#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

بيهه تحضر فاطمه وأم البنين
ادخلو الهاي المجالس آمنين

بكل زمان وكل مكان
مجلس حسين الأمان
ــــــــــــــــــــــــــــــــــــــــــــــــــ
فطرت الله من نولدنه وبينه هالحال نوجد
ومن گبلها ابطن أمنه الدمعه چانت معتقد
چنه ندري الدمعه غيره وإحنه بأيام المهد
لأن نسمع بالتلولي حسين ذبحوّ يالولد

والذي يناغونه بالعبره هله
يكبر وتكبر جروحه الكربله

والأذان بإذنه چان
مجلس حسين الأمان

إدخلو الهاي المجالس آمنين
ــــــــــــــــــــــــــــــــــــــــــــــــــ
الرحمه كلهه بهالمجالس خلي يدري المادرّه
وخله يفهم الله رايد تبقى دنيا وآخرّه
يا بلا يگدر يطبها وبيهه عينه الناظرّه
شلون نرضى يخلى ماتم وفاطمه البي حاضرّه

لازم اللطمتنه فاطم تستمع
هيه مالومه وكسر عدهه بضلع

وتصرخ بعالي الجنان
مجلس حسين الأمان

إدخلو الهاي المجالس آمنين
ــــــــــــــــــــــــــــــــــــــــــــــــــ
مايصح إلا الصحيح وكل خطأ لامايصح
واليشك ضلمه بضميره وماخذه مچان الصبح
بينه ماتضعف عقيده شما حچي الماصخ يلح
من إنكسر فطرس جناحه ياهو ردّاله الجنح

والذي ترد المَلك حر قدرتّه
شلون أئييس من رحمته ونظرتّه

والذي يريد الضمان
مجلس حسين الأمان

إدخلو الهاي المجالس آمنين
ــــــــــــــــــــــــــــــــــــــــــــــــــ
بالحديث المروي نقره وتسمع أملاك السمه
بيوم سألت من أبوها وچانت تون فاطمه
بويه لو ذبحو عزيزي ياهو ينصب ماتمه
شلون ماننصب مئآتم ونبچي عالصاح الضمه

للقيامه الشيعه تحضر مجلسه
تنعى الرجال ونسه تون عالنسه

وبيهه يلهج كل لسان
مجلس حسين الامان

إدخلو الهاي المجالس آمنين
ــــــــــــــــــــــــــــــــــــــــــــــــــ
بنادم ولو يمشي عمره مايرد عمره الندم
وهو ميت ماهو عايش الماگضاها ويالخدم
شلون يهده اليدري بالطف حرگو الزينب خيم
مو گلب هذا ايتسمّه المايدگ لحسين ألم

إنطه دم نحره ورضيعه وخيمتّه
وماتت بذيچ الخرابه بنيّته

ومن هذاك الهالزمان
مجلس حسين الأمان

إدخلو الهاي المجالس آمنين
ــــــــــــــــــــــــــــــــــــــــــــــــــ
للشاعر حسين الخرساني

السبت ٢٠٢٠/٨/٨


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ماغبت عن بال اليحبونك
يلّي واگف عون للينخونك

أمس واليوم اليمرنه وباچر
يلّي عايش لحضه لحضه العاشر

ماغبت عن بال اليحبونك
ــــــــــــــــــــــــــــــــــــــــــــــــــــــ
حزنك يعيش بمحرم ليله تتبع ليله
غير أخو حسين وعضيده وانته صبره وحيله
يمشي لمصابك يواسي سيدي اليمشيله
وروحي من روحي اعتنتكم لايذّه ودخيله

مصابك مصابه ومصابه مصابك
واليدگ بابه يدگ ابابك

گلبي طير وللدموع مهاجر
يلّي عايش لحضه لحضه العاشر

ماغبت عن بال اليحبونك
ــــــــــــــــــــــــــــــــــــــــــــــــــــــ
موفقط يومك نذكْره من يحل ميعاده
يدور بدمانه اللي تجري الله ذكرك راده
شما يجي اسم حسين تحضر ماهي صدفه وعاده
لأن أولادك ذبايح سيدي وي اولاده

حسين كل ما ونّو اليبچونه
يعني ذكروك الذي يذكرونه

بكل گلب شايل مصيبه وشاجر
يلّي عايش لحضه لحضه العاشر

ماغبت عن بال اليحبونك
ــــــــــــــــــــــــــــــــــــــــــــــــــــــ
كلشي بالطف يحچي بسمك وبالبدايه الشيمه
ودمع الأيتام وعطشهم واللهيب وضيمه
وجاسم وعرسه ودمعته الرادت انته تقيمه
وطيحتّه وعمّه وحسرته البچّت البالخيمه

ايده من دم هامته حنّوها
وجثتّه بدمع اليصب زفّوها

ورمله واللوعه وجفنهه الساهر
يلّي عايش لحضه لحضه العاشر

ماغبت عن بال اليحبونك
ــــــــــــــــــــــــــــــــــــــــــــــــــــــ
يالنحتهن وحده وحده مصايب البطفوفه
انته كلهن شاهدتهن غير شوفك شوفه
الهسه دمعاتك جريّه على النهر وجروفه
هم صحت ضهري كسرته على الگمر وجفوفه

من إنكسر ضهر الحسين وحيله
چان ذكرك سيدي يتچّيله

انته صرت الحيل إله والناظر
يلّي عايش لحضه لحضه العاشر
ماغبت عن بال اليحبونك
ــــــــــــــــــــــــــــــــــــــــــــــــــــــ
ذكرك بعاشر محرم يغيب مامعقوله
يحضر بكل دمعه تجري وكل مصاب نگوله
غير ليل اهدعش صاحت زينب المدلوله
يالحسن جثّت أخيّك الهسه مامشيوله

دامي أبن امي ارد اخبرك دامي
غمَّض وبلسانه چلمة ضامي

وآه وبحال اليتامه شصاير
يلّي عايش لحضه لحضه العاشر

ماغبت عن بال اليحبونك
ــــــــــــــــــــــــــــــــــــــــــــــــــــــ
للشاعر حسين الخرساني

الجمعه ٢٠٢٠/٨/١٤


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


يالمخلينه العاشور نتحضّر
وبالمجلس نلوذ بهيبة المنبر
لو مو نطبر الهامات بالقامات
شنوافيك وانته مضحي بالأكبر

حُسين حُسين علي اوليدك چانلك روح
حُسين حُسين منين ماصدّيتله جروح
حُسين حُسين بعد شيوافيك يانوح
ـــــــــــــــــــــــــــــــــــــــــــــــــــــــــــ
اه ياللامنه يمخلي بينه احساس
يالمختارنه ننعاك بين الناس
نحتار ابچينه بيا وضع نبچيك
وانته مقدّم العريس والعباس

حُسين حُسين هاي بينه جروح تنعاك
حُسين حُسين حتى دمع العين ناداك
حُسين حُسين إحنه دنيا وآخره وياك
ـــــــــــــــــــــــــــــــــــــــــــــــــــــــــــ
يالمنطينه ادموع وبچي واشجان
للأيتام چا غطّاهم الدخان
كون گلوبنه تشب نار تصفى ارماد
عليك وعالحريم ولوعة الرضعان

حُسين حُسين لو نشد جروحنه حزام
حُسين حُسين ولوندّگ اسنين عالهام
حُسين حُسين شنوفي وانته انطيتنه خيام
ـــــــــــــــــــــــــــــــــــــــــــــــــــــــــــ
مادام الدموع تفور مانبرد
يبيض گلوبنه الثوب العلينه اسود
شلون انبطّل الدمعات واللوعات
شلون وانته خدك عالثرى توسّد

حُسين حُسين شلون هاي تصير مولاي
حُسين حُسين تموت مايرووك بالماي
حّسين حُسين والجروح النازفه هواي
ـــــــــــــــــــــــــــــــــــــــــــــــــــــــــــ
آه يالغايرات من الضمه عيونك
وغيّر لون كل أطفالك ولونك
شبيهه الناس بعد اللي جرى بعاشور
ثلت تيام مرمي ومايشيلونك

حُسين حُسين هاي دوم املازمه البال
حُسين حُسين الميت بكل حال ينشال
حُسين حُسين والحده اهلك چان چتّال
ـــــــــــــــــــــــــــــــــــــــــــــــــــــــــــ
للشاعر حسين الخرساني

الاربعاء ٢٠٢٠/٨/١٩

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


خلت منكم … منازلكم
يلوعتــهــه … بگلب بتكم

وحشه والوحشه چبيره
ناحـِلّه وحيرتهه حيره

بقَت تنطر … رسايلكم
ــــــــــــــــــــــــــــــــــــــــــــــــــــــــــــــــ
صفنه يم الباب بتكم ــ صارت وحالتهه حاله
تگلّب الباب بنضرها ــ هلبت وتلگه رساله
آخر الدمعات طاحت ــ وخلصّت حتى الوشاله
وچن يگلهه الباب أيسي ــ راح الحسين ودلاله

يدمعتهه … اعله عتبتهه
جرت كتبت … يشوگي الكم
ــــــــــــــــــــــــــــــــــــــــــــــــــــــــــــــــ
نحلت وما بيهه تنحب ــ يزيد ألمهه ليله ليله
غير حضن حسين ابوها ــ هيّه شتريد العليله
ياصبر يسندهه وانتم ــ رحتو والسفره طويله
من مرضها ومن ألمهه ــ ياهو يمهه وتشتكيله

دمعها ايزيد … تحن وتريد
تـمرّوها … هوى تشمكم
ــــــــــــــــــــــــــــــــــــــــــــــــــــــــــــــــ
غير كل طفله عليله ــ بدارها يحيطوها اهلهه
ليش بس بتكم وحيده ــ وعاشت الغربه بنزِلهه
لو فرض حملت مرضها ــ غير فرگاكم يسلهه
الدلليتوها يهَلهه ــ مالت ومايل حملهه

البقى عدهه … ويساعدهه
أمل يـوم … اليرجعكم
ــــــــــــــــــــــــــــــــــــــــــــــــــــــــــــــــ
يخلّي بمچانه وحشته ــ من يعوف الوالي داره
وداركم عالطفله موحش ــ يالأهل ليله ونهاره
تغمّض وتحلم اجيتو ــ ووادم تصيح البشاره
وتگعد ولن كلشي سكته ــ وترجع النفس المراره

كبر همهه … ونشف دمهه
ولا سمعت … خبر عنكم
ــــــــــــــــــــــــــــــــــــــــــــــــــــــــــــــــ
يا مكان الماله ذكره ــ وهيّه بس الذكره عدهه
لا إختهه ولا اخوها ــ خِلّه والخله اشيسدهه
توصل الموت وتتاني ــ دگة الباب التردهه
مرّو بالطفله العزيزه ــ خافن اتموت الوحدهه

تهل العين … وتصيح حسين
شني العنهه … يعطّلكم
ــــــــــــــــــــــــــــــــــــــــــــــــــــــــــــــــ
للشاعر حسين الخرساني

السبت ٢٠٢٠/٨/٢٢

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

طاح الواي زينب
والحمّاي زينب
وبأيدي
من عضيدي
جيت وجايب ادماه


إجاچ حسين مايل
دم عباس سايل
وي جوده
وزنوده
راح الچنتي بحماه


والمكسور ضهره
دربه يصير عثره
ودموعه
واللوعه
تگول شلون ننساه


انحل احزام ضهري
يختي وطاح صبري
واويلي
هد حيلي
راح وهمّه خلّاه


آه يشماتت الناس
صاحو طاح عباس
يسَمْعوني
يدروني
يموّت حيلي فرگاه


يختي شلون شِدّه
أخيّچ راد وحده
ماصارت
لادارت
يرد يوم ابلياه


شفته ويَمّه الچفوف
ورديت ابلا شوف
ناداني
وبچّاني
واسمچ يختي بچّاه


ضاگت يختي دنياي
امشي الخيمتّه وياي
خل تطيح
واحنه نصيح
آه اعله الگمر آه
ــــــــــــــــــــــــــــــــــــــــــــــ
للشاعر حسين الخرساني

الأربعاء ٢٠٢٠/٨/٢٦


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

بأمل يندك عليّ باب
أتانيكم يغيّاب

وامسح دمعة العين
والگه اگبالي الحسين

أتانيكم يغيّاب
ــــــــــــــــــــــــــــــــــــــــــــــــــــــــــــ
أتانيكم واليتاني ــ يثگلن لوعتّه وصبره
واللي يغيب عنّه حسين ــ الله بحالتّه أدرى
انا بمچان ابو السجاد ــ هلّيت وطحت عبره
مو بولادي اهم تدرون ــ أهم بمهجة الزهره

وگلبي بكربلا اويا
وجسد بس عايشّه هنا

أتانيكم يغيّاب
ــــــــــــــــــــــــــــــــــــــــــــــــــــــــــــ
أطلع ناحبّه وأگعد على درب اللي ماخذكم
وياضعن اليمر بيّه ــ اسأله بدمعتـّي عنكم
واصد اعله العجاج المار ــ واگولن هالعجاجه الكم
وتغيب وألگه ضعن اغراب ــ ولابي كل وجه منكم

الضعن من حمّل وشال
انشالت راحة البال

أتانيكم يغيّاب
ــــــــــــــــــــــــــــــــــــــــــــــــــــــــــــ
من گد ما اونّلكم ــ اليسمع گلبه فطّرته
يسألوني انتي أم حسين ــ وأگلهم انا خادمْته
ردتكم يهل المروّه ــ وبعدكم كلشي ما ردّته
چنت اتمنه من رحتو ــ هذاك اليوم ماعشته

ضعنكم من مشه وراح
گلبي اعله الدرب طاح

اتانيكم يغيّاب
ــــــــــــــــــــــــــــــــــــــــــــــــــــــــــــ
خلّي شما يصير يصير ــ بيّه ومو مهم حالي
انا وأولادي فدوه الكم ــ نروح بأول وتالي
بگمر ونجوم انا مضحيه ــ الكم كلشي موغالي
المهم مدلله زينب ــ هذا العايش أبّالي

خل ولدي ضحايه
غير الحرّه هايه

اتانيكم يغيّاب
ــــــــــــــــــــــــــــــــــــــــــــــــــــــــــــ
وصّيت الهوى المرني ــ گتله اوياك اخذ ذمّه
لوشفت العزيز حسين ــ قَبله بجبتهه وشمّه
وبعد ويّاك اخذ دمعي ــ وحسرتي وسمعه هالچلمه
وگله ام البنين تگول ــ بعدني متانيّه اللمه

صفت من غيبتّك عود
گله متانيّه اتعود

اتانيكم يغيّاب
ــــــــــــــــــــــــــــــــــــــــــــــــــــــــــــ
للشاعر حسين الخرساني

الأحد ٢٠٢٠/٨/٢٣


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


بگلبي مو بعيوني اشوفك ياحُسين
كلشي اعوفه وما أعوفك ياحُسين

دمعتي المن عيني تجري تسولف اهواك
يالعطشت الخاطر اروى شلون أنساك

جرح كون اتعنه اطوفك ياحُسين
ــــــــــــــــــــــــــــــــــــــــــــــــــــــــ
يسكت الساني وتسولف بسمك العين
تغورگ ومعناها يحصل مثلك منين
والگلب واحد يملكه وماهو لثنين
وگلبي دگاته اليدگهن كلهن احسين

انته يالباقي على بالي ياحُسين
غالي يالمامثله غالي ياحُسين

ارد اضيّع روحي يمك خاطر ألگاك
يالعطشت الخاطر اروى شلون انساك

جرح كون اتعنه اطوفك ياحُسين
ــــــــــــــــــــــــــــــــــــــــــــــــــــــــ
آنه عبد من العبيد وماملك راي
مالي قيمه القيمه كلها بخدمتك هاي
شفافك الذبلانه لسه صوره بالماي
دمعتي وچلمة أحبك عايشّه وياي

سيدي وچلمة أحبك ياحُسين
تحله لو يقبلهه گلبك ياحُسين

وآنه رغم البيّه لاچن گلبي ويّاك
يالعطشت الخاطر اروى شلون أنساك

جرح كون اتعنه اطوفك ياحُسين
ــــــــــــــــــــــــــــــــــــــــــــــــــــــــ
الله حبّاك وخلقلك كلشي بالكون
وگلك الحُب ياحبيبي لجلك يكون
وآنه عاجز عن غرامك شحچي وشلون
بس عرفت الدمعه أبلغ لليحبون

مختصر كل المحاچي ياحُسين
حُبك إلسانه البواچي ياحُسين

ياقتيل العبره عبره تردهه حاشاك
يالعطشت الخاطر اروى شلون أنساك

جرح كون اتعنه اطوفك ياحُسين
ــــــــــــــــــــــــــــــــــــــــــــــــــــــــ
هو انته وماكو غيرك ماخذ الروح
ياعباره الخطها ربك بعرشه واللوح
أسأل ويطلع سؤالي چَنّه مجروح
آنه احبا بس حبيبي ليش مذبوح

والجواب بلوعه اسمعه ياحُسين
من يتيمه يردلي دمعه ياحُسين

وأنسه روحي وضامي اصيراً واذكر اضماك
يالعطشت الخاطر اروى شلون انساك

جرح كون اتعنه اطوفك ياحُسين
ــــــــــــــــــــــــــــــــــــــــــــــــــــــــ
ياما بعدتني الليالي وياما زليت
ومانسيت انته اذكرتني وليك رديت
آنه آسف مامتتلك باقي ضليت
شنهو قيمة دمعي وانته وليدك انطيت

آنه ودموعي الجريه ياحُسين
شنهي يم لوعة رقيه ياحُسين

بس اريد اويه الزچيه سيدي انعاك
يالعطشت الخاطر اروى شلون انساك
ــــــــــــــــــــــــــــــــــــــــــــــــــــــــ
للشاعر حسين الخرساني

الثلاثاء٢٠٢٠/٨/١١

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يابويه أنا اوليدك
منـّك ماشبعت اوداع

اللحضات اللي جمعتنه
علَيّ مرَّن يبويه بساع

بالميدان أنا وناديت
تعبك والربا ماضاع

بس اعداك حاطوني
وطحت من عالمهر للگاع
ــــــــــــــــــــــــــــــــــــــــــــــــــــــــ
چنت أركضلك امن تصيح
واقـَـبل ايديك تدريني

وهسه جروحي والطعنات
حالت بينك وبيني

تعال احضنـّي واعذرني
كلشي البيـّه ياذيني

المفروض آنه لَتعنـّاك
بس الدم ترس عيني
ــــــــــــــــــــــــــــــــــــــــــــــــــــــــ
صعبه اعليـّه اشوفنـّك
بـحيره وتيـّهت دربي

السيوف الگطـّعـن جسمك
وجـَيـتك گَـطـَّعت گلبي

انخطف لونك يلون ابنك
تمـسح دمـّي وتربي

صرت أدعي ودموعي تسيل
عـِيـن احسين ياربي
ــــــــــــــــــــــــــــــــــــــــــــــــــــــــ
لا تنحب يبويه حسين
يالرايح علَيّ حيلك

أخاف إعليك يالغالي
وهاي اعيوني تبچيلك

اشوفك مختنك محني
يالساهر علَيّ ليلك

آنه مگطـَّع اگبالك
ياهو اللي يتچـّيلك
ــــــــــــــــــــــــــــــــــــــــــــــــــــــــ
ألوج اعله الترب يمـّك
من اتصيح يوليدي

أحاول أمسح ادموعك
بس ماتنرفع إِيدي

انته اتصيح يازينب
ذبحـَو بالحرب عِيدي

وصرخه بروحي لجروحي
أكثر بالنزف زِيدي
ــــــــــــــــــــــــــــــــــــــــــــــــــــــــ
ما متعـَوّد اربيلَك
تبچي ويحترك دمّي

نسـّاني العطش همّك
وزادت لوعتـّي وهمـّي

خل اجروحي خل اتسيل
وخـَلّه اعله الترب جسمي

يابويه امرَدت گلبي
من اتمـَدَدت يمـّي
ــــــــــــــــــــــــــــــــــــــــــــــــــــــــ
للشاعر حسين الخرساني

الأحد ٢٠١٩/٩/٨


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ



على درب الزياره عباره كتبتها الوفيه
كل عمري و حنيني و بنيني بثواب الزجيه
لضحت كل ولدها
موكب خدمه عدها
بثواب الزجيه
*
موكب على درب المشي كل اربعين نشوفه
ديوان خدمه عله الارض و اهل السماء ضيوفه
ام البنين ام الكرم بين الخدم معروفه
كل زاير البيها يمر تنترس خير جفوفه

كل زاير يجيها عليها يقسم بالغياره
يم عباس اجيتج نخيتج تنطيني البشاره
كل زاير يودها
موكب خدمه عدها
بثواب الزجيه
*****
بموكبها تكعد تنتظر كل زاير يمر بيها
راية ابنها ام الوفه ع الجادر تخليها
الماي بثواب الضعن المشايه من ترويها
بسفرتها لو كل البشر ما تفرغ صوانيها

يالمشايه اهلا و سهلا بانصار الامامه
ادعيلك يزاير و اناطر توصل بالسلامه
وايامك تعدها
موكب خدمه عدها
بثواب الزجيه
***
اليتعب بطول الدرب هي التشد حزامه
و تنصب عزه بدرب المشي و تحشم اللطامه
يا ربي تدعي بكل وكت تحسبني من خدامه
وبدموعي كل ما انطفي تحركني نار خيامه

كل مشاي اجاها نخاها و كل حاجه كضتها
و انخاكم أليه هديه بس خطوه ردتها
جم سفره التمدها
موكب خدمه عدها
بثواب الزجيه
*****
ام البنين بكل وفه خدمة حسين هوايه
يوميه بالموكب تره للزهره عدها قرايه
كالت وٱذا اربع ولد ما انحسب وفايه
عباس طاح اعله النهر و اني الاخذت الرايه

وصيت ابو فاضل يقاتل من عاف المدينه
يوليدي و نعمتي خدمتي لزوار اربعينه
رايتها و تشدها
موكب خدمه عدها
بثواب الزجيه
**
كل الملائك تعتني يوم اربعينه بهمه
عايف مكانه البسمه و متحزم عله الخدمه
الخلفت مثل الكمر من حيدره متعلمه
بموكبها كل زاير يمر من عدها يطلع زلمه

لحسين افدي روحك طموحك من هاي
المواكب
يالخادم بكائك عزائك يوصل للكواكب
لكل زاير نشدها
موكب خدمه عدها
بثواب الزجيه
*

الاقل محمد علي الخفاجي
▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


وينه عمه كافل هل خدر وينه
عينه خل تشوف العايله عينه
ارد اكله ادخيل اجيتك للنهر
ونضر الحالت رقيه ياكمر
وينه
------------------------------------
يازينب يعمه الخيل اجتنه وبالخيم نيران
يعمه كلي لهل الخيل هاي اخيام مو ميدان
وحرم كليلهم عندي لتحركون هالصيوان
لروحن للنهر وهناك اراوي للكمر نيشان
متني اتلوع ابسوط العده متني
وني من جوي حرك الخيم وني
من يكله احسين اخو صدره انهشم
من يكله اسياط ضربوهه الحرم.. وينه
-----------------------------





من كبل الضهر عمي راح اعله النهر بلواه
وضمني ابغيرت اجفوفه ونشف دمعتي ابيمناه
وعله مهره اشوف الجود واكلوب الحرم وياه
ونسانه وحاشه ماينسه وخافن مادره بعداه
هجمت خيلهم وسط الخيم هجمت
انشتمت زينب اخته الطاهره انشتمت
راح من ذاك الضهر هسه المسه
والجيوش ابنص خيمنه امكردسه وينه
---------------------------------
ميدري حسين بالميدان ابويه اموسد الغبره
وميدري ابخيلهه العدوان كام اتفوت من صدره
ميدري اعله الرمح شالو راسه وبالارض نحره
يعمه بس اكله اهناه خيمنه ابنار متوجره
الگاه وين اروح ابيا كتر والكا
وبحما خايفه واهناك اضل بحما
عمه وين اتوجه ابهذا الالم
سوط ما احمل ولا حرك الخيم
---------------------------------





يزينب راح اروح انشد واصيح بصوت بين الناس
رقيه انه وابويه حسين اشلون ابهالسياط انجاس
اروح ابدمعة اعيوني والجي اهواي يم عباس
واكله اهناك بين الخيل اطفال وخيم تنداس
عمه ياهو عنه الانشده عمه
بسمه راح احشم وانتخي بسمه
بلكي اشوفن جوده يحجيلي الخبر
ومن اغسل وجهي من هضم القدر وينه
---------------------------------
تراني امدللة عمي وبين الجفوفه رباني
رقيه ولو سمع صوتي ابنحره ايجاوب احزاني
يعمه ابلا جفوف يكوم وبعيونه ايتلكـــــــــــاني
واكله ابوجهي سوط ونار يعمي وهذا نيشاني
دخيلك شارده من السوط ياعمي تلگاني
وامسح كل جروحي ابرايته وامسح
واشرح حالتج يم نخوته واشرح
خاف مايدري ابخيمنه اموجر
خاف مايدري يعمه بالجره
وينه
---------------------------------

الخادم
كريم التميمي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يالذي تلوموني
بلوعتّي خلوني
بكيفي اذبْل عيوني
للحبيب حسين
ــــــــــــــــــــــــــــــــــــــــــــــــــــــــــــــ
ياخلگ دمعاتي هايه تبقى تجري للقيامه
واليحب من يمته صاير يستمع حچي الملامه
كون اطب الگبري وآنه على الصدر تارك علامه
شلون يرتاح اللي يدري بكربلا ذبحو إمامه

لا يلوج الحاله
ويلعن بچتّاله
ودمعتّه همّاله
للحبيب حسين
ــــــــــــــــــــــــــــــــــــــــــــــــــــــــــــــ
يالتريد اترك دمعتّي المختصر هاك بكلامي
آنه مو للراحه عايش عايش الغربة إمامي
من وحدهه عيوني تجري هو غير حسين ضامي
شلون ما أبچي ويگلي لجلك احترگت خيامي

هو قدّم روحه
الهسه تجري جروحه
وآنه گلبي ونوحه
للحبيب حسين
ــــــــــــــــــــــــــــــــــــــــــــــــــــــــــــــ
الحمد لله لسه گلبي عايش بذيچ الحراره
يلهب شما جابو اسمه وغربتّه وأهله الحياره
أمشي وين تريد أمشي وخلني وكلمن قراره
آنه كلما روحي غابت ترجع بطاري الزياره

وما تردني حچايه
وگلبي أسمع رايه
دربي دمعه قرايه
للحبيب حسين
ــــــــــــــــــــــــــــــــــــــــــــــــــــــــــــــ
روحي يكبر حبها كلما يكثر اللوم العليهه
وتقرب على الزهره أكثر شما تزوّد من بچيهه
شگد حچت وادم گبلكم عالبچي شغيّر حچيهه
وعمري بالخدمه ارد اخلصه الدنيا هو شباقي بيهه

وهو عمري وحيله
لو نهاره وليله
يبچي ما يوفيله
للحبيب حسين
ــــــــــــــــــــــــــــــــــــــــــــــــــــــــــــــ
للسأل ما كافي تنحب تنزل الدمعه الجوابه
مالي كل حچايه ويّه الما بچه حسين ومصابه
الله هنايلك يگله البلَّطم خلّص شبابه
وآنه كلما أبچي احساً دمعتّي تطيح على بابه

والذي مسويهه
بس إله مخليهه
عيني وشما بيهه
للحبيب حسين
ــــــــــــــــــــــــــــــــــــــــــــــــــــــــــــــ
للشاعر حسين الخرساني

الجمعه ٢٠٢٠/٨/٢١


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


آه يا رقيه



حلم بعيوني مذبوح * شخلت بيه الجروح

اثر للخيل مطبوع بخيالي
حرّم دنيتي ونوم الليالــي

*-----------------*-----------------*

طفله وجروح بدليلـــــــي كلهن اكبـــار
والسيـــاط بمتني خلت لوعـــه واثـــار
الدمعه مكروهه وتجرّح خد الصغــــار
عاشت بروحي صورهه الخيمه والنـار

اغفى وتجري العيون * تنسى الشافته شلون

منظر كربله غيب دلالي

*-----------------*-----------------*

عمري ما اريده و دعائي لحظه ميطول
شلي بالدنيــا وابويــه داستــه اخيــول
يتمونـــي بهذا حالــي وگلبـــي معلــول
ربــي وديلي المنيـــه وموتـي مرسـول

اريدن الحك الراح * واسمع صوته وارتاح

انوح الوالدي ودمعي حلالي

*-----------------*-----------------*

انتظر موتي يجيني واغفه وارتـــــاح
ذكرياتي تمر عليه مثـــــل الاشبــــاح
شاهدت عبد الله دامي وعطره فواح
و راس ابويه معلگينه بروس الارماح

طفله وعمري معدوم * متني وگلبي ملچوم

شفت الراس مرفوع بعوالي

*-----------------*-----------------*

حمّلاني دموع دهري واكبر امصـاب
و روحي تاركهه صبرهه بحر الغياب
احسب ايام ودليلي جرحه مـا طاب
يظلم الكون وحياته اليفگد احبـــاب

ريشه اويه الهوه يصير * حيره الفاگد يحير

ترخص دنيته اليفگدله غالي

*-----------------*-----------------*

ماتت احلامي واگولن الله موجـــود
صارت امتوني واديه بالضرب سود
المثلي اتعيش بحدايق بين الـــورود
وانه دمعاتي بجفوني تچوي الخدود

صعبه الوالد ايغيب * عذاب بدون تعذيب

حال الفاگدات بغربه حالي

*-----------------*-----------------*

خيمه محترگه وحوافر جرحن البال
عاشرت ضيم ومصيبه تهز الجبـال
الغالي يوميه اشوفن راسه ينشـــال
اصفن ويسرح خيالي وذبّل الحـال

اذكر عمي عباس *** واجرن گوه الانفاس

مطروح العلم والجود خالي

*-----------------*-----------------*

✍ بقلم خادم الحسين ع
الشاعر رعد الچريخي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

عمت عين الغدر گطعلي چفيني
بقيتي الوحدچ لا انا لحسيني
وصل دخان المخيم وانه احتاريت
اگوم بيا چفوف اشلع سهم عيني
چفوفي ابعاد ونتي بعازة الخوان
ساعة فزعه بيها اهواي ترديني
انه ادري بطيحتي مات الامان اوياي
يا حيف الشريعه اتفرهد اسنيني
اشوفچ ونتي يازينب علي تومين
وازاچ الدُخان وما تتيهيني
وحگ العشره خويه وكل دلالچ ذاك
بيه صواب انهظ ما يخليني
بچيت ودمعي صب ياخويه بس من عين
ذيچ العين بيها النبله تچويني
ونه بهل حال ادور يالاخت فزاع
اموت وما تموت الغيره تدريني
بطرف عيني اشوف حسين ما بي راس
ندهته وما گدر خويه يحاچيني
گتله الخيل وصلت للحرم يحسين
وفرت زينب وحرگو صواويني
گتله اعله الشمر ياخويه شايل سوط
وگتله اتصيح زينب منهو يحميني

كله جروح ميت خويه يتعذر
التسحگه الخيل عل فزعات ما يگدر
عذرا راح اگلچ وحدچ انتي بهاي
اجاچ الدور تتكفلين بالخدر
مثل ما انا يازينب چنت لحسين
انتي يالعقيله للحرم عسكر
لحظات وسبايه اعله الهزل ترحون
بعد ماكو خيم والنومه وسط البر
بالچ من يشدون الچفوف احبال
خطواتچ يزيب كون تتاخر
عينچ عل خيال ان چان رايد ايميل
افرشي اعبايه خاف اسكينه تتعثر
افتحي اعيون زينب بالچ اترمشين
رقيه امن التراچي اعله الهزل تنجر
الحذر واجب عليچ ابگد صلاة الليل
بوكت غفله المتن بالسوط يتفطر
درب الشام راح يصير خويه اسنين
وشيب الموت ويه العايله يفتر
شما يصعب عليچ الحال اوصي بهاي
تنخي بحيدر وصحي علي احظر
اه يحسين بالچ خويه لتگولين
يظل اعله الرمح يتلاطم المنحر

الشاعر اياد الديراوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

عن لسان الامام الحسين عليه السلام

لجل ربي وديني ياسيوف اخذيني
بعد دين المصطفى والله علدنيا العفا
ياسيوف خذيني

*******************

لونكرتوني عمد اني الحسين
عندي مايتغير الشك واليقين
جدي طاها ذاك خير المرسلين
اوالدي حيدر بطل بدر وحنين
جيت ياارض الطفوف هذا جسمي للسيوف
ياسيوف خذيني

**********************

ياسيوف خذيني ياروس الرماح
وياسهام ابصدري زيديني جراح
طالع بهذا العدد لاجل الصلاح
وتنذكر كل يوم حي على الفلاح
غير هذا ما اريد وهذا نحري والوريد
ياسيوف خذيني

********************

لأجل هاي الناس مأمونه تضل
صرت انادي الموت ياموت العجل
لهذا اسعة وجبت وياي الاهل
بالتفاني الربي اريد اضرب مثل
انا عاشك موتي والهن ارفع صوتي
ياسيوف خذيني

*****************

ابقليل العدد وبكثر العزم
للمنيه ابنهج جدي ملتزم
ابني صرح الدين واسرارالعلم
لأجل أصنام الظلاله. تنهدم
الديني ماهمني الخطر. رگبتي وهذا النحر
ياسيوف خذيني

*********************
مايهزني العطش واخضع للفرات
بموتي اصنع درب واضح للحياة
ثوره للمظلوم من ظلم الطغاة
الحياه والموت مونفس الصفات
لاجل هذا ثورتي ارد اقدم رگبتي
ياسيوف خذيني

الشاعر حسن لعيبي الحريشاوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

#شور_عشگ(للخدام)

اعلفطرتنه عرفناكم..حضن دافي لگيناكم
اليفطمونه بضريح حسين..شتضنونه ينساكم

امن الصغر بيه كبر رس الغرّام
اله يحجولي اعله قصتك يله انام
بالطفوله بكل تشابيه التصير
ما ارد البيتي اله اشبگ لمام

وحبيبي صار ابو الاكبر...اكبر والعشگ يكبر
وما مستوعب الهاليوم...سومر وجهك امن الحر
___________________________
صغير وفتحت عيني..ولگيتك انته شاريني
دافع بيه دم وخيام..ابوكت محد يلفيني

ابچي لو لعبه هلي يجيبولي
اله زنجيل وعلگ يشرولي
وابقه افرفح يوم كامل ما انام
لو هلي ثوب اسود يفصلولي

وتمر صحباني يوميه...ونسير عالحسينيه
كدما ما غزرت بينه..فصيلة دمنه لطميه
_______________________
بلغت وما احس أله..بعزائك لازم الدله
واوزع لليجي والراح..وعرفت اليخدمك يغله

ثاري لتحبه وتريده بدربك
غصباً اعلگليبه يعشگ گلبك
لهسه ما اعرف شدلاني عليك
بيه مدري شلون يكبر حبك

اثاري الخدمه هم نعمه..وهم مقسومه الي قسمه
الميجيبه العشگ لحسين..يضل طول السنين اعمه
________________________
وهنه اسوالفك ذني...امخلي الوادم تحبني
لو ما ثوبي الاسود هاذ..جا محد يصاحبني

اتعلقت بيك ولگيت والد
شما اطيحن تفزع اول واحد
فدوه چوي اگليبي من نار الخيام
العشگ ما ينراد اذا ضل بارد

اعيش بخير كل حلمك..اختصار لكل محّنّه اسمك
الخلود بنحرك اتخلد...والحرية من دمك
_________________________
حبك سودن الوادم..اليحبك ما يضل سالم
ويا دربك ايدور افعال..مو بس بالحجي خادم

الطير كلما طار يرجع لأهله
ومجلسك لو غبت عنه ارجعله
العنده وجهين ابطريقك ما يعيش
گطن حجيه وگلبه مثل الكحله

الخادم ما يذم ربعه...التواضع طينته وطبعه
والما يركض اعللصيت..حسين ابحده يرفعه

مصطفى صادق اللامي ١٤٤٢ محرم


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


عظيمه عظيمه. وسفه بخرابه نومتج
....................
يالجنتي حظن حسين صاير بيتج
سارح خيالي او بالخرابه إلكيتج
ها يل العظيمه وينهه ترجيتج
عذريني يا مولاتي خاف أذيتج

يتيمه. يتيمه. هالجلمه تبدي بغربتج
عظيمه عظيمه. وسفة بخرابه نومتج
....................
يا وردة او سنينج عطش مليانه
مو ماي شفتج بالحزن غركانه
جرحج مغيب احسين كل عنوانه
والشوفته عيونج تضل عطشانه

غنيمه غنيمه. ويلاه صرتي الحسرتج
عظيمه عظيمه. وسفة بخرابه نومتج
....................
سمحلي احجي احجايه يالعلويه
بس اللخرابه شوصلج مسبيه
حسرة. اونينج. تبقه تاكل بيه
اغله الهدايه او راحت الترجيه

هظيمه هظيمه. راحت هديت والدج
عظيمه عظيمه. وسفة بخرابه نومتج
....................
يا ثورة حسين ونصر عاشوره
من اذكرج روحي تضل مكسوره
او يديه تلطم عالصدر مجبوره
اتصور سبي ومتروح هاي الصوره

ظليمه. ظليمه. اتعذبت حيل ارويحتج
عظيمه عظيمه. وسفة بخرابه نومتج
....................
ياللي شبكتي الراس او بعبراتج
ما كلتي بويه وسولفن دمعاتج
مو شيعي والله الما يون الأهاتج
شنهي حياته الما ذكر حسراتج

جريمه جريمه. المايصب دمعه الدمعتج
عظيمه عظيمه. وسفة بخرابه نومتج
....................
رايد ادموع وبالحسين محلفج
ياللي تعذبتي بخرابه او طفج
لزميني يا مولاتي انتي ابجفج
خلصيني من ذنوبي اني كلفج

عظيمه عظيمه. مولاتي واني أبذمتج
عظيمه عظيمه. وسفة بخرابه نومتج
....................
تمت بعون اسد الله الغالب
الشاعرعلي الكعبي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

محرررم 1442 هـ

عمه شوفي .. هذه راس امفتحه عينه
عمه شوفي .. جسمه وين او وين ادينه
أبعد او يمشي اوياي . يابسه اشفافه اهواي . يمكن ايدور ماي
عمه شوفي

عمه حيل ايصد علية . ايريد چنه ايحب ادية
امگابلته الليل كله
چنه يعرفني يعمه . مدري ليش ابودي اضمه
چني اعودن حيل لهله

انه اميه لو عندي عمه رويتـــــه
واغسل دمائه واغسل لحيتـــــه
يباوعلي كلما أنوحن رأيتـــــــــه
ترى الراس يحبني يزينب دريته

من اصدله .. ينخمش ياعمه گلبـــي
من اصدله .. ايگلي أشعر يمي گربي
لو أجاني السلاب . ابدمعة يغرگ لتراب . چنه يالحره احباب
عمه شوفي
________
رت احظنه او ما حظنته . خوفي لو حظنه لچمته
او تالي يطلع من اهلنه
اهواي شايفته أنظره . بس يعمه ما أذكره
وين ما أذكر گعدنه

أحسه قريب او گعدنه سويـــــــة
عله اشفافه مكتوب اشوفن رقية
أشم عطره واشعر عطر منه بيــه
أريد اغفه يمه انه ابهالمسيــــــــة

أرد اغطيه .. بالعباة او دمه امسحه
أرد اغطيه .. خوفي لو واحد يجرحه
خوفي افز ما أللگيه . اتعلقت زينب بيه . خايفه اهواي اعليه
عمه شوفي
_______
عمه لمن يضربوني . يبچي اشوفنه ابعيوني
ينقهر چنه اعله وضعي
لمن اعطش يعطش اهو . او چنه ظامي عمه توه
وينهلي دمعة اويه دمعي

الشمر لمن ايريد يعمه يطگنــــي
أباعد عن الراس ولا خَل يصدني
فلا ريده ينظر عله امتوني ذنـي
ايتألم أحسه كأنه يحبنــــــــــــي

بالعباية .. گمت اغطي اعيونه همه
بالعباية .. لمن ايضربوني عمــــــــه
ما أريدنه ايشوف . امورمه عندي اچفوف . اعلية دمعة المذروف
عمه شوفي
________
ابگلبي تتزايد غلاته . راس بس عمه اشحلاته
امنيتي أللگه اهنانه جسمه
يشبه إحسين اهو چنه . من ابويه بي محنه
ودي كل لحظة آنه اظمه

انه الكربله ودي يا عمه نرجــــع
نلم جسمه هالراس احسه تگطع
اذا شفته جسمه أعرفنه أطلــــع
منو نته أريدن أگله ادري يسمع

منهو انته .. گلي يرقية اسمعينــــــي
منهو انته .. شمي عطري او تعرفيني
گمت اشمن بي زين . مره عمه او مرتين . بيه اشم عطر إحسين
عمه شوفي
_______
والدچ هذه رقية . صابته اسهام المنية . أي يعمه هده راسه
ما ردت يرقية اگلچ . نحره گطعوا ويه اهلچ . او ذبحوا اوياه احله ناسه

خفت هذه الحسين أگول او تموتين
دريت اعله راسه يعمه تطيحيــــــن
عله اشفافه اخافن رقية تغمضيــــن
اشكثر رت ابعده عليچ او تگربيـــن

هذه راسه .. او جسمه ظل بالغاضرية
هذه راسه .. يلله حظنيه يا رقيــــــــة
هذي آخر لحظات . ويه ابوچ ابحسرات . ما يردلچ هيهات
عمه شوفي
________
راح احظنه او راح اكلمه . وامسح إمن اشفافه دمه
وامسح ابشيباته ذني
واعله راسه كون اموتن . او بالگبر بلكت أشوفن . ايجيب الي ترچية اذني

انه ابگبري ردته يجيني أنظـــــــره
يعمه او يخليني أنام اعله صــــدره
يزينب أريدن أبوسه اعله ثغـــــــره
أبوسنه چيف او شفت شفته حمره

ابگبري بلكت .. يحظر امداوي جروحـــه
ابگبري بلكت .. تلتقي روحي اويه روحه
ابگبري يا عمه اتناه . او بالدموع اتلگاه . واحظنه وابچي اوياه
عمه شوفي

حيدر الحلفي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ليالي استشهاد الإمام زين العابدين عليه السلام
لسان حال مولاي زين العابدين عليه السلام

بخيامي هالنار. والبيها الازغار
تطلع تنسحك. ترجع تحترك
ظل بالي محتار
****
والله محتار وبقيت شلون حيره
حيره الماله اهل كلش چبيره
النار شبت (بالخيم طفله زغيره)
طلعت ولاگتها خيل وهيه اميره

لاكتها الاخيول. محتاره شتكول
گبالي وتختنك ترجع تحترك
ظل بالي محتار
****
كلها مذعوره اليتامه وكلش اتخاف
من الدخان البالخيم مااضنها تنشاف
حلت عليها السنين الكلش اعجاف
اتصور بحالة طفل ويلاگي سَياّف

يرجع للخيام. يلگيها آلام
مطبوگه طبگ ترجع تحترك
ظل بالي محتار
****
المن افزع ياطفل كلهم اذيه
لخوله لو لسكينه لو الزم رقيه
كلها مرعوبه وتجي تركض عليه
خايفه هوايه اليتامه اتلوذ بيه

ياثگل الهموم وبولية الگوم
بحبال انشبگ ترجع تحترك
ظل بالي محتار
****
والله محتار شأضمد بله ياناس
طفل مجروح وشفت اثار بالراس
حيرة اضماد الجروح إجّرح الاحساس
وبيش اضمدلي گلب فاگدله عباس

وابيش اداويه. مااكدر عليه
صعبه التفترگ ترجع تحترك
ظل بالي محتار
****
حالتي صعبه ورزيه الحاله صعبه
اشينفع اوياه الدمع للشاب گلبه
الراحوا اهله ياخلك ميشوف دربه
عليه تتجاسر شماته وبس تسبه

وبحضني الاطفال ومشيبه الحال
شابگهم شبگ. ترجع تحترك
ظل بالي محتار
****
تمت ولله الحمد/ المقصر مع الحسين
علي النائلي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

چـــــــــــــم مصاب شاف شچم رزيه
علي السجاد بـــــــــأرض بالغاضريه
وأصعب رحلة الشام صابت گلبه بسهام
علي السجاد بـــــــــأرض بالغاضريه
**
آه چم لـــــــــــــــوعه ومصيبه العاشها بالطف يشيعه
دموعه مــــــــــــا نشفت عليها يصبح ويمسي بفجيعه
هـــــــذا حاله لحد مماته يذكــــــــــــــر ليوث الطليعه
منحط إله مـــاي وأكل الاّ ودمـــع عينه يهمل
ويتذكـر مصاب الأهل العافهم فوگ الوسيعه
ثلث تيـــــام عالغبــــــــــره جثثهم
وعــــــــــــاد ابمعجزه إلهم دفنهم
ساعة دفن الأكرام صابت گلبه بسهام
علي السجاد بـــــــــــأرض بالغاضريه
***
مصايب الشافتها عينه مـــــــــــــا أظن يجرعها واحد
حملها وأتجرّع غصصها الزاهــــــــــد الصابر العابد
وضل عليها بطول دهـــــــره حزنه وسط الگلب خالد
كل ساعه صورتهن تمر وذكراها بأحشاءه جمر
مهمـــوم ضل إلها العمر آه يمصيبة الــــــــوالد
حي ما مات مــــــن گطعوله نحره
وشاف الخيل صعدت فوگ صدره
جور وقسوه وإجرام صابت گلبه بسهام
علي السجاد بأرض الغاضريه
***
شاف اهله وكــــــــل عمامه أمجزره فوگ الوطيه
امسلّبه أمخضّبــــــــــــه بدمها وروسهم بيد ال أميه
والحراير بالبـــــــــــــــــــراري هايمه بذيچ المسيه
مــن احتركت بنار الخيم بيد اللي ما عدهم شيم
حيله اللي مهـدوم انهدم وزادت اعليــــه الأذيه
شــاف أطفال هجّـــــــــــت بالبراري
مسلوبين حتى الجـــــــــــــدم عاري
ونار اتچــوّي الأقدام صابت گلبه بسهام
علي السجاد بـــــــــأرض الغاضريه
*****
بعد كل هـــــــــــــذا اللي شافـه للسبي سـار ويه عمته
عالهزل مجتوفه أيــــــــــــــــــده وشــدّوْ حبال بركبته
ولجل عمّاته وخدرهن نــــــــــــــــار مستعره بمهجته
عينــــه عليهن بالدرب خايف من اعيون الغرب
تنظرهـن ودمعه يصب وتــــجرح بگلبه حسرته
لوعـــــــــــــــــات شكثر گلبه الحملها
حتى يحفظ عيالـــــــــــــــــــه وشملها
جفنه ما غفه ونام صابت گلبه بسهام
علي السجاد بـــــــــــــأرض الغاضريه
**
رحلة الشــــــــــــــــام ودربهــــا زادت أبهمّه وعذابه
جروحه مـــــــــا تندمل منها وشابــــت الروح بشبابه
دفن چم طفله بمسيره ودفـــــــــــــــــن اخته بالخرابه
الشافت أبوها مـن غفت اوّنت على حاله وبچت
وجابولها راسـه بطشت ماتت وتصــــرخ يبابه
مــــــــــــا هـــدأت ولا بطّل بچيها
الاّ بموتها وحزنـــــــــــــــه عليها
هـــــدّه حال الايتام صابت گلبه بسهام
علي السجاد بـــــــــــأرض الغاضريه





يــــــــــــا إلاهي بأبو الباقر نندبــــــــــك ليلــة مصابه
بجاها يـــــــــارب لا تردنه كـل فــــــــرد رايـد جوابه
طلب واحــــــــد احنه ردنه تنهي للمهــــــــدي غيابه
يـا ربي عجّـــــــــل بالفرج للمنتظر شبـــــــل الحجج
وســـــــر النواظر والمهج بشوفـــــة الموعود أملنه
وخدم خلينــــــــــه اعله بابه




الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم_العشرة_الثانيه

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

آه من درب السبي ،، خويه يعباس

؛؛؛؛؛؛؛؛؛؛؛؛؛؛؛؛؛؛؛؛

خويه ليش إستعجلت ، ودعتني و ما گلت ، إختي وحيدة
گوم خل عينك تِرف ، الشام يا خويه إتعرف ، كلش بعيدة

وين ما أباوع زِلم ، إبيقظه آنه لو حِلم

لوعتني النايبات ،، گمت أتمنى الممات

خويه يعباس

؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ما ردت منك عذر ، خويه آنه أعتذر ، بس رد عليه
هالوضع ما ينقبل ، إشلون ترضى بالحبل ، مربوطه إديه

شلون ترضاها الشمر ، يشتم و يأمر أمر

بدنيتي صار المَحَال ،، حكمت أشباه الرجال

خويه يعباس

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أعظم آيات الجرح ، راسك الفوگ الرمح ، و السهم بالعين
جسمك يزيد القهر ، أدري ضل يم النهر ، و بلايه چفين

دامك إنت مبتعد ، خلني للهم أستعد

والله حسرة بقلبي هاي ،، سكنة ما جبتلها ماي

خويه يعباس

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

إلك زادت ونّتي ، من أموت بغربتي ، هاك الوصية
كون أبد ما تنتظر ، إبوحشتي بوسط الگبر ، سير عليه

نعي يقرا المَلكين ، عنك إنت و الحُسَين

لا تطول بالمغيب ،، بگبري لتخليني أشيب

خويه يعباس

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ما خذت منك وعد ، أدري ما ترجع بعد ، و بطلت أتناك
موتك إعليه عِسر ، و هالعفتني باليسر ، روح الله وياك

الجزع يا خويه إعتنه ، قاب قوسين و دنه

الدنيا ظلمه بلا ضواك ،، و گرّبِت من الهلاك

خويه يعباس

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ألف حيرة تحيرت ، خويه مسبيه صرت ، آنه الأميرة
شتم يا خويه إسمعت ، بالسياط تروعت ، ها يبو الغيرة

ظهري يا خويه إنحنه ، اليوم بحسابي سنه

بنص غرب و بلا خيام ،، عيني ما تعرف تنام

خويه يعباس

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

#درب_السبب
#علي_حسن_الكناني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA