الواسعه خلاهُم
خل تستمع هالليله كل اِعْداهُم
لـ آخر نفس نبكه او نِظَل وَيَّاهُم

ما نعوف العتره حاشه ما نعوف
يا هلا ابـ أنوار أبطال الطفوف

&&&&&

إبراهيم الدريس

🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋

في ذكرى ميلاد الإمام السجاد (ع)

ابمولد علي السجاد مولانه
أم الحسن هاليوم فرحانه

يا علي يا علي يا علي

& & & & &

عالدنيه أزهر .. واكليبي نَوَّر
نور الجلاله .. شبل الزجيه

رابع ليِمَّه .. المِن طه رَسْمه
هذا اللي خجَّل .. شمْسِ المُضِيه

شمْسَ الله من ضَيْ وَجْهه خجلانه
أم الحسن هاليوم فرحانه

يا علي يا علي يا علي

& & & & &

هالليله فاطم .. مَبْسَمْها باسم
واعله العوالم .. طشَّت وَرِدْها

ابمولد إِبِنها .. مسحت حزنها
لنْ هالمِسِيه .. عيد اهْيَه عِدْها

عيد اوتِغَنّه الطير بَـ ألْحانه
أم الحسن هاليوم فرحانه

يا علي يا علي يا علي

& & & & &

لجل الزجيه .. هِزُوا الثُريه
اوزَيْنُوا المجالس .. بالله يشيعه

اوخلُوا العواذل .. اتموت ابهلاهل
اوهنُوا محمد .. وَيه الوِديعه

هنُوا الرسول ابـ أزكى ريحانه
أم الحسن هاليوم فرحانه

يا علي يا علي يا علي

& & & & &

ابزين العِبادي .. دايم أنادي
جي لنّه ساحر .. كلبي اوحبيبي

سُودَن حياتي .. وَأصْبَح فُراتي
اوبسِّ الـ جُروحي .. هوه طبيبي

روحي ابـ علي السجاد هَيمانه
أم الحسن هاليوم فرحانه

يا علي يا علي يا علي

& & & & &

موسى اوعَصَاته .. اوكِل معجزاته
يَمْ ضَيْ عَلِينه .. تسجِد سجِدتين

اويوسِف جماله .. صوته ايْتِعاله :
(الله اعله حِسْنك .. يا إبْنِ لِحْسين)

كِلِّ الرسل مبتهجه وَيّانه
أم الحسن هاليوم فرحانه

يا علي يا علي يا علي

& & & & &

شيخ السماحه .. وابْن الفَصاحه
هَزِّ المجرَّه .. ابنغمةْ دُعاءَه

غَرَّكنه جوده .. اوظَل بينه زوده
وايظَل عهدنه .. ابحُبَّه او وَلاءَه

منعوفه خلها تسمع اعدانه
أم الحسن هاليوم فرحانه

يا علي يا علي يا علي

& & & & &

خادم السجاد (ع) : إبراهيم الدريس


🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋

في رحاب الإمام الحسين (ع)

هل أنتَ شمسٌ على الظلماءِ ثائِرَةٌ ؟!
أم أنتَ وَرْدٌ تَدلَّى عِطرُهُ العَبِقُ ؟!

أراكَ في كربلا بحراً لآلِؤُهُ
على ضِفافِ الظَّما والمجدِ تأتَلِقُ

أَسْرَجْتَ من دمِكَ الأيامَ فاتَّقَدَتْ
وشعَّتِ النُّطَفُ الظلماءُ والعَلَقُ

أذَّنْتَ حتى تُصلي الرِّيحُ فَرْضَ هوىً
على جِراحِكَ حيثُ الطُّهْرُ مُنْدَلِقُ

زَوَّجْتَ أرضَكَ بالآمالِ حينَ غَدَا
ألنَّبْضُ بالقلبِ يا مولايَ لا يَثِقُ

هل أنتَ مَن مَزَّقَ الأعداءُ بَسْمَتَهُ ؟!
أم فوقَ طَفِّكَ آياتُ الضُحى مِزَقُ ؟!

كَتَبْتَ (لا) بالدِّماءِ الحُمْرِ قافِيَةً
حيثُ الشُّمُوخُ يَرَاعٌ والثرى وَرَقُ

جَبْرَلْتَ لحنَ النَّوى في غُربةٍ سَلَبَتْ
ثوبَ البهاءِ فَغَطَّى جُرْحَكَ الأَلَقُ

بينَ الفَرَادِسِ والنِّيرانِ ليسَ سِوى
هواكَ واسمِكَ يا مولايَ .. مُفْتَرَقُ

يا سورَةَ اللهِ في الأرواحِ ساكِنَةٌ
ما إنْ أُرَتِّلُها فالخِصْبُ يَنْبَثِقُ

إبراهيم الدريس



🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋


في ذكرى مواليد أبطال كربلاء (ع)

ألْبَسْتُ قافيَتي ثِيابَ وَلائي
وأتَيتُ أحمِلُ شُعْلَةً بدِمائي

وأتَيتُ و(الأحساءُ) قد جاءَت مَعي
محفوفَةً بحَمائمٍ نَوراءِ

حتَّى تَزُفَّ ببهجةٍ تَبريكَها
بتَشَعْشُعِ (الأضواءِ) (للزَّهراءِ)

أعني (الحُسينَ) و(كافِلَ الأيتامِ) و(الـ
سجَّادَ) مَن فاقُوا ذُرى (الجَوزاءِ)

و(الأكبَرَ) الوَضَّاءَ مَن عَزَفَ الفِدا
بـ (الطَفِّ) حتَّى صارَ رمزَ فِداءِ

فلِذِكرِهِمْ صلُّوا على (خيرِ الوَرى)
وعليهِمُ حتَّى تَضُجَّ سَمائي

& & & & & &

خادم أهل البيت (ع) : إبراهيم الدريس


🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋


مولد
لذكرى ولادة كعبة القلوب
الأمام الحسين سيد الشهداء عليه السلام
...................
ميلاد الحسين اليوم وافانه
أبتعجيل الفرج للحجه مولانه
أبهالذكره السعيده
فاز اليرفع أيده
أبتعجيل الفرج للحجه مولانه
...................
خدمه للزجيه التستحق خدمه
خلوها الحناجر تهتف أبهمه
أبجاه المصطفى وبجاه أبن عمه
وبجاه الحسن وحسين أبو اليمه
كون أبهالمسيه
تفرج للبقيه
خاطر ينعدل مايلها دنيانه
....................
أبشعبان الفرح وبهلت أهلاله
هنياله الدعه للحجه هنياله
عد أمه الزجيه أمسجله أعماله
أو ناصر للحسين أتشخص أفعاله
أبهالمولد شهايد
من الزهره ناخذ
هنياله الدعوته أبداعي وجدانه
...................
أشرق عالبرايا أحسين نوره
أوجسد للفرح ميلاده صوره
أبن حيدر علي كلمن يزوره
حجه أزيارته أوتفرج أموره
أبهاليوم المشاكل
عباس ألها كافل
عباس أو فتح فسرها بيبانه
....................
ليلة غانمه هاليله محلاها
حضرتها الزجيه أوطه وياها
أم حسين حضرت يعني معناها
بصدور المحافل هسه نلكاها
نور أبهالمجالس
ينطي الخدمه واهس
الزهره الزجيه الليله فرحانه
.....................
اليوسف فاطمه ولهلت أنواره
أرفعو أجفوفكم وتنطرو أبشاره
أبراياته الترف من توصل أخباره
كل مايل يعدله أبزود بتاره
وينه الثاره طالب
ينزل سيفه حاصب
والدين المجيد أيقوم أركانه
....................
خادم أهل البيت
الشاعر : أسماعيل الجوراني
الجمعه : 29/3/2019


🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋



صفكات
لذكرى ولادة سيد الشهداء الأمام الحسين عليه السلام
...................
أبميلاد غالينه .. محلا ليالينه
نصر الولايه اليوم .. غاية أمانينه
..................
سبط النبي المختار  .. ضنوة علي الكرار
حسين أبو الأحرار .. نور ربوع الدار
دار النبي أبنوره .. أتخط للفرح صوره
فاطمه مسروره .. أبهذا الوليد الصار

نرفع تهانينه .. لال النبي جينه
نصر الولايه اليوم .. غاية أمانينه
.................
من نعمة الرحمن .. بالثالث أبشعبان
سبط النبي العدنان .. نوره المبارك بان
يا نور أبو السجاد  .. ماخذ كثيره أبعاد
وباليلة الميلاد .. صار الفرح عنوان

تحجي معانينه .. حبه يروينه
نصر الولايه اليوم .. غاية أمانينه
.................
أبشمع أوبخور أوياس .. زكت نفسها الناس
فرحتها من أحساس .. شيعه أوتشيل الراس
شيعه أبعهد مضمون .. لحسين كلشي أيهون
عابس صفه أومجنون .. واحدها و العباس

يالزهره سجلينه .. ومرادج أنطينه
نصر الولايه اليوم  .. غاية أمانينه

كعبة عشك يحسين .. يفداك ماي العين
لجلك نوفي الدين .. والضحه بالجفين
والنشمي راعي الجود .. هذا العهد معكود
للمله كلنا أجنود .. ونصد غمار البين

للموت تدرينه .. هالعهد ناوينه
نصر الولايه اليوم .. غاية أمانينه
......................
كل الحناجر هاي .. تهتف ألك مولاي
عالعاده أظل وفاي .. أبيوم الولاده الجاي
يالبشدد مذخور .. عمري ألك منذور
أو لجلك أشوفن نور .. كلما شربت الماي

بسمك يوالينه .. تحلا محاجينه
نصر الولايه اليوم  .. غاية أمانينه
.......................
خادم أهل البيت
الشاعر : أسماعيل الجوراني
الجمعه : 5/4/2019

🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋

غير حسين ماعدنه وسيله
----
انت حسين مولانه
بيك تنور دنيانه
الشيعي يصيح بلسانه
بسمك تنجلي همومي الثجيله

---- انت الروح وعيوني
والوادم يحسدوني
بحبك صاير جنوني
بحبك روحي ما تصبح نحيله
---
نورك نور بارينه
روحك روح هادينه
تحله بسمك الزينه
نهنّي فاطمه الصغرى العليله
----
بهل ميلاد يالوالي
فرحانين يل غالي
بسمك صاح دلالي
هذا المحفل بفرحه نجيله
-----
چفوف الروح حنّينه
شموع افراح خلينه
سجّل كل اسامينه
وغيرك ما شخص آنه اشتكيله
-----
الشاعر محمد حسن ضيغم





🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋


مبارك ميلاد الأقمار الشعبانية

قصيدة ( في اليقظةِ و الحلم )

يا حسين و إنت عايش بيه روح
وين ما اباوع جمالك ينرسم
عيني أفتحها أشوفك عالرموش
و من اسد عيني أشوفنك حلم

يا حسين بكل دقيقة اتأملك
سرّك اعجوبة يالمصفن الفلك
يابو الاكبر حِيرْتي شَكتب إلك
و انت يم بابك يدنگ كل ملك
إنت درب الجنة هنياله السلَك
و النكر حبك وحگ حيدر هلك

إنت يا وردة حياتي بهالحياة
باقي كل جرة نفس بس بيك اشم
عيني أفتحها أشوفك عالرموش
و من اسد عيني أشوفنك حلم

إنت يا دمّي الجره بوسط الوريد
و انت يالعايش على اشفافي نشيد
إنت يالحر الرفض موت العبيد
منين ما اجيلك يبو اليمة جديد
هذا إنت و لا أثر باقي ليزيد
هو ربك خاطبك خُذْ ما تُريد

صرت سلطان الگلوب بكل زمان
يا حسين و فدوة اروح لهالأسم
عيني أفتحها أشوفك عالرموش
و من اسد عيني أشوفنك حلم

آني صلّيتك يحيَّ اعله الخلود
يللي بسمك ينفهم سر الوجود
الدنيا من وجهك تظل تضحك ورود
و غيث عالعشاگ كل لحظة تجود
إنت ياللي اتلاشت بفهمك حدود
واهم الظن تخفي عنوانك لحود

الزمن منك أخذ عمره الطويل
و الينكرك ما ملك ذرة علم
عيني أفتحها أشوفك عالرموش
ومن اسد عيني أشوفنك حلم

يالخيالك ينرسم بين الجفون
لو غفيت و عطشت لشوفك عيون
يهون كلشي و فرگتك لا ما تهون
يللي جزنه بهالعشگ حد الجنون
و آنه آمنت و أبد لا مو ظنون
لكلشي من اتگول كن فيكون

انت باحلامي و يقضتي يا حسين
من اعوفك لحظة يموت الجسم
عيني أفتحها أشوفك عالرموش
و من اسد عيني أشوفنك حلم

عباس الأسدي



🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋

في ذكرى ميلاد أبي الفضل العباس (ع)

(أبا الفَضْلِ) هاكَ الفُؤادَ الذي
كواهُ الفِراقُ بنارِ الحَنينْ

بنارٍ إذا ما تَرآءَى لَها
قَرينٌ .. فلَيسَ بهذا قَرينْ

فلا نارُ (نَمرودَ ) من سِنْخِها
فناري أُعِدَّت وظلَّت سِنينْ

ولا نارُ مَن يَدَّعي حُبَّكُم
فهذا الهَوى كـ(الكِتابِ المبينْ)

تَحنَّنْ عَلَيَّ بوَصْلٍ إذا
تحقَّقَ .. أغدو بعَهْدٍ رَهينْ

أطوفُ علَيكَ كما (عابِسٍ)
أُجِنَّ وهامَ بحُبِّ (الحُسَينْ)

إبراهيم الدريس



🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋

ميلاد ابو السجاد هلليله
اجمل تهاني الوالي نهديله
----
بيوم الولاده الدنيه مسروره
من الحسين الكون شع نوره
هذا الوليد الفوّح عطوره
ورد الفرح بچفوفنه انشيله
-----
شعبان شهر الخير والرحمه
بيه انولد مفتاح للعصمه
نعمة حسين اعله الخلگ نعمه
يتباهه هز المهد جبريله
-----
بمهد الحسين الدنيه مرتاحه
والليله فطرس رد اله اجناحه
هل كون اشرق هسه مصباحه
بسمه العرش اصبح يناديله
-----
بهذا الخبر گال النبي جده
احسين مني وآنه من عنده
النبي عطره حسينه الورده
سر وچبير وصعب تعليله
----
حگ نفتخر وبهاي دنيانه
ابن الزجيه حسين مولانه
نندب ابأسمه وتسمع اعدانه
هابيل شامخ رغم قابيله
-------
الشاعر محمد حسن ضيغم




🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋



هوسات بميلاد اباعبدالله الامام الحسين (عليه السلام)
بميلادك الليله هايمه الحبوك
وتنادي ياعلي ويافاطمه مبروك
ينبض كلوبهه مولاي ماينسوك
(حبك متصور بدماها)
@@@@@@@@@@
نور من العرش للكاع
لمن صار ابواليمه
يهز مهده الوحي جبريل
ويناغيله نبي الرحمه
وظل ايكبر الكرار
الزهره اتقبله وتشمه
(والكون ايصفك بصياره)
@@@@@@@@@@
خجلانه الشمس من تنظر بعينه
نزلت للامام تبوس خدينه
شافت نور يسطع يشع بجبينه
(نور من الباري بخدينه)
@@@@@@@@@@
طير الفرح من غرد
وظل يعزف بألحانه
يستاهل ابو السجاد
العظيم المانزل شانه
فطرس من عصى الرحمن
منهو الردهه جنحانه
( وحسين الردهن جنحانه)
@@@@@@@@@@
الخادم عبدالمعين الشمري

🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋

هوسات بحق اباالفضل العباس (عليه السلام)

بساع أم البنين تكوم
من يدخل عليهه حسين
يكللهه ابوالسجاد
ماصح يمي اتكومين
تكله ابطني العباس
هو ايكوم نور العين
(ولو حس بجيتك ينخاني)
@@@@@@@@@@
الشعر شيوصف العباس
من يوكف كباله ايحير
شمرة حيدر الكرار
لمن جان بعده ازغير
كظ الكنطره العباس
وسطرها الزلم تسطير
(وبخيت اليشرد من سيفه )
@@@@@@@@@@
حاتم بالكرم معروف
بيه هالخصله معروفه
كريم ومايرد خطار
ودوم امعزب ضيوفه
بس مايوصل العباس
لمن كرم بجفوفه
(عباس امعزب بجفوفه)
@@@@@@@@@@
ابيوم العطش حيدر
راعي الحوض بالمحشر
ينادي للبطل عباس
الفده بجفوفه المشكر
يجي العباس يم الحوض
يصدله بلهفه وتحسر
يبويه ما اشربه الماي
كبل حسين ابو الاكبر
(وبالمحشر ماناسي حسينه)
@@@@@@@@@@
انه العباس ليث الغاب
انه المعروف بزماطي
من الكد المهره تغير
اجيب الصيده ماباطي
يزينب لويطك عركي
لترس بيهم الشاطي
(وابن امه الينظر لخيامي )
@@@@@@@@@@
حلف عباس بالعباس
من رف شاربه وغضب
النهر للخيم يسحل بيه
ومايه العين زينب صب
كفيلج خيتي عدعيناج
كفيلج واوصل المطلب
( والشط لخيامج جريته)
@@@@@@@@@@
الخادم عبدالمعين الشمري



🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋

يشيعة علي هالليله نباركلــه او نهنّيله
او نهنّي الفاطمه الزّهره
بولادة خامس العتره
*
ليلـة ثالثك شــــــعبان محــــــلاها
ليلـة مولــــــــد المحـبوب من طه
اختار الها الجليل ابعلمه خصّــاها
لبو السّجاد شـاء او نوره ضوّاها
عله شفاف الفرح بسمه
حسين البالعرش اســمه
زف الكل مُحب بُشره بولادة خامس العـتره
*
ياشهر الفرح والخـــــير والاعياد
ندعي الله او رسوله بالفرح تنعاد
اجينه انهــــــنّي بيك بليلة الميلاد
العلي والفاطمه بمولد أبو السّجاد
ونهنّي الحظر ويّانه يهنّي العـلي مولانه
ونهنّي العالم بأسـره بولادة خامس العتره
*
بحضان الزّچيّه الليله شـــع نوره
وبنواره أشرقت وزهت المعموره
بالقـرآن اله چم آيــــه چم سـوره
ســراط المؤمنين حسين دستوره
شفيع الكل ذنب باچر تشوفه النّاهي والآمر
يجي الكل مُحب ويحظره
بولادة خاتم العتره
*
الليله بدار حيدر كل نبي او مُرسل
اجه يهـنّي او يبارك ويّه نور الهل
وآيات التّهـــــــــاني بالسّـــمه رتّل
جبريل او هبـــط لزّهــــــره يتوسّل
يريد اويه اليخدمونه الوحي تستبشر عيونه
يهز مهده يشم عطره بولادة خامس العتره
*
سفّان النّجــــــــاة حسين عنوانه
ماخاب التّعـــــنّه او طاف ديوانه
الحمد لله خـــــدم لحسين خــلّانه
او مَن ابخدمته او خدّامه سَمّانه
الف خيعونه اليخدمه جوازه باچر الخدمه
وياه الزّهره تنتظره بولادة خامس العتره
*
الشّاعر ؛؛ أبو سجّاد الجعفري



🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋


🌹ردادیه جدیده إلی ولادت قمر إلعشیره إباإلفضل إلعباس ع🌹



شجاعا وغیره وحساس
هله إبزودک یعباس

هلاهلاهلا..هلاهلاهلا

🌹🌹🌹🌹🌹🌹

ربنه إمصورا.. عباس
غیرة حیدرا..عباس
سبع ألگنطرا..عباس
أللّه إمقدرا...عباس

راعی إلنخوا و إلباس
هله إبزودک یعباس

هلاهلاهلا...هلاهلاهلا
🌹🌹🌹🌹🌹🌹
أحله إمن إلگمر...عباس
یکتل بل نظر.....عباس
چن موت إلحمر..عباس
بچفوفا إلقدر.....عباس

أبد ما دنگ إلراس
هله إبزودک یعباس

هلا هلا هلا....هلا هلا هلا
🌹🌹🌹🌹🌹🌹

دگ رایة نصر...عباس
چفینه نذر......عباس
لِخته إم إلخدر...عباس
ضحاهن طبر....عباس

عیب و حَدّه ینداس
هله إبزودک یعباس

هلا هلا هلا......هلا هلا هلا
🌹🌹🌹🌹🌹🌹
راعی إلمرجله...عباس
ساقی إلعایله...عباس
بلغیره إعتلی...عباس
حارس کربله....عباس

ضب إچفوفا حراس
هله إبزودک یعباس

هلا هلا هلا....هلا هلا هلا
🌹🌹🌹🌹🌹🌹
بلطگ ما یهم...عباس
چن حیدر شَهم..عباس
لو هد إبعزم...عباس
طشرها إلزلم...عباس

یگطّع سیفه إلنفاس
هله إبزودک یعباس

هلا هلا هلا.....هلا هلا هلا
🌹🌹🌹🌹🌹🌹
شایل کل صفه...عباس
معنات إلوفه.....عباس
جود و معرفه...عباس
أللّه إمشرفه...عباس

عنده إلخوا نوماس
هله إبزودک یعباس

هلا هلا هلا....هلا هلا هلا
🌹🌹🌹🌹🌹🌹

تمت بعون اللّه 1439/ شعبان/3

لخادم محمّد وآل محمّد ص
عباس ابوحمزه الزرگانی...إلفلاحیه



🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋

صايـر يابـو فـاضل قـبل متصيـر
اگبــال اعيون زينب واگف الگــــاك
اتحمل بالحمل تســــع اشهر اجيب
وبالسابع صرت لا عــــلي ينخــــاك
مدنگ مــن صرت چي يمك حسين
وهله بحزام ضهري الحســـن ناداك
صوتــك مــــاطلع بصيارك وجــــان
احترام الگلــب زينب ساكته اشفاك
مــــاتعرف ابمهـــدك تبقه لحضات
اذا مــــو بالمهد رايه وجود ويــــاك
مــــن عدهه وعــلي گلهم اسميه
ساقــــي للعطاشه وگــــمر سمـاك
وصل يصبح اگماطك لو علي يجيب
طــــاري للحرب ويدخـــن اگفــــاك

حيهم

(ضل كاروكَ يدخن من مر طاري الخيل)

محمد كاظم الربيعي



🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋

یا أمیری..یامسیری..یانصیری

یاطبیبی...یاحبیبی..یانصیبی
🌹🌹🌹🌹🌹🌹

یا عشیق إحساسی حسین ..حسین

ساکن إبأنفاسی..حسین..حسین

تاج إنته إلراسی..حسین..حسین


یاحیاتی...یامماتی..یا صلاتی
یا أمیری..یامسیری..یانصیری
🌹🌹🌹🌹🌹🌹
أغلیٰ من کل غالی..حسین.حسین

عایش إبدلالی..حسین.حسین

حبک إلیحلالی..حسین.حسین

یا هوائی..یا دوائی..یا شفائی
یا أمیری..یا مسیری..یا مصیری
🌹🌹🌹🌹🌹🌹
أللّه نزل آیه..حسین.حسین

غایة أهل إلغایه..حسین.حسین

هوا عَلّه إلرایه..حسین.حسین

یاکلامی..یاسلامی..یاهیامی
یاأمیری..یامسیری..یامصیری
🌹🌹🌹🌹🌹🌹
منهجی وقرآنی..حسین.حسین

غایتی وعنوانی..حسین.حسین

ساکن إبشریانی..حسین.حسین

یادمعتی..یافرحتی..یاقدرتی
یاأمیری..یامسیری..یامصیری
🌹🌹🌹🌹🌹🌹

خدمتی وتقدیری..حسین.حسین
للعمر تفسیری..حسین.حسین

للعده تحضیری..حسین.حسین

ما أعوفا..جنه أشوفا..کون أطوفا
یا أمیری..یامسیری..یانصیری
🌹🌹🌹🌹🌹🌹

تمت بعون اللّه

لخادم محمّد وآل محمّد ص
عباس ابوحمزه الزرگانی...الفلاحیه





🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار الشعبانيه 🦋🦋🦋🦋🦋🦋🦋🦋🦋

نزف ابشاره زهت أنواره
الليله بمولد حسين جينه انطش رياحين
*
شهر شعبان هل هل بالسّــمه هلاله
بمسرّات او فرح عالمصطفى أو آله
من مولد المــــــولد نورهـــــــم لاله
حي الله علـــــي الكـــــــرّار وابطاله
شرفنه العالي علينه الغالي
لشــــبوله الميامين جينه انطش رياحي
*
العلي هالليله جينه انهــــنّي ونبارك
بميلاد أبو اليمّــــــــه فرحته نشارك


حُب حســـــين بينه چـــــم أثر تارك
فاز الحظه ابحُــــــــبّه واليضد هالك
حبيب گلوبنه شفيع ذنوبنه
غالينه وضوه العين جينه انطش رياحين
*
ولزّهــره نهـــــنّي بروح منشـــــرحه
مسحنه ادموعنه ونشــــارك الفــرحه
وي كل چف صفگ طير السّعد جنحه
أشــرق گمـــر هاشم عالأرض صُبحه
حليف الـرّايه صدى الوفّايه
ونهـــــنّي أم البنين جينه انطش رياحين
*
أبو سجّاد الجعفري

ابن ليث الحــرايب والنّعــــــــم عباس
حگـها أم البنين اتشّــــــيل بيه الرّاس
وفي ابن الوفــــــيّه وللوفـــــه مقياس
كعبه أصبح ضريحه بي تطوف النّاس
هله بضيوفه كريمه چفوفه
تنطي امراد الاثنين جينه انطش رياحين
*
وأبطال الطّفوف الأكـــــــبر السّجّاد
شعشع نورهم وتلالـــــــــه بالميلاد
بمولدهم حظــــرنه نريد كلنّه امراد
يرب اجعل أيّام الشّــيعه كلها أعياد
او مِنْ اعلينه بفرج مهدينه
ناشـــــر راية الدّين جينه انطش رياحين

ابو سجاد الجعفري




🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA