#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيدة للخدمه طور الحاج باسم الكربلائي [حده حادي الضعينه]

وحك سبي العقيله وشوغة ايتامك
ولا نخشه العواذل. نبقه خدامك
يبو اسكينه. يوالينه. ولانهتم
_____________________________
خدام. كل عام. واحدنه بخدمتك جنه عابس
يحسين. لسنين. فدوه تنكظي بهاي المجالس
صبيان. شبان. عله الخدمه صفت كلها اتنافس
ننخاك. نرجاك. تخلينه ابخدمتك عدنه واهس

دعانه ابكل عزيه ابرفعة ايدينه
تخله امك يغالي راضيه اعلينه
هوه المجلس. انه اتنفس. لمن اشتم
_____________________________
هالصوت. للموت. يا ابن النبي احنه نودك
نبغضه. نرفضه. حد اخر نفس كلمن يضدك
ابختك. بختك. بخيك وب ابوك وبعد جدك
تقبل. تسجل. اسامينه بكتاب الخدمه عندك

عليك الله ومحمد منبع الحكمه
تسجلها الاسامي بدفتر الخدمه
يضي عيني. وسط عيني. انفجر زمزم
_____________________________
يانور. بعاشور. نعوف ابيوتنه ونسكن عزائك
عالشط. نسمع. انكسر ضهري يبو فاظل ندائك
نقره. بعبره. ايا ويلي العده سلبوو ردائك
احزان. اشجان. سبايه اعله الهزل راحن نسائك.

سلام الله عليك. ابدمعه مذروفه
سلام الله اعله اخوك الكطعو جفوفه
على جبدك. على خدك. الغطاه الدم
___________________________
لزينب. ننحب. بقت زينب غريبه ابين الاجناب
ونتم. كلكم. ضحايه يا وسافه فوك التراب
بالنار. اشرار. عليها هجموا وحركوها الاطناب
كلفه. وسفه. شمر يضربها تالي بنت الاطياب

اهل دمعي اعله زينب بالعزه واجب
اميرتكم بعدكم. راحت اتحارب
تذل الشر. يبو الاكبر. بكلام اوسم.
____________________________
زوار. ثوار. لحد اخر نفس يبن الزجيه
منخاف. سياف. ولا نترك خدمتك للمنيه
نصرخ. نرضخ. حلم والله الجيوش الناصبيه
انردد. الموعد. عشرين ابصفر بالغاظريه

نجيك وهالنواصب مايمنعونه
نزيد اكثر وحقك من يفجرونه
نجي اندبك. تره انحبك. للي امحتم
____________________________
خادم الحسين ع
الشاعر الحسيني/علي الاصبحي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيده لهلال شهر الاحزان. محرم الحرام. 😭


هل الهلال. والدمع سال
نرسمت بعيني صور. فراك ودموع وقهر
هل الهلال.
هل الهلال.
_____________________
هل هلالك يا شهر هاي المسيه
أوذكراني. بالجره. بالغاظريه
وذكراني بشمر من سب الزجيه
من ضربني وطاحت اعليه رقيه.

هذا المصاب. جرحه ماطاب
ياشهر وفجع شهر. فراك ودموع وقهر
هل الهلال
هل الهلال
________________________
الكربله بهذا الشهر مهيوبه طبيت
هاشميه وفاطميه وعاليه الصيت
النينوه جيت وعسني كون لاجيت
يحدي بضعوني الشمر للكوفه رديت

فكد الاحباب. خلف اصواب
عسن ميته يادهر. فراك ودموع وقهر
هل الهلال
هل الهلال.
______________________
ابالي موجوده صور. كلش رهيبه
علي الاكبر عالارض. جثه خضيبه
وجاسم بصفه انذبح ايل المصيبه
كلبي ما لحظه بعد. يكطع نحيبه

سكنو ال احود. بعمر الورود
حكه لو كلبي انكسر. فراك ودموع وقهر
هل الهلال
هل الهلال
___________________
بعد موقف عالنهر. يم الشريعه
موقف العباس وجفوفه الكطيعه
شيبت يا ناس من هاي الفجيعه
واجت تلطم فاطمه امي الوديعه

تنادي وياي. ها يوفاي
ودمعي بالعين انفجر. فراك ودموع وقهر
هل الهلال
هل الهلال
________________________
بعد ماادري شسولف شرد أكوول
عله حسين الهشمت ضلوعه الخيول
كطع نحر امن الكفه واسمع يكول
بغضا بحيدر بعلي فحل الفحول


شفته بالعين. يذبح حسين
يضرب الراس بحجر. فراك ودموع وقهر
هل الهلال
هل الهلال.
_______________________
ياشهر شحجي وسولف يا رزيه
مذبحه احباب العمر فوك الوطيه
وانه من بعد الخدر. اطلع سبيه
اركب الناكه عجب مجتوفه اديه

امشي للشام. مهبطه الهام
وانه بت فارس مضر. فراك ودموع وقهر
هل الهلال
هل الهلال
________________________
خادم الحسين ع
الشاعر الحسيني/علي الاصبحي.


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

نزال للأنصار سلام الله عليهم.


أحنه عنوان الوفاء. أشهدي ياكربلاء
_______________________
مانعوف حسين وحده. لا وحق رب العلي
جنه حب حسين جنه وهالامر واضح جلي
انلاكي السيوف بموده وبينه صرخه تعتلي
صرخه تسمعها الاعادي. لا فتى الا علي

نردد بهذا النداء. اشهدي ياكربلاء
___________________________
وي ابو اليمه الشهاده عدنه احلا من الشهد
ندخل الحومه اوننادي. مدد ياحيدر مدد
من اجينه اليوم احنه. عن يقين او معتقد
اكتبنه بدمانه عهدنه. أوابد مانعوف العهد

نرخص اليوم الدماء. اشهدي ياكربلاء
___________________________
مثل عمار اويه حيدر. احنه وي ابن الطهر
طلكينه الدنيا كلها. او بعنه لحسين العمر
كربله الجيش الاعادي. راح نجعلها كبر
احنه قائدنه الحسين. وهمه قائدهم شمر

ورتفع صوت السماء. أشهدي ياكربلاء
__________________________
ابيا علي اتحزم حبيب أوكابله جون وهب
كالو ارض الغاظريه. اليوم نكلبها كلب
مثل يوم العيد عدنه. يا تره يوم الحرب
انت بس أشر ابجفك ماتضل روس ابركب

احنه ايات الاباء. أشهدي ياكربلاء
________________________
نافع اويحيه بعشكهم. شدوو اليوم الحزم
فدوه نوكع عالترايب. لجن ما توكع خيم
ركض للحومه انيس الاصبحي ويتلو القسم
اي وحك اضلاع فاطم. يبقه مرفوع العلم

عالعدو ننزل بلاء. أشهدي ياكربلاء
________________
خادم الحسين ع
الشاعر الحسيني/علي الاصبحي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيده على لحن الحاج باسم الكربلائي
(رسمو طريقك دهر)




عباس اخوي أنذبح. واني دليلي انجرح
لمن رحل كافلي. اعلن رحيله الفرح
___________________________
لمن سمعت الخبر. صحت وطحت عالترب
معقوله طاح الكفل. شو بعده نبض الكلب
ليش الحسين بألم. يمشي ودموعه تصب
ليش الضهر منكسر. ليش ابقهر. ينتحب

كلي بنياح وقهر. طاح الكمر عالنهر
وبراسه نابت عمد. دمه يزينب يسح
_____________________________
تسمح اروحن اله. يسمع تره احجايتي
عباس اخوي الشهم. لا ما. يرد. كلمتي
بسكنه احلفه انه. وبخدري. وبهيبتي
يرجع معاي الكمر. يحمي يرد خيمتي

لمن احشم الكمر. يرجع يذل القدر
جنه علي بهيبته. يزهي بوجوده الصبح
__________________________
لو تكصد انت اله. بلغه سلامي ابغزل
لكن قبل روحتك. جمع دموعي التهل
خذهن اله يالولي. رشهن عله ابو الفضل
كله العقيله بغرب. ترضه تضل يالكفل


اكصد لراعي العلم. ونقل مئاسي الحرم
كله الدمع عالوجن. غيمه يخويه وطفح
___________________________
لمن تصل للكمر. سولفله عن. حالتي
كله بغيابك تره. سوده صفت دنيتي
كوه يطب الهوه. خويه تره. الريتي
ترضه ايتكلف زجر. يا خويه. بحمايتي

خبر ابو المفخره. نار الخيم مسعره
وخبره بعد بالكلب. بالهم يغالي انفتح
__________________________
بلغه بممات الصبر. وبلغه بممات الضوه
وبلغه بممات الفرح. وبلغه بممات الهوه
بنار الخيم خبره. وجف اللي بيها انجوه
ما حسبت هالامر. ومنين اجت نينوه

دمع الحزن اهمله. ،ودعي على كربلله
بعدتني عن الكمر. والحاله ما تنشرح
_________________________
اختك يبو المفخره. للعفه مصدر تره
لكن قسه هالدهر. وصارت تره محيره
جانت اميره وقبل. تخجل تدوس الثره
تالي متالي وعجب. عالهزل. اميسره

بيت الدلال انهدم. والدنيا صارت عدم
زينب تروح بسبي. وراسك يصير برمح
___________________________
خادم الحسين ع
الشاعر الحسيني/علي الاصبحي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيده نزال لشبل الحسن القاسم عليه السلام


القاسم انه وجايكم مثل الضوه
راح افرغ. انفاسكم من الهوه
_______________________
أسمي الموت الحمر. شايل بجفي سقر
راح اجي مثل الخطر. مني ما الكم مفر
واسمع أمي اتكلي يوليدي كوه
_____________________
راح اجي كالزلزله. أنزل اعليكم بله
اذبح ابلا بسمله. تبقه تروي كربله
وانه اذبح راح ارتل القل هوه
_______________________
عيدي ايام الحرب. ماعرف طعم الصعب
يستر الله من اطب. ما يظل الكم درب
اكتابكم بأمري تره اليوم انطوه
________________________
بالحرب عندي إرث. من ابي ومنطيه بحث
راح اسوي اعظم حدث. اليوم اخليكم جثث
ماتظل روس بركب. سيفي نوه
________________________
بوجه لجهنم تره. والله كلمن أسطره
مثل جدي حيدره. وعمي سبع الكنطره
يظل عالي او.مايزل. بيدي اللوه
_______________________
ياهو يوصل للخيم. اله اكسرله الجدم
قسم بالباري قسم. ما اعدكم. عالزلم
بخزره اطيح صرت كل عشره سوه
______________________
خادم الحسين ع
الشاعر الحسيني/علي الأصبحي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيده للخدمه. ليلة 2 محرم.


ياحواسي___شهر المحرم اجانه
ياحواسي____لازم نعاشر عزانه
هل شهر عاشور.
هل شهر عاشور.
__________________________
واجبج ياعين أنتي. تهملين الدمعه
عله حسين لي تهشم. بالحوافر ضلعه
سلبو اثيابه الاعادي. او جثته متوزعه
ابجي ببجاج ومحمد. تفرحين البضعه

ها يعيني___إبجي لحسين ومصابه
ها يعيني__ عاري ضل اعله الترابه
أبجي سبع ابحور
هل شهر عاشور
___________________________
ونته ياسمعي اريدك. تنتبه للنبره
تسمع السيف وصليله. من يحز بنحره
واسمع ادباج الحوافر. من ترض بصدره
وأسمع اطفاله التنادي. بالدموع الحمره

ها يسمعي__ مقتل المحبوب اسمع
ها يسمعي___ عالمصيبه كون تخشع
لا. تعوف. النور
هل شهر عاشور
__________________________
ونته يا جفي اريدك. تلطم ومتبالي
راسه محبوب الزجيه. بالعواسل عالي
بلطمتك صدري اكسره. للحبيب الغالي
والدمع لا لا تمسحه. خله دمعي ايلالي

ها يجفي___ الطم بحركه وقداسه
ها يجفي__ عالذي كطعوله. راسه
للطم. منذور
هل شهر عاشور
_________________________
ونته يلساني اريدك. تقره عالمحبوبه
وهي تتباوع لخوها. وجبهته مصيوبه
تكوم وتطيح الحبيبه. بت علي المهيوبه
ويلي والنار بخيمها. ياوسف. منشوبه

يالساني___ اقره عالضلت غريبه
يالساني__ كل وكت اروي المصيبه
اروي ذاك الجور
هل شهر عاشور
________________________
ونته يا جدمي اريدك. تمشي صوب المأتم
امشي للمجلس يجدمي. بالحجي لاتهتم
هاي خطواتك أجرها. بيها الله الاعلم
تحظر الزهره المجالس. والرسول الاكرم

ها يجدمي___ماكو احلا من المجالس
ها يجدمي___ لا تظل بالبيت جالس
لا تظل. بالدور
هل شهر عاشور
__________________________
ونته ياكلبي اريدك. بالخيال تساقر
للعليله البقت تبجي. تشرحلها الصاير
انذبح كلها حبيبج. صدره رضه الحافر
وعمي العباس مرمي. وسهم طفه الناظر

ها يكلبي__ وام كمر هاشم دكلها
هايكلبي__ ما يعود حسين. الها
كلها ضل منحور
هل شهر عاشور.
____________________________
خادم الحسين ع
الشاعر الحسيني/علي الاصبحي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

قصيده عن عدم تبديل راية الامام الحسين واخيه ابا الفضل العباس ع


انــتــه كــل الــغــايــه گــوم بــدل الــرايـــــه

""""""
تهاب وادمنه تره وتعرفها زين
وانته يامهدينه سيد العارفين
لون ماتعلن حزن جدك حسين
ثق يمهدي تصير بينه حجايه

""""""""

خاف يختاض الگمر من هالأمر
وتعرف العباس مايحمل صبر
شلون تاليها يمولاي العذر
ننتخيك ابهالأمر شچايه

""""""""

الك نشكي الي حصل والماحصل
طفح بينه الغيض للهمه وصل
الرايه ماتتبدل‏ نريدالها حل
كثر حزن حسين صار هوايه

"""""""

كلشي بيدك سيدي يبن الحسن
انته من الله تضل المؤتمن
صعبه هالرايات مايتبدلن
وصعبه من مانعتني مشايه

""""""""

تنشر الرايه نريدك بالسماء
واليصدها يعرف رايت كربلاء
اليوم كل الشيعه تنصبلك عزاء
وشيعتك تدريها الك وفايه

""""""""

تختلف هاي السنه عن كُل سنه
الما أجه المجلسكم اليله اعتنه
يم ضريح حسين كل هام نحنه
الراس نلطم لو سمعنه قرايه

"""""""

الرايه سوده نريدها الحد الضهور
بثار جدك لون تاخذ خلي نور
عجل بموعد ضهورك خل نثور
يبن فاطم نندبك ياأيه

"""""""
اسألكم الدعاء
خادم ابي الاحرار
ضياء الكناني


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

عليله اوالدي راح...بقه گلبي ممرتاح
كسر گلبي بغيابه...وانادي رد يبابه
عليله اوالدي راح
@@@@
ابويه الهاجر او غاب...ولاگلي تعالي
يريت بلحظه ويعود...يشاهد ماجرالي
عليله وجسمي نحلان..حال الضيم حالي
من يوم المشه او راح..محد مابقالي

يريته يفتح الباب..واشوف وياه الاحباب
واگولن الله جابه..وانادي رد يبابه
@@@@@

اخذ وياه الاحباب..ولا واحد تركلي
اخذ سكنه وعلي وياه..ولا عبد الله ظلي
تركني وسافر ابعيد..ولا يدري الحصلي
متت من كثر الغياب..تغير حتى شكلي

ابغيابه شايفه الموت...انادي ويرجع الصوت
وانام اعله الترابه...وانادي رد يبابه

@@@@@
اطبن غرفته وحيل...عليه مدمع اسيله
تركني وچنه ميعود...رجعته مستحيله
اشم بثيابه بالليل..واناطر ليله ليله
اسولف وي الثياب..انه الطفله العليله

عليله وگلبي محروگ...اشد الجيته اعلوگ
غفيت ابصف ثيابه..وانادي رد يبابه
@@@@@
ابويه امأيسه ميعود...عرفته من نظرته
لزم راسي ومشه وراح..من اللزمه عرفته
شبگني شبگه الموت...واحس طاحت دمعته
دليله ايونلي حسيت..عليه ايون سمعته

تركني وچلبت بيه...بست ايده وي رجليه
بدون اي استجابه...وانادي رد يبابه
@@@@@
ابصلاة الليل كل يوم..وحيده بس دعوتي
اذا مارد الحسين...وخواتي وي اخوتي
اريدن الله بالحال ...يگرب ليه موتي
تعبت من المعانات..يسامع هذا صوتي

اريد ابجاه الحسين...يگرب موتتي الحين
ولا اعيش المصابه..وانادي رد يبابه
@@@@@

الخادم عمار الساعدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

اوصيكم يدرعي ويابنيني
من كل نايب تحرسون عيني
اسمعو اوصيتي زين::: انه عيني الحسين
"""""""""""""
أنه ام البنين وهالأسم معروف
ومن عدكم احسن صارت الشهره
اوصيكم اريدن من گبل لاموت
بسيدكم واخوكم رابع العتره
اعز من روحي احسه وهوه ماي العين
الحسين ابن البتول الطاهره الزهره
أريدنكم درع كلكم اله تصيرون
وتحرسون انتو وجها من العده وضهره
خاف يصيبه البين::: انه عيني الاحسين
""""""""""""""
وكف عباس گلها اتدللي وعونچ
ييمه انتي اعله عينچ لاتوصينه
نعرف حسين روحچ اي وحگ حسين
واعز من عدنه انه اعرف تعزينه
خدم كل احنه عنده ونفتخر خدام
ولون خدام اله حسينچ يخلينه
صاحت ياابوفاضل أمنت هاليوم
لئن عندك أمانه يضل ابو سكينه
أنيني استقر هالحين::: انه عيني الاحسين
كتاب الله التنزل يعني ديني
"""""""""""
وبعد عندي وصيه وبالضمير اتدور
مثل روح الحسين وبالعقل تُحسب
اوصيكم بختكم زينت النسوان
العقيله ام الخدر بنت الوصي زينب
ذمه يضل شرفها وهالشرف مصيون
أمانه موصه بيها وهايه من الرب
أمانه برگبتك خليها ياعباس
لون من دم وريدك يبني تتخضب
بزينب لاتوصين::: انه عيني الحسين
هيه غيرتي وقطره بجبيني
""""""""""""
شتوصينه بشرفنه يمه لتوصين
اعز من النفس لا واكثر انشوفه
الشرف قطره بجبين العنده غيره تكون
يضل يخامي عنها الگطعت اچفوفه
وستر زينب ستر رب العلي نحس بيه
الستر من بين اسمها انصاغت احروفه
الشرف معناته زينب احنه من نقراه
فقط عند الغيور الكلمه موصوفه
تعني الشرف والدين::: انه عيني الحسين
وكل واحد يگلها شتوصينه
"""""""""""
ثلث تنعام منكم ياولد كرار
اهل غيره اوفه وماحاجه اوصيكم
صناديد الحرب لمن تشب النار
مايرجف گلبكم وانه أدريكم
السبط دين الله يعني ويشهد التكوين
وعليّ يشهد ييمه بهذا باريكم
اذا ضحيتو لجله وقدميتو انحور
يم ام الحسن انه افتخر بيكم
نوگف احنه الاثنين::: انه عيني الحسين
واگلها بخدمتچ انه وبنيني
""""""""""""
اسألكم الدعاء
خادم ابي الاحرار
الشاعر ضياء الكناني



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يابو فاضل..ظهري حدب
بس اجيتك..گلبي شيب
خويه نايم ماضگت طعم الفرات
وعين مشلوعه وايدين مگطعات
يابو فاضل
@@@
من صحت ادركني خويه..مسرع الصوتك اجيت
حيلي هديته ابوگعتك..يابو فاضل حدبيت
من شفت مشلوعه عينك..انه من يمي انعميت
شرد اسويلك واشوفك..وصله وصله اتگطعيت

ياعضيدي..امنين الزمك
ردت احضنك..خفت الچمك
اظلوعك من الدوس اشوف امكسرات
وعين مشلوعه وايدين امگطعات
يابو فاضل
@@@
دمك ابكل صوب اشوفه..يابو فاضل ظل يسح
والعمود الصاب راسك..فاتح الهامه فتح
ياجرح بچفوفي اشده..هو كل جسمك جرح
چم سهم غافي اعله صدرك.فوگه چم طعنه رمح

روحي رادت..مني تطلع
حتى گلبي..ينحب اسمع
يعني ائيس رايح تودع الحياة
وعين مشلوعه وايدين مگطعات
يابو فاضل
@@@
والله ياكسره كسرتي..يابو فاضل يالحنين
خويه مو چفك تگطع..گطعوا چفوف الحسين
بس اعذرك ياعضيدي..لايسار ولايمين
شلون ترجع للمخيم ..وانت حتى ابلايه عين

عيني اخذهه..ها يغالي
شلي بيهه..واشبقالي
شلي بعيوني اذا غاليهه مات
وعين مشلوعه وايدين مگطعات
يابو فاضل
@@@
خويه اخذ من عمري فدوه..وللخيم ارجع معاي
شرد اگل الزينب اختك..من تشوف الوحدي جاي
شلون لو شافتني محني..وانت مالازم گفاي
خايفه تموت امن اگلها..كافلج ميت وراي

خويه حيره..يبن ابويه
لو تگلي..وين اخويه
ياالالك وي زينب اشگد ذكريات
وعين مشلوعه وايدين مگطعات
يابو فاضل
@@@@
خويه من شافتني اختنه..رادت تموت وعلي
شافت ادموع اعله خدي..كلشي ماباقي الي
هيه صاحت بالمخيم..هسه ماتوا كل هلي
وانه اصبرهه اعله فگدك..والمصابه اتحملي

من گلتلي..حل مماتي
اعتذرلي ..من خواتي
مستحي من سكنه اني والبنات
عين مشلوعه وايدين مگطعات
يابو فاضل
@@@
الخادم عمار الساعدي نسال الله القبول


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

الى سيدتي ومولاتي ام البنين(ع)
@@@@@@


يمن عندچ شارات
ياام قاضي الحاجات
بجاه العلويات..نظرتج
@@@@
رفع ربچ خصالج..وجنان الله حلالج
لان روحج نقيه الرب..ابو فاضل هدالچ
يباب الله او وجيهه...ابصعوباتي ارتجيهه
انه ابزينب احلفنچ...واحلفج بام ابيهه
نخيتچ يم عباس...انظري الهاي الناس
ياام اربع ايات...نظرتج
@@@@@
يمن طبعج سخيه..الچ مديت اديه
اريد ابكل عزه احظر..وانوح ابن الزچيه
لان سرچ الهي...نخيتچ وانتي جاهي
يمن بسمچ امام الكل...اظل اندب واباهي
انه البيچ اتباهيت...نصيرة اهل البيت
نخيتچ بالشدات...نظرتچ
@@@@@
مضيفج انتي عامر..بلا گبه ومناير
وابو فاضل وگف يمچ...يصيح اهلا يزاير
ولا تفرغ سفرتچ...تكرمين ابحضرتچ
اذا بابچ ادك اني...تجيني لو ذكرتچ
اذا حاجاتي اثگال...گظت صاحت بالحال
اعرفچ بالكلفات..نظرتچ
@@@@@
من الله اشگد قريبه..الوفه العندچ عجيبه
اذا بسمچ دعيت اني...الدعاء الله يجيبه
الچ اقره الزياره...يملجأ للحياره
قريت الفاتحه الاجلچ ...تساهيل البشاره
اليناديلچ ماخاب...يطيبه وبنت اطياب
الچ ادعي ابدمعات...نظرتچ
@@@@@
الچ مجلس نصبته...على حسين وعترته
حلم عمري اظل خادم...توفقيني ابخدمته
دعيت الله ابصلاتي...اله تخلص حياتي
اريد الله يوفقني..لحد لحظه مماتي
الچ خادم ممنون...بيديچ اتسجل كون
يمن عندچ وگفات...نظرتچ
@@@@@
خدمتچ يالكريمة ...على النية السليمة
بدونچ انه مااسوه...ولاحس لية قيمة
الچ خالص عزائي...واقدملچ ولائي
انه مثلج اريد اصبح...حسيني كربلائي
اظل اخدم هالناس...وحگ چف العباس
اعوفچ لا هيهات...نظرتچ

@@@@@الخادم عمار الساعدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

عمه دم حسيته بذني
عمه ذاك الزلمه طگني
من الاذن جراني..هالنذال اذاني
عمه دم حسيته بذني
@@@@
عمه جر ترچيتي گوه وانتزعهه
عمه چن اذاني بيدينه شلعهه
صيحت صيحه اعله ابويه وماسمعهه
كتله بويه ابنيتك حاقد دفعهه

جر اذاني وهو سبني
عمه فوگ الغبره ذبني
وابحقد طگاني..من الاذن جراني
@@@@
عمه من اذاني تجري اشكد دمايه
ردت اشوفه حسين ابويه اذني هايه
انه اركض والدموم تنث ورايه
حمره صارت من دمومي هالعبايه

اركض ويبست لهاتي
اواحد ايجر ابعباتي
بالحبل شداني..من الاذن جراني
@@@@
عمه شو خلونه كلنه بهالخرابه
ليش وحدنه يعمه ابلا گرابه
ماكو عمي اليوم يمنه اووينه بابه
عمه فدوة جاوبيني شنهو صابه

فدوه عمه خبريني
صيحي ابويه خل يجيني
راح اموتن اني..من الاذن جراني
@@@@
راح انام اشويه عمه ها يعيني
خاف ابويه ليه يحظر گعديني
انه اريد اليوم اگله من يجيني
انه بنتك يابو الاكبر شوف اديني

من الخيم محروگه اديه
ترضه تتعذب رقيه
چم شخص سباني..من الاذن جراني
@@@
الخادم عمار الساعدي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

هذا ابن ام الابنين ،،،،،،،،،،يطبگ أثنين اثنين
گال ماريد الخال ،،،،،،،،،، معدل وچنه اعگال
گال وياك حسين
****
كسرت عصت خولك يالحبيب
والله وفيت الربة وذاك الحليب
بعد يانسوان مثل امك تجيب
گلت فدوه اجفوفي للخد التريب
ياتربات الأثگال ،،،،،،،،،،گال ماريد الخال
مثلك نجيب منين
****
گبل لا يتحشم ولن صوته صاح
موش ابن حيدر لترجعة الرماح
خوية زينب سولفي حتى استراح
اليوم اسوي الدنيا ليل من الصباح
لسانهم ينگص طال ،،،،،،،،،، گال ماريد الخال
الج ترخص كل عين
****
شمر جوده اعلى المتن والخضره بيد
گال هنياله الوگع عالحگ شهيد
شتسوه هي الدنيا وّكف وي يزيد
اليوم اعلمهم على طگ الحديد
وياك متكفي ابطال ،،،،،،،،،، گال ماريد الخال
الروس صارت نصين
****
يعرفلها الحرب يندل الغميج
يوم المرادم يخليها تضيج
بردت وطبالها وصارت حريج
موجديد عليهه جان الها رفيج
بسيفه تارسها وصال ،،،،،،،،،، گال ماريد الخال
منك اليشرد وين؟
****
كلهم يحسبولة احساب الالوف
عيونهم عباس مو واحد تشوف ؟
كون منهم اكعد لجرحه وروف
كون منهم الا اقبلها الجفوف
بصدرة جم حافر صال ،،،،،،،،،، گال ماريد الخال
صدگ وفيت الدين
،،،،،،،،،،،،،،،،،،،،،،،،،،،،،،،،،،،،،،،،،،،،،،
نزال الى قمر العشيرة

✍️فاضل الطليباوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

بجاه العــقيله وجــاه الحسـين وفقــنـي اهمــل دمعــة العـــين
يــا ربـي وأحضــر بـالمأتـــــم ويــقبلــني ابــو السجـاد خـادم
وفقــنـي اهمــل دمعــة العـــين
**
يـــــاالاه الكـــــون يـــــــا رب الخــــلــــق
ادري دمـــــــع العـــــين تــــــوفيـــق ورزق
ما اريـــــد بهــل الامــــر مـــره انســــبق
عنـــدي دمـــع العيــــن اعـــز مـــن النطــق

غالي الذبــيح وغايتـي النوح ابجي المصاب الطاح مذبوح
غايــه بحيــاتي وانــت عــالم يـقبلنـــي ابـو السجـــاد خــادم
وفقــنـي اهمــل دمعــة العـــين
***
دمــعت العــيـــن لمــصاب ابـــــن الطــهـــر
كــــون تــبقـه اويـــاي كــل هـــذه العـمــــر
حـــته مـــن يلــفيــني مــوتـــي واحـــتضــر
دمعــي اريـــــده اعـــالوجــن ينــــزل جــمر

حته بمــماتي ويمي عزريـل رايــد دموعي بحسرتي اتسيل
اتـمـــنه وبـكـــــل العــــوالم يقبلنـــي ابــو السجـــاد خـادم
وفقــنـي اهمــل دمعــة العـــين
*

امــنيــه واطلــب طــلـــب مـــــــن القــــلـب
ياالاهــي وهــل طلــب لا مـــــو صـــعـــب
تخلــي صــوره ابـــالي زينــب بــــالغــرب
حتــه مـــا انســه الــدمـــع لــــــو انـــغــلـب

مني الدمع لو يكطع ايريــد اذكــرحـزنها ودمعتــي اتزيـــد
ويتــرك علــى وجهي معالم ويقبلـــني ابـــو السجــاد خادم
وفقــنـي اهمــل دمعــة العـــين
******
لـــوبــعـد صـوره لــوكــت قــطــع النـحـــــر
مـعـــركــة طــف كربــله كـــلهـــــا صــــور
لـــــوجــفــوف امقــطــعه فـــوك الـــنــهـــر
لـــو اخـــو طـــاح وظهـــر خـــيه انــكســـر

لو صوره وحده لحرك الخيام لو صوره شوك وتحت الاجدام
كل هالصــور منظرها صادم يقــبلنـي ابــو السجــاد خـــادم
وفقــنـي اهمــل دمعــة العـــين
*
تكفــي بــس صـــورة طفــل صـــابه السـهم
هـــذي لازم عيـــني تبــجــي عليـــهـــا دم
انــه اعــدد هســـه والحــــيل انـــهــــــدم
ســــاعــد الله الــشعــلو عـــــليــها الخـــيــم

يــا ربــي سترك كلي وشلون ظلــت لزيـنب بالطــف عــيون
ابجـي الحـزنها وهــذه لازم ويــقبلــني ابــو السجـاد خـادم
وفقــنـي اهمــل دمعــة العـــين



****
انـــه مــا شـــفــت الجــــره بطــف كـــربلـه
ولا شــفــــت ذبـــح الحســيـــن ومقــتلــــه
ولا شــــفـــت زيـــــنـــب تـــقــــود العايـــله
لكـــــن اهـــمــوم وحـــــزن كلبـــــي امــتله


عايش احس ابـوادي الطفوف وحزانــي كعبه ودمعتي اطوف
بحزاني ابقــه وكلبــــي عازم يـقبلنـــي ابـــو السجاد خـــادم
وفقنــي اهــمل دمعــت العــــين
**
لخادم الحســين حســن الحسيـــناوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

أخدمــك وانــه ممــنون واقــــدم مـاي العــيون
واكــول امقـصر ويــــــاك
*
اعــتـذر بـــأول كلامــي عــن القصـــور
خـــاف عيــني مابجــتلك وانت منحور
وخاف كلــبي للمصــيبه ماهـــو مكسور
وخــاف عــمري ما جعلـته كله عاشـور

الـــك دلالي مجروح يمن عالغبره مذبوح
واكـــول أمقصــر ويــــاك
*
عايــش وكــل همي اخــدم وحي الاحزان
وما يهمني اشما حصل وشما جره وكان
حته لو موتــي دنه وشفــت الاجـل حـان
ابـقه بالخدمــه افتـخر والخدمــه عـنوان

تعيــش ابهاذي دنياي مصــيبه كربلـه ويــاي
واكـــول أمقصــر ويــــاك
*****
اشـعـــــر بهــمكــم اريــدن والمــعانــات
حــته اعرف كلبي حي لي هسه ما مات
نقلــت اربــاب المقــــاتــــل بالروايـــات
عـن طفوفك شــي عجيب وكلها مأسات

افكـــر بالجـره عليــك وصيـح بصوتي ونعيك
واكــــول أمقصــر ويــــاك
****
انـتظر يوصــل مـحــرم شـهـر الهمــوم
حــته اخــدمك وليخــدمك شــأنه معلوم
صــدري مــن لطـم الـمأتم هـو محروم
مـأتمـك عــندي الحــياة ابدونــه معدوم

اعدن واحســـب ايام اتاني الخدمه كل عام
واكــــول أمقصــر ويــــاك
****
اقسـم ابنحــرك قسـم وادمــوع الايـــتام
من يجـي شــهر المصايب شهر الالام
تختـلف عــندي الحيــاة او ودي ما نـام
ودي كــل ليلـي ونهاري امحـزم احـزام

اعيــش بمأتمــك دوم اريــد وابجي كل يـــوم
واكول أمقـصر ويـــــــاك
***
كـل بــشر ظـله يتـبعــه ويبــــقه ويـــاه
وانـــه ظلـــي الخــدمه عندي يشهد الله
حلمي اخدم عمري كله وغـيره انســـاه
كل صعب لجلك يهـــون وكلبـــي يـهواه

اليخدمك يرفع الراس يـعيش بأجمل احساس
واكــول امقصــر ويـــــاك
*******
لخــادم الحسيــــن حســن الحسينــاوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

نستقبل احـــزانك يعاشور بيك السبط عالغبـره منحور
**
نستقبلك والدمعه صــارت عل الخــد
وســـط الكلـب نار المصايــب تـشـتد
رب الخلق يدري ابــوضعنه ويشــهد
صــار اشــكثــر نتــنطراو نتــوعــــد

والما ينطرك ماهو مــعذور بــيك السبط عالغبره منحور
*
حــزنك عجــيب ومخـتلف بطــباعــه
بــيه الكـلب تطـلع جمـيع اوجــاعـــه
حزنك فـرض يِكمل فــروض الطاعـة
والما يريــده ايحس نقص بــوضاعه

ولهل سبب ظل كلبي مجمــور بيك السبط عالغبره منحور
****
مـتلهفــين احــــنه ونـــريـــد ايامـــك
صـــار اشكـــثر عنهـــم بعيـد ايتامك
هــا ياشــهر مـــرت ســــنه جــدامك
وحــنه نريـــد ابكل وكـــت الامـــــك

يالتختلف عن باقي الاشهور بيك السبط عالغبره منحور

مــن نذكــر احسـين ومصابه ونوحه
نتـحول العالـــم ونـــين اجــــروحـــه
نشــعر يجــينه ويــمنه تحضر روحه
جـسمه انذبح بس روحه ما مذبوحه

وي طاري اسمك مدمعي ايثور بــيك السبط عالغبره منحور
***
مــر الزمـــن والدنـــيه تـعرف بيــنه
جــرح الســبط وحـــزانه ما ناســينه
كـل مــا يمر عــام الحزن يجــويـــنه
وظــلينـه بـحـــزان الكلـــب ظلــيـــنه

هذه الحزن صار النه دستور بيك السبط عالغبره منحور
*
عــاده الحـــزن صــار وكــبر ويــانه
اصبــح اخــوه النــه ونصـير اخوانه
لا احنــه نــنسه وهــو مــا ينــسانــه
جــرح السبـــط خــوة دهــر خــلانــه

وسط الكلب ظل جرحه محفـور بيك السبط عالغبره منحور
*

مــا تشــبع العيـــن الحـــزن مـــولاه
لو كـــل وقت تــبجي ويسيـل ادماهه
جسم السبـــط طــول الوكت خلاهه
جنهــه تـــشاهـــد منحـــره البــجاهه


تنظر ذبيح وجسمه مـن نور بيك السبط عالغبــره منحور
***
لخادم الحسيــــن حســـن الحســيناوي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

اخذني ويــآك  ــــــــــــــــــــــــــــــــــــــ صعبه انســآك
من المرض روحي نحيله           تدري بيه اني عليله

خذني ويأك ــــــــــــــــــــــــــــــــــــــ خذني وياك

   **
بويـه ادري غيابـك مطول علـيـه
واني وادري بعمتي ترجع سبيه
بويه خذني وياك لأرض الغاضريه
والله بويـه فراكم يصعـب عليـه

اخذني وي عمتي العقيله ــــــــــــــــــــــــ تدري بيه اني عليله
خـذنـي ويـأك ــــــــــــــــــــــــــــــــــــــ خـذنـي ويـاك
   **
شـلون باجـر بويه لو غرب ظعنكم
منـهو الي يطب بيتـي من بعـدكم
بويه لو طـال السـفر اشتـاك الـكم
والله حيـره ياهلـي لـو  افـتقـدكم 

ياهو يمي وا شتكيله ____تدري بيه اني عليله خـذنـي  ويـآك ــــــــــــــــــــــــــــــــــــــ   اخـذنـي ويـاك 
    ****
وحشه داري ومظلمه عكب الغوالي
لاخـو ضـل من هـلي وبـًيتي خـالـي 
الطير لـو شاهـد غربتي بجه الحالي
راح عـزي مـن  بعـدكــم وي دلالـي

روحتي ادري مستحيله ــــــــــــــــــــــــ تدري بيه اني عليله
اخـذنــي ويـأك ــــــــــــــــــــــــ اخـذني ويـاك
     *****
وينه بويـه علي الأكبر كتلي يومين ويجي
اتمنى داس بصدري انه ذاك خيل الأعوجي
بويه خبرني ابو فاظل هم يجي لو مايجي
والله مشتاكه الخواتي هواي عندي انه حجي

رايده عبدالله اشيله ــــــــــــــــــــــــ تدري بيه اني عليله
اخـذنـي ويــأك ــــــــــــــــــــــــــــــــــــــ اخــذنـي ويـاك
     *
من شفت ضعن العقيله اجه عليه من بعيـد
وعـلي السجـآد اخـويـه مـكيـدنه بالحـديـد
وينه عبدالله ياعمه انطيني اشيله اني اريد
راد ماي اشويه لانه يجري دمـه من الوريد

والدمع ابقه  أسيله ــــــــــــــــــــــــ تدري بيه اني عليله
اخذني ويأك ــــــــــــــــــــــــــــــــــــــ اخذني وياك
     *******
الخادم العليله  زيد الحصموتي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

محرم الحرام1442هـ
العقيله.ع.تخاطب ابى الفظل.ع.بعد استشهادهِ
****************
1
اكول ارتاح.......يمته ارتاح
وانته اعله النهر نايم
اكول تهون........بله شلون
بلصحره الخدر هايم
بدت مأست اختك زينب الليله
باجر من وكت علناكه النحيله
اودعك ياجسد يل محد يشيله
اذا شفته علي عن حالي احجيله
ياخويه الوداع
ياخويه الوداع
ياخويه الوداع....يبو فاظل
///////////
2
لا تحتار........هاي النار
هينه مو مثل دربي
شنهي تريد......وسفه الحيد
جاوب كطعت كلبي
شنهي اليوجعك ياخويه تبرالي
جروحك يابوفاظل لو عله احوالي
لو حركت خيامي وشوفت خيالي
لو جيف الغريب الكايد احبالي
ياخويه الوداع
ياخويه الوداع
ياخويه الوداع...يبو فاظل
*********
3
مو كتلك.......انه اختك
ما يطلع تره ونيني
لا تهتم..........لا تندم
مازعلانه ضي عيني
منهو الكالك ياخويه زعلانه
بس وداعتك مهضومه تعبانه
حيرانه بغيابك والله حيرانه
عيوني من البواجي عليك ذبلانه
ياخويه الوداع
ياخويه الوداع
ياخويه الوداع...يبو فاظل
*************
4
عيني تكول............مامعقول
اصعد ناكه تعبانه
وين انته.............من يمته
زينب خويه حيرانه
والاعظم اسمعه يكول تستاهل
عرجه الناكه من تحدي يبوفاظل
اعرف جفك الشد محملي الكافل
منهو للخدر بعدك صبح عايل
ياخويه الوداع
ياخويه الوداع
ياخويه الوداع...يبو فاظل
***************
5
كون تشوف.......خيل اتطوف
عثرة مره بضلوعه
صحت احا ........خويه هنا
باوع كوه من لوعه
ما زعلانه منك لو مسه ونيني
من التله للجثه يضي عيني
مو حكي اشيب باكو سنيني
ريحانة رسول الله تره حسيني
ياخويه الوداع
ياخويه الوداع
ياخويه الوداع...يبو فاظل
*******•********•
خادم الزهراء.ع. الشاعر علي الأديب



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

محرم الحرام/1441🏳
نزال شجاعي
سيد الشهداء.ع.
••••••••*••
دخيلك...يا ابى عبدلله
دخيلك...يا ابى عبدلله
////////////////////
1
حطت ارحال الهواشم
صاحت ارض الله هله
والضوه بشيخ العشيره
تارس عيون الفله
من دخلها اجدامه طبعت
سوه صيت لكربله
صار توقيعه المخيم
انه بن خير العله
انه بن خير البشر
بيده ابواب السقر
الما درك سره كفر
انه رب العيله
دخيلك...يا ابى عبدلله
دخيلك...يا ابى عبدلله
/////*//////
2
جودر اضعون الهواشم
دورت بين الزلم
وينه كافلها العقيله
وينه عباس الشهم
هويه دوت يم مخيم
ثاري من رف العلم
ركز وشاف ابو فاظل
يعكد احبال الخيم
من اجا دنك خجل
قبل ايدينه الكفل
انته عباس الفحل
انته حماي الحرم
دخيلك...يا ابى عبدلله
دخيلك...يا ابى عبدلله
/////////*////////
3
ياعطش هذه الي كضه
من عطاياه المنن
راسه برماح العوالي
وعينه تحرس بلظعن
كل فرس بلحومه يخضع
من تلاكي ينحنن
كلمن امضيع طريقه
يلكه جفينه وطن
طشر جيوش الحرب
طرها سواها درب
كلمن يعادي يطب
ياعطر ليل الوسن
دخيلك...يا ابى عبدلله
دخيلك...يا ابى عبدلله
/////////
4
عاشك الله بلمعارك
ما يهمه شكد عدد
فده ارواح الغوالي
حته عبدلله نفكد
وحده ضل جيش بحسابه
صال والسيف استعد
كل هتافه لوحده يهتف
ياعلي انته المدد
يا دخيل امحنته
حين سكنه نادته
لو كشف عن شيبته
كل ضوه بشوفه شرد
دخيلك...يا ابى عبدلله
دخيلك...يا ابى عبدلله
/////////////
5
انته رس بيك الشجاعه
شما تحل بين البشر
وحدك انته وكلها ماكو
شما يمر بيك الدهر
حيره وحتار اليشوفك
من عله الخيل انشمر
كالو العباس هذه
لو وجه حيدر ظهر
سرفن اردانه الهوه
والنهر منه ارتوه
خله اثر في نينوى
لهسه هيبه بلسفر
دخيلك...يا ابى عبدلله
دخيلك...يا ابى عبدلله
/////////
خادم الزهراء.ع. الشاعر علي الأديب



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

محرم الحرام1442هـ
شور كعدي...دمعه والم.
العقيله.ع.تنعى فقد سيد الشهداء.ع.
عذراً سيدي ياصاحب الزمان على بعض الكلمات القاسيه....
*******
يحسين........ ياضي عيني
يحسين .....روحي وديني
1
بلعاشر سوالف جرت......ما صارت بوادم كفر
صدري اختنك دخنه النفس...نار المخيم تستعر
طلعو يتامه من الخيم...حافي الركض فوك الجمر
الخيمه النصبها كافلي....واكف ويضحك الشمر
يقهرني كون هذه اليريده
يكطر دمه سيف الي بيده
يحسين........ ياضي عيني
يحسين .....روحي وديني
........********************
2
يغفه اعله مهره وينتبه....ماظل يشوف من العطش
طاح وركض واحد نذل....طكه اعله راسه ورتعش
ما ميزة جسمه الذي.....من كل كتر صدره نفرش
صار بحصيره ينجمع...... شيخ العشيره بلا نعش
ها ياعلي حسين التوده
لا من چفن لا راسه عنده
يحسين........ ياضي عيني
يحسين .....روحي وديني
....************************
3
لمن هوه وركضت زلم....كلتلهن ابقن بلخيم
معذور كلمن ما يحس....والما دره بذاك الالم
صديت عيني اعله النهر...ما رف عله الشاطي علم
ويلاه صحت ياكافلي....وبعينه متربع سهم
غدرو لان محد يكدره
ياكافلي واقبل اعذره
يحسين........ ياضي عيني
يحسين .....روحي وديني
..................***************
4
هنا ياهلي مصيبه الجرت....شيخ الهواشم ع الترب
ثغر الذي باسه النبي....من السحك صاير درب
زينب انه واخت الكمر.......معقول تالي انضرب
بنت البتول الطاهره....تاليها اركض بلحرب
وصطفت جيوش العساكر
مالحكت سابكني حافر
يحسين........ ياضي عيني
يحسين .....روحي وديني
................***************
5
طبينه للسوك الظهر......مختلفه الوان الناس
شي تبجي من شافو رمح....يكطر دمه تشوف الراس
تخزينه من كثر النظر...واليضحك بلايه احساس
مستحيه عيني عله الرمح...يعرك جبينه العباس
يابى الفظل الحك ضربني
ون اسمعه راس الكفلني
يحسين........ ياضي عيني
يحسين .....روحي وديني
...............********************
6
بطشت الذهب راس الاخو...يكطر دمه والحسرات
شفت انه طين بلحيته....ودم يابس اعله الشيبات
الحكني ياحيدر علي......وظلت تنوح البنيات
تالي خذونه بلا رحم.......بخرابه تالينه انبات
بيده شفت كض خيزرانه
بثغره انضرب تالي زمانه
يحسين.....ياضي عيني
يحسين.....روحي وديني
**************
خادم الزهراء.ع. الشاعر علي الأديب



▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA