#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار


🖤الشاعر محمد هادي العقابي🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁

#مقدمة للاكبر ع


علي الاكبر ع


يبني  ياعلي تبعد .....عن امك منو الينشد 
ياالاكبر دحاجيني......يبني ولاتاذيني
..................

يمه حاجيني واريد اسمع جوابك
خاف تمشي وانحرم شوفت شبابك
كل عذاب الدنيه يمه ولا غيابك
تروح وتعوف امك اتشم بثيابك

واكسر خاطر ابدونك....فدوه لشوفت عيونك
وتسيل الدمع عيني.....ياالاكبر دحاجيني
....................

يبني كلب الوالده بحبه وحنانه
عالولد يبقه يرف ابكل زمانه
يمه وكليبي صرت انته بمكانه
شحط بين اضلوعي لو طولك جفانه

شحمل والصبر يصعب...وكلب الوالده مجرب
وحدي لاتخليني ... ياالاكبر دحاجيني
.....................

انته رايح واني احسب بالثواني
ولاتخليني اكول ابني نساني
يالولد روحي تضل بعدك تعاني
احس من هاللحضه فكدك جن عماني

أعلم يبني واتأذه...وياك انتهه الملكه
وفراكك يجويني....ياالاكبر دحاجيني
......................
 
ضاع كل ارباي والليل السهرته
والعمر ماينسي الوياك عشته
بعدك الدنيه ييمه اكضيهه سكته
ياهو يتلكاني وضحك وي ضحكته

ماشفت الفرح بعدك....كون اتمدد بلحدك
يبني وشمعت اسنيني...ياالاكبر دحاجيني
........................
 
شلون من بعدك يخلص يمه عمري
وعله فراكك ياعلي مكسور ضهري
يبني يالاكبر عليك ادموعي تجري
ياحسافه انفتح كبرك كبل كبري

طبع الزمن من يغدر....مايرحم ولا يعذر
ياخذ من يسليني....ياالاكبر دحاجيني
........................

يمه يمدلل بسيف يوذرونك
ومن كثر نزف الدمه مخطوف لونك
والّدك ضهره نكسر يبني بدونك
وخذت كلشي وياك من غمظت اعِيونك

حسين وحيله التهدم...من شافك نجيع بدم
وانه ابقه على ونيني....ياالاكبر دحاجيني



خادمكم محمد هادي العقابي
 





✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#برنامج_محرم_1439

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار


🖤الشاعر سيد علي الموسوي🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁



#مقدمة للخدام




حبك اعليه انفرض***ألله رايد بيه حظ
يا ابا عبدالله...يا ابا عبدالله

ـــــــــــــــــــــــــــــــــــــــــــ
ألف شكرا من گلب عندك دخيـل
والألــف شـكــرا أگولنهــه قليــل
ياحبيبي وداعة اعيـــون الكفيـــل
الله مايخلــــق مثيـلك مستحيـــــل
سيدي ومثلك أبد****لم يكن كفوا أحد
يا ابا عبدالله...يا ابا عبدالله

ـــــــــــــــــــــــــــــــــــــــــــ

الدنيـه مختنگـه وتنفسهــه ابهــواك
والله ضلمه اتصير لو تفگد ضـواك
الكون كله ابحظرتك يطلب رضاك
عاش كل عمــره خساره الما إجاك
مو عجيبه الانبياء****توگف اباب الرجاء
يا ابا عبدالله...يا ابا عبدالله..
يامـلك والـباري خـالـقلك عبيـــــد
لجلك الخــدام كــل ساعـــه تزيــد
عله اعناد الشمر والحومه ويزيـد
كلشي يعتگ وانت يوميـــه جديـد
بالمجالس يارئيس****عدنه يوميه خميس
يا ابا عبدالله...يا ابا عبدالله
ـــــــــــــــــــــــــــــــــــــــــــ
للأخصائــي رحــت بيـــه أنيـــــن
گتلـــه يادكتــور كاتلنــي الحنيـــن
احتار بيه وگلي هاك اسمعني زين
ديـــر بالك تبتـعـد عـــــن الحسيـن
والله طيّب مسمعي****گلي كثر بالنعي
يا ابا عبدالله...يا ابا عبدالله
ـــــــــــــــــــــــــــــــــــــــــــ
لو ردت أرتاح مـن كــل العناء
ألبس اسود والطم ابهذا العــزاء
اشما تعيش البشـــر تاليهـه فناء
مايموت الگلبه شايــــل كربلاء
والخدم شبل الولي****وجهه أبيض يم علي
يا ابا عبدالله...يا ابا عبدالله

سيد علي الموسوي

✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿#اكبر_قناة_لنشر_القصائد_مع_الالحان

https://telegram.me/joinchat/AAAAAD2cKU7dhy13L1EGYQ