#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

يبقه العشگ لحسين. وبحبّه متمسكين
لا سنة ولا سنتين. حد المنية حد المنية

ــــــــــــــــــــــــــــــــــــــــــــــــــــــــ


قصيدة نزله... ✍️



يالتهوه أبو اليمه    لا تتـرك الخدمـة
***
يلي تحـــب حسين من كَلبــك
إعلــن السُكان الأرض حُبـــك
باݘر تجــازي فاطمــة تعبـــك
أخـدم ابنهــا وينغفـر ذنبــــك
فَرح الزݘية أُمه     لا تتـرك الخدمـة
***
لا تبتــعد مـن تكــثر أمـوالك
واتركـه من تتحسن أحوالك؟
خلي يعـيش العاشـــر ابـــالك
يا من خِدمت حسـين هنيـالك
لِجلك وهـب دمه      لا تتـرك الخدمـة
***
دينــك حسين اتمسك ابدينـك
إياك باݘـــر تتــرك حســـينك
هــاي المراقد حطهن ابعيـنك
إنطــي مثـل عبــاس ݘفيــنك
قصدي انت تفتهمه؟    لا تتـرك الخدمـة
***
الضحالك ابدم منحرة الطـاهر
وبصدره كلسا يسحكَ الحــافر
لليــوم(هَل) يصيح من ناصـر
توقـع ظهــور المنتظر باݘـــر
قاتل ويـاه خصمه     لا تتـرك الخدمـة
***
اشمــا تمـلك وكــل التحَصلها
بالدنيــا هـــاي تعوفهــا كلـها
هالخدمـة هــذي بالك اتملــها
وإدعي الله منك كـون يقبلها
ويحقق الحلمــه     لا تتـرك الخدمـة
***
ما ينســه أبو اليمه اليخدمونه
خِدامه حتـى نحـــور ينطـونـه
فدوة العمـر للسلبـو اضعــونه
كــل العوالــم مــا يوافـــــونــه
كِلها فـــده لسمه     لا تتـرك الخدمـة
***
صاحـب الموكب لازم اتعيــنه
هوه يشــد حيــله ويكَـف بينه
يتعــب إذا وَحَـــدهَ امخليـــــنـه 
هنيـــاله هــذا اليخــدم حسـينه
ويكَضي العُمر يمه    لا تتـرك الخدمـة
***
لا مــال باݘـــر لا وَلــد ينفـــع
عريان منهــا وداعتــك تطلـع
غيـر الحسين هنـاك مـا يشفـع
آل النبــي ينطــونك امربـــــع
والناس تحتــرمه     لا تتـرك الخدمـة
***
هاي الخِــدامه تربـي أولادك
القبــلك عليها ماتــو أجـدادك
توَصِلها لازم كــون لحفـــادك
خـادم إلــه رب العــرش رادك
والخـادم ايكرمـه    لا تتـرك الخدمـة
***
حيدر حسين الكَرعاوي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://tttttt.me/+tVfRCNCfpmJlMGRi
الكروب الثاني 👇
https://tttttt.me/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA