#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

زينب اخر ليله وياكم باجر عالتربان الكاكم
ودعتوني // وحيرتوني
***********
صحت يحسين كلي اشلون اودعنك
وباجر عالترب مذبوح اشوفنك
امي بالنحر وصتني اشمنك
راح اتروح مني ونحرم منك

كمت افتر من خيمه الخيمه ودموعي اتصب مثل الغيمه
شو عفتوني وحيرتوني
****************
عليك الله صحت تانيني يالغالي
يخويه امسح دمعتي ورحم بحالي
نتفارك ابد ما جانت ابالي
كلها اتصيح عمه وتصرخ اكبالي

اعليكم خويه اتنوح العيله ووياكم بس هاي الليله
ضيعتوني وحيرتوني
****************
انه وعباس روحين بجسد جنه
ومدري اشلون راح الليله اودعنه
كعدنه وسولفينه وزادت الونه
تشبع شوف خل زينب صحت منه

باجر ينكطعن جفينه وسهم البين ايصوب عينه
ويفجعوني حيرتوني
*******************
كرب ليل المصيبه وانظر اخواني
واحد يركض ويشبك عله الثاني
تشب وسط الكلب هليله نيراني
باجر يحترك يا ناس صيواني

وشيصبر روحي بفركتكم مشتاكه اهواي الشوفتكم
يالعفتوني وحيرتوني
***************
شفت ام الطفل مخنوكه عبرتها
باجر ينذبح بالنبله سلوتها
راح اتصير وحشه وظلمه خيمتها
وتلولي اعله مهده وتجري دمعتها

باجر من يرحل عبد الله راح اتموت اشجم اسم الله
الله بعوني حيرتوني
******************
يا ليل اهدعش عالفركه ما اكدر
باجر يسبح بدمه علي الاكبر
باجر كلها تمشي وتنسبي الخدر
وبدم النحر جسام يتعفر

تيبس رايح بيده الحنه وسالم رمله ايرد تتمنه
تجري عيوني وحيرتوني
****************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ويلاه ويلاه صدرك منهشم
***********
يبن امي نايم عالترب ويلاه ويلاه صدرك منهشم
ودم يبو اليمه يصب ويلاه ويلاه صدرك منهشم
مو راسي شيبت الكلب ويلاه ويلاه صدرك منهشم

يحسين يحسين ما ظلت زلم ويلاه ويلاه صدرك منهشم
***********
يلسلبوها اعمامتك ويلاه ويلاه صدرك منهشم
زينب يخوها اتنختك ويلاه ويلاه صدرك منهشم
يحسين حركو خيمتك ويلاه ويلاه صدرك منهشم

بجفاك بجفاك كل ساع انشتم ويلاه ويلاه صدرك منهشم
***********
يم الجسد صحت اشكثر ويلاه ويلاه صدرك منهشم
لا لا تذبحه يا شمر ويلاه ويلاه صدرك منهشم
والخيل داست عالصدر ويلاه ويلاه صدرك منهشم

جا حكه يحسين كلبي ينسجم ويلاه ويلاه صدرك منهشم
******************

عالشاطي ضل راعي العلم ويلاه ويلاه صدرك منهشم
والنار شبت بالخيم ويلاه ويلاه صدرك منهشم
كوم اكعد العسكر هجم ويلاه ويلاه صدرك منهشم

ردتك يمظلوم لخيامك تهم ويلاه ويلاه صدرك منهشم
*************
يبن امي ما يشفه الجرح ويلاه ويلاه صدرك منهشم
جدامي شفتك منذبح ويلاه ويلاه صدرك منهشم
ومرفوع راسك عالرمح ويلاه ويلاه صدرك منهشم

شمسويه السيوف خويه بالجسم ويلاه ويلاه صدرك منهشم
**************
انهض يبن عقد الوله ويلاه ويلاه صدرك منهشم
زينب غريبه ابكربله ويلاه ويلاه صدرك منهشم
ياهو اليباري العايله ويلاه ويلاه صدرك منهشم

يا خويه ضليت عكبك بس اسم ويلاه ويلاه صدرك منهشم
****************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

نزل للحومه الاكبر اجاها الموت الاحمر
بجيته العسكر احتار كلهم دخلو انذار
**************
من نكلت جدم صياد يعرف لمن ايصيد
فوك امن النجف يا ناس يشمر كربله ايريد
صاح الموت عطوه انريد وانته ابني ايجاويد
طب ليها ومثل عباس يرعد بيهم ارعيد

كلبها وشرداها وكطع بالطف هواها
عيونه اتجادحت نار كلهم دخلو انذار
*********
صدر بالحرب قانون والكل نفذه بساع
كللهم حضر تجوال لو يحرك تره الكاع
حكها ترجف القادات وتفر منه السباع
كل العسكر الجرار كدامه انمحه وضاع

معسكرهم تخربط خبط بدماهم الشط
بيهم سوه ما صار كلهم دخلو انذار
************






ما يذبح ابد بالسيف ضل يذبح بالعيون
ايلزمون الركب بالايد كامو ما يلحكون
يتوسلون اجو لحسين ودخيلك يصيحون
صيح اعله ابنك الاكبر رايح يكلب الكون

سواعدنه كسرها الزلم كضها وشمرها
دمه اعله الحرب فار كلهم دخلو انذار
***************
مو سبعين الف خيال صارو يمكن اثنين
طك ايده الشمر ويصيح فرو امن ابن الحسين
تشبه قوته العباس ويعادله جيشين
بيهم هزت الغربيل هزاها الميادين

سحكها وذل زلمها وكتايبها اقتحمها
خله الحومه طشار كلهم دخلو انذار
*****************

صال وسيفه ملك الموت ضل يحصد بالارواح
بس اول سطر صد ليه شاف اخر سطر طاح
ناده ابن سعد هالشاب ما خلانه نرتاح
لحد يبقه بالميدان فرو بالعجل صاح

اذا يحمل عليكم يطلع ضيمه بيكم
شاب ويملك ايثار كلهم دخلو انذار
***************
شافو راس ابن غانم كصه وبيده جاباه
هوس والكمر عباس كام ايهوس وياه
امن ابعيد ابتسمله حسين والقاسم تلكاه
تشبه حيدر الكرار يبني عمي ناداه

يالمرجف الكتايب هله بصكر الحرايب
سيفك عالزم حار كلهم دخلو انذار
************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

امكطعينه اموذرينه امسلبينه حرام حرام
يشبه جده ومثل الهادي عيونه
بالخيل الاكبر ليش ايسحكونه
**********
ابني من كد ما توذر ما عرفته
كوه من الكاع الاكبر بيدي شلته
امه ضلت بالخيم تنطر رجعته
وسابح بدم النحر للخيمه جبته

عافاني بحزاني خلاني انوح انوح
عباس وجاسم ردت ايشيلونه
بالخيل الاكبر ليش ايسحكونه
****************
امن الفرس طحت ورميت بروحي يمه
نوبه اظمنه اعله صدري ونوبه اشمه
مدري بالخيل اشكثر مسحوك جسمه
امنين الزمه وهوه مابي حته لزمه

كلبته وعاينته ما ردته يموت يموت
هليله حسين الله ايكون بعونه
بالخيل الاكبر ليش ايسحكونه
****************





فاركاني وحالتي من بعده حاله
صحت عوفو ابني وذبحوني ابداله
راح عني اليشبه الهادي بجماله
حرت مدري اشلون الم بيدي وصاله

لا صدره لا ضهره لا نحره سليم سليم
عطشان ويابس كلبه ايعرفونه
بالخيل الاكبر ليش ايسحكونه
****************
كلب ليلى اعله الولد يسعر لهيبه
اتذرعت لله ودمعها اشتد نحيبه
تدعي يامن راد يوسف من مغيبه
سالم الاكبر اريدنك تجيبه

شميته وتانيته ياريته يعود يعود
ودعني اوليدي وخاف ايذبحونه
بالخيل الاكبر ليش ايسحكونه
***************
للخيم رديت وحدي وتهمل العين
وبالجدم كوه انكل وما جني الحسين
صحت نوحن يالفواطم بالصواوين
ابني مات ولا تنشدني علي وين

تعبني شيبني فكد ابني عذاب عذاب
بالاكبر رادو ضهري ايكسرونه
بالخيل الاكبر ليش ايسحكونه
********************
مات الاكبر وبشبابه ما تهنه
صحت الله ايعين اليروح ابنه منه
ما تفاركنه وعمرنه احباب جنه
ونتي اعله اوليدي ابد ما منها ونه

ما اكدر يالاكبر حكي اعثر وطيح وطيح
واليفكد مثلك بيش ايصبرونه
بالخيل الاكبر ليش ايسحكونه
*******************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يالاكبر يا روح الروح شيهود كلبي المجروح
تعبني السهر يمه صوبني الدهر يمه
************
يا اجمل بشر بالكون وسط عيوني راسمتك
وتسع اشهور يوليدي بين اضلوعي شايلتك
ربيت وتعبت اعليك وليام الكبر ردتك
يبعد امك يالمدلل مدري اشلون فاركتك

جنت اسهر كل ليله وياك ما اكدر احمل فركاك
اعليك اربي النضر يمه صوبني الدهر يمه
*******************
يوليدي طبع كل ام تتاني اوليدها المغرب
وما تكدر تطب للبيت اله اتشوف ابنها ايطب
تانيت اشكثر ترجع واعله اخدودي الدموع اتصب
بيدي اعصرلك عيوني جنت يوليدي من تطلب

انه امك وتشوف الحال وناتي اتكطع الدلال
مكسورة ضهر يمه صوبني الدهر يمه
******************








عطشتك يا حلم دنياي بمايك يمته ترويني
بعدني بعازتك يبني لا تمشي وتخليني
ترس راسي ييمه الشيب وعكبك ذبلت اسنيني
اموتن تدري يوليدي اذا ما شوفك بعيني

كلي عيوني اشلون اتنام ومنك حرمتني الايام
موتني القهر يمه صوبني الدهر يمه
********************
صحت يوليدي ساكت ليش انه امك يبعد امك
روح ابلا جسد ضليت عفتني وكلبي ضل يمك
يا تعبي وسهر ليلي اريد بنحرك اشتمك
وانام اوياك طول بطول وحضن يالولد جسمك

هاي انه امك يا رجواي فك عيونك واحجي وياي
يا بعد النضر يمه صوبني الدهر يمه
************
يوليدي العذاب ايطول ويكثر نوحي من ترحل
رافكني الحزن والضيم وبغيابك بديت اذبل
حملت اللوعه والحسرات بعد جا كلي شتحمل
اركض من يمر طاريك وعنك كل وكت اسأل

يبست بخدودي الدمعات وعثرت بشفافي الجلمات
مو مالت سفر يمه صوبني الدهر يمه
*******************
شفتك سابح بدمك يبني وجسمك اموذر
كوه انكل كمت جدمي واسكت عيوني ما اكدر
عله الدنيه العفه بعدك صحت يوليدي يالاكبر
بهجرك كطعيت احشاي ونارك بالكلب تسعر

يالنايم فوك التربان اشعنده الموت اويالشبان
بكلبي ضل اثر يمه صوبني الدهر يمه
*****************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يالرايد عني اتروح ارحم كلبي المجروح
يا عباس يا خويه
************
خويه عالناكه من ركبتني
الكربله بحماك انته الجبتني
خويه كل عمرك ما فاركتني
تكثر جروحي لو ودعتني

يالرايح صوب الماي لا تكطع خويه وياي
يا عباس يا خويه
*************
يالخذت بيدك جود السقايه
بالخيم ضلت عندك ضمايه
اتعنه للشاطي وجيبنه مايه
رايتك خويه ما منها رايه

كلها اتعاين عالجود وتنتظرك يمته تعود
يا عباس يا خويه
**********
يالعشت بيه ما اكدر انساك
جنت عالحلوه والمره وياك
خدري راح ايروح من تهجم اعداك
وينكسر ضهري خويه اعله فركاك

راح اتجتف بحبال واحتار بجمع اطفال
يا عباس يا خويه
*************
للنهر جيتك وانه الوديعه
ورتفع نوحي يم الشريعه
انضر جفوفك خويه كطيعه
وشبت بكلبي نار الفجيعه

ترضه اختك يا عباس تتشمت بيها الناس
يا عباس يا خويه
*****************
بكربله تدري ذبحو زلمنه
ومن رحت عكبك حركو خيمنه
غارت العسكر واحنه انهضمنه
ردنه بجفوفك تحمل علمنه

حركت خدي الدمعات وطحت اكبال الشمات
يا عباس يا خويه
*************
لا مهج ضلت لا ضلت عيون
اتردلي ياريتك وتشوف المتون
بالخيم عكبك كامو يحركون
ولا ترحموهم كامو يصيحون

هجمت خويه العدوان يالنايم عالتربان
يا عباس يا خويه
*****************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

لابس اثياب العرس واحله وجه امن الشمس
يا سلام الله عليه جنه ايه
********
يمشي وعيون النوارس صفنن بوجه وفهن
مدري عالعباس طالع مدري طالع عالحسن
اليوسف الشكن اديهن بكربله شيشككن
احله من يوسف جماله وبنضرته اتجنن

ملك وبهيئه بشر وكلمن ايشوفه انسحر
معتني من الخيم بيده رايه
***********
طلع وباب المخيم رمله تتبع خطاه
رمله طاست ماي رشت لو نهر رشت وراه
ما يشم الورد بيده الورد هوه ايشم هواه
وكربله صاحت يعالم هالبشر ماكو بحلاه

امن الخيم وجه شرق ورمله تقراله الفلق
وحرز شدتت فوك اديه للحمايه
*********
طلع من بيت النبوه ويخفك بجفه العلم
ورمله تسبيحة الزهره سبحتله بالخيم
عمره ما جارحله ورده شاب وبوعده التزم
ايغازل الموت بنظرته وللذبح نحره ابتسم

حنه اصبعه وحنه اديه والعرس لايك عليه
يا بشر ما تنكطع ورده هايه
**************
نذر للقاسم رقيه نذرت ام كلب الحنين
الخيمته صاحت حميده وكعدن بنصها الثنين
وحده نذرتله تراجي اوحده نذرتله ادين
وكلتلها خلي نقره الفاتحه لم البنين

صاحن ويجري الدمع خل نثوبله شمع
يا حرامات الفرات يغله مايه
***********
حسين من كد ما يحبه جاب حرز التاج اله
وكله يبن الما جفاهن كوم ضيف كربله
والكرم ياعم شجاعه وانته شيخ المرجله
تلكه واحد ماكو عنده بس يعزب بالهله

وانته من كثر الشيم عزبت حته السهم
لازم ايقصها الزمن هالحكايه
************

والله من شدت جماله غارت املاك السمه
فاحت بنص المعاره بخده ريحت فاطمه
عاف عرسه وراد بالطف يفدي عمه بالدمه
والمثل جاسم هظيمه ابكربله ايلوحه الضمه

راد لبن الطاهره يفدي عمره ومنحره
راد وي عمه يضل للنهايه
**************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

تعبني ارباك وشلون انساك يوليدي يوليدي
شو يبست الحنه وراح العرس جنه
***************
انه امك يجاسم لا تفاركني
فك حظنك ييمه وبيدك اشبكني
اذا عني مشيت الدنيه تخنكني
كل ما يجري دمعي اعليك يحركني

لو ردت اتروح ابقه ابلا روح يوليدي يوليدي
كمت اجذب الونه راح العرس جنه
**************
رحت عني ييمه وضيعت تعبي
وكمت ماشوف عكبك يالولد دربي
ضلت عيني يبني اعله الدرب تربي
ما يرتاح كلبي يالخذت كلبي

جا ليش امشيت ولمك ما جيت يوليدي يوليدي
يا جرح اروفنه راح العرس جنه
*****************
مدري اشلون يبني اتروح خليتك
ومثل زفت عرس للموت زفيتك
من دم النحر يوليدي حنيتك
ترد لمك يبعد امك تمنيتك

بصدري الالام وندب جسام يوليدي يوليدي
حرت المن اتعنه راح العرس جنه
******************
تسع اشهور بين اظلوعي شايلتك
وليام الكبر يوليدي ذاخرتك
فوك اجتافي يمه اهوايه نومتك
وداع الماله رجعه يبني ودعتك

نوم التربان مو للعرسان يوليدي يوليدي
شاب الكلب منه راح العرس جنه
************
يا سباح كلبي ويا ثمر دنياي
ليش اتروح يوليدي وتضيع ارباي
ما ادري بزماني يكصي هيج وياي
كل ام تدري محتاجه لبنها اهواي

يالرحت بعيد غيرك ماريد يوليدي يوليدي
راح اكطع الضنه راح العرس جنه
*********
شعلت شموع عرسك بالخيم تدري
وحال الموت بينك يا بعد عمري
زفيتك يجاسم والدمع يجري
غزاني الشيب وفراكك كسر ضهري

يصبي العين فركنه البين يوليدي يوليدي
ياليل اسهرنه راح العرس جنه
***************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يلوح الغيم بالرايه يموت الموت لو جايه الفرات ايخاف ضل مايه
**************
فر الجيش والعباس من صوب الخيم جاي
ويم الماي كام ايصيح فنه اليوصل الماي
حكها الكاع مني اتخاف وتميل ويه ممشاي
شو جريت راك الماي والشط كله اجه وياي

تفر الخيل من يغضب يخلي السيف دم يشرب نفل ياحيد يمجرب
*************
طب زعلان للميدان والطف دخله انذار
كام ايصول والعباس من يزعل يستار
ذب الخيل فوك الخيل نشمي وبالحرب حار
والقادات من شافو كلهم سووا فرار

نزل والكوم بجاها وتطير الروس خلاها كلبها وضاع منواها
************
كلها بصوب والعباس من طب كربله بصوب
شد الحيل والوهواس ضل ياكل بالكلوب
شاطي الماي لعباس كالو ديه مطلوب
كلها اتصيح بينه اشلون سد اعلينه الدروب

عليهم كام يتبختر سحكها الخيل والعسكر صبغها الكاع لون احمر
****************
للميدان كام ايروح ويرد للصواوين
وبالعباس حكه اليوم كام ايزامط حسين
لمن صال مو بالسيف ضل يذبح باليدين
امن العباس هذا الجيش تيه يشرد امنين

تره العباس لو غيم يخلي الكاع تشرب دم عليهم كام يتقدم
******************
عالرايات كشخت حيل راية صاحب الجود
نهر الموت من طب ليه طمه بروس الجنود
الغيره اتفور والعباس لازم ذيج الحدود
وين اتروح والوفاي طب امشرع الزنود

يوازي الغيم من يزعل تضل الخيل ما تندل يضل الموت يتوسل
****************
صار ازماط والعباس وسط المعركه ايصول
شد عالكوم واله اليوم اخذ كربله ايكول
ذل الجيش والشجعان رجفت والحجي ايطول
والعباس مو بس هاي شرد حته الخيول

حصدها وراد يمحيها الزلم والخيل يفنيها علي وبالسيف طب ليها
*****************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يا هله براعي المراجل يا هله بزوده
اليوم جاسم جيش اميه طشر اجنوده
*******************
صاحت الفرسان ما نكدر نحارب
بعزمه جاسم طشر اصفوف الكتايب
شوفاها بكربله اليوم العجايب
شهر سيفه وصار دمهم للرجايب

وصاحت القادات لحد يكرب احدوده
اليوم جاسم جيش اميه طشر اجنوده
***************
نزل والعباس كام ايكله حياك
بالحرب نلعب لعب من انزل وياك
انته طب للميمنه وانه اوكف اهناك
راح اكلك لو عزت منهم زلم هاك

الليله راح انسوي ليلتهم صدك سوده
اليوم جاسم جيش اميه طشر اجنوده
**************
اليوم كلهم قرو عالدنيه السلامه
اتكول صار بكربله يوم القيامه
صاح فنه اليوصل احدود الامامه
ما اذل وحسين علمني الكرامه

ردهم وحرز الحسن مشدود بزنوده
اليوم جاسم جيش اميه طشر اجنوده
****************
هذا فارس ال هاشم والطليعه
اسوايت العباس سوه اعله الشريعه
حالف ايموت وضميره ما يبيعه
وعالعساجر ضاكت اليوم الوسيعه

عالحرايب لو حمل حملاته مشهوده
اليوم جاسم جيش اميه طشر اجنوده
****************
لابس اثياب العرس واهوايه فرحان
اوجوهم بالحومه ضلت تنطي الوان
غوجه اشبه بالسفينه ودمها طوفان
اهنانه جيش بكربله كالو كبل جان

بيده شك حلك الحرب مثل الحسن عوده
اليوم جاسم جيش اميه طشر اجنوده
************
امن ارتجز بيها وطلب فارس يلاكيه
واحد ايذبها اعله واحد انته طب ليه
كلها صاحت هيجي ابد ما نكدر اعليه
نفر منه وبالنبال احسن نراميه

بذل لحسين السبط هالشاب مجهوده
اليوم جاسم جيش اميه طشر اجنوده
*******************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

رايح للماي الله وياك الله وياك
يالعشت وياي الله وياك الله وياك
تنتظرك يتامه // ترجع بالسلامه
***************
ودعتني وجدمي بالكوه نكلته
ومن رحت للماي كلبي وياك اخذته
انه ما ميته عطش بس الك ميته
يابو فاضل ياهو مثلك دلل اخته

عيني اعله الجود يا عباس يا عباس
جا يمته اتعود يا عباس يا عباس
ليلي اشلون انامه// ترجع بالسلامه
***************
بالخيم ضلت يبو جفوف الحنينه
كلها تصرخ عمه وينه الماي وينه
اتأخر العباس جا يمته يجينه
راح صوب المشرعه وطول علينه

اتنوح الاطفال بالخيمه بالخيمه
وتشوف الحال بالخيمه بالخيمه
كتلتني الملامه ترجع بالسلامه
*********
يا جفيلي وحامي خدري عود اليه
لحضه ما احمل غيابك تدري بيه
عنك اشكد بالخيم نشدت رقيه
اتكول ليش اتأخر وما مر عليه

كلتلها بعيد محبوبج محبوبج
لا وين ايريد محبوبج محبوبج
وعالشاطي العلامه ترجع بالسلامه
**************
انته خويه الكربله بيدك جبتني
وين اروحن يابو فاضل لو عفتني
تذكر امن الناكه لمن نزلتني
كتلي ما عوفج يخويه وطمنتني

خل امشي وياك تانيني تانيني
يصعب فركاك تانيني تانيني
يا راعي الشهامه ترجع بالسلامه
********
لا اكلك روح لا اكدر اعوفك
خاف تمشي وتنكطع خويه جفوفك
للشريعه اتروح متلهف اشوفك
انته جرحي ولو عفتني اشلون اروفك

لو ردت اتروح بالرايه بالرايه
تاخذ جم روح بالرايه بالرايه
وما تبقه ابتسامه ترجع بالسلامه
*************
فاركتني وحيرتي حيره جبيره
وناظري الصوب النهر كل ساع اديره
راح اصيرن لو رحت عكبك اسيره
وخويه يحدي بناكتي الما عنده غيره

والناس اتصيح زينب هاي زينب هاي
تركض وطيح زينب هاي زينب هاي
ضل كلبي بمرامه ترجع بالسلامه
***************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

انصارك احنه وجينه ليك انعاهد
قائدنه انته وماكو غيرك قائد
***************
يا والي نعمتنه وصاحب ارادتنه
يحسين لو ما ثورتك ضاعت كرامتنه

تدرينه وفايه منطينك احجايه
والغير جفك ما حلت يا سيدي الرايه

ويه المنيه اشجم شخص متواعد
قائدنه انته وماكو غيرك قائد
***********
كل واحد اتريده يكتب اناشيده
واليوصل احدود الخيم صحنه نكص ايده

نقسملك بدمنه بس حبك ايلمنه
ويحسين نرفض كل ظلم منك تعلمنه

ودم النحور اعله المشانق شاهد
قائدنه انته وماكو غيرك قائد
************

كلمن هتف نحره ومنك اخذ عبره
بهاي الرجال الواعيه ما تسقط الثوره

الروح الولائيه غذتنه حريه
للمذهب ولجل الشرف احنه فدائيه

وبس الشجاع بهل المواقف صامد
قائدنه انته وماكو غيرك قائد
**************
كل صعبه نسحكها والدنيه نحركها
صرنه المنايه بنهظتك يحسين نعشكها

هدينه عالحومه وكلمن تره ويومه
مالوم عابس بالحرب لو شكك اهدومه

مجنون بيك ويوفي بالحب رايد
قائدنه انته وماكو غيرك قائد
***************

فاض العشك بينه انحبك يبو اسكينه
مولاي عن دربك ابد لا ما تخلينه

تنوره بفكارك وكل عاشك اختارك
للموت يابن فاطمه متعوفك انصارك

لجل المبادء والعقيده انجاهد
قائدنه انته وماكو غيرك قائد
**********
صاحت ظمايرنه يا سيدي أمرنه
لجلك يروح العاطفه انضحي بمناحرنه

علمنه ابو فاضل ما نرضه بالباطل
اكبر شرف يا سيدي بصفوفك انقاتل

وشما يعاندنه الزمان انعاند
قائدنه انته وماكو غيرك قائد
**************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

يهل الشيم حياكم حياكم
شيخ الزلم وياكم وياكم
كلكم وفايه شلتوها الرايه
*********
جم صاحب بهذا الزمن عاشر صديقه وخانه
وحسين مابيهم دغش يا ناس ابد صحبانه
جون وحبيب الاسدي عنده بمعزت اخوانه
والصاحب الصاحب صدك من يبدله بعانه

اخذ العبر من ذوله من ذوله
انبيعك جذب كلوله كلوله
صحبتكم هايه شلتوها الرايه
*************
صحبة كبل ما تنوصف صحبه وصدك مملوحه
وبس الوفي بهذا الوكت يفدي صديقه بروحه
للخوه ابن ظاهر هتف خلونه نرسم لوحه
والخاين العشره تره ما تشفه دوم اجروحه

غزر ملح ماعونه ماعونه
وحسين ابد منخونه منخونه
لا مو عن غايه شلتوها الرايه
**************
هاي الزلم كد الحجي وكت الحرب ما تنقاس
بحسين ما ينطون ابد حلفو براس العباس
طبع الوفي وشايل شرف بالنايبه رفعة راس
عز الله بس عابس صحت يتسمه صاحب يا ناس

غيرة علي غيرتكم غيرتكم
ما تنوصف وكفتكم وكفتكم
واحدكم ايه شلتوها الرايه
************
هليله حكها كربله تتفاخر بجيتكم
وزينب يفرسان الحرب فرحة لمن شافتكم
ضحيتو بالغالي اله وما بعتو ابد شيمتكم
وبجف حبيب الاسد كامت ترف رايتكم

يم زينب اتعنيتو اتعنيتو
بقائدكم اتباهيتو اتباهيتو
منطينه احجايه شلتوها الرايه
***************
للموت يابن فاطمه منعوف دربك صحتو
ووياك يا سبط النبي اشمحله الشهاده كلتو
لجل العقيده الساميه بدماكم اتبرعتو
ويه الحسين بكربله موقف شرف سجلتو

بهمه الحرب خضتوها خضتوها
وراية علي صنتوها صنتوها
ابوسط الرمايه شلتوها الرايه
********
بايعتو ابن خير الورة ووجوهكم مبتشره
وبرواحكم يهل الوفه ضحيتو لبن الزهره
انصار والموقف شهد وسيوفكم منتضره
والعاشك حسين بصدك من عشكه ما يتبره

كلمة شرف كلتوها كلتوها
وخيامه ما عفتوها عفتوها
للحك تجايه شلتوها الرايه
*******
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

طوعه بس صيحي وراي يا علي يهتز لواي
كامت اتهلهل سماي
********
كومي ذكريني يطوعه بعلي حماي الحمه
وانه اخلي الكوفه رايح تغرك بفيض الدمه
كلها تحتار بقتالي من اطب للمحلمه
وداعت عيونج يطوعه جيشهم اله اعدمه

يلله خليهم يجيون لو اجو يتندمون
بالحرب ماكو سواي
**************
راح اخلي الدنيه تفحط من اشيلن رايتي
علي قالع باب خيبر وانه قالع كوفتي
انه ملك الموت سيفي وغيرة الله بكصتي
وعلي ما لام اله نفسه العرض روحه بسجتي

انتي طوعه ما عليج رايح اكظيهم وجيج
انه دوم اعلومي هاي
************
اشبه الكرار عمي عالكتايب من اغير
راح اخط عالرايه بيدي يالثارات السفير
انه تعرفني الملاحم بالحرب مالي نضير
والله جيش الكوفه كله اليوم اجيبنه اسير

صيحي حي اعله الفلاح وانه بيدي اكلبها راح
قائد ويرهب نداي
**************
انه من شدت قتالي بصولتي الجيش انجرف
مستعد دمي ابيعه وما ابيعنه الشرف
اشرت بيدي عليهم والهوه كله وكف
طشرت جيش الاعادي وكمت اذب صف اعله صف

اشما يعدون الصفوف كمت اطشرها الالوف
انتي بس صيري بكفاي
************
حاوليت اسحكها كلها وعدت بالجيش النضر
كلت جا لو خلصتهم بعد شيضل للكمر
يزعل العباس مني لو نقص منهم نفر
لازم العباس ياخذ حصه منهم عالنهر

نص كضيته ويدري بي ضلو الباقي علي
والكمر بالرايه جاي
************
همه ذوله اشويه صارو وانه يا طوعه اشكتر
هيه جم لحضه يطوعه وراح اجيبنه النصر
انه لا مو بس زلمهم راح اذل حته القصر
ثار عالطغيان دمي ورايح اتخلد عمر

اكتب التاريخ اريد والله ما بايع يزيد
بكل عزم للكوفه جاي
*************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

هنيالج يطوعه والف هنيالج
مسلم شافج وضيفيني كلالج
يم دارج خطارج وانتي العفه بسرارج
************
كلشي ينسي بساع بس الموقف ايدوم
يالتسوين الالاف مسلم ضيفج اليوم
ناس الخانته عود كلها اتصلي وتصوم
مسلم يتجه وين ودرب الكوفه ملزوم

الله بكل مسيه اشجنتي تدعينه
حته ايرزقج بمسلم تضيفينه
واختارج بصرارج وانتي العفه بسرارج
*************
بالكوفه الحجي ذاك يهل الغيره وينه
ضل مبعوث الحسين حاير بالمدينه
والجانو يكتبون بس اقدم علينه
نكرو بيعته وحيف باعو حته دينه

جبتي الماي بيدج ردتي تنطينه
والماي بثواب حسين تنوينه
بكتارج اتشب نارج وانتي العفه بسرارج
****************
يا طوعه ونعم بيج كل عمرج اصيله
بحقج كلمة التاج اشوفنها قليله
مسلم رايد اليوم يمج يكظي ليله
الله بهاي الاقدار ضمج للثكيله

بهل الكوفه لوريدن اقيسنج
بس انتي وعلي امن الكوفه اطلعنج
افكارج وانوارج وانتي العفه بسرارج
*****************
انتي طوعه والناس كلها اتحيرت بيج
لو بيدي تصح هاي ام الكوفه اسميج
لبستي السمه احجاب وما واحد يضاهيج
ما بعتي القيم ذيج مسلم يشهد اعليج

حته الدار ضلت تزهي بنواره
هنياله اليصلي مسلم بداره
من زارج بديارج وانتي العفه بسرارج
**************
باجر بيدج انتي سيفه ودرعه تنطيه
وبعمه علي راح يا طوعه تذكريه
ابابج مسلم اليوم حاير لا تخليه
الله ايضيفج اهناك باجر من تضيفيه

درعه ولامته والرايه حضريها
باجر مسلم الكوفه يصفيها
واشعارج بنظارج وانتي العفه بسرارج
**************
مسلم رمز الاحرار صار وصيته معروف
وين اهل الظلم ذيج خلي العالم ايشوف
من قصر الاماره يكتب ضل الحروف
راح بكبره الالاف مسلم باجر اطوف

مسلم شامخ وما تنحجب شمسه
حته اشكد عذب يمه الهوه اتحسه
بجوارج تذكارج وانتي العفه بسرارج
****************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

ما عفناك ما عفناك
شايل حبيب الرايه ساعتنه كلهم هايه
كلنه وياك كلنه وياك
**************
عالناكه ابن ظاهر صعد شيخ ولبس خاجيته
صاحب مضايف والعرب كلها تحول ابيته
الانصار كلهم هوسو من هوس بعوجيته
من فدوه اروح الشيبته هالشيخ شايع صيته

يا عم صاح يا عم صاح
عندك زلم وفايه ساعتنه كلهم هايه
كلنه وياك كلنه وياك
**************
للواحد وتسعين انه عمري وصل تدروني
خلوني اعبر يا خلك عن هالعشك خلوني
بعصابه اشدن حاجبي من ينزل اعله اجفوني
بس هسه من اطلع كمت بحسين اشد عيوني

هالمعشوك هالمعشوك
يا ناس احبه اهوايه ساعتنه كلهم هايه
كلنه وياك كلنه وياك
**************
يحسين عاشك والعشك يذبح صدك عشاكه
ملكه الطفل لمه ردت وي السهام اتلاكه
حديت سيفي والكلب تلهب عليك اشواكه
وكبال خيمة بت علي كلتلها ابركي الناكه

يم ام عون يم ام عون
هليله ذب الصايه ساعتنه كلهم هايه
كلنه وياك كلنه وياك
***********************
عابس طلع من خيمته وبسرعه خف اجدامه
كلهم طلع شيخ الزلم كلمن يشد احزامه
من سمعو الحيهم اجو وتراكضو جدامه
شافو حبيب الاسدي طالع ابلايه اعمامه

صاح الشيخ صاح الشيخ
منطينك احنه احجايه ساعتنه كلهم هايه
كلنه وياك كلنه وياك
*****************
كلها بخيمها اتسلحت وحسين دمعة عينه
كلاله عم اشطلعك ارجع بروح اسكينه
صاحب كلافه وموقفك لا والله ما ناسينه
حكك تخاف اعله الخيم غير انته منه وبينه

يا حياك يا حياك
جنك ملاك وايه ساعتنه كلهم هايه
كلنه وياك كلنه وياك
*******************
انصارك وكل العزم بيهم يبن حامي الجار
ما راح ابد عن نصرتك تتخله هاي الانصار
اختارينه دربك سيدي وغيرك بعد ما نختار
باجر نخوض الملحمه ونهزم جيوش الاشرار

عاهدناك عاهدناك
انته الهدف والغايه ساعتنه كلهم هايه
كلنه وياك كلنه وياك
***************
تمت
تحسين الخفاجي


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


بويه لا تمشي وتخليني وحيده
اجل اشويه السفر ورحم حميده
بحالي جنك ما دريت اكبر اشكد لو مشيت
******************
اتوادعينه ونتهينه والثواني اتمر علينه
اشكد حجينه اشكد بجينه الفركه جانت مو بدينه
انته كل ما عني تبعد تنعصر روحي الحزينه
ضيعتني وذكره ذكره بالمدامع سولفينه

بويه حته عيوني ذبلت من عفتني
اشلون كلي انطاك كلبك فاركتني
بفركتك ما حسبيت اكبر اشكد لو مشيت
*****************
يالعفتني بدار غربه هذا جرحي وشيبي منك
هيج افزن من منامي والكه راسي ابين حظنك
بله كلبي بيش اسكته كل وكت ينشدني عنك
كلي ترجع حته اتاني لو نسيت العشره جنك

الطفله تفرح لو لكت والدها موجود
وانه ادري بوالدي ما رايح ايعود
كلمه وحده ما حجيت اكبر اشكد لو مشيت
*****************
بويه وينك يالعفتني اهواي محتاجه الحنانك
بخدي ضلت بس دمعتي وانته ضل خالي مكانك
من وداعك كلبي خايف باجر ايغدرك زمانك
افرح اشكد من تكلي بويه وشمحله بلسانك


بويه كل ابنيه والدها حظنها
بس حميده ابلا ابوه وتبجي ابحزنها
بحسرت الوالد بكيت اكبر اشكد لو مشيت
*******************
عمي يمسح فوك راسي قبلاني وتجري عينه
حن دليلي وعذباني وكتله مسلم عمي وينه
كلي اصبري ياليتيمه الغالي سافر ما يجينه
ضمي دمعج للنوايب وكلبي كافي اتكطعينه

ما يرد مسلم بعد لازم تصبرين
وهالمصيبه اشكد خذت من حيل الحسين
والله حيره اتحيريت اكبر اشكد لو مشيت
**************
راحه البال افكدتها وهيه وين الراحه كلي
انه طفله ولو عفتني بويه يذبل حته شكلي
وكت الغروب اندعيلك والزم السبحه واصلي
كل وكتها تنوح ابوها بويه ماكو ابنيه مثلي

رحت عني وراحت وياك المحنه
جنه ملمومين وطشر شملنه
عكبك الموت اشتهيت اكبر اشكد لو مشيت
************
اليل غربه وانه وحدي ايحس دمعتي ماكو واحد
يا حزنها ويا هظمها التبقه بويه بلايه والد
اتباعدينه وما نسينه ومو حلو بويه التباعد
يالنسيمك من يمرني اشما اشمه اهوايه بارد

ودعتني وتاكل بكلبي الحرامات
وشلت عيني وبعد ما بيها دمعات
اهوايه تدري تعذبيت اكبر اشكد لو مشيت
***************
تمت
تحسين الخفاجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ودعوني الاحبهم ودعوني
عذبوني بهجرهم عذبوني
شو خذو كلبي ومشو ليش هيج اتأخرو
************
اكعد وبالباب اون راح اموت امن الحزن غير كون انسه يكلبي خاطر ارتاح
ظلمه صارت دنيتي امن اجيبن راحتي فاركوني والدمع مثل المطر طاح
تعب عيوني السهر ليش فركنه الدهر اعليه احس فجر الحزن من سافرو لاح
امن الحبايب ايست وللعذاب اتحزمت هسه ياروحي اعرفت ما يرجع الراح

فاركوني الاودهم فاركوني
ما يجوني اعرفتهم ما يجوني
خاف يا كلبي نسو ليش هيج اتأخرو
**************
خلصت عمري بجي بعد شيفيد الحجي والجفوني ليش بجروحي يعيلون
اهواي يا روحي اتعبت امن المصايب شيبت راحو وضلت صورهم بين العيون
عندي ما ضل كل امل فاركت كل الاهل اتردلي عافيتي بنيني لو يرجعون
تربي عيني اعله الدرب والهجر كلش صعب ابد ما جان اعله بالي عني يمشون

حيروني الحبايب حيروني
اتعذروني يكلبي اتعذروني
كلمه وحده ما حجو ليش هيج اتأخرو
****************





انه ربيت الولد وللطفوف احسب وعد انه ادري الاربعه يوفوني بالدين
بولدي ما مهتمه ابد وكلبي عنهم ما نشد انه شاغل بالي ضل اوليدي الحسين
هوه روحي وسلوتي وهوه مالك دنيتي وهوه اعز امن النفس محبوبي والعين
ضلت دموعي تهل بعد شيلم الشمل اجفوفي تعبت من كثر دك الحياطين

شيبوني بجفاهم شيبوني
شو نسوني اظنهم شو نسوني
للمنيه اتحزمو ليش هيج اتأخرو
**************
كمت اشم كوه الهوه كلبي جم مره انجوه صحت بسك يازمن حن اعله حالي
شكتب الهم حايره والرسايل تنقره الغالي حته لو مشه ايضل دومه غالي
يمته نتلاكه بعد خاف ملكاكم برد الفركه طالت وانه بس احسب ليالي
حسين بوداعه متت والمجانه باوعت اتخيليت ايكلي يايمه تعالي

عاكَبوني بمشيهم عاكَبوني
وتعبوني بهجرهم تعبوني
وبعذابي ما درو ليش هيج اتأخرو
**************









بزينب اوصيكم صحت وما تخيبوني اعرفت هاي كلش غاليه وغالي خدرها
كوم يا راعي العلم واحلف بذيج الخيم ما تفارك زينب وتكسر ضهرها
ثني رجلك يالولي وخلها تصعد بت علي كَود ناكة زينب وامسح اثرها
تدري بيها امدلله يا جفيل العايله صير شمعة ليلها وعزها وذخرها

طمنوني اعله زينب طمنوني
وفرحوني بختكم فرحوني
الكربله ولدي اعتنو ليش هيج اتأخرو
***********
عرضت اكبالي الصور وخطفت اشباح القدر كلها باجر تسبح بدم المنيه
تنذبح راح الولد وليه ابن حذلم يرد ايكلي ويلادج كضو بالغاضريه
ايطيح من جتفي الفضل وتبكه دمعاتي تهل اشلون بيها ام البنين بهل الرزيه
بولدي لتسولف صحت تدري بيه اتكطعت يا بشر سولفلي عن ابن الزجيه
صوبوني بمصابه صوبوني
لوعوني بغيابه لوعوني
وصله من جبدي اشلعو ليش هيج اتأخرو
************
تمت
تحسين الخفاجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


ضلت تشب وسط الحشى نار ام البنين
حنه بدو وكله البدو تتباها بحسين
ما تركنه افعالنا حنه سود ادلالنا
************
ليه فاركَت الكَبيله وخيبت امالنا
مالنا وماله المنايا والمنايا مالنا
فركتك بالعون صعبه وما طيب جرحنا
منهو يستكبل مجانك من يعاود ضيفنا

يامن حزمت امتاعك وناوي عله ارحيل
ما كان ابد في بالنا يا شيخنا تشيل
فاركيت اديارنا وحنه سود ادلالنا
********
كَلبي من بعده الحبايب لا تضن جرحه يطيب
حنه في دنيانه هاذي مالنا كَسمه ونصيب
اشركَت بالدار شمسك ليه عن دارك تغيب
تدري غيرك يشهد الله ما كَصدنا يالحبيب

ياعزوة المجدي يبو اجفوف الصخيه
وام البنين اطباعها كلها ابدويه
يا رجانا وفخرنا حنه سود ادلالنا
****************



بدمعتي عباس كتله لا تعاود يولدي
والله لو يحصل بيدي بروحي لحسين افتدي
لا تخلي اوحيد خيك وانته فاهم مكَصدي
بكربله نول المعالي يا ضناي وساعدي

يابه الفضل مافي احد مثلك من الناس
بالك تفاركَ بالضعن خيتك يعباس
تبكَه زينب عزنا وحنه سود ادلالنا
************
افرسك عباس طلعو ونوكَ اخيتك شدها زين
ولا تدير اضهرك عنها وبالدرب لا تغفه عين
انته يا عباس ذخري وانته ولد ام البنين
ضحي بجفوفك وعينك لجل مولاك الحسين

حادي الركايب طوح وضل يحدي بالنوكَ
كَلبي عليهم خايف وذابحني الشوكَ
لله ما شفته الهنا وحنه سود ادلالنا
***********************







ارحلو بالنوك وبكت ظلمه كل ابيوتنا
من بعد ذيج النشامه يعلم الله بحالنا
كثرت الاحزان فينه وما كتمنه دموعنا
وسارت بعيده القوافل ليه عن عيوننا

بربع بنيني اتبرعت لبنه الغيارى
وتأملت فجره المنى يطلع نهارى
ليه تهدم سرحنا حنه سود ادلالنا
**********
تمت
تحسين الخفاجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA

#قصائد_محرم

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ


بعيدين بعيدين كتبت اعله الحياطين
خذو روحي وعطرهم ضل عله الباب
كمت بالكوه انام ونومي جذاب
******************
راحو وجنت ادري عنهم جيه ما بيهم
سومرت حته ضحكتي وين الاكيهم
بيه شمسوي هجرهم كون اراويهم
حته بحلامي يجوني كمت اتانيهم

نياشين نياشين بكلبي وتهمل العين
ما حسبالي هيج ايطول الغياب
كمت بالكوه انام ونومي جذاب
***************
نزلت دموعي وراهم والفكر سارح
انه خاف اعتب عليهم والعتب جارح
مدري بيمن يا زماني وجهي متصابح
حسين شو عافاني وحدي وللذبح رايح

وره حسين وره حسين متت ياروحي مرتين
مره بشمته ومره اعله الاحباب
كمت بالكوه انام ونومي جذاب
************





راحت العشره الطويله وذيج لمتنه
وبحياطين التذاكر بقت صورتنه
بس اليعرف البواجي يقره دمعتنه
ضعنه والايام خطفت حته ضحكتنه

يمجفين يمجفين نهاية هالسفر وين
انه ام البنين ودمعي سجاب
كمت بالكوه انام ونومي جذاب
*******************
حملو وبليل شالو وانه عافوني
يمكن اجهد نفسي واتعب ما يريدوني
راحو وتربي بدربهم ضلت عيوني
صحت يهل الغيره ارجعو لا تخلوني

مبعدين مبعدين وهجرهم جن سجاجين
بلهفه اركض لون طاريهم انجاب
كمت بالكوه انام ونومي جذاب
**************









انتظر رجعت بنيني والكلب حاير
ولدي خلوني عكبهم اكسر الخاطر
الغالي ما تعرف معزته لمن ايسافر
للولد مشتاكه روحي وضلت اتناطر

يالعيون يالعيون خافن ما يردون
داويت الجرح جم مره ما طاب
كمت بالكوه انام ونومي جذاب
***************
انه امهم والمصايب باكت اسنيني
انتظرهم لحضه لحضه ودمعتي بعيني
ودعوني وللمنيه راحو ابنيني
انه بس النوك تعرف نبرت اونيني

باليدين باليدين صفك وزاد الونين
كل ساع انلجم وتصوب اصواب
كمت بالكوه انام ونومي جذاب
**********
تمت
تحسين الخفاجي

▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar55

(كروب مؤسسة منبريون)

#كروب الالحان👇👇👇👇👇
https://tttttt.me/joinchat/Dw92Dj9pmspR5uHfACGjlA