#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

الشاعر ((ناجي الصالحي))

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


#الدفن
~~~~~~~~~~~~~~~~~~~~~~~~~~~~~
رجع زين العابدين يدفن اجساد الطهر
ال هاشم ساعدوه رجع مكسور الظهر
وصل ودموعه تهل يدفن اجسام الاهل
رجع مكسور الظهر
~~~~~~~~~~~~~~~~~~~~~~~~~~~~~
ال هاشــم ســاعدوني عالمصيبــــــه

رجــع محــدب الظهر يدفن حــــــبيبه

ثلث تيــام الجسد مرمــــي عجــــيبه

اعزاز كلبه عالــــــــترايب يا نحيــــبه

ونته اذوب الصخــر يعــثر بهمه ويصد
يحجي وبكلبه جمر جــمرته تمرد مــرد
جرح اجفوفه الحبل يدفن اجسام الاهل
رجع مكسور الظهر
~~~~~~~~~~~~~~~~~~~~~~~~~~~~~
ابلا غسل جسم الحبيب اشلون حاله

عالترب مــــطروح جسمه منهو شاله

يسولف بيــــوم الضــــعن شدة رحاله

جــــسم ابوه اموذر يجــــــمع وصاله

يحجي عن حال السبي والجره ويه العايله
كــعد يم جــــسم الولي والمدامــــع هامــله
بالشمس وابلا غســــل يدفن اجسام الاهل
رجع مكسور الظهر
~~~~~~~~~~~~~~~~~~~~~~~~~~~~~
ال هاشــم كــــومو لــيه ساعــــدوني

ندفن اجــــــــسام الغوالي الفاركوني

واعذروني ظهــــــري محني اعذروني

ال هاشم يا هظــــم شافت اعــــيوني

خضر بروحي جرح عمــــــتي ويه الغرب
وانه سابيني المرض والله هالموقف صعب
عمتي فــــوك الهزل يدفن اجــسام الاهل
رجع مكسور الظهر
~~~~~~~~~~~~~~~~~~~~~~~~~~~~~
رجع من الــــكوفه والدمــــــعه تلالي

زين الاعبــــاد ويــــون لجل الغــوالي

عالــــترب ضلــو وسافه اهل المــعالي

ابلايه تغســــيل ويضل عنــهم سؤالي

ليش ؟ يا ناس الغدر اهلي ما عدهم ذنب
ابدور واشعشع ضوه وسفه ضلت عالترب
شايل بعيــــنه زعــل يدفن اجســام الاهل
رجع مكسور الظهر
~~~~~~~~~~~~~~~~~~~~~~~~~~~~~
الموقف الاصــعب شفت عمــتي سبيه

ال هاشــــم هذا مــــــوقف مر علــــيه

راس ابوي اعله الرمح ويصــــد اليــــه

شفت كدامــــي الشــــمر سلب رقــــيه

جمره من نار الخيم تحرك بروحي حرك
منهد يــــوم السبي جفــني ابدآ ما طبك
صار بينه مو سهل يدفن اجسام الاهل
رجع مكسور الظهر
~~~~~~~~~~~~~~~~~~~~~~~~~~~~~
#تمت بحمد الله وتوفيقه~
بقلم الملا ناجي الصالحي✍•~
#ونسألكم الدعاء~
#محــــرم ١٤٣٩هــ~
#ويبقى الحسين~




✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

#اكبر_قناة_لنشر_القصائد_مع_الالحان🔸🔸
https://telegram.me/joinchat/AAAAAD2cKU7dhy13L1EGYQ