#قصائد_شهادة_الامام_الجواد

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار

🖤الســلام علـــيك يــا بــاب المـــراد 🖤

ــــــــــــ◐◐◐◐◐◐◐◐◐ـــــــــــــــــــــــــ


#بحر_الطويل

إﮔصد للجواد إبشوﮒ === وإطلب حاجتك مــِنــّه
ــــــــــــــــــــــــــــــــــــــــــ
جواد إو مايرد ﺷﭼــّاي == إطلـــــب حاجتك مــِنــّه
يـِهـَلــّي إبكـُل موالي جاي == إطلـــــــــــب حاجتك مــِنــّه
طبيب الشيعته مولاي == إطلـــب حاجتك مــِنــّه
ترد مسرور يامهموم === ﭼـَنــّك زايـــر الجـَنــّه
إﮔصد للجواد إبشوﮒ === وإطلب حاجتك مــِنــّه
ــــــــ
مضيفه ما يسدّه دوم == إطلب حاجتك مــِنــّه
هذا إبن الرضا الموسوم == إطلــــــــب حاجتك مــِنــّه
جوده فايض إو معلوم == إطلــب حاجتك مــِنــّه
حـَدّثــْنــَه النبي المختار === وبـــوه المـُرتضه عنــّه
إﮔصد للجواد إبشـوﮒ === وإطلب حاجتك مــِنــّه
ـــــــ
أبو الهادي إمام الخير == إطلـــــب حاجتك مــِنــّه
إﮔصده يا مـُحب لــَتـْحير == إطلــــــــب حاجتك مــِنــّه
إلــَه واجب عليك إتسير == إطلـــــــب حاجتك مــِنــّه
إذا زرته إو طلبت إمـراد === ما ﺗﺑﮔــه أبد مـِحـْنــَه
إﮔصد للجواد إبشـوﮒ === وإطلب حاجتك مــِنــّه
ــــــــ
أبو جعفر نقي إو معصوم == إطلـــــــــب حاجتك مــِنــّه
ياوسفه عليه مسموم == إطلـب حاجتك مــِنــّه
إنصـُب مأتمه إبهل يوم == إطلـــــــب حاجتك مــِنــّه
عــزّي فاطمه وإنعاه === عــزّي والده إو إبنه
إﮔصد للجواد إبشـوﮒ === وإطلب حاجتك مــِنــّه
ــــــ
شباب إو ما حلت دنياه == إطلــــب حاجتك مــِنــّه
ﮔضاها إبضيم واويلاه == إطلب حاجتك مــِنــّه
بس نال المجد مسعاه == إطلـــب حاجتك مــِنــّه
يشع بالكاظميــّه أنـــــوار === مــَنْ بيه العلي مــِنــّه
إﮔصد للجواد إبشــــوﮒ === وإطلب حاجتك مــِنــّه
ــــ
صلـّي إعلى النبي والآل == إطلـب حاجتك مــِنــّه
ما لاحه الرجس ما نال == إطلــــــب حاجتك مــِنــّه
جواد إو ماتهــزّه أهوال == إطلـب حاجتك مــِنــّه
لأن هيهات ما ننســـــــاه === صار الناصبي ضـِدْنــَه
إﮔصد للجواد إبشــــوﮒ === وإطلب حاجتك مــِنــّه
ـــــــــــــــــــــــــــــــــــــــــ
مع تحيات شاعر اهل البيت / جابر النجفي




✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_المشايه_والاربعين

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁



رجوع السبايا الى كربلاء

#بحر_الطويل

يمكن قراءة هذه القصيده بطور قصيدة ( يم الشريعه طايح لواكم ) التي قرأها الرادود الحسيني باسم الكربلائي

يبـن أمـّي جيتك---- === ملهوفه آنــي
ﺗﮔـعدلـي ريتــك === ﻓﮔـدك عماني
نـاري إبدليلـــي === وينــه ﭼفيلي
يبن أمـّي جيتـك === ملهوفــه آني
ــــــــــــــــــــــــــــــــــــــــــــــــــ ـــــــــــــ
إجيتك ياإبـــــــــــــــن أمي == بعد غيبه طويله اليوم
أزورك خويه وإعذرني == غصـُب عفتك يبدر الحوم
وأريد أنصـُب عزه يَمّــــك == وأﺑﭽﻲ إعليك يامظلوم
وأشِمّن تـُربك إلدامي == وأشوفن طفلك المفطوم
وأندب ونـــــادي === يايـُمـّه جيتـه
بعيوني رسمــــه === ما فارﮔيتــــه
غطـّاني ليلــــــي === وينــه ﭼفيلي
يبن أمـّي جيتـــك === ملهوفــه آني
ـــــ
إجيتك إنـْدَه اﻟﭼـافـــــــــــــل == يِنـْهَضْلي إو يجي العباس
وَرَكّبْلـــــــــــَه إﻟﭽفوف إردود == وزيلن سهمه راعي الباس
وأشِمّه إبصدره المهيوب == أعَطـّّر بيــــــه للأنفاس
وﮔلـّه ياعجيــــــــد الجيش == بعد عينك ولونه أرجاس
مـَرّت مصايـــــب === ياخويه بينه
أﺑﭼـي إو أعاتـــب === وينه ولينــه
وأهتف يويلـــــي === وينــه ﭼفيلي
يبن أمـّي جيتـــك === ملهوفــه آني
ـــــــ
إجيتك أنصب الماتــــــــــــــم == وأبثها إبكربله الاحزان
وَشِم تُربك وشـــــــوف الدم == يِرَتـّّل ســـــورة الانسان
اشوفه إمن الترب ينزف == يبنيه المجد عنوان
حتماً ما يموت إيعيش == وإيطش نوره للأكوان
بالغاضريـّــــــــــه === تضوي دماكم
من كـــــــــل ثنيّه === يطلع سناكم
ريته يجيلــــــــي === وينــه ﭼفيلي
يبن أمـّي جيتـــك === ملهوفــه آني
ـــــ
إجيتــــــــــــــك والهمــوم إﺛﮔال == جُرح ﻳﻟﭼـم جُرح بالروح
جُرح ما يشفـــه بالدُوْيات == جُرح ﻳﺑﮔـه إبألم وإينوح
أريدن أغسل إجروحي == بالدمعــــــــــــات يامذبوح
وإبنــــــــــــورك أداويهـــــــــا == بس ﮔلبي يظل مجروح
جُرحه ضهدنـــــي == ينزف حبيبـــــي
مـــن عـِلـْتـَه وآني == ﻳﭼـــوي لهيبـي
وإنهدم حيلـــــــي === وينـــه ﭼفيلي
يبن أمـّي جيتــك === ملهوفــه آني
ــــــ
إجيتك رايده إتشوفـــــــــه == حالي من بعد فرﮔاك
رسمك ما ترك عيني == دوم أحلـم ترد وأتناك
وأحلم لن ﭽفوف إثنين == تمسـح دمعتي وإتنخاك
ﭽفوف الماركــد باﻟﮔاع == يــوم إبكربله عفناك
حامي الضعينــــــــه == نور الهواشــم
روحــــــــه الحزينه == تنهض تسالــم
همـّــــــي خليلـــي === وينـــه ﭼفيلي
يبن أمـّي جيتــــك === ملهوفــه آني
ـــ
إجيتك رايده تنخــــــــــــــاه == أبو فاضل يرد بينه
نسير إحنه إبحلم ﻣﻟﮔــــاه == تراعـــــــي العايله عينه
تسير القافله بحمــــاه == يوصل بينه والينه
لعد طيبه إو يــــــرد إردود == إلك يرجع يبو إسكينه
يوصــــــــــل وطنــّه == ويـــّه الضعينه
ﻳﻟﮔاهــــــــــــا أمــــّه == ذﻳﭻ الأمينـــــه
زوده دليلــــــــــــي === وينـــه ﭼفيلي
يبن أمـّي جيتــــــك === ملهوفـــه آني
ــــــــــــــــــــــــــــــــــــــــــــــــــ ــــــــــ
مع تحيات شاعر أهل البيت / جابر النجفي



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA