#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


باجر يجيبه هالامر مهدينه
نقيم العزاء هنا يا ابو اسكينه
وبيهه الحجي..ويه البجي.. وكثر النوح
ويجري المحب دمعاته
&&&&&&
باجر يروح الداي هذا كرونا
بجاه الحسين يزول ويبشرونا
بدال الحجر النه اله يحجرونا
ال النبي همه الذي ايشافونا
منهم اثر.. يوصل خبر
النه وبيه مطبوعه كل اهاته
&&&&&&
يبن الحسن يمته تجي وتحضرنه
صعبه شكثر والله صفه مجلسنه
بجاه الزجيه سيدي تساندنه
نقيم المجالس سيدي ابموعدنه
لشهر الحزن.. نبجي ونحن.. احنه نريد
بلكي ترد لحظاته
&&&&&&&
يم الحسن منج نريد ابشاره
ونمشي لبو السجاد نكصد داره
خافن تطول القصه شنهي الجاره
فدوه ياحره تعود هم الزياره
نمشي مشي ..وهم ننتشي..يم الحسن
كلبي علت دكاته
&&&&&&&
بجاه الكمر عباس ويه جفوفه
ردنه نروح هناك يمه نطوفه
الشوك هزنه لحضرته ولشوفه
كافل خدر زينب يصير نعوفه
يابو الفضل.. انت الفضل..
من جودك ومايك دوم
نرتوي بزياراتك
&&&&&&
بجاه الطفل ويه المهد وارقيه
بجاه العقيله اللي مشت مسبيه
بجاه الشباب اللي بقت مرميه
بجاه الصحابه الصافيين النيه
بجاه المهر..الشاف الغدر يم حسين
يصرخ علت صيحاته
&&&&&&&
بجاه المليكه الطاهره الميمونه
ام الامام القائم اليدرونه
دم حمر يبجي من تفيض عيونه
يزيل الوباء وهالعزه يعيدونه
نحب اللطم.. خل تنهظم .. بيه الروح
من تلتهب ضرباته
&&&&&&
خادم الحسين عليه السلام
الحاج ابو إياد البيجاوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

شلـون أبچي أعليـه گلـي بيـاوضـع
وغيـر دمـع حسيـن ماعـندي دمـع
&&&&&
هـنه دمعـات وأظــمهـن للحســـين
وهنـّه مخزونـات من زغـر السنيــن
نـواسي أمه الزهـره ويه أم البنيـن
ولـو ينـزلـن عالوجـن يـبـقـن طبع
&&&&&
لـوردت دمعـات أبچيهن وأعـــــن
يصيـر گدامي مصاب أبن الحسن
وزينـب ورمـلـه يم جسمـه بچــن
مـاتظـل دمعـات بعــيـوني شــلـع
&&&&&
يـاجرح وابچيـه أكبـر يــاجـــرح
هذا جرح حسين وابنه المنذبــح
ولـو بچـيت منيـن دمعـاتي تصح
إنـت ويـن أويـن گلبي المـنفـجـع
&&&&&
صح أخوي أبچـيـه ولازم أذكره
وجـرح فگـده گليبي منه مـابره
لاچـن العبـاس سبــع الگنـطــره
چفـوف منـه ثنين راحله گطـع
&&&&&
وهذا أبني وبيـه كـل حلـم العمـر
وحيـل أفرح بـيه لــو يـمي يــمر
آخ گـلـب حسيـن مشعول أبجمر
شـاف ألاكبـر أبنـه وهو منصـرع
&&&&&
وصـح أبـوي وهو شمعـة دنيتي
بظله أعيش وهـي غـأية منيتي
گبالـه شفـت هنـاك قمة فجعتي
شفت جمله أصحاب مالبسوا درع
&&&&&
هـذا دمعـي أبچيـه وأذكـرفاطمه
وراح أبنهه يفيض من نحره الدمه
يمه أعذريني العمه بعيني العمه
فدوه آنـه ويـاچ نفـديهـــم جمع
&&&&&
نسألكم الدعاء
خادم الحسين ع
الحاج ابو إياد البيجاوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

طيحه طيحه جروحي تكبر
ضعني شمعه والوكت حر
من اجو بحبالهم يم السبايه
لگوا دار ايتام لابد بالعباية
_____________________
چي امخيطتها اليه الزهره
مو عباية دكول بيت شكبره
ولو طفل عالجمر داست رجله
يصير لون عيونه مثل الجمره

وچم طفل بعيونه شاَهد..تنذبح كدامه أهله
الشاف بعيونه المصيبه..بيش اسكته وشرد اگله

كلها تبچي وانه اسّكت..والحسين اگبالي ميت
هسه ماتوا ليش عفتوهم عرايه
لگوا دار ايتام لابد بالعباية
__________________________
ندري بيت الساده ميدوسونه
والله دنيا وصارو يحرگونه
قماش خيمتنه علگ يتفصل
ووسفه هسه گاموا يسحگونه

النار من لاحت خيمنه..صيّح السجاد فرن
امدللات حسين ذني ..امن الامراكض تالي فحطن

الماي عز روحه علينه..نطفي بالنار بأدينه
والاگلوب اتكسرت مثل المرايه
لگو دار ايتام لابد بالعبايه
____________________________
للاطفال اركض والملم بيهم
النار مدري الشوك المبجيهم
الگبل كعدتهم بحضن الكافل
هسه فوگ الهزّل امكعديهم

ركضو وركضو وراهم...الحافر ابطول اليتامه
يعني التدوسه الحوافر ..يقره عالدنيا السلامه

الخيل ما يعرفله طفله..الداس وجه الله شگله
من خلص صدر الحنين وگضه افيايه
لگوا دار ايتام لابد بالعباية
_______________________________
البله اخوو احجايتها ما مسموعه
الينسبي من يحچي بس بدموعه
الجانت ابنياته تغفه بصدره
للحوافر شو انطاهه اضلوعه

وهوسوا يمنه بقميصه..حرگوا الخيمه وگلبنه
امن الدُخان الترس كلشي ..گمنه ما نندل دربنه

وثوب يوسفنه تشگگ..وكلنه صحنه ياعلي الحگ
كلنه صحنه ياعلي شكد صعبه هايه
لگوا دار ايتام لابد بالعباية
_______________________________
كلشي خوف وبس عباتي المأمن
وكهف ردني يلم بناتي الركضن
غمضّن سدن اذنهن يبجن
اصياح نار و ذبح كلش تعبن

وصوت ضل يدوي بأذنهن..حسين من صاح ادركوني
وفزن يفزعن لابوهن..و سوه اوياهن جتفوني

وبالحبل دارو علينه..وتعبن أمن الشد ادينه
ومن اجو شافو الخيمه ابلايه رايه
لگوا دار ايتام لابد بالعباية
________________________________
بالهوه يعثر الماكو اخوانه
التوكع اهله يوكعّن ذرعانه
هيه لتغث گلبي وتبچيني
ناس خيره و مالهم دفانه

وگلت حرگوا خيم زينب..من مشينه بصف جثثكم
اولا فزع طلاب ليه...بعد ياخوتي شگلكم


كون من عمري العمركم..ووكلت للمهدي أمركم
گتله بينه اتعلموا فن الرماية
لگوا دار ايتام لابد بالعباية

مصطفى صادق اللامي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

السيده. (خوله )

الراحن بيسرهن...اني من ظمنهن
خوله اخت رقيه..الماتن بزغرهن
+++++++++++++++++
حسين ابوي الغالي لمدلل بناته
ياغلاتي ابعين ابوي ويا غلاته
آنه يم سكينه من ودع خواته
خوله ناده واسمي بلسانه شحلاته

جانت اخر بويه اله/واخر هله/
لمدللـه/دون ابتسامه
تالي شفته اعله الرمح/وجهه السمح/
بشفته جرح/بدمعه كلامه

بنتي من حچاها. بدمعته البجاها
خوله اخت رقيه. الماتن بزغره
+++++++++++++++++
انه لبحرگ الخيم ازغر اميره
الضلّت بذاك الظهر حيرتها حيره
ركضه صعبه عليه خطواتي زغيره
اهواي ضربوني لأن چنت الاخيره

حالي حال ام الخدر/ذاك الظهر/
لاح الجمر/أطرف عباتي

اني اولهن طحت/من اركضت/
شوك اسحگت/اكثر خواتي

العثرت بضماها..والشمر وراها
خوله اخت رقيه..الماتن بزغرهن
++++++++++++++++
امترّبه الحاچتني بس ارقيه چنها
خوله صاحتني التراچي اتخلصي منها
شوفي يختي شسوه بيه وشفت اذنها
وطابع بخدها اثره چف شثخنها

ريته ساطرني ومتت/ذاك الوكت/
لمن شفت/اختي والمها

ضاميه وخدها الترف/ما ينعرف/
من النزف/وبس انه يمها

بدمعي صبرتها..يختي واشبگتها
خوله اخت رقيه..الماتن بزغرهن
++++++++++++++++
الماعرف عني وسبب گبري وغربته
من الم درب السبي وظيم الي شفته
اشويه دمي وكله من متني نزفته
امن التعب سلهم جفن عيني بدمعته

اوگعت وكعت طفل/
بيده حبل/
من الهزل/والوگعه كلفه

كلشي بعضامي انكسر/گلبي انفطر/
حسره وقهر/هيچي انه وسفه

امدللة ابوها...اگباله عذبوها
خوله اخت رقيه..الماتن بزغرهن
+++++++++++++++++
جاي اموت وصاحت بوجهي رقيه
صبري خوله هسه مو وكت المنيه
بالخرابه خلها مو تتنه سويه
راس ابوي انحضنه بيديج واديه

احچي مابيه بعد/صوتي جمد/
حان الوعد/يختي الحبيبه

غربه اليه منقسم/عندي المهم/
يبقى الاسم/خوله الغريبه

بدمعه ودعتها...عِشره هذا حدها
خوله اخت رقيه...الماتن بزغرهن
++++++++++++++++

ثائر الربيعي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

خيعونجن _ عدجن ابو يماشيجن
خيعونجن _ محد يصيح اعليجن
بس انه _ راسه برمح كدامي
///////////////////////////
لا تفارك حظن لحظه _ العدهه ابو بعده عدل
التمشي كايدهه ابوهه _ وانه كايدني الحبل
الما تنام اله اعله اديته _ نايمه بظهر الهزل
والمفارك وجه غالي _ المغرب يكتله كتل

مسبيه _ بيه الحزن شمخلي
مسبيه _ والشوج تارس رجلي
من عيوني _ تفرهدت كل احلامي
///////////////////////////
الجان كل حظنه لرقيه _ وبيده يشبكني شبك
الله لا ينطي الحوافر _ خلصن صدره سحك
متر لو عن رمحه ابعد _ ابسرعه هسه اختنك
يا بنات الشام شوفن _ المثلي اديهه تحترك

ماشفتن _ مجويه وحده بكدي
ماشفتن _ مرسومه سطره بخدي
والشامت _ عالخد اجه متحامي
///////////////////////////
يالسألتن شني قصتي _ وليش ماعندج ابو
هايه قصتي وهذا طولي _ والرمح رايد علو
انه ابوي الخير اسمه _ هم سمعتن مثله اكو
هذا راسه لمن اعثر _ يصيحلي اسم الله العفو

شكد عالي _ عالي الرمح حسيته
شكد عالي _ وتمطر علي حنيته
يحاجيني _ ارتاحي بويه ونامي
///////////////////////////
الينجرح والدهه تدرن _ بيهه يندار الالم
عني جا هسه شتكولن _ بصدره مدري اجم سهم
والرمح سالفته بله _ طيحت حيل الخيم
ولا تراوني التراجي _ لهسه اذاني تجري دم

مسلوبه _ تكللي شو ونيتي
مسلوبه _ ذوله الخذو ترجيتي
اعرفهم _ الذبحو ابوي الظامي
///////////////////////////
ممشه جبت الدرب كله _ وعالبعمري شكد صعب
طلب عندي لراس ابويه _ وين احصل مي شرب
صاحباتي لو تصيرن _ بماي فرحلي الكلب
من تلزمن متني كاعد _ النلجم من الظرب

تلجمني _ ويطيح دمع اعيوني
تلجمني _ زركه بنات امتوني
ياسوطهم _ من متني حد احزامي
///////////////////////////
روحن وطبن لهلجن _ صارت الدنيه عصر
مكابله حسين بدمعتي _ لحد ميطر الفجر
البجي مايصلح تكولن _ المغرب يكصر العمر
يا عمر هذا التريده _ الساحكه فوك الجمر

لاحكته _ الفاركنه المن ظاله
لاحكته _ جم يوم ميته انشالله
انه ادري _ ذني اخير ايامي
///////////////////////////
تمت ____ علاء الزيدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

تكتبهه زينب ايه قدسيه
حي عله الدمعه الحسينيه
*************************
من الخيام ولسه ظل بينه
دخان اثرها خانك اسكينه
جرح الطفوف وعايش اونينه
يازينب بصوت الحزن اجينه

يازينب وعشت الجرح بيه
حي على الدمعه الحسينيه
*************************
بالخدمه روحي وينسمع صوتي
حتى بصلاتي رافع اقنوتي
لطميتي صارت حتى وي موتي
يشهد عليا يحجي تابوتي

كل امنياتي عايش ابفيه
حي على الدمعه الحسينيه
*************************
من زغري عاشك والطم بيه
جنت اخدم انه بصافي النيه
شوف العشك تعرف معانيه
جيت المجالس محله هالجيه

الطيب تعرفه ابكلبه حنيه
حي على الدمعه الحسينيه
*************************
خليني عمي ابشوكي يكيفي
مجنون عكلي وشاهد بطيفي
شرعي وعقيده عندي تكليفي
يا ثار يومك واخذ بحيفي

عشكي المجالس رافع ايديه
حي على الدمعه الحسينيه
*************************
دوله المجالس حلوه نتنافس
شرط اليخدمك ينحسب عابس
مجنون عكلي ومنترس واهس
لطميه عمري والعشك هاجس

تسبيحي دمعه وزينب الريه
حي على الدمعه الحسينيه
*************************
كالوا رياء وشككو بينه
بالخدمه طعنو كلمن ابدينه
ليش النقد مو كافي ملينه
صاير الزلمه يفتي بالزينه

ياللايم افهم عمري لطميه
حي على الدمعه الحسينيه
*************************
تمت بعون الله
خادمكم...... يوسف الفتلاوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

شرد اكولن

شرد اكولن .. من اموت وبعد ما احضر عزائك
شرد اكولن .. اشلون ماابجي بعد  سلبة ردائك
اني ما ابجي  الوحشتي
ابجي راح افكد خدمتي .. شرد اكولن
.............................
الموت  لا  ميهمني أكثر من خدمتك
يمن  بالمجلس  علي   تمطر  رحمتك
اشلون اموت وبعد ما ابجي الغربتك
يمن  بية  تعيش  ما  راحت  كسرتك

كاسرتك .. كسرة ظهر دمعة رقية
دمعتك .. تتطلب الجمرة  السرية
وحدتك .. تصعب علي بالغاضرية

ردتت  دمعة  للمحن
تسري بية بكل زمن
يمن  يمشلك  ضعن
اخ  بالهيمة  وعثر

شرد اكولن .. لو بعد ما رحت للمجلس حسافة
شرد اكولن .. بلكبر  من ابقة  وزغيرة  المسافة
والله ما ابجي الغربتي
ابجي راح افكد خدمتي .. شرد اكولن
.............................
اشلون يحسين  بحوافر ساحكينك
وبل البواتر  يبو الرحمة  مكطعينك
عمري كله يروح فدوة  لأجل عينك
من اموت  اشلون ما ابجي الونينك

غربتك .. ليهة اقدم اسنين عمري
جمرتك .. خليهة بية دوم تجوي
حيرتك .. خليهة بية ابذاك كبري

رايد  ابقة  خادمك
كل حياتي  بمأتمك
ياحسين ارد افهمك
يمن دلاله انكسر

شرد اكولن .. والله  محتار  وزماني  حيراني
شرد اكولن .. ومجلسك صاير الي كل الأماني
ياحسين اسمع صرختي
ابجي راح افكد خدمتي .. شرد اكولن
..............................
ويلي يحسين الحبيب الدامي نحرة
اعليك تلطم  عالكسر فاطمة الزهرة
راسي   فدوة  لحضرتك لمن  اطبرة
فدوة ليك اني  وهلي كل يوم  اقرة

هظمتك .. شيبت عيني وجروحي
اللوعتك .. هيه مصدر هاذه نوحي
حركتك .. ليهة كون احركهة روحي

سالفة بعيني اودمع
ما بقة بصدرك ضلع
جسم   كله  منوجع
ومنكطع منه نحر

شرد اكولن .. يا وجه رب السمة  وعالترب نايم
شرد اكولن .. عتبي  كله   عالزمن أو ياك  ضالم

جلمة مفهومة ابدمعتي
ابجي راح افكد خدمتي .. شرد اكولن
..............................
اتضيعلك بالطف حبيبي جم رقية
وجم  اميرة   بالحبل  تنجر  سبية
وزينب تنادي الكمر محتاجه ضية
خل يجي واحجيلة عن الغاضرية

لجمتك .. اللسبي  زينب  خذوهة
وكلمتك .. اشلون تنطك بت ابوهة
جرحتك .. الحره  لمن   شتموهة

وسفة زينب تنشتم
وجرح  كلبك  يلجم
ويلي بت خير الزلم
شابعة ضيم وقهر

شرد اكولن .. يمن جسمك تاكل شمس الضهاري
شرد اكولن .. وعيلتك يحسين  تمشي  بالبراري
اعليك  ما تبرد  لجمتي
ابجي راح افكد خدمتي .. شرد اكولن
..............................
بروحي ما افكر  انا بذيجة  حفرتي
فكري بس اعليك راح اكطع دمعتي
وانحرم  من امك او  ذيجة  كعدتي
اوياهة جنت اعليك انعة اوبجمرتي

طيحتك .. ماشفت طيحه مثلهة
شبكتك .. ارماح وسيوف ونبلهة
مجهتك .. اني ناذر  روحي  الهة

بالكبر   همي  الحرن
ليك خي يطيح الجفن
بموتي هم اعليك اون
شما قسة اوياي الدهر

شرد اكولن .. وانتة حزنك بالعرش منصوب ادري
شرد اكولن .. من اكلك هاك  عمري  اشوية عمري
بالونين  انضر  فرحتي
ابجي راح افكد خدمتي .. شرد اكولن
..............................
تمت بعون أسد الله الغالب
العبد الذليل علي الكعبي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

درب كضيته مناحه ٠٠ رايــده ساعــه ستراحه
كله مشي -- هاي صار أيام
كله مشي -- ماوصلنه الشام
-----------------------------
1= هـذه اليكــود بضعـنه كلـبه ميحــب الـزغار
لا تـكلـيلي أمن أهلنه أهلي ماتسحك خضار
والنياك التمشي بينه جــــنها مو ملكه أجار
عمه ماخلاها توكف ساعه لـــــيل ولا نهار
------------------------------------------
هل ملامح ما أحبها قاسي مايرحم كلـــــبها
كله مشي -- ماكــو عين تنام
كله مشي -- ما وصلنه الشام
***********************************************
2= جــنه ياعـمه يعرفــني ويعرفـني من زمان
هالوجه ماعـرفه أصلا ولا أضن ويانه جان
بالمكان الباسه أبــويه يضرب بـنفس المكان
عمه والله أللسان أهلنه مــو مثل هذه اللسان
-----------------------------------------
شكد خشن طبعه وكلامه يـــــــترك بكلبي علامه
كله مشي -- والدقيقه أبعام
كله مشي -- ماوصلنه الشام
3= هيه غـير المات أبوها أتـــــحصل شويه أهتمام
بالعكس هالحادي شفـــــته لحضه ماخـلاني أنام
أنسبي وين أعـــــرف أنه عالنـــــياك وبالضلام
صعبه تدخــــــل شام عمه العاشت بضل الأمام
------------------------------------------------
بس حنان أهلي رباهم شسوه بعـــيوني جفاهم
كله مشي -- والمصيبه أسهام
كله مشي -- مـــاوصلنه الشام
*************************************************
4= عــمه هـــوه الشام شنهي وليش ياخذنه اليزيد
غــــــير بس نسوان أحنه أمن النســواين شيريد
والقــــــصر هذه اليذكره أشكــــــثر منانه بعيد
يريدنه بالسوك نــــــدخل وأحنه والـدنه شهيد
---------------------------------------------
صدك عمه الناس كلها تضرب الميتــــين أهلها
كله مشي -- هــالبشر ضلام
كله مشي -- ماوصلنه الشام




5= ليـش جرج من بجــيـــتي غـير ماعـدج كـفيل
عالرمح شو راس عــمي شفته زعلان ويـميل
جان مايحجي بــوجـوده صاير اللسانه طويل
من صرخ يالخارجيه طاحت دمـــــوع العليل
----------------------------------------------
شو علي السجاد شفته -- يمشي يتوجه أعله أخته
كله مشي -- ماتت الأحـلام
كله مشي -- ماوصلنه الشام
************************************************
الخادم عبد الجليل المالكي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

تمشي دقيقه وتگـعـد اثنين
حگها التفارگ مثل الحسين
سهرانه طول الليل .. مابيهه زينب حيل
حگهه التفارگ مثل الحسين
************
گــوّه بـألــم .. ترفع جدم ..منهه النفس مخنوگ
تعب الصبح .. راس ورمح.. ريحة گلب محروگ
ركضت ركض .. طول وعرض..وتباري ذيچ النوگ
صوت اسمعت..حيل استحت..صاحوا وصلنه السوگ
......................
تعبانه لـكـن تعبـت هواي
گباله العطاشه بَدّوا الماي
تعّبها ركض الخيل .. مابيهه زينب حيل
حگهه التفارگ مثل الحسين
************
رد الضعـن .. لارض الوطن .. لكن رجع بس حرم
طفله وطفل .. صعدن هزل .. من رجعن بلا علم
هـلّــن دمــع .. ذكـرن ضـلـع .. بالحافر من انهشم
خـالـي المهد .. مـات الولـد .. ريـحـة رماد وخيم
....................
محنيه ردت مثل الهلال
رد الضـعـن وبلايه چفّال
گوّه جدمها تشيل .. مابيهه زينب حيل
حگهه التفارگ مثل الحسين
************
وحيده بدرب..ويه الغرب..والجيش چان هواي
حين اتعثر .. تذكر گمر .. گال الهه گومي وياي
من الشمس .. حر تنترس .. مامش عليهه فياي
يمشن سوه .. ويچوي الهوه .. عطشانه وبلاماي
...................
گوه بعلي تنگل جدمها
فوگ الرمح تنظر زلمها
تسمع نحيب وويل .. مابيهه زينب حيل
حگهه التفارگ مثل الحسين
************
بنت النبي .. بدرب السبي .. رجليها تعبانات
يمشن سره .. الـقـائد مره .. ردن بــلا رايات
تروح وترد .. مـاتـبــتــعــد .. وتگود البنيات
تـنـدب ابو .. وبـلايـه اخو .. فروها الولايات
.....................
تمشي وترد تكعد على الگاع
يبعد ضعنهه وتركض بساع
ويفوح عطر الهيل .. مابيهه زينب حيل
حگهه التفارگ مثل الحسين
************
تسمع بچي..وبلا حچي.. تسمع ونين اطفال
واحد وگع .. واحد رجع .. المن يصير البال
چانت شفه..مطرت وفه.. وبچف اديهه حبال
مات الكفل ..صارت جبل.. شالت هموم ثگال
......................
زينب تگول شلون بيه
ماتت رقـيـه بين اديه
سكته الدموع تسيل .. مابيهه زينب حيل
حگهه التفارگ مثل الحسين
************
سيد علي المدني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

جايـه ارد الديـن يرفيج العمر
إلـك ظِـل ابذمّـتي من الزغر..

يا حنون الما مثل گلبك گلب..
جايه بس امتيهه من وين الدرب
گالوا ادروب الوفه انترست غرب
واليجيلك كون يسحگ عالجمر

أسحگ اعله النار خويه اوراضيه
وامشي موش ابنعل دربك حافيه
إلا اسوي اظلال اونوم العافيه..
اعله التراب اتنام يفديك الخدر

فشله لو أنسه الربيت اوياه سوه..
واللي يتنفس فلا ينسه الهوه..
خويه عندك خد عله الگاع انچوه
وآه جاي ايشيط من شمس العصر

امتوني فدوه اتروح لجلك تنبري
الخوه بالأرواح لازم تنشري..
لا اتگلي ارجوك يحنينه اصبري..
الحالتك يا خويه ما يجدي الصبر

هاك ظلي اوخاف ما اتلمك اظلال
جسمي حيل انحيل ما يصلح خيال
اوجسمك اصفه اوذار ما بين التلال
اهنا صدر واهنا گلب واهنا خصر!


خادم الحسين ع يوسف صوفان



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

رايحات .. الله يحرسچن خواتي
رايحات .. امشن وگودن بناتي
وعندي هالوصيه .. لتعوفن رقيه
خواتي
.....

ها شعدچن يمي اجيتن .. ما تشوفني ذبيح؟
راسي لو عالرگبه يرجع .. هم اذا اوگف يطيح
امشن ولا توصلَنّي .. لا شمر بيچن يصيح
فدوه لله الصار بينه .. وبرضاته نستريح

انه بس روح .. احچي وياچن تره .. جسمي گطعو منحره .. انه بس روح

وفوگ الِرْماح .. راسي شوفن منظره .. وراس سبع الگنطره .. آنه بس روح

بالطريق .. يم شبيهة أمي ظلن
بالطريق ... دمعه يمهه لا تهلن
متيتمه وسبيه .. لتعوفن رقيه
رايحات
.......

يا خواتي إبداعة أمي .. يمي متگربن أريد
منظري يدمي النواظر .. لا رجل لا ظلت إيد
خيل سحگن فوگ صدري .. وراحن وصارن بعيد
ورجعن ارجوع بثگلهن .. هشمنه من جديد

روحن بساع .. لا تطيحن عالارض .. روحچن لا تنقبض .. روحن بساع

آنه مذبوح .. والجسد صاير وذر .. وكل عظم بيه انكسر .. روحن بساع

خايفات .. لا تظلن يمي صعبه
خايفات .. حگچن وما بين غربه
بس رغم الاذيه .. لتعوفن رقيه
خواتي
.........

لمن ابنياتي وامشن .. لا تظلن دنيه ليل
وعينن الحره العقيله .. وساعدنهه ماكو حيل
صوتچن مو للبواچي .. بي اريد اسمع كميل
ولا تجي يمي رقيه .. لا تجي وتسحگهه خيل

طفله وتلوب .. والابو عنهه ابتعد .. ما يرد الهه بعد .. طفله وتلوب

اسمع تصيح .. بابه بابه ما گعد .. ليش ما يگعد لعد .. طفله وتلوب

ساكتات .. صبرنهه من تروحن
ساكتات .. يمهه ظلن لا تنوحن
لو سألت عليه .. لتعوفن رقيه
خواتي
.......
روحن لزينب وحيده .. يمهه اگعدن يالبنات
لا تگِلّلهه يعمه .. وين هالليله نبات
الفجر لو طر عليچن .. يعني طرّت نايبات
هيه بس هالليله هايه .. والصبح متيسرات

والسبي موت .. السبي ما ينحمل .. يوم باچر مو سهل .. والسبي موت
ماكو عباس .. من تصعدن عالهزل .. منذبح حتى الطفل .. والسبي موت

حايرات .. باچر المحنه الرهيبه
حايرات .. تنسبن باچر مصيبه
ومصيبتهه هيه .. لتعوفن رقيه
خواتي
.........
في أمان الله روحن .. وانسن ايام الدلال
يا خواتي وكلشي يگضي .. وتگضي ايام الحبال
إدعن الله بدمعه صيحن .. الحمل يا ربنه مال
وصيحن اعله المهدي يسمع .. عجّل بجيتك تعال

يسمع الصوت .. صيحن بدمع اليسح .. عجّل وضمد الجرح .. يسمع الصوت
والجرح شام .. والحسين المنذبح .. سولفن حد الصبح .. يسمع الصوت

رايحات .. فدوه لله يا خواتي
رايحات .. امشن وگودن بناتي
وعندي هالوصيه .. لتعوفن رقيه
خواتي
..........




علي عبدالله المفرجي


16 محرم 1442هـ


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

كفلها ونذر روحه من كفلها
زينب يا هو غيره من كفو إلها
عبايتها وخدرها من وگف إلها
وستر الله چفيل الهاشميه
********
وفه العباس بعهوده وكفه
كتايب يطرد بسيفه وكفه
وگف عالعلگمي وشاله وكفه
وحطه بجربته الزينب هديه
*******""""**
الكربه عن وجه خيه كِفاها
كتايب عالنهر چانت كَفّاها
لامه ومرضعه جازه وكفاها
وجها ابيض صبح يم الزچيه
★★★★★★★★★★★
روحي لك الفداء يا ابا الفضل
علاء الجابري الخيگاني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

رقية عندما أتت لحَضن والدها وهي بفطرتها و عاطفتها تقل له وهي واقفة امام الرمح الذي يحمل رأس والدها......؟



دنگلي. ما الوح الرمح
حار الرمل ارد اشبگك

وين امشي وعيونك ضوه
بكل خطوه اوكف وانطرك

ايآمي غفلّه اتفرهدت
اعثر عمر و اشتاگلك

يا بابا يوجعني الدرب
جم مرة اطيح و اذكرك

تعبانه و عيونك هذن
ارتاح كلما. انضرك

عطشانه الك يا والدي
دمعاتي كلها. اتناطرك

هوا انته المتعب العطش
كل مايهم. ما عطشك

جلمه بشفاهك دورت
ردتك تصيح شأخرك

جف ايدك أصبع ناقصه
بلكت اصيرن خاتمك

هو انته بوية العرمح
التعبان و عيونك حمر

لو الوحك امسح گصتك
اذآهه من طگها الحجر

بابا و غلاتك خايّفه
لا حگني بالسوط الشمر

بابا استراح من التعب
يطلع عليّ ضيم الجمر

تدري انته بيها معزتك
بثيابي منك جم عطر

خادمهم الأقل علي الدنيناوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

عطشانه روحي خويه الحنينك
وكل دمعه طاحت تصرخ وينك
وين أنطي وجهي وغمضت عينك
حسين

ياعين تبره الهل ضعن عين الشماته تباري
خويه وغلاتك يالرحت بجروحي تسعر ناري

أمشي هسه انه وين و انت وين
وأشيسوه عمري بلا حسين
جرحي العشرتك والحنين
حسين
---------------------------------------------------
ذيج أبتسامة وجهك غابت
من أول افراكك أختك شابت
وسنيني شمعه بنارك ذابت
حسين

ملكاك راح وجلمتك يأم عون خويه وعونج
ومن تكعد أكبالي جنت وتكلي خويه شلونج

تذكر من جنت أكلك يالحنون
الشوفه من هاي العيون
أم عون فدوه وفدوه عون
حسين
---------------------------------------------------
موبيدي أمري الماخذني منك
لازم أروح وأباري الضعنك
الوياي راحت جم ذكره منك
حسين

بدرب السبي وأذكر كمت لمتنه ذيج الحلوه
أشسوه الدهر يا أبو علي فاركنه لا جن كوه

خويه تريد أهلهه هالحرم
وذيج الخيام ويالعلم
بس ذكره صارن بس ألم
حسين
---------------------------------------------------
ريت وفديتك بس مو بيدي
شويه وفديتك بس بوليدي
تاليتي عكبك أمشي بكيدي
حسين

يالغربتي من غربتك التحت الحوافر خدري
عطشانه أبقى الجيتك ذبحوا دلالي وستري

طاحت الدمعه جنت أتعزهه حيل
تدري البعد رايدله حيل
وكل حيلي مات ويالكفيل
حسين
---------------------------------------------------
أعطش وشيلن عيني بعينك
وانت أعله رمحك وأذكر سنينك
أربينه سوية عشت بحنينك
حسين

أذكر لمن فييت ألي عن الشمس ذاك اليوم
فييت الك بس من رحت عفتك بلا فيي وهدوم

أشبيدي أعذرني خويه من الغياب
لوله السبيي لوله المصاب
لا ما أعوفك عالتراب
حسين

ابو احمد الخيكاني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

عشگته ابلايه احدود
احبه اوراعي الجود
صرت قاري ورادود ... للسبط .... للسبط
___________________

يميزان العقيده ... يمن گلبي يريده
يبو اسكينه الگلب لجلك نظم اجمل قصيده

يسولف مستهلها .... عن ادموعه اليهلها
يمن داري ابگلب عبده او خدمته الما يملها

يبو الحچي المملوح
الك جابتني الروح
تريد الون والنوح ..... للسبط ..... للسبط
___________________

كحل عيني وضواها ... جروحي انت اودواها
انه ابابك عبد خاضع ولا دوّر نفاهه

التحبه اشكبره حضه ... ابخدمتك الله يرضه
غدن كلمن بچه امصابك يحشرونه اويه فضه

التهل دمعاته احساس
اليدگ اعليك الراس
يشد ظهره العباس ........ للسبط ...... للسبط
___________________

يمن هاي المجالس .... تحب البيها جالس
صبح گلبي حسينيه ويلم بيها العوابس

ابدموعي اهوايه هايم ...احب هاي المآتم
ابنهاري اقره النعي وألطم واذكرك وآنه نايم

عمر دونك ماريد
اريد ادموعي اتزيد
لان الونه اتفيد ........... للسبط ....... للسبط
___________________

وحگك مو مضاهر ......احب آنه الشعائر
وانه ازغير تگلي امك اريدك علمنابر

المنابر لا تهدها .... تضل ضايع بعدها
لون رايد رضا الزهره تمسك في ولدها

مثل حمزه ومنظور
يضل اسمك محفور
يعيش ابكل عاشور ....... للسبط ...... للسبط
___________________

يضامي وريجه ناشف ..... يلمحلي السوالف
طلب عندي وتعنيتك وانه المتردني عارف

توفقني اريدك ..... اتحسبني من عبيدك
لحد موتي على الخدمه تضل لازمني بيدك

توفقني ابكل عام
اضل ويه الخدام
وانوح الضيم الشام ... ... للسبط ...... للسبط
___________________

دخيلك يا رجائي ....الك زوّد بكائي
ابعلي امحلفك يبو الاكبر فلا اتخيب دعائي

لتحرمني نعمتك .... لتمنعني خدمتك
انه اشعندي ذخر غيرك للكبار ادخرتك

حرز شلتك وياي
يضامي وكلك ماي
احب دمعاتي هواي ...... للسبط .....للسبط
___________________


ابو فاطمة الطائي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يا نبض دلالي .حسرتي وآمالي . يابعد كل غالي ياحسين
___________________________________

مثل المضيعله ديره او لا گرابه او لا اهل
جيتك وبعيوني دمعه او تارس ارسومي الخجل
آنه ضايع واعتنيتك عندي بس انت الامل
احسين لا تحرمني منك رايد ابابك اضل

آنت كل ايامي . امن الزغر احلامي . اخدمك يالضامي . يا حسين
___________________________________

هيه مو قصة سوالف لو شعر خطه القلم
آنه كل ليل اليمرني يعصر ابروحي الالم
لنّي ما كاسر ضلوعي ولا تهل دمعاتي دم
والله فشله من اگلك ارد اصير اويه الخدم

مستحي اتعنيتك . مختنگ حاچيتك . انتظر حنّيتك . يا حسين
___________________________________

انه عبدك وابن عبدك جاي وابابك ادگ
لا تردني ابجاه زينب وذيچ المتون الزرگ
احسين انظرلي ابحنانك خل اذوبن بالعشگ
يا دمع عيني البچيته ويا نبض گلبي اليدگ

رايدك يحسيني . خادم اتسميني . سيدي نجيني .. يا حسين
___________________________________

احسين منهو اليسوه غيرك حتى ادگ بابه او اجي
احسين منهو اليسوه دمعي حتى اسهر وابچي لي
احسين منهو اليسوه الطم والبس اسود واعتني
احسين منهو اليسوه اگله بروحي وابمالي اشتري

يامليك انفاسي . يلي رافع راسي . شايلك بحساسي
يا حسين
___________________________________

آنه غرگان واشوفك احسين بس انت الهوه
الدنيه ظلمه وبس خدمتك تترس اعيوني ضوه
المجالس بيها اصحه والعلل روحي دوه
احسين لا تحرمني منها ابجاه طفل الما روه

للعشگ دنيني . انعه اون خليني . كل وكت بچيني
يا حسين
___________________________________

يلي منطي الخيل صدره يالتلگاهه ابهلا
احسين معقوله تردني وروحي بيك امأمله
آني ما رايد وجاهه ولا نفاهه او منزله
آنه كل الردته ابقه منبرك خادم اله

اچفوفي الك ممدوده . ابعتبتك مشدوده . وادري ما مردوده
يا حسين
___________________________________


ابو فاطمة الطائي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يا أول گمر متگطعه ازنوده
راسك علرمح وايعاين الجوده
وعد الله لمن يبدي ... ثارك يأخذه المهدي
___________________________

يا اول بشر مذبوح والوادم يهابونه
الك ثارات ما تنعاف يلي امضحي بعيونه
يالعباس حگك حيف اهلك ما يعيفونه
ثارك ياخذه الموعود واحبابك يتانونه

باچر من يرد المهدي للكوفه
ايكض السلف وايگطع اچفوفه
وابگص الرگب يحدي ... ثارك ياخذه المهدي
___________________________

يطلع باچر الموعود والثارات يطلبها
گاع الوگعت عباس والعباس يگلبها
إلمنعت عليك الماي راس ابراس يضربها
محكمة العدل بالسيف يم الشاطي ينصبها

ينصب محكمه واحكامه قطعيه
لا ينفع محامي او لا رشاويه
ايقرر والامر حدّي ... ثارك ياخذه المهدي
___________________________

ايلم الاربعت الآف وابنيران يصليها
لجلك ها يراعي الجود كثره اعيون يعميها
الدنيه ابغير ابو الكلفات ايگول اش يحليها
ثارك آخذه ابسبعين بس ماتكفي احس بيها

الصابك بالسهم يا عمي كضيته
ومن سابع سمه او بالگاع طگيته
اعليهم رايح اشيسدي ... ثارك ياخذه المهدي
___________________________

انه ثار السمه الموعود والعمي ارد حگه
ابثواب الكافل الهامات توصل للسمه الزرگه
اشعل نار للثارات وين الاكلف اتحرگه
ثار الي امس من چان ما واحد فتح حلگه

امن الموعود هاي افعال مرسوله
للعباس رد الثار گلوله
حگك آخذه ابيدي .... ثارك ياخذه المهدي
___________________________

والشاطي الفرات ايروح حانت ساعت احسابه
مامش عطوه ها يالماي جايك آنه بطلابه
يماي الما روه العطشان احولك رايد اترابه
المن تجري والعباس يمك صاير اصوابه

ماعندك حياء او لا خجل منه
عليش اتعانده يالعذبت سكنه
صاير للكفر جندي .... ثارك ياخذه المهدي
___________________________

يرفع رايتك وايگول ياويلي اعله هالرايه
بيها امن الشمر والسوط لاذت زينب اهوايه
اهنا تسكت الصوبين ما نسمع ولا احچايه
يکضها ويگعد الموعود الها ايسوي اقرايه

يا راية عمامي الما حصل منها
زينب من تون محد سمع ونها
ضل بيها الخصم يحدي ...ثارك ياخذه المهدي
___________________________



ابو فاطمة الطائي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

جديد محرم الحرام
قصيدة (دماء ... دماء )

▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

دماء ... دماء ..
من كل كتر جسم الأخو ... دامي
دماء ... دماء..
فوك الثره وراسه برمح ... ضامي

●●●●●●●●●●●●●●

هاي زينب النكسر بالطف ضهرهه
تروي قصة كربله وأبشع صورهه
وش جره بطف الحزن والي قهرهه
كون عميه خويه صاحت يانضرهه

عناء ... عناء
شافت اخوهه من وكع ... عاري
دماء ... دماء
فوك الثره وراسه برمح ... ضامي

○○○○○○○○○○○○○○○

من على التل تنظر لارض المعاره
شافت حسين الوكع دمه ايتجاره
ب جم سهم من انرمه وشكد حجاره
لطمت وصاحت عفه ماتطفه ناره

سماء ... سماء
من الحزن تبجي وتون ... غالي
دماء ... دماء
فوك الثره وراسه برمح ... ضامي

○○○○○○○○○○○○○○○

تروي بعيوني شفت اليحز وريده
ويطبر بغل منحره ويدفعني بيده
كتله عوفه ياالشمر شنهو التريده
وصرخت وين الكمر وينك عضيده

بلاء ... بلاء
علينه النزل وين الحده ... والي
دماء ... دماء
فوك الثره وراسه برمح ...ضامي

○○○○○○○○○○○○○○○

انسحك صدره وشفت ذيج المسيه
خيل تصهل فوكه داست الاعوجيه
انبتر خنصر يمينه وريت اديه
و انرفع راسه برمح ويصد عليه

بكاء ... بكاء
ما تنطفي بليل وصبح .... ناري
دماء ... دماء
فوك الثره وراسه برمح ... ضامي


○○○○○○○○○○○○○○○

حركو خيامه وسبونه وعيني تربيه
حيروني شلون اعوفه شلون اخليه
لليسر تالي خذونه ومن اصد ليه
عنه شحجي لو اسولف عن مأسيه

رثاء ... رثاء
مايكفي ابد لو اشتكي ... حالي
دماء ... دماء
فوك الثره وراسه برمح ... ضامي


●●●●●●●●●●●●●●●●

الشاعر : حيدر العمار الخزعلي
.
●●●●●●●●●●●●●●●●


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

محرم ١٤٤٢هـ

قصائد السبي للحوراء عليها السلام

ـــــــــــــــــ ❁ ❁ ❁ ــــــــــــــــــ

بغربتي شفت المنيه .. صاحو بصوت السبيه

عالوجن انزل يدمعي .. زينب انـه الهاشميه

ـــــــــــــــــ ❁ ❁ ❁ ــــــــــــــــــ

انه بموقف صعب .. وگفت بنص حرب
وبقيت بوجهي ادير وبيه حيره

صعب درب اليسر .. ويباريني الشمـر
ويصيح اعليه ياوسفه الاسيره

اصد صوب النهر واسچب دمعتي
لبـو فاضـل ردت اشـرح غـربـتي
وحيده بلا ولـي صـارت رجعـتي
وحسرتي . وحسرتي

ابقصتي من وين ابدي
بـلا اخو رديت وحدي

وانه چانت امنياتي
نندفن احنـه سويه

ـــــــــــــــــ ❁ ❁ ❁ ــــــــــــــــــ

شفت حـرگ الخيم .. وعشـت قصـة الــم
انكسر گلبي ونزل دمعي بعيوني

عله وجهي طحت .. انسمع صوتي وصحت
يخويه افزع الـي مـن يسروني

يوسفه ويه الغرب ياخويه امشي
وگـع مـن الدمـع بعيـونـي رمشي
وانـه بعـد الاهـل مـاظلي كـلشي
ينعشي . ينعشي

يمته توصلي وتجيني
انـه مـا اريـداً سنيني

ومـاردتها كـل حياتي
ريـتك تعـجـل عـليـه

ـــــــــــــــــ ❁ ❁ ❁ ــــــــــــــــــ

گلتهـا بيـا زمـن .. زراگ اعلـه المـتن
شكثر كلبي انجرح صرنه سبايه

وعلي زاد الحمل .. چَتف ايدي بحبل
وسترنـه مـن النظر بـس العبايه

وحيده بغربـتي عافونـي اخوتي
يروحي مـن بعـد احبابي مـوتي
صحتلك ماتجي وسمعته صوتي

يـموتي . يـموتي

مـرلي محتاجتـلك انـي
واحسب الجيتك ثواني

گمـت اتـرجـه بممـاتـي
ريـتـه حـان بـهالمسـيه

ـــــــــــــــــ ❁ ❁ ❁ ــــــــــــــــــ

يـمر مشـهد ذبـح .. وگـمر فوگ الرمـح
وچفوف امگطعات اعله الشريعه

خلص مني الصبر .. وتهت عگب الگمر
ضعت خويه بغيابك والله ضيعه

افـز بليلي واصـرخ خويه بسمك
ويريت يظل سنه بعيوني حلمك
ردت مـن الحـلم يـاخذني يـمك

اشـمـك . اشـمـك

بـريّـتـي خليـها شمه
من عطر نحرك اضمه

والحلم ماريده يگضي
وايـدك تـفـارگ اديــه

ـــــــــــــــــ ❁ ❁ ❁ ــــــــــــــــــ

دمع عيني اليهل .. خنگ روحي الحبل
يحز چفي وردت واحد يفگني

تره بگلبي حچي .. وحفر خدي البچي
بچيت انه شكثر لمـن شبگني

وهضيمه بيـاوكت انـه العقيله
يچتفوني بحبل واركب هزيله
وانـه درب اليسر مابـيه حيـله

طويلـه . طويلـه

رحلتي ومتروسه الام
مچتفه ودونـي للشام

واعرف تگـلي ارجعي
دمعتي ظـلت جـريـه

ـــــــــــــــــ ❁ ❁ ❁ ــــــــــــــــــ

متت يوم اهدعش .. وشلت روحي بنعش
صدگ امشي ولكن روحي ميته

اخذ روحي النهـر .. الـي جـربـه وگـمـر
وعدني ومـارجع منتظره جيته

يرد جايب نهر ويـرش خيامه
مثل ماي المطر يروي اليتامه
وگلت الهم يـرد هسه بسلامه

وسهامه . وسهامه

منعته يـردلي ويجيني
وراح اظل انه بحنيني

لشوفته يومـيه ادعـي
وادري لا ميــرد اليــه

ـــــــــــــــــ ❁ ❁ ❁ ــــــــــــــــــ

عباس فاضل الشمري


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA