#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصائد المشايه
..................................................................

ملايين ملايين طلعت سوه زوارك
ملايين ملايين متعنيه كلها لدارك
طلعت المشايه لكربله عنايه
..................................................................1
اليـوم مـــــــــن البصره طلعـت هالزلم
بهمه والله والجـــــــــدم يسبگ جـــدم
لكربلــه توجـهوا شــــدوا هل حــــــزم
طلعوا بغيـره وحميـه واخـلاص وعــزم

ذوله أهل البصره كلهم هالاجوا
لكربله هل يــوم مشايه أعتنــوا

ذوله الوفايه لكربله عنايه
..................................................................2
ذولــه أهل ميــسـان أهل المـــرجلـه
وي أهل ذي قــار گـصــــــدوا كـــربله
الديوانيـــة وكل اهلها نادوا ياهلــــه
الحلــه نادت الـــزاير احنـــــــه ندلله

هالله هالله الحله تــرحب بزواره
لحسين حلوه الخدمــه ولخطاره

التخدمه هوايه لكربله عنايه
..................................................................3
ذولــه أهل بغــــداد طلعـوا معتنين
الكــوت وي أهـل السماوه كاصدين
من كل مكان اليوم اجوا هالزائرين
كلها تهتــف كلها تصــــرخ ياحسين

ذوله أهل غيــره وحميـــه هالاجوك
عالـوعــد كل عـــام والله مانســوك

التزورك هايه لكربله عنايه
..................................................................4
ذوله أهل سامــره يحسين اعتنوك
وياهم أهل النجف يامولاي اجــوك
بالزهره أمـــــك والله هــــم حلفوك
وبعلي حيــــدر والله هم ناشـــدوك

نحلفك بحيدر علي حامـــــي الحمه
مـــن الخطر كل زايـــر انتـــه تسلمه

حققلهم غايه لكربله عنايه
.................................................................
الشاعر عماد محمد الدراجي
الثلاثاء 2018/10/2




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصائد المشايه
(لحن عمار الكناني الزغار والكبار )
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
ملايين للحسين هالاجت مشايه
يصيحون ينادون نبقه الك وفايه
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
هاليوم كلنه ماشين
نزورك والله يحسين
مشايه احنه جينه

نزورك والله هاليوم
بدربك نبقه للدوم
تبقى أنته ولينه

بدربك ماشي عناي
بدربك يحلى ممشاي
مشايه أعتنينه

بالمشي مانتعب دوم
لازم نوصل اليوم
لوكطعوها ادينه

أجينه لولينه نزوره وتدرونه
والارجاس بلا أحساس عنه ميمنعونه
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
بالموكب كعدنه
قرايه احنه سمعنه
ياهله بخدام حسين

شفنه احنه المعازيب
أهل الغيره والطيب
شفنه أحنه الموالين

صاحوا ياميت هله
زاير حسين ندلله
ونحطه احنه بالعين

تفضل يمنه زاير
تعشه وامشي باجر
عالمشي أنتوا ملحكين

نحبكم نودكم باتوا يمنه الليله
تره احنه صبحنه بيكم يشد حيله
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
تفضل يمنه زاير
كلشي عدنه حاضر
بأمرك لا لتهتم

أكعد يمنه وارتاح
وهمك خله ينزاح
لجلك كلنه نخدم

اطلب انته اطلب
أشتتمنه انته وتحب
لازم انته لازم

بموكبنه انته تكعد
لخدمتنه انته تشهد
ذوله احنه الخدم

هلابيك نحييك يلي كاصد كربله
هلابيه نحييه الزاير احنه ندلله
¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤
الشاعر عماد محمد الدراجي
الثلاثاء 2017/10/17



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


تهدم حيلـي الصخر يبچيلـي يغيابــي
أجت ضعوني جمر بعيوني على احبابي
********************
محد تلكَاها يحسين السبية
هاي ردت بالضعن للغاضرية
خوية يحسين اليسر ما خله بيه
شسوه يا خوية الحبل بيهن اديه
تهل دم عيني لطمت جبيني على مصابي
********************
هواي يا خوية المصايب شحچي عنها
كَلبي يابو اليمه وَرَم خوية منها
هاي زينب ماكو بالدنيا بحزنها
يوم عاشر ماتت وياكم عسنها
السلاسل بيدي احطن ايدي على حجابي
********************
بالمصايب فاقت البت على أمها
هاي يحسين الزمان شكَد ظلمها
باليسر چم واحد بواحد شتمها
ياهي غيرچ زينب انحركَت خيمها
حنيت متوني وتغير لوني من امصابي
********************
لا أهل ظلت يخوية ولا كَرايب
الموت من عندي اخذ كل الحبايب
عني حماي الضعن عباس غايب
كَلت اموتن بالدرب من المصايب
ولا ظل غالي نشد عن حالي يدكَ بابي
********************
ما نمت ليلة يخوية من الليالي
النوكَ كَامت بالدرب تبچي على حالي
عالهزل بت فاطمة يسبوها تالي
ليش خوية لليسر محد اجالي
اليكَلي شلوني زراكَ متوني أله جوابي
********************
وين چا عباس زينب ما يجيها
لا يكَول اتسلبت ما ادري بيها
عالي راسه على الرمح ويصد عليها
شاف چم مرة الشمر من جر اديها
يكافل جيتك اخاف اذيتك من عتابي
********************
حيدر حسين الكرعاوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


نصيح اويالجنازه ... وآماماه
ـــــــــــــــ
الحسن مظلوم ويلي
عليه انهدم حيلي
عسن كَبله رحيلي
ونصيح بصوت عالي .... واماماه
ــــــــــــــ
نشيعه ونجري دمعه
ونين اهله نسمعه
على الهامه نشيعه
وكتبنه اعله البيارغ .... واماماه
ـــــــــــــ
الحسن سمّوا جبدته
العرش هلّت دمعته
بنعش شالوهه جثته
وينادي العرش صوته .... واماماه
ـــــــــــــ
عليه حسين ذايب
حمل كثرة نوايب
تون ام المصايب
وحزينه الحره تندب .... واماماه
ــــــــــــــــ
يبو محمد مصابك
شعل جمرة غيابك
شكتثر تحمل عذابك
جموع الشيعه نادت ..... واماماه
ـــــــــــــ
نشيعك بالمدامع
اله الكون سامع
مليناهه الشوارع
وتضل صرختنه كلنه .... وا اماماه
ـــــــــــ
يبن امنه الزجيه
الك ننصب عزيه
نشيعك يل شفيه
المواكب كلهه صاحت .... واماماه
ـــــــــــــ
الشاعر محمد حسن ضيغم

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


بجور الأيام * وهموم الشام
رديت آنه وأيتامي جيت اشكيلك آلامي
وهموم الشام
-------------
يحسين بهمي وأحزاني * يم گبرك جيت * وباسمك ناديت
أرويلك لوعة أشجاني * وكل ما عانيت * وتسمع يا ريت
نورك من فارگ صيواني * أنحب ظليت * يل ما رديت
عفت الأطفال ورضعاني * وليك اتعنّيت * ولجلك ونيت
جيتك يحسين * بدموع العين
وتمشي اعلى الموت جدامي جيت اشكيلك آلامي
وهموم الشام
-------------
لمن شفتك طايح مرمي * ابحِجر الآجال * اگطعت الآمال
ردّيت وأشعر يبن امي * جبال الأهوال * بيهن زلزال
وانحدرت خويه اعلى اخيمّي * بهموم اثگال * وشفت بهل حال
دهري وجيش اعداي وهمّي * وخيل الأنذال * تسحگ أطفال
وسط الصيوان * خيل العدوان
ومن شبّت نار اخيامي جيت اشكيلك آلامي
وهموم الشام
--------------
ولمن جنّ الليل ابهَمّه * جيت بوجدان * يسعر نيران
همومي الما تنعد ملتمّه * وشفت الأحزان * بدرب الميدان
شفت القاسم طاحت يَمّه * شمعة شبّان * بين الأبدان
والأكبر ذبلت يم جسمه * زهرة إيمان * فوگ التربان
بعين الإحساس * شفت العباس
حاضن زهرة أحلامي وجيت اشكيلك آلامي
وهموم الشام
--------------
جيتك والمدمع متناثر * واشرح آلام * گلبي المنضام
لا ظل سور ولا ظل ساتر * لا عدنه اخيام * يبن الأكرام
محتارة ومكسورة خاطر * بجور الأيام * واحرس أيتام
خويه وباچر ضعني يسافر * بين الظلام * لبلاد الشام
إنت اعلى ارمال * وآنه بهل حال
ولا واحد عني يحامي جيت اشكيلك آلامي
وهموم الشام
--------------
يم جسمك نامت آمالي * وشلت الآهات * بفيض الدمعات
وبارض الشام لگيت گبالي * موج النكبات * واحمل لوعات
ريتك حاضر تنظر حالي * بين الشمّات * أجذب حسرات
ابقصر الظالم شفت آجالي * وسيل العبرات * يِنشف هيهات
والظالم صار * يبن المختار
يضرب راسك جدامي جيت اشكيلك آلامي
وهموم الشام
-------------
جيتك وجروحي تدليني * خويه وأنخاك وگلبي تعنّاك
أتعثر بهموم سنيني * ولوعة دنياك * وابچي لفرگاك
وكل دمعه السالت من عيني * رسمت ذكراك * تجري وتنعاك
للموطن منهو ايودّيني * أمشي اويه اعداك ؟ * وانت بمثواك
شتگول بهاي * يا سور حماي
عگبك دارت أيامي ** جيت اشكيلك آلامي
وهموم الشام
---------------
عقيل الكاظمي/ بغداد

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


دم نحرك * عل حگ ايدلّينه
وبصبرك * يحسين اتربّينه
عشنه ابدربك أحرار * نرفع راية ثوار
الله أكبر
----------------
من يوم ارتفع راسك على العسال
وجسمك يا حسين اتوسّد اعلى ارمال
لهذا اليوم وبدمنه الحزن لازال
مع حروف العشگ تتوارثه الأجيال
عشاگك * يحسين وتدرينه
للمحشر * حزنك عايش بينه
وباسمك يبن الكرار * نرفع راية ثوار
الله أكبر
------------------
جمر حزنك كُريّات الدم الحمره
وحبك بالكُرات البيض حط سحره
بهالچلمات عن حبك صغت فكره
ابمشاعرنه تبِث العِبره والعَبره
وبدمنه * الأحزان تغذّينه
وذكر اسمك * عل محنه ايكَوينه
وشما طحنه بأخطار * نرفع راية ثوار
الله أكبر
------------------
على مرّ الزمن ومعاگب الأيام
واحنه نشوف أحزان وغصص وآلام
علينه جرّبوا كل صوره للإجرام
اوجريمتنه الغرام اليرعب الظلام
وعل مذبح * حبك لو يدعينه
نتقدّم * وبإسمك لبّينه
اتعلّمنه امن الأنصار * نرفع راية ثوار
الله أكبر
----------------
مبادئهم خذوهه امن ابن مرجانه
ومبادئنه غرامك بيهه غذّانه
عقيدتهم يزيد ودين طغيانه
وعقيدتنه الإبه وهذا انت عنوانه
كل ظنهم * نتعب لو قاسينه
ونتأثّر * والهمّ ينسّينه
ولو نتخيّر نختار * نرفع راية ثوار
الله أكبر
------------------
هيّمنه العشگ والحزن هيّمنه
وصرنه انعيش عالم غير عالمنه
تحت ظل الصواريخ انهدر دمنه
انثكلنه بالعزيز وبيه تيتّمنه
ونتواثب * عل مبدأ ظلّينه
ميهمنه * اويخسه اللي يعادينه
وبوجه الإستكبار * نرفع راية ثوار
الله أكبر
----------------
هاي الخاتمه وصوت الوفه ايناديك
أموال وبنين وكل نفس تفديك
وإذا حُبنه ومَشينه ايغيض اليعاديك
يفجّرنه وتجيك ارواحنه تلبّيك
نتوذّر * وبحبّك تحيينه
وبالغالي * اتقـدّمنه وضحّينه
ونرخص ليك الأعمار * ونرفع راية ثوار
الله أكبر
----------------
عقيل الكاظمي / بغداد

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

أبعث سلامي اويه الريح * لزينب وهي بغربتهه
يواسيهه فيض دموعي * ومحنيه تبقه ضلوعي
لزينب وهي بغربتهه
-----------------
يا أجل واعظم قائدة تمّمت نهج الثوره
عِلنت حربهه اعلى الظلم حامله لأقدس فكره
رفعت لواء المبدأ اليحيي النفوس الحره
وشنّت الحرب الدامية وتعلم هيَ المنتصره
سيف الصبر بيديهه * ثوب الخدر لامتهه
واهيه وحيده بهل حال * وانحنت كل الأبطال
لزينب وهي بغربتهه
-----------------
كل الابطال الهه انحنت تقتبس منهه الهمه
واجب على اتراب الأرض يسجد لعد كل قمّه
ولمّن مشت لارض الحرب لحسين گصدت جسمه
طلعت بليل امن الخيم ابهمة گلبهه وعزمه
ما هابت وجيش الگوم * منذهل من هيبتهه
ما يدري يتوجّه وين * وانجسم طايع نصين
لزينب وهي بغربتهه
----------------
طلعت امن اخيام العُلا لجسم المجد مگصدهه
عل خطر تمشي وما أظن جيش الأعادي ايردهه
رفعت نحر سبط النبي لجل الإله ابيدهه
وقدِّمت قربان الوفه أغلى وأعز ما عدهه
وبكل صلابه وإيمان * تتراجع لخيمتهه
وتحامي رضعان حسين * والعايلة تدير العين
لزينب وهي بغربتهه
-----------------
تالي يخليهه الدهر من ديره تمشي لديره
لمجلس يزيد الطاغية وبكل إهانة تثيره
وهذا الدعي مو مبدأي ولا شرف عنده وغيره
شنهو اليردعه عن قتلهه وليش يبقه ابحيره
هذا الأمر بيه تنبيه * عن عظم شخصيتهه
وانفضح ما بين الناس * ايزيد وصبح محني الراس
لزينب وهي بغربتهه
-------------------
سادة الوادم والشرف هامه لشرفكم طأطأ
ونور النبوه لمعدنچ چاسيه من المنشأ
بثوب الجلاله اموشّحه وبيدچ لواء مبدأ
ومهما بلغ جور الخصم يخسه الخصم يتجرّأ
ورجعتي مرفوعة راس * والعايله ابعزتهه
احفظتي الحرم والايتام * ما فلح جور الظلام
لزينب وهي بغربتهه
--------------
چنّي أشوفچ گاصده * لطف كربله اوّاديهه
أولا فرد عگب الفاجعه من الأهل ظل بيهه
جيتي وإلچ شكوة گلب من الهضم تبديهه
ودمعات محبوسه ابجفن بس لخوتچ تجريهه
لو جيتي والبُشرى اوياچ * للضحّت لنهضتهه ؟
ابيمنتچ راية احرار * وبالشام ظلت آثار
لزينب وهي بغربتهه
-----------------
يا أوّل اول ثائرة اتهاجم الجور ابداره
ويا آخر آخر صابره اتبرّد گلبهه بناره
يا ظاهر الحق والعدل يا شارحة أفكاره
يا باطن الثوره الحِوَت نهج الإبه وأسراره
من موطني لأرض الشام * من مهجتي ولوعتهه
أهدي سلامي امن الروح * وي دمع عيني المسفوح
لزينب وهي بغربتهه
--------------
عقيل الكاظمي/ بغداد


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


مات اخويه بعد روحي
مات اخويه بعد روحي
@@@
ظهري ابفرگتك مكسور
اشسوه هالبعد بيه
گلبي عالنعش مفطور
ابچي وظلعي محنيه
ميت والگضى معذور
لمن ماترد ليه
گبرك يالحسن محفور
بين گليبي والريّه
...
وغسل تالي النعش نوحي
مات اخويه بعد روحي
@@@
فگدك جدد احزاني
وخله بالگلب جمره
ترابك ريته غطاني
ويمك سوه لي حفره
بعدك عني اعياني
يبن الطاهره الزهره
حزامي وبعدك احناني
ويصعب ينجبر كسره
...
ليالي فرحتي روحي
مات اخويه بعد روحي
@@@
جدي وفاطمه وحيدر
تالي دورك وترحل
تالي ابفرگتك شگدر
گلي حتى اتحمل
چبدك هالذي اتفطر
سهم ابكربله اتحول
وانا بحزني اتصبر
حتى ألحظة المقتل
...
لسده جرحك سده اجروحي
مات اخويه بعد روحي
@@@
شدهن راسي من بعدك
وصاير عالحزن طبعي
شهنا وعالرمل خدك
وناذر عالوجن دمعي
انته استقبلك جدك
وانا الجمره وي ضلعي
ليلي مساهره ابمجدك
اذكر وانتخب وانعي
...
ملك حزني الحزن يوحي
مات اخويه بعد روحي
@@@
طشتك بالدمه بعده
ونعشك نابته اسهامه
ابشده مچلبه ابشده
شابك ايدي عالهامه
عنده المصطفى لحده
منعوا دفنه ظلامه
وباچر گبرك اتهده
وادم صلفه هدامه
...

ينسمات الألم بوحي
مات اخويه بعد روحي
@@@
علي احمد الحمود
٢٤-٩-٢٠٢٠
شهادة المجتبى ع

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


#مشاي

مشاي. اي والله هنيالك
مشاي والمهدي يبرالك
انطينه فرصه فدوه لعيونك
اهل المواكب خل يخدمونك
مشاي. مشاي
........................

كل خطوه تمشيها/زينب تواسيها/يازاير حسين
تدعيلك الزهره/ يابختك شكبره/بين الموالين
زاير حسين ومقامك عالي
لأن غالي حسين تصبح غالي
أئمر احنه بخدمتك يالزاير
ادلل علينه وابــد لتبالي

عالراس يازاير دخيلك
عالراس لو تتعب نشيلك
مولانه املاك اليحرسونك
اهل المواكب خل يخدمونك
مشاي. مشاي
........................

خدامك انرحّب/لا تعبر الموكب/شرفنا لحظات
اگعدلك شويه/اشربلك اميّه/ نتوسّل اتبات
البيت بيتك والخدم اخوانك
تفضل ادخل فارشينه امچانك
الله حبنه وجابك عله بيوتنه
زاير حسين شكبر عنوانك

مبخوت. هذا التطب داره
مبخوت. من الله الابشاره
اهل السمه كلهم يحمدونك
اهل المواكب خل يخدمونك
مشاي. مشاي
........................

طول الدرب خدمه/نعمه بأثر نعمه/شتتمنّه موجود
أئمرنه يالزاير / ماي واكل حاضر/ وعيونك شهود
نريد منك بركة مر بينه
الدنيا تضوي من تسلم علينه
لا تمر بالموكب وماتدخل
نزعل عليك وتره تبچّينه

خطوات. يالزاير امشيها
خطوات. لخدامك اهديها
عدهم وصايا خل يوصّونك
اهل المواكب خل يخدمونك
مشاي. مشاي
........................

بالممشه من تبدي/ سلّم على المهدي /ادعيله ويّاك
اهديله خطواتك / يگضيها حاجاتك/بعيونه يرعاك
المهدي يمشي وياكم بدمعاته
شيلو يالزوار من مأساته
للفرج ادعوله هوه وياكم
من مغيبه يظهر لثاراته

ويّاه. من يظهر لثاره
ويّاه. كل احنه انصاره
يامن تزور حسين خيعونك
اهل المواكب خل يخدمونك
مشاي. مشاي
.........................

كل اليخدمونك/يالغالي يردونك/من توصل هناك
اذكرنه بالحضره /يم والد العتره/كلحنه برجاك
طلب منك يالتزور انطلبه
من تزور اذكرنه تحت القبّه
ياحُسين احفظ جميع الشيعه
صارت تمرّ بمواقف صعبه

نشتاگ. للحضره والبيهه
نشتاگ. نوصل مشي ليهه
يالزاير وكلهم يشكرونك
اهل المواكب خل يخدمونك
مشاي. مشاي

#سيد_زيد_الفحام
2020
_''___________"""___'''''_________

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يا كعبةَ اليقينْ نهتفُ يا حُسَينْ
------------
جيناك يا مظلوم مشاية
تمشي مهجنه وحبك الغاية
ومثل الگصد للعلگمي ومايه
نرفع الك يحسين هالراية
بِسمِكَ كلَّ حينْ نَهتِفُ يا حُسَينْ
-------------
جيناك بالهم والگلب عازم
نضحيلك الدم والثغر باسم
ايوذرنه سيف الوذر القاسم
وباري العباد بهالعشگ عالم
بلهفةِ الحزينْ نهتفُ يا حُسينْ
-----------
جيناك نرخصلك دمه المنحر
ميهمنه نحيه نموت نتفجر
نواسيك بمصيبة علي الأكبر
وعن مبدأك هيهات نتغير
والعزمُ لا يَلِينْ نهتفُ يا حُسينْ
----------
يحسين اجينه اليوم زوارك
وذابت مهجنه ابسچة اخطارك
نضحي مثل ما ضحت انصارك
ونترجه يوم الناخذ بثارك
لو قُطِعَ الوتينْ نهتفُ يا حُسينْ
-----------
جيناك مشاية بگلب يلهب
بكل خطوة يحسين الدمع ينصب
ويم گبرك نتاني ضعن زينب
ننشدهه وين الخدر المرتب
بالدمعِ والأنينْ نهتفُ يا حُسينْ
----------
جيناك نبچيك بدمع هامل
عرفناك حر وموقفك باسل
عدنه عهد وياك متواصل
عالحگ أبد منجامل الباطل
باللهِ نستعينْ ** نهتفُ يا حُسينْ
---------
عقيل الكاظمي / بغداد


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


جيت بـــلا راي يـــا ساقي الماي
أنهض يـــماي عيوني شوف السواد متوني
**
زينب أختك مـن سبيها اليــوم ردت
كــوم وأنظر يـــا وليها بيش رجعـت
بس يتــــامه تلــوذ بيها وبيها حاطت
يجري دمـها مـن أديها شكــثر ونت
تعلم بالصــــــــــار وعنـــدك الأخبار
ضربوهـــــــم وفجعوني شوف السواد متوني
*****
أتكفلتــــــهم لليتامــــــــه خويه وحدي
ومـن سبونه مـجـتـفـيـنــه وبيهـم احدي
حــرت بيهم خلاف عينك وحــك جدي
ادري ميّــت بــس نخيتك تجــي لعندي
شكد انـــه انخيت لكن مـــــــا جيت
يا لما تخيب ضنوني شوف السواد متوني
*
خويه ردتك بالمسيــره ترعه ضعني
وعنــي تبعد جنـــد أميه والهضمـــني
حبــال ايدي تفكها بيدك هـــــذا ضني
شكــد ندبتك يابو فاضل تجـلي حزني
دارت بالبـــــــال هــــــــاي الآمال
ردتك يحامي ضعوني شوف السواد متوني
********
جـــم مصيبه وجــم رزيـه اللي عشتها
وجــــم يتيمه ودعــــــتـها ودفـنـتــــها
بأرض غربه بكـلب شاجر فــــاركتها
مــــن عفتكم جثث صرعه اوّدعـــتها
مــــــن فوك جمال ودعـــت أبطال
ولو انزل يضربوني وشوف السواد متوني
**
لـــــو تشوفه الحال وضعي مــــا يسرك
شـيـبـتـنــــي هـــــــالنوايب بعــد عمرك
جسمي ناحل وجهي ذابــــل بعـــد نحرك
ياخــو زينب راســــي شيّب بعــد خدرك
هــــــــــــم والآم طــــــول الايام
من بعد مــــــا عفتوني شوف السواد متوني
*****
يــــــا إلاهي بجـاه زينب عيــده إلنه
مــــن غيابه وانهـي همّه المنتظــرنه
عشنــه بعده بهــــم وأذيه كـل عمرنه
نريده يرجع بالسلامـــــه ينهي همنه
ويملــــي الأكوان عــــدل وأحسان
وينهي الـــــذي أذّوني شوف السواد متوني






الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

زاير ، گاصد كربله
زاير ، مشتاگ أوصله
زاير ، إشگد محتاج إله ، هوه حسين

؛؛؛؛؛؛؛؛؛؛؛؛؛؛؛؛؛

مختنگ يحسين كلش و البعد ماذيني
كون أجيلك مشي هسه و يمك تخليني
أشكي للوادم و أسولف ، محد يحاچيني
و إنت رغم عيوبي كلها بعينك مخليني

فدوه ، رحت الشوفتك
فدوه ، حلوه حچايتك
فدوه ، شايل ريحتك ، هو حسين

؛؛؛؛؛؛؛؛؛؛؛؛؛؛؛؛؛؛

و الله من أدخل ضريحك أحس طابت روحي
ما شفيت جروح قلبك بس شفيت جروحي
بالصحن يابو رقية خله يكثر نوحي
خادم مسميني و إسمك بالقلب مذبوحي

ويلي ، إشگد شايل ألم
ويلي ، جسمك ما سلم
ويلي ، إشگد يحچيلي هم ، هوه حسين

؛؛؛؛؛؛؛؛؛؛؛؛؛؛؛؛؛؛؛؛؛؛

يا أبو الراس الگطيعة ليش سالم راسي
لإن راضي بهذا وضعي عندي شك بحساسي
كون أموت من أبچي لجلك تنگطع أنفاسي
و أصبح بطبعي حسيني و بالعزم عباسي

صدري ، كل شي ما يِحگ
صدري ، ما ضايگ سحگ
صدري ، مريحة من صدگ ، هوه حسين

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

من أسولف بيك قلبي تصير هينه همومه
تره ما شايف أذيه إلشرب ماي بيومه
الما ينام إعله التراب و حلوة حيل هدومة
زحمة يشكي و إنت إختك زينب المهظومة

يوجع ، يحسين السبي
يوجع ، يالهمك عبي
يوجع ، درب الماكو بي ، هو حسين

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

حسين خليني إعله بابك ماي أوزع للخدم
مو دمع خليني أبچي خل يصب من عيني دم
لليزورك كون أگعد أمسح تراب الجدم
قيمة صارتلي بوجودك و آنه من غيرك عدم

إسمك ، شمسي بدنيتي
إسمك ، رافع قيمتي
إسمك ، ذخري و راحتي ، هوه حسين

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أجي و ما رايد أودعك من أرد يمك كون أرد
يالمكانك حيل دافي ماكو لا حر لا برد
من أسلم أدري تسمع و أشهد برأفة ترد
الماي عافك و إنت منك نشم عطر المي ورد

يمك ، ضل و عطره طش
يمك ، ما واحد عطش
يمك ، رحمة الله رش ، هوه حسين

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

#هوه_حسين
#علي_حسن_الكناني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


وداعتك  نتعنه الك مواكب
ما يهمونه وعلي  النواصب

.،،،،،،،،،،،نبنيها كبتك ...نبنيها
***********************
من العراق اتوافدت ياسيدي المشايه
غصبا عليهم بالمشي نتعنلك وفايه
نعلي المناره بكبتك لمن ترف الرايه
موكبنه باجر ينصب لودارت الرمايه

حجه والله ازيارتك نواضب
نسحك عليهم نجي ونطالب
،،،،،،،،،،،،،،،،نبنيها كبتك ....نبنيها
************************
هاي خدامك اجت تدري الملايين
 للبقيع    اتعنتك   خدام   احسين
شما يمنعونه وعلي صرنه مجانين
يالحسن مولاي نهتف ياضوه العين

باجر انشوف الذهب مزارك
من العراق وكربله زوارك
،،،،،،،،،،،،،،نبنيها كبتك.......نبنيها 
***********************
راح نمشيلك زحف يالغالي مولاي
خل  يشوفون نواصب والله وفاي
اني كاصدلك  اجيت وتدري مشاي
اله بجدامي اسحگه اليمنع  الجاي

هاي   ولدك  سيدي   غياره
وداعتك منتظره بس اشاره
،،،،،،،،،،،،،،،،،،،،نبنيها كبتك ...نبنيها
***********************
اجينه  يم گبرك مواكب كلها خدام
بالمشي  نوصلك احنه انشد الحزام
هاي  فرصه  من العمر وتمر  بالايام
ما يظل  كبرك  حجاره  دكت اعلام

باچر المرقد صبح حضاره
بچف ابو صالح بنه المناره
............نبنيها كبتك .....نبنيها
************************
باچر انشوف الذهب يملي المناره
نصيح  يزاير  علي  وياك  الغياره
كربله  وياكم اجت   طافت مزاره
حجه  ندري   بكعبتك يوم الزياره

بالدرب تسمع صدى الشعاير
نكتب اسمك يالحسن منابر
..........نبنيها  كبتك  .....نبنيها
************************
باچر المهدي يجي يبنيها الاحباب
اربعه اكبور وعلي تتعاله الاطياب
ما يظل كبرك حجاره نشيل التراب
المهدي لويرفع شعاره انطير اركاب

باچر اتشوف المناره عالي
هاي  زوار  الحسن  يغالي
...........نبنيها كبتك .......نبنيها
************************
تمت بعون الله
يوسف  الفتلاوي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصائد المشايه


☆☆☆☆☆☆☆☆☆☆☆☆☆☆☆☆☆☆☆
أمشي وياي بابا نزور الحسين
نواسيه بدمعنه ونهمل العين

☆☆☆☆☆☆☆☆☆☆☆☆☆☆☆☆☆☆☆
يبابه اليوم خل نمشي سويه
نواسي حسين وبنيته رقيه
نواسي حسين والله بهل الرزيه
نواسي أخته المشت للشام مسبيه
لبوالسجاد بابا اليوم ماشين
☆☆☆☆☆☆☆☆☆☆☆☆☆☆☆☆☆☆☆
بابا أدريج روحج أنتي ملهوفه
على المظلوم أنتي ورايده شوفه
موبس حسين نكصدله ونطوفه
نكصد للكمر ونقبل أجفوفه
نكصدل للكمر ونقبل الجفين
☆☆☆☆☆☆☆☆☆☆☆☆☆☆☆☆☆☆☆
بابا شبيك تدري بكلبي محتار
على الحركوا خيمها وشبت النار
وفرت بالصحاري زغار وكبار
مارحموا حال زينب ذوله الأشرار
على النسوان حركوها الصوواوين
☆☆☆☆☆☆☆☆☆☆☆☆☆☆☆☆☆☆☆
يبويه اليوم خل اشرحلج اسباب
زينب من مشت وي هاي الاجناب
بت حيدر علي بت داحي الباب
بخرابه تالي كعدت فوك التراب
وسفه بهل العمر دخلت دوواوين
☆☆☆☆☆☆☆☆☆☆☆☆☆☆☆☆☆☆
الشاعر عماد محمدالدراجي
الجمعه 2018/4/13


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصائد المشايه
$$$$$$$$$$$$$$$$$$$$$$$$$$$$
عزم يتبع عزم اجت هاي الزلم
اجوك بعزم واصرار لحسين اعتنوا زوار
$$$$$$$$$$$$$$$$$$$$$$$$$$$$
لحسين اعتنت هل يوم مشايه
بعزم واصرار والله تعنواعنايه
زوارك تضل للموت وفايه
طلعو والله رأيه تسابك برايه
زوار ونعم منهم
والإرهاب ماهمهم
أنصار ونعم الأنصار لحسين اعتنوا زوار
$$$$$$$$$$$$$$$$$$$$$$$$$$$$
اجو هاليوم مشايه لبو السجاد
تطلب حاجة منه وتطلب مراد
وتحلفه الحسين بأبنه زين العباد
يجلي همومنه وهم هاي البلاد
تحلفه بغيره العباس
من الهم يخلص الناس
يبعد عنا الأشرار لحسين اعتنوا زوار
$$$$$$$$$$$$$$$$$$$$$$$$$$$$
بغيره العباس كلهم هالاجو
وعلى درب الموت والله تسابكو
ضدعدوهم ايد بإيد توحدوا
كلوبهم مرتاحه حين الشاهدو
هالمواكب عامره
تخدم أبن الطاهره
تحدوا والله الأقدار لحسين اعتنوا زوار
$$$$$$$$$$$$$$$$$$$$$$$$$$$$
طم عين الشمس تعداد زواره
من بغداد طلعت حتى العماره
خدام الحسين وكلها أنصاره
بأصرار وعزم اتعنو الداره
العماره وأهل بغداد
اجتك تطلب مراد
لتردهم يبوالاحرار لحسين اعتنوا زوار
$$$$$$$$$$$$$$$$$$$$$$$$$$$$
مشايه اعتنوا والدمعه بالعين
يواسون العقيله والله وحسين
ويطلبون الحوائج من ابوالجفين
عباس الكمر المات لأجل الدين
بستر أخته يحلفونه
لورادوا يطلبونه
بسلامة نرد للدار لحسين اعتنوا زوار
$$$$$$$$$$$$$$$$$$$$$$$$$$$$
ماهمهم برد ماهمهم الخوف
أهل غيره وضمير وأهل معروف
ولواحد منعهم بعينه خل يشوف
مورايه بايدهم لزموا سيوف
طلعوا والله مشايه
ورأيه تسابك برايه
تحملوا هاي الاخطار لحسين اعتنوا زوار
$$$$$$$$$$$$$$$$$$$$$$$$$$$$
الشاعر عـــماد محمد الدراجي
االأربعاء 2017/10/11




▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

شايل ابعيني دمْعِتي
وبچفي شايل رايه
واتحزّمت واتوكّلت
وي رحلة المشاية

خسران ذاك الما كتب .. اسمه واجه ويانا
يا ابو علي وشنهو التعب .. والزهره تتلگانا

.....

الوعد صار  .. رفّت الرايه
يزوار .. يلا ويايه

صيحوا ابگلب مالوم
ويلي على المظلوم
اتعنينه هذا اليوم
بالرايه

يحسين لو وحدك چنت
تتلفت ابلا ناصر
هاي المواكب كلها الك
والعمر اصبح عاشر

....

ملايين
نمشي للحضره
مجانين
نلطم ونقره

بين الچفوف اشموع
وبس اسمك المسموع
عالخد تشوف ادموع
مشّايه

دمعه اعله دمعه تجمعن
سون نهر يا ضامي
خل يشح ماي العلگمي
بيه لا تهم .. إمامي

......


ابلا نار
اشتعل واطفه
اعله تذكار
العاشر وطفه

المشايه كون اهناك
يا بو علي وياك
بدم النحر تفداك
وفّايه

هاي الملايين التجي لزيارتك يالوالي
يا ريت من وحدك چنت تفزع الك يا غالي

.....

العيال
فدوه لعيالك
والأطفال
تبچي لأطفالك

يل بالأهل ضحيت
فارغ تركنه البيت
ابخدامك اشسويت
مولايه

يوم اربعينك شيعتك جابت حرمها وياها
تنتظر زينبكم تجي عالنهر تتلگاها 

.....

گبل عام
اليخدم اهنانه
ابهاليام
ما اجه ويانه

بين الشهيد المات
بين الصرخ هيهات
صوت الحشد هيهات
كفّايه

عطّر اتراب المگبره .. واتشيّع الزفافه
للجنه ما طب للگبر والضحكه فوگ شفافه
.....

احمد هادي الشمري


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

من تزورون حسين ابن عقد الوله من تزورون
هلّوا العيون عالحسن والون حله هلّوا العيون
الدمعه خلهه هامله ... من نطب الكربله
ــــــــــــــ
الحسن بعيونه ينظر كَبر اخيّه
حشود كثره تعتني للغاضريه
وحظرته من الناس يا ويلي خليّه
ليش جا زواره ما تكَصد اليّه
ماكو زوار كَبري خالي يا وسف ماكو زوار
خاليه الدار المر علي والله انعرف خالي الدار
كَبري محد يوصله ... من نطب الكربله
ــــــــــــــ
حسين كَبر اتشيّد وكَبته جبيره
حسين تتعنه اله وادم جثيره
وكَبري مهدوم وصفت قصتي مثيره
الناس تتعنّالي صارت بالبصيره
بس من ابعيد اتزورني الناس اشعجب بس من ابعيد
زاير اتريد حضرتي ودمع انسجب زاير اتريد
صوت من جبدي عله ... من نطب الكربله
ــــــــــــــ
احنه واجب نكَصد الكَبره ونزوره
ومن مهجنه انشيّد المسموم سوره
كَبره يضوي وللسمه خل يعله نوره
من ضريحه انريدهه اتفوّح عطوره
مجلس انقيم بحضرته انسوّي عزه مجلس انقيم
ابحضرته انهيم نشوف اعظم معجزه بحضرته انهيم
كون موكب نوصله ... من نطب الكربله
ــــــــــــــ
شما نزور حسين ونشوف المناره
كون للمجتبى انأدّيهه الزياره
اليحب الحسن لا ما تطفى ناره
ودمعته اعله الوجنه لمصابه اتجاره
يلطم الراس يذكر امصاب الجبد يلطم الراس تزورون
ونجمع الناس هناك لطميه نرد نجمع الناس
تسير ليه القافله ... من نطب الكربله
ــــــــــــــ


الحسن مسموم وزمان المر يهظمه
بلا كَبر لا زاير اليتعنّه يمّه
الحسن فدوه انروح والله الطاري اسمه
تراب من الكَبر ريت اكَعد واشمّه
واجري الدموع والطم انه اعله الصدر واجري الدموع
اخسف ضلوع ريت افديله العمر اخسف اضلوع
بصوت نلعن قاتله ... من نطب الكربله
ــــــــــــــ


الشاعر محمد حسن ضيغم


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


زينب تنادي * يا چتيل العبره
يحسين الك من اليسر ردينه * يا چتيل العبره
----------------
يحسين اجيت بأشد واصعب حاله * وانت تعلم بيهه
وشكوتي امن آلام الدهر واهواله * بس الك أبديهه
يحسين اجيت ودمعتي الهماله * امن الگلب أجريهه
يل چنت دومك * من تهلّ دموعي
اتگلي المثيلچ صعبة تهمل عينه * يا چتيل العبره
----------------
يل چنت تمسح دمعتي بيمينك * وهامتي باليسرة
يحسين عگبك حرگوا صواوينك * وجمره زادت جمره
وحال اليسر يا خويه بيني وبينك * وعفتك اعلى الغبره
وعل رمح راسك * وآنه يشتد عزمي
لمن اشاهد راسك يبارينه * يا چتيل العبره
-----------------
رحنه بيسرنه واليسر أصعب صار * عل حرم باخطاره
وتذكرت خويه الضعن لمن سار * ابطلعته امن دياره
والضعن جدد مشيته بل أخطار * ومثل ليله انهاره
ريتك تشاهد * باليسر حالتنه
وبمجلس ابن زياد من طبينه * يا چتيل العبره
----------------
يحسين اريد اختصر كل هل آلام * و أرد اصل للغاية
يحسين يا خويه اثبتت بارض الشام * او رَف عليهه لوايه
وقسمت بسمك ما تذلني الايام * وبيدي أرفع رايه
ورفعت راية * گمر هاشم بسمك
بمجلس يزيد وعلت بيني وبينه * يا چتيل العبره
----------------
وِرْجعت خويه ابعزتي ومنتصرة * وشوگي ليكم ردني
رحت لگمر هاشم مشيت لگبره * والألم يضهدني
جيت آخذ چفوفه وأرد للزهره * وامك تواعدني
تحمل چفوفه * وتِگف يوم المحشر
تطلب بثار الكافل وچفينه * يا چتيل العبره
-----------------
جيتك عگب ما عفت كافل ضعني * أشتكيلك حالي
يحسين صوبني الدهر وفجعني * وانفطر دلالي
نفس المصاب اللي جره وروّعني * دهري عاده گبالي
طبرة عضيدك * مثل طبرة عودك
وبگيد ابوك لشبلك مگيدينه * يا چتيل العبره
------------------
عقيل الكاظمي / بغداد

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


بهاء البحراني:
بلله يا ناگه ابطريقچ مري بحبابي
ارد اخبرهم يناگه احترگن اثيابي
بالدرب يا ناگتي . مري بس صوب اخوتي

بلله يا ناگه اخوتي وديني ليهم
قبل ماروحن ردت الزم اديهم
آنا وي كل عيلتي انسلم عليهم
يمهم ارد ابچي او ردت اسمع بچيهم

اخذيني يم احباب گلبي ارد اودعهم
حته لو ميتين بلكت ربي رجعهم
هذي منچ طلبتي . مري بس صوب اخوتي

مري بالكافل اريدن اشتكيله
ارد اگله اشصار بعده بالعقيله
يمه خليني يناگه ابقى ليله
هذي آخر مره اضن ما بعد اجيله

اخذيني ياناگه احلفچ يم ابو فاضل
من تعبري اعله الشريعه مري بالكافل
ارد اراوي دمعتي . مري بس صوب اخوتي

ارد اذب روحي اعله صدره وارد اقبله
وارد اگله خويه خويه اوداعة الله
ارد اشاهد عينه هاي البيها نبله
وارد اكلمه بلكت الكه روحه عدله

منه بس ضليت اشتم ريحة الخوه
هسه ضليت ابغيابه انسبي گــــوه
بعده صارت حيرتي . مري بس صوب اخوتي


ارد اسولفله يناگه اشصار بيه
شلون بالنار انچون راحات اديه
شلون من عالشوك مشوها رقيه
وارد اگله شلون گطعوا نحر اخيه

ارد اگله بيضه صارت بعدك الشيله
ارد اگله شلون نمنه عالثرى الليله
عالترابه نومتي . مري بس صوب اخوتي

مري يم إحسين خلي ابقى يمه
اوخل اشوف شلون صاير هسه جسمه
ارد اقبله ابرگبته وانحب واشمه
وابعباتي خلي امسح آنا دمه

اسمع ايگولون عاري او ما يغطونه
او گالوا الخيل اعتنته او سحگت امتونه
امنين اجيبن راحتي . مري بس صوب اخوتي

ارد اگله شلون حارت بعدك اختك
لمن اگبالي الشمر حز ابرگبتك
ارد اگله اشگد رقيه دورتك
دورتهن خيمه خيمه او ما لگتك

ارد اگله السوط خويه ورم اعظامي
ارد اگله مگدر امشي النار بجدامي
ارد اگله ابرحلتي . مري بس صوب اخوتي

حيدر الحلفي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_المشايه_والاربعين_١٤٤٢هجري

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


اعذرونه .. المشي للطف منى
اعذرونه .. وما اجينه هالسنه
من الأحساء مشتاگ
عفوكم يهل لعراگ
اعذرونه .. اعذرونه
@@@
سكروا لحدود لمن اعلنوا عن الوباء
مادروا بحسين گبره وتربته بيها الشفاء
وجينه نتعذر أليكم ياعراق الشرفاء

ترى بعنه العمر كله بخطوه وحده لكربلاء
...
سامحونه .. والقوي حكمه انكتب
سامحونه .. وانتوا تدرون السبب
علينه فرضوا لطواگ
عفوكم يهل لعراگ
اعذرونه .. اعذرونه
@@@
تذبح المشتاگ لمن ذهنه يقره الذكريات
امن الأمير اشلون طلعه ويّه افواج المشاة
الشايل الرايه ويرفها والي يمشي بالعصاة
وعالطريق اطفال وگفوا رحبوا ولد او بنات
...
بأحلا كلمه ... عالبراءة مرددين
بأحلا كلمه .. هلا زوار الحسين
لرقيه شلون عشاگ
عفوكم يهل لعراگ
اعذرونه .. اعذرونه
@@@
محشر الله الناس صارت والمشي كل الأمم
چف تمسح للمدامع وچف رفت للعلم
وعالمضايف صف شفنه ورحبتنه هالخدم
أي وحگ لحسين الهم دين بوسه عالجدم
...
دللونه .. الشانهم عالي وكبير
دللونه .. وخلوا الزاير امير
وعرشها اخيام ورواگ
عفوكم يهل لعراگ
اعذرونه .. اعذرونه
@@@
ابطريق احسين كل شي بركة ذاك الامام
من عصير وماي خلوا من مبيت او يالطعام
من علاج او يالمساج ويالمواكب والخيام
طيبوا گلب الزچيه ابلسم اجروح الامام
...
تكفلونه .. وعزبوا حتى السمه
تكفلونه .. والأجر عد فاطمه
ابلاش اتصير لسواگ
عفوكم يهل لعراگ
اعذرونه .. اعذرونه
@@@
ويّه كل عامود نحسب خطوه خطوه للكمال
وعرش الله بس نزوره نوصل لرب الوصال
واليعزب إلنه نادى عدنه يالزاير تعال
والمواكب مو مواكب حظن ام امن الدلال
...
خير الله .. تارسه الدرب الطويل
خير الله .. عين فرشوها ودليل
مضيف اشكال ورناگ
عفوكم يهل لعراگ
اعذرونه .. اعذرونه
@@@
ابكل سنه يعراگ حيدر والله للزاير وفيت
دولة المهدي ابجداره من كرم طبعك بنيت
تنحصي لنجوم لاچن بالفضل لا منحصيت
كل سنه گلنه ونجيكم وهالسنه گلنه يريت
...
تعودينه .. اي وحگ أم البنين
تعودينه .. نشوف رايات الحسين
خنگ لصدور لفراگ
عفوكم يهل لعراگ
اعذرونه .. اعذرونه
@@@
علي احمد الحمود
٢٥-٩-٢٠٢٠
زيارة الاربعين
كارونا

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA