#قصائدالهلال_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


*وصايا الإمام الرضا ( عليه السلام ) إلى الريان بن شبيب في أول يوم من محرم*

#هلال_محرم
#الليلة_الأولى
#نعي
#عاشوراء_١٤٤٠
#محرم_١٤٤٠
#قصيدة_يا_بن_شبيب
قناة الشاعر / مفضل حبيب
‏

-----------
*يا بن شبيب آنا الرضا و گلبي مكسور*
*أبچي أون مدمي الجفن بهلال عاشور*

------
(1)

يا بن شبيب هذا الشهر للحسره ولآه
وهذا هلاله المنخسف يبچي اعلى مولآه
وكل العوالم تنتحب وتصيح ويلآه
*لجل الجرى في كربلا الفت لصخور*

------
(2)

يا بن شبيب أهل الحگد ما عدها رحمه
وهذا الشهر بيه القتل الحرمه حكمه
ذبحوا عزيز المصطفى سفكوا له دمه
*وراسه على راس الرمح يـاوسفه مشهور*

------
(3)

يا بن شبيب اللي جرى بچّى الأرآضين
وخلا السما تمطر دما وتصيح يحسين
وبس من يهل هذا الشهر يزداد لونين
*ويصبح گميص احسين بالافلاك منشور*

------
(4)

يا بن شبيب ابهالشهر هل دمعك أحمر
گبلك ترى حتى الحجر دمه تفجر
و أحضر مجالس للعزا أشعث وأغبر
*حالك مثل حال الملك تلطم بلصدور*

------
(5)

يا بن شبيب اللي جرى أقرح جفنا
لا يوم مثل الصار بحسين انفجعنا
ذبحوه مثل ذبح الكبش الـ كان عزنا
*ودخلت خواته باليسر مجلس للخمور*

------
(6)

يا بن شبيب ثوب الحزن خلّه شعارك
و أرفع يثارات الحسين بأعلى دارك
ونادي يمهدي بالعجل لا تنسى ثارك
*ثار الذي راسه انگطع والصدر محفور*

------
(7)

يا بن شبيب اجري الدمع بالجنة تفوز
وكل دمعه لجل احسين اضعافها تحوز
و عنك ترضى فاطمة وما يصيبك العوز
*وگبرك تحضره تعتني والضلع مكسور*

------
(8)

يا بن شبيب بس من تهل أول دموعك
انوي تزور ابن النبي بدمعة خشوعك
و گلّه أنا يا سيدي بأمرك وطوعك
*و كل غالي لجلك والنفيس يحسين مدخور*

-------
(٩)
يا بن شبيب قوم ارتدي ثوب الخدامه
وأنسى التعب أنسى الألم أنسى الملامه
وألعن يزيد ابكل وگت جيشه ونظامه
*يوم الذي اتصب العذب وتصيح مأجور*

الوزن فائزي - رباعي


🖋 عبد مُحمد وآل مٌحمد / مُفضل حبيب
------

✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_زيد_الشهيد_ع

#مـۄسسـﮫ_مــﻥــبـريۄن_الحسينية

الناشر.احمد.الـــزوار.cc

ــــــــــــــــــــــــــــــــــــــــــــــــــــــــ

#محرم_١٤٤٠
#قصائد_منبريه
زيد الشهيد ع

مثل حيدر بالحرب تنوصف حملاته
سيفه جان الزلزله نازل بثاراته
زيد صاح بكل أنين
يا لثارات الحسين
سيفه جان الزلزله نازل بثاراته
.....................................................
بي شجاعه من الجهبهه المشرعه وجاب النهر
صاح زيد وكلهه تسمع صوته بركان انفجر
ما اخلي حسين جدي ابلا ذنب دمه انهدر
إلا اخلي اليوم سيفي يكَطع اركَاب الزمر
وصال بيهم جن اسد
حار دمه ومابرد
عنده سهله المساله نازل بثاراته
.............................................................
ثار دم حسين جده مختلط وي دمعته
مانسه ذيج المصيبه اشلون ينسه مصيبته
يذكر امصاب المخيم والايادي الحركَته
وجسم الحسين التسلب والخيول الرضته
ما نسه كل الجره
ونزل بيهم قسوره
بالشجاعه المذهله نازل بثاراته
.................................................................
مَهَد الثار المغيب صاحب العصر الامام
يا لثار حسين يهتف رتَل آيات الغرام
من هجم جيش ال اميه بكربله لحركَـ الخيام
زيد صاح بكل عقيده كوني بردا وسلام
يقره آيات البرد
وينضح بكَصته المجد
سيفه الركَاب اعتله نازل بثاراته
....................................................
بالسهم صابو جبهته استشهد بعزة نفس
جثته الصلبوهه صارت للزمان اعظم درس
والحَمام بجثته عشعش لان بجروحه يحس
وبجت من حركَوهه جثته حته لمصابه الشمس
وبجت من اجله الارض
ثورته تنعد فرض
وهاي أعظم منزله نازل بثاراته
................................................
منه نتعلم درسنه وصرنه للمذهب حشد
انعاهد حسين اعله ثاره من المهد حتى اللحد
وعن وطنه بكل عقيده ندافع و ما نبتعد
والشهاده اعضم مراتب بيهه كل معنه المجد
حاضره وكل ماضِيهَ
زيد رمز التضحيه
سيفه بجفوفه حِله نازل بثاراته

ياسر العارضي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://tttttt.me/joinchat/Dw92Dj9pmspPx7OpNRYqtA

#قصائد_الاربعينية_والمشاية

#مـۄسسـﮫ_مــﻥــبـريۄن_الحسينية

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



#محرم_١٤٤٠
#قصائد_منبريه
#أنتم_ابي
أربعينيه

يـــاحـسـيـن ابـأربـعـيـنـك وبـربـيـع احـزان ديـنـك
نـعـتـنـيـك ازحـوف
نـعـتـنـيـك ازحـوف
يـاحـسـيـن ابـأربـعـيـنـك
..................................................................
ياحسين وهـــاي جلمه بـيـهـه معنه وبـيـهه كل التضحيـات
بيهه نهتف من نزورك وانـت ادرى هاي صـرخات الابـات
عــاشـكَـيـنـك يــا أملنه اشما نزورك نشعر ابهـمس الحيـاة
أحـنـه لـو مَر اربعينك نمشي موكب نسحكَـ اخشوم الطغات
مايردنه الخوف
نعتنيك ازحوف
ياحسين ابأربعينك
....................................................................
انـــــتَ قرأن الشهاده يعني يمك نقره آيــــــات الكتـاب
نكَصـدك واشـما نقدم من ضحايا ماتسد عين المصـاب
كلشي ضحيته الأجِلنه حته طفلك وضح ابدمه الخطـاب
إحنـه نحتـار اشنـقدم يبو اليمه هاك من عدنه الجواب
واليضدنه ايشوف
نعتنيك ازحوف
ياحسين ابأربعينك
..................................................................
نـمـشـي مايردعنه ظالم لامـفـخـخ لا حــزام الـنــاسـفه
عالجدم نمشي ابطريقك بـيـنـه آيه بينه معـنـه الراجفه
يـرجـف الـكـون الأجِلنه والهه تتبع تـتـبـعـلـهـه الرادفه
بــــــالـمـواكب نعتنيلك عـالاعـادي ريح وانهب عاصفه
وهالامر معروف
نعتنيك ازحوف
ياحسين ابأربعينك
..................................................................
جينه مشايه ونريدك تــوكَـفـلـنه سيــدي ابيوم الحشر
انتَ حامينه وامـلـنـه يـــــاشـهـيد الداسـته خيول الكفر
سيدي ابيوم اربعينك من نزورك نـشــعـر ابـلـيـلة قدر
ونذكر امصاب العقيله اليسروهه وشـتموهه اهل الغدر
وابكَلب ملهوف
نعتنيك ازحوف
ياحسين ابأربعينك
...................................................................

كل سنه وكل عام نوصل واعله بابك نغركَ ابفـيـض الدموع
ونــعـتـبـر هــالشي قليل ومــايكـَفي ذره من كسر الضلوع
نخضع الحـزنـك يــوالي وانت تدري نخضع الحزنك خضوع
نوكَــف ابـابـك نـشـاهد نور كَبتك نـور وبـأعـظـم سطوع
وبدمع مذروف
نعتنيك ازحوف
ياحسين ابأربعينك
.........................................................................


ياسر العارضي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://tttttt.me/joinchat/Dw92Dj9pmspPx7OpNRYqtA

#قصائد_الاربعينية_والمشاية

#مـۄسسـﮫ_مــﻥــبـريۄن_الحسينية

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#محرم_١٤٤٠
#قصائد_منبريه
#أنتم_ابي
اربعينيه بذكر شهداء سبايكر

بـيـنـه مِـن سبـايكر صولة شهيد بـربـعـيـنك صاح دمنه البالوريد
يـــاحسـيـن وللمنيه
نبقه جند المرجعيه
بـربـعـيـنك صاح دمنه البالوريد
...............................................................................
عالعـهـد يحسيـن منبيـع العهد يبن الابـــات
واحـنه احرار وفلا نخلف وعد بالنـايـبـــات
تشـهـدلـنه اسبــايكر كَول وفعل بالتضحيـات
مانـبيـعك ياحسـين انت الوطـن وانت الحياة
وابـدمـانه هـالقـضـيه
شيعي نكتب بالهـويه
وداعش ايزيد وولا نرضه ابيزيد بربعينك صاح دمنه البالوريد
...............................................................
شيـعـه وبـعـيـن العـطـش احنه سهم نــبــقـه نـهـر
واحنه صــارلنه جـرف مـن تضحيـه جرف الصخـر
نـنـتـصـر وشـمـا نـزورك نـعـتــــرف ألــنــه الفخـر
جـنـود مـن يـظـهـر ولـيـنه ابدون شك لـلـمـنـتـظـــر
انحـــارب احفاد ال ميه
وننصر الزهره الزجيه
وهذا مبدئنا ويظل هوه الوحيد بربعينك صاح دمنه البالوريد
..................................................................
اريــاح داعـش مـاتـهـزنه ابكـل حرب احنه الجبـــال
بـالحـرب وي داعـش ابطــاري النصر يحـلـه القـتـال
نـذكـر العـبـاس لـو سـَـل صــارِمـــــه يــوم الـنـــزال
مــايـرد لــوكَـطـعــو ايـمـيـنـه الـعـــدو وي الشــمــال
واحنه مثله الجعفريه
بينه عرق الغاضريه
ومانصير الداعش احنه كالعبيد بربعينك صاح دمنه البالوريد
....................................................................
احـنـه تـِربـات الـعـقـيـده ابـكـل زمـن دمـنـه يـفـور
ابـكــل مـعـارك مـثـل حيـدر بـالحـرب الـنه حضـور
عـدنـه حـتـه الـمـات يـرجـع يـنتفض مـن الـقـبـور
يـرجـع ايـشـيـل السـلاح ابـكـل عــزم وجـهـه ينور
هـذا عزم الرافضيه
مـايــوالـون الدعيه
وهذا شي موجود أصلاً موجديد بربعينك صاح دمنه البالوريد
...............................................................




صــرخـة الحـق بـالضـمـايـر تـرتـفـع لا لـلـنـفــاق
مــانـريـــــــــد ابـلا ذنـب وابـلا سبـب دمـنه يُـراق
يـاحسـيـن انـعـاهـــدك نــبـقـه وعـلـي سور العراق
وذره مـِـن اتـــرابـه مـانـنـطـيـهـه ابـد لهل الشقاق
بالجـفـوف الخيـبـريه
نمحي ذكر الداعشـيه
واضح المعنه تره ابيت القصيد بربعينك صاح دمنه البالوريد







ياسر العارضي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://tttttt.me/joinchat/Dw92Dj9pmspPx7OpNRYqtA

#قصائد_الاربعينية_والمشاية

#مـۄسسـﮫ_مــﻥــبـريۄن_الحسينية

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#محرم_١٤٤٠
#قصائد_منبريه
#أنتم_ابي
فزاعيه شور أربعينيه

متعني لحسيني رايه بيمناي
..................................................
أنه كَاصد لبو اليمه
بيه من الزغر جلمه
حسين ابروحي ظل عزمه
ابدمعت عيناي
متعني لحسيني رايه بيمناي
..................................................
اشما أذكر يوم امصابه
تبقه اعيوني سجابه
حيل امبيين اصوابه
وابلب احشاي
متعني لحسيني رايه بيمناي
..................................................
باولاده وأهل بيته
ماناسيهه تضحيته
متربي اعله تربيته
وكَاصد عناي
متعني لحسيني رايه بيمناي
..................................................
هاي الاربعينيه
بيهه الصرخه ثوريه
واترف رايه شيعيه
بيد المشاي
متعني لحسيني رايه بيمناي
..................................................
درب حسين احس راحه
ممشانه ايشافي اجراحه
باب الجنه مفتاحه
بممشه الوفاي
متعني لحسيني رايه بيمناي
..................................................
من امشي وازورنه
لا ما ينشبع منه
جن طبيت آنه الجنه
وموكب وياي
متعني لحسيني رايه بيمناي
..................................................
جمره ابكَلبي لجروحه
اتظل حنجرتي مبحوحه
لمصابه وشوغة روحه
ابدمعي ومبجاي
متعني لحسيني رايه بيمناي


ياسر العارضي



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://tttttt.me/joinchat/Dw92Dj9pmspPx7OpNRYqtA