#قصائد_مسلم_بن_عقيل

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤من سفير إحسين إطلب حاجتك وإلمُصابه خلها تجري دمعتك🖤


▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


#كعدة


(( المستهل))





مسلم غريب أبهالبلد ...... ياونه زيدي


لا ناصر ولا معتمد ...... ياونه زيدي


علوم المنايه الـي بدت.... بغدرة الكوفه الـعاهدت


ياونه زيدي




************************
آه يا محنة سفير وآه ياروحــــــــــــــــه الغريبه
الما أله بالغربــــــــه ناصر وحده يتلـﮝـه المصيبه
لاﭽــن أصعب منهه وأهظم لو خذل صاحب أبنيبه
لوزامط أودﮚ الصدر وﮜـال آنه أبوكـــت العسر
أتحسبه بالشده ذخــــــر ويحضر الساعة العصيبه



ولو طعنه جتك بالضهر ...... ياونه زيدي
من صاحب أبساعت عسر ...... ياونه زيدي
هاي الامور اجسدت ....بغدرة الكوفه العاهدت
ياونه زيدي


************************
ودت الكوفه كتبهه وأبو اليمه أعلن قراره
وشاف مسلم أهل ألهه وخيره من أهله وانصاره
حسين ابن عمه وأمامه قلده ثوب الســـــــــفاره
لحسين ماقدم عذر مسلم تأهب للأمــــــــــر
سمعاً وطاعه ومبتشر ونهظته بعزم وجداره


ســــاعات الموادع بدن ...... ياونه زيدي
مسلـم ســـــــرى بدرب المحن ..... ياونه زيدي
ودع حميده وماهدت.....بغدرة الكوفه العاهدت
ياونه زيدي
************************
من وصل مسلم الكوفه مكلل أبتاج المهابه
ﮜامت توافد زلمهه حييته كلهه أبرحابه
وصلى بالمسجد الاكبر عن أبو الــيمه نيابــــه
صلو ورى سبعين الف لاكن جمع مآ مئتلف
بالشده يهتز يـــــرتجف هــألتناقض بي غرابه


الصادﮚ أبكول وفعل ...... ياونه زيدي
ثابت يضل لا ما يزل ...... ياونه زيدي
شحت الكوم الجاهدت ....بغدرت الكوفه العاهدت
ياونه زيدي


************************
أجتمعت الكوفه أعله مسلم والامر شاعت أخباره 
ويوم أبن مرجانه أﮜـبل تبتدي أول شراره 
كتاب عزل الوالي بيده وطب على قصر الاماره 
وﮜال أنه لي صار الامر والكل يطيعوني جبر
ولملم ربع من كل كتر وأحرف الحـﮚ عن مساره



وتضعضعت ذيج الهمم ...... ياونه زيدي 
تنشرى وتنباع الذمم ...... ياونه زيدي
ﮜوم الظغينه أتعاضدت ...... بغدرت الكوفه العاهدت
ياونه زيدي
************************
هدد أبن زياد واعلن جيش من الشام يوصل 
رجت الكوفه السطوته وصار بيهه الخوف يحصل 
وﮜــال كلمن وآلى مسلم راس عن الجسد يفصل 
جراس الغدر ﮜامت ترن وصار الابو يرد الابن 
لاضل عهد لا ضل وزن الخوف خلاهه أتحول


من مسجد الكوفه طلع ...... ياونه زيدي
مسلم اله محد فزع ...... ياونه زيدي
وين الرجال الواعدت ...... بغدرت الكوفه العاهدت 
ياونه زيدي


************************
مابگه ناموس عدهه الوادم ولاحته غيره 
ضاگت الوسعه أعله مسلم بهألأمر صابته الحيره
ضل يدير العين وحده عافته أجموع الغفيره 
ياســﭽـه يخطي يادرب ماضيــَّـفه بيت ويطب 
صعبه الغريب الينطلب وما تصح يمه العشيره


وين العشيره أبياكتر..... ياونه زيدي 
ياهو اليخبرهه الامر..... ياونه زيدي 
خانت الـﮜوم الكاتبت .....بغدرت الكوفه العاهدت 
ياونه زيدي


************************
بقلم 
محمد ابورغيف 
اسئلكم الدعاء



✿كروب مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

#القناة_الرسمية_لنشر_جميع_قصائد_الشعراء

https://telegram.me/joinchat/AAAAAD2cKU7dhy13L1EGYQ

#قصائد_اولاد_مسلم_بن_عقيل

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤هاليتامة شلون ذبحوهم عجيب ذولة مثل حسين واحدهم غريب 🖤
▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


#كعدة

للماعرف سر هالدمــــــع يحضر نريده

ومن عدنه لوبس يستمع قصة حميده

ماكال هذا النوح بدعه ..... ويانه تجري اعيونه دمعه

من عدنه لوبس يستمع قصة حميده

ــــــــــــــــــــــــــــــــــــــــــــــــــ ـــــــ

للي حيرهم دمعنه = وضـــاعت اعليهم أسبابه

وليش يتجدد عزانـــه = بآه يحسين ومصــابه

والله لوسمعو حميده = من تنادي بحسره يابه

والبنت مومــثل الولد = لوعنهه والدهه أبتعد

تنعــــــــاه تبقى للأبد = وتنهظم واللـه بغيابه

لوردت تسمع للنهايه القصه مني

اتكلي ياناعي بكلامك هاج حزني

هذا المصاب ألي يسمعه .... ويانه تجري اعيونه دمعه

من عدنه لوبس يستمع قصة حميده

ــــــــــــــــــــــــــــــــــــــــــــــ

قصص يوم الغاضريه = اهواي شحجي انه عنهن

الك عن هالطـــفله أسـولف = لوأسولف ألك كلهن

وانه سالفتي حمـــــيده = قصــــه وتميزت منهن

والدهه بالكـــــــوفه انغدر = لاتدري دم نحره انهدر

ومن وصل لحسين الخبر= عله الطفله ادموعه صبهن

من دون الاطفال تعناهه ابعبرته

ماكدر يحبس بالجفن يمهه دمعته

حتى الصخر والله تصدعه .... ويانه تجري اعيونه دمعه

من عدنه لوبس يستمع قصة حميده

ــــــــــــــــــــــــــــــــــــــــــــــــــ ــ

بجه لمسلم أبواليمه = وحضن هالطفله الحزينه

وعله العاده الطفله صاحت = والدي يمته يجينه

عله راس الطفله لمن = مســـح احسين بيمينه

كل وضع هالطفله اختلف = باليتم حست للأسف

وألهه عن سره كـــشف = والدج ضاع امن ادينه

ياطفله تسمع راح أبوهه ومايجيهه

وماتلطم اشلون الوجه بثنين أديهه

وياكلب مايختلف وضعه .... ويانه تجري اعيونه دمعه

من عدنه لوبس يستمع قصة حميده

ـــــــــــــــــــــــــــــــــــــــــــ

اجت سكنه وتصبرهه = وصاحت بحسره شديده

هم يخليني يتيمــــه = ألمسح راسج يختي بيده

منهو يمسح راسي انه = بيم عــــاشر ياحميده

وعالمشرعه يطيح العلم = وباجر يحركون الخيم

وتنسبي اطفال وحرم = احسين لوحزو وريده

جني اشوفج ياحميده دون ألايتام

محتاره بخوانج الضاعو بين ظلام

صعبه الاخولمن نضيعه .... ويانه تجري اعيونه دمعه

من عدنه لوبس يستمع قصة حميده

ـــــــــــــــــــــــــــــــــــــــــــ

وبواليمه من سمعهن = صــاح يازينب تعالي

من مأسي الغاضريه = طمني يختي اعيالي

هاي سكنه اتكل حميده = بكربله مايبقى والي

لنج يزينب بت علي = بطفالي وباكي هلي

انتي يخويه اتكفلي = من يرد المهر خالي

هايه حميده خايفه من يوم عاشر

وقصتهه كتبتهه بدمع هاي النواظر

والعدو حالتهه تفجعه ... ويانه تجري اعيونه دمعه

من عدنه لوبس يستمع قصة حميده

ـــــــــــــــــــــــــــــــــــــــــــ

جبار البطاط



✿كروب مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

#القناة_الرسمية_لنشر_جميع_قصائد_الشعراء

https://telegram.me/joinchat/AAAAAD2cKU7dhy13L1EGYQ