#قصائد_الاكبر_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

#ويبقى_الحسين





علي الاكبر ع

من حومرت عين الشمس ناديتك
تأخرت عني تره استبطيتك

متعوّده ابشوفك يرد حيلي
واغفه اعله صوتك ياكمر ليلي
----------------------------
من حومرت عين الشمس والظلمه ذبت ليلي
امك يبعد امك تره اغيابك يموّت حيلي
اوحيد انته تدري وعزوتي من رحت شمخليلي
بس ذكرياتك باقيه من فركتك تشكيلي
متعوّده يمه اعله نغمة صوتك ارجعلي لتطوّل ييمه امروتك
اترد يمه روحي لمن اتجيلي واغفه اعله صوتك ياكمر ليلي
----------------------------
ماعودتني اعله البعد وما حسّبت لغيابك
يا يمه رد امروتك فرّح دليل احبابك
يا يمه شنهو العطلك سمعني يبني اجوابك
يا يمه ذابحني خبر سيف النوايب صابك
يا يمه اريدنك تجي اتكر عيني لسنينك انذرت البديل اسنيني
ردلي اعله طولك فصلت حيلي واغفه اعله صوتك ياكمر ليلي
----------------------------
كل ساعه بغيابك جرح كل لحظه شيبه ابراسي
كل دمعه تنزل عالوجن ينزفها جرح احساسي
يالعايش ابكلبي نبض يالمشترك بانفاسي
بفكرة غيابك كل حزن عالكلب اصبح راسي
الهم والمصايب والحزن يلفيني يا يمه جمر النايبه ايجويني
حسبتك انته الجمر تطفيلي واغفه اعله صوتك ياكمر ليلي
----------------------------
جنت اسمع اصياح العده شو هسه لا ما اسمع
ولو صحت وينك يا علي عيوني تفيض ابمدمع
امن انظر قناديل السمه نزلت تطوف المصرع
بساعتها يبني اتيقنت لمك بعد ما ترجع
حسرة شبابك كطّعت دلالي يمه ورحيلك كطع خيط آمالي
ابجي اعله حالك حالي يبجيلي واغفه اعله صوتك ياكمر ليلي
----------------------------
من جل ظلام النايبه وهبّت عواصف حزني
ومن حركوا اخيامي صحت الحك على امك يبني
مامش جواب ولا خبر بس الصدى ايرد باذني
اتأكدت ذبحوك العده الهالسبب ما تسمعني
مذبوح يمه وتنذبح احلامي ومن شفت راسك عالرمح كدامي
كتلك ييمه ابجاهك ادعيلي واغفه اعله صوتك ياكمر ليلي
----------------------------
خادم اهل البيت عليهم السلام
عمار العيساوي الكربلائي




#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed1


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الرضيع_ع_محرم1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


#ويبقى_الحسين






غفت عيني وشفت طيف المنيه
يكول ابني انذبح بالغاضريه
صحت عبد الله غالي افــز لن مهده خالي
----------------------------------
يا زينة حياتي وفتشت العين
يعبد الله يثمرة جبد الحسين
نذرتلك عمري يبني وكل السنين
واحملتك نبض بين الشرايين
يمشكاة الليالي افــز لن مهده خالي
----------------------------------
اصد لبني اشوفه امفطره اشفاه
وغارت عينه من حر جمرة اضماه
راد حسين ابوه ايبرد احشاه
اتجه للعسكر وعبد الله وياه
نطرته وما اجالي افــز لن مهده خالي
----------------------------------
اسمع صوته يخطب ابو الاكبر
ومن خطبته جن ضجت العسكر
غفت عيني وشفت سهم المكدر
طوّك ركَـّـبته والدم تطشر
واحس جنه شكالي افــز لن مهده خالي
----------------------------------
لمن عيني غفت شفته تصوب
لكن اشد من هالحال واصعب
من حسّ ابّرودة دمه تكرب
ظنه الماي مد اشفاه يشرب
المنظر شده بالي افــز لن مهده خالي
----------------------------------
شفت حسين جابه الصوب الخيام
وانه بهالحال كلبي اتصوب اسهام
غفت عينه وطفت بعيوني الاحلام
واناغيله دللول الولد نام

--------------------------------------
انفكد عمري وطفت شمعة حياتي
اويه عبدالله اذبلت كل امنياتي
يدنيه شعندج امن هموم هاتي
فكد عبد الله اصعب نايباتي

-------------------------------------
خادم اهل البيت عليهم السلام
عمار العيساوي الكربلائي



#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



____________________
لمن يجد صعوبة بالحن اطلبه من
@moatmed1



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA