#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار 🦋🦋🦋🦋🦋🦋🦋🦋🦋


في رحاب الإمام السجاد (ع)

وسط السمه

لن مقامك يا علي كلش جبير
المفترض وسط السمه ايصير الحَفِل

و اللي يلقي الشعر يا زين العِبَاد
المفترض جبريل .. وصفك مو سَهِل

بس كلت لي إكتب انته او ما عليك
او على رب الكون و اعليه اِتِّكِل

او من كلت لي اتفَتِّحَت بوب الخيال
اكبالي و الأفكار تتهاطَل هَطِل

كلت يالطولك مناجاةِ او صلاةْ
بيك ابو السجاد حَسْ شنهو النّسِل

إنته دَلّيت الحياةِ اعله الحياةْ
و انته دلّيته اعله حلمه الما يِدِل

ياللي بالطف عندي مو إنته العليل
كل خصومك مرضى بس انته الـ عَدِل

إنته في قصره أو ذلّيته يزيد
او عِقِد من ألماس حوَّلتِ الحَبِل

من بديت ابخطبتك بالشام خاف
لنه شاف ابعينه هيبةْ بو الفَضِل

إنته كتله آنه بن حامي الدخيل
و ابن ذاكه النحره خله الكل تِذِل

او لن عرف قَوْلك فَصِل ردِّ الظعون
للمدينه خاف من قوْل الفَصِل

يدري لو ظليت تكلب له النظام
و التراب اعليْه تخلّيْه يشتِعِل

إنته بالطف جنت من تدعو الإله
تبتِعِد عنِّ الخِيَم ذيج النّبِل

و أبو اليمه من رمى ابدم الرضيع
ابدعوه منك ما هوى دم الطفِل

او زينب ابدرب السبي ابلايه حجاب
تمشي بس غيرتك صارت الها ظِل

ثورةِ الطف ما بقت منِّ الفراغ
جنت تسندها إذا مال الحِمِل

او بالسبي ممشاك أرَّخ للشموخ
رِجِل تكتب بالوفه او عزه رِجِل

ياللي بعيون المحب تبكه شباب
و الزمن يا سيدي اكبالك كَهِل

إنته يبن الزهره عالدلال امير
و ابعيون الشوكـ تبكه اَجمل كِحِل

إحنه مو كل واحد اندِكـ له احترام
إنته بس ويَّانه يِرْهَم لو نِجِل

بالكتب دَوَّرْنه عن واحد جميل
او ما لكينه بالحِسِن مثلك مِثِل

شنهو أجمل من فَرِد توكع حزين
كلها تِبْعِد و اهوه يمك يبكه خِل ؟!

&&&&&

خادم السجاد (ع) : إبراهيم الدريس



🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مواليد_شهر_شعبان

#مہؤسہسہةّ_مہنہبہريہوٌنہ_آلحسـينيهہ

🌼الانوار 🦋🦋🦋🦋🦋🦋🦋🦋🦋


يا شمعة الليل – من حسنك ادخيل
ادري سمو ك الكمر- لئن انت اجمل بشر
................1
وردة حنيني------- تسكيهه العيون
بخدودي دمعات – الكاهه زيتون
دكتور الاشواك – وصفني مجنون
بحبك يعباس- --من زغري مفتون


خيوط البنفسج- انسجهه للحج
احج بثياب الفخر— لئن انت اجمل بشر
.................2
ياكعبه الراي – جفينك اعياد
تجسي المساكين – وتوزع امراد
وعيوني رادود----- تقرالك انشاد
ودموعي الابيات- وشفافي الاعواد

من اشرب الماي------ ادري يرواي
انت جفينك بحر- لئن انت اجمل بشر
...............3
ظل شعري خجلان- واسهر ليالي
وي ليل الاحلام---- سارح خيالي
من تصدراحكام –--- ختم اعتقالي
قررهه حبك------ بي يغالي

سجنك جناني-- وكلبي هجاني
واعتقال الحب صدر-- لئن انت اجمل بشر
................4
تضحك للغيوم- عين الصحاري
ويضحك للاشجار- جنح الكناري
محد يلومك --------لا يالغفاري
علم اليحبون---- حب مو تجاري

واليكطع اجفوف-- للخوه معروف
منك ايخاف الخطر---- لئن انت اجمل بشر
.............5

يا صاحب الماي- حبك سحرني
للحب يرواي- حسنك يجرني
بالحضره ساكن –كلبي وهجرني
دلالي ولهان –---- لاماعذرني

بكل شدهاناديك- تنقذني بيديك
كمر يخجل من كمر--- لئن انت اجمل بشر

.................
حيدر موسى الرميثي



🌼مؤسسة منبريون للالحان رقم 1
@ahmed_alziwar1

🦋مؤسسة منبريون لنشر القصائد 2
@ahmed_alziwar2

🌼مؤسسة منبريون للمقامات3
@ahmed_alziwar3

🦋مؤسسة منبريون للنعي4
@ahmed_alziwar5

🌼اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA